منو المشتهي ينقلب على المقلوبة او يلملم الخربانة ؟؟؟

البيان قال هناك عملية تخريبية ؟؟؟
عليكم الله يا شباب دا كلام هسي
يعني البلد عامرة تامة لامة وكل الناس بسط وحنان ومرتاحيين
سمينين وامينين وفي جماعة عايزة تخرب العامرة ؟؟؟
كان كدا والله اتلوموا الجماعة المفترى عليهم دييل

وفي سوال السوال

يا ربي الانقاذ دي فاكرانا انحنا لسه بنصدق السيناريوهات دي
وخاصة لديها سجل عامر بمثل هكذا فبركات
؟؟؟

اها انا قشت عيني من النوم دخلت سودانيز وكم موقع لقيت ليك خبر المحاولة التخريبية المذعومة
ما صحيت كويس
رفعت التلفون اتصلت على واحد صاحبنا
الو يا سيدي
وبعد سلام وحاصل حاصل ومتحصل
سالته عن مخربين الخربانة واخبار الخرطوم كيف
راسي بقى كبير
لما قال لي والله ما عارف شي
وهسي انا في مطعم في منتصف الخرطوم والحركة عادية
ومافي اي حركة ما طبيعية
يا زول ؟؟
والله
طيب ياخ اتاكد وانا برجع لييييييييييييييك تاني
وقفلت التلفون
بعد عشرة دقايق بالضبط وصلتني رسالة تفيد بالاتي
قالوا كانت هناك محاولة انقلابية امس ليلاً
لم اعاود الاتصال مرة اخرى
وظللت اردد اغنية
قالوا وقالوا وقلنا ليييييييييييييييييييييي
ولييييييييييييييييييييييييييييييييييييييه

Quote: وظللت اردد اغنية قالوا وقالوا وقلنا ليييييييييييييييييييييي ولييييييييييييييييييييييييييييييييي

أها يا الأمين !!
أنا خلينى ..
إنت رايك شنو ؟؟
عضو المنبر احمممممم .. تانى لا بينى لا بينك !!

اها نجي تفصد الفرية دي كان بتتفصد
القوى السياسية المعارضة كلها متفقة على فشل الانقلابات والحكومات العسكرية
وبان السبب المباشر في تردي الاوضاع في السودان منذ فجر الاستقلال الي يومنا هذا هي حكومات العسكر
وقطع الطريق امام التطور الديمقراطي للبلاد
ولا اعتقد بان هناك حزب واحد مستعد لتقديم نفسه للانتحار او الاسهام في دخول البلاد الي مرحلة الا عودة
من تاني
اذن من خطط لهذه المحاولة لو لم تكن فبركة من الانقاذ في الغالب بغرض تصفية خصوم سياسيين لمرحلة جديدة
من سلطة تدعمها الة القمع والقبضة العسكرية بعد فشلها في تحقيق ادنى مستوى من طموحات الانسان السوداني في عيشة حرة وكريمة

؟؟؟؟؟؟؟؟؟؟

العقل يقول
لو لم تكن هناك نيئة للانقاذ لازاحة بعض الخصوم السياسيين من الساحة بمثل هكذا فرية
فهم وحدهم المسؤليين من هذه المحاولة
الصراعات داخل المؤتمر الوطني وفشل جهود التسويات والوساطات من داخل الحزب الحاكم في لملمة الاطراف المتناحرة
وبهذه المحاولة قد يكون المؤتمر الوطني وصل درجة الاحتضار
وهذه المرة في ظل ما تعانيه البلاد من تردي احوال وتململ الانسان السوداني
ستضرب الانقاذ رفاقها السابقيين بيد من حديد بغرض الانتقام من جهة
واظهار القوة والتماسك
وكل ذلك لن يكون الا بمثابة كيدهم في نحرهم
وبداية النهاية لسلطة تهاوت واضحت تتاكل من داخل كيان ظل يحكمها بمختلف اشكال القهر والظلم والجبروت
يا خبر بفلوس بكرة ببقى ببلاش

Quote: أها يا الأمين !! أنا خلينى .. إنت رايك شنو ؟؟ عضو المنبر احمممممم .. تانى لا بينى لا بينك !!

نقطة سطر جديد

هل سنرى المشانق منصوية على شوارع الخرطوم
ورفاق الجبهة الاسلامية بالامس وجلادي الشعب السوداني خلف الغضبان ؟؟؟
ما اتعس هذه السلطة
ورباه من طريق مظلم قادت رفاق التأمر والدسايس الي هكذا نتيجة
وفي معيتنا الطلاق بين القصر والمنشية
وما يحدث الان
انها الديكتاتورية البغيضة ودولة الفاشست والهوس
فكان لابد ان يكون هذا هو المصير
الي جهنم غير ماسوف عليكم فانتم السابقون
وبقية الارزقية لاحقون ولو بعد حين

اخر حكاية الفرية الكيزانية
ربيع عبدالعاطي ليس هناك محاولة تخريبية ولكن القوى الامنية لديها جمعت قرني استشعار ؟؟؟
وليس هناك حتى الان من قدم له اتهام مباشر
التلفزيون السوداني على لسان الصوارمي هناك محاولة تخريبية ؟؟؟؟
وحنواصل