ما معنى كلمة سببابي !!؟

ممكن زول أو زوله يفهمني المعنى!؟

وهل اصل الكلمة جاي من سبب ام من سبيبه!؟

شايف ذات الكلمة تطلق على بائع البهائم
فهل ممكن القى معنى يفيدني ليه اطلقت عليه!؟




















ــــــــــــــــــــــــــــــــــــــــــــــ
عصام جبر الله و قيقا و إيدروس اقيفو بعيد واعملوا
شخيت البوست دا ما فيهو إي و طنية و ما قاصد إي
حاجة غير استفيد بالاحتكاك .

يا عمك متعشي شنو انت

طراك الصهيل حس الصرير فى بابى
أنا عازمك مقيل ومخصمك ما تابى
خليهو العويل كان يسترك جلبابى
يا جدية العُزاز ما بلحقك نشابى
فى الوادى الفسيح مرقت براها كلابى
فزت فى القنيص صدّن بلاها كلابى
أدتنى السلام سلمتها السبابى
حنت للرحيل رحلت مع الجلابى


الخروج من بيت النمل - ازهري محمد على

معليش غلطته في الكلمة
بالطبع انا قاصد سبابي لكن الكيبورد حقي دا مركب مكنة دبل
التقول بيكتب من خارج هذه البلاد (أو كما قال مناضل محلي)
المهم اسرعوا لينا في التفسير !.










ـــــــــــــــــــــــــــــــــ

Quote: يا عمك متعشي شنو انت

ياخال يتعشوا كيييييف مع منبر من لا منبر
له دا !!!
ياخ دي متعه فايته حد الدهشه ذاتو !!

سبابي يعني سمسار
واذكر أنها كانت تطلق في سوق الملجه ( سوق الخضار والفواكه ) في عطبرة علي هؤلاء الذين يتلقون العربات المحملة ويسمسرون فيها

ناسنا بقوموا الدغش .. صباح الفكي علي الابريق
بشحنوا البكاسي بصل وبطاطس وموز وجرجير وعجور ... كل انواع الخضروات
وبقبلوا علي سوق ام درمان .. ببيعوا ( خدارهم ) داك تب وبرجعوا يفطروا في بيوتهم مع وليداتهم
اها .. سيد الخدار دا مزارعي .. والما عندو خدار وماشي يترزق في الملجه بنقول عليهو سبابي
والسبابي بلبس عراقي زي عراقيك داك يا سفيان .. عشان يلم القروش كويس وما يتنشل
....
أغلب منتجات سوق الخضروات في اسواق الخرطوم من ( عندنا ) اضراب يوم واحد بنجوع الخرطوم دي كلها




سفيان ازيك ياخ

السبابي يعني زول ما عندو وطنية




















-----

هنا برضو نفس (المهنة) دي في ..
بتعديل بسيط في الاشتقاق (متسبب) هكذا تنطق وتكتب في جوازات المواطنين!
وهي اكبر من سمسار، واشمل منها لانها قد تمتد لمزاولة اي عمل يدوي، او خدمي .. واقل من تاجر راسو عديل
لكن بتشترك مع السمسرة، وقيل الجمجرة، في انو السبابي/المتسبب لا يملك (بضاعة/متاع مادي)

بعد داك اي زول ؤ موقفو /وعيوالطبقي .. يا يبقى سبابي من فصيلة البرجوازية الصغيرة ... الانتهازية
يا شغيل ساي كمان

سفيان بشير

سلام يا زول ..
كلمة سبابي تعني الزول البمارس مهنة السمسرة
وخصوصاً السمسرة في بيع البهائم في زريبة البهائم
وهي كلمة مستخدمة بكثرة في غرب السودان
الغريبة يا سفيان هنا برضو في وظيفة للسعودين
ويكتبون متسبب واعتقد انها نفس الوظيفة والله اعلم

تحياتي

كثيراً ما وجدت في هويات ( إثبات الشخصية) بعض السعوديين وفي خانة المهنة : متسبب

والمتسبب هو الوسيط أي ( السمسار) broker .

دندق..يا قــُص
كل سنة و انت طيب يا صديقي..
كتر خيرك الأصدقاء..و ما قصروا شرحوا المعني..

قلاجي.. سمسار البهائم..و برضك تاجر..
سباري.. سمسار المصارعة..
سبابي.. سمسار في أي حاجة و كل حاجة..

اها المناسبة شنو؟.. عشان نلم العدة بسراع.. باقي فليق النخبة اليومين ديل ما عندنا ليهو دقنوس تب..!

و دمت..
كبر

اذن اصطلاحا هي السمسرة
السبابي بيكون متحفز لإقتناص ما يعرض له من (سبة) أوفرصة لكسب الرزق
انا بصراحة قايلا بالصاد واهلي الدناقلة قلبوها سين لأنها بتستخدم في الرطانة لكن مداخلات الاخوة اضاءت بعض ما استغلق علي (العبارة الاخيرة دي متعوب عليها ... ما جات بالساهل)
صباح الخير لكم جميعا

السبابي في الزمخشري تعني
الذي يستعمل سبابته في نعل
ابو اليوم الجات فيهو الانقاذ

أدتنى السلام سلمتها السبابى
حنت للرحيل رحلت مع الجلابى

كععععععع ... و الله ازهري بالغ يا معتصم هسي كان ماخلفهم من بعض
و خلاهم زول احد مش كان جنن العنبه !؟

بس النصيحة ليك يا الله (بجيك و تسألني) سبابي ازهري دا تعباااان ساي اهو
في النهاية فاتتو مع الجلابي !!!
كان عمل ليهو حركة (وطنية) مصلحة و مستقره في البلد مش كان اخير!؟

سبابي يعني سمسار
واذكر أنها كانت تطلق في سوق الملجه ( سوق الخضار والفواكه ) في عطبرة علي هؤلاء الذين يتلقون العربات المحملة ويسمسرون فيها.

كتر خيرك يا الزبير على المعلومة اهو انت حددته جهة اختصاص السبابي خضار و فواكه بس ، الحمد لله سببابنكم محدديييييين.
بس هل الملجه دي إلا للخضار و الفاكهة!!؟
ياخ في فاكهة اكتر من البنسمع و نقرأ و نتفرج فيهو دا!!؟

أغلب منتجات سوق الخضروات في اسواق الخرطوم من ( عندنا ) اضراب يوم واحد بنجوع الخرطوم دي كلها

اها و السبابين من عندنا تب لووووول تقدر تغالط !!!؟

حبابك يا نوفل ياخ .


السبابي يعني زول ما عندو وطنية

يا قيقا ياخ و طنية شنو في نص الخضار و الفواكه دي!!

بعد داك اي زول ؤ موقفو /وعيوالطبقي .. يا يبقى سبابي من فصيلة البرجوازية الصغيرة ... الانتهازية
يا شغيل ساي كمان

انت بمناسبة الوعي الطبقي و البرجوازية دي ليك سؤال :-
الوطنية دي بالجد شِن نفره في الزول (بمعنى السوداني) الما بعرف اصلاً (ولا اتفر ليهو) احساس بوطن
أو بلد ( ياهو الوعي الزايف البتلبسوا المتعلم (ليس المسقف- التصحبف مقصود-) زي ما الناس (تنوني)
وطن ال(المتعلم) ينوني ... هل ممكن و عيه الطبقي (زالف) و فارق (اوكارهُ) !!!؟

كلمة سبابي تعني الزول البمارس مهنة السمسرة
وخصوصاً السمسرة في بيع البهائم في زريبة البهائم
وهي كلمة مستخدمة بكثرة في غرب السودان
الغريبة يا سفيان هنا برضو في وظيفة للسعودين
ويكتبون متسبب واعتقد انها نفس الوظيفة والله اعلم

حباب الفرده البشاري
و كتر خيرك على المعلومات .
طيب سؤال :- هل المهنة بتاعة السبابي في غرب السودان مهنة مستقره؟ بمعني هل ولدت المهنة دي من داخل المجتمع و لا جاتو من برا منو!؟

كثيراً ما وجدت في هويات ( إثبات الشخصية) بعض السعوديين وفي خانة المهنة : متسبب

والمتسبب هو الوسيط أي ( السمسار) broker .


اهو ياولياب بتاكد انها مهنة محدده طق طرق مش سبابي خلاص تتسبب في كل شئ
كتر خيرك .


سبابي.. سمسار في أي حاجة و كل حاجة..

ياقُص ياخ سلام شديد
و اعياد مباركة
اختفيت زمن لما قلقنا عليكََ!!

اها قلته ليّ إي حاجة و كل حاجة!!!
قطع شك السبابي دا علموا ووواسع


اها المناسبة شنو؟.. عشان نلم العدة بسراع.. باقي فليق النخبة اليومين ديل ما عندنا ليهو دقنوس تب..!

يا قُص كان بقت على الدقنوس هينة فلقه فلقتين و تروح عاااادي بس المشكلة يكون ماعندك شي تخلي النخبة ذاااتو تراعي ليك!!

السبابي بيكون متحفز لإقتناص ما يعرض له من (سبة) أوفرصة لكسب الرزق

يا مهدي يعني المسألة تحديداً الرزق؟


بالمناسبة يا مهدي مبسوووط منك و حبابك في وطن من لا وطن له إن شاء الله ما(تستغلق) عليك (حاقه) ياعم.


السبابي في الزمخشري تعني
الذي يستعمل سبابته في نعل
ابو اليوم الجات فيهو الانقاذ

يا (فيسل) اها الزول أبو اصبع دا
بكون وييين !!! قصدي هل هو
بستعمل اصبعوا من هِنوووك
و لا من هنا (أم درماك)!!؟






ــــــــــــــــــــــــــــــــــــــــــــــ
و الله ما خايف من شئ إلا يجني اب يد مكعوجه داك
و يقول ليّ:- بوستك دا برعاية السبابي الأخير!!!

تحية سفيان :
سبابى
فى سوق المجلد تحديدا تطلق على التجار الذين يقومون ببيع العيش ( الذرة وليس الرغيف )
وعادة مايشترونه من المزارعين جملة ثم يقومون ببيعه بالتجزئة ( يتم كيله بالملوة والربع والتمن بضم التاء )..

ولهم محل خاص جوار طاحونة التعاون بسوق المجلد .
الذين يبيعون البهائم كوسطاء لايطلق عليهم سبابة هناك بل لهم إسم اخر
كذلك السماسرة لايطلق عليهم سبابة بالمجلد تحديدا ( منطقة المسيرية بها ثراء لغوى أقرب للحوشى الفصيح )
راجع كتاب : اللهجة العامية لعون الشريف قاسم عسى أن تجد المزيد

والله يا سفيان انت تذكى زول في البورد دا وحقاني
في البورد العجيب دا اتعود الناس تعيير الاخرين بسبل عيشهم وتحقيرها
مع انها سبل محترمة جدا
سبابي دي اكيد ما مقابلة لاي وظيفة يمتهنها المراد تحقيره
لكن روح الشر ممكن تجد علاقات غير موجودة الا في العقلية الشريرة
بين المهنة ومن نريد تن نحقرهم
واعلن رفضي وكامل احتقاري لاستخدام هذه المفردة في المكان المعين
مودتي

Quote: سبابى فى سوق المجلد تحديدا تطلق على التجار الذين يقومون ببيع العيش ( الذرة وليس الرغيف ) وعادة مايشترونه من المزارعين جملة ثم يقومون ببيعه بالتجزئة ( يتم كيله بالملوة والربع والتمن بضم التاء ).. ولهم محل خاص جوار طاحونة التعاون بسوق المجلد . الذين يبيعون البهائم كوسطاء لايطلق عليهم سبابة هناك بل لهم إسم اخر كذلك السماسرة لايطلق عليهم سبابة بالمجلد تحديدا ( منطقة المسيرية بها ثراء لغوى أقرب للحوشى الفصيح ) راجع كتاب : اللهجة العامية لعون الشريف قاسم عسى أن تجد المزيد

حباب أحمد الحبيب
و تشكرات على المعلومة و الاحالة لمعلمي و مديري عون الشريف قاسم .

Quote: في البورد العجيب دا اتعود الناس تعيير الاخرين بسبل عيشهم وتحقيرها مع انها سبل محترمة جدا سبابي دي اكيد ما مقابلة لاي وظيفة يمتهنها المراد تحقيره لكن روح الشر ممكن تجد علاقات غير موجودة الا في العقلية الشريرة بين المهنة ومن نريد تن نحقرهم واعلن رفضي وكامل احتقاري لاستخدام هذه المفردة في المكان المعين مودتي

نجاة أم العروس ياخ سلامات كتيرة خلاص و الف مبروك للعروس
كيفك و كيف كل المعاك ؟
كتر خيرك على الكلام الاكبر منيّ
معاك أنو في كتير من التعيير بالمهن في المنبر ودا كلام غلط شديد
و شئ يمكن ان نطلق عليه عمى بصر و بصيرة دغري
بخصوص ما بصدده البوست اصلاً ما عايز احقر مهنة أو زول نهائي بس صراحة
في وجهة نظري الشخصية (رغم شرح الناس للكلمة) النضم سااي و الحروف ساي
و صف اقرب للسبابي (ودا ما امتهان) لانو زي ما اتكرم الزملاء فوق و ضحوا
انو السبابي دا بجي (حاقب) يديهو وراء ضهرو سااااي و معتمد على بضاعة
غيره !! يعني بالواضح كدا رغم انها مهنة بكل شئ لكن بالجد ما قادره تخش
رأسيّ دا !!.

تحياتي لك الدائمة .