المعارضة كذبت المعارضة افترت المعارضة اهترت ثم ماذا بعد هذا ؟؟

خارج السطر

اهلنا يقولوا جاء يتفولح جاب دقلا يتلولح ههه
اها هي فرد تيوه وقبل ما تحومـــــــــــر فينا
في البوست دا
نرد الميس ونجي على الله نفسنا ما ينقطع هههه
اختنا انصاف ابراهيم المعتزلة كل ما يدور في سودانيز ومنزوية في عنبر للمجانيين
انا سرقته منها العنوان دا
احكي ليكم اقول ليكم كيف في نقاش مع سلفيين من هناك امتد لاكثر من شهر زولتنا جات ناطة في مشاركة كتبت قالت
انتو المرا دي
التطير عيشته معاكم
المرا حاضت المرا باضت المرا المرا المرا
الرد دا كل ما اتذكروا بضحك لحدي يطير حرف الجنون منـــــــــــــــي وانكفي على كيبوردي ودموعي تسيل
واغني دموعي سالت والمنام ابي لي انا العجب حبيبي
وبمناسة العجب دي مريخاب حد الموت حتى لو امس طار والبطيروا كتار
على منوال طير طير يا بشير
اها شفتوا ابو روضة دا سراق كيف وبخرمج كيييييييييييييييييف

من جانب اخر

لعل في التزام انصاف ببوست المجانين حكمة في ظني لسان الكفر
واللسان على قول اهلنا جبادة بلا ههههههههههه
وبرضه ما علينا نتلب في الموضوع


داخل السطر
الايام دي شايف لي حكايات حول اكاذيب المعارضة
لما انا ذاتي صدقت الكلام دا واتلخبطت الحاجات في راسي الوهم دا
مثلاً قالوا المعارضة كذبت في موت البشير ؟؟
الناس دي من وين جابوا الكلام دا انا ما عارف والله
في زول عارف فيكم ؟؟
ويمكن يفيدني بإجابة
انا العارفو للمعارضة صحف معروفة ناطقة باسمها زي صحيفة حزب الامة او الاتحادي الديمقراطي او صيحفة الميدان التي اوردت خبر حلاقة رأس الصحفية هندوسة
كما حللت بصدق متناهي وبقراية موضوعية اسباب ودوافع ضرب مصنع ايران بسم الله اقصد اليرموك واعتداء اسرائيل المتواصل على السودان
السوال
الكلام دا فيه كذب يا ناس اكاذيب المعارضة ؟؟
ياربي يكون فاكرين المعارضة دي اخبار ( الفسفسه والتفسفس ) ؟؟؟؟؟
ولا يا ناس الدين النصيحة وانا قلت الدين النصيحة لانو في دين لو ايمان الواحد بالله قوي بخلوك تكره الدين ذاته
السوال
الناس دي بتصدق براها وبتكذب براها ولا الحاصل شنو بالضبط او الربط ؟؟؟
مش دا كلام عايز ليه حكة راس

الشي التاني
يعني شنو البشير مات ولا حي ؟؟؟
لامن ناس المعارضة كذبت يعملوا ليه هلوله وينقزوا برا الدلوكة في حكايات مخستكة ؟؟
في الاساس موت البشير العايزوا منوا ؟؟
وهل موت البشير من مصلحة الشعب السوداني ؟؟
وهل المعني البشير يفوت ولا موت
او يبلد في السعودية ويجي بديل تاني
ولا الهدف الاساس استئصال نظام مهتري مافون ومترهل ووصل حد الانهيار؟؟؟
يمين الله الرؤايات بتاعت ناس قرع ود العباس دي عايزه لييها حكة رأس وقعدة يوم كيبوردي كامل
والله صحــــــــــــــــــــــــــــــــــــــــي ونتقابل بكره للمواصلة كان ............. هون
اقصد كان المولى هون

تسجيل خروج
وفي وصية الوصية راكوباب والأجر على الله والبقدرنا يجي يدينا قلا
اقلام صدقت فيما عاهدت الشعب السوداني عليه وما ها خمج
والقلم منهم يهز جبل
وسلام مربع لكل الجدعان لو من هنا او من هناك وأسف عميق لعدم الرد في بوست الراكوبابي زمان السمح ولديح قيقراوي
يا قيقراوي
ما تنسى عدل عدل ههههههههههههههههه
وانت مكلف بفتح فصول لمحو امية الوافدين الجدد لانهم حيطلوا من هنا وبكثافة في الايام الجاية دي
وتحييييييييييييييية

Quote: داخل السطر الايام دي شايف لي حكايات حول اكاذيب المعارضة لما انا ذاتي صدقت الكلام دا واتلخبطت الحاجات في راسي الوهم دا مثلاً قالوا المعارضة كذبت في موت البشير ؟؟ الناس دي من وين جابوا الكلام دا انا ما عارف والله في زول عارف فيكم ؟؟ ويمكن يفيدني بإجابة انا العارفو للمعارضة صحف معروفة ناطقة باسمها زي صحيفة حزب الامة او الاتحادي الديمقراطي او صيحفة الميدان التي اوردت خبر حلاقة رأس الصحفية هندوسة كما حللت بصدق متناهي وبقراية موضوعية اسباب ودوافع ضرب مصنع ايران بسم الله اقصد اليرموك واعتداء اسرائيل المتواصل على السودان السوال الكلام دا فيه كذب يا ناس اكاذيب المعارضة ؟؟ ياربي يكون فاكرين المعارضة دي اخبار ( الفسفسه والتفسفس ) ؟؟؟؟؟ ولا يا ناس الدين النصيحة وانا قلت الدين النصيحة لانو في دين لو ايمان الواحد بالله قوي بخلوك تكره الدين ذاته السوال

تسلم استاذ ابو روضة وتحياتي .......

مرحبا بك :) ... شكلك خلاس إتوهطت للكتابة الرايقة

تحايا و تقدير يا استاذ ....

كلام يرد الروح و يلامس عصب الحقيقة .

Quote: داخل السطر

جميل

Quote: خارج السطر

أجمل

عبرت عنى تماماً لكن زبدة الكلام أظنها مابعد النقطة و فى السطر الجديد فبالله رشها ما تشحتف روح قراءك ؛ ياخ الناس ديل
ماخلو فينا حيل للصبر ؛ نقطة سطر جديد .

خالص الإحترام .

___________________________________
ياريت صفحتك فى الفيس و تويتر عشان نطلب إضافة لمزيد من المتابعة.

Quote: .تسجيل خروج وفي وصية الوصية راكوباب والأجر على الله والبقدرنا يجي يدينا قلا اقلام صدقت فيما عاهدت الشعب السوداني عليه وما ها خمج والقلم منهم يهز جبل

بعد غياب سلامات
سعدت بوجودك هنااا
متين تصفي سما الخرطوم ؟
الدرب طال والعمر اتقاصر
كل عام وانت بحير
بوست طاعم وانيق الحضور

غايتو...!

فرح تحياتى
بوست موفق
فى بوست مجاور كان هذا رأيى ويطابق رايك تقريبا

سلوك متعلمينا يحتاج لعلاج...د.صلاح البندر ..نموزج.

Quote: ابراهيم تحياتى اشكرك لانك استطعت توضيح ما اعنيه بشكل بسيط ومباشر شخصيا سبب تداخلى فى مثل هذه البوستات وكمثال بوست زميل المنبر ابو حسين عن الكذابين وبوست دكتورة نجاة ايضا عن كذابى المنبر ليس دفاعا عن من هم فى موضع الاتهام فى هذه البوستات فانا لم ادافع عن معاوية فى موضوع ود البشرى لانه اخطا فعلا ولا ادافع هنا عن صلاح بندر لانى لا اعرفه اساسا والكلمة التى صدرت منه لا تستحق الدفاع عنها ولا اريد من احد ان يفهم اننى ابرر او ادافع عن مثل هذه الاخطاء ..سبب تداخلى فى هذه البوستات انها اصبحت ظاهرة فى المنبر وظاهرة خطيرة جدا ارى انها محاولة لهز مصداقية او صورة المعارضة ككل وليس افراد ان كانت بحسن نية او سوء نية وهذا الامر خطير جدا لانه لا يعقل ابدا ان اتصالح مع القتلة والمفسدين ومن يمارسون التعذيب والاجرام وفى نفس الوقت اتظاهر بانى معنى جدا بفرد او عضو منبر اخطا او تعمد الكذب .لا يمكن ان اتجاهل تاثير واقع على وطن وشعب بحاله وادعى الحرص على منبر اسفيرى مثل كل الاسافير .. لا يمكن باى حال من الاحوال ان تكون كذبة معاوية عبيد او سقطة صلاح بندر مدعاة لكى اتجاوز عن جرائم وانهيار كامل لوطن كامل بحجة هذه هى المعارضة وهؤلاء هم المعارضون لذلك شخصيا لن افوت مثل هذه البوستات التى تختذل القضية بهذه الكيفية وتحاول وضع الناس فى شك وريبة لكى تمر جرائم تهدد وطن كامل مرور الكرام ..

Quote: غايتو...!

هههه ادى ربك العجب يارمانة

يا الفرح أبو روضة سلام وتحية:

ياخي الناس ديل "ناس المعارصة ساطت وسوت "عارفيين بسو في شنو وقابضيين وأها كل شي بي تمنو ...

وفي ناس منهم كدا يعجبوك,يخت ليك شوية "بهارات مصداقية" يقول ليك البشير كذاب ونافع قليل أدب ويظل يدعم في خط السلطة صباح مساء؟؟؟

تحياتي

ليكم التحية يا شباب
اها نواصل ما انقطع من حديث
ونبدأ من حكاية سلام مربع لكل الجدعان
اها دي ثقافة عهد كامل البضرب بلدنا بالصواريخ حيكومتنا بترد عليه بهز الوسط ولو اجتهدت كتير بتطلع ليها خطبة
جماهيرية معتوه كما الرد في السد والبشير ما بنقدر
ويسيل سيل الوادي المنحدر ؟؟
والله من مواريثنا وقيمنا البتنتهك سفــــــــــــــــــــــــــــــــــــــــــــــــــــاح

والله صح ما بنقدر رئيس نادر في ذاته وصفاته وما حايتكرر تاني وبالجد المفروضة المثقافتية يهتموا بظاهرة الرئيس السوداني الفلتة المنفلت والمندرش والمنبطح
اف والله يا اف

والله يسد نفس أي زول ماجور
منهم وبطبل للمشروع الحضاري برؤاية مفضوحة ومشروخة وبفتكر ملاحقة الاخرين فيها انقاذ لسلطة سقطت وهت وتوفرت كل ظروف فنائها

طيب يا طيبين خلوني ارجع تاني لبداية الحديث في حكاية سلام مربع لانو مرات ابو روضة بخرمج وبفط سطور ساكت هههههه
البمنع شنو انحنا ما نتجدع
ونتفدع ونعوم كما عوم الوز لدرجة طوفان الدروشة
لاننا ناس محبين للأرض البقت رخصية واتفرتكت
وبنهاتي بي غبينة مكبوتة للعرض المستباح وبكارة عازة المفضوضة
وكل عشمنا في ريحة الدعاش الكتمت
ليه وليه ما نتحدى حد الهرج الكضب في شأن يدوم نضم صدق ؟؟

نقطة سطر جديد
قالوا ايه البشير حي وانا اوب واحي من الجرح
البهرج فيني
كما فيكم كلكم وانسان بلدنا التعيس من هناك
والمعارضة قالت مات ؟؟
ولسه ما لقيت اجابة
كدي أي واحد يدخل في ذات نفسه على قول قيقراوي ههههههه
وينظر للموضوع دا بفهم انساني
زول عنده سرطان او أي داهية تخمه
زي ما شعبنا بتخم من تلاتة وعشرين سنة
ليه هم جابوه عشان يقــــــــــــــــــــــــــــــــــول خطاب ؟؟
والداهية الحاتخموا في نفس الوقت في حلقــــــــــــــــــــــــــــــــــــــــــــــــــوموا ؟؟؟
وبتعرض صحته وعافيته للخـــــــــــــــــــــــــــــــــــــــــــــــــــــــــــــــــــــــطر ؟؟؟
مش الحكاية دي بتوصل لنتيجة محددة
انو المؤتمرجية ليهم في الدين تجارة
وفي المرض سيناريوهات مرسومة بي هالة
وحتى في توظيف منجهة الدعارة
واحسن نستكت هنا لأنو القصة حتجيب نيجريا وفنانين وفنانات خمج
وتقوم بينا العربية
بس لو انا غلطان واحد يجي يقول لي يا ابو روضة كضب

تسجيل خروج
في المرة الجاية حنجي نتخاطر كلنا
في ايات ربنا وخاصة ((لوحكاية خلقنا الانسان في احسن تقويم ))
وكيف الناس دي اتشوهت وشوهت وطن كامل من حقوا يعيش بالحلال

والرحمة والمغفرة لثراء الزول الفي وجدان كل ضمير حي حميد
وعلي الرسل الكرام الحب على الواقعين وراهم رب
فيض من الرحمن

نظرة غندرة وعشق للزول الاسمو قيقراوي
وعلى قولك يا قيقراوي اخوي الراكوبابي زمان المافي شنو هههههههههههه
واحدة بتتباصر وزي ما انحنا بنتحاصر
بنقد قلبــــــــــــــــــــــــــــــــــــــــــــــــــه المهرية والمكرية
والرخيص يتباع
سبعمائة بوست بكلمة واحدة
مع
التحيييييييييييييييييييييييييييييييييييييييييييييييييييييييييييييية

ابو روضة

سلامات يا أبو الروض و عساك بخير
أولاً تقبل اسفي الشخصي على حكاية المداخلة الواحدة دي ولولا ان بكري فقر وما بتحنّس كنت حنّستو ليك اليزيدها ان شا الله اتنين تاني, عموما كلّها كم يوم وشدة وتزول
اها عودة للموضوع اتفق معك في حتة انو من الخطأ الحديث عن المعارضة كأنها كيان واحد له عضوية في البورد دا يُمدح ويُذم ويُحاسب بكتابتهم
المعارضة فعل أكثر منها كيان, و البورداب أشخاص مستقلين كلٌ يتحمل مسؤولية ما يكتبه إن أحسن يقال احسن فلان و إن أساء فقد أساء فلان لا حزبه لا جماعته لا قبيلته لا المعارضة - او الموالاة - برمتها
لذا يجب تحميل من كذب مسؤوليته على كذبه ومن افترى و من بهت ومن فعل ومن ترك
لكن من الناحية التانية ترى الأعضاء قليل منهم من يتعامل بهذا الفهم, فالكذب مذمة ومنقصة في رقبته ويقلل من قيمة و شخصية من يرتكبه وباي ديفولت مدان بوضوح غض النظر عن موقف الكذّاب السياسي و قربه او بعده من تيار ما
ومفروض الناس تحاسبه على هذا الأساس لكن الحاصل هنا وبدون مبالغات اشبه بما فعله الوصيفاب مع الحضري لما غنّوا ليه غلطاتك عندنا مغفورة
فيا مناضل و يا معارض و يا الاعلى صوتا في شتيمة الحكومة كذباتك عندنا مغفورة بل أحيانا مشكورة

أمّا الحديث عن مرض البشير فنعم قد شغل الناس وأخذ حيّز أكتر مما يجب لكن في النهاية هو رأس النظام و غيابه أكيد له تبعات و تداعيات مهمة على النظام
عن نفسي ارى أن تنحّي البشير مهم و مفيد للصالح العام - نعم لا يعني زوال النظام - لكن قد يعني الكثير من التنازلات الداخلية و الخارجية بل قد يقود لإنفراج الإحتقان السياسي الحاصل و يساعد في الوصول لصيغة الحد الأدنى المرضية ولا اسرف في التفاؤل إن أمّلت حتى في وقف الحروب و تحقيق سلام حقيقي, فقناعتي ان تعنّت البشير و شخصيّته الحمقاء أحد أهم أسباب الضيق و التردي الحالي

قوّمت نفسنا يا ابو الروض مداخلتك الواحدة كوكتيل عشان تقراها وتعلّق عليها كلّها قيامتك تقوم :)

لعل في التزام انصاف ببوست المجانين حكمة في ظني لسان الكفر
واللسان على قول اهلنا جبادة بلا ههههههههههه
وبرضه ما علينا نتلب في الموضوع



الزميل فرح
الجنون قمة العقل .........
التزام الصمت والجنون ............
حتى نعود اسوياء ........
حتى نعود للحق ...............
الحق سيد الباطل ..............
وشعاع للزيف العتم وجه الارض ....
وفى رواية اخرى


نطالب بالحرية وعقولنا مسجونة !!!!!!!!!!! مسجونة بين الخوف وقول الحق .
تحياتى ياصديق .....
دعنى فى محراب الجنون .....
اتعبد لخارطة وطن ........
كان يحمل ملامح الاوطان .....
الاختلاف بشرف ............ قيمة كبيرة
تعيدنا الى مربع الانسانية
كشرفاء حتى فى الخصام .....



,

Quote: الجنون قمة العقل ......... التزام الصمت والجنون ............ حتى نعود اسوياء ........ حتى نعود للحق ............... الحق سيد الباطل .............. وشعاع للزيف العتم وجه الارض .... وفى رواية اخرى نطالب بالحرية وعقولنا مسجونة !!!!!!!!!!! مسجونة بين الخوف وقول الحق . تحياتى ياصديق ..... دعنى فى محراب الجنون ..... اتعبد لخارطة وطن ........ كان يحمل ملامح الاوطان ..... الاختلاف بشرف ............ قيمة كبيرة تعيدنا الى مربع الانسانية كشرفاء حتى فى الخصام .....

شكراً يا انصاف يامنصفة ..........كلمات في منتهى الجمال

الحبيب محمد البشرى تحياتي
وانا اتفق معك في كل ما لخصته في الجزئية الاولى والبصمة بالعشرة

الجزئية الثانية فيما يخص تنازلات الانقاذ
في كل ما هو مشاهد الان من مرض البشير وارساله للسعودية وقيام نائبه باعمال تنفذية لم نشهدها من قبل كل ذلك يشير الي ان النظام مقبل على تنفيذ بعض الاجراءات ناشد بها حتى بعض المؤتمرجية داخل البرلمان
لاسباب عديدة
البشير وتواجده في السلطة وملاحقته كمجرم حرب وتواجده في رئاسة الجمهورية معيقاً لاي تسوية مع المجتمع الدولي من هنا تاتي ضرورة تنحي البشير بالنسبة للمؤتمر الوطني
ثم من بعد ذلك اجراء عملية مكياج بمشاركة بعض القوى السياسية مع الابقاء على النظام دون اي تغيير حقيقي يقود البلاد الي تحول حقيقي لنظام تتوفر فيه قيم الحرية والديمقراطية ومؤسسات المجمتع المدني

ولكن هل الشعب السوداني ومعارضته التي ظلت تصارع هذا النظام معنيان بما يحاول المؤتمر الوطني
القيام به من تسويات في ظنه بانها منقذة لسلطته ؟؟
وهل استحقاقات الشعب السوداني منة تمنحها الانقاذ للشعب السوداني بالقطارة
او هي حقوف مشروعه مغتصبه لابد من ان تسترد ,
والواقع يقول هناك نظام بعد ثلاثة وعشرين عام اثبت بانه يمارس الاخفاق وراء الاخفاق والسقف الحقيقي في تحقيق تطلعات الشعب السوداني
ازالته والرمي به في مذبلة التاريخ
كما كل الديكتاتوريات التي سبقت الانقاذ وفضت بكارة مشروعية ديمقراطية ارتضاها شعب بارادته الحرة

مع خالص التحية والتقدير على المرور الراقي


نقطة سطر جديد

المحترم ابراهيم النعمة
شكراً على كلمات مجاملات لبرلومة منزوية ولسانها اذا ما نطق رحيب يفصد ويهدر كما كما موج نيلينا الازرق الدفاق
وتسلم على مرور كريم



تسجيل خروج

انصاف ابراهيم
يا رفيقة الحرف والهم من هناك
وعد بحضور لرد مريح ومستريح
احترامي

شكرا الاستاذ ابراهيم النعمة كلك ذوق .