هيثم مصطفى: يعتدي بالضرب على لاعب مصري في تدريب الهلال

Quote: *الأخبار - أخبار الرياضة واصل فريق الكرة بالهلال تدريباته استعداداً لمواجهة الأهلي مدني مساء الاثنين القادم في الجولة الأخيرة من منافسة الدوري الممتاز، وأدى الفريق مراناً صباح أمس بدار الرياضة بأم درمان شهد عودة معظم اللاعبين الذين غابوا عن مران أمس الأول، وعلى رأسهم قائد الفريق هيثم مصطفى وعلاء الدين يوسف. واستهل اللاعبون التدريب بالإحماء وتفكيك العضلات، ثم نفذ الفرنسي غارزيتو بعض الجمل التكتيكية من خلال التقسيمة التي ظهر خلالها هيثم مصطفى بمستوى متميز. *احتكاك يقود القائد للاعتداء على لاعب مصري شارك في مران الأمس لاعب مصري بغرض إجراء الاختبارات الفنية تمهيداً لقيده في كشوفات الفريق خلال التسجيلات الرئيسية حال اقتناع الجهاز الفني بمستواه، وأثناء المران حدث احتكاك بينه وقائد الفريق هيثم مصطفى، ما أدى إلى اعتداء الأخير عليه بالضرب في مظهر وجد الاستنكار والاستهجان من جانب الحضور.

هكذا هو هيثم على الرغم من نجوميته التي لا ينكرها إلا المكابر, إلا انه لاعب حاد الطبع وهذا خصم على نجوميته, العديد من اللاعبيين لم يجدوا الفرصة للظهور مع الهلال و السبب هو هيثم وبوصفه ككابتن .

وبوصفه ككابتن يتحكم في امور كثيرة في الهلال واحيانا يضع و يختار التشكيلة و يعمل مكان المدرب , لاعبيين سابقين كثر اشتكوا من دكتاتورية هيثم وعناده في الهلال.

حسب ما ورد في الانباء ان اللاعب المصري تسبب في اصابة هيثم وخروجه من التمرين

وهذا يثبت العكس تماما.. وذلك نقلاً عن صفحة القطب الهلالي المعروف الباشمهندس التجاني ابوسن في الفيسبوك

Quote: سبحان الله قرائنا خبر اليوم في صحيفه المجهر من كتابات الكاتب الموهوم في عالم السموم معتصم مخصوم مفاده ان هيثم مصطفي اعتدي علي لاعب مصري يجري اختبارات مع الهلال اتقو الله ياعالم السموم ويالسمسار خالد عزالدين السمساري واختارو للخبر صحيفه المج...هر ليدارو فضيحتهم؟؟؟؟؟؟؟؟؟؟ اولا للذين يبحثون عن الحقيقه نقول لهم ان اللاعب المصري الذي اتي به خالد عزالدين ومعتصم محموم قصد ايذاء هيثم بمخاشنته وان اللاعب تعمد ضرب هيثم وهي عمليه مطبوخه من اعداء سيدا ولم يبدر من هيثم هذا الكلام الذكر في الصحيفه اتقو الله في سيدا ياهولاء سيدا اليوم لم يحضر للتمرين نسبه للاصابه التي تعرض لها من ذالك اللاعب المؤجر ومنحه الطبيب راحه ثلاثه ايام والله سبحان الله بعد ان فشلو في ابعاده بعده طرق اليوم يؤجرون اصحاب القلوب الضعيفه امثال هذا الفاشل ان يضرب سيدا داخل الميدان

سلام يا أخ أحمد محمد بشير

غير إني كيشة كياشة بائنة بينونة كبرى
وغير إني مامتابعة كورة سودانية من أصلو
وأخر حدث رياضي حضرتو واول واخر مرة ادخل إستاد
كانت مباراة الهلال مع الاهلي في القاهرة الادوهم فيها تلاتة ديك
ومشينا زرنا الفريق في شيراتون هليوبلس وإتصورنا معاهم
والبتذكرو حارس المرمى الجنوبي كان ولد صغيروني مقارنة بحراس المرمى عموما
وأخر لاعب كنت محتفظة بقصاصات جرائد عنه وصوره كان مصطفى النقر-التعريف مهم عشان ماتفتكروا الفاتح-
المقدمة دي كلها عشان أقول ليك مندهشة
أي والله مندهشة من كمية الاعجاب بهيثم مصطفى
ونفسي أجاريهم كهلالابية أب عن جد
لكن ماقادرة
لاني ما اتيحت لي ظروف أشوف فيها الزول دا وهو بيلعب
ولا قادرة أتابع بوستاتكم عشان بتشدوا فيها مع بعضكم شديد

شكلك ماهلالابي لانك جاي داقي طاروا
لكن مامشكلة
بالله أي هلالابي أصيل وبيحب هيثم يدينا عنه فكرة
عشان نريدو زيكم
دا طبعا بجانب وسامته الظاهرة حتى للاعمى ومسلمين بيها كلنا

للأسف هنالك من يتأمرون على هيثم ويسعون لإبعاده عن الهلال بشتى السبل

و هذا ما جاء فى صحيفة الصدى


أدى الهلال تدريباً صباح أمس على ملعبه استعداداً للقاء أهلي مدني غداً في الدوري الممتاز وشارك في التدريب 19 لاعباً بقيادة هيثم مصطفى والمعز وسيف مساوي وسادومبا وعمر بخيت وشارك في التدريب شقيق ابراهيما سانيه ولاعب مصري يخضعان لاختبارات مع الهلال وتعرض هيثم مصطفى لاصابة في المران
ولم يكمل التدريب وسيكون هيثم خارج حسابات الجهاز الفني في مباراة الغد.

و يفهم انه هيثم تعرض للضرب من قبل المصرى مما ادى لحرمانه من اكمال التدريب

و كمان جاء فى نفس الصحيفة انه بسبب هذه الإعاقة فإنه قد تم استبعاده من التشكيلة التى ستلعب غدآ مع الاهلى مدنى

باقى الكلام من معروف و معلوم كان توم و شمار من عندك عشان تقول انه خبرك صح

و لك التحية اولآ و أخيرآ

اخي ابو حميد
تأكد من الخبر كويس
لانو سيدا هذه الايام مرصود من عيون الحاقدين
هو ثاني لاعب اطول عمرا في الملاعب
واحد من الممتعين الذين ولدتهم بلادي
واحد من الكباتن المؤثرين جدا في الفريق
وهو سيدا
رضوا الحاقدين ام ابو

Quote: هكذا هو هيثم على الرغم من نجوميته التي لا ينكرها إلا المكابر, إلا انه لاعب حاد الطبع وهذا خصم على نجوميته, العديد من اللاعبيين لم يجدوا الفرصة للظهور مع الهلال و السبب هو هيثم وبوصفه ككابتن .

الأخ أحمد محمد بشير

لك التحية

ياخ أنا وأنت في خندق واحد ضد الظلم الحاصل في السودان من سلطة فعلت كل الموبقات ضد شعبنا المقهور

فلما تنه عن خلق وتأتي مثله وأنت تظلم هيثم بهذا الشكل


يأخ والله ما كتبته هنا لا يمت للحقيقة بصلة ـ أنا أكتب في منتديات الهلال الخاصة وهى غير متاحة إلا للأعضاء وملم بكل ما يجري في الساحة الهلالية ،

اللاعب المصري هو من أعتدى على هيثم بإيعاز من أخرين وأكتفى هيثم بتنبيهه وطلب منه اللعب بهدؤ حتى لا يعرض زملائه اللاعبين للإصابة ، وهذا من حقه ككابتن للفريق

أخي أحمد ـ هيثم يتعرض لحرب ضروس من فئة محسوبة على هذا النظام الظالم الذي لم ينجو منه أي إنسان شريف لا ينتمي لهم

هيثم يتعرض لحرب قذرة من أذناب النظام لانه لم يطبل لهم ،
هيثم يدفع ثمن 17 عام من النجاح والعطاء
ويدفع ثمن محبة كبيرة وتقدير وإحترام يجده من شريحة عريضة في الوسط الرياضي وغير الوسط الرياضي

فرجاء أخي أحمد ما ناباه لأنفسنا من ظلم ، يجب أن لا نذيقه للأخرين

مع ودي وتقديري

التحية أخ/أحمد..

سيظل هيثم سيدا رغم كيد ألأعادى.

Quote: اخي ابو حميد تأكد من الخبر كويس لانو سيدا هذه الايام مرصود من عيون الحاقدين هو ثاني لاعب اطول عمرا في الملاعب واحد من الممتعين الذين ولدتهم بلادي واحد من الكباتن المؤثرين جدا في الفريق وهو سيدا رضوا الحاقدين ام ابو

شهادة من نجم في حق نجم

يا راوية
شوفي أي كورة للهلال فيها هيثم مصطفي و ح تعرفي إنه سيدا و سيد سيدا
عشان كده الأحقاد كتيرة حوله
هيثم عندو باص بيخلع قال عنه صديقنا و حبيبنا عمر الفاروق إنه مفروض يدرسو لعيبة الهلال باص هيثم
و المستوي و الدرك الوصل ليهو (بعض) المحسوبين مشجعين كورة في المنبر هنا للأسف ما بيشجع ناس كتار يكتبو عن الكورة أو في الكورة.

شوفي يا راوية تاني مرة كمان

Quote: شوفي أي كورة للهلال فيها هيثم مصطفي و ح تعرفي إنه سيدا و سيد سيدا عشان كده الأحقاد كتيرة حوله هيثم عندو باص بيخلع قال عنه صديقنا و حبيبنا عمر الفاروق إنه مفروض يدرسو لعيبة الهلال باص هيثم و المستوي و الدرك الوصل ليهو (بعض) المحسوبين مشجعين كورة في المنبر هنا للأسف ما بيشجع ناس كتار يكتبو عن الكورة أو في الكورة.

أمسكي في كلام نوبي وأضيف انا من عندي لحدي ما يجيك تمبس وعمر الفاروق

لعب الفتى هيثم لهلال الملايين 17 عاماً كان يجدد عقده مع الفريق ويوقع في الكشف الهلال دون أن يسأل كم سيدفع لي النادي
لعب لهلال الملايين 17 عاماً وأعطى فيها ما أعطى وكان قائداً محنكاً
لم يخرج هيثم من أي مباراة لعبها مع هلال الملايين إلا ولعب باص القون هذا لو لم يسجل هو بنفسه

التحية والتقدير للقائد الفنان هيثم مصطفى سيداااااااااااااا

والله مباريات الهلال اصبحت مسيخه بدونك يا سيدااااااااااا

ارحلوا ايها الحاقدين واتركوا لنا هلالنا الذي نعشقه واتركوا لنا هيثمنا الذي يطربنا ويمتعنا




أبو كريم

Quote: لعب الفتى هيثم لهلال الملايين 17 عاماً كان يجدد عقده مع الفريق ويوقع في الكشف الهلال دون أن يسأل كم سيدفع لي النادي

شوفي يا راوية مرة تالتة
هيثم وصل به الأمر أن باع سيارته الخاصة من أجل أن يسدد بقية مستحقات توقيع لاعب آخر في الفريق


هذا الخبر قرأته بالأمس و لم يكن بهذه الصورة
الخبر كان عن أن اللاعب المصري تسبب في أصابة سادومبا و هيثم لدرجة أن هيثم لم يستطع أن يواصل التمرين دون أي حديث عن إشتباك و لا أدري أي صحيفة بائسة تلك التي حرفت الخبر كما نقله الزميل

والله هيثم ماهين
لكن عندي توضيح صغير لصاحب البوست
لو إفتكرت مداخلتي مقصودة باني عاوزة احرجك في بوست بتاعك واخليك تتكلم عن غريمك فانا بعتذر ووالله ماقاصدة
لاني شفتك بعد مداخلتي فارقت البوست
ارجو ان لايكون بسببي




_____
بكري دا زمان كان عندو راية بيضا في الايقونات

مساء الخير يا شباب/ات و آسف جدا لعدم المتابعة بسبب المشغوليات... يا جماعة الخير الخبر نقلته فور نزوله في هذا الموقع
http://sudanmotion.com/news/sport-news/6763-q-q--------.html
نقلا عن صحيفة المِجهر , يعني -الخبر- ما الّفُه العبد لله

شايف في تلميحات غريبة من بعض المرور بسبب عقلية هلاريخ التي افسدت الكورة السودانية, احب اوضح لهؤلاء انه العبد لله لا اتباع الدوري المحلي السوداني, انا متابع مرضان للدوريات الاوربية واصلا ما مهتمي بالكرة السودانية وفارقتها منذ زمن بعيد , ولكن عندما تلعب الفرق السودانية وتنافس خارجياً أشجع اي منتخب و اساعد الاخوة في المنبر على المتابعة و أفتح البوستات للمتابعة وآتي بالجديد و الصور و الروابط ووو لكي يتابع السودانيين متابعي هذا البورد والذين اعزهم جدا, واذا كانت هذه البوستات لا تعجبكم فسأتركها فورا , واتمنى ان نشاهد مثل تلك الخدمات من هؤلاء المنتقدين

من الواضح أن الاخوة تداخلوا في البوست بعقلية هلال مريخ وعاطفة زائدة تجاه اللاعب هيثم و أعتقد أن جُل المتداخلين من مشجعي الهلال.... هيثم لاعب متشدد وهذا خصم على نجوميته اعرف لاعبيين (كوتااااار) تركوا الهلال ومنهم اصدقاء اعزاء واشتكى هؤلاء من هيثم وقد اشرت الى ذلك بمداخلة في بوست قديم فتحه الاخ معاوية حسين هيثم مصطفي ظالم ام مظلوم ؟ , يعني الموضوع ده ما جديد ولولا هذه المعلومات التي سمعتها من ناس اعرفهم حق المعرفة لما تدخلت في شيء لا اعرفه.

واتمنى من هيثم انه يحاول االابتعاد عن هذا الاسلوب الدكتاتوري ويكون قدوة لباقي الناشئين نتابع العديد من النجوم و (الكباتن) في اكبر الاندية العالمية وكلهم اسلوبهم مختلف عن هيثم واتمنى من هيثم انه يستفيد منهم

Quote: شايف في تلميحات غريبة من بعض المرور بسبب عقلية هلاريخ التي افسدت الكورة السودانية, احب اوضح لهؤلاء انه العبد لله لا اتباع الدوري المحلي السوداني, انا متابع مرضان للدوريات الاوربية واصلا ما مهتمي بالكرة السودانية وفارقتها منذ زمن بعيد

..

Quote: هكذا هو هيثم على الرغم من نجوميته التي لا ينكرها إلا المكابر, إلا انه لاعب حاد الطبع وهذا خصم على نجوميته, العديد من اللاعبيين لم يجدوا الفرصة للظهور مع الهلال و السبب هو هيثم وبوصفه ككابتن .

..

Quote: وبوصفه ككابتن يتحكم في امور كثيرة في الهلال واحيانا يضع و يختار التشكيلة و يعمل مكان المدرب , لاعبيين سابقين كثر اشتكوا من دكتاتورية هيثم وعناده في الهلال.

.. هذه اقوال العبد لله الذي قال انه ترك الكورة السودانية عشان بتحكم بعقلية هلاريخ ... وذكر العبد لله ايضا انه تحول إلى تشجيع الدوريات الأوربية ..
يعني بي صورة اوضح كدا من كلام العبد لله دا نفهم انو:
السطرين اللي نزل لينا فيهم الاسقاط الخاص بيهو دا عن كابتن هيثم والذي يعكس نفس عقلية ( مزمل ابو القاسم) الاسطورية .. نفهم انه والمعني هنا العبد لله .. حلل وجاب لينا (حدادية) الطبع بتاعت هيثم .. وكمان جاب لينا اعترافات لعيبة سابقين وشهادات وافادات مكتوبة ومصورة ومسجلة .. تبين ظلم كابتن هيثم والمدرب هيثم والاداري هيثم والمشجع هيثم لهم ..
فأنا هنا . احب ادي ميزة لعزيز العبد لله القارئ :
وهي انه بحكم انه متابع للدوريات الاوربية .. قام لقى هيثم دا في مانشيستر يونايتد قاعد يعمل حركاتو دي .. وعلى طول قام اتصل على رومنيغا وكانيشا .. وتيجانـا .. وقامو حكو ليهو انو كيف هيثم دا ككابتن كان قاعدج يقعدم في الكنب ويظلمم ..
يعني زول يقوليك انا ما بتابع الدوري السوداني لانو المشجعين بتاعين الهلال والمريخ قاعدين ياكلو قصب سكر وتسالي وفي ستات شاي ببيعو شاي في المدرجات . وفي نفس المكان يكتب ليك سطرين عن هيثم عايز يوصل بيهم الفكرة الجاي اساسا علشانه وفترنا منها وبقت عاااضه ..
طيب لو العبد لله دا قعد في مدرجاتو بتاعت ليفربول دي .. ولقط لينا خبرية عن فيصل العجب .. وعن باسكال بوس الواوا خلي الواواا صاح .. يا جاب لينا خبر عن حضري زمانو مش كان اخير ليهو من الشعر الما عندو ليهو رقبـة دا ..؟
عاين يا العبد لله .. كتاباتكم عن هيثم مصطفى عاملة زي النار ... النار البجمرو بيها الدهب شفته كيف .. كلما الدهب تديهو نار بديك طراوة..
اهــا
انتو استمرو اكتبوا بي عقليتكم البائسة دي .. وح يستمر هيثم في فنو وفي متعتو وامتاعو ..
..
لي عودة تاني وتالت ورابع .. للعبد لله القاعد يشجع لينا في الدوري الاوروبي وما بياكل فول حاجات .
غايتو الناس البتمشي بره دي عندها (طنقعة) و (قرضمـة) كدا تحير جنس حيرة .

Quote: لكن عندي توضيح صغير لصاحب البوست لو إفتكرت مداخلتي مقصودة باني عاوزة احرجك في بوست بتاعك واخليك تتكلم عن غريمك فانا بعتذر ووالله ماقاصدة لاني شفتك بعد مداخلتي فارقت البوست ارجو ان لايكون بسببي

الاميرة راوية لكِ الف تحية واتمنى انك تكون بخير انتِ ووالدتك العزيزة ما توعلي و الله ما لقيت وقت عشان ارد عليكم فردا فردا وده سبب ابتعادي عن البوست , ورأيي فيك يا راوية قولته في البوست حقِك الكان فتحتيهو انتِ بخصوص مساعدة الاخوة للتقديم للهجرة , امشي راجعي البوست وشوفي مداخلتي وشوفي كيف شكرتك انتِ و الفاضلة رجاء , فما تزعلي و تتحسسي بسبب بوستات هلالريخ الاصلا ما قاعد اتابعها دي.

الاخوة المرور

عبدالله السفاح
حيدر بشير
محمد سنى دفع الله
محمد علي البصير
اسماعيل عباس
الصادق صديق سلمان
الفاتح خليل الفكي
خالد عبد الله محمود

شاكر لكم مروركم الذي اسعدني لولا ضيق الوقت لرديت عليكم فردا فردا.

على الزميل فيصل الرشيد .. أن يأتي لنا بالفيديو الآخر والذي يعقب هذا الفيديو ..
الفلم دا خاشنو قبل كدا نحن .. كمان خشينا الدور التاني .
بس عشان الأوروبي دا يعرف حاجة .. وما يشبكنا هضربة ساكت ..
اهو جانا فيصل الرشيد بي شحمو ولحمـو .. احسن زول بيشتل في هيثم مصطفى .. والله عمل ليهو جنينة عديل من الشتلات .؟..

Quote: يا جماعة الخير الخبر نقلته فور نزوله في هذا الموقع

فور واللا فايف ..؟
طيب مستعجل ليهو كدا ليييه ما كان تنتظر شوية على الاقل خلي الناس المتابعين للدوري السوداني بتاع قصب السكر داك يجو يفتو لينا ويحللو لينا .. على الاقل في ناس هنا دا متعهدين كابتن هيثم مصطفى .. يعني (بشتلوها) زي شجر العنب يا ناس خايف عناقيدو بتاعت حيدر بورسودان .. انت جاي من اوروبا وعايز تشتل لينا ورد انقليزي مكان (الموليتـا) ..؟ حسع انت بتعرف الموليتـا ..؟ واللا اوروبي ساكت كدا بس ؟؟

Quote: و الله ما لقيت وقت عشان ارد عليكم فردا فردا وده سبب ابتعادي عن البوست

..
قول لقيت وقت .. ح تجي تقول شنو اكتر من السطرين ديل ..
اديك ميزة ؟؟:
حدك سطرينك ديل .. وكل ما تكتبه هنا سيستعمل ضدك .. وما عندك غير الاسطوانة المكررة دي .. وحسع دي لو عملت بحث لي كلماتك دي في البورد دا .. ح تلقاها مكررة بطريقة (بغبغائية) هنا دا وفي اي مكان .. كدي حاول جرب دخله القوقل .. نت لو ما عندك مقدرات عن الكورة ولو ما لعبتها وما شجعتها مالك ومال القراية ام دق .. ؟
خليك من القراية ام دق الساهلة دي ، مالك ومال رباط (كدارة) هيثم مصطفى ؟؟ انتو اي زول عايز يكتب في منبر وطن من لا وطن له دا وعايز يتعلم الكتابة في الكورة يجي يكتب لينا عن هيثم مصطفى ؟؟ مش يكتب بس .. يكتب ويشتل ، ويقوليك انا ما فاضي ..

ما داير تجيب الفيديو يا فيصل ..؟
طيب نحن بنجيب الفيديوهات بي ضراعنـا ..

اهـا ..
يا العبد لله اخوك فيصل دا خليك من موضوع الشتول بتاعت (صباح الخير) البقوم بي سرعة داك .. طبعا صباح الخير دا كان غزيتو في لستك عربية بتجي تلقاهو الصباح عامل الزهور بتاعتو الجعانة ديك ..
فيصل دا غير انو ( جنايني ) وعندو حواشة وبهايم في ضهر بيتم .. قاعد (يعقل) الشتلات براهو بي ضراعو يعني بمشي يجيب ليك الشتلات من منتديات المريخ .. وناس الزول الاسمو شيبا .. ويجي يزرع لينا هنا دا .. وشيبا دا طبعا كان بكتب معانا هنا في البكان دا .. وغير انو قاعد لي هيثم مصطفى ولي فريق الهلال .. ما عندو حاجة تانية يقدمه حتى لي ناديهو البشجعو .. شفت كيف يا (ميسي) ؟؟

طبعا الفيديو الفوقاني دا .. قدر يظهر فيهو علماء قراية الشفايف في البورد بقيادة وليد الشفت .. اظهرو مهارة فائقة في قراية شفايف هيثم .. بي صورة اوضح .. ورونا حاجة ..

Quote: بقلم محجوب عبد الرحمن الموهبة التى يتمتع بها لاعب الهلال وكابتن الفريق هيثم مصطفى لم يختلف حولها إثنان بعد أن إحتل مكانة سامية وكبيرة داخل قلوب الجماهير الهلالية وظلت تطلق عليه أجمل الألقاب وأصبح أنشودة الفريق والمنقذ و كلمة السر فى كل الإنتصارات التى ظل الفريق يحققها . *بالرغم من الحديث الطيب عن هيثم مصطفى (سيدا) و(البرنس) وعدد من الألقاب التى ظلت تطلقها عليه الجماهير الهلالية إلا أنه لم يقدر المعنى الحقيقى للحب الجارف من الجماهير تجاهه . *وظل فى كل مرة يؤكد أنه من عالم أخر وليس العالم الذى نعيشه الأن وفى كل يوم نكتشف أن البرنس بعيداً عن نبض الجماهير الهلالية التى أحبته كثيراً وظلت تتغنى بإسمه لسنوات وسنين قادمات . *فأذكر إبان فعاليات بطولة الامم الافريقية التى أستضافتها غانا عام (2008م)وكان المنتخب السودانى ضمن المنتخبات التى نالت شرف المشاركة فى نهائياتها عاد خلالها السودان للمشاركات الإفريقية بعد غياب 32عاماً من المشاركة فى نهائيات الأمم . *مثل هذا الحديث كان لابد أن لايمر مرور الكرام وأيضا كان لابد أن نحتفى بالنجوم الذين أحرزوا أول وأخر كأس إفريقية فى هذه المنافسة وهو عام( 1970) وحضورهم بعد أن تكفلت شركة (سوداني الرائدة) بسفرهم لحضورهم للنهائيات بغانا مع التكفل بالإعاشة والنثريات وخلافها فى لفتة تحسب ل(سوداني) . *أعود للموضوع وأقول رافق المنتخب نجوم العصر الذهبى واي اسم تسمعه تتذكر الزمن الجميل وتصاب برجفة لما حققوه من بطولات وإنجازات . *إلا أن الكابتن هيثم مصطفى كان له راياً مخالفاً معتقداً أن ماتحقق من هؤلاء النجوم كان بالصدفة ولذلك عندما قاموا بزيارة البعثة قبيل المباراة الأولى للمنتخب السودانى وبالطبع الهدف من الإلتقاء بنجوم المنتخب المساهمة فى رفع المعنويات ليسمعوا منهم حديث من القلب للقلب ويحمل الحديث حديث الذكريات عن بطولة الأمم الافريقية التى حصل عليها السودان . *كما ذكرت فان الكابتن هيثم مصطفى رفض حضور اللاعبين وأصر على الحضور لوحده واكتفى بالتحية من على البعد رافضاً مصافحة (امين ذكى) و(بشرى وهبة) و(سليمان عبدالقادر) و(عزالدين الصبابي) و(عبد العزيز عبدالله) و(نجم الدين) و(حسبو الصغير) وكان التصرف تجاه نجوم كانوا ومازالوا يتغزلون فى هيثم مصطفى اعتقاداً منهم أنه إمتداداً لنجوم العصر الذهبي للموهبة التى يتمتع بها . *إلا أن تصرفه هذا جعله يسقط بالزانة بعضهم سخط للموقف والبعض الآخر منهم رفض الذهاب للمباراة بإعتبار أن الكابتن لا يستحق أن ينال شرف الدفاع عن السودان ناهيك عن حمل (الكابتنية) التى حملها عباقرة وأفذاذ نجوم السودان إلا أنهم وافقوا لمشاهدة المباراة من داخل استاد (أكرا) الدولى وانا كنت شاهداً على هذه الواقعة عن قرب لأننى كنت معهم متواجداً ونلت شرف حضور هذه النهائيات والتى خرجنا منها مكسوري الخاطر بسبب مستر (مازدا) الذى سقط فى الإمتحان منذ المباراة الاولى وأصبحت (التلاتات) هى شعارنا فى الدورة مما جعل الكل يتهكم فينا حتى موظفي وموظفات وعمال الفندق الذين كانوا يذهبون معنا لمساندتنا رفضوا ان يذهبوا لمشاهدة المبارايات التى يكون السودان طرفاً فيها حتى لايشاهدوا (مرمططنا) من جديد. *أعود وأقول أن (هيثم) جاء بعد عامين وكرر نفس الموقف حينما رفض مصافحة أى فرد من افراد الجالية السودانية الهلالية بالأمارات وقد جاءوا من مسافات تبعد ساعات طوال وتقدر ب(150 كيلومتر) من المطار لمؤازرة نجوم الهلال وإستقبالهم فى أروع صورة وبكرم إنسان السودان الأصيل وكذلك رفض مصافحة رئيس رابطة الهلال بالإمارات ورفض إستلام (بوكيه) الورد المقدم من رئيس الرابطة وقد وجد هذا التصرف الإستنكار من أبناء الجالية و عادوا وفى حلوقهم غصة بسبب تصرف (البيه هيثم) ويكفى التصريحات التى اطلقهاالدكتور عثمان العوض والتى اختصر كلماته للزميل (أنس مأمون) في أن تصرفات اللاعب هيثم مصطفى تؤكد عدم لباقته. *نحن لانلوم (هيثم) وحده بل نلوم رئيس البعثة أيضا الذى يفترض أن يكون على درجة عالية من (الاتوكيت) ويعرف كيف يتعامل فى مثل هذه الظروف حتى لا نفقد اى فرد من أفراد وأبناء هذا الوطن الغالى.

الشتلة اعلاهـا شتلها الجنايني فيصل الرشيد .. وهي من البذور المحسنـة .. حقو يستفيد منها الاوروبي أحمد بشير دا .. إن شاء الله يعمل منها تكاثر خضري ويصدره لي الدوري الأوروبي القاعد يحضرو دا ..
يعني ناس فيصل الرشيد ديل يزرعو بالزراعة المطرية وبالري المحوري وبالزراعة المروية لا خلو ليهم طرمبة موية لستر لا خلو ليهم ساقية .. كلها من أجل النيل من الكابتن هيثم .. جاي حسع العبد لله دا عايز يشتل ليهو تلاتة سطور ويعرش علي كدا ..؟
أوقفوا هيثم مصطفى عند حده...
البوست بتاريخ 2010 يعني قبل سنتين .. يعني قبل موسمين كرويين .. وكلما الهلال يزعمط الجماعة اياهم .. نطلع لينا بي شتلة جديدة
آخره كمان بقينا نستجلب بذور محسنة من بره .. والأخ العبد لله دا جايب لينا ( يقطين ) من المزرعة السعيدة بتاعتو عايز يشتلو لينا في البورد .. لكن على منـو ..؟
حقو تختصر لينا المسافة ولو عندك شجرة لبـخ سويدية .. تعال جيبه لينا هنا .. عشان تورينا حاجة ..
لو ما لقيت لبـخ جيب لينـا مورينغا كندية .. الما في شنـو ..؟

Quote: ووو لكي يتابع السودانيين متابعي هذا البورد والذين اعزهم جدا, واذا كانت هذه البوستات لا تعجبكم فسأتركها فورا , واتمنى ان نشاهد مثل تلك الخدمات من هؤلاء المنتقدين

يا زول انا سودانييين .. اتركها فورا تراك قزيتنا

..
والله يا فيصل الرشيد حسع دي لكي يتابع السودانيين دي كاتبة قريمـان .. كان عملت ليهو (حولية) هنـا بي فرقة اولاد البيت .. .. مسكين كورتك فكت وبقيت تملصة زيك وزي الحضري واحد ..
..

شوف يا العبد لله يا اوروبي انت .. نحن السودانيين ديل جننا وجن هيثم مصطفى دا ما تهبشوا لينا لو عندكم في اوروبا هناك بتهبشو الواحد عادي .. نحن ما بنرضى حركات الأوروبيين ديل ..


قال ايه؟؟ .. لكي يتابعها السودانيين ..
انتو الناس دي جادة ..؟ عرفنا وهمة النضال الأمريكي والأوروبي كمان جابت ليها أوروبيين بكتبو للسودانيين عن هيثم مصطفى .. ؟

Quote: على الزميل فيصل الرشيد .. أن يأتي لنا بالفيديو الآخر والذي يعقب هذا الفيديو .. الفلم دا خاشنو قبل كدا نحن .. كمان خشينا الدور التاني . بس عشان الأوروبي دا يعرف حاجة .. وما يشبكنا هضربة ساكت .. اهو جانا فيصل الرشيد بي شحمو ولحمـو .. احسن زول بيشتل في هيثم مصطفى .. والله عمل ليهو جنينة عديل من الشتلات .؟..

سبحان الله ..
ها هو تمبس الذي كان قبل ايام معدودات يتواري خجلا بعد مذبحة جوليبا الشهيرة ..
تواري خجلا ولم يقل بغم وهو يري انهيار هلاله البائس والذي كان يمني نفسه بأن يأتي الي هنا فرحا بصعوده الي نهائي الكأس الا ان صافرات السنغالي ياسا بادرا قد انهت تلك المغامرة
الم يعلم تمبس وصحبه ان البطولات والكوؤس لا يحملها الا رجال امثال كمال عبد الغني وعيسي صباح الخير ؟
الم يقرأ تمبس وزمرته من اولئك الذين ضلوا طريق الرياضه الي درك الهلال فاصبحوا يمشون في الارض وكأن علي رؤسهم الطير؟ الم يقرأوا التاريخ ؟؟
الم يتعلم تمبس ومن معه ان المريخ كوكب احمر كلون دماء السودانين لا يماثله شي وان اصابته بعض النكبات ؟؟
الم يفهم تمبس انه والي ان تقوم الساعه سيظل هلاله المهلهل هذا يحمل صفرا كبيرا والله لو وزعوه علي كل جماهيره المخذولة دوما لكفاهم احباطا وبؤسا علي بؤس
الم يعلم تمبس انه بدفاعه عن صاحب القارورة والذي يعرف قلة ادبه القاصي والداني انه بذلك انما يجعل من نفسه اضحوكة تسير بها الركبان
الم تعي يا تمبس ان هيثمكم هذا لن يحمل كأسا خارجيا في حياته وان بقي يلعب الكرة الي يوم الدين ؟

اقول هذا وانا اعلم ما تكابدونه من صبر لتمر الايام لتنسوا خذلانكم العظيم غير اني استغرب من اناس اعتادوا الهزائم تلو الهزائم ان يكونوا محبطيا وكان الامر جديد ؟؟
أرجو ان تنشغلوا بمصائبكم لوحدكم ولا تقحمو المريخ في صراعاتكم وتجعلوا من الاساءة للمريخ وجمهوره ولاعبيه (مراقة) من سيكاتكم المتواليه ..
والله ان معركة جوليبا لهي ( سيك في قبولكم ) وانتم لا تختشون..

لهذا لا نقول غير حسبنا الله ونعم الوكيل ..

قال الله - عز وجل: { الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ الْقَرْحُ لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ (172) الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173) فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ (174) إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ (175) }[آل عمران]

Quote: أرجو ان تنشغلوا بمصائبكم لوحدكم ولا تقحمو المريخ في صراعاتكم وتجعلوا من الاساءة للمريخ وجمهوره ولاعبيه (مراقة) من سيكاتكم المتواليه .. والله ان معركة جوليبا لهي ( سيك في قبولكم ) وانتم لا تختشون..

والله حقو انا اطالب الجنايني التاني صاحب البوست العبد لله انو يشوف لي معاهو .. جنسية اوروبية عشان اقدر ارد على ترهــاتك دي
ياخ انت تشيل وتزرع وتجيب في السماد وتحصد .. وحسع دي في الفين واطناشر عايز تجي تقولي اشتغلو بي مشاكلكم ..؟ وتطيرو براكم ؟؟
حسع عليك الله انت فرقك من صديق شنـو ..؟
كلما يرشوكم بالخمسات تجرو لي هيثم تقولو هو السبب ..
كلما تطلعو من الابطال .. تفتحو ملف هيثم ..
كلما تصب مطرة .. جاريين لي هيثم ..
الحضري يملصه .. هيثم السبب ..
تتعادلو جوه استادكم وتطلعو بي فضيحة ليها جلاجل .. السبب هيثم ..
نحن نرش الناس جووه ، ونتعادل معاهم في بلدم وندخلم في الحتة بتاعت الوزة ديك .. ونطلع بي الركلات الترجيحية .. برضو السبب هيثم ..
..
يرشكم اهلي شندي .. تسردبو .. وتجو تفتحو لينا موضوع هيثم ..

يا العبد لله .. عليك الله شوف لي معاك جنسية وبطاقة وكارني إن شاء الله من أحدى الدول الاسكندنافية ما مهم تجيبه لي من لندن ..
شوف لي عليك الله عشان الواحد يقدر يرد معاك لي الجنايني فيصل دا ..

Quote: شوف لي عليك الله عشان الواحد يقدر يرد معاك لي الجنايني فيصل دا ..

لن تستطيع يا تمبس لن تستطيع ...
وبما انك شغال ترزي افرنجي وشايل ردودي وتقصقص فيها كما تشاء حين تشاء ..
جزء ترد عليه وجزء تعملو جيوب وخالي سوسن عبد الفتاح علي مصراعيها
بما انك ترزي والترزي لا يسأل عن شئ يوم الوقفه .. فأنا بقول ليك اختشي ..
والله الاختشوا ما ماتوا كلهم لانه فضل فيهم شويه ارجو ان تكون منهم ..
فنحن والله لا نهتم بديناصوركم هذا لكن انتم الذين تهابشون في جحر العقرب ..

Quote: غايتو الناس البتمشي بره دي عندها (طنقعة) و (قرضمـة) كدا تحير جنس حيرة .

يا تمبس إنت قاصدني عديل كده!! لاني مرة كتبت :

بهديلك سلام من بلادا ناسا عيونن خضر
بلغوا مني السلام لي سيدا ملك الكفــر
زولا يخليك طروب تقول ماسك وتـر
تحصن بالمعوزتين بالليل و أدبار السحر
تحميك من عدوك و الجماعة العيونن حمر
يا نــاس يا غبايا إت ما فيكم فكــر
عينكم للحريف تقوم تبــاروا الشــتر

القبض على مجموعة ابناء مسؤوليين ودستوريين في مزرعة . بأعمال فاضحة
طيب لمن عامل فيها حريف بتاع رفعان بوستات ..
كما شايف بوستيك جنازة البحــر دا ..؟
واللا تقيل ما بترفع من المداخلات الفوقو ؟؟


عالم قاعده لي نبش الحال وشيل حال الناس .. ما عندها اي حاجة مفيدة تكتبه ..

الاخوة:
الظلامي فيصل الرشيد
و عمار يس النور

شكرا على المرور

Quote: يا تمبس إنت قاصدني عديل كده!! لاني مرة كتبت :

والله يا عمار ما قصرته تــب ..
حقو النجر الأخـدر دا تديهو لي الخواجـة دا .. يترجمو لينا نحن السودانيين لي انقليزي ..شكلو كدا متشبع ونازل عليهو الوحي الأوروبي ..

يللا تعال ترجم لينـا يا خواجــة ..

ساي كده بث

Quote: ساي كده بث

بعد يومين ح نلقاك دايخ ليك في بوست زيك وزي أحمد بشير دا واحد .. يا كمان لحقته صديق مهدي .. طالما أحمد بشير دا بقى كاتبك المفضل ..
..

أها شطبوا هيثم
واضح انه الكورة فيها قرارات عليا من حزذان الحكومة بتحدد منو اليلعب ومنو الينشطب
في رأيي ما كان يشبطوهو بالطريقة المهينة التي حدثت, على الاقل كان يجيبوا واحد في خانته.
لقاء هام مع هيثم في الشروق و اعترافات كثيرة
لقاء هام: هيثم مصطفى و علاء يوسف / بقناة الشروق (فيديو)