أيهما أفضل: بناء منزل أم شراء منزل جاهز؟

من كل النواحي بما فيها التكلفة, أيهما أرخص؟

هل توجد شركات معروفة ومضمونة للبناء تسلمك المنزل كاملا في مدة معينة ودون حوجتك للمتابعة خصوصا اذا ما كنت غير متواجد بالسودان؟

أرجوا أن تحدثونا عن تجاربكم الشخصية أو مع الشركات وآرائكم, وتكلفة الأرض من ناحية ومن ناحية أخرى تكلفة البناء.

ما عندي تجربة شخصية .. ولكن على حسب ما يتناوله البعض .. الأفضلية لشراء منزل جاهز ...

والسبب: تكلفة أقل

الأخ أشرف مصطفى



تحية طيبة

أعتقد أن البناء أفضل من الشراء لانك بتبني المنزل بالطريقة الانتا عايزها ، شكل البيت ، عدد الغرف ، الخارطة وخلافة.

بس عشان تبني لازم تكون موجود حتى تتابع برنامج البناء ، المواد والأسعار و جودة وسلامة التنفيذ. أما إذا إنت غير موجود فأحسن تشتري عشان ما تحصل ليك قصة

المغترب أللي بيرسل قروش لقريبه عشان يبني ليه البيت وقريبه بيضرب نص القروش ويبني بالنص التاني والموضوع جاري لحدي ما أخونا المغترب فقد عمله.

ضرب المسكين لقريبه في السودان وساله البناء واقف وين؟ قريبه قال ليه مترين والعرش، صاحبك المسكين قال ليه أعرش على كدا أنا جاي.

محمد على عثمان
سلامات وشكرا على المرور

Quote: أعتقد أن البناء أفضل من الشراء لانك بتبني المنزل بالطريقة الانتا عايزها ، شكل البيت ، عدد الغرف ، الخارطة وخلافة. بس عشان تبني لازم تكون موجود حتى تتابع برنامج البناء ، المواد والأسعار و جودة وسلامة التنفيذ. أما إذا إنت غير موجود فأحسن تشتري عشان ما تحصل ليك قصة المغترب أللي بيرسل قروش لقريبه عشان يبني ليه البيت وقريبه بيضرب نص القروش ويبني بالنص التاني والموضوع جاري لحدي ما أخونا المغترب فقد عمله. ضرب المسكين لقريبه في السودان وساله البناء واقف وين؟ قريبه قال ليه مترين والعرش، صاحبك المسكين قال ليه أعرش على كدا أنا جاي.

أتفق معك في هذا الخطاب ولكنني غير متواجد في السودان لذا من الصعب علي المتابعة بنفسي وكذلك ليس من السهل إيجاد شخص يتفرغ تفرغا كاملا لمتابعة أعمالي
لذا كنت اطمح في وجود شركات مضمونة في الخرطوم ومن لديه تجارب معها حتى أستفيد من تجاربه, فهل توجد هكذا شركات؟

شكرا يا صبري على المشاركة

Quote: ما عندي تجربة شخصية .. ولكن على حسب ما يتناوله البعض .. الأفضلية لشراء منزل جاهز ... والسبب: تكلفة أقل

لكن الشيطان في التفاصيل زي ما بيقولوا

بعدين ياخ بقى العندو حمام (لا مؤاخذة يعني) في السوق العربي يقول عايز فيه مليار ونص

أها العمل كيف؟؟؟ مواد البناء ما أرخص؟؟

انا بشوف انو الواحد يشوف ليهو قطعة ارض ويبنيها بي نفسو وبي مزاجو احسن وافضل وبرضو اقل تكلفة ..
لأنك ما بتضمن انو البيت الجاهز البتشتريهو ده يكون ما فيهو غش في المواد ..
تشتري وبعدين تتجهجه وتسف التراب ..
ابني في سنة ولا سنتين ولا حتى خمسة سنين الاهم انك تبني بيتك بي نفسك ..

الله يعينك والله ..

الاخ اشرف والأخوة المتداخلين الكرام
رغم اهمية السؤال الا ان الواقع يقول بانه لا يمكن الاجابة بشكل علمي ومؤسس
على مثل هذا السؤال في السودان الان
ليست هناك اي أسس علمية ومبررات تجعلك تفضل الخيار الاول خيار الشراء
او ترجح الخيار الثاني خيار البناء
كل شئ ماشي بطريقة ضربو رماه
ممكن تكون محظوظ تحصل قطعة ارض في مكان كويس
تحصل مقاول ود ناس بكل تحمل الكلمة
وتدخل في مشروع بناء ناجح وتبني وتخلص
وممكن العكس وتشوف نجوم النهار الى ان تخلص ده لو خلصت من اصلو
وايضا ممكن تحصل فرصة لقطة وتشتري بيت جاهز ويكون تمام التمام
وممكن برضو تتورط في مصيبة تقصر باقي عمرك
في السودان
كل الخيارات مفتوحة
كل الاحتمالات واردة
انت وحظك
لو بقيت محظوظ لمن تجر على السبعة
لتؤكل وسويسرا البقولو ليك الهامك

البيت ذاتو جليهو ... قول لي ليه؟

-اشترى ارض فى حتة بعيدة كدة - 50 مليون ..عشان الناس تسكت منك...
-وابدأ اسكن فى الرياض بالايجار = شفة ب 2 مليون * 12 شهر = 24 مليون* 20سنة = 500 مليون
- بعد عشرين سنة قطعتك تكون فى قلب البلد سعرها يساوى = 500 مليون
- عشرين سنة = ساكن مجانى لو داير تشتت من السودان بعد 20 سنة

- قيمة البيت الحاتشتريوهو او تبنيهو فى الرياض = 2-3 مليار
- افرض انك سودانى ساكت...يعنى كسلان وكدة = ختها فى البنك الاسلامى الفلاني كصكوك *10%= 200 مليون كل سنة

ربحانة معاك ...والا ماربحانة؟

إذا كنت خارج السودان و ما في حوجة للمنزل الأن فلا تشتري بيت جاهز و لا تبني بالمراسلة.

القروش الداير تشتري بيها البيت الجاهز أشتري بيها كم قطعة أرض كده (بشرط تكون شهادة بحث).

الكم قطعة أرض ديل بيحفظو ليك قيمة القروش و أسعارهم بتتضاعف مرات حسب وضع السوق لكن ما بخسروك كلو كلو.

متي ما قررت العودة النهائية و الإستقرار في السودان، أجر أحسن شقة لمدة سنة، خلال الفترة دي بيع واحدة من القطع و حتبني بيت علي أحسن ما يكون و أهم شي بتكون متابع كل شي بنفسك.

أما إذا كنت متواجد بالسودان فالأفضل تبني بيتك بنفسك و ما تشتري بيت جاهز إلا من زول بتضمنو و يكون بناهو لنفسو عشان يسكن فيهو و لظروف معينة داير يبيعه.


Good Luck, you will need it

اشرف

مشتاقيين

نصيحة من أختك بعد عانت مع والدها ما عانت من املاكن فى السودان
لا تشترى ولا تبنى فى السودان لو عندك فلوس ابنى فى اى بلد فى العالم ماعدا السودان
حا ياكلوك لما تقتنع ظاااااااااااااتوا لو بنيت ول اشتريت ما تضمن البيت يكون مبنى بمواصفات جيدة

وبعدين ياخى السودان شنو الفيه هسي مشجع علشان تبنى
وانت عايش فى السودان الحين
انا بندهش لى العقول البتفكر بطريقة دى
انت حياتك فى انجلترا واسرتك هناك وما افتكر يوم حا ترجع تعيش هناك
ليييييييييييييييييييه ترمى فلوسك فى بيت علشان تمشى مرة فى السنة

عالم غريب

نحن بنبيع فى املاكنا فى السودان فى الخرطوم 2 الخرطوم شرق الخرطوم 3 الخرطوم 1 وجبرة والصحافة والرياض

لو عاوز بيت ولا شقة قول لى عوووووك بس ترسل لى دولار ابو صلعة فى الحساب شرط اساسي

شوف ناذر الخليفة يااشرف ممكن يدك النجيضة .....

تحياتي .......

omer osman
تحياتي

Quote: شوف ناذر الخليفة يااشرف ممكن يدك النجيضة ..... تحياتي .......

شكرا يا جنابو وفعلا ناذر ما قصر

دكتورة وضاحة
سلامات وشكرا على المشاركة

Quote: اشرف مشتاقيين نصيحة من أختك بعد عانت مع والدها ما عانت من املاكن فى السودان لا تشترى ولا تبنى فى السودان لو عندك فلوس ابنى فى اى بلد فى العالم ماعدا السودان حا ياكلوك لما تقتنع ظاااااااااااااتوا لو بنيت ول اشتريت ما تضمن البيت يكون مبنى بمواصفات جيدة وبعدين ياخى السودان شنو الفيه هسي مشجع علشان تبنى وانت عايش فى السودان الحين انا بندهش لى العقول البتفكر بطريقة دى انت حياتك فى انجلترا واسرتك هناك وما افتكر يوم حا ترجع تعيش هناك ليييييييييييييييييييه ترمى فلوسك فى بيت علشان تمشى مرة فى السنة عالم غريب نحن بنبيع فى املاكنا فى السودان فى الخرطوم 2 الخرطوم شرق الخرطوم 3 الخرطوم 1 وجبرة والصحافة والرياض لو عاوز بيت ولا شقة قول لى عوووووك بس ترسل لى دولار ابو صلعة فى الحساب شرط اساسي

المشكلة يا وضاحة السودان دائما يكون الخيار الأول للإستقرار
لو البلد إتصلحت ممكن الناس كلها ترجع ولازم الواحد ما يقفل الباب ده نهائي
انا فعلا قضيت اكثر من نصف عمري في بريطانيا لكن قبل ذلك عشت في السودان وتشبعت بالأخلاق السودانية بالكامل
فأنا ما شايل هم نفسي ولكن شايل هم أطفالي وتربيتهم في الغربة وخاصة في دولة غربية
البيت العايز اشتريه ما عشان اسكن فيه في اجازاتي ولا عشان استأجره ولكن بغرض الاستقرار لو ربنا سهل ومد في العمر
الحاجة الوحيدة الشايل همها الآن في السودان هي الامراض الكثيرة التي يصاب بها الأطفال وتعقيدات العلاج
ده كل المقلقني في اتخاذ قرار للإستقرار في السودان في الوقت الحالي
تعرفي يا وضاحة لو كان بس عندنا مدرسة سودانية زي العندكم في قطر اصلو الواحد ما كان يفكر في الإستقرار في السودان
بعدين حتى الإستقرار ده بكون محدد بفترة معينة فقط يتغذى فيها الأطفال بالثقافة السودانية الكاملة وبعدها يمكن المغادرة

ماشاء الله على املاككم الكتيرة وربنا يزيد ويبارك وبالله وريني عايزين كم في بيت الخرطوم 2 أو الرياض (وش مدردق)

انا ما عندى تجربة وما عندى قروش عشان اجرب
ولو عندى قروش ما حابنى بيت وحاشترى لى قطعة صغيرة المساحة وابنى فيها عشرة دكاكين واقوم بتاجير الدكاكين افتراضا بعشرين مليون واستاجر بيت بمليونين واعيش بجزء من الباقي واستثمر الباقي فى بناء شقق علوية للسكن لاحقا ويا دار ما دخلك شر!
خلونا نحلم
جني

جني
اخبارك ياخ

Quote: انا ما عندى تجربة وما عندى قروش عشان اجرب ولو عندى قروش ما حابنى بيت وحاشترى لى قطعة صغيرة المساحة وابنى فيها عشرة دكاكين واقوم بتاجير الدكاكين افتراضا بعشرين مليون واستاجر بيت بمليونين واعيش بجزء من الباقي واستثمر الباقي فى بناء شقق علوية للسكن لاحقا ويا دار ما دخلك شر! خلونا نحلم

لكن حلمك منطقي جدا وياريت لو كنت في السودان كنت إشتغلت تجارة بالطريقة دي لأنو تجارة العقارات بسموها التجارة ال########ة يعني مضمونة وما فيها خسارة

Quote: رغم اهمية السؤال الا ان الواقع يقول بانه لا يمكن الاجابة بشكل علمي ومؤسس على مثل هذا السؤال في السودان الان ليست هناك اي أسس علمية ومبررات تجعلك تفضل الخيار الاول خيار الشراء او ترجح الخيار الثاني خيار البناء كل شئ ماشي بطريقة ضربو رماه ممكن تكون محظوظ تحصل قطعة ارض في مكان كويس تحصل مقاول ود ناس بكل تحمل الكلمة وتدخل في مشروع بناء ناجح وتبني وتخلص وممكن العكس وتشوف نجوم النهار الى ان تخلص ده لو خلصت من اصلو

سلامات للجميع

البيوت الجاهزة غير مضمونة المواصفات خاصة وأنه فى الفترة الأخيرة اتجّهت معظم إستثمارات رأس المال نحو شراء الأراضى ... البناء فيها

ثم بيعها جاهزة ... وبالقطع الربح يكون مُنشارياً... وغالباً مواصفات البناء تكون questionable وحتى لو سلِمت فإن التجهيز

الـ Finishing يكون تجارياً للطيش ...


أفضِّل القيام بالبناء ... وقد ابتكر المغتربون سياسة جديدة:

تجى شايل قروشك ... تبدأ البناء حسب (قروشك/ زمن إجازتك) ... وترجع وقروشك فى جيبك ... لتفادى المقالب ....

لن تتأثر بإرتفاع الدولار أو زيادة سعر السيخ/ الأسمنت لأنك مُقيم خارج السودان...

الأهم: سيكون متاحاً أمامك الإستثمار ..... ثم تجهيز المنزل بالمواصفات التى كنت تحلم بها( طبعاً أقصد الحكومة)....

وزي ما قال ابوعركي (تجربة خطيرة جد و.....)؟؟؟

مصطفى احمد الضو
سلام

Quote: وزي ما قال ابوعركي (تجربة خطيرة جد و.....)؟؟؟

شكرا على المشاركة

أبوبكر أبو القاسم
تحياتي

Quote: سلامات للجميع البيوت الجاهزة غير مضمونة المواصفات خاصة وأنه فى الفترة الأخيرة اتجّهت معظم إستثمارات رأس المال نحو شراء الأراضى ... البناء فيها ثم بيعها جاهزة ... وبالقطع الربح يكون مُنشارياً... وغالباً مواصفات البناء تكون questionable وحتى لو سلِمت فإن التجهيز الـ Finishing يكون تجارياً للطيش ... أفضِّل القيام بالبناء ... وقد ابتكر المغتربون سياسة جديدة: تجى شايل قروشك ... تبدأ البناء حسب (قروشك/ زمن إجازتك) ... وترجع وقروشك فى جيبك ... لتفادى المقالب .... لن تتأثر بإرتفاع الدولار أو زيادة سعر السيخ/ الأسمنت لأنك مُقيم خارج السودان... الأهم: سيكون متاحاً أمامك الإستثمار ..... ثم تجهيز المنزل بالمواصفات التى كنت تحلم بها( طبعاً أقصد الحكومة)....

زي ما قلت للشباب وبرغم إقتناعي أن تجارة الأراضي تجارة رابحة إلا أنه لا بد لك من شخص يتابع إمورك بإستمرار لتضمن أن نقودك التي تعبت فيها وأرسلتها لا تضيع بسرقة أراضيك
وبيعهم لاناس آخرين.
انا يا ابوبكر حقيقي داير أبني بنفسي وبالمواصفات الدايرها أنا لكن ما بقدر وأنا في الخارج فيصبح الخيار المتاح لي شراء بيت جاهز أو إذا تفضل أحد الإخوة بذكر معلومات عن الشركات التي تبني المنازل يكون قدم خدمة كبيرة, الحاجة دي هي الوحيدة التي لم تذكر في هذا البوست فهل لا توجد شركات معروفة حتى تتسع دائرة الخيارات لدي؟
الحاجة التانية في حالة إني لقيت أرض قرب منزل أحد أقربائي ممكن كده اضمن إنو أرضي ما حا تتسرق ويمكن حينها أن ابني ععلى راحتي. تسلم يا ابوبكر على مساهماتك القيمة.

شهاب الفاتح عثمان

شكرا على المرور يا حبيب

Quote: إذا كنت خارج السودان و ما في حوجة للمنزل الأن فلا تشتري بيت جاهز و لا تبني بالمراسلة. القروش الداير تشتري بيها البيت الجاهز أشتري بيها كم قطعة أرض كده (بشرط تكون شهادة بحث). الكم قطعة أرض ديل بيحفظو ليك قيمة القروش و أسعارهم بتتضاعف مرات حسب وضع السوق لكن ما بخسروك كلو كلو. متي ما قررت العودة النهائية و الإستقرار في السودان، أجر أحسن شقة لمدة سنة، خلال الفترة دي بيع واحدة من القطع و حتبني بيت علي أحسن ما يكون و أهم شي بتكون متابع كل شي بنفسك. أما إذا كنت متواجد بالسودان فالأفضل تبني بيتك بنفسك و ما تشتري بيت جاهز إلا من زول بتضمنو و يكون بناهو لنفسو عشان يسكن فيهو و لظروف معينة داير يبيعه.

أمسك في كلام الطيب دا قوي !

أغلب البيوت الجاهزة المعروضة للبيع تكون من تنفيذ تجــار ، قد يكون شكل المنزل جميلا والخرطة جميلة .. لكنك لا تضمن المواد المستخدمة ، وطريقة البناء .. صدقني لو قلت ليك إنو أغلب البيوت دي بيتم تنفيذها ، وتشطيبهاتماااما في أقل من شهرين !

بعدين أغلب المشاكل بتكون في حاجات اساسية .. الكهرباء ، والسباكة ! .. توصيلات السباكة المواسير المستخدمة ، طريقة حفر البئر ، السابتنك ...الخ ،، دي روح البيت وممكن تفقدك البيت كلو !!

أنا عندي تجربة شخصية في الحالتين .. صدقني أحسن ليك تبني براااك .

حسن بكري نقد
كيفك أخبارك

Quote: أمسك في كلام الطيب دا قوي ! أغلب البيوت الجاهزة المعروضة للبيع تكون من تنفيذ تجــار ، قد يكون شكل المنزل جميلا والخرطة جميلة .. لكنك لا تضمن المواد المستخدمة ، وطريقة البناء .. صدقني لو قلت ليك إنو أغلب البيوت دي بيتم تنفيذها ، وتشطيبهاتماااما في أقل من شهرين ! بعدين أغلب المشاكل بتكون في حاجات اساسية .. الكهرباء ، والسباكة ! .. توصيلات السباكة المواسير المستخدمة ، طريقة حفر البئر ، السابتنك ...الخ ،، دي روح البيت وممكن تفقدك البيت كلو !! أنا عندي تجربة شخصية في الحالتين .. صدقني أحسن ليك تبني براااك .

كلامك صاح يا حسن وشكرا على مشاركتك لنا لنوع التجربة التي مررت بها وفعلآ لا بد من الحذر والغستماع لكل الآراء وأنا حا أفكر جيدا قبل إتخاذ قرار سريع

الحاجة الوحيدة الممكن تكون مضمونة نوعا ما تلقى ليك بيت جاهز ليس بحديث وفي مناطق جيدة السكن وبكده ممكن تعرف قوة إستحمال ذلك المنزل. لك ودي وتقديري

الطيب الجاك
حبابك أخوي

Quote: إذا كنت خارج السودان و ما في حوجة للمنزل الأن فلا تشتري بيت جاهز و لا تبني بالمراسلة. القروش الداير تشتري بيها البيت الجاهز أشتري بيها كم قطعة أرض كده (بشرط تكون شهادة بحث). الكم قطعة أرض ديل بيحفظو ليك قيمة القروش و أسعارهم بتتضاعف مرات حسب وضع السوق لكن ما بخسروك كلو كلو. متي ما قررت العودة النهائية و الإستقرار في السودان، أجر أحسن شقة لمدة سنة، خلال الفترة دي بيع واحدة من القطع و حتبني بيت علي أحسن ما يكون و أهم شي بتكون متابع كل شي بنفسك. أما إذا كنت متواجد بالسودان فالأفضل تبني بيتك بنفسك و ما تشتري بيت جاهز إلا من زول بتضمنو و يكون بناهو لنفسو عشان يسكن فيهو و لظروف معينة داير يبيعه. Good Luck, you will need it

رديت على أحد الأخوان أنه أصبح لدي عقدة من شراء قطعة أرض
لأنني خارج السودان أخشى أن تسرق ويبنى عليها ولولا ذلك لكنت إشتريت 20 قطعة أرض من زمان
بالنسبة للحوجة للمنزل فنعم أحتاج منزل كبير الآن حتى لو أغلقته ولم أستخدمه الآن
أصارع نفسي في موضوع العودة النهائية الذي سأتطرق له في هذا البوست
ومن ناحية أخرى عايز أقفل باب السكن نهائي وأتفرغ لحاجة تانية وما أشيل هموم الأسعار الجنونية المالية المكان

أخونا عوض عمر
هلا بالروح المرحة

Quote: البيت ذاتو جليهو ... قول لي ليه؟ -اشترى ارض فى حتة بعيدة كدة - 50 مليون ..عشان الناس تسكت منك... -وابدأ اسكن فى الرياض بالايجار = شفة ب 2 مليون * 12 شهر = 24 مليون* 20سنة = 500 مليون - بعد عشرين سنة قطعتك تكون فى قلب البلد سعرها يساوى = 500 مليون - عشرين سنة = ساكن مجانى لو داير تشتت من السودان بعد 20 سنة - قيمة البيت الحاتشتريوهو او تبنيهو فى الرياض = 2-3 مليار - افرض انك سودانى ساكت...يعنى كسلان وكدة = ختها فى البنك الاسلامى الفلاني كصكوك *10%= 200 مليون كل سنة ربحانة معاك ...والا ماربحانة؟

حلوة السكن بالإيجار دي
يعني أكون مؤجر العمر كله ولا شنو؟
تعرف أنا ما محتاج أسكن بالإيجار
عندي خيارات أخرى موجودة والحمد لله
لكن بفتش عن بيت كبير لأكثر من طابق في مكان مألوف بالنسبة لي
وإنشاء الله حأقرأ البوست ده كتير

عبد الحافظ خضر
هلا بيك يا الحبيب

Quote: الاخ اشرف والأخوة المتداخلين الكرام رغم اهمية السؤال الا ان الواقع يقول بانه لا يمكن الاجابة بشكل علمي ومؤسس على مثل هذا السؤال في السودان الان ليست هناك اي أسس علمية ومبررات تجعلك تفضل الخيار الاول خيار الشراء او ترجح الخيار الثاني خيار البناء كل شئ ماشي بطريقة ضربو رماه ممكن تكون محظوظ تحصل قطعة ارض في مكان كويس تحصل مقاول ود ناس بكل تحمل الكلمة وتدخل في مشروع بناء ناجح وتبني وتخلص وممكن العكس وتشوف نجوم النهار الى ان تخلص ده لو خلصت من اصلو وايضا ممكن تحصل فرصة لقطة وتشتري بيت جاهز ويكون تمام التمام وممكن برضو تتورط في مصيبة تقصر باقي عمرك في السودان كل الخيارات مفتوحة كل الاحتمالات واردة انت وحظك لو بقيت محظوظ لمن تجر على السبعة لتؤكل وسويسرا البقولو ليك الهامك

كلام زي الورد
وزي ما تفضلت الوضع قاتم
لكن أعتقد البوست ده أصبح مرجع لي وللكثيرين للتبصير بكل الجوانب قبل إتخاذ أي قرار
أنا سعيد جدآ بما تفضلت به

هشام كمال عبادي
سلامات ومقدرين مشاركتك

Quote: انا بشوف انو الواحد يشوف ليهو قطعة ارض ويبنيها بي نفسو وبي مزاجو احسن وافضل وبرضو اقل تكلفة .. لأنك ما بتضمن انو البيت الجاهز البتشتريهو ده يكون ما فيهو غش في المواد .. تشتري وبعدين تتجهجه وتسف التراب .. ابني في سنة ولا سنتين ولا حتى خمسة سنين الاهم انك تبني بيتك بي نفسك .. الله يعينك والله ..

كلام جميل والله
لكن انا عندي مشكلة مع شراء الأراضي
بفتكر إنو لو إشتريت ليك قطعة وخليتها المسألة ما مضمونة وممكن جدآ مع الأوضاع المتردية في البلد دي يجي زول يشيلها ويبني عليها وبعدين ألقى نفسي جاري وراء
قضايا ومحاكم وخلافه, السبب لأنو أصبح في تزوير كبير في البلد فيما يخص الأراضي وممكن جدا سمسار ولا زول ما بخاف ربنا يطلع شهادة بحث بتزوير أن القطعة تنسب له
ودي حاصلة كتير جدا عشان كده جاتني عقدة في الاراضي اللهم إلا إذا إشتريت وباشرت البناء مباشرة. كمان البناء بالتقسيط ولفترات ممكن ياكلوا قروشك براحة ولا كيف؟

تحياتي وسلامات أشرف

Quote: أيهما أفضل: بناء منزل أم شراء منزل جاهز؟

Quote: من كل النواحي بما فيها التكلفة, أيهما أرخص؟ هل توجد شركات معروفة ومضمونة للبناء تسلمك المنزل كاملا في مدة معينة ودون حوجتك للمتابعة خصوصا اذا ما كنت غير متواجد بالسودان؟ أرجوا أن تحدثونا عن تجاربكم الشخصية أو مع الشركات وآرائكم, وتكلفة الأرض من ناحية ومن ناحية أخرى تكلفة البناء.

الأفضل دون شك
- أن تشتري قطعة أرض حسب إمكانياتك ورغبتك
- أن تعهد بالتصميم لمكتب إستشاري ذي خبرة فيصمم لك المنزل حسب متطلباتك ويضفي عليه اللمحات المعمارية حسب علمه وخبرته
- أن تتعاقد مع مقاول معروف لتنفيذ الأعمال تحت إشراف المكتب الإستشاري المصمم / الإثنان خاضعان لمتابعتك الشخصية أو من ينوب عنك

لماذا ؟؟

نقول دائماً أن ( بيت العمر ) ينفذ مرة واحدة فلابد أن ينفذ على أسس صحيحة
خيارنا أعلاه يعطيك الفرصة لكى تكون كل مرحلة من مراحل البيت قد تمت على قناعة كاملة منك ( إشتريت الأرض في المكان أو الحى الذي تفضل ،،،، شاركت في تصميم البيت حسب ذوقك ،،،، أنت على علم بحديد التسليح الذي تم إستخدامه،،،،، والأسمنت الذي تم إستخدامه،،،،،، تم تشطيب البيت بالمواد والألوان المحببة لنفسك ،،،،، ) وهكذا
يغيب عن الناس ( ربما بسبب عدم المعرفة الفنية )
- أن المساكن مثلها مثل أى شئ لها عمر إفتراضي
- الخرسانة المسلحة وهى أقوى عناصر البناء نعطيها شهادة ضمان لمدة عشر سنوات ( فقط ) بعد ذلك فهى معرضة لكل العيوب
- توجد تفاصيل صغيرة لا يمكن الجزم بها عند شرائك للمسكن الجاهز مهما كان براعة مستشاريك الفنيين ، مثلاً أنه من البديهيات الهندسية أن تعالج كل العناصر الخرسانية صبات ،أعمال بناء بالمونة الحرة ، أعمال البياض الأسمنتي لا بد أن تعالج هذه الأعمال بالرش بالمياه لمدة لا تقل عن ( 7 ) أيام Curing وهى ضرورة يعلمها طلاب الهندسة في سنينهم الأولى ... ضرورة أساسية لكنها تغيب عند ( البناء التجاري ) جهلاً أو تقليلاً للتكلفة خاصة في الأماكن التي ينقطع فيها إمداد المياه بالنهار ....... غياب هذه المعالجة يساهم في تقليل عمر العناصر الخرسانية ....
- توجد تفاصيل كثيرة تم التغطية عليها عند تنفيذ أعمال التشطيب مثل مواسير تمديدات الكهرباء ومواسير تمديدات المياه والأسلاك الكهربائية ، فالمشتري لمسكن جاهز ( مع عدم معرفته ) لتاريخ تركيبها فهو أيضاً لا يعرف نوعيتها ولا مدى جودتها
- المسكن المنفذ بواسطة صاحبه هو قطعاً ( الأرخص ) مهما كانت تكلفته عالية
- المسكن المشترى جاهزاً هو ( في الأغلب ) الأغلى مهما كان سعره منخفضاً لحظة شرائه نضيف لكل ما كل ماذكرنا أعلاه من قيم الإختيار نضيف ( بند الصيانة ) والفك ولإعادة تركيب المواد وإصلاح الأعطال التي سوف تحدث بسبب إنتهاء الصلاحية .


_______________

على المستوى الشخصي
ورغم إزدحام مفكرتي بأسماء مهندسين زملاء وتلاميذ في المهنة يعملون في سوق الإنشاءات في الخرطوم إلا أنني قد نفذت منزلى بنفسي بطريقة مولانا أبوبكر أبو القاسم - على مراحل في الإجازات -
مع جزيل شكري لكل الزملاء والأصدقاء المهندسين الذين قدموا لى المساعدات الكثيرة مثل ترشيح العمالة الماهرة ، تأجير المعدات ، تعريفي بتجار المواد ، ...........



___________________

الخلاصة

الإستثمار العقاري في السودان أمامه سنين ضوئية طويلة ليصبح إحترافياً

أخونا عاطف عمر
شكرآ كتير على المداخلة الشحمانة

Quote: الأفضل دون شك - أن تشتري قطعة أرض حسب إمكانياتك ورغبتك - أن تعهد بالتصميم لمكتب إستشاري ذي خبرة فيصمم لك المنزل حسب متطلباتك ويضفي عليه اللمحات المعمارية حسب علمه وخبرته - أن تتعاقد مع مقاول معروف لتنفيذ الأعمال تحت إشراف المكتب الإستشاري المصمم / الإثنان خاضعان لمتابعتك الشخصية أو من ينوب عنك على المستوى الشخصي ورغم إزدحام مفكرتي بأسماء مهندسين زملاء وتلاميذ في المهنة يعملون في سوق الإنشاءات في الخرطوم إلا أنني قد نفذت منزلى بنفسي بطريقة مولانا أبوبكر أبو القاسم - على مراحل في الإجازات - مع جزيل شكري لكل الزملاء والأصدقاء المهندسين الذين قدموا لى المساعدات الكثيرة مثل ترشيح العمالة الماهرة ، تأجير المعدات ، تعريفي بتجار المواد ، ........... ___________________ الخلاصة الإستثمار العقاري في السودان أمامه سنين ضوئية طويلة ليصبح إحترافياً

أنا معاك يا حبيب في شراء قطعة أرض إذا وجدت شركة معروفة ومضمونة وملتزمة بالمواعيد لبناء المنزل دون تدخلي على الإطلاق لأنني خارج السودان
لكن مافي زول دلانا حتى الىن لاسماء وهواتف وعناوين الشركات, إنت البنوك دي ما بتتعامل مع شركات ولا تعامل الشركات ليها حصري؟؟

بعدين من تجربتك الشخصية شعرت إنو موضوع البناء ده ما ساهل وإنك إستعنت بأصدقائك المهندسين وأخدت وقتك بالكامل لمعرفة كل الإجراءات المتبعة
عشان كده ياريت لو عرفت معلومات الشركات دي عشان الصورة تكون مكتملة بالنسبة لي...شكرا يا عاطف ما قصرت وربنا يديك العافية

عن تجربة شخصية كلام الطيب الجاك ده أحسن كلام لانو حتى لو انت بنيت البيت في اجازاتك بالقطاعي عوامل الزمن و البيئة تؤدي الى اهلاك المنزل كما أن تقنيات البناء و أساليبه تتطور كل يوم عشان كدة احسن تحفظ القروش في اراضي و لما تبقى على البنا تبيعهم و تبني أحسن بناء تحت اشرافك المباشر على كل كبيرة و صغيرة

!!

Quote: شوف ناذر الخليفة يااشرف ممكن يدك النجيضة .....

وناذر الخليفة بيقول ليك شوفني هنا وشوف تجارب و بيوت البورداب الاشتغلو معاي :


http://www.madeinsudan.net

شكرا يا شباب على المشاركات والنصائح وأنا والله ممنون جدآ

وسأرد عليكم جميعا بإذن الله

ويا ناذر ما فهمته أنك لا تبني بالطوب الأحمر أبدا,,,فهل هذا صحيح؟؟

وهل البناء بالجبص او الالمونيوم او الرخام في نفس قوة الطوب الأحمر ويصمد عند العاصفة...ألخ

وهل فعلا ممكن تبني بيت في أقل من شهرين؟

وكم التكلفة الكلية؟؟

!!!

Quote: وهل فعلا ممكن تبني بيت في أقل من شهرين؟

تراي مي ...!!

منزل الشقلة .. 45 يوم التنفيذ والتسليم !!

ناذر الخليفة
مرحب بيك مرة أخرى

Quote: تراي مي ...!! منزل الشقلة .. 45 يوم التنفيذ والتسليم !!

تسلم يا ناذر وحقيقة أعمالك رائعة وشغلك تمام

لكن عايز أسالك ثلاثة أسئلة:

-هل ممكن تبني لي بيت بالطوب الأحمر؟ (أنا حقيقة لا أعرف كثيرا عن الجبص أو الأشياء الأخرى مع إعترافي بروعتها لكن بحب أعمل الحاجة الانا بعرفها)
- كم سيكون الفرق المادي (تقريبآ) في بناء منزل بالطوب الأحمر؟
- كم من الوقت تستغرق لبناء المنزل؟

الحاجة التانية نفكر في بناء مسجد كصدقة جارية لوالدي (رحمه الله) كم تكلفة بناء المسجد؟

بناء منزل يعتبر مشروع ضخم لابد من دراسة حقيقية تحدد فيها بالضبط ما تريده من ذلك المشروع.
وبالحسابات المادية البحتة ستخسر اذا بنيت او اشتريت جاهز لان العائد لن يتم استرجاعه في اقل من 40 عاما علي الاقل
(منزل من طايق واحد لوود بيرنق في اي حي وسط (جبره - الفيحاء - الحلفايا ) في حدود 800 الف جنيه مثلا, ايجاره لن يتجاوز 1500 جنيه يعني 18 الف في السنة 720 الف في 40 عام)
اما اذا كانت هناك حسابات اخري مثل الاستقرار فالافضل ان تبني لوحدك اذا كان في امكانك المتابعة الشخصية, اما اذا لم تستطيع المتابعة فالافضل ان تشتري جاهز وابعد من التجار, ومن اي منزل لم يكن صاحبه من قام بمتابعته بصورة شخصية.
الموقع مهم جدا لكنه يتحدد حسب حوجتك انت ( مكان عملك المفترض, القرب من الاهل) لانو لو بنيت بعيد من مكان عملك او اهلك فستعاني معاناة لا اول لها ولا اخر مع زحمة الخرطوم وشوارعها السيئة وبنزينها الغالي. (معاناة شخصية بطلع من الفيحاء الحاج يوسف المغرب عشان اصل الوالدين في الثورة بسلم واقف وبرجع البيت 11 او 12 مساء )
عموما الكلام الاتقال من الشباب الفوق ده كلو صحيح ومحتاج تقراهو مرة ومرتين وتلاتة وبرضو تحسبها مرة ومرتين وتلاتة

سلامات
الى.الان.لدبنا ارض صقيعة عاجزين عن اتخاذ القرار لكن
عايزة ابني فيها غرفة كبييييييرة وصالة كبييييرة
واصلح الحيشان لانه اصلا مافي زول قاعد يقعد جوة بالكهرباء المافي دي
ويكون بيت عطلات
افتكر انت تعمل كدا برضو
اخوي واختي عندهم مآاسي في بناءالبيت وبيعمل ضغط وسكري وفلس وقطيع لزمن طويل
او اشتري بيت جاهز وركز على الحيشان

(منزل من طايق واحد لوود بيرنق في اي حي وسط (جبره - الفيحاء - الحلفايا ) في حدود 800 الف جنيه مثلا, ايجاره لن يتجاوز 1500 جنيه يعني 18 الف في السنة 720 الف في 40 عام)

عمار يا عمكـ
حاول تراجع حساباتكـ شوية!!!





_
النجيضة يا أشرف
كـدا ووب .. وكـدا ووب

Quote: عمار يا عمكـ حاول تراجع حساباتكـ شوية!!!

يا ود الصايم

الحسابات الجابا ليك عمار دي في السودان
الشافتو عيني دي 80 سنة ما بتحصل
عمار دا نسي مغايص المستأجرين
وكسيرهم وهروبهم بدون سداد؟؟؟

ألأخ،أشرف السلام عليكم.

شفت كلام ألأخوان الذين تداخلوا هنا كل واحد خت ليهو إعتبار خاص..أها ده حال السودان...مافى رؤية واضحة ولاسياسة واضحة...زى ما قال ليك وأحد من ألأخوان سياسة ضربو رما.

عشان نكون عمليين أنا صاحب تجربة فى البناء ولكن كل تجربة بتختلف عن غيرها بالمعطيات.

وقبل أن أبداْ فى ألأسئلة لك أود أن أعطيك الصورة العامة التى تؤيد توجه ألأخوين محمد عثمان وهشام عبادى بأن تبنى أفضل من أن تشترى .

Quote: أعتقد أن البناء أفضل من الشراء لانك بتبني المنزل بالطريقة الانتا عايزها ، شكل البيت ، عدد الغرف ، الخارطة وخلافة.

هل أنت مستعجل للبيت؟؟

هل هناك شخص متفرق لك فى حالة غيابك ومؤتمن؟

وإذا أردت أن تذهب بنفسك لابد أن تعمل مسح للسوق لكل المشتريات والعمال.

عدم ألأستعجال لحاجاتك أو إشعار العمال بأنك مستعجل لحاجتك على طول بزودوا ليك الحاجة.

هناك متغيرات فى ألأسعار يجب وضع هامش سعر لها.

مراعاة المواسم التى تريد أن تبنى فيها..مثل الخريف الطوب بزيد...
ربنا يوفقك ويسعدك ويهنيك وتحياتى للجميع.

حبيبنا إسماعيل عباس
مرحب بيك وأخبارك

Quote: هل أنت مستعجل للبيت؟؟ هل هناك شخص متفرق لك فى حالة غيابك ومؤتمن؟ وإذا أردت أن تذهب بنفسك لابد أن تعمل مسح للسوق لكل المشتريات والعمال. عدم ألأستعجال لحاجاتك أو إشعار العمال بأنك مستعجل لحاجتك على طول بزودوا ليك الحاجة. هناك متغيرات فى ألأسعار يجب وضع هامش سعر لها. مراعاة المواسم التى تريد أن تبنى فيها..مثل الخريف الطوب بزيد... ربنا يوفقك ويسعدك ويهنيك وتحياتى للجميع.

أنا عايز أشتري قطعة وأبني في ظرف شهور لو لقيت زول معروف لدي المنبر أو شركة معروفة ومجربة
بشرط الاسعار تكون معقولة وإلاسأضطر للإنتظار حتى تستعدل الأسعار
ما عايز اكلف زول عشان التفرغ صعب والناس مشغولة وكل في همه
بالنسبة للذهاب بنفسي وعمل مسح دي صعبة وما بقدر عليها
أما متغيرات السعار سأضعها في بالي قبل إتخاذ اي خطوة
كويس إنك نبهتني بأن موسم مثل الخريف تزداد فيه الأسعار
شكرا ليك والله على تنويرنا وربنا يديك الصحة والعافية

Quote: القروش الداير تشتري بيها البيت الجاهز أشتري بيها كم قطعة أرض كده (بشرط تكون شهادة بحث). الكم قطعة أرض ديل بيحفظو ليك قيمة القروش و أسعارهم بتتضاعف مرات حسب وضع السوق لكن ما بخسروك كلو كلو. متي ما قررت العودة النهائية و الإستقرار في السودان، أجر أحسن شقة لمدة سنة، خلال الفترة دي بيع واحدة من القطع و حتبني بيت علي أحسن ما يكون و أهم شي بتكون متابع كل شي بنفسك. أما إذا كنت متواجد بالسودان فالأفضل تبني بيتك بنفسك و ما تشتري بيت جاهز إلا من زول بتضمنو و يكون بناهو لنفسو عشان يسكن فيهو و لظروف معينة داير يبيعه.

الاخ الطيب أداك المختصر المفيد
مع التحية

Quote: (منزل من طايق واحد لوود بيرنق في اي حي وسط (جبره - الفيحاء - الحلفايا ) في حدود 800 الف جنيه مثلا, ايجاره لن يتجاوز 1500 جنيه يعني 18 الف في السنة 720 الف في 40 عام) عمار يا عمكـ حاول تراجع حساباتكـ شوية!!!

ود الصايم يا حبيب
دي حسابات زول بنا في الفيحاء براهو, لوود بيرنق, تابع حفرة حفرة ,طوبة طوبة, وعندو فيها شقة مؤجرة.
لكن حسابات جبرة والحلفايا دي قياس مني ساكت

Quote: عمار دا نسي مغايص المستأجرين وكسيرهم وهروبهم بدون سداد؟؟؟

طبعا يا نزار, الحاجات اسالني منها انا , حاليا عندي شقة فاضية قررت اخليها كده

ابو الشروف ..... حليل ايام المؤتمر

ليك وحشه وشوق والله من اللقاء العابر ذلك ولم نسعد بالتواصل ..

عساك بخير واسرتك الطيبة طيبة.

تجربتي الشخصية تركت الاراضي التي امتلكها علي شاطئ النيل واشتريت شقة جاهزة حتى أتفادى كل ما ذكره الأخوة من مخاوف ووجع قلب ورأس.

اشتريت من شركة الفيصل العقارية في مشروعها السكنى الاول ( برج الفيصل الاول ببري) وهو في موقع ممتاز ويطل على شارعين كبيرين مع معرض الخرطوم الدولي

وكنت قد علمت بالمشروع عبر معرفة خاصة وهذه الايام بدأ الاعلان عن البيع ( مساحات معتبرة ومصعدين وجراج سيارات تحت العمارة ومولد كهربائي وبئرين للتصريف)

شوف الرابط أدناه

http://www.alfaisalrealestate.com/studio.php?...0&totalRows_elbum=30

توجد ثلاث نماذج بمساحات مختلفة. ربما كانت خيار ونسعد بجيرتك

كامل مودتي والأمنيات
عبدالعزيز خطاب

الأخ الكريم أشرف

موضوع شراء البيت يجب أن يخضع إلى مواصفات فنية ورأي إستشاري فني بحت ومن ثم يتم تقييم العقار
بعض الناس يشتروا البيت ولكن تكون هنالك أحوال طبيعية غير منظورة unforeseen phiscal conditions مثل وجود بئر مياه ولذلك يتعين أخذ مشورة فنية من جهة ثقة وبالأضافة إلى التأكد من الوضع القانوني للعقار موضوع الشراء والبيع

ومن الناحية العملية قد يكون البيت الجاهز تم بيعه لإضطرار البائع للسيولة distress sale ولا توجد به عيوب إنشائية

كقاعدة عامة شراء العقار يتطلب التالي :

1- الجانب القانوني والتأكد من شهادة البحث وصفة البائع والمشتري وأهليتهما وخلو المبيع من الموانع القانونية ( ورثة , حق شفعة , نزاع قانوني سابق , هبة الخ )
2- جانب فني يتمثل في خريطة البناء وعقد البناء مع الإستشاري والمقاول مع المالك الأصلي
3- جانب تجاري يتمثل في معقولية السعر مقارنة مع مثله من العقارات

وكل هذه الأمور تتطلب ثلاثة أضلاع ( وجود المشتري أو وكيل ثقة ووجود رأي فني لتولي الجوانب الهندسية والإنشائية ووجود محام للامور القانونية وسمسار عقارات يعرف الأسعار جيدا

وبالبركة إنشاء الله

أخونا عثمان الحسن أبوروف
شكرا ليك على المشاركة القيمة

Quote: الأخ الكريم أشرف موضوع شراء البيت يجب أن يخضع إلى مواصفات فنية ورأي إستشاري فني بحت ومن ثم يتم تقييم العقار بعض الناس يشتروا البيت ولكن تكون هنالك أحوال طبيعية غير منظورة unforeseen phiscal conditions مثل وجود بئر مياه ولذلك يتعين أخذ مشورة فنية من جهة ثقة وبالأضافة إلى التأكد من الوضع القانوني للعقار موضوع الشراء والبيع ومن الناحية العملية قد يكون البيت الجاهز تم بيعه لإضطرار البائع للسيولة distress sale ولا توجد به عيوب إنشائية كقاعدة عامة شراء العقار يتطلب التالي : 1- الجانب القانوني والتأكد من شهادة البحث وصفة البائع والمشتري وأهليتهما وخلو المبيع من الموانع القانونية ( ورثة , حق شفعة , نزاع قانوني سابق , هبة الخ ) 2- جانب فني يتمثل في خريطة البناء وعقد البناء مع الإستشاري والمقاول مع المالك الأصلي 3- جانب تجاري يتمثل في معقولية السعر مقارنة مع مثله من العقارات وكل هذه الأمور تتطلب ثلاثة أضلاع ( وجود المشتري أو وكيل ثقة ووجود رأي فني لتولي الجوانب الهندسية والإنشائية ووجود محام للامور القانونية وسمسار عقارات يعرف الأسعار جيدا وبالبركة إنشاء الله

كلام سليم مائة المائة وتشكر عليه كتير والله ونصائحك نورتنا ذيادة لكن خوفتنا اكتر من البناء
اللهم الا اذا وجدت زول مضمون او شركة مضمونة توعد وتنفذ الإتفاق في الموعد المتفق عليه
لانو الثلاثة اضلاع الذكرتها دي من الصعب متابعتها اذا كنت خارج السودان

لكن كما ذكرت من قبل لو اشتريت وبنيت طوالي وبإتفاق والتزام مع الشخص المناسب ممكن هو يشوف لي المقاول وكل الإمور الأخرى
الموضوع معقد شوية ولكن ساتابع البوست في إنتظار ردود أخرى
تسلم يا عثمان وربنا يديك الصحة

عزيز
تحياتي والأخبار

Quote: ابو الشروف ..... حليل ايام المؤتمر ليك وحشه وشوق والله من اللقاء العابر ذلك ولم نسعد بالتواصل .. عساك بخير واسرتك الطيبة طيبة. تجربتي الشخصية تركت الاراضي التي امتلكها علي شاطئ النيل واشتريت شقة جاهزة حتى أتفادى كل ما ذكره الأخوة من مخاوف ووجع قلب ورأس. اشتريت من شركة الفيصل العقارية في مشروعها السكنى الاول ( برج الفيصل الاول ببري) وهو في موقع ممتاز ويطل على شارعين كبيرين مع معرض الخرطوم الدولي وكنت قد علمت بالمشروع عبر معرفة خاصة وهذه الايام بدأ الاعلان عن البيع ( مساحات معتبرة ومصعدين وجراج سيارات تحت العمارة ومولد كهربائي وبئرين للتصريف) شوف الرابط أدناه http://www.alfaisalrealestate.com/studio.php?...0&totalRows_elbum=30 توجد ثلاث نماذج بمساحات مختلفة. ربما كانت خيار ونسعد بجيرتك كامل مودتي والأمنيات عبدالعزيز خطاب

ما عرفت المؤتمر ده شنو يا عزيز هل هو مؤتمر صحفي؟
وكمان ما بتذكر اللقاء ربما الخرف دخل بدري,,معليش ذكرني شوية
انا والاهل بخير ولله الحمد والمنة ولك خالص الشكر للسؤال
بالنسبة للشقق هو خيار برضو وياريت لو عندك بقية اسعار الأبراج الأخرى تنوهنا بها
شكرا كثير للرابط لكن اطلعت على أسعار الشقق واقل واحدة لا تنقص عن 800 أو 850 مليون

عمار إلياس

شكرا على المرور مرة أخرى

البشير دفع الله

شكرا على المشاركة وما قصرت

nazar hussien

شكرا على المرور

محمد عبد الماجد الصائم
كيفنك يا الحبيب

Quote: النجيضة يا أشرف كـدا ووب .. وكـدا ووب

والله صحي
ربنا يسهل بس

نجاة محمود

شكرا ع المرور

عمار إلياس
تحياتي

Quote: بناء منزل يعتبر مشروع ضخم لابد من دراسة حقيقية تحدد فيها بالضبط ما تريده من ذلك المشروع. وبالحسابات المادية البحتة ستخسر اذا بنيت او اشتريت جاهز لان العائد لن يتم استرجاعه في اقل من 40 عاما علي الاقل (منزل من طايق واحد لوود بيرنق في اي حي وسط (جبره - الفيحاء - الحلفايا ) في حدود 800 الف جنيه مثلا, ايجاره لن يتجاوز 1500 جنيه يعني 18 الف في السنة 720 الف في 40 عام) اما اذا كانت هناك حسابات اخري مثل الاستقرار فالافضل ان تبني لوحدك اذا كان في امكانك المتابعة الشخصية, اما اذا لم تستطيع المتابعة فالافضل ان تشتري جاهز وابعد من التجار, ومن اي منزل لم يكن صاحبه من قام بمتابعته بصورة شخصية. الموقع مهم جدا لكنه يتحدد حسب حوجتك انت ( مكان عملك المفترض, القرب من الاهل) لانو لو بنيت بعيد من مكان عملك او اهلك فستعاني معاناة لا اول لها ولا اخر مع زحمة الخرطوم وشوارعها السيئة وبنزينها الغالي. (معاناة شخصية بطلع من الفيحاء الحاج يوسف المغرب عشان اصل الوالدين في الثورة بسلم واقف وبرجع البيت 11 او 12 مساء ) عموما الكلام الاتقال من الشباب الفوق ده كلو صحيح ومحتاج تقراهو مرة ومرتين وتلاتة وبرضو تحسبها مرة ومرتين وتلاتة

كلام سليم وأنا لو لقيت زول مضمون أقدر أثق فيه ما عندي مشكلة
حسي يا عمار الاسعار الخيالية البطلبوها الناس ديل في البيوت حقيقية؟ وهل العايزين يشتروا فعلا بدفعوها؟؟
تعرف حتى أسعار الشقق زادت بصورة غريبة جدا ومن حسب متابعتي كل عام سعر الشقة يزيد عن المبلغ الأساسي بحاولي مائة مليون او أكثر؟
في الحالات دي الواحد احست ينتظر إنخفاض الدولار ولا الأسعار دي ما حا تنزل تاني حتى لو الدولار نزل؟
بصورة عامة إذا قررت يوم شراء شقة كيف أعرف الأسعار الحقيقية للسوق غير الأسعار المعلنين عنها ناس العقار؟

أخونا ناذر الخليفة
تحياتي ليك

Quote: وناذر الخليفة بيقول ليك شوفني هنا وشوف تجارب و بيوت البورداب الاشتغلو معاي

شفت شغلك وشفت تجاربك وهي قيمة جدآ وشغل نضيف ما فيه أي كلام وبدون أدنى مجاملة مني
وشكرا كتير على الرابط

حاتم محمد
تحياتي

Quote: عن تجربة شخصية كلام الطيب الجاك ده أحسن كلام لانو حتى لو انت بنيت البيت في اجازاتك بالقطاعي عوامل الزمن و البيئة تؤدي الى اهلاك المنزل كما أن تقنيات البناء و أساليبه تتطور كل يوم عشان كدة احسن تحفظ القروش في اراضي و لما تبقى على البنا تبيعهم و تبني أحسن بناء تحت اشرافك المباشر على كل كبيرة و صغيرة

شكرا ليك وشكرا للطيب الجاك على المساهمة وإنشاء الله ندرس الخيارات كلها والفيه خير ربنا يسهله,,,تسلم يا حبيب