Post: #2 Title: Re: الجـــــابرى........ Author: محمد الكامل عبد الحليم Date: 11-20-2012, 09:07 PM Parent: #1
تحية
ستة عشرعاما بالتمام والكمال منذ انتقاله الي الضفة الاخري...نهايات المدار...لكنه لا زال حضورا في صفحة الوجدان..يقف علي سواحله ليمطرنا شدوا صادحا...ونغما هامسا تارة اوالتماسا ناعسا يسخر من ليالي الصد... فالنجيمات تدنو بالحانه تداعب سحر اغنياته..ليرسم العشاق خارطة اللقاء لموعد ات...او عشق متجدد...
الجابرى مدرسة فنية قائمة بذاتها....و من الصعب أن يتكرر مرة آخرى..
مافى حتى رسالة واحدة بيها أتصبر شوية والوعد بيناتنا انك كل يوم تكتب .. الىّ هل يجوز والغربة حارة بالخطاب تبخل علىّ؟ لما أخر مرة شفتك قبل ما أودع وأغادر كنت حاسس أنى خائف إنى متردد ..وحاير داير أتصبر أمامك داير أضحك ومانى قادر بس دموعك لما فاضت ضيعت صبرى الشوية وصحت موعدنا الرسايل وين رسايلك وين كتاباتك الىّ وصرت بعدك يا حبيبى ذرة فى بحر الزمن بعت للتجار مواهبى بعتها بابخس تمن وحشة ما بتعرف رسايل وغربة عن أرض الوطن بس أمل واحد بعيشه لو رسالة تصل ..إلى بيها أطمن عليكم وتنقذ الموقف شوية من عتابى أظن عرفت إيه مكانتك فى فؤادى أنت يا فجر المحبة تستحق شوقى وسهادى أنت صورة ماضى أبيض ولوحة بتمثل بلادى بس حرام تبخل علىَّ وتنسى ما ترسل هدية حتى لو كلمة أحبك في خطاب مسرع إلىّ -- كلمات / الشاعر الكبير سيف الدين الدسوقى
حد يشعر بالسعادة يمشى يختار البعاد!! مشتاقين والله,,, الجابرى فنان كتب إسمه بأحرف من ضوء,,, قامة فنية ورقم لا يمكن الوصول إليه فى زحمة زمن الركشات,, تحياتى,,
صديق يا سمى .احبك ياخى انت عارف صوت الجابرى ده فيه كيمياء غريبة يكاد يكون من الاصوات النادرة العندها قدرة خرافية لدوزنة الاعصاب درجة الموات... بالله زول شاطر ينزل لينا رائعة عبد الرحمن الريح اهون عليك بصوت الجابرى ده .. انى امنت بالله من خالق وبالجابرى من صوت ،،،
Post: #16 Title: Re: الجـــــابرى........ Author: هاشم أحمد خلف الله Date: 12-02-2012, 07:10 PM Parent: #1
جميل جميل يا صديق رحم الله الجابري واسكنه فسيح جناته