Post: #1
Title: قرار جمهورى: إعلان يوم 31 مايو من كل عام يوماً وطنياً للسلام.
Author: فدوى الشريف
Date: 11-14-2012, 08:37 AM
أصدر الرئيس السوداني عمر البشير قرارا حدد بموجبه إعلان يوم 31 مايو من كل عام يوما وطنيا للسلام، يحتفل به في كافة أنحاء البلاد.
ووجه القرار وزارتي شئون رئاسة الجمهورية ومجلس الوزراء والجهات المعنية الأخرى بتنفيذه.
وأشار القرار إلى أن هذا اليوم يصادف إجازة اتفاقية الدوحة لسلام دارفور وتم إصداره بناء على توصية من وزير الدولة برئاسة الجمهورية رئيس مكتب سلام دارفور الدكتور أمين حسن عمر.
|
Post: #2
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: دينا خالد
Date: 11-14-2012, 09:18 AM
Parent: #1
يعنى هسه دى كلللللللللل القصة فى اتفاق دارفور ؟؟؟
ولو السلام بصدر بقرار جمهورى لزوم الاتفاق داتو شنو ؟؟
المهم يا فدوى بالنسبة لينا نحن فى الموضوع دا
فى اجازة ولا مافى ؟؟؟ دا المهم
عشان نشوف اجازاتنا 31 يونيو
31 مايو و 31 يناير وشهر 2 اصلوا ما فيه 31
ياللا خلينا نشتغل على باقى الشهور وربنا يكتر الافراح ...
فيهم الخير ...
ــــــــــــــــــــــــــــ
اتفاقية دارفور دى مضحكة بشكل ... لكن المدهش
اكتر انو الموقعين عليها بعاملوهم ذى الاطفال ...
يستاهلوا ...
|
Post: #3
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: ابراهيم بقال سراج
Date: 11-14-2012, 10:03 AM
Parent: #2
الناس ديل بيفتكرو واهمين انو الدوحة حققت سلام ؟ ياخوانا خاطبو الناس بالعقل
السيسي لا ستطيع حتي حاية مقر السلطة الاقليمية بالفاشرالتي تعرضت لهجوم لاكثر
من ثلاث مرات خلال شهور. والسيسي من مقر السلطة لمنزله بيمشي بست كروزرات
ملانة جيش وبوليس وامن ودفاع شعبي . وين السلام النحتفل بيهو ؟؟؟؟
السلام دا في ارض الواقع ولا قرارات رئاسية ؟
|
Post: #4
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: tasneem
Date: 11-14-2012, 02:56 PM
Parent: #3
ما شاء الله هوالسلام خلاص انجز لمن عملو ليه يوم
كدا اقنعونا نحن الشعب اول بهذا السلام وبعد داك الشكليات دي هينة
قال سلام قال
تحياتي
|
Post: #5
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: قاسم المهداوى
Date: 11-14-2012, 03:57 PM
Parent: #2
هالة مصراتى ، اقصد فدوى مصراتى عفوا فدوة الشريف
Quote: يعنى هسه دى كلللللللللل القصة فى اتفاق دارفور ؟؟؟
ولو السلام بصدر بقرار جمهورى لزوم الاتفاق داتو شنو ؟؟ |
تمعنى جيدا ماذا قالت لك دنيا خالد
السلام لا يتم من خلال مزاجى باصدار قرار جمهورى او جهورى
السلام ـ
كما قال غاندى السلام طريقه هو السلام ايضا
هذا يعنى ان السلام العادى دا البينك وبين اى شخص اخر لا سبيل
ولا طريق له سواء السلام ايضا ،،، اريتك تكونى فهمتى حاجة ؟؟؟
فما بالك والبلد مدورة حروب فى كل المناطق ـــ وبرضو قرار جمهورى سلامى ؟؟؟
(دى غلوتية ولا ملوص ولا شختك بختك )
حبذا لو فكرتى يا مصراتى قبل انزال اى موضوع رفقا بالباندويث
قاسم المهداوى
خارج النص
السلام طريقه هو السلام ( غاندى )
وليس قرار جمهورى او مزاجى
|
Post: #6
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: عماد الشبلي
Date: 11-14-2012, 04:13 PM
Parent: #5
| Quote: هذا اليوم يصادف إجازة |
إجازة
يا دينا انتي ما بتشوفي بعيونك الكبار ديل ؟؟؟
واضح في نص القرار كلمة اجازة
غايتو السلام عليكم
|
Post: #7
Title: Re: قرار جمهورى: إعلان يوم 31 مايو من كل عام يوماً وطنياً للسلام.
Author: عماد الشبلي
Date: 11-14-2012, 04:16 PM
Parent: #6
نسيت اسلم علي فدوي
كلو من دينا
|
|