لعشاق السينما : Skyfall or Flight

لدينا فرصة مشاهدة أحدهما

افيدونا!!

Both are highly rated

اتصل احدهم يفضل


Jab Tak Hai Jaan

بالله ولا زول ماشافهم ولا غتاتة منكم ؟؟؟ هههههههه

أمشي Flight علي مسئوليتي... ولك تحية

عيدروس كلامك نجييييض،
سأفيدك السبت كان الله هون وإن كان رهاب الطيارات يلازمني لكن مابشاور تب وراك!!

الاخ العزيز عبد اللطيف
رغم انني لا احب افلام جيمس بوند الا ان الطاقم الممثل في فيلم skyfall ادهشني .
فيلم جيمس بوند ده الما شافو يراجع حساباتو الناس الاصلا بتحب جيمس بوند ده فيلم لا تفوت مشاهدته.
رغم طول الفلم الا انه وجد قبولا بين النقاد حيث احرز 8.10 من عشرة بينما الفلم التاني احرز6.70 من عشرة.

وفيالنهاية الفلمين جميلين والاختيار متروك ليك وعلى مزاجك(لكن بيني بينك خش فيلم جيمس بوند لانو ده بيعتبر من افضل افلامه على الاطلاق بشهادة النقاد وحتى الممثلين الذين ادوا دور جيمس بوند اشادوا بالممثل دانيل كريق).

اسامة
وبعدين انت قاعد في السعودية البحضرك افلام الكفار دي شنو؟ (مساخة مني ساكت).

Quote: الاخ العزيز عبد اللطيف رغم انني لا احب افلام جيمس بوند الا ان الطاقم الممثل في فيلم skyfall ادهشني . فيلم جيمس بوند ده الما شافو يراجع حساباتو الناس الاصلا بتحب جيمس بوند ده فيلم لا تفوت مشاهدته. رغم طول الفلم الا انه وجد قبولا بين النقاد حيث احرز 8.10 من عشرة بينما الفلم التاني احرز6.70 من عشرة..

والله شاكر ليك أول حاجة اخي أسامة على التفضل بالتنوير ،،
أفلام جيمس بوند الأن تحتفل بنصف قرن على إنطلاقتها : ودانيل كريغ هو الوحيد الذي ولد بعد دايتها - 1968م
تم التصويت على ايهم الأفضل من الذين قاموا بدور جيمس بوند: (طبعا الملاحظ انهم جميعاً مواليد أوربا + 1 من استراليا -
بحكم أن الفيلم إبتكار بريطاني المؤلف الأول إيان فليمنغ تبعه آخرون)،،

Sean Connery (38%, 10,526 Votes)

George Lazenby (1%, 228 Votes)

Roger Moore (10%, 2,698 Votes)

Timothy Dalton (2%, 457 Votes)

Pierce Brosnan (22%, 6,106 Votes)

Daniel Craig (27%, 7,366 Votes)

بالنسبة لطول الفيلم فإن الفيلمين يتعدوا الساعتين والفرق ماكبير ، أما التقييم فأكيد الفرق معتبر لصال دبل أوو سفين!!

Quote: وفيالنهاية الفلمين جميلين والاختيار متروك ليك وعلى مزاجك(لكن بيني بينك خش فيلم جيمس بوند لانو ده بيعتبر من افضل افلامه على الاطلاق بشهادة النقاد وحتى الممثلين الذين ادوا دور جيمس بوند اشادوا بالممثل دانيل كريق). اسامة

شكلي كدا ح أبيع عيدروس !! ود الخالة دينزل واشنطن صار يحبكها ويعتمد على شعبيته ويمثل أي كلام،، safe house is an emxaple

Quote: وبعدين انت قاعد في السعودية البحضرك افلام الكفار دي شنو؟ (مساخة مني ساكت).

هههههههه ، والله حلوة منك ،، عندنا جيران متسامحين يازول ،، وعلى فكرة فيلم Flight يعرض في دول الخليج مع العلم بأنه لم ينزل في UK
شفت كيف!!

شاكر ليك ،، وياعيدروس يا إما تحسن دفاعاتك يا الحكاية بايظة معاك،،

sky fall


flight فلم عااااادي جدا

Quote: sky fall flight فلم عااااادي جدا

ياعمر التوم ، تميت المقصرة ، وعندك factor ضغط إضافي وهي صورة البروفايل
تجعلني لا أتردد إطلاقا في الأخذ بذوقك ههههههههههه !! مع الإعتذار الشديد للأخ عيدروس
والله : الناس ديل حاصروك شديد!!

عبد اللطيف
انا خشيتهم كلهم

Sky fall
Lincoln
Argo
Flight
The Twilight Saga: Breaking Dawn - Part 2
Red Dawn
Life of Pi
------------
عجبني منهم


Lincoln
Argo
Life of Pi
Red Dawn
Flight[/d]

Quote: عبد اللطيف انا خشيتهم كلهم Sky fall Lincoln Argo Flight The Twilight Saga: Breaking Dawn - Part 2 Red Dawn Life of Pi ------------ عجبني منهم Lincoln Argo Life of Pi Red Dawn Flight[/d]

يعني يا أستاذنا موصلي عديل كدا ما دايرنا نمشي Skyfall ههههههههههه

ياريت تباصر لينا جيمس بوند دا ، لأنك شايف (الرحلة) خليتو آخر زاوية ،،

احسن ليك boos in boots

ياكونت ، مرحب بيك والدنيا تحلى كلما صفت النفوس وهدأ حال البلد ،،

==


انطوني بانديراس وسلمى حايك ثنائي حالم يوثق لألق السينما ،،

فوق لكدا كان سيكون لاعب مجيد في ريــال مدريد،،

الفيلم ذاع صيته بشكل كبير ، ولكن على مايبدو لا يعرض الآن في دور العرض فهو 2011م


المهم لو عندك دي في دي أفزعنا ،،

Quote: المهم لو عندك دي في دي أفزعنا ،،

لقيته يومتها في السليمانية .... لو في الرياض يوصلك انشا الله
بس لكن في صيغة 2D والفلم معمول اصلا بصيغة 3D لكن مافي في المحل ..اضف لي انه عايز شاشة ولا تلفزيون يشغل 3D

Quote: لقيته يومتها في السليمانية .... لو في الرياض يوصلك انشا الله بس لكن في صيغة 2D والفلم معمول اصلا بصيغة 3D لكن مافي في المحل ..اضف لي انه عايز شاشة ولا تلفزيون يشغل 3D

ماعليك : جيبو اني تو دي ولا ثري دي، الحايك اصلها صوت بس هههههه

Quote: Skyfall or Flight

ما تقول لي ده الخميس الجاي؟؟؟


كان ياهو شوف ليك ضفدع أخضر منطط عيونه يمشي معاك....
وبرسل ليكم التمساح بالـ DHL


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: الشايقي فاوضني بلا زعل .

انت مفروض تغير شعارك دا إلى

Quote: الشايقي زعلني بلا تفاوض .

دا انت غتت غتتاتة!!!

Quote: دا انت غتت غتتاتة!!!

هو أنت زعلت يا لطفي؟؟

خلاص بلاش الضفدع ... خد معاك التمساح ووفر علي مصاريف الـDHL


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الاخ عبد اللطيف
دانييل كريق هو من اجبرني على مشاهدة افلام جيمس بوند ، كنت لا اطيقها وكان الوالد رحمه الله في (غلاط ) دائم معي بانها افضل الافلام ومافي ممثل بمثل فيها بالصدفة غايتو بزوغ منو واقول ليهو (انت اصلك بواقي استعمار وتربية خواجات).
استمعت قبل اسبوعين لبرنامج في راديو بي بي سي 4 والمحطة دي محطة الثقافة والفنون والسياسة ( يعني نقة بس) كانوا بتكلمو عن افلام جيمس بوند بمناسبة 50 سنة على اطلاقها واتكلمو عن كل الممثلين وفعلا طلع كلام الوالد ربنا يرحمو صحيح ، تعرف الممثلين ديل موش الطول والوجاهة بس حتى مقاس اليد والنخرة وحاجات تانية كدة بتدخل في اختيارهم وبرضو عوامل سياسية او حركات ضغط معينة ممكن تاثر في اختيار الممثل . اها جابو عمك روجير موور وطبعا اشاد بالفيلم وقال انو دانيل كريق حا يتفوق على شون كونري في انو حا يكون افضل من ادى دور جيمس بوند لانو الفيلم ده حا يمشي ابعد من المتوقع له وزاد كمان قال انو كريق حا يوصل فكرة جيمس بوند للمشاهدين ( الفكرة الاصلية). كل المتصلين ابدوا اعجابهم الشديد بدانيل كريق وامنو على كلام عمك روجيه مور .
دانيل كريق (وش البطاطس زي ما مسمنو هنا) ماكنت مقتنع بيهو لحدي ما شفت فيلم The Girl with the Dragon Tattoo والفلم ده انا حضرتوعشان الممثلة Rooney Mara لكن اتفاجأت بي دانيل كريق وبعدها قلت اشوف فيلم Casino Royale وما ندمت والله لكن برضو لسه ما دخلت لي فكرة جيمس بوند لحدي ما شفت طاقم فيلم Skyfall ولقيت فيهو برضو ممثل ما ساهل وهو عمك Javier Bardem ( ممثل الخاين في الفلم ) برضو زول ما ساهل ومقنع لدرجة مخيفة . اها قمت حضرت الفلم وبعدها حضرت السلسلة كلها من الاول ( حظي الحلو لقيت وقت فاضي ومكتبة الجامعة الافلام كلها عندها ).
وبعدين بالنسبة لي عمك Javier Bardem كل افلامو المثلها احضرها وهو تمثيلو زي عمك انتونيو بانديراس وفي رأي الشخصي افضل منه .

بعد ده نشوفك بعد ما تحضر الفلم وتدينا المختصر المفيد.

اسامة ( المساخة مستمرة : جيرانك ديل ما بحلوك).

ياسلام يا أسامة على الاريحية وتقاسم المعلومة

رحم الله الوالد رحمة واسعة واسكنه فسيح جناته، هم والله الخير والبركة والالهام، فمنهم تشربنا بحب كل ماهو جميل،،

طبعا السعودية ياحبيب ارض الدوامات والعمل ئ، ولكني كثير الترحال والسفر، غالباً تكون السينما هي محطة مهمة في كل رحلاتي خارج المملكة فهي ترويح ومتعة مناسبة ومواصلة للشغف القديم ايام كانت هماً أكبراً في بدايات الصباء،،

طبعاً بالمقابل قمت بتتبع موقعك BN1 9RH هههههه، فعرفتك من وين جايب الروقة دي ولعلها مستوحاة من هدوء المانش ومنطقة العبور باليورو تانيل لبلاد اعشقها هي عاصمة النور والاناقة،،

عموما ابعد عنك بين حين وآخر حوالي 300 كلم - نوتنجهام - حيث استقرار الاسرة للدراسة .. ليتني حظيت يوماً بلقياك وسأكون بإذن الله معهم في يناير عساني اتواصل معك،،


اشكرك ياحبيب ، ولاتبخل علينا بما يخفف عنا احباطات كثيرة في هذا الزمن العجيب ،،،

لا ممكن تخش جيمس بوند وهو مسلي جدا
لكن واحد من الفيلمين ديل حياخد اوسكار

Lincoln

Life of Pi

بعدين اتذكر كلامي ده
------
انا استمتعت ببوند
لكن
قالوا سمح القول في خشيم سيدو الاول شون كونري وروجر مور حاسد ساكت لانو
جدع حجار في افلام جيمس بوند ومار مي بلح كتير
------
انا بخش سينما من عمري 9 سنوات
وفي افلام خشيتها اربعه وعشرين مره
مثل جاك قاهر العمالقة
وكينق كونق الهندي
-----------------
ومنذ وصولي اميركا 1996
بخش سبت واحد بانتظام الا اكون في السودان
تحياتي

سلام عبداللطيف
امبارح السبت قررت امشى السنما بعد غياب عدة شهور.
احترت بين نفس الفلمين
من جهه لا تفوتنى اطلاقا افلام دنزل واشنطون وبرضو اتردد فى مشاهده الافلام
باللهجه البريطانيه خاصة لمن يكون الحوار سريع

من جهه تانيه سمعت الكثيرعن فيلم جيمس بوند

وصلت السنما وانا متردد
قررت وانا اشترى التزكره بالصراف الالى انا اشاهد فيلم جيمس بوند , السبب اننى
يمكننى مشاهدة فيلم دنزل بالفيديو لكن جيمس بوند لا يصلح الا فى الشاشه الكبيرة
وفعلا استمتعت بالفيلم ايما استمتاع

انصحك بمشاهدته فورا و لا تتردد
على مسئوليتى

سلام عبداللطيف
امبارح السبت قررت امشى السنما بعد غياب عدة شهور.
احترت بين نفس الفلمين
من جهه لا تفوتنى اطلاقا افلام دنزل واشنطون وبرضو اتردد فى مشاهده الافلام
باللهجه البريطانيه خاصة لمن يكون الحوار سريع

من جهه تانيه سمعت الكثيرعن فيلم جيمس بوند

وصلت السنما وانا متردد
قررت وانا اشترى التزكره بالصراف الالى انا اشاهد فيلم جيمس بوند , السبب اننى
يمكننى مشاهدة فيلم دنزل بالفيديو لكن جيمس بوند لا يصلح الا فى الشاشه الكبيرة
وفعلا استمتعت بالفيلم ايما استمتاع

انصحك بمشاهدته فورا و لا تتردد
على مسئوليتى
--------


اخوي النصري امين فيك الخير والبركة والله ، ونأسف لتأخير الرد ياحبيب،، انحنا ياخ ماعندنا فرص كبيرة لمشاهد الافلام من داخل
دور العرض ، وحقيقة لا اطيق نهائي مشاهدة الافلام من خلال القنوات التجارية وانقطاع الافلام لبث الاعلانات التحارية لذا كان هذا
الشحذ لاراء الاخوة هنا ، وانتم لم تبخلوا علينا بالراي ، مع انكم اعطيتونا خيارات عديدة وخلفيات عن افلام يمككنا وضعها ضمن قائمة
ما يمكن مشاهدته ماسنحت الفرصة،،

سأعمل استفتاء بعد استقراء جميع الأراء ومنها م اوصلني بالايميل

شكرا صديقي العزيز ،،

استاذنا الموصلي
كيفك واخبارك وصحتك والاسرة ؟

Quote: وروجر مور حاسد ساكت لانو جدع حجار في افلام جيمس بوند ومار مي بلح كتير

تعرف في نفس البرنامج القلتو فوق ده جابوسيرة اختيار كل واحد وعمك روجيه مور طلع اختاروه عشان دورين مثلهم في التفزيون The Saint ومسلسل تاني اسمو The Persuaders والموضوع كلو(قصة اختيارو لانو شكلو زول بهجة وعابث وفي نفس الوقت شكلو ناقش اي شئ وعندو لي اي ورطة مخرج والمخرج ده فيهو روح العصر وهي (اداة اوآلة تساعدو على الخروج من المآزق). وطبعا انت عارف يا استاذ انوعمك مور اكتر واحد مثل دورجيمس بوند تقريبا اتناشر سنة او تلتاشر .

الاخ عبد اللطيف

Quote: طبعا السعودية ياحبيب ارض الدوامات والعمل

ده اخدنا نصيبنا منو سبع سنوات عجافا وحظك انك بتسافر لانو السعودية بتقتل الروح وبتخليك زول لافي ساي (ده رأي شخصي ارجوان لاتحمله محمل الجد) بالواضح كدة بتخلي الزول راسو فاضي وقاعد كنب ساكت . اما الوالد ربنا يرحمو نعم كما قلت كان دليلي لكل شئ جميل ( الكورة - الغناء - السينما وحتى العبادة الخالصة التي لا مراء فيها ولا نفاق ) واهم حاجة حب اللغة الانجليزية وله الفضل في كل تقدم علمي احرزه فله الرحمة ولجميع الاعزاء الذين رحلو عن دنيانا.
شكرا (لتكبدك العناء ) والبحث عن مكاني واعتقد انو اتراسلنا قبل كدة ووريتك انا وين اسي ولا شكلك خرفته ههههه.

في اي وقت انت جاي هنا رسل لي في الخاص وتجدني تحت امرك لأي شئ. بس انت احضر الفلم وتعال هنا ورينا رايك .
اسامة : زيادة مساخة ( ما دام عندك عقاب في العالم الاول جيرانك ديل ما تشتغل بيهم).

اخونا بكري

الاسبوع الفات شاهدت فيلم flight وندمت اني ما خشيت اي فيلم تاني من المعروضين وكانوا حوالي 8 افلام

فلم ممل جدا

Quote: اخونا بكري الاسبوع الفات شاهدت فيلم flight وندمت اني ما خشيت اي فيلم تاني من المعروضين وكانوا حوالي 8 افلام فلم ممل جدا

حبيبنا بكري تذكرت بقولك هذا قريبي حسن عوض الله ونحن طالعين من فيلم في عروس الرمال في التمامينات ،، الفيلم
كان حقيقي بايخ شديد بس تم عرضه يوم الاحد وهو يوم الافلام الراقية والكل خايف يقول رايه حتى لا يوصف بانه مسطح
او مافهم الفيلم ،،
خالنا حسن عوض الله اطلق لصوته العنان : فيلم عفن !! ماشين كدا مدنقرين ريسينكم عاملين فيها فاهمين ، والله فيلم عفن ههههههههه
فاذا بالجميع ينفجر ضاحكاً موافقاً اياه الراي،،

----
هسي ياخوي رايك عديل مافيه لو!!

Quote: تعرف في نفس البرنامج القلتو فوق ده جابوسيرة اختيار كل واحد وعمك روجيه مور طلع اختاروه عشان دورين مثلهم في التفزيون The Saint ومسلسل تاني اسمو The Persuaders والموضوع كلو(قصة اختيارو لانو شكلو زول بهجة وعابث وفي نفس الوقت شكلو ناقش اي شئ وعندو لي اي ورطة مخرج والمخرج ده فيهو روح العصر وهي (اداة اوآلة تساعدو على الخروج من المآزق). وطبعا انت عارف يا استاذ انوعمك مور اكتر واحد مثل دورجيمس بوند تقريبا اتناشر سنة او تلتاشر .

الحبيب اسامه لعلك طيب
تعرف انا افلام جميس بوند دي قاعد اخشها عميان بصرف النظر البطل منو
لكنني مقتنع بانه حينها لولا تمنع شين كونري لما مثل روجيه مور
بس والله انا متكيف من روجيه مور ذاتو
ولكنني بحق امنت بان شون كونري هو النسخة الاصل التي من الصعب آن تتكرر شكلا وموضوعا
ياخي تخيل شون كونري وارسولا اندروس يااااااه
تسلم

I would recommend flight

الفلمين أضاد لبعض Skyfall يعكس النمط المستثاق في السينما عن الرجل الابيض القوي الحاسم الذي لا يبالي في إستخدام القوة وجاذبيتة للمراة. أما Flight يعتبر من أروع أفلأم Denzel حتي الآن, فلم يحكي عن دراما وهي مربط فرس Denzel فهو يعتبر الممثل الأسود الوحيد الذي يجسد الدراما في عالم التمثيل حاليا. فلم Flight يعكس الرجل الاسود الساذج واجادتة لكل شي عند الضائق (إلا الرجل السوداني*).
إضافة فلم Lincoln برضو جدير بلمشاهدة لكل الناس ألفي أمريكا وخاصة ناس السياسة فلم يعكس جزاء من حياة الرائيس الأمريكي Lincoln ويعكس بصورة خاصة كل جميل عن المبداء والميثاق و كل قبيح عن الحرب ومايدور خلف الكواليس في السياسة الأمريكية منذ تاسيس أمريكا. شخصية لنكولن في الفلم هو الممثل الأرليندي دانيل داي لويس هو الأخر درامي من طراز فريد.

Tip:
أنا بفتكر كل مهاجري امريكا و اولادهم لازم يشاهدو فلم There Will Be Blood بطولة دانيال دي لويس خاصة اول عشرين دقيقة من الفلم والرسالة الخفية المرسلا للمشاهد.

يلا بعد ما تشوف الفلم أدينا feedback

Correction:
The 2 There
* = إن غلبك سدها .......

أحسن رد وتوصية جاتك من الأخ الكريم آخر متداخل!
أنا غايتو ولدي أمبارح قال شاف سكايفول وعجبو جداً لكن قال لي
هو الجيمس بوند دا شكلو روسي, موش؟ طبعاً كلمتو كليك عن العم
يان فليمنج والاصدقاء شون كونري وروجر موور و الثقيل بيرس بروسنان
وباقي البونديين القدام لكن الآخير دا من صوروا ما عجبني!
زوروني هنا

Quote: أحسن رد وتوصية جاتك من الأخ الكريم آخر متداخل! أنا غايتو ولدي أمبارح قال شاف سكايفول وعجبو جداً لكن قال لي هو الجيمس بوند دا شكلو روسي, موش؟ طبعاً كلمتو كليك عن العم يان فليمنج والاصدقاء شون كونري وروجر موور و الثقيل بيرس بروسنان وباقي البونديين القدام لكن الآخير دا من صوروا ما عجبني! زوروني هنا

اخي مصطفى ، مشاركتك أسعدتني من حيث انك out of that national grief of our great loss وكل امنياتي للمبدع العظيم شاعر الثرى والثريا بالمثوبة وحسن المآب
ولكم ولنا الصبر الجميل ،،
ولدي خالد ايضاً شاهد سكايفول ولما سألته عنه his answer was not a wow وكأنه يقولها : يعني !!!
بس كلام موصلي عن لينكولن و آرغو (مايطلع زي وارغو ياساتاذنا) يجعلني اجري قرعة عند صالة العرض،،

انا مثلك من اصدقاء شين كونري ، وعادت بي الذاكرة لما شهدت بعض لمحات من فيلم Troy ومر عابرا الشامخ : بيتر أووتوول ،،

شكرا استاذنا مصطفى وسعدت جدا بالتطواف في موقعك الرهيب داعياً الله لك التوفيق في حمل هذه الرسالة العظيمة !!! اشكرك كمان والله

أخ مصطفي تشكر للتعليق
زرناكم وتصفحنا عبر البلوكات الشيقة....
دار الخيال عالم جميل يحتاج منا الخيال الواسع لادرك الحقيقة. نتمني أن نسمع منك أكتر في هذا لمجال.
أبدا خالد

Quote: I would recommend flight الفلمين أضاد لبعض Skyfall يعكس النمط المستثاق في السينما عن الرجل الابيض القوي الحاسم الذي لا يبالي في إستخدام القوة وجاذبيتة للمراة. أما Flight يعتبر من أروع أفلأم Denzel حتي الآن, فلم يحكي عن دراما وهي مربط فرس Denzel فهو يعتبر الممثل الأسود الوحيد الذي يجسد الدراما في عالم التمثيل حاليا. فلم Flight يعكس الرجل الاسود الساذج واجادتة لكل شي عند الضائق (إلا الرجل السوداني*). إضافة فلم Lincoln برضو جدير بلمشاهدة لكل الناس ألفي أمريكا وخاصة ناس السياسة فلم يعكس جزاء من حياة الرائيس الأمريكي Lincoln ويعكس بصورة خاصة كل جميل عن المبداء والميثاق و كل قبيح عن الحرب ومايدور خلف الكواليس في السياسة الأمريكية منذ تاسيس أمريكا. شخصية لنكولن في الفلم هو الممثل الأرليندي دانيل داي لويس هو الأخر درامي من طراز فريد. Tip: أنا بفتكر كل مهاجري امريكا و اولادهم لازم يشاهدو فلم There Will Be Blood بطولة دانيال دي لويس خاصة اول عشرين دقيقة من الفلم والرسالة الخفية المرسلا للمشاهد. يلا بعد ما تشوف الفلم أدينا feedback Correction: The 2 There * = إن غلبك سدها ....... (عدل بواسطة خالد كيبا on 25-11-2012, 10:32 PM)

اخي العزيز خالد اشكرك على الافادة القيمة ، وأوفقك الرأي حول ماذكرته بشأن دينزل واشنطن، فهو سيدني بوتيه الشاشة الحديثة وتفوق عليه بشموله
في أداء كافة أنماط الشخصيات في افلامه المتنوعة بين الاكشن والكوميدي والدراما ، ويقيني بأن الزخم وراء فيلم (الرحلة) هو وجود اسم هذا الهيرو
الرائع ،،
تحليلك عن كواليس السياسية الامريكية بعد آخر تثري به النقاش، وللحقيقة أقول بأن البوست قد تعدى رغبتي في الاختيار الى رهبتي من التحاور مع
الاساتذة الذين اضاءوا بآراء صريحة الفيلمين وسواهما،،

اسعدتني هذه المشاركات ، وشكري يتقاصر دون ان يعبر عن احساسي وتقديري لجهدكم،،
شكرا خالد

عزيزي عبداللطيف

في البداية تشكر أخي لتجسيد كل ما هو أصيل وجميل في الانسان السوداني في هذة البلاغه.

Quote: اسعدتني هذه المشاركات ، وشكري يتقاصر دون ان يعبر عن احساسي وتقديري لجهدكم،،

الشكر مجددا ... أنت الذي اسعدتنا بفتح البوست الفريد في الصيغة و نوع الطرح ....

سنما اليوم علم نفس وتسويق منتجات و ترويج أفكار مباشرة للعقل الباطني وكل هذا باقل مجهود وفي أقصر الأزمان . في الغرب الفلم أصبح الأداة الوحيدة لنشر الافكار والأيدولوجيات دون تصريح ... لذا أصبح المهم لنا إلقان مقدرة معرفة الحقيقة في عصر المعلومات . ياحبذاء يا أخ عبداللطيف لو تبنيت من البوست ده فكرة مشاهدة فلم ومن بعد نقاشة سويا.

معلومة: أنا مشيت ألمانيا وعمري 19 سنة و كنت ساكن لي في بيت أسرة ألمانية مفتوح كبيت شباب لطلبة من كل جهات العالم المختلفة لمدة 6 سنوات كل اسبوع بنصوت لمشاهدة فلم معين وبعد المشاهدة بنقضي ساعات لنقد الفلم وإدراك الرسالة الخفية المرسلا من إدارة و ممولين الفلم وكنا دأيما بندعي متخصصين من شتي المجالات في حلقات الحوار. عشان كدة الواحد أتعلم شوية كدة كيف يشوف الحاجات من زوايا مجهولة للجميع و خاصة في الأفلام . الخواجات ديل عارفين أي شي بس ما بحكو كل الحقيقة... عشان كدة بشعورك دايما هم كم خطوة قدام الأخرين حتي إن كانو في نفس المستوي الاكاديمي أو الاجتماي .....

Again thank you so much and I look forward to further discussions

أنا عارف ما حاقدر ألقي أجمل من كلامك ده عشان كدة موجهو ليك

Quote: اسعدتني هذه المشاركات ، وشكري يتقاصر دون ان يعبر عن احساسي وتقديري لجهدكم،،

شكرا عبداللطيف

سلام يا تيفا وضيوفه
الحقيقة ما شفت أيا من الفيلمين لكن، بالحدس كده بقول ليك أقع فيلم " Flight" ولو من منطلق " الدم بنشم".( Blood is thicker than water). دنزل ده ممثل قدير لمن مدفق بهناك. طبعا زوجته Pauletta قالت ما عجبتها ادواره الاخيرة بما فيها فيلم ( Flight) لكن في تقدير النقاد وكثير من معجبيه إنو الكلام ده غنج زوجات ساى او بالأحرى جاي من منطلق " لا كرامة للنبي بين أهله"!.
الغريبة يا تيفا إنه غلاة المعجبين ردوا على تعليق زوجته بإدب غير معهود في هذه اللحظات الحالكة من تاريخ الإعجاب( لووول)، وده برضو من منطلق عشان عين تكرم الف عين وإلا لسمعت Pauletta وابلا من الشتائم من شاكلة... This b وأنت ماشي.
". ياخ الزول ده لو إتكتب إسمه ساي ممكن الفيلم يترشح للاوسكار ناهيك من أن يؤدي فيه دور البطولة، زول جسًد مالكوم ومانديلا وإستيف بيكو. يعني ببساطة كده: مثًل العظماء المثًلوا أعظم دور!!!.

محبتي

اوووه ، ملك الجمال مرّ من هنا : الفاتح مرغني شخصياً؟؟

ايه الهناء دا،،، بس بيني وبينك : كويس ماشفت مداخلتك دي قبل (أخش) السينما :
فعلاً استمتعت بفيلم جيمس بوندرغم كل المآخذ لدى البعض،،


طبعاً سأحتاج أعيد قراءة مداخلات الفطاحلة اعلاه علني اكون مواكباً في ردودي،،

وصف موصلي بأن الفيلم مسلي هو فعلاً وصف دقيق وسأعود بالتفصيل ، لكن مفاجأة الفيلم بالنسبة لي أنه
صور في ثلاثة أماكن زرتها : لندن - شنغهاي واخيراً الساحرة جزيرة ماكاو ( لاس فيجاس الشرق) فكانت الالفة
موجودة بيني وبين الفيلم بحكم مودتي المتبادلة مع هذه المدن !!

سأعود !!

ياعبداللطيف انت ماشى تحضرم وين يا أخوى ماتحضر فى بيتك هاك شوف flight والله حاجه مش بطاله وكان كمان بتدور ريحة الببكورن دى حاجة تانيه زى المدام تبعنا بعد حضرناهو فى البيت فى النت وبى سمارت تى فى يعنى سنما الاربع جابت تذاكر خسرتنا قريب 30 دولار وشفناهو بعد اقل من اسبوع قال ايه فيلم من غير ريحة الببكورن ما عندو اى طعم شوفتا كيف عليه يا امتن انقر هنا myegy.com وطول بالك لى لولوتم لانو لمن تصل الفلم روحك تنسل يا كمان امش السنما وفى الحالتين احضر فللايت اول بعدين احضر اسكاى فولل