Post: #1 Title: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-17-2012, 10:26 PM Parent: #0
اعتقد ان كل هذا الشحنة من التشنج التى كانت وراء على عثمان والتى انعكست من خلال خطابه الهتافى فى جلسة المؤتمر الختامية لحركتهم كان يعكس خيبة امل كبيرة فى مناحى كثيرة وان المؤتمر لم يحقق الغرض اللذى من اجله تم تنظيمه وذلك ان :- 1/ المؤتمر لم يحسم امر الامين الجديد 2/ لم يفلح المؤتمر فى جرجرة الحكومات الجديدة التى اتجاهها اخوانى فى دول الربيع العربى لدعم مواقف السودان على اجمالها ما عدا مواقف خالد مشعل وده نقدر نقول عليه مجبورة خادم الفكى على الصلاة باعتبار ان الفكى هو ايران 3/ كانت هنالك طبخة كبيرة يريد على عثمان تمريرها من خلال هذا المؤتمر ( ارسال رسالة لمعسكر البشير ومن حوله بانه مازال ممسك بتلاليب الحركة الاسلامية وانه ما زال فى يده الكثير من الكروت ) ولكن يبدو انهم قطعوها له فى راسه مما زاد من تشنجه وجعله يلجأ الى هذا الخطاب اللذى ذكرنى بخطابات طلاب الاتجاه الاسلامى فى الجامعات فى اركان النقاش وليالى الانتخابات .
ياربى تانى يكون ماله زعلان كده شيخ على ده ؟؟؟ التعديل لتعديل الاخطاء الاملائيه
Post: #2 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: بكرى ابوبكر Date: 11-18-2012, 01:40 AM Parent: #1
Post: #3 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: Elbagir Osman Date: 11-18-2012, 02:17 AM
إتحادنا
حرية .. إشتراكية .. وحدة
النصر لنا
بالإخلاص .. والإيمان .. والعمل
كما أخاف الكضب
اقول جزء من الجماعة ياهم ذاتم
يا أخوانا مافي فيديوهات من خطب الزمن داك؟
==========
أما تفسير هذا الخطاب
وما جاء فيه من "لا للأمم المتحدة "
بالرندوق:
"يا جماعة خارجونا من المحكمة الجنائية الدولية "
"براااااااكم.. كلكم بقيتوا حبايب أمريكا .. ومخلننا في الصقيعة "
"ما نحن كنا دافننو سوا"
"تشربوا شايينا .. و .. تمشوا تخلونا للمحكمة "
الباقر موسى
Post: #4 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: Elbagir Osman Date: 11-18-2012, 02:22 AM Parent: #3
Post: #5 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: Ashraf el-Halabi Date: 11-18-2012, 03:42 AM Parent: #4
سلامات عادل وضيوفه معروف إنو الكواريك والصوت العالي دليل ضعف الموقف وقلة الحيلة شيخ علي من طلع خطاب المرتب في البرلمان عرفت إنو كورتو فكت!! زمان كان شفت وبيعرف يداري الضعف أسي بقى ما في فرق بينو وبين أي كادر كيزان خطابي
Post: #6 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: مهدي صلاح Date: 11-18-2012, 07:03 AM Parent: #5
علي عثمان مرشح لخلافة البشير وخليفة البشير لازم يتحلى ببعضٍ من عدم الرزانة عشان يتفاعل مع انغام اسد الخشش الضرية
Post: #8 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-18-2012, 08:09 PM Parent: #3
Quote: كما أخاف الكضب
اقول جزء من الجماعة ياهم ذاتم
الحبيب الباقر سلام
امبارح شفنا على عثمان باعتبار ما كان ( ايامه الكان طالب اتجاه اسلامى ) تدهور شديد فى الخطاب نتيجة للضغوط الشديدة التى يعانيها النظام ولامن صليح ولامن صديق ولامن مآزر من قريب او من بعيد حتى ناس الحركات الجابوهم من بره ديل وصرفو عليهم دم قلبهم شربو شايهم وجاملوهم بيحنك حنكين وشتتوا زى ما قلت
Post: #7 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-18-2012, 07:12 AM
شكرا يا ريس بكرى على جلب الفيديو
بس لو تشعلق البوست ده فوق تكون تميت الكيف
Post: #9 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: البحيراوي Date: 11-18-2012, 09:11 PM Parent: #7
الأخ عادل
تحياتي - يبدو أن الإنفعال ناتج عن خلعة ونشوة وقتية برؤية هذا العدد من داخل وخارج السودان . وربما خارج السودان دي أكثر رجحاناً حيث كان الخطاب موجه بالأساس لهؤلاء وما غياب قضايا السودان عن ذهنية الحاضرين إلا دليل على ذلك . فهل النفس حرمتها تُراعى في غزة وما سواها أخنق فطس . ولعل شهداء حروبات السودان الحديثة فقط من السودانيين على كل الجبهات لا يمكن مقارنتها بشهداء غزة البتة!!
بحيراوي
Post: #10 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-18-2012, 09:28 PM Parent: #9
سلامات عادل وضيوفه معروف إنو الكواريك والصوت العالي دليل ضعف الموقف وقلة الحيلة شيخ علي من طلع خطاب المرتب في البرلمان عرفت إنو كورتو فكت!! زمان كان شفت وبيعرف يداري الضعف أسي بقى ما في فرق بينو وبين أي كادر كيزان خطابي سلام يا اشرف
عمك فكت منو من زمان كان عامل فيها انه بيتكلم بهدؤ وانه خليفة الترابى وكده وبالتالى هو ايضا خليفة البشير لكن بعد ما بكرى وعبد الرحيم شنقلو ليهو فهمو ده فقد المنطق وقال اخير اكورك لانو ناس بكرى وعبد لارحيم ديل ما بنفع معاهم الا الكواريك
يوم ما طلع المنصة فى المؤتمر الاخير ده قال فى نفسه ( عليك الله هسسع عبدالرحيم وبكرى الاتنين كان عجنوهم بيقدرو يجيبو ليهم كلمتين على بعض فى جمع زى ده والله الليلة الا اوريهم ليهو ) وقام نفخ المكروفون بنمرة خمسة طوالى
Post: #11 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: Mohammed Elhaj Date: 11-18-2012, 10:14 PM Parent: #10
قال ليس فينا من طلب الدنيا لوووووول دي جامدة يا شيخ على لو اخوانك بتاعين سيريلانكا والصومال ما عارفين نحنا كان ممكن نطوف بيهم في المنشية وكافوري والذي منه ياخ لو ما بتخافوا الله ولا بتختشوا من البيسمعو جنس الهراء دا كان تخفف العيا حبة بعدين حكاية افريقيا الجدت في خطابكم دي شنو؟
Post: #12 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: osama fadlalla Date: 11-18-2012, 11:09 PM Parent: #11
Post: #13 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: الشفيع وراق عبد الرحمن Date: 11-19-2012, 04:55 AM Parent: #12
المفروض يا عادل ومن لف لفه ان تقروا وتعترفوا بي خذلانكم المبين الكل توقع وبقوة ان يفشل المؤتمر وان تعتذر فروع الكيزان في دول الربيع او على الاقل تأتي بي تمثيل ضعيف اذ كيف لاحزاب وصلت بالديمقراطية ان تدعم حكومة دكتاتورية، وح يقول شنو لشعوبهم الوصلتهم للحكم؟ ده كان تصوركم وخيالاتكم وامالكم ولكن كان الخذلان المبين حضور قوي وكلمات ومواقف اقوى واقوى ورسائل خارجية قوية وواضحة لقوى الامبريالية والصهيونية (اننا في مركب واحدة) وCc لـ{وَآخَرِينَ مِن دُونِهِمْ } للمخذلين الفي الداخل
من ابجديات المعارك، ان تقر بقوة خصمك وما وجدته الانقاذ من دعم وقوة بهذا المؤتمر يفوق الخيال والتصور، لمن يفهم ابجديات السياسة التحية والود
Post: #14 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-19-2012, 12:42 PM Parent: #13
Quote: علي عثمان مرشح لخلافة البشير وخليفة البشير لازم يتحلى ببعضٍ من عدم الرزانة عشان يتفاعل مع انغام اسد الخشش الضرية
؟؟مهدى سلام البشير ممكن نعذره باعتباره عسكرى والعسكرى الحماس فى جيناته لكن العامل فيها اكاديمى ومفكر وملهم ده خبره شنو؟
Post: #15 Title: Re: ما هو سر تشنج على عثمان فى كلمته فى ختام المؤتمر ؟؟؟ Author: عادل عبدالعزيز عبد الرحيم Date: 11-19-2012, 09:50 PM Parent: #14
Quote: الأخ عادل
تحياتي - يبدو أن الإنفعال ناتج عن خلعة ونشوة وقتية برؤية هذا العدد من داخل وخارج السودان . وربما خارج السودان دي أكثر رجحاناً حيث كان الخطاب موجه بالأساس لهؤلاء وما غياب قضايا السودان عن ذهنية الحاضرين إلا دليل على ذلك . فهل النفس حرمتها تُراعى في غزة وما سواها أخنق فطس . ولعل شهداء حروبات السودان الحديثة فقط من السودانيين على كل الجبهات لا يمكن مقارنتها بشهداء غزة البتة!!
بحيراوي
الاخ بحيراوى حبابك عشرة هوليس انفعال انما هو تشنج يعكس ضيق كبير فى النفس من جراء خيبة الامل التى منى بها صاحبنا فى ضيوفه