سلامات جمال أحمد شاه مسعود كان يلقب بـ (أسد بنجشير) وبنجشير، مسقط رأس مسعود، اسم لوادي في شمال أفغانستان وتعني بالفارسية (الأسود الخمسة) فـ (أسد الخشخاش) دا قطع شك واحد من الخمسة ديل
يا دكتور ناس التلفزيون ذاتم يكونو قايلنها (الخشخاش)! بس بتنا دي غناية وصوتها جميل وعندها غنا خاص جيد فأعفيها المرة دي يا بو حميد مشكلة الشباب ديل ما بفهموا في الأول الحاجة البغنوها ولا بيجتهدوا يعرفوا معاني المفرادات البتصعب عليهم قبل كدا واحد من الشباب بغني في "لو بهمسة" وبكل بساطة قال "وكل نظرة من عيونك فيها (سلمى)"! وأكيد عدت عليك وضرستك بتنا التانية ديك لما كررت، وهي تفتخر، تلات مرات "(بنخون) الأمانة السيدها أمنا"!
Post: #11 Title: Re: أسد الأفيون Author: Ahmed al Qurashi Date: 11-16-2012, 10:27 PM Parent: #10
Quote: مش برضوا فى واحدة بتاعت اسد الكداد الزام
اليك أختي وضاحة أغنية بتريد اللطام
الشاعرة رقية أخت ود حبوبه بتريد اللطام
لحن / بادي محمد الطيب
بتريد اللطام أسد الكداد الزام هزيت البلد من اليمن للشام سيفك للفقر قلام ********* ديّم في التقر انصارو منزربين بالصفا واليقين حقيقة أنصار دين بالحرب أم طبائق قابلوا المرتيين في وش المكن رقدوا التقول نايمين *********** ديّم في التقر انصارو زاربنو بعهدوا القبيل بعيسى تاهمنوا ليهم نقر سنوا اتلموا العمد الهوج والشرق طار المنام منوا ********** العمير للسوم ديّم في التقر قال القوى والضعيف من عينو طار النوم بختوا من اللوم الكفرة النجوس ما حجرت الدرب خليت جمالهم تحوم ********* الأسد النتر وقال الدين منصور لمولوا الاورط جابوهم بالبابور العمد الكبار كلامهم بقى مدحور كم فقشت مدير وكرمت بالمأمور *********** الأسد النتر بى جيهة الأبقار لمولو الاورط شايلين سلاح النار ود حبوبة قام ورتب الأنصار في كتفيه ديك كم شبعن صقار *********** الإعلان صدر واتلمت المخلوق بى عيني بشوف أب رسوة طامح فوق كان جات بالمراد واليمين مطلوق بنشنق ود أب كريق في السوق ما كان *********** الإعلان صدر واتلمت الحلال واتكرنف الخيال نصبولو السلاح قدر الله الحصل و الزمان ميال منسول من أبوك ماك ود حرام دجال *********** بتكلم بقول بوريك شن حسبوا السنين منّو الرجال حسبو نايبو كل الخاصموك في الآخرة ما كسبوا التبعوك جنود لله ما انتسبوا *********** رضوان الإله تملأ الضريح كافور مسك الرحمه لاح منو يلوح النور اغفر سيئات كل من يجيك زور سنحاول شرح بعض كلمات هذه الأغنية مستصحبا معي قاموس اللهجة العامية في السودان للبروفسور عون الشريف قاسم .
الكداد : شجر بعينه مشهور بشوكه ولعلها القتاد ومن ذلك قولهم شوك الكداد قالت إحدى النساء ( اخوانى إخوان الكداده ، أسياد المهره أم قلاده ، أسياد القرعه أم جماده ) وقال آخر ( أنا ود الحي يابس كداده ... ضفر الديك وقدوم الجداده ). التقر : نبات خلوي ترعاه الإبل وتقصد بها الشاعرة منطقة بالحلاويين المرتين : تقصد به الشاعرة مدفع المرتين والاسم كان متداولا في ذلك الوقت حيث انه حصد الأنصار في موقعة كرري واستعمل أيضا لقمع ثورة ودحبوبه ... المكن : تقصد به الرشاش العمير للسوم : سوم اى باع ووهب وعرض للبيع ، قال الشايقى .. عِلّ (إلا) أنا أب روحا سايما يا غرق يا جيت حازما كتفيه : قرية بمنطقة الحلاويين بعيسى تاهمنو : بعض أعداء ود حبوبه اتهموه زورا وبهتانا بأنه ادعى العيسويه وانه عيسى بن مريم خاصة وانه في تلك الفترة ادعى أكثر من رجل انه عيسى بن مريم ولقد إعدام كل من ادعى ذلك.
