Post: #1
Title: اللة يخليكم يا جماعة فهمونى بين متلازمتين دى معناها شنو؟
Author: Mohammed Ahmed Saeed
Date: 11-28-2012, 08:46 AM
الكلمة دى يردد فيها مذيع فى قناة فضائية سودانية بين كل كلمة والتانية مدخل بين متلازمتين دى وبالجد انا ماعارف معناها وعايز اعرفوا عشان نقدر نتابع برنامجوا دا
|
Post: #2
Title: Re: اللة يخليكم يا جماعة فهمونى بين متلازمتين دى معناها شنو؟
Author: أيمن دياب
Date: 11-28-2012, 08:58 AM
Parent: #1
ياحاج تابع ساي لو حاولت تفهم بتتعب ومافي زول بشرح ليك..
|
Post: #3
Title: Re: اللة يخليكم يا جماعة فهمونى بين متلازمتين دى معناها شنو؟
Author: Asim Fageary
Date: 11-28-2012, 09:19 AM
Parent: #2
سلام يا صاحب البوست
مثال للجملة التي تكون بين متلازمتين:
أستاذك - حفظه الله - كان عالماً
أو بالبلدي كدا جدك - الله يطراه بالخير - كان رجل شهم
شفت: حفظه الله + الله يطراه بالخير
ديل الإتنين في اللغة بقولوا عليهم بين متلازمتين
لكن مذيعك دا ما عارف قاعد يستخدمها صاح ولا حزلقة منو
مع ودي لكم
|
Post: #4
Title: Re: اللة يخليكم يا جماعة فهمونى بين متلازمتين دى معناها شنو؟
Author: mohmmed said ahmed
Date: 11-28-2012, 09:24 AM
Parent: #3
بين مزدوجتين
دى ماركة مسجلة باسم خالد ساتى
فى برنامج صالة تحرير
اكاد اجزم ان لا حلقة واحدة من حلقات البرنامج تخلو من بين مزدوجتين
فى بعض الاحيان تردد اكثر من 4 مرات
من سياق العبارة هو يستخدمها
لو الكلام حوله تعليف=ق او شكك او استدراك او سؤال او حيرة
بمعنى اخر لو الكلام فيهو انة
لكن فى مرات كتيرة بتكون ما راكبا
يستخدمها ومعها حركة باطراف اصابع اليدين
|
Post: #5
Title: Re: اللة يخليكم يا جماعة فهمونى بين متلازمتين دى معناها شنو؟
Author: الفاتح علي التوم
Date: 11-28-2012, 09:55 AM
Parent: #4
اعتقد انها متلازمه ستوكهولوم و متلازمه ليما
| Quote: متلازمة ستوكهولم هو مصطلح يطلق على الحالة النفسية التي تصيب الفرد عندما يتعاطف أو يتعاون مع عدوه أو من أساء إليه بشكل من الأشكال، أو يظهر بعض علامات الولاء له مثل أن يتعاطف المخطوف مع المُختَطِف.أطلق على هذه الحالة اسم "متلازمة ستوكهولم" نسبة إلى حادثة حدثت في ستوكهولم في السويد حيث سطا مجموعة من اللصوص على بنك كريديتبانكين Kreditbanken هناك في عام 1973، واتخذوا بعضاً من موظفي البنك رهائن لمدة ستة أيام، خلال تلك الفترة بدأ الرهائن يرتبطون عاطفياً مع الجناة، وقاموا بالدفاع عنهم بعد إطلاق سراحهم. |
| Quote: متلازمة ليما هي النقيض لمتلازمة ستوكهولم وفيها يتعاطف العدو على المعتدى عليه بدافع الرحمة والتعاطف , وقد جاء المصطلح بعد حادثة اختطاف الرهائن المدعوؤن في حفل رسمي برعاية السفير الياباني في مقر السفارة في ليما (البيرو) عام 1996 حيث افرج أفراد من حركة المقاومة المئات من الرهائن بمن فيهم أهم الشخصيات في غضون ساعات قليلة فقط من الخطف وذلك بدافع التعاطف معهم. |
|
Post: #6
Title: Re: اللة يخليكم يا جماعة فهمونى بين متلازمتين دى معناها شنو؟
Author: بدر الدين احمد موسى
Date: 11-28-2012, 10:22 AM
Parent: #5
الاشارة مأخوذة من علامة التنوين "..." و تسمي متلازمتين
الكلمة مع حركة الاصابع تقال لو قصدت ان تقول كلمة اما انك لا تعنيها تماما و بالتالي تريد ان توضح انك تقصد معنى اخر غيرالمعنى الاصلي, مثل ان اتحدث معك عن قط مثلا و اقول لك ان القط "شجاع" او "قوي" فانت تستخدم مفاهيم تقال للانسان لكنك تستلفها و تستخدمها للحيوان
و مرات تقال للتخفف و الطرافة كأن تقول فلان "خن.زير" بمعنى انه اناني و يحب الاكتناز او فلان "شيطان" بمعنى انه حريف و تريد ان توضح انك لا تقصد الاساءة للشخص ياستخدام كلمة خن.زير او شيطان.
و برضو للدلالة على الاستهزاء و التندر مثل ان اقول لك بوش بما انه "ذكي" فقد باءت كل سياسته بالفشل طبعا بوش المقصود هو الرئيس الامريكي السابق و معروف عنه "الذكاء المفرط" بدل نقول انه بليد عديل كدة هههههه
بالعربي كدة تقال عندما تقول كلمة استعارة و لا تقصدها تماما و تعول على فطنة السامع او القارئ ليفهم ما تعنيه.
الاستعمال الاصلي للمعقوفتين هو للاستشهاد او الاقتباس. و يفهم في الكتابة ان ما بين المعقوفتين اخذه الكاتب او الكاتبة من كتابة او كلام شخص آخر مثلا لو قلت "لا يلدغ مؤمن من جحر مرتين" هذا يدل على انك تستخدم الفاظ الحديث مع حفظ الحق الادبي لقائله الاصلي (صلعم)
----
هناك فرق بين المتلازمتين و الشرطتين
عندما تكتب كلام بين شرطتين يسمى جملة اعتراضية و هي للشرح و التفصيل تقال في وسط جملة بحيث لو حذفت ما بين الشرطتين ستجد ان معنى الجملة لا يتأثر
---
|
Post: #7
Title: Re: اللة يخليكم يا جماعة فهمونى بين متلازمتين دى معناها شنو؟
Author: Asim Fageary
Date: 11-28-2012, 10:25 AM
Parent: #6
Quote: ----
يا عاصم فقيري عندما تكتب كلام بين شرطتين هذا يسمى جملة اعتراضية و هي دايما للشرح و التفصيل. |
يا بدر الدين
الشرطتين ديل أنا عملتهم عشان أوضح إنه العبارة دي بين متلازمتين يعني توضيح للسائل هنا
ولكن أخد الجملتين الأنا كتبتهم من غير الشرطتين وبعدين شوف العبارة في النص دي إسمها بين متلازمتين
|
Post: #8
Title: Re: اللة يخليكم يا جماعة فهمونى بين متلازمتين دى معناها شنو؟
Author: المسافر
Date: 11-28-2012, 10:27 AM
Parent: #5
المتلازمة هي مجموعة أعراض ذات صفات
والنلازمة المرضية هي مجموعة الصفات المرضية التي تمثل ظاهرة مرضية معينة
ومن أشهر المتلازمات ( متلازمة داون )
وبين متلازمتين تعني مجموعة الصفات الموضحة للحالة السودانية ( الإنقاذ - الإفساد ) ( الديمقراطية - العسكرجية )
وهلم جرا
أها قصرت فيك؟
|
Post: #9
Title: Re: اللة يخليكم يا جماعة فهمونى بين متلازمتين دى معناها شنو؟
Author: Zomrawi Alweli
Date: 11-28-2012, 10:54 AM
Parent: #8
ويا صاحب البوست الرقيق الله يسلمك من بوستك الفوق الله يسلمك
دعني استعير جانبا من بوستيك لاوجه تبرمي من كلمة (( أمامنا)) الذي يكررها مذيع الكورة سوار الدهب حيث يستخدمها في المعترك وفي غير المعترك
|
Post: #10
Title: Re: اللة يخليكم يا جماعة فهمونى بين متلازمتين دى معناها شنو؟
Author: Mohammed Ahmed Saeed
Date: 11-28-2012, 12:46 PM
Parent: #9
الاخوة الافاضل
ماقصرتوا ابدا اعطيكم الف عافية
اعينوا اخوكم زمراوى
|
|