كلامكم القرف ده

في باحة السوق الكل مشغول كخلية النحل مشتري وبائع ايقاع سريع اخر يبحث عن مواصلات الثوره في كل مدن السودان يوجد حي يبدأ بالثوره ان كانت مايو … اكتوبر … ابريل … وهذه الثوراة باطرافها حي الانقاذ .
وصوت الاغاني يجلجل في الفضاء … كل بتاع محل عامل ليهو استريو…. يظهر فجأة دخان كثيف وسط السوق تري الحيره علي وجوه الناس ويترنحون من هول المفاجأة .... وتري الناس سكاري وما هم بسكاري ....
يا جماعه (( حريقه ولا شنو)) لااااااااااااا حول الله.
ثم يظهر شيطان كبير وسط الدخان .
وتصطف الناس ……… بسم الله الرحمن الرحيم ده شنو ده …. اعوذ بالله من الشيطان الرجيم …
يبدأ الشيطان مخاطبا الجمع الغفير.. يا جماعه ما تخافو مني كان جيتو للحق انا المفروض اخاف منكم لقد انتدبت من ملك الشواطين بأن اوجه رساله لكم بأننا معشر الشواطين سوف نأخذ بزمام الامور لحكم هذه الدولة تقولو انقلاب غذو أي حاجة المهم حا نقلبها فوق الي تحت ونستلم السلطه بها وسوف يكون استلامنا لها ابيض بدون اراقة دماء مالم يكون هنالك مقاومه.
صرخ احد الموالين للحكم…. يعني عايزننا نستسلم عشان بعد تستلمو السلطه تعدمونا ؟؟
اجابه الشيطان….. والشرر يتطاير من عينه وهو غضبان …
ده كلام شنو يا زول انت ما عاقل احنا شواطين متحضرين اولاد ناس اخلاقنا عاليه الخلانا نجي هنا ونستلم السلطه عشان كلامكم القرف ده وقفتوا اشغالنا اصابنا الركود ما قادرين نعمل فتنه زاحمتونا في اشغالنا كل واحد خاتي في اضانو جوال شي سوداني واخر زين وثالث أم تي إن شغالين نميمة وكذب منكم ولحالكم ومواضيع البلد المهمه ما شغالين بيها احوال الناس وقفت .
قلنا نوسوس لقينا عندكم مليون قناة تلفزيون السودان - الشروق - النيل الازرق - الخرطوم ...الخ كلهم في نهج واحد الضلال والكذب الحيرنا احنا ذاتنا.
اخوانا الصغار القاعدين معاكم احنا مشغلنهم في اجهزة الامن بتاعت دولة الشيطان الكبري التقارير وقفت بقت ما بتصلنا تحرينا الامر اتضح ان جميع رجالات الامن الشواطين إنتسبو لنظام الحكم عندكم في خيانة عظما لدولتنا !!!!!!!!!
احنا جايين عشان نعدل ليكم الاوضاع … نوفر الماكل – الملبس … السجاير …
ظهر الهتيفه : سير سير يا شيطان …. الكل معاك يا شيطان …
كما سوف نوفر لكم الكهرباء وخدمات الاتصالات مجاننا..
نور نور يا سلطان لا للسلطة ولا للجاه….
سوف نقيم لكم حفلات مجانيه لايمان لندن وندي القلعه وزبيده الانقاذ
رقيص رقيص يا شيطان للطيش للطيش يا شيطان
سوف نوفر لكم الشراب بي بانواعه انهار تجري من البن – عسل - بيره شامبيون مريسه معلبه اي حاجه…
مريسه مريسه يا شيطان تاني ما بنكوسا
لاح في الافق دخان كثيف مره اخري التفت الجمع ظهرت جنيه شعرها طويل حلوه ثم صرخ الجمع............ لا حولااااااااااااااااااااااااااااااااا دي شنو دي
صاحت الجنيه في الشيطان لن ندعكم تحتلون هذا البلد سوف نقف لكم بالمرصاد ونحاربكم بشتي الوسائل انا مرسله من ملك الجن لهذا البلد التعبان اهله .....
صاح بعض من الجمع ..... مرحب مرحب بالجنيه احنا وراك يا جنيه... يسقط يسقط الشيطان
ثم هتف البعض الاخر... خلي بالك يا شيطان ... الجنيه في الميدان
التفت الشيطان الي الجنيه والشرر يتطاير من عينيه اسمعي يا حلوه دي بلد عجيبه ...الناس لا تستطيعي ان تفرزي بين العاقل والمجنون والفتنه اشد من القتل هؤلاء القوم يسعون الي الفتنه بيننا حتي يشعللو حرب لا قبل لنا بها وتتفرع من حركات مسلحه وندخل في دوامه عييييييييييييييييييك ما نلقي البحلنا بعد اشبكونا ما تصدقي الهتافات أنا قالوها لي أول ما ظهرت !!!!!!!!!!!
الجنيه... حاجه غريبه شعب كل حكومه ...
الشيطان... رايك شنو بلا مملكة جن بلا دولة الشيطان الكبري رايك شنو نطلع من اللعبه الغذره دي نعمل اتفاق سلام بدون مفاوضات ونتزوج خلي الناس ديل في قرفم ده..... والدولتين في ستين بلا دولة شيطان كبري بلا مملكة الجن ندخل في نص الجوقة البتهتف ونتحكر في مجلسها الوطني لنعوس مع العائسين ونتكسب ونسترزق....
الجنيه ... تحني راسها علامة الخجل والموافقه.....
الشيطان ... يتقدم نحو الجنيه ويحضنها
يدوي الصفيق في ساحة السوق....
عاش عاش البطل
عاش عاش البطل
عاش عاش البطل
الكل يصفق ويعم الدخان كل ارجاء السوق فرحا وتنطلق اصوات الغناء من استريو المحلات التجاريه بالسوق ممزوجا مع الدخاخين مع صوت المغني (( لاحولا الله ده جنسوا شنو ... و ساكن وين اسموا منوا .. كتمتوا نفسول الهواء وينوا ))....

لا حولاااااااااااااااااا عباس الدسيس يا مبدع ياخ والله العظيم قربت اصدق القصة دي واهتف مع الجماعة ديل يجازي محنك يا عباس ,,,
بس كان ناقص تجيب لينا الربع وتخلي الناس كلها تنطط وتتنقز والكل يكون سكاري وما هم بسكاري ,, غايتو يا عباس لو شفت الربع ده والله تقول الناس ديل صوفية وغرقاااانين غرق لامن مطفحين ... غايتو الله يصلح حال بلدنا يا عباس وما يحصل الكتبتو ده لانو اصب قاب قوسين او ادنى ...

تحياتي : ياسر العيلفون

والامضاء ده عشانك لووووووووووولزز

عباس الدسيس يا وناس
قاليك الشافع في المدرسة مشى للناظر قاليهو دا سب لي الدين
الناظر للشافع التاني الذي سب الدين : اسمك منو
اسمي عز الدين يا استاذ
الناظر : اهلك سموك عز الدين تقوم تسب الدين يا شويطين
.
.
مرور للتحية لكن الحكاية القصيرة الفوق جاتني فأجتن والله صحي

عبس يا ود الدسيس
ديل فاتوا الشيطان بمراحل عديدة
والشواطين دي ما نزلها الا الشديد القوي
قصة روعة والله .. لكن تعال هنا القصص دي وين بهناك؟

غياتو اصبر لي لغاية بعدين

up
ابداع

عباس يا دسيس..كيف صحتك والعيال.

نكتة قديمة بأن لايمكن إقناع أحد الكيزان إلا الشيطان..فوكلوا الشيطان للدخول إليه ليقنعه. بعد شوية طلع الشيطان يقول الله أكبر الله أكبر.هى لله هى لله.

تحياتى...

Quote: عباس الدسيس يا وناس قاليك الشافع في المدرسة مشى للناظر قاليهو دا سب لي الدين الناظر للشافع التاني الذي سب الدين : اسمك منو اسمي عز الدين يا استاذ الناظر : اهلك سموك عز الدين تقوم تسب الدين يا شويطين . . مرور للتحية لكن الحكاية القصيرة الفوق جاتني فأجتن والله صحي

ود البوش يا زعيم سلام
اقول ليك واحده قريبه منها بس بالك ما امشي بعيد وتتفاجأ بي النهاية المحزنة
ولد ضغير امو ركبتو مع سواق تكسي ......أو قول ((امجاد - رقشة)) التكسي خلاس انتهي في زمن القحط والجفاف..... عشان اوصلوهو لي محل
قالت للسواق الود ده ما تتكلم معاهو عشان قليل ادب السواق قال ليها طيب وهو ماشي في الطريق بدأ الولد يتكلم يا ريت لو ابوي عصفور وأمي عصفوره عشان اجيبو لينا عصفور صغير .. السواق ساكت ....
تاني قال يا ريت ابوي غزال وامي غزاله عشان اجيبو لينا غزال صغير .... السواق ساكت ....
استمر الولد علي هذ الحال انزعج صاحبنا السواق وذهج قال للولد لو امك وابوك الاثنين و س خ ين اجيبو شنووووووو ؟؟؟
قال ليهو اجيبو سواق.
شوفتا البراءة دي كيف يا سلاااام يا ود البوش وأهو راكبين مع الجماعه التاكسي ليحن الوصول

Quote: لا حولاااااااااااااااااا عباس الدسيس يا مبدع ياخ والله العظيم قربت اصدق القصة دي واهتف مع الجماعة ديل يجازي محنك يا عباس ,,,

ياسر يا صديق
تسأل الواحد وين ماشي ؟؟؟؟
اقول ليك قريب وجاي
الاغرب إننا نقتنع بالجواب....
مالك عايزيني اصدق انو مبدع واقوم اطلع فيها واعمل الود عشرة بقرش
ولد صغير دخل على أبوه لقاهو بيتفرج على عارضات أزياء بمايوهات علي البحر الاب اتحرج واتجهجه عشان اغطي الموضوع وبطريقة ابداعيه .
قال للولد شايف يا ولدي النسوان ديل فقرا كيف مساكين ما لاقيين حاجة البسوها غير القطعه دي
الولد طلع تفتيحه وفيهو كمية ابداع
قال لابوهو ولا اهمك يا حاج بالله لما تلقي قناة فيها نسوان افقر من ديل قول لي تعال كويس يا حاج.
الابداع افوتك انت وين يا حبيبنا زول ظريف وفنان .... طلب خاص ياسر حكاية زهجته من الغربه انساها ...................... لوووووووووووووووووووووووول

Quote: قصة روعة والله .. لكن تعال هنا القصص دي وين بهناك؟ غياتو اصبر لي لغاية بعدين

ود البشاري يا وجيه اخبارك يا باش
هناك خايفين من صاحبك البنوم بالنهار وبصحي بالليل بعاتي المفترعات ((طروقه)) ياخي الحكاية عايزة تنوير عديل
هنالك عزيزه علينا والله صحي
حيلنا مهدود في الشق التاني قريب الساعتين ثلاثة بناخذ هنا استجمام لفترة محدده انت ما ملاحظ المقالات اول شيء بنكبها بي هناك
طبعا ليها قصة نزل مقال في الراكوبه وحاولت انزلو عندنا الظاهر كان في مشكله في السيرفر اتاخر التنزيل بالله طوالي البعاتي رفع لي التلفون والكلام بالليل ......
أسمع يا ز ف ت انت تكاكي هنا وتبيض بره غايتو فكاني منو الكريم .
يا الاخو انت الشهر انتهي نست و ل شنو ؟؟

يا عبس يا صديقي

كتابة صادقة وفعلا ديل العن من ابليس

قاتلهم الله

لكن بلاد الوهابية ما شاء الله اعطت ذخيرة ولغة وممكن تكتب في الرواية او القصة

القول قول الكتاب امثال الشاعر والقاص بشري الفاضل وهو قريب ليك استعن به

سلام للاسرة القريبه وبعيدة

كيفك يادسيس ......(بالمناسبة انت من المناقل)؟
يحكي ان ابليس كان عامل خروج نهائي من السودان ، وفي مطار الخرطوم قابله احد الناس فساله ياخي مالك ؟ فرد ابليس قائلاً ياخي والله انتو ناس السودان دي تحيرو ، الواحد يعمل مع الكوز ويغري فيه اسرق ارتشي الهط .....وبعد ما ينفذ المطلوب منه يفتح ليهو مطعم او يشتري ليهو عربية يقوم يكتب ليك فيها هذا من فضل ربي .....
وبتد كدة يااسماعيل عباس تقولي :

Quote: نكتة قديمة بأن لايمكن إقناع أحد الكيزان إلا الشيطان..فوكلوا الشيطان للدخول إليه ليقنعه. بعد شوية طلع الشيطان يقول الله أكبر الله أكبر.هى لله هى لله. تحياتى...

Quote: up ابداع

حبيبنا محمد زكريا ارع مقامك وإعلي مراتبك
مع تقديري

Quote: عباس يا دسيس..كيف صحتك والعيال. نكتة قديمة بأن لايمكن إقناع أحد الكيزان إلا الشيطان..فوكلوا الشيطان للدخول إليه ليقنعه. بعد شوية طلع الشيطان يقول الله أكبر الله أكبر.هى لله هى لله. تحياتى...

العمده اسماعيل سلامات الحمد لله الاسرة بخير وأهو جاريين في مثلث الرعب مدرسة شغل مستوصفات ..... الله اديك العافية
طيب هاك دي:
دكتور سوداني و دكتور ياباني و دكتور أمريكي في مؤتمر عن زراعة الأعضاء
الأمريكي قال "احنا كان عندنا في أمريكا واحد ما بشوف جبنا كديسه ((قطة )) و ضبحناها شيلنا عنيها و زرعناهم لراجل"الجماعه قالو ليهو: "ياااه؟ و بيشوف كويس؟" قال ليهم "يااااااااه ده بشوف الورا الشمس حسي!"
الياباني قال "احنا كان عندنا واحد كبده تعبان جبنا كديسه ((قطة ))و ضبحناها و شلنا الكبده و زرعناها ليهو" قالو"يا سلام؟ و بشتغل كويس؟" قال ليهم "كيف ده كلامكم..ده بيهضم الحجر حسي"
السوداني قال " اهاااااااااا اما احنا كان عندنا واحد مخه بايظ رحنا شيلنا مخه و ختينا بداله مركوب ((حذاء))" قالوله " شنو؟؟ مش معقول! و لسة عايش؟" قال ليهم" ده وزير دفاع عندنا حسي.

Quote: يا عبس يا صديقي كتابة صادقة وفعلا ديل العن من ابليس قاتلهم الله لكن بلاد الوهابية ما شاء الله اعطت ذخيرة ولغة وممكن تكتب في الرواية او القصة

صبري الشريف يا صديق الزمن الجميل سلامات اخبارك والاسرة الكريمة
يا حبيبنا 12 سنة هنا اما الواحد اطلع مجنون او بتاع مخدرات لو خلاس اقل الاضرار التحق بخليه ارهابيه
صبري ياخ صاحبك بتاع الدواء اسلم عليك ولسع تصدق في الادويه بتاعتو لم يتغيير كما هو ((ع طيفور))
شهادة من زول ما ساهل في قامتك مع خالص تقديري