Post: #1
Title: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 11-30-2012, 11:30 PM
كنت مع أصدقاء الصفاء وهم كوكبة من السيدات والرجال في ليلة من ليالي حاضرتنا الخرطوم التي تنام كل ليلة علي أحضان النيل صاحب الوفاء السرمدي لهذه المدينة العاشقةما أحلي الليل قرر رهطي الذهاب لحفلة (فلانة بت علان )رجل الاعمال صاحب المال والنفوذ في منزلهم العامر في ضاحية كافوري كانت السيدة المطلقة في كامل حلتها كأنها عروس هذه الليلة فستان في لون البنسفج حنه رسمت بمهارة منقطعة النظير دخان عطر العروس يفوح منها في غاية الفرح ترحب والضيوف وتأمر مقدمي الخدمة بتقديم المشروبات والعشاء بوفيه مفتوح فيه كل ما لذا وطاب سألت وكعادتي في عوالمي البديعة (المناسبة شنو البت دي عرسوها) جاء الرد مخيب جدا (دي يا عوير حفلة الطلاق دي طلاقوها يوم الاتنين الفات ) وديل أصحاب المطلقة جوا عشان يقولوا مبروك عجايب !؟
بدأت بعدأن أجتمع الاصدقاء والاحباب الحفلة مغنية لا تقل خلاعة وأنحطاط من هذا الجمع تغني أغاني بنات
وفي الفاصل التالت طلبت المطلقة أغنية محددة ولكم كلام الاغنية من البداية
ترفع المغنية صوتها
الصفقه وين أها يلا معانا
وبعدها أنتظم التصفيق وأيقاع الاروغن
صدح صوتها
النقدة يأ أنتي يا ناس نانا
وحبك أذانا يا القاعد معانا
أدينا طله ونشوفك برنا (بدأت صاحبة الحفل بالرقص - فنانةلكين وبتحرق الحشا)
والبشاركك معاناأريتو بالشفخانه
وكان طلع كويس ندي بالجبخانه
أها ياناس العنبه رويانه
ويا ناس اللواري وحلانه
ويالله ياربي ينتم لي قصدي
القي حبيبي جمبي
والحنه في يدي
توب احرير فره
مرق القوام بره (تعوم المطلقة في جسده كأنها راقصةباليه)
مالعن المناسبة أنها بكل أسف سلوكيات تعيسة ولكنها وجدت طريقها الي مجتمعناوانتشرت في الآونه الأخيره ظاهرة الإحتفال بالطلاق!!كدعوة الأقارب والأصدقاء،وإقامة الولائم،وتوزيع الهدايا،مهما كانت فرحة طلاق الزوجة من زوجها
فسيبقى هناك خسارة وشيئ مفقود
وإن تخلصت الزوجة من معاناة حقيقية فعلاً
فالأفضل لها التطلع لكيفية مواجهة حياتها بعد ذلك والقدرة على تحمل مسؤلية نفسها وأولادها.
دون إعلان فخرها بالتخلص من هذا الزواج
(فهل هذه الظاهره صحيحه في نفس الوقت؟(اتمنى الكتابة بموضوعيه وحبذ لو كانت آرائكم حولها سلبا أو أيجابا)!
اما رأيي ان هذه الظاهره غير صحيه (لأنها تعزز رغبة النصر والإنتقام لدى المرأه )ومخالفه للفطره(لإن الزواج شراكه ،وبالطلاق تفض هذه الشراكه و يكون كلا الزوجان خاسر سواء في الوقت او المال او الجهد، حتى بين الغربيين انفسهم نجد المرأه المطلقه عندهم حزينه مكسوره)
صحيح ان بعض الازواج _فرقاهم عيد_ولكن لا مانع ان تكون الفرحه في القلب مارأيكم
والله المطلقة جميله وبت أصوال ومن أسرة خرطومية كبيرة ولكن ماذا تريد مثل هذه المطلقة هذا السلوك دا؟؟
|
Post: #2
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: mwahib idriss
Date: 11-30-2012, 11:40 PM
Parent: #1
اسراف فى الاشهار
كما الزواج الاشهار ضرورى فى الطلاق
|
Post: #3
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Hisham Amin
Date: 12-01-2012, 00:54 AM
Parent: #2
لم اسمع من قبل. بنساء. يحتفلن. بمراسيم الطلاق
حتى وان احتفلن. بة يخرج خبر الاحتفال على أنة شى غريب وفعل يستحق ان يكون فى صدر الصفحات الأولى
ولكن ان تكون عادة سودانية تمارس. فهذة هى الغرابة بعينها. .... لكن عقلية اليومين دى ممكن. تتوقع منها. أى شى
|
Post: #4
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-01-2012, 07:35 AM
Parent: #3
| Quote: وكعادتي في عوالمي البديعة (المناسبة شنو البت دي عرسوها) جاء الرد مخيب جدا |
| Quote: مغنية لا تقل خلاعة وأنحطاط من هذا الجمع |
زهير.
هل من ضمن "عاداتك وعوالمك البديعة" هذا التطفل في الحفلات ولا أنت كنت معزوم مسبقا من صاحبة الدعوة؟
طيب إذا كانت المغنية والجمع عبارة عن "خلاعة وإنحطاط" أنت المقعدك معاهم شنو، لغاية ما حفظت كلمات الأغنية "الخليعة" هذا؟
بالمناسبة.
بما أن الحفل كان في حي حوش بانقا(كافوري) وهو حي راقي طبعا.
العشا كان بشنو؟
وهل كانت هنالك مشروبات كحولية
|
Post: #5
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: البحيراوي
Date: 12-01-2012, 08:09 AM
Parent: #4
الأخ زهير
تحياتي - دي حالتها حفلة طلاق - ومال حفلة الزواج كانت كيف ؟
وهل مكان الحفل هو مكان الطلاق ؟ ولا العرس كان في رواكيب وإنتقلت الأسرة لمكان حفل الطلاق؟
بالله ناس الجودية في السودان خلاص إنقطعو يا زهير ؟
يا حليل زمان المرأة بعدوها لي بيتهم بالليل والصباح أبوها بجيبها تمشي فوق العجين ما تلخبطه
بحيراوي
|
Post: #7
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: muntasir
Date: 12-01-2012, 08:52 AM
Parent: #5
الناس بفكوها بي أم فتفت وانت مصر تفكها فينا جبت لينا فلايت
|
Post: #8
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-01-2012, 10:17 PM
Parent: #7
ياشاب أم فتفت بقت غالية أصبر علي بلاك
|
Post: #9
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-01-2012, 10:55 PM
Parent: #8
السرجنت دينق
تحياتي
والله نحن في السودان ماعندنا قصة التتطفل دي عادي تمشي أي أحتفال بس تكون بتعرف واحد أو جيت مع زول معرفة بعدين قصة العشا دي حكاية ممكن أكتب فيها كتاب لكين سؤالك عن المشروبات الروحية دا اللي فيهو نوعا من الخبث ؟! ليه يعني ناس حوش بانقا شيوخ سجادة !
بالمناسبة أنا اليوم شفت الود باقان حايم في الخرطوم أنشالله أنجز حاجه
تحياتي
|
Post: #10
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Dr.Elsadig Abdalla
Date: 12-01-2012, 11:23 PM
Parent: #9
سلامات يازهير
كيف ناس أصول ويسمحوا بمثل هذا الإنحطاط ؟؟؟الفكره أساسا غريبه
-------------------------------
تحت تحت كده ماعندك فيديو للكلام الخليع ده؟
|
Post: #11
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-02-2012, 03:31 AM
Parent: #10
Quote: والله نحن في السودان ماعندنا قصة التتطفل دي عادي تمشي أي أحتفال بس تكون بتعرف واحد أو جيت مع زول معرفة بعدين قصة العشا دي حكاية ممكن أكتب فيها كتاب لكين سؤالك عن المشروبات الروحية دا اللي فيهو نوعا من الخبث ؟! ليه يعني ناس حوش بانقا شيوخ سجادة !
بالمناسبة أنا اليوم شفت الود باقان حايم في الخرطوم أنشالله أنجز حاجه
تحياتي
|
يا راااجل
كمان بتحلف!
|
Post: #12
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-02-2012, 03:32 AM
Parent: #11
أنت زول منحل(نحلة ضارة) كمان بتنتقد في الحفلة وفي صاحبة الدعوة؟
|
Post: #13
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-02-2012, 03:36 AM
Parent: #12
بما أن الحفل في حي أرستقراطي والدعوة نفسها أرستقراطية، قلنا برضو يمكن يكون فيها شراب نضيف.
خليك متابع زيارة السيد باقان للخرطوم، لأنها سوف تحدد لكم سعر الدولار.
كما زكر أحد الأخوة في بوست مجاور
|
Post: #14
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-02-2012, 12:35 PM
Parent: #13
يا وهم يا دنيق
لو أنا منحل يعني أنت المتماسك الابدي يا بتاع الانضباط بالله قوم نوم طبعا الليله الاحد وأن قاعد في ابيت وهاك يا شراب المهم بالله أحسن لغة الخطاب معي عشان ما تتعرض لا أي أحتكاك يمكن يسبب أذي جسيم
|
Post: #15
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: ALGARADABI
Date: 12-02-2012, 02:57 PM
Parent: #14
يا زهير
مع كامل التحفظ على البوست و موضوعه دينق قال ليك منحل(بتشديد الحاء) ودي من النحل وهم الآتون بغير دعوة
|
Post: #16
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-02-2012, 03:02 PM
Parent: #15
القرضابي
سلامات.
ياخي أخونا زهير ده طلع أي كلام.
الزول ده حتى ما بعرف لغة الرندوك وعامل فيها مقددها!
مبالغة يا زهير مبالغة.
شكرا على لفت نظر الأخ زهير وتصحيحه.
|
Post: #17
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Deng
Date: 12-02-2012, 03:08 PM
Parent: #15
مكرر
|
Post: #18
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: خالد عبد الله محمود
Date: 12-02-2012, 04:45 PM
Parent: #17
أبو الزهراء
أنا بقترح تخلي الدامة دي تتم شهور العدة و تبدأ تظـبط أموركـ معاها ..
و لا جليتو موضوع العرس ده بعد ما أقتنيت الإسكودا ؟ 
|
Post: #19
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-02-2012, 11:10 PM
Parent: #18
الاخ خالد
تحياتي
والله مشروع الزواج لازال قائم بس منو اللي ما طرحت ليها نفسي قبلت دا والله كلهن تمنعوا لكين بلقي من الفرنجة واحدة وبعدين ما يقالوا راجل المرة حلو حلا
نحس دكر.......مش كدا
المهم شكرا علي المرور والمشاركة.
|
Post: #20
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Nagat Sid Ahmed Elshiekh
Date: 12-02-2012, 11:38 PM
Parent: #19
إحتفال غريب جدا والسودان فيه البدع الاخ زهير والشي الاغرب منو المداخلة دى ..
Quote: بالله ناس الجودية في السودان خلاص إنقطعو يا زهير ؟
يا حليل زمان المرأة بعدوها لي بيتهم بالليل والصباح أبوها بجيبها تمشي فوق العجين ما تلخبطه
|
|
Post: #21
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: تبارك شيخ الدين جبريل
Date: 12-02-2012, 11:57 PM
Parent: #20
يا ابو الزهراء ...
غسّل العدة ... عشان تنتهي سريع سريع ... عسى ولعل ...
... المهم ....
|
Post: #23
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-03-2012, 00:20 AM
Parent: #21
يا تبارك ود شيخ الدين
تحياتي وينك يا فردة
بالمناسبة العشا الليله فول لسه ما صرفنا الماهية الحالة صفر
عدة شنو أنت من زمن غسيل العدة حسي النظام داسبوزبول! صحون ورق وكدا ياكبير
لك كل الود ونصيبك قاعد
|
Post: #22
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Abdel Aati
Date: 12-03-2012, 00:15 AM
Parent: #20
دي بتكون كانت زهجانة منو شديد وسلا روحا لحدي ما تم الطلاق؛ لحدي ما احتفلت بيهو
يا اخ زهير تعابير المياعة والخلاعة الخ في وصف صاحبة الحفل وانت كنت ضيف عندها ما كريمة .
نجاة شفتي المجن الغريبة دي ؟؟
|
Post: #24
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: تبارك شيخ الدين جبريل
Date: 12-03-2012, 02:54 AM
Parent: #22
عدة الطلاق ... يا ابو الزهراء ... تلاتة شهور ...
تديها ليفة وصابون تقرضها في شهرين بس ...
... المهم ....
|
Post: #25
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-03-2012, 06:32 AM
Parent: #24
ياتبارك معليش أنا ثقافتي الاسلامية ضعيفة
المهم منو اللي بعرس دي حسي كان واحد أتقدم ليها تقيم مهرجان لمدة أسبوع دي مرة فضائحية
أللهم أجرنا
|
Post: #26
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: نجلاء قرافي
Date: 12-03-2012, 07:18 AM
Parent: #25
مادام مناسبة خاصة ودعت ليها الاصدقاء والمقربين مافي مشكلة .
|
Post: #27
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: الامين موسى البشاري
Date: 12-03-2012, 07:41 AM
Parent: #26
هناك الكثير من العادات الدخيلة على مجتمعنا
والاحتفال بالطلاق اصبح سنة ماضية بين شعب السودان
(الارستقراطي منه طبعاً )أما المساكين فكيتفون بشاي بلقيمات
أذكر مرة في لقاء بإحدى الصحف مع الفنان كمال ترباس
صرح بأنه يرفض الغناء في حفلات الطلاق مهما دفع له
والكلام دا ليهو 3 -4 سنوات وبعدين كلام مواهب دا ما تدهو الواطه
Quote: اسراف فى الاشهار
كما الزواج الاشهار ضرورى فى الطلاق |
الغرض الاساسي من مثل هذه الحفلات هو البهجة
ومن ثم الاشهار بأن الطلاق قد تم وانها مستعدة لبداية حياتها من جديد
..
..
الحاجة الأهم هو القصور في بعض القوانين (قانون الاحوال الشخصية)
طالما أنت بتصرف وماف سبب قوي لا تستطيع المرأة السودانية
نيل طلاقها وحريتها بأخوي وأخوك ... والله صحي
وممكن الراجل يكون معلقها في حبله لمدة طويلة وطويلة جداً
واعتقد دا سبب وجيه للاحتفال بالطـــلاق بعد طول عذاب
المافي شنو؟
|
Post: #28
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: عبد الباقي الجيلي
Date: 12-03-2012, 07:49 AM
Parent: #26
الأخ زهير
كنت أود لو أنك استخدمت تعابير أقل حدة ... فقط لأنك ضيف ...
لكن خلينا نرجع لكمة بت أصول دي ..
تستفزني دائماً هذه المفردات ... أولاد أصول .. أولاد ذوات .. أولاد ناس ... أولاد قبائل ..
وكأن الآخرين ليسوا كذلك ...
ولن نحجر على الناس التفاخر بأصولهم وأنسابهم ...
لكنها أضحت تستخدم أخيراً للتقليل من شأن الآخرين ...
أما صاحبتنا هذه فإن كان المقصود من كونها بت أصول .. أصولها القبلية ...
فقد أساءت أيما إساءة لقبيلتها وناسها وأهلها ...
وإن كان المقصود بالأصول الأخلاق الكريمة ...
فهذا السلوك لا يمت للأخلاق بصلة ...
هذا والله أعلم ...
|
Post: #29
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: أيمن الطيب
Date: 12-03-2012, 07:52 AM
Parent: #26
يا أبو الزهور سلامات ياخ,,| Quote: مادام مناسبة خاصة ودعت ليها الاصدقاء والمقربين مافي مشكلة . |
المشكلة فيك إنت يا حبيب!!!
إذا تجاوزنا ققصة إنو نمشى حفلة خاصة دون دعوة خاصة ( بعامات/ طيارات) يعنى بدون دعوة خاصة مباشرة,,
فلا يمكن أن نتجاوز فكرة الإعتداء على خصوصيات الناس ودخول بيوتهم وحضور مناسباتهم والإبتهاج للطيش معهم ثم نأتى لنكتب وصف دقيق
لما شاهدنا أو وسمعنا..
ياخ هى فرحانة إنها إتطلقت المشكلة وين!!
فى زول فينا عارف هى زواجا كان شكلو كيف
ولا زوجها كان بيعاملا كيف!!!!
لما تكتل حفلة زى دى تانى هجج هجيجك وعيش بهجتك وأعمل ميت خلى الناس تعيش جوه بيوتا آمنة مطمئنة وإتذكر إنهم أكرموك وإحترموك داخل بيتهم,,,
تحياتى,,
|
Post: #30
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: تبارك شيخ الدين جبريل
Date: 12-03-2012, 04:23 PM
Parent: #29
Quote: تستفزني دائماً هذه المفردات ... أولاد أصول .. أولاد ذوات .. أولاد ناس ... أولاد قبائل ..
وكأن الآخرين ليسوا كذلك ... |
ود الجيلي انت تبع ياتم؟
يعني مثلاً مفردة "خواجة" ... ولاّ "حسناوات" ... ما بتستفزك؟
أي زول بتستفزوا سيرة الناس الهو مستثنى منهم ... لأنو الإستثناء زي النبز ...
(انا بتستفزني مفردة "المغتربين" ... رايك شنو؟)
... المهم ....
|
Post: #31
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: علي جلاس
Date: 12-03-2012, 04:50 PM
Parent: #30
التحايا الععطرة يالزهور والوردي
والله ياأبو الزهور مواضيعك دائما غريبة و تقول بتنجره من راسك
لكن أنا بشك في إنك بتاع ثلج وبتجيب في المواضيع الإنصرافية دي
عشان تصرف المناضلين من شغلهم, المهم... برضوا م######## مضحكة ومسلية!
|
Post: #32
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: زهير عثمان حمد
Date: 12-03-2012, 09:50 PM
Parent: #31
الاخ علي جلاس
تحياتي وشكرا علي المرور بالمناسبة أنا ما من مدرسة النجر لكين والله دا واقع حاصل هنا عندنا
المهم أنك متسلي معنابالعافية أنشالله
لك كل الود
|
Post: #33
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: Nagat Sid Ahmed Elshiekh
Date: 12-04-2012, 03:58 AM
Parent: #32
| Quote: نجاة شفتي المجن الغريبة دي ؟؟ |
محن ودقق يااخ عبد العاطى عملات حبوبتى الله يرحمه..
|
Post: #34
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: عبد الباقي الجيلي
Date: 12-04-2012, 01:40 PM
Parent: #33
أخوي تبارك ود أستاذ شيخ الدين ...
هذا التنصيف المقصود به التقليل من شأن الآخرين ...
فكل الناس لها أصول وقبائل ...
لكن بعض القبائل تسيدت نتيجة لظروف تاريخية معينة ...
أما حكاية (أولاد الأصول) و (أولاد الذوات) دي ...
فغالباً ما تكون مرتبطة بثراء مبكر ...
بعدين كلامك عن إنو الواحد بيتستفزه ما هو مستثنى منه ...
فإن كان القصد استفزازي بذلك ... فياخي الله يسامحك ...
المهم ........... (على قولك)
إن أردت أن تعرف أصولي فراجع البروفايل بتاعي ...
فربما تجد أن ثمة قرابة تجمعني بك ...
مرحب بيك يا قريبي ...
وتسلم ...
|
Post: #35
Title: Re: بت الاصوال تحتفل بالطلاق وعشاء فاخر وترقص علي أغنية (حبك أذانا)#
Author: تبارك شيخ الدين جبريل
Date: 12-05-2012, 05:43 AM
Parent: #34
| Quote: هذا التنصيف المقصود به التقليل من شأن الآخرين ... |
بل المقصود هو الإعلاء من شأن اصحاب الشأن ...
(لا يأتي التقليل إلاّ من الإحساس بالإستثناء والدونية!)
وبى مناسبة القرابة ... هل "بت الأصول" صاحبة الشأن ... قريبتك؟
... المهم ....
|
|