Sudanese on LIne Etiquette

ممكن يكون عندنا حاجة زي دي تتطبق في المنبر دا ؟

أول حاجة عاوزين لينا واحد من زملانا المنظراتية يجي يفسر لينا معنى أتيكيت


وطبعاً منظراتية دي هنا من غير أي سخرية لأنو المنظراتية مهمين ومطلوبين لمثل هذا الأمر

وأتمنى أن يأتي بدر الدين أحمد موسى

بعد داك عشان نشوف ممكن يكون في أتيكيت ولا لا

وهل حنقدر عليه ولا لا

عاصم فقيري
تحياتي

زمان انا كنت قايلها اوتوكيت!
بالله هي اتيكيت?
ياخ ما تكون حساس ياخ و الله العظيم انا قاصد خير. و بعدين انت امبارح دي ما قرصتني يا عاصم ياخ!
تيك ات ان استرايد ياخ
والله نيتي بيضا

الأحسن يكون بروتوكول وهو عبارة عن الإتفاق الغير ملزم ولا يتم تنفيذه إلا لما تجره مخالفته من نتائج.
زي بروتوكول الوقوف عندما تكون الإشارة حمراء، والحركة عندما تكون الإشارة خضراء.

ويجب تمييزه عن القانون والذي لا تستطيع أن تتجاوزه إلا إذا تجاوزنا قوي النظام الذي يحدده.
زي الجاذبية الأرضية مثلاً كقانون فيزيائي.

وفي الحقيقة ما يطلق عليه بالقوانين في الدول هي بروتوكولات الدولة بين السلطة وأفراد المجتمع (لأنك تستطيع إختيار عدم إتباعها إذا أردت).

والإتكيت هو بروتوكول التعامل الإجتماعي وبدأته الطبقات الأرستقراطية في أوروبا . مثال: آداب الأكل بالشوكة والسكين.

شكراً عاصم فقيري ونضم صوتنا لصوتك.

اتيكيت شنو ياخ في البرد دة يا عاصم

.

عيدروس
تحياتي
ياخ عندي سؤال برا الاتيكيت!
هل انت عماد عيدروس صاحبي في الفيسبوك?
لو كدة ياخ نحنا اتقابلنا كتيييييير زمان مع ناس جيب الله و هشام و حامد الطيب!




---
ياخ عاصم ما عندو موضوع و لا حاجة, اظنه زعل لأني علقت في بوست المعقوفتين و صححت ما جاء في مداخلته و ما كنت قاصد ازعله و انما كنت قاصد اصحح المعلومة
بوست غير موفق يا عاصم ههههههههههه

عاصم
سلام...
هى فعلا إتيكيت وليست اوتوكيت
جذور الكلمة من بدايات السينما فى اوروبا.. واثناء عرض الفلم الناس كانت تتكلم وتعلق وتتونس بصوت عالى فى مواضيع مختلفة.. فقامت إدارة السينما طبعت قواعد سلوك على ظهـر التذكرة..
ولما نفرين يبدوا يشوشروا بالكلام يقرب منهم شرطى السينما ويسألهم هل قرأتم ال Etiquette .. ثم صار السؤال هل عندكم Etiquette اقروا المكتوب على ظهرهـا.. ومنذ ذلك الحين أخذت الكلمة Etiquette
معنى السلوك الواجب اتباعـه..

الظاهر ناس كتيرة فى المنبر خاشين بدون تذاكر (ما عندها Etiquette)

كيفك يا بدرالدين
أياهو أنا ذاتو :)

Quote: عاصم فقيري تحياتي زمان انا كنت قايلها اوتوكيت! بالله هي اتيكيت? ياخ ما تكون حساس ياخ و الله العظيم انا قاصد خير. و بعدين انت امبارح دي ما قرصتني يا عاصم ياخ! تيك ات ان استرايد ياخ والله نيتي بيضا

بدر الدين

والله ما إتحسست لأني عارفك حكاك ودي هواية وطبيعة فيك ما بنقدر نغيرها

لكن بالجنبة كدا يا بدر الدين لمن قلت منظراتية في دي بالذات ما كنت قاصدك

إنت مالك ونال الإتيكيت دا أنا عاوز أجرجر بيهو ناس الإتيكيت ديلك

لكن شكلهم عاوز طريقة خاصة وبروتوكول خاص للجرجرة

يعني جرجرتهم ذاتها عاوزة إتيكيت ما عندنا ليهو شوكة وسكين

Quote: الأحسن يكون بروتوكول وهو عبارة عن الإتفاق الغير ملزم ولا يتم تنفيذه إلا لما تجره مخالفته من نتائج. زي بروتوكول الوقوف عندما تكون الإشارة حمراء، والحركة عندما تكون الإشارة خضراء. ويجب تمييزه عن القانون والذي لا تستطيع أن تتجاوزه إلا إذا تجاوزنا قوي النظام الذي يحدده. زي الجاذبية الأرضية مثلاً كقانون فيزيائي. وفي الحقيقة ما يطلق عليه بالقوانين في الدول هي بروتوكولات الدولة بين السلطة وأفراد المجتمع (لأنك تستطيع إختيار عدم إتباعها إذا أردت). والإتكيت هو بروتوكول التعامل الإجتماعي وبدأته الطبقات الأرستقراطية في أوروبا . مثال: آداب الأكل بالشوكة والسكين. شكراً عاصم فقيري ونضم صوتنا لصوتك

يا عيدروس بالجد ما قصرت

أها دا دور المنظراتية المطلوب جد جد

وكدا نقدر نشوف

ممكن نبقى ناس إتيكيت في تعاملنا هنا مع بعض

ولا نبقى ناس دراب ساكت

كل واحد يزعل من واحد يجي يرشو كم درابة

أو دراب من غير سبب يتساقط على المنبر

تسلم يا عيدروس

Quote: عاصم سلام... هى فعلا إتيكيت وليست اوتوكيت جذور الكلمة من بدايات السينما فى اوروبا.. واثناء عرض الفلم الناس كانت تتكلم وتعلق وتتونس بصوت عالى فى مواضيع مختلفة.. فقامت إدارة السينما طبعت قواعد سلوك على ظهـر التذكرة.. ولما نفرين يبدوا يشوشروا بالكلام يقرب منهم شرطى السينما ويسألهم هل قرأتم ال Etiquette .. ثم صار السؤال هل عندكم Etiquette اقروا المكتوب على ظهرهـا.. ومنذ ذلك الحين أخذت الكلمة Etiquette معنى السلوك الواجب اتباعـه.. الظاهر ناس كتيرة فى المنبر خاشين بدون تذاكر (ما عندها Etiquette)

يا ابو الريش مداخلة ثمينة


وأنا بدوري أحولها لبدر الدين أحمد موسى

فهو فعلاً في حاجة لهذه المداخلة

Quote: اتيكيت شنو ياخ في البرد دة يا عاصم

يا طارق جبريل

إتيكيت البرد دا بتعرفو براك

____________________

إنت يا طارق شايقي ومرتك محسية، أكيد ما عاوزين إتيكيت لأن الإتيكيت ضد التركين

عاصم فقيري

"

Quote: وأنا بدوري أحولها لبدر الدين أحمد موسى فهو فعلاً في حاجة لهذه المداخلة

"

ما محتاج للكلمة ككلمة و عارفها و فايتة اضاني بس كنت عايز ارطب الجو شوية
اما لو كنت قاصد اني احتاجها كمعنى يعني اني ما عندي اتيكيت لما صلحت كلامك فمشكور
في المعرفة تمرير الخطأ مصيبة يا شيخنا!
امانة في عنق من يعرف الصاح انه يصلح الخطأ, ليس للتباهي و انما لكي لا يتكاثر الفهم الخطأ بين الناس.
الزول سأل عن المعقوفتين, و انت ضربت ليهو مثال بالشرطتين, ودا كان خطأ يا فقيري. و لو ما صلحته انا مفروض يصلحه زول تاني لان المعقوفتين و الشرطتين علامات مختلفة تماما في علامات الترقيم او التنوين في الكتابة.اللة يخليكم يا جماعة فهمونى بين متلازمتين دى معناها شنو؟
ما تكون حساس لو لقيتني مخطئ في حاجة معرفية بالله صلحني و سأكون شاكر و ما حا افتح بوست بتاع اوتوكيت.










-----

Quote: ما تكون حساس لو لقيتني مخطئ في حاجة معرفية بالله صلحني و سأكون شاكر و ما حا افتح بوست بتاع اوتوكيت.

يا بدر الدين ياخي إنت البقيت حساس أكتر من اللازم


أحلف ليك بشنو وأقول ليك البوست دا أنا ما فتحته قاصدك بيهو

بس كنت عاوزك تجي تدلي بدلوك فيهو

والله صحي لأني عارفك ممكن تضيف للموضوع دا رأي كويس

وإنت خليت الموضوع ومسكت في حتة إني قاصدك شخصياً

أبداً يا عزيز والله البوست دا ما قاصدك بيهو

لكن قاصد بيهو الدراب بصورة عامة البترمي في الوش تووووووووش من غير أي مرااعاة لأحاسيس الناس

إنشاء الله تكون فهمتني