Post: #1 Title: وما زال الصفر الدولى مستمراً .. أو "أطرد الاحلام يا هليل واصحى" Author: محمد حيدر المشرف Date: 11-11-2012, 07:09 PM Parent: #0
أولا كاااااااك .. ثانيا أطرد الأحلام يا هليل وأصحى .. ثالثا أطردوا الوهم .. .. رابعا كرة القدم ليست فصاحة منتديات .. خامساً لا تمتلكون يا صفراب ما قد يغير من واقعكم شيئاً .. سادسا ستبقى السيادة والريادة فى المسابقات الحقيقية للمريخ العظيم .. وأخيرا كاااااااااااااااك ..
ونهدى الأغنية لكل الحالمين .. لكل كائن صفري غير واقعى تلبسته الأوهام الجميلة فتمثلها حقيقة وحتى كاد أن يمد يده لمعانقة كأس قارى .. ومنكم من تجاوز بالحلم وحتى حدود كأس القارات .. انتو قايلين الموضوع ده لعب وسبحة وفكى كارب وحكام وكم صحفى .. أفق أيها الكائن الصفرى .. وأطرد الأحلام يا هليل وأصحى ..
Post: #2 Title: Re: وما زال الصفر الدولى مستمراً .. أو "أطرد الاحلام يا هليل واصح Author: أسامه الكرور Date: 11-11-2012, 07:13 PM
وكذلك نهدى الرسم لكل الصفيراب ( بعد إذنك)
ولا نتوقع ظهورهم هنا قريباً
والتحايا لك أخى مشرف
Post: #3 Title: Re: وما زال الصفر الدولى مستمراً .. أو "أطرد الاحلام يا هليل واصح Author: نادر الفضلى Date: 11-11-2012, 07:17 PM Parent: #2
مبروك للهلال واصل إنجاز المهمة الموكلة إليه بالإحتفاظ بإنجازه التاريخى سجل (الصفر الدولى)
هاردلك للمريخ لم يحقق ما هو موكل إليه بحصد البطولات الخارجية
Post: #4 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 07:24 PM
من لى بمواهب أدريس تجنن حروف الكتابة وتجنن الكائنات الصفرية .. ما زالت كلماتها ترن .. ترن ياااااا .. ترن فى هذا الأسفير .. سأدعوها ومنذ الآن بالمستبصرة النوبية, عرافة النيلين التى صاحت فى الناس إنى أري نهرا يفيض .. الغرق .. الغرق .. دوجليباااااا .. يااااا دوجليبااا ياااااااا فزاموا حولها وحاموا وحمحموا وتزاحموا وما فهموا الإشارة .. أخذتهم النشوى المزيفة .. وهاهم الآن يفيقون على صدى كلماتها ترن .. يااااا ترن ياااا
Quote: الخريف فى هضاب فوتاجالو منبع نهر دجوليبا كان غزيرا
فاض النهر كأن لم يفض من قبل
الغرق ... الغرق ...
Post: #5 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 07:30 PM Parent: #4
يا أسامة .. للكائنات الصفرية خيالات واااااسعة .. لولاها لماتت كمدا .. تغيب الخيالات الآن .. لتصحو غدا ثم تغيب وهكذا دواليك دواليك دواليك .. وللحق كانت هذه الكائنات الصفرية التمثيل الأمثل للحكمة القائلة ما أضيق العيش لولا فسحة الأمل .. لكنهم جننوا هذه الفسحة فى حنانها .. ومنذا عشرات السنين هم فى فسحة الأمل .. وحتى فقدت الفسحة معناها .. والله صحى ...
Post: #6 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 07:43 PM Parent: #5
ياااا نادر ياااااا فضلى
Quote: مبروك للهلال واصل إنجاز المهمة الموكلة إليه بالإحتفاظ بإنجازه التاريخى سجل (الصفر الدولى)
وكأنها ما خلقت هذه الكائنات الصفرية الا لانجاز هذا العدم السحيق .. هذا الصفر الأزلى .. هذا الفراغ المخيف ..
بيد أننا نحمد لها تشبثهم الأمل .. والا لعاشت فى جحيم لا يطاق .. وذلك بحسب تصورات دانتى للجحيم ولافتته المعلقة عند البوابة .. " عن كل حلم تخلوا أيها الداخلون هنا "
تعرف !! لو علقنا هذه اللافته عند بوابة نادى الهلال .. لكان هذا النادى هو الجحيم بعينه ..
نسأل الله السلامة ودوام النعيم ..
Post: #7 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد الامين احمد Date: 11-11-2012, 08:15 PM Parent: #6
ابشر يا زول ابشر
Post: #8 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 08:15 PM Parent: #6
من يأتينى بمقالة بابكر سلك فى الغد .. سأجالس هذا الاسفير فرحا فى انتظار تلك الحروف الأجمل ذات الظل الخفيف .. سيحكينا عن روعة الهدف الثانى .. عن مرور الكرة وتماما فوق راس يوسف محمد .. لو "دبل" الشراب ما كانت مرت .. عن نزولها متهادية وهى تقول لمهاجم دوجليبا : هئت لك .. وهم بها .. وهمت به .. وكان اللقاء العظيم .. هدفا ولا أجمل ولا أحلى ولا أروع .. يا الله يا الله ..
Post: #9 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 08:22 PM Parent: #8
أبشر بهذا الفرح المقيم والخرافى يا محمد الأمين .. وأبشر بذلك المريخ العظيم .. لا تعبر الكرة السودانية من محليتها الا به .. و .. كااااااااك
Post: #10 Title: Re: وما زال الصفر الدولى مستمراً .. أو "أطرد الاحلام يا هليل واصح Author: انس عمر Date: 11-11-2012, 08:23 PM Parent: #9
وما زال الصفر الدولى مستمراً ..
Post: #11 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 08:37 PM Parent: #10
ههههههههههههههه يا أنس .. مختومة بالحالة الصفرية , بذاك الصلع اليباب .. بهذا الأزرق المخاتل لا زرقة فيه الا لون لبنى حزين وباهت تتجول تلك الكائنات الصفرية فى حالة من اليأس المخيف الآن ..
نسأل الله السلامة ..
Post: #12 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-11-2012, 08:38 PM Parent: #11
محمد حيدر المشرف أمش اعرف اول شيء منو الجاب اول بطولة خارجية وتعال اشمت مزمل ابو القاسم زاتو تلقاهو ما عارف انو الهلال اول فريق سوداني بيجيب بطولة خارجية أها صفركم مضروب يا بني دلقان شوفو ليكم حاية تانية اتبجحو بيها ابلعوا كاريكاتيراتكم دي
ولا يكون ما عنكم منطق بتعريفة قال صفر قال هههههههههههههههههههههههه صفر ومضروب
Post: #13 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-11-2012, 08:44 PM Parent: #12
فان اول نادي سوداني يتحصل على كأس خارجية هو نادي الهلال السوداني عام 1966 ..وهو كأس السلام من كنشاسا وقد احرز الهلال كأسا من الكنغو ( انظر صورة لكابتن الفريق ابراهيم يحيى الكوارتي المرفقة وهو يتسلم الكاس والذي اوردته صحيفة «الرأي العام» يوم13/9/1966 ) وضمت تشكيلة الهلال في ذلك الوقت سبت دودو وجكسا وكمال السني وكلهم احياء وجاهزون للادلاء بشهاداتهم للتاريخ ومنعا للتزوير والتضليل المتعمد، وكان الكابتن عثمان الديم وقتها مديرا للكرة بالفريق ورأس البعثة الاستاذ عمر الزين سكرتير الهلال في ذلك الزمن.
وقد ضمت البطولة حينها بجانب فريق الهلال منتخب الكونغو الوطني وفريقي الاسود الزرقاء وتافروت
ـــــــــــــــــــــــــــــــــــــــــ عينكم للحضري تطعنوا في ضلو الحضري مسح بكرامة السودانيين الارض في قناة دريم وبرضو تشيلوهو في الاعناق
في لغز بيقول شايلينو في الاعناق ووداهم الواق الواق .................. عرفتوهو دا من
Post: #15 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-11-2012, 08:52 PM Parent: #13
المريخاب عاملين مسيرة جنب الجامع (وبيهتفوا الجماعة شردو الجماعة شردو ) الكلام دا يوم 11/11/ 2012 يوم طيران الهلال والذي سبقه طيران المريخ بيوم ، هذا بوست للتوثيق وسنرفعه ونستخدمه عند الضرورة يا آدمن احفظ لاني حا امش احفظو في صفحتي وإن شاء الله سوف نستخدمه عند الحاجة وفي الزمان والمكان المحددين............(ز مداخلة في الفيسبوك مع واحد من المريخاب )
ــــــــــــــــــــــــــــ صحفي سيء دا هو سبب المشاكل الفيها نحن اليوم دي كلها السودان كان بيمثلوا فريق واحد يعني لمن الهلال يلعب بالخارج المريخاب كانو بيقيفوا مع الهلال وكذلك الهلال لاب بيقيفو مع المريخ وبتتذكروا زمن المريخ جاب كاس مانديلا لكن منذ مباراة النجم الساحلي التونسي والهلال جا نفس الصحفي في جريدتو كتب المحلي داخل عطبرة وجا بعبارة الصفر الهو كصحفي ما عارف انو مافي اي صفر والهلال اول فريق جاب بطولة خارجية الصحفي دا صاحب المشاكل والنعرات في التشجيع في السودان فهو مثال للصحفي السيء الذي ادخل ثقافة خبيثة في المشجعين الهلالاب والمريخاب واجج الموقف صحفي الهلال (.) بتاع حبيب البلد دي المشكلة كلها والجماعة البيكوركو جنب المسجد ديل بسبب الصحفي السيء بتاعكم دا صحفي رياضي سيء داير يبيع جريدتو الله لابارك فيهو هو سبب البلاوي دي كلها سواء كانت من المريخاب ولا من الهلالاب
Post: #14 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 08:49 PM Parent: #12
قلت كاس السلام بكنشاسا !! جمب ناس منو يعنى هناك .. بينى وبينك انا كنشاسا دى آ بعرفها كويس .. الا البيسأل ما بتوه ..
انظروا سادتى لهذا الكائن الصفري الجميل .. وهو فى حالة من الانفلات العصبي المخيف والهضربة .. أغلب ظنى أن المذكور وافته الحالة بعيد القون التانى مباشرة .. تجاوزت الكرة رأس يوسف محمد بسنتميترات قليلة جدا وقالت لمهاجم جوليبا : هئت لك والقصة معروفة .. لا حول ولا قوة الا بالله .. ما أشقى حال الكائنات الصفرية ..
نسأل الله السلامة ..
Post: #16 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 08:57 PM Parent: #14
Quote: عينكم للحضري تطعنوا في ضلو
والله الحضرى بالغ .. الحضرى ورمضان عجب .. وخت معاهم الباشا ومصعب والشغيل وايدكو وبقية الدراويش الذين يلعبون ويتلاعبون باسم المريخ العظيم .. شكلها قروش المؤتمر الوطنى دى .. غير انها حرام .. ممحوقة وجالبة للنحس .. الا ده كلو بيتعالج .. الما بتعالج إدمان الفشل .. و الدمار الذى حاق بشخصية الكائن الصفرى .. ووقوعه فى براثن الحلم والأوهام والتهيؤات وغيرها من أعراض متلازمة الهلاليزم نسأل الله العافية ..
Post: #17 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 09:04 PM Parent: #16
هههههههههههههه .. انت يا المكاشفى ماك هلالابى ولا شنو ؟! ارد على مداخلة القاك كتبت مداخلة تانية !!!!
يا زول استغفر الله ومارس أحزانك الصفرية هذه الليلة بالزعل الذى يليق .. وبكره كان الله هون تعال أكتب بى رواقه كده كلامك الموضوعى ده .. و .. كاااااااااااااااااك
Post: #18 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-11-2012, 09:15 PM Parent: #17
اول حاجة انت يا حيدر ما عندك منطق بتعريفة معناتا قلت بطولة خارجية جبنا ليك بطولة خارجية دي واحدة
الحاجة التانية الكرة غالب ومغلوب والبرمجة رحمتك وكنت محظوظ لمن طرت امس وطيرك الحضري الرفعتوهو في الاعناق وطيركم وداكم الواق الواق
الحاجة التالتة كلماتك دي بذكرك ليها يوم بس اعمل حسابك لمن المريخ يتغلب اي فريق ما القاك حائم بيجاي
انت زول طاير برة الشبكة برضو تتبجح اخجلوا يا بني دلقان من ملايينكم الدافعنها في وارقو والحضري المسح بكرامة السوداننيين الارض دي
يا حيدر المشرف عليك الله امش بعيد وما تجي حائم بيجاي الجاكسي بتعرفو يا المشرف ولا ما بتعرفو هههههههههههههههه
Post: #19 Title: Re: وما زال الصفر الدولى مستمراً .. أو "أطرد الاحلام يا هليل واصح Author: Mahmoud Mustafa Mahmoud Date: 11-11-2012, 09:19 PM Parent: #16
أزيدك يا دكتور يا صفوة...
في الرياضيات البسيطة جداً ،،
ما جاب حاجة..نخت صفر..ما قبل معانا نعمل فاصلة عشرية وشنو؟؟ نخت صفر تاني
Post: #20 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-11-2012, 09:28 PM Parent: #19
دي الحقيقة المرة القاطعة قلبكم
بس ما بتقولو الحقيقة كويس زاتو انكم ماسكين في حيطة مايلة ان شاء الله ديمة تمسكوها يا طيشاب يابتوع التمهيدي يا بني دلقان بني دلقان دي ما بنخليها الا تخلوا صفركم المضروب دا وانتوصفروا ونحن بندلقن وانسوف البنغلب منو بتوع تمهيدي
Post: #21 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-11-2012, 09:44 PM Parent: #19
حواشة الأصفار !!
قفزت العبارة لبالى وأنا أقرأ ما كتبه حبيبنا الصفوة والمريخى الأنيق محمود مصطفى محمود .. تشيأت تلك الحواشة بأصفارها وعدد السنين .. كل عام وهم بصفر جديد .. اليأس والقنوط وفسحات الأمل الزائفة .. زراعة الوهم واستزراعه فى الضد من قوانين الطبيعة .. عبثية المشهد .. مشهد الأصفار .. الأحبار المهرقة فى جنبات العدم السحيق .. الانهطاق .. الملل الطويل .. الصبر المضنى .. المحل واليباب والسراب .. والكرة تمر فوق رأس يوسف محمد .. تعلوه بسنتميترات قليلة .. تتهيأ وكاحلى ما يكون .. وكاااااااك .. تنهد فى النفوس كل تلك القصور التى شادها الوهم .. وتعود الكائنات الصفرية لحواشة الأصفار .. كل عام بصفر جديد .. كل عام بصفر جديد .. ليس ثمة من رصيد الا الياس .. والقنوط .. والمسغبة الروحية الهائلة
نسأل الله العافية .. كل الود والتحايا يا صفوة يا أنيق ..
Post: #22 Title: Re: وما زال الصفر الدولى مستمراً .. أو "أطرد الاحلام يا هليل واصح Author: نادر الفضلى Date: 11-11-2012, 11:14 PM Parent: #21
الأخ المكاشفى سلام
لو فاكر عام 1966 تاريخ سحيق يمكن أن ينجر فيه من ينجر الآن عن بطولات خارجية ، وكأنها أسرار دفينة تكون غلطان فجماهير الرياضة بالسودان متابعة ومتناقلة الأحداث والمناسبات والبطولات وليست سراً يحتاج لصورة ولشهود عيان من لاعبى الهلال فى الستينيات. ليست فى ذاكرتها الكاس أو البطولة المزعومة بالكنغو.
وعندما تاتى بوثيقة كدليل عن معلومة ، فتحرى أن يكون مصدر معتد به وليس جريدة (حبيب البلد) . وفرية بطولة وكاس السلام صدرت من على قاقارين وبصورة مصور فيها لاعب الهلال المرحوم إبراهيم يحيى الكوارتى يستلم كأس على ما أدعاه كاس السلام بالكنغو عام 1966 . إستلام كوارتى للكاس فى وجود كابتنه سبت دودو ، وأمين زكى، يثير علامات إستفهام فلو فرضنا جدلاً صحة معلومة المشاركة فى إحتفال سلام الكنغو فالكاس التى يستلمها كوارتى دون الكابتن قد تكون لسبب آخر مثل نجم المباراة. كما أن المشاركة كانت فى دورة أم مباراة وحيدة ضد فريق محلى بالكنغو الخارج من حرب طاحنة (حرب الكنغو 1960 ـ 1966 ) ، فهى مبارة إحتفائية، ولا ترقى لتنافسية. لا يمكن مقارنتها بمباراة المريخ والزمالك بدبى مثلاً.
المقال الذى صورته لحبيب البلد لقاء مع كلول، فهول ليس هو مرجعية تاريخية لكرة القدم، . يكفى أنه يفتخر بمباراة الهومفيد المجرى والهلال و صورة بوشكاش والأمير منزول. مباراة إنهزم فيها الهلال بتسعة أهداف (بالعد الرسمى) قبل أن يتوقف عد الأهداف. أما عن أول تمثيل حقيقى خارجى إفتخر به أهل الرياضة والسياسة معاُ فقد نال شرفه المريخ عام 1950 فى رحلته لمصر التى تبارى مع فرقها الشهيرة وإنتصر عليها وأستقبل إستقبال الفاتحين بمحطة السكة حديد ببحرى يتقدمهم الإمام السيد عبد الرحمن المهدى.
وعن البطولات الخارجية المعتد بها والتى يفتخر بها ، فهى بطولات الكاف والبطولات الإقليمية (سيكافا) الأخيرة كانت إنجازاً وإعجازاً فى الثمانيات الفريق السودانى الوحيد الذى حققها هو المريخ. وأحسن معيار لهذه البطولات: ** سيكافا 1986 : المعيار التكريم الرسمى بالقصر الجمهورى وأنواط الشرف والجدارة التى منحت للاعبى المريخ وجهازه الفنى ( عندما كرر الفوز بها أصبحت عادية) *** كاس الكؤوس الأفريقية (مانديلا) تكريم رسمى بالقصر الجمهورى وأنواط الشرف والجدارة وقطع أرض للاعبين إضافة للإنتفاضيتين الشعبيتين فى البطولتين المذكورتين إستقبالاً لبعثتى النصر وإحتفاء بالبطولات والكاسات المحمولة جواً
** إضافة للكاسات المحمولة جواً من جوبا ، ومن الخليج العربى.
الكاس الفرية من الكنفو بكل الأحوال لا ترق لمجرد ذكرها إذا فرضنا جدلاً صحتها، وهى ليست (بطولة)
فالصفر الدولى قائم وهو إنجاز مقدر للهلال ، وهو بالمناسية موقف وطنى لو تعلمون عظيم لهلال الحركة الوطنية كما يحلو لمرديه توصيفه. (أحتفظ بعدم توضيح لماذا هو موقف وطنى عظيم)
Post: #23 Title: Re: وما زال الصفر الدولى مستمراً .. أو "أطرد الاحلام يا هليل واصح Author: على محمد على بشير Date: 11-12-2012, 01:38 AM Parent: #22
يا التغيتى ... شن لقيتى رجعتى للعرضه بالشنقيطى
كاااااااااااااااك
Post: #24 Title: Re: وما زال الصفر الدولى مستمراً .. أو "أطرد الاحلام يا هليل واصح Author: Ashraf el-Halabi Date: 11-12-2012, 01:53 AM Parent: #23
لشد ما حيرتني شخصيتك يا دكتور! ساعة الثقافة مثقف لا يشق له غبار وساعة هلالمريخ (عوامي) ليهو غبار
ألا بالحق يا دوك: يطلع مين حسين كلول دا!؟
Post: #25 Title: Re: وما زال الصفر الدولى مستمراً .. أو "أطرد الاحلام يا هليل واصح Author: معاوية محمد الحسن Date: 11-12-2012, 06:27 AM Parent: #24
الحمد لله الذي حفظ المريخ من السنة الرشاشات تعرف يادكتور اذا تأهلوا لما بقينا فى البلد ولكن الله كريم بعباده خرجوا بعد أن تساقطوا فى الملعب كالاطفال لاضاعة الزمن ان الله يمهل ولا يهمل سيبقي الصفرالدولي كمفتاح الخط الدولي لا يتغير
لن ننساك يايوسف محمد ننساك كيف وانت اهديتنا كل هذا الفرح الجميل
Post: #26 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-12-2012, 06:37 AM Parent: #25
أول فريق سوداني يتحصل على بطولة خارجية
الليلة البطولات الخارجية بقت عندها أسماء جديدة طيب ما تقولو كاس ما نديلا ولا تقولو كأس الكؤؤس قديتو اضنننينا صفر وبطولات خارجية
دي البطولات الخارجية والما معترف بيها يراجع عقلوا يمكن يكون مجنون لا سمح الله
دي البطولات الخارجية ودا الهلال اعترفوا ياناس المكابرة ما بتنفع اخير ليكم تعترفوا
Post: #27 Title: Re: وما زال الصفر الدولى مستمراً .. أو "أطرد الاحلام يا هليل واصح Author: Emad Ahmed Date: 11-12-2012, 07:19 AM Parent: #26
سلامات د. محمد حيدر المشرف
نستأذنك في الرد على الزميل المكاشفي الخضر الطاهر
تقديري واحترامي
Post: #28 Title: Re: وما زال الصفر الدولى مستمراً .. أو "أطرد الاحلام يا هليل واصح Author: Emad Ahmed Date: 11-12-2012, 07:21 AM Parent: #27
Post: #29 Title: Re: وما زال الصفر الدولى مستمراً .. أو "أطرد الاحلام يا هليل واصح Author: Emad Ahmed Date: 11-12-2012, 07:54 AM Parent: #28
مع صادق الأمنيات للفرق السودانية
بالتوفيق في البطولات الإفريقية للعام
المقبل إن شاء الله.
Post: #30 Title: Re: وما زال الصفر الدولى مستمراً .. أو "أطرد الاحلام يا هليل واصح Author: عبد الحي علي موسى Date: 11-12-2012, 08:02 AM Parent: #29
Post: #32 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-12-2012, 01:07 PM Parent: #31
على محمد على بشير .. كيفك وكيف كيفك يا صفوة ؟!
Quote: يا التغيتى ... شن لقيتى رجعتى للعرضه بالشنقيطى
وما أجمل الكتابة بالأحمر الوهاج .. الامر الذى يغيظ تلك الكائنات الصفرية كثيرا .. والمدهش حقا أن بعضها كما ذكرت "تغيان" ودونما أدنى مقومات أو أسباب موضوعية لذلك "التغى" !!
عجيب أمر تلك الكائنات الصفرية !!!
Post: #33 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-12-2012, 01:17 PM Parent: #32
أشرف الحلبى يا صاحب ..
Quote: يطلع مين حسين كلول دا!؟
لا أعلم ولكن من العجيب أن يمر ذلك على رقابة المنبر دونما تشخيت (########)
Quote: وساعة هلالمريخ (عوامي) ليهو غبار
هو المريخ لا كذب .. قمنا ونشأنا على محبة ذلك الكيان العملاق .. ولربما أجواء الاستقطاب الحادة داخل العرضة وحى البوسته مكان نشأتى .. كان لها الأثر العميق فى ترسيخ "عواميتى" الراجحة ..
Post: #34 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-12-2012, 01:27 PM Parent: #33
معاوية محمد الحسن .. كيف الحال والاحوال ومشتاقين ..
Quote: لن ننساك يايوسف محمد ننساك كيف وانت اهديتنا كل هذا الفرح الجميل
هو يوسف ده بيتنسى ؟!
تصور !! كنت حريصا صباح اليوم على تتبع ردود فعل تلك الكائنات الصفرية .. وما خذلتنى .. كما ولم تخذلنى من قبل ..
فمن وهم الكأس القارى الى وهم المؤامرة الكونية ضدهم مباشرة .. ولم يستغرق ذلك من بعض الكائنات الصفرية أكثر من النوم لليلة واحدة والصحو على نغمة التحكيم المنحاز دوما وابدا ضد الهلال !!!
تصور !!
Post: #35 Title: Re: وما زال الصفر الدولى مستمراً .. أو "أطرد الاحلام يا هليل واصح Author: المكاشفي الخضر الطاهر Date: 11-12-2012, 01:37 PM Parent: #34
محمد حيدر المشرف أمش اعرف اول شيء منو الجاب اول بطولة خارجية وتعال اشمت مزمل ابو القاسم زاتو تلقاهو ما عارف انو الهلال اول فريق سوداني بيجيب بطولة خارجية أها صفركم مضروب يا بني دلقان شوفو ليكم حاية تانية اتبجحو بيها ابلعوا كاريكاتيراتكم دي
ولا يكون ما عنكم منطق بتعريفة قال صفر قال هههههههههههههههههههههههه صفر ومضروب
Post: #36 Title: Re: وما زال الصفر الدولى مستمراً .. أو "أطرد الاحلام يا هليل واصح Author: محمد حيدر المشرف Date: 11-12-2012, 01:43 PM Parent: #34
عماد أحمد .. عشرات حبابك ياخ ..
لا يخلو تتبع أنماط الكذب والاوهام عند تلك الكائنات الصفرية البائسة من الدهشة االخالصة والتى هى بلا حدود .. ولكن ما أتيت به وكشفت عنه يكاد يكون فتحاً جديدا نحو فهمنا المدى الذى وصلوا اليه أخواننا فى العرضة شمال .. لا حولااااااا يا عماد .. مباراة ودية تنتهى بالتعادل فى كنشاسا سنة 66 ؟!! دعك من ضألة الحدث ولكن .. تصور معى اليأس الذى قاد تلك الكائنات الصفرية نحو هذا التهافت الشديد .. يااااا للبؤس !!
نسأل الله العافية ..
Post: #37 Title: Re: وما زال الصفر الدولى مستمراً .. أو "أطرد الاحلام يا هليل واصح Author: نادر الفضلى Date: 11-12-2012, 02:25 PM Parent: #36
' الزول دا ما بيقرأ البتكتب قدامو .. لسة فى حكوة ام ضبيبينة بعد ما الأخ عماد جاب المفيد!
الهلال عام 1966 مشى لعب فى الكنغو برااززفيا فى بطولة الأندية الأفريقية وقطع نهر الكنغو مشى لعب مباراة ودية فى الكنغو كنشاسا والصورة كوارتى إمرأة يتقبله وبتديهو كأس صغير (كسر فيها ضلعة) جايين بخط يد كاتبين ليك قبلة ودورة سلام وما عارف أيه وبطولة خارجية
وما يزال إحياء ذكرى الصفر دولياً كل عام من الوطنية بمكان
Post: #38 Title: Re: وما زال الصفر الدولى مستمراً .. أو "أطرد الاحلام يا هليل واصح Author: معاوية محمد الحسن Date: 11-13-2012, 06:15 AM Parent: #37
Quote: لسة فى حكوة ام ضبيبينة بعد ما الأخ عماد جاب المفيد!
د. محمد حيدر ونادر الفضلي تحياتي ياخي ديل شدة ما رايح ليهم كاس خارجي مرة واحد منهم فى المنبر ده قال انهم فازوا بكاس خارجي واسمه كاس الوكره من قطر وعندما طلبت منه أن يوضح لينا متي كان ذلك لانني موجود فى قطر دي أكثر من عشرين سنة وماشفت الهلال جاء لعب حتى مع الوكرة ناهيك عن شيل كاس فقال لى ان المباراة انتهت بالتعادل 2/2 وانفرد فيها طارق بمرمي الوكره اها شالوا الكاس كيف بالتعادل ؟ الله أعلم ولا يمكن انفراد طارق يعتبر كاس فى عرفهم؟ الله أعلم
