التهاني والتباريك لفريق المريخ بتأهله لنهائي الكونفدرالية 2012 م

اليشوف فرحتكم يستغرب

بإذن واحد أحد
حتلاقوا انشاء الله ليوباردز ولا دجوليبا في النهائي

لعب الهلال بدون عزيمة وخرج بنتيجة يستحقها
دجوليبا فريق طموح لعب لأجل الفوز لا غيره
ناس يوسف محمد ومين خليفة وشنو ماتعرف ديل



مكانهم الطبيعي روابط غرب الحارات

الهلال هزمه الأمين البرير والصحف الرياضية قبل كل شئ
وفي لعيبة مفروض يخلوهم قبلهم في مالي بي صراحة
يوسف محمد ده أقطعوا ليهو تذكرة يتخارج أهلو بهناك
كتر خيرك يا يوسف الفيك اتعرفت

دجوليبا ومن قبله ليوباردز أوضحا لجماهير الكرة السودانية
حجم الفرق التي يشجعونها

قعدونا كان هلال كان مريخ في علبنا
أولاد صغار عارفين بعملوا في شنو
ووروا الكوامر ديل مليون حاجة

الفرق الوحيد بين فريقي الهلال والمريخ


أنو المريخ سبق الهلال في الخروج من البطولة بأقل من أربعة وعشرين ساعة

يا خضر
الفرح في وطننا اصبح اصبح
كما الغول والعنقاء والخل الوفي .....
سيبك من هلال مريخ
ياخي كيلو اللحمه بي كم ؟

الهلال هزمه مدربه

ده كلو يقرأ مقرونا بالحالة العامة بتاعت البلد
فمن نحن يا سادتي لنفوز ببطولة دولية
مؤهلاتنا شنو بالضبط ؟


ولا شئ بكل تأكيد

بالنسبة لمدرب الهلال تجدني اختلف مع الذين يحاولون تحميله مسؤولية ما حدث
غارزيتو أو السيد غارزيتو من أفضل المدربين الذين مروا علي نادي الهلال .
قدم كل ماعنده ولم يتبقي للخواجة المسكين سوي الدخول لأرضية الملعب
لتنفيذ جمله التكتيكية التي فشل الأشباح في تنفيذها .مأساته كله تكمن في إنه
كان يدرب لاعبين لايملكون طموحاً .
مأساته أنه ظل يواجه بإعلام أرعن لايجيد شيئاً سوي إنتاج الأذمات .

ومن عجب أن يتنفس أخوانا السابقننا بي ركعة الصعداء بعد خروج الهلال
صعداء شنو ديل علي الأيمان فرحانين أكتر من تأهل المريخ

المسيرات التي تجوب الشوارع كان عرفت ليهم سبب لكنت الآن أكثر سعادة
صفافير وطبول وهتافات التقول القيامة قامت
كل مافي الأمر أن الهلال خرج من دور الأربعة أمام فريق محترم
هزمناه في ملعبنا 2/0 ليرد لنا بضاعتنا بنفس النتيجة قبل ان يحتكما
لضربات الترجيح .

طيب شنو الوصل السودانيين للمراحل البطالة دي ؟
السبب بالواضح المافاضح : الإعلام الرياضي وصحفيي الجيل التالت عالي السرعة

الشارع السوداني فجأةً كدة إنقسم لهلال مريخ
قسموا البلد نصين كما
حالة إحتقان ومرارات وغبائن صنعها الإعلام
ليدفع ثمنها مشجعين بسطاء
يقفون بالساعات أمام الإستادات ممنين أنفسهم بمشاهدة
نجوم من ورق ، نجوم يصنعها الكتاب بأقلامهم
ثم يعودون ليبيتوا القوي ولكأن لم يكن .

كارثة بورسعيدية كانت ستحل بهذا الوطن حال وصول فريقا الهلال والمريخ لنهائي الكونفدرالية
حمدت الله بالأمس كون أن المريخ قد غادر لا تشفياً في غياب المريخ بل رأفةً مني بـ ناسات
هذا الوطن .
أعلام الهلاريخ حول الوطن بأثره لحقد ما بعد حقد ، حتي إنني شاهدت ذلك بأم عيني بالامس
إثر خروج المريخ ومن ثم تابعت بقية حلقات هذا الأسف اليوم عقب خروج الهلال .

السودان للأمانة غير مؤهل خالص خالص لحتة المنافسات الخارجية
نحن مواطني دولة يغيب في أجندة إداراتها المحاسبة
دولة تعتمد في إكتشاف الصواريخ والطائرات التي تضربها علي العين
المجردة وقالو لينا وفي مواطنين شافوا .
دولة يمكن أن يشرك فيها إتحادها العام لاعباً موقوفاً ليخسروا بعد
ذلك النتيجة رغماً عن إنتصارهم في المباراة .
نحن ياسادتي ولة ماشة بالبركة
وبالتالي إفتكر حقوا ندي روحنا (جانص) عشان نقعد (روحنا)
يمكن نمشي لي قدام

بالمناسبة
ناس رمضان احمد السيد ومين كده الرشيد علي عمر وشنو ماتعرف محمد الامين وشنو ماتعرف ديل
لا يمثلون هلاليتي علي الإطلاق وأقر إنهم وبسلوكهم يجرمون في حق هذا الشعب الذي يقتل ولا يموت


إحترامي الأكيد للصحفي داؤود مصطفي ولأقلام أجد أنهم يحاولون ما يحاولون علي ان لايسقطوا
في أوحال ما يسمي بالصحافة الرياضية .

Quote: صعداء شنو ديل علي الأيمان فرحانين أكتر من تأهل المريخ

صعداء شنو !!
أتنفس الآن أجمل وأطيب هواء ..
وردا ربيعيا ينفح خياشيمى الآن بعطور إسطورية ..
وهذا هو الآن ..
بكره لو ربنا هون نجى نشوف الواحد مالو بالتحديد ..
وكاااااك يا صديقى و .. كاااااك

أنا بعرف صحفيين بكتبو في اليوم ستة أعمدة مختلفة
عمود رياضي في فنون
عمود رياضي في حكايات
نص عمود في قون
ربع عمود في الزعيم
عمود ونص في الصدي



ـــــــــــ
بالضرورة أنا ماقاصد حسين ملاسي بالكلام ده

جملة الا ربع في السوداني

ـــــــــــــــــــــــ
فتألم