العنوان و البريد فى السودان حاجة متخلفة جدا

العنوان لو سمحة هنا ؟
بانت حى الضباط جوار صيدلية الاربعيين المنزل الثالث من الناحية الشرقية لشارع الاربعين

او
القضارف حى ابكر جبريل مربع 2 منزل المرحوم عوض الكريم بابكر

اواذا اردت ان ترسل بعض الاشياء لشخصا ما

يكون هكذا
بورتسودان الشحانات مصنع جوفر للثلج والمياه المعندية لعناية الاخ ودالمك

او هكذا تكتب العناوين فى اغلب الاحيان

حاجة مؤسفة خالص

معظم المؤسسات الحكومية فى السودان تعتمد على صناديق البريد ان لم تكون كلها

بمافيها القصر الجمهورى

يا زول أقع سودابوست. عندهم كمان خدمة تتبع الطرود اونلاين Track your package.



Sudapost.com
http://www.sudapost.com/ar/

ombadda
شكرا على المرور

تتخيل البلد كلها تعتبر عشوائية

من ناحية نظرية لايوجد عناوين بالشكل المتعارف عليه دوليا

العنوان السليم يجب ان يكون هكذا

1- رقم البيت او المحل او المدرسة او المسجد
2- اسم الشارع
3- اسم الحى او القرية او المدينة
4- اسم الولاية
5- الرقم البريدى اوzip code
6- اسم الدولة

اى شخص مقيم خارج السودان وعاوز يرسل اى اوراق ضرورية يجد صعوبة بالغة لكتابة عنوان صحيح فى السودان

ونحن الان فى القرن الحادى والعشرين اصبح هنالك نظام الGPS

مرتبط بالاقمار الصناعية ومتوفر فى محلات الاجهزة الاكترونيا ومسموح به للاستخدمات المدنية وتحديد الامكان المعنونة

????????

كلامك صحيح
اجد صعوبة فى ملء خانة العنوان فى اى فورم \' اقوم باالتقديم فى جامعات اوربية هذة الايام يتطلب مل الفورم الخاص باالتقديم خانة العنوان ورقم التلفون الثابت وهما اصعب شيئين فى السودان فالأحياء هنا ياصديقى تنشاء كيفما اتفق وليس من الضرورى ان تحمل ايا منها رقما وان يكون للبيوت تسلسل رقمى ولكن يجب ان يكون بتاع الدكان او الاتصالات يعرف كل البيوت فى الجوار 0000 ورغم امتلاكى لصندوق بريد مع سودابت إلا أنة غير فعال \' لان الشركة خدماتها دون المستوى ولم تواكب الطفرة فى عالم الاتصالات والتكنولوجيا \' ولا يمكنك ان تعرف إذا كانت هنالك رسائل واردة إلى بريدك إلا بالحضور شخصيا لمكان صندوق البريد أو ترتجى عاملة صناديق البريد فتتكرم بفحص الصندوق نيابة عنك
الشيئ الآخر مسالة العناوين هل هناك بلد فى الدنيا لديها شارعين يحملان الاسم نفسة \' هل هناك دولة فى الدنيا لديها اسمين لمنطقة واحدة ( كوبر - عمر المختار )
ياخ خليها على الله

سلام يا صلاح
يا صلاح العيب ما في البوستة
العيب في حكوماتنا المتخلفة والتي لم تخطط مدن السودان
فالعنوان ليس من عمل البوستة بل شأن الشئون الهندسية والتخطيط في السودان

بالجد زعلتني، يعني ما عارف إنو دي مشكلة الحكومة.

النذير حجازى كل سنه وانت طيب
شكرا على المرور

Quote: بالجد زعلتني، يعني ما عارف إنو دي مشكلة الحكومة

طبعا مشكلة الحكومة يا النذير

العناوين المكتوبة فى الاوراق الثبوتية( بطاقة شخصية ، جواز ، شهادة سكن ) الخ
هى ليست بعناوين صريحة
بالتالى على السلطات المختصة الوقوف عند هذه الاشكالية ومحاولة حلها عشان انحنا

تعبنا من التخلف بالاهمال دة

حتى السفارات الاجنبية متعايشة مع الوضع المتخلف دة
نموزج السفارة الامريكية فى الخرطوم

Quote: U.S. Embassy Khartoum P.O. Box 699 Kilo 10, Soba Khartoum, Sudan Switch Board: •International: (249)(187)-0-(22000) •Within Sudan (187)-0-(22000) New Location: The Embassy of the United States of America in Khartoum has relocated to its new premises at Kilo 10, Soba. The location is off Wad Medani Highway, opposite the Khartoum State Highway Traffic Police Division Headquarters and several kilometers north of Soba Hospital. The nearest public transportation bus stop is close to the Khartoum State Highway Traffic Administration, an area popularly known as “Trucks Place.” (In Arabic “Al Sha Hinaat.”)