Post: #1
Title: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-04-2012, 08:02 AM
Parent: #0
نميل معه حيث يميل فإذا ناور يسارا رقد كل المدافعين و الجمهور يسارا و اذا عاد يمينا انبرش الاستاد تبعا له، يمرض بشة فيصبح مرضه و مصيره كعصاة موسى التي ستشق بحر المعاناة الاقتصادية و الفساد و السلبية و المعاناة في البلد، ي/ترمي احدهم/اهن حجرا في بركة الشذوذ أو المسكوت عنه في بحيرة البورد ، فيصبح فجأة كرنفالا لهم أو نادي ليلي. هل هي عادتنا في الركون الى المألوف و المتوفر مثل دأب اصحاب الاعمال التجارية في السوق و ومحاكاتهم لجديد افكار البزنس، أو هو الفقر الابداعي الذي يجعلنا نقتات و نجتر ، ام عدم موضوع مننا ساكت؟ التحية لكل من يبدع و يتفانى أو يعزف و يغرد خارج السرب و سمفونيته الرتيبة، الغريبة و على صعيد آخر بطريقة ذات صلة وثيقة، بدأت ظاهرة في الفيسبوك و هي وضع صورة لصغار الفنانين او الفنانات و المذيعات و اضافة تعليق مستفز ينسبونه اليهم دون مصدر و لا هدى و لا بطيخ! و في سويعات تجد الاستيتس مليئا بما ينوء به رقيب و عتيد من القذف و استباحة العرض و الخلقة و الاتهام في السلوك دون تبين أو سؤال عن مصدر الخبر الا ممن رحم ربي، و يجد هؤلاء العقلانيون و الأخلاقيون مهمتهم اصعب من مهمة كوفي عنان في دمشق و يتعرضون هم انفسهم للسب و التجريح و تغرق اعتراضاتهم في بحر التعليقات الغاضبة و المسيئة، مما يتركك فاغر الدهشة من مستوى الدرك الاخلاقي الذي سقطنا فيه و من استسهال اعراض و مشاعر الناس حتى و ان كانت شخصيات عامة! قريبا سأفقد كل استعداد للدهشة و هذه لعمري كارثة لا يعادلها الا اصرار البعض من الاخوة على تشجيع انديتنا المحلية..
|
Post: #2
Title: Re: ..أو حين يصبح جو المنبر كالجناح الفرفار!
Author: محمد البشرى الخضر
Date: 12-04-2012, 09:42 AM
Parent: #1
Quote: الغريبة و على صعيد آخر بطريقة ذات صلة وثيقة، بدأت ظاهرة في الفيسبوك و هي وضع صورة لصغار الفنانين او الفنانات و المذيعات و اضافة تعليق مستفز ينسبونه اليهم |
ازيك يا ابو السعود و الظاهرة دي ليست حكرا على الفيس بووك بل البورد هنا و عموم الأسافير بل وحتى في الحياة الواقعية نفسها كسودانيين عندنا استعداد فطري لتصديق الاشاعات كمرحلة أولى ثم تبنيها و الزيادة عليها و ترويجها لاحقا وكل ما كانت الإشاعة بتداعب عواطف الغيرة و الحسد عندنا تجاه الشخص أو الأشخاص موضوع الإشاعة كلما زاد حماسنا للنيل منه و التكييل له دا غير التفكير القطيعي ودا يبدو جليا في الأسافير تلقى من المتداخل التاني و انت ماشي مافي واحد يكلّف نفسه يتبع أوامر المولى بالتبين الأنباء التي ياتي بها الفاسقون وما أكثرهم و تلقى القطيع كله شغال يصيب القوم بجهالة ولا يندمون و الغريبة إن حاول أحدهم أن يستفسر عن صحة و مصداقية مصدر الخبر يبقوا ليه في رقبتوا كأن الأصل و المعتاد هو الكذب و الإشاعة و الشاذ صار هو محاولة التثبت و تبين الحقيقة
|
Post: #3
Title: Re: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-04-2012, 10:40 AM
Parent: #2
حباب ابوحتوت، والله اتاريهو نحن مخمومين في نفسنا خمة كبيرة خلاص! و نحن الفاس و نحن الراس و نحن و نحن لما صدقنا و عرشنا على كدا، اتاري ساسنا قش و بنانا غش! ولا نكون اتغيرنا يا ربي؟ يكون ده كلو من الحكومة؟! ياخ كما تفضلت في جاهزية كدا للهجوم ما عادية، كأنو العالم دي في انتظار الفرصة و شاحدة سكاكينها، غايتو الواحد يقول نسأل الله السلامة بس!
|
Post: #4
Title: Re: ..أو حين يصبح جو المنبر كالجناح الفرفار!
Author: محمد عبد الماجد الصايم
Date: 12-04-2012, 10:43 AM
Parent: #2
ود البشرى يا عربي .. صحي بقيت معاط!!
_ ()
|
Post: #5
Title: Re: ..أو حين يصبح جو المنبر كالجناح الفرفار!
Author: طارق جبريل
Date: 12-04-2012, 11:00 AM
Parent: #4
يا عمك انت حي اخبار يا حبيب
تليشة: ود البشرى بطل معط ياخ
|
Post: #6
Title: Re: ..أو حين يصبح جو المنبر كالجناح الفرفار!
Author: محمد البشرى الخضر
Date: 12-04-2012, 11:22 AM
Parent: #5
اهو خد يا ابو السعود مثال حي جوز العرب الفوق ديل جاتهم كورة مقنطرة من دامة وهاك يا شوت :)
|
Post: #7
Title: Re: ..أو حين يصبح جو المنبر كالجناح الفرفار!
Author: طارق جبريل
Date: 12-04-2012, 11:25 AM
Parent: #6
Quote: اهو خد يا ابو السعود مثال حي جوز العرب الفوق ديل جاتهم كورة مقنطرة من دامة وهاك يا شوت :)
|
تليشة: امشي شوف آخر رسالة في بوست القراء
|
Post: #10
Title: Re: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-04-2012, 12:19 PM
Parent: #7
حباب ود عمي جبرين المسيخيت عايشين و بنشلت على قول اولاد جون، متابعين حاجاتك بالرقراق و مستمتعين
|
Post: #9
Title: Re: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-04-2012, 12:14 PM
Parent: #6
هههههه، الجماعة ما صدقوا يا عمك،
|
Post: #8
Title: Re: ..أو حين يصبح جو المنبر كالجناح الفرفار!
Author: Ashraf el-Halabi
Date: 12-04-2012, 11:37 AM
Parent: #4
Quote: يمرض بشة فيصبح مرضه و مصيره كعصاة موسى |
أمممممممممم! قصدك قون بشة لما غفل موسى الزومة؟
حليل زمن 4-2-4 يا بو السعود
|
Post: #11
Title: Re: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-04-2012, 12:24 PM
Parent: #8
و اذكر في اللاين قلة و بهدلتو لي سيماوي الغريبة انت و ود البشرى غضيتو الطرف عن مسألة جدوى تشجيع الاندية المحلية في زول بيمشي يفتش على الضغط براهو؟
|
Post: #12
Title: Re: ..أو حين يصبح جو المنبر كالجناح الفرفار!
Author: محمد البشرى الخضر
Date: 12-04-2012, 02:25 PM
Parent: #11
Quote: امشي شوف آخر رسالة في بوست القراء |
يا ود جبريل صحي والله انت القراء ديل بتجيبم من وين :) قال ما (بيستسيقة) قال هو شنو هو الناس ديل فاكرين روحهم قاطعين تذاكر لحفلة ولاّ مسرحية وما عاجبهم الأداء ولاّ كيف ولاّ قايلين الأعضاء هنا بكتبولن عشان ينبسطوا و يصفّقوليهم
معليش يا ابو السعودعلى المرقة برة الموضوع, لكن جنس المحن البسووها (الجوغة) ديل نعمل معاها شنو
|
Post: #13
Title: Re: ..أو حين يصبح جو المنبر كالجناح الفرفار!
Author: ABUHUSSEIN
Date: 12-04-2012, 07:07 PM
Quote: جوز العرب الفوق ديل |
أبو السعود و ضيوفه سلام الغريبة يا أبو السعود كل الجوطات دي ليها مشجعين و ليها معجبين كمان ...
تحياتي و إحترامي
|
Post: #14
Title: Re: ..أو حين يصبح جو المنبر كالجناح الفرفار!
Author: saadeldin abdelrahman
Date: 12-05-2012, 02:10 AM
Parent: #13
و عليكم السلام ابو حسين ياخ يا ريت كل المشجعين زي الجوز الفوق ديل. الجمهور من زمان بيحب الاكشن بس زي ده ما لاقانا، الآن اصبحوا يصنعون الاكشن حتى بالكذب و التلفيق قلة شغلة؟ ما عارفين ، سقوط شديد يا عمك، نسأل الله يقيل عثرتنا!
|
|