المريخ سقط..الهلال سقط..الطيارة سقطت..اليرموك سقط....

المريخ سقط..الهلال سقط..الطيارة سقطت..اليرموك سقط....
شنو الما سقط!!!؟
حلايب سقطت... وآخرها إبادة كل المناهج السودانية بمدارسها.
الفشقة.
الأنتينوف..الطائرات المدنية.
الجنيه راح سقط لقط.
البلد كلها سقطت.
مافي شي مرتفع غير الدولار.
ورغم دا:
نافع يخاطب أهل كردفان أول أمس:
ما جينا لاستكشاف بترول أو ذهب أو جمع مال، جينا نسوي الشريعة دي رغم كيد الكايدين!!!
سبحان الله..التلاتة وعشرين سنة دي ما فيها شريعة؟
إذا في شريعة، لزوم إعلانها الآن شنو غير تضليل البسطاء.
وإذا كان ما في، إنتو قاعدين ليه؟
العهد دا، عهد هزائم، ما فيه نصر.
وحديث نافع معناهـ:
ما تحلموا ب:
علاج مجاني.
ولا تعليم مجاني
ولا سلع ضرورية مقدور على أسعارها.
ولا حتى ماء صحي.
ولا حماية أرض أو سماء سوداني.
شريعة وبس.
شريعة بفهمهم هم فقط.
شريعة تخلي نافع وأمثاله في النجم.
والباقين أباطهم والنجم.

والطيب ابراهيم محمد خير (سيخة)، المرشح لأمانة الحركة (الاسلامية)، يظهر من جديد ويقول:
الحركة الاسلامية، الداير تسوي بتسوي.
يعني البلد دي حقتنا نحنا بس ونعمل الدايرنو.
بالصورة دي ما في نصر بجي لا كروي ولا غير كروي.

إلى الجماهير الحارقة أعصابها، ممكن بهذه الكثرة، أن تسقطوا الحكومة المتسببة في حرق الأعصاب وحرق البلد.

كلام نافع والطيب سيخة واضح:
العلمانيون، دعاة تطوير الشريعة، الأحزاب التقليدية (صحوة وجمهورية اسلامية)، يشوفوا ليهم بلد غير بلدنا دي.
وبي هناك، المؤتمر الوطني يقدم ورقة دستور ويدعو الأحزاب (العلمانية) للجلوس حولها!!!!
والصادق بي غادي يدعو للاعتصام المدني ومرة مرة يقول العمل المسلح يتكامل مع الجهاد المدني.
والكورة وقعت ولس مدورة.

ثم ماذا بعد السقوط؟؟؟

**************

ثم ماذا بعد السقوط؟؟؟

...............................................

بعد السقوط دا

طوالي انت تقوم تجدع الملفحة المتلفح بيها دي

وتلبس لبس 5 وعلى الميدان جاك زول

بدل البربرة البتسوي فيها دي

Quote: بعد السقوط دا طوالي انت تقوم تجدع الملفحة المتلفح بيها دي وتلبس لبس 5 وعلى الميدان جاك زول بدل البربرة البتسوي فيها دي

ومن الميدان على وين يابه؟
ما عندي مانع بس نمشي جهة حلايب والحتة الشالوها ناس حبش.
أما جماعة اليرموك، والله ما بنقدر عليهم زي ما إنتو إتبوبرتوا في الفاضي وما قدرتوا.
وما بنقدر عليهم دي، ذكرتني كلام محمد الحسن الأمين مساء أمس:
(والله سوزان رايس دي ما بنقدر عليها، أخير لينا جون كيري في منصب الخارجية).