يا كديسـة . " من وحي أخبار القبض على الصقور"

ناس الحلة العادية ولسه فيها نفاج ، الحلة الموجودة في المدن المليانه كهارب ، عندهم مصطلحاتم الشغالين بيها وسط الأغراب والفتيات ،
يستخدمونها حسب حالة المكان والزمان . وهي غريبة إلى حد ما مع ما تقصد وقريبة أيضاً إلا أنها تميل إلى اللغة السوقية رغم أنها توصل الرسالة كاملة .
كلمات مثل فاره ، وزول بيض ، وآخر " عاضاهو نعجة " وكثير من الكلمات المماثلة " ناس الشفت وغيرو ما قصروا " شالوها الشباب ومشوا بيها الجامعات
والمعاهد وبقت لغة طلبة بتوصل الفكرة بعبارة واحدة ، تلخص الموقف وسيد الموقف " وستو " .
ناس البلاد فرحانين بالصقر القبضوهو وهللو وطلعنا نحن فارات ساي " الفكرة هنا واضحة "
صديقي الجميل البيتصل " مرات مرات " ويشوف الدنيا وين وصلت بينا ، كلامو كلو كان عن الصقر القبضوهو ، المهم صديقي المزعج ده سمع مني كلمة ناعمة
وطوالي قام اتذكر عبارات زمنو الفات ، قال لي ده شنو يا أبو محمد بقيت كديسة ولا شنو ؟
بهديهو البوست وبالصور أدناه مكرراً قول صديقي الآخر " مزعج برضو " : مالو حال الكدايس عيبو ليا ؟





















.......................
يا صديقي :
رجاء ، ردد بهدوء " ولله في خلقــه شئون " .

زمان البي بي سي العربية لامن تدق ساعات مدينتها ويجينا صوت أيوب صديق العجيب " يمتعكـ صوت ورنة صوت وأخبار " ،
عجايزنــا بقو بتاعين سياسة من التحليلات العجيبة الكانت بتطلع كل يوم ومن إذاعة بس طلعوا لينا كم زول شاطر .
بعد ظهور التلفزيونات المشيولة في الجيوب على شكل تلفون وصفحات الشاشات الأكبر من مقاسات كل الورق العادي
مفروض يظهروا لينا مليون شاطر في كل مليون متر مربع .
الحاصل من تقنيات وميديا مشكلتو خلانا نقرأ إنو إسرائيل حينما غضب عليها سلطاننا
أنزل الله ملائكته فضغطوا على أهل القوة في الأرض وأجبروهم حتى قالو : أهلا وسهلاً بدولة فلسطين بين ظهرانينا .

.....
تعليقكـ سيجعلني أهديكـ صورة كديسة جديدة

يا عمرانو
صباح الخير
ياخوي "كديستك" دي ياتو نوع في الكدايس؟ عشان ما "نركب" غلط وبعدين ما ترجع لينا حق التذاكر
افرز عشان نعرف ننداح بالله رايك في ننداح دي شنو"
بمناسبة الكدسة
ابني عبد الرحمن كان زهجان و واحد صاحبي ساله قال ليهو راسك دا فيهو شنو، قال له "مليان كدايس"
كسرة
هاك غارزيتو دا

Quote: ياخوي "كديستك" دي ياتو نوع في الكدايس؟ عشان ما "نركب" غلط وبعدين ما ترجع لينا حق التذاكر افرز عشان نعرف ننداح بالله رايك في ننداح دي شنو"

وصباحكـ خير يا محمد
حسي عليكـ الله بعد مشيت البلاد إجازة بعد خمسة سنوات ما حسين إنكـ ( كديسة ) ؟

Quote: ما حسين

عاذرك والله
صراحة ما "حسين"
لكن حسيت اني "فارة داقس"

Quote: لكن حسيت اني " فارة داقس"

مرحباً بكـ في المجموعة

Quote: مرحباً بكـ في المجموعة

ممكون عنوانها على الفيس، ايميل، تلفون عشان نحضر الاجتماعات وكدا
واحد صاحبي مشى يطلع رخصة المرور السعودية، العسكري قال له خمسة سنوات ولا عشرة، قال له ما عندك زيادة؟

قررنا بكامل ارادتنا دخول مسلسل توم وجيرى هذا..مع التحية لعمران وضيوفه
هاكم هذه (الفذلكة) التاريخية..عبارة مشهورة في السبعينات ومعها (شذاذ الآفاق) وكلها مأخوذة من كتاب تاريخ اروبا الحديث للصف الثالث الثانوي وقد كتبه مؤلفه بلغة عربية هي الجمال ذاته، فلا عجب ان ظلات هذه المفدات حية في الأذهان يستخدمها حتى الرئيس نفسه.
من اشهر المصطلحات القديمة و التي لا زالت حية ايضا..شاكوش، وكوز، وحنكوش
و واحد فاكه منو صامولة و في رواية اخرى صيمولة والمعنى درويش
ويا رهو.. يا يا ساذج او مغفل..انتشرت بعد اغنية اسماعيل حسن وحمد الريح طير الرهو
أما الدكتور غير المتمكن من مادته فما هو الا (هبوب)
و هناك اسراب البرالمة الدائشون..العائدون من اللكاشر والفصول ...ملأوا الطريق
اما الكديسة تحديدا فمعناها الحبيبة وهو معني يستلزم التدخل السريع من مليشيات واساطيل حماية الجندر
والصقرلها معنى لم يخطر ببال سيبويه وهو معنى قبيح
والتشريم هو التسكع والجمع شرامة والمفرد شرامي
و فتاة شرامية اي مستهترة

so cute

I Like the Idea

kefak 3omran

Quote: I Like the Idea

بالطبع يسعدني ذلكـ جداً أخي جمال
..
كديسة ما شايله هم نومه " ناهيكـ عن أكلها "

وكديسه راجيه الصدقة " أو الهِبه "

وأسود تموت جوع
" البوست بوست كدايس ولا مجال لصور الأسود "

Quote: (هبوب)

هو غير الهبوب اللافي فوق راسنا ده الخلانا بقينا كدايس شنو يا بركات ؟



.....
شكرا للإضافة يا سيدي

يا عمران رأيك شنو فى الكديسة

الفوق التى تغنى أكيد بحثا عن

الفأر ههههه

Quote: يا عمران رأيك شنو فى الكديسة

هههههههههههه يا كابيلا
من الناحية الفقهية أعتقد أنها متبرجة " إن لم تكن ذكراً "
أما الصوت فلابد من السمع أولاً خاصة وأن الأضان نضيفة
غايتو أنا وزعتهم لثلاثة مجموعات " كما ورد بعاليه "
البين وبين ديل إلا يجينا عضو " ما داقس ولا فاره " ينورنــا
..
ياخي حيره والله

يا كدايس :)
أيِ قصة تنجره الإنخاس تقعدوا تلفوها يمين وشمال
وجابت ليها دجاج ميت كمان
إنا لله

...
وزير مرطِب في أمان الله ، حرامي بدرجة خبير
يقوم يقول كده ما كويس ، الدولارات دي شوية النمسكه ونلم الباقي ونتحكم في الكدايس الباقين ديل
طيب وبما أننا كدايس كنا نحن - إذا استلمت البلد يعني - حا نصدق إنكـ نبي كيف ؟
..

سلام اخي عمران وسلامات لضيوفك

Quote: صديقي الجميل البيتصل " مرات مرات " ويشوف الدنيا وين وصلت بينا ، كلامو كلو كان عن الصقر القبضوهو ، المهم صديقي المزعج ده سمع مني كلمة ناعمة وطوالي قام اتذكر عبارات زمنو الفات ، قال لي ده شنو يا أبو محمد بقيت كديسة ولا شنو ؟

غايتو صديقك الجميل ده "تفتيحة" وعارف الصقر "حنكو سنين"

عليك الله شوف "الحنك" ده كيف؟



و التاني ده شايل معاهو ادوات "تحسس"

إنا لله يا الصاوي !
ياخي دي دموع غريبة وصادقة بشكل محزن
...
الحاجة دي عندها قصة ؟