Post: #1
Title: الفنقلو !!
Author: سيف النصر محي الدين
Date: 12-01-2012, 05:47 AM
Quote: يعتزم نواب بالهيئة البرلمانية للمؤتمر الوطني مقابلة الرئيس عمر البشير لطلب العفو عن المتهمين بالمحاولة الانقلابية الأخيرة وإطلاق
سراحهم فى وقت ابلغ مدير جهاز الامن الوطنى محمد عطا المولى المكتب القيادى للحزب الحاكم فى اجتماع التأم امس بالمعلومات المتوافرة حول المحاولة الانقلابية المحبطة.
نواب في البرلمان السوداني
وقال المتحدث باسم المجموعة البرلمانية احمد الطيب الفنقلو إن حوالى 30 عضواً برلمانيا يرتبون للقاء البشير خلال اليومين المقبلين للتوسط لإطلاق
سراح المتهمين منوها الى ان العفو الرئاسى شمل من قبل من هم أشد منهم عداء للدولة وأكد الفنقلو في تصريحات محدودة أمس أن الخطوة تهدف للحفاظ على مستقبل وحدة البلاد ".
وأشار الى أن المصلحة العامة تقتضي العفو عن المجموعة لما قدمته من عطاء للدولة ومراعاة للتحديات التي تمر بها البلاد. |
|
Post: #2
Title: Re: الفنقلو !!
Author: سيف النصر محي الدين
Date: 12-01-2012, 05:54 AM
Parent: #1
| Quote: وأكد الفنقلو في تصريحات محدودة أمس أن الخطوة تهدف للحفاظ على مستقبل وحدة البلاد ". |
يا "فنقلو" وكت وحدة البلاد دي كانت مهددة جد جد و لما حزبك و برلمانك العجيب ده ساق البلاد نحو الانقسام عديل كده انت كنت وين؟
ثم ثانيا:
ما هو الخطر الذي يهدد وحدة ما تبقى من البلاد إن لم يطلق سراح قوش و بقية الحرامية المعاهو؟؟
هل كلامك ده تهديد مبطن لجهات بعينها في ما تبقى من النظام؟؟
مش انت يا فنقلو ناطق رسمي و كده؟
ما تنطق بكل شجاعة و تقول لينا الكلام عديل و تملكنا الحقائق يمكن نقدر نساعد.
|
Post: #3
Title: Re: الفنقلو !!
Author: سيف النصر محي الدين
Date: 12-01-2012, 06:01 AM
Parent: #2
| Quote: منوها الى ان العفو الرئاسى شمل من قبل من هم أشد منهم عداء للدولة |
في ذمتك يا فنقلو في زول صدر في حقه عفو رئاسي قبل ما يتقدم لمحاكمة و يصدر ضده حكم؟؟
انت يا زول مستعجل كدي مالك؟
هل لأنه ليس لديك ثقة في نظامك العدلي و في محاكمك و في قضاتك؟
ليه ما عايز الأمر يمشي بصورته الطبيعية حتى بعد داك تتدخل؟
هسه الناس ديل "كلهم" ثبتت عليهم حاجة؟
هل أنت متأكد أنهم "فعلا" قاموا " بالأمر الذي تتهمه بهم اجهزة الأمن و المخابرات ؟
هل أنت عارف منو المتورط و منو الما متورط عشان تمشي للرئيس تقول ليهو فكهم كلهم و كمان معاها تهديد أنو الأمر ده "يهدد وحدة البلاد"!!!
|
Post: #4
Title: Re: الفنقلو !!
Author: Elsanosi Badr
Date: 12-01-2012, 06:12 AM
Parent: #3
Quote: في ذمتك يا فنقلو في زول صدر في حقه عفو رئاسي قبل ما يتقدم لمحاكمة و يصدر ضده حكم؟؟
انت يا زول مستعجل كدي مالك؟
هل ﻷنه ليس لديك ثقة في نظامك العدلي و في محاكمك و في قضاتك؟
ليه ما عايز اﻷمر يمشي بصورته الطبيعية حتى بعد داك تتدخل؟
|
اتا يا سيف وانحنا ح نعرف اكتر من من سيد فنقلو
________________
فنقلو طوباية تلقو لقوشاية
|
Post: #8
Title: Re: الفنقلو !!
Author: دينا خالد
Date: 12-01-2012, 06:31 AM
Parent: #4
يا دكتور انت ما تخليهو يعفو عنهم
يعنى خلااااااس ديل الفنقلوا الريكا ؟؟؟
وبالمرة كدا قول لي الفنقلوا دا .. فى 55 دارفورى محتجزين
ورجولهم واياديهم باصفاد الحديد من مايو 2008 قابعيين فى كوبر برضو متهمين
فى مؤامرة تخريبية ... بالمرة كدا وعشان دعوتك تكون صادقة
حنسوا الرئيس انو القرار يشملهم برضو
عشان الوحدة الوطنية وعشان جميل وعشان حلو .. وينوبكم ثواب ...
ــــــــــــــــــــــــــــ
فعلا بلد ما عندها سيد .. فعلا ########ة هايصة !!
مشتاقين يا دكتور ....
|
Post: #5
Title: Re: الفنقلو !!
Author: سيف النصر محي الدين
Date: 12-01-2012, 06:22 AM
Parent: #3
| Quote: وأشار الى أن المصلحة العامة تقتضي العفو عن المجموعة لما قدمته من عطاء للدولة ومراعاة للتحديات التي تمر بها البلاد. |
يعني المعنى من كلامك ده يا فنقلو أنو اي زول بفتكر أنو قدم عطاء للدولة ممكن عادي يشيل سلاح و يحرك دبابات و مدفعية و الجهات الأمنية
ما تقوم بأي تصرف ضده و الدولة ما تقبض عليهو و ما تقدمه لمحاكمة او تصفيهو او تفعل فيه ما تشاء؟
خليل ابراهيم ما قدم عطاء للدولة؟
مالك عقار الوالي المنتخب ما قدم عطاء للدولة؟
بولاد ما قدم عطاء للدولة المزعومة حقتك دي؟
ليه ما دافعت عنهم و كونت مجموعة و نصبت نفسك ناطق رسمي ليها و مشيت قابلت الرئيس و قلت ليهو فكهم او خليهم او انساهم او اي حاجة ؟
ثم
ما هي التحديات التي تواجهها البلاد؟
كدي ورينا التحديات دي لأنو برلمانك العجيب ده الأنت عضو فيهو قال أنو الأمور تمام التمام و ليس في الامكان احسن مما كان!
بل قال أنو رفع الاسعار فيهو مصلحة للمواطنين!
و ابتهج بكلام الزول الدعا المواطنين للاستغفار كوسيلة لمواجهة الضائقة المعيشية!
شنو هي التحديات يا سيد فنقلو؟
|
Post: #6
Title: Re: الفنقلو !!
Author: Hololy
Date: 12-01-2012, 06:23 AM
Parent: #3
..Quote:
... ....الفنقلو !!..
.. |
... هو انت قايل اسم الفنقلو .... لييييه ؟؟؟؟
...
...ماعشان بفنقل اّخِرا ....و يجيبو في اوّلا..!!!!
..
..
.. يعني بجيب من الاخر ...
..
..
..
..اَل ... قضاء ...و محكمه ....و بطيخ ...اَل ...
..
..لا احسن سمك ...لبن ....الامين البشاري ..
.
.
.
.
..
.لله ...حزنك .....يا بلد!!!!
...
|
Post: #7
Title: Re: الفنقلو !!
Author: سيف النصر محي الدين
Date: 12-01-2012, 06:28 AM
Parent: #6
| Quote: اتا يا سيف وانحنا ح نعرف اكتر من من سيد فنقلو |
سلامات يا بدر
فنقلو شكلو عارف كتير و داخل في الموضوع عن سابق عزم و تصميم.
ياخ ده ماشي يهدد الرئيس يقول ليهو لو ما طلعت الناس ديل حتهدد وحدة البلاد و بتكون بتعمل ضد المصلحة العامة
"خسوسا" في ظل التحديات التي تواجهها البلاد!!
|
Post: #9
Title: Re: الفنقلو !!
Author: سيف النصر محي الدين
Date: 12-01-2012, 06:35 AM
Parent: #7
حلولي يا هندسة
Quote: . هو انت قايل اسم الفنقلو .... لييييه ؟؟؟؟
...
...ماعشان بفنقل اّخِرا ....و يجيبو في اوّلا..!!!!
..
..
.. يعني بجيب من الاخر ... |
|
Post: #10
Title: Re: الفنقلو !!
Author: سيف النصر محي الدين
Date: 12-01-2012, 06:46 AM
Parent: #9
دينا يا مشتاقة ..بالاكتر و الله ههههه
Quote: وبالمرة كدا قول لي الفنقلوا دا .. فى 55 دارفورى محتجزين
ورجولهم واياديهم باصفاد الحديد من مايو 2008 قابعيين فى كوبر برضو متهمين
فى مؤامرة تخريبية ... بالمرة كدا وعشان دعوتك تكون صادقة
حنسوا الرئيس انو القرار يشملهم برضو
عشان الوحدة الوطنية وعشان جميل وعشان حلو .. وينوبكم ثواب |
يرفع لمستر فنقلو لاجراء اللازم!
و لو انو ما بضمنو ليك . هل الناس ديل قدموا اي عطاء للبلد بحسب معايير الفنقلو المختلة؟
و هل احتجازهم بيهدد الوحدة الوطنية كما يراها سيادته ؟
و هل اطلاق سراحهم بيصب في مجرى المصلحة "العامة" كما يتخيلها معاليه؟؟
|
Post: #12
Title: Re: الفنقلو !!
Author: معاوية الأرباب
Date: 12-01-2012, 07:13 AM
Parent: #10
سلام يا دكتور سيف
حقو , عمر البشير يمسك الفنقلو دا ويفنقلو تاني مرة عشان يستعدل ,
بما إنو نفي النفي إثبات , فإن فنقلة المفنقل إستعدال على قوال الشفيع وراق .
|
Post: #11
Title: Re: الفنقلو !!
Author: محمد حيدر المشرف
Date: 12-01-2012, 06:52 AM
Parent: #7
الكلام ده كلو ما بحلهم يا سيف ..
والانقلاب ده كان وراءه معظم الصف السياسي "مقابل الصف العسكرى" للمؤتمر الوطنى ..
وبالعكس ارى ان صلاح قوش أقرب للتصفية من اطلاق السراح ..
فهو مطلوب الآن من الفريقين للقدر الهائل من المعلومات المتوافره عنده ..
وقد يتكون اصابته بذبحة صدرية مقدمة لسيناريو مثل ذلك ..
عموما وكشاهد اضافى على الكلامى ..
يتواصل مسلسل الاعتقالات بينهم ..
وتتواصل الاتهامات بالبعد عن مسار الحركة الاسلامية ..
اكثر ما يحز فى نفسي اداء معارضتنا الهزيلة يا سيف ..
هل هذا نظام يمكن ان يصمد امام حركة معارضة جادة ؟!
غايتو ..
ربنا يستر على ذلك الوطن المنكوب ..
|
Post: #13
Title: Re: الفنقلو !!
Author: Siham Elmugammar
Date: 12-01-2012, 01:31 PM
Parent: #11
سلام للجميع
Quote: كثر ما يحز فى نفسي اداء معارضتنا الهزيلة يا سيف ..
هل هذا نظام يمكن ان يصمد امام حركة معارضة جادة ؟! |
الاخ الكريم ودالمشرف
المعارضة هينة اصلو من سنين ده ما جديد عليها
بس الناس الافراد وانا يا حيدر ..
مبالغة
الله كريم
|
Post: #14
Title: Re: الفنقلو !!
Author: سيف النصر محي الدين
Date: 12-01-2012, 08:30 PM
Parent: #13
Quote: حقو , عمر البشير يمسك الفنقلو دا ويفنقلو تاني مرة عشان يستعدل ,
بما إنو نفي النفي إثبات , فإن فنقلة المفنقل إستعدال على قوال الشفيع وراق .
|
معاوية يا أرباب..سلامات
ذكرتني لما تجي تستعدل صورة في واحد من برامج عرض الصور على الكمبيوتر و ما تكون عارف تحركها يمين او يسار
المهم تقعد تفنقل فيها لما تستعدل .
|
Post: #15
Title: Re: الفنقلو !!
Author: سيف النصر محي الدين
Date: 12-02-2012, 06:15 AM
Parent: #14
سلامات يا ود المشرف
Quote: اكثر ما يحز فى نفسي اداء معارضتنا الهزيلة يا سيف ..
هل هذا نظام يمكن ان يصمد امام حركة معارضة جادة ؟ |
العشم في الشباب و في القوى الجديدة التي تجابه هذا النظام بشكل يومي و العشم في قوى الهامش التي تواجه هذا النظام
باللغة التي يفهمها و تمثل تهديدا حقيقيا له..فلا تبتئس يا صديق.
|
Post: #16
Title: Re: الفنقلو !!
Author: سيف النصر محي الدين
Date: 12-03-2012, 03:39 PM
Parent: #15
| Quote: سكين بخيت سترتها بيتها |
من اقوال المفكر الاسلامي الفنقلو حول الوضوع.
هذه العبارة تمثل جوهر رؤيته للمشكلة القائمة و ترتكز عليها مشاريع الحلول التي سيقترحها مفكرنا و مجموعته على رئيس الجمهورية.
بالله لو في زول عارف معناها يتكرم علينا بشي من الشراح و جزاه الله عنا خيرا.
|
Post: #17
Title: Re: الفنقلو !!
Author: معاوية المدير
Date: 12-03-2012, 04:21 PM
Parent: #16
سلآمات يا دكتور.
تعرف الناس ديل لو الحظ حالفهم وفنقلوا الحكومة،
الفنقلو دا كان حا يعمل شنو ؟؟؟
كان حا يتنفنقل ويعمل ميّت،
ودي قال ليك وسيلة الدفاع الوحيدة لمثل
هذه الخنافس عندما تتزنق.
عجيب !!!
|
Post: #18
Title: Re: الفنقلو !!
Author: سيف النصر محي الدين
Date: 12-07-2012, 03:26 PM
Parent: #17
تلاتة طلاب يا فنقلو
تلاتة شباب في ربيع ايامهم
تلاتة سودانيين اهلهم منتظرينهم في هذا الزمن الصعب
جامعة الجزيرة يا فنقلو
هل نسمع صوتك في جريمة جامعة الجزيرة
هل تتسع اجندتك لقضايا الوطن الحقيقية أم أنك ستكون شريكا في جريمة دفع جزء آخر من البلاد للانفصال؟؟؟
|
Post: #19
Title: Re: الفنقلو !!
Author: سيف النصر محي الدين
Date: 12-07-2012, 03:30 PM
Parent: #18
سلامات يا ود المدير
Quote: كان حا يتنفنقل ويعمل ميّت،
ودي قال ليك وسيلة الدفاع الوحيدة لمثل
هذه الخنافس عندما تتزنق. |
لمتين الناس دي تاكل و تقش خشومها و في وكت الجد يتفنقلوا و يعملوا ميتين؟
|
Post: #20
Title: Re: الفنقلو !!
Author: سيف النصر محي الدين
Date: 12-21-2012, 01:26 AM
Parent: #19
اها الاخبار شنو؟
قابلتوا الريس وللا كيف يا فنقلو؟
|
Post: #21
Title: Re: الفنقلو !!
Author: مرتضي عبد الجليل
Date: 12-21-2012, 02:07 AM
Parent: #20
عجيب أمرك يا فنقلو!!!
بكري بجيب الناس ديل---------اقصد الناس ديل بجيبوهم من وين؟؟
اللهم لا اعتراض فيمن فنقلت.
سلام يا سيف.
|
Post: #22
Title: Re: الفنقلو !!
Author: سيف النصر محي الدين
Date: 12-26-2012, 01:55 AM
Parent: #21
| Quote: اقصد الناس ديل بجيبوهم من وين؟؟ |
سلامات يا دكتور
غايتو الشعب السوداني عانى كتير معاهم و هم استمرؤوا اللعبة حتى خيل إليهم أن البلد بلدهم و هم أسيادها
|
|