Post: #1 Title: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 08:02 AM Parent: #0
الواحد ما عارف يقول يستاهل بكري عشان بخم من طرف ولا نستاهل نحن الما فضل لينا حتة في فشفاشنا ما انقرضت ولسة بنتأمل
Post: #2 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 08:10 AM Parent: #1
حال المنبر من حال البلد
جَبــانة وهايصة
Post: #3 Title: Re: المنبر ده فيه حاجات تحيرك زاتو ؟؟؟ Author: omer osman Date: 11-13-2012, 08:10 AM Parent: #1
والله صحي
Post: #5 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 08:28 AM Parent: #3
Quote: والله صحي
..
ياجنابو الواحد ما ممكن يفتح بلاغ في بكري وفي الناس دي ... بتهمة التعدي على ما تبقى من فشفاشنا
Post: #4 Title: Re: المنبر ده فيه حاجات تحيرك زاتو ؟؟؟ Author: awad okasha Date: 11-13-2012, 08:11 AM Parent: #1
المهم نسمع صوتك في الايفون يا عمك ..
Post: #6 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 08:32 AM
Quote: المهم نسمع صوتك في الايفون يا عمك ..
الا تجي السعودية يامعلم وتاخد تلاتة يوم على الاقل .... حتى تسمع صوتنا وايفونك العاجبك ده انشا الله يصدمه تلاتين عشرة يفرطقه ليك
Post: #7 Title: Re: المنبر ده فيه حاجات تحيرك زاتو ؟؟؟ Author: MOHAMMED ELSHEIKH Date: 11-13-2012, 08:51 AM Parent: #6
Quote: حال المنبر من حال البلد
وحال "سيد البلد" برضو ماتنساه ياكونت
تحياتي
Post: #10 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 09:07 AM Parent: #7
Quote: وحال "سيد البلد" برضو ماتنساه ياكونت
تحياتي
ودي واحدة من مصايبنا ومحن بلدنا يا ود الشيخ ... اسمها الكورة سيد اللبن وبتاعين البطيخ ... والحكومة .... ديل ابتلاء من ربنا على الشعب السوداني الفضل تحياتي
Post: #8 Title: Re: المنبر ده فيه حاجات تحيرك زاتو ؟؟؟ Author: عبد اللطيف بكري أحمد Date: 11-13-2012, 08:59 AM Parent: #1
ولا يهمك يا كونت : أي زول يفقع فشفاشك ترنم مع ود النصري وأنسى : اللوم عشم وانا فيك قسم قسم اليمين فوق الكتاب بالكان زمان بيناتنا يوم من جيهتك انت قفلت باب وتسالني مالك مابتلوم ماعندي للغدار عتاب ما داير اعيد الزكريات مادام مريرة ويوما غاب بنساكي عشان انا لي ذات وقطعتو في قلبي العذاب قلبي الخرب لحظة من غير سبب بالصدمة طاب هو قضيتو من حبيب يخطف زهور عمر الشباب ما ايمانو اسرع من وجيب المحبين القراب ايمانو بالدنيا ام سماح خلاهو قالك مرحباب شال ريدو ذاد يتوصي بيك خليتو في بحر الصعاب ما كنت فايت بي وشيك ياتو الذكرك العقاب و المتلي ما ترباية هوان عشان انت تمسحبو التراب ماكان حديث شفع زمان عشان ننصلح ونرجع صحاب او كت بكيتك اغتراب عشان بيك تفرحني التياب ما همي دفقات الحنان عشان فيهو موضع مستطاب علي قدر ما اديتك امان ما عندي ليك اسع حساب مرهف قليبي ومستعاذ ربو يخففلو العذاب كان ذنبو انو امين عليك وبعد الحصل من ذنبو تاب
Post: #9 Title: Re: المنبر ده فيه حاجات تحيرك زاتو ؟؟؟ Author: أحمد الشايقي Date: 11-13-2012, 09:04 AM Parent: #8
أوجزت, يا كونت, فأبنت
أحمد الشايقي
Post: #12 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 09:30 AM Parent: #9
Quote: أوجزت, يا كونت, فأبنت
أحمد الشايقي
مولانا يا وريف تحياتي هي محاولة فقط للخروج من حالة احباط تكاد تفقدنا ما تبقى من امل
__
Post: #11 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 09:14 AM Parent: #8
Quote: ولا يهمك يا كونت : أي زول يفقع فشفاشك ترنم مع ود النصري وأنسى : اللوم عشم وانا فيك قسم قسم اليمين فوق الكتاب بالكان زمان بيناتنا يوم من جيهتك انت قفلت باب وتسالني مالك مابتلوم ماعندي للغدار عتاب ما داير اعيد الزكريات مادام مريرة ويوما غاب بنساكي عشان انا لي ذات وقطعتو في قلبي العذاب قلبي الخرب لحظة من غير سبب بالصدمة طاب هو قضيتو من حبيب يخطف زهور عمر الشباب ما ايمانو اسرع من وجيب المحبين القراب ايمانو بالدنيا ام سماح خلاهو قالك مرحباب شال ريدو ذاد يتوصي بيك خليتو في بحر الصعاب ما كنت فايت بي وشيك ياتو الذكرك العقاب و المتلي ما ترباية هوان عشان انت تمسحبو التراب ماكان حديث شفع زمان عشان ننصلح ونرجع صحاب او كت بكيتك اغتراب عشان بيك تفرحني التياب ما همي دفقات الحنان عشان فيهو موضع مستطاب علي قدر ما اديتك امان ما عندي ليك اسع حساب مرهف قليبي ومستعاذ ربو يخففلو العذاب كان ذنبو انو امين عليك وبعد الحصل من ذنبو تاب
او كما قال النصري غفر الله عنه وارضاه
دا ما القلب البجرسو شوق ** اذا ما اختار سميرو بعاد ولا القلب التبكي حبيبها ** لو غابت عن الميعاد الا بيبكي لما يشوف مابين الخلق في خلوق ماخده طباعا من الغابه شايلي ضميرا ماشي السوق وتاني بيبكي لما يشوف مابين الحقوق في حقوق نزلت من سماها زلال وطارت من تحت لفوق قلب من قام صحاري الوحدة كان يشقهن بالنوق محكوم بسياج العفه فد يوم ما سرح مطلوق شيال للتقيل ما نحا لو ساق العمر ارقوق ندي ورياد كريم واجواد الا من الضعف معتوق دا قلبي نبيل وكلو جمال ومابيحقد علي مخلوق ومهما جرحو المحبوب وخلا حشاهو كلو شقوق كتوم من قام يضاحك غيرو صابر والجرح مفتوق عليه اب يضحكوا الشمات وتجري دموعو روق فوق روق حكيم يعرف متين يرتاح وينسي شقاهو يصفي يروق ومتين يعكر يكون فيضان ويبقي علي الزرع خازوق فشكرا ياحبيب الروح علي مروادك المطبوق انا ان حبيت بقدس زولي وان فارق بفوت بي زوق
وداعا وما بقول بنساك وداعا القلب مخنوق وداعا وفي الختام دنياك مناي وراي تسوي القوق تمدلك السعاده ايدينا لفردوسا ليك تسوق وسيبني اعيش قسمتي وراك باسم والكبد محروق
تحياتي استاذ عبداللطيف
Post: #13 Title: Re: المنبر ده فيه حاجات تحيرك زاتو ؟؟؟ Author: فايزودالقاضي Date: 11-13-2012, 09:57 AM Parent: #11
انت المنبر ده عندك فيهو حق غير الكتابة ؟!!!
بطلوا تنظير واكتبوا واقروا واذا وصلوا حدود حريتكم بعد داك ردوا ..غير كده لايعنيكم مافيه ..
مالي كيف ؟!!
Post: #14 Title: Re: المنبر ده فيه حاجات تحيرك زاتو ؟؟؟ Author: عصام مدنى Date: 11-13-2012, 10:28 AM Parent: #13
متينك يا غربة الجن نسكت صنِّك النقناق ... بلد جية المطور للطين نجيها وتصدق اﻷشواق ﻻ زنزانة تترجانا حي الشعب يا إشﻼق بلد وأحضانة تتلقانا جنة الجدول الرقراق ... ... ... نطلق همبريب الحن على لفح النوى الحرّاق وفي وش الطراوة دحين منو اليطبل سماك بأطواق ............. يا وطن النفوس البكرة يا وادي الحشا البرّاق إذا ما الريح جرح لليح وصيفاً حتحت اﻷوراق حطبنا نصيح أتبني الساق أمان يا غيمة مو البتّاق .......... يا وطناً قريب للحي وسرّك للبعيد لحّاق حلُّو حﻼوة ماب تنضاق ومراً كلُو كلُو إن ضاق .............. من كنّاك ما خنّاك ﻻ فينا الضﻼلي العاق ويا حاسب سكاتنا رضاك أماني بطونّا ماها غُراق .... .... .... صدورنا على البعادي زقاق ضهورنا إلى المنادي رقاق رضينا بﻼ قرن ننساق وحين نحرن جبل يا ساق ... ... ... الجرَّب يطير ماب يمشي لو حرّت عليه اﻷشواق ومن قولب لهيب الشمشِ ما كوَّش من الرقراق
_____________________
تحياتي يا كونـــــــــــت
Post: #15 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 03:14 PM Parent: #13
Quote: انت المنبر ده عندك فيهو حق غير الكتابة ؟!!! بطلوا تنظير واكتبوا واقروا واذا وصلوا حدود حريتكم بعد داك ردوا ..غير كده لايعنيكم مافيه ..
مالي كيف ؟!!
مالي ولا الكنغو ...كله محصله بعض ولا فرق بين احمد وحاج احمد ثم انه ياخي اقطع وجهك
Post: #16 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-13-2012, 06:28 PM Parent: #15
Quote: نطلق همبريب الحن على لفح النوى الحرّاق وفي وش الطراوة دحين منو اليطبل سماك بأطواق
اكيد يا عصام بلدنا بعود لي حاله تحياتي
Post: #17 Title: Re: المنبر ده فيه حاجات تحيرك زاتو ؟؟؟ Author: MOHAMMED ELSHEIKH Date: 11-13-2012, 06:41 PM Parent: #16
Post: #18 Title: Re: المنبر ده فيه حاجات تحيرك زاتو ؟؟؟ Author: عبدالمجيد الكونت Date: 11-14-2012, 03:16 PM Parent: #17
والله صحي
