9 قطط سودانية في ولاية ميرلاند الأمريكية (توجد صور)

منظمة أمريكية تعتني برعاية الحيوان تنقذ 9 قطط (سودانية) من السودان خوفا على مستقبلهم المجهول
و القطط الآن تسكن في ولاية ميريلاند الأمريكية (نفس الولاية التي أسكن فيها حاليا)وهي في حالة ممتازة جدا

إحدى القطط ( سرير و Restroom) و ما تشتهيه الأنفس

One of the nine cats rescued from Sudan resting comfortably at the ACR Sanctuary
Credits: courtesy of Alley Cat Rescue

Quote: Maryland-based welfare organization rescues Sudanese cats from uncertain future

Alley Cat Rescue (ACR), a Maryland-based organization dedicated to feline welfare, recently flew nine cats to safety from war-torn Sudan to certain safekeeping in the United States. The socialized cats, currently being cared for at the ACR No Kill Sanctuary, have been saved from an uncertain future in a troubled area where humans and animals are constantly at risk.

ACR became aware of these cats when a friend of the organization currently working in Sudan reached out with concerns about her pet’s well-being. Due to the unstable political environment in Sudan, the caretaker became concerned that she would have to leave her home quickly and not be able to make safe arrangements for the cats in her care. ACR’s personal connection allowed her to arrange for the safe transport of her cats across three continents to the safety of the ACR Sanctuary.

“Knowing these cats were in trouble in Africa hit close to home for me,” states ACR President Louise Holton. “I was born on the African continent and feel so much for the people who are suffering in many parts of this beautiful and wondrous continent, plus of course for the animals who are often caught in the middle of any conflict.”

http://www.examiner.com/article/maryland-base...rom-uncertain-future

سلام كوستاوى
المنظمات دى يوم تختف اطفال دارفور ويوم كدسة الخرطوم..

نطالب باعادة القطط عبر الوسائل الدبلوماسية السلمية.. لكن تقول شنو مع الحكومة الطرشاء

ندعو السودانيين في هذه الولاية أن يتبنوا هذه الكدايس السودانية لكي تعيش معهم في منازلهم (السودانية).

{كمان الخواجات ديل دايرين يخربوا لينا طبع كدايسنا الهادية و رضية}


سلام يا أبو الريش

هسع الخواجات بكونوا بحللوا في ال DNA
برة one أبوها من الضعين و جدها من الكاملين و حبوبتها من دنقلا

Quote: برة one أبوها من الضعين و جدها من الكاملين و حبوبتها من دنقلا

كوستاوى سلام بعد DNA برة الابوها من الكاملين دى انا على استعداد أن أتبناها ..

يا نجاة أصبري
برة tow أبوها جلابي من الكاملين و أمها من نملي و جدها من حلفا القديمة


أصبري يا نجاة لغاية ما نشوف الدي N آآآت كلها

و أنا عندي حق الخيار الأول

نشوف كوستي و ينا بالأول
بلا كاملين معاك!

كوستاوي ياخي يعني الواحد بدل ما يقدم لوتري للهجرة أحسن يسجل نفسه كديس

يا كوستاوى

تحياتى

Quote: Maryland-based welfare organization rescues Sudanese cats from uncertain future

مافى منظمة بت ابوها جدعة تنقذ السودانيين من ال uncertain future

نقول شنو

بخت الكدايس

لا قدمو لى لوترى
لا تعبو فى لجوء سياسى

Quote: كوستاوي ياخي يعني الواحد بدل ما يقدم لوتري للهجرة أحسن يسجل نفسه كديس

الكوتا السوانية للوتري
This year

X
minus
9
برة

=
9 شربوا من موية البحر الأسود

ناس الهجرة قالوا الكديسة تساوي عشرة
{لكن ما حددوا العشرة دي شنو,,,,,الله يستر)


Asim Fageary

Akeef fi alsaf

الكديسة الفي الصورة دي (ام عيون خضراء ) قد تكون امها سوداني لكن ابدا ابوها ماسوداني ..

Quote: قد تكون امها سوداني لكن ابدا ابوها ماسوداني

قلنا أبوها تركي....تركيييي

أبوها كان بخش في السراويل بتاعة أجدادنا

و الله صحي

إنتا حبوباتك ما كلموك?

أسعلهم لو في!

ألأخ/كوستاوى ..السلام عليكم.....ألكدايس دى حاتتعب مع اللغة.

كستاوي سلام

اعتقد انها ليست قطط بل (نمور)

جار عليها الزمن في ظل هذه الحكومة والظروف الاقتصادية الحالية

دى بتكون كديسة سجيمان الرايحة يا كوستاوى !

( نجاة أصبري
برة tow أبوها جلابي من الكاملين و أمها من نملي و جدها من حلفا القديمة


أصبري يا نجاة لغاية ما نشوف الدي N آآآت كلها

و أنا عندي حق الخيار الأول

نشوف كوستي و ينا بالأول
بلا كاملين معاك! )

كستاوي ياخي مالها الكاملين ...كدي قول لي ؟؟؟؟؟ بعدين الكاملين مافيها جلابة

بقوم احرش عليك ناس الكاملين في امريكا يستنوك جنب ا لباب .....

بعدين ياخي عندكم مدرسة كبيرة سميت باسم استاذ الاجيال من الكاملين الشيخ خالد جبور

تحياتي ومودتي وكل مودتي لكل اهل كوستي

اخوك ودالزين

تعرف يا كوستاوي ...
رغم انو الخبر قد لا يعدو كون تمانية قطط تم انقاذها الا انها تشير وترمز لي رسالة اكبر ...
والاهم من كدا كيف نوصل الفهم دا لي ناس ممكن تقول (والله الخواجات ديل فايقين ورايقين)
والخبر في حد زاتو فيهو استدلال لي عبر وعظات كبيرة ...
وبتحليل المنطق... الرسالة دي بتوصل الحاجات البتخلي الناس تلتفت للرسائل والرموز حول
عدم أهلية بلد لايواء قطط نتيجة لغموض المستقبل في ظل النزاعات والحروب المحلية وصراع
السلطة والثروة....
الرسالة واضحة وكدايس السعودية زاتا محتاجة لي اتقاذ من مستقبل مجهول
من جراء اكل بقايا المفطحات واصابتها بالتخمة ودهس السيارات لكن لا احد سيصدق ان بالسعودية قطط تدهس
بالعربات جراء السمنة المفرطة لكن الخبر عندما يتعلق بالسودان بما فيه من بؤر مسلطة له ما بعده
ربما يكون الناس قد ملو من طلبات انقاذ حياة الاطفال ومنظر الجوع والهياكل العظمية جراء سوء التغذية
عشان كدا بيعملو حاجة استثنائية قد تجلب مبادرات في اشكال جديدة
هذه قراءاتي بين سطور الخبر ...وتسلم على الايراد

التحية لكدايسنا السودانية التي بقيت على قيد الحياة طيلة السنوات الإنقاذية العجاف التي جعلت البشر لايجد أحدهم ما يأكله، إن بقاءها واستمرار نسلها في السودان لمعجزة في حد ذاته!

عسى ألا تكون المنطقة التي نقلوا إليها كدايسنا المباركة بها جليد وبرد!

Quote: ألأخ/كوستاوى ..السلام عليكم.....ألكدايس دى حاتتعب مع اللغة.

لا في دي ما تنزعج يا سمعة
أنا بتي عندها برة أمريكية و علمناها الكلام بالعربي السودني باللكنة الشايقية

لا لا يا كوستاوى الخواجات ما يخموكم ساى
القصة اصلها من زمن البشير اعلن وصرح قالها البشير عند رفضه لصفقة تقضى باحتواء مذكرة اوكامبو ضد مقابل تسليم هارون وكوشيب
حيث قال ورفض رفض قاطع تسليم اى سودانى لمحاكمته بالخارج واضاف قائلا " والله ان كديس من السودان مابسلمو لانو جلد الكديس ممكن نعمل منو جزمة "
وانه يتحدى كل العالم الغربى ولن يحركو منه شعرة ... وزاد " نحن احفاد من قتلو هكس وقطعو راس غردون والعايزنا يجرّبنا ".

اها من ديك وتعال شوف قصص كيسات اللجوء ومكنات الكدايس من اجل الحصول على اللجوء فى دول العالم الاول
وترجع بداية الروايات من ميز اطباء مستشفى الشعب حيث الكديس العجيب بسبس والذى بكثرة عشرته للاطباء تعلم ان يفهم اللغة الانجليزية والفرنسية من قنوات الالسى ان ان والفرنسية
وكان قد علم بسفر احد الاطباء الى مؤتمر دراسة فى امريكا فتسلل خلسة فى شنطتة وحط الرحال فى امريكا وحكى قضيته وقضية الكدايس فى السودان
وطبعاً بعد بسبس اتسربت اخباره لكدايس المستشفيات المجاورة وهاك يا مخارجات
القصة طويلة جداً وما نخرب ليك بوستيك ساى نتمها وكت تانى

المشكلة قالو فى كدايس من دول افريقية بقوا يقدموا لجوء بنفس الكيس وعلى اساس انهم كدايس سودانيين

Quote: الكديسة الفي الصورة دي (ام عيون خضراء ) قد تكون امها سوداني لكن ابدا ابوها ماسوداني ..

كلو من العمالة الاجنبية



سلام كوستاوي وضيوفك

الكدايس السودانية و فوز أوباما

Quote: دى بتكون كديسة سجيمان الرايحة يا كوستاوى !

كدة من حقة يطلب لم شمل مع كديستة

Quote: كلو من العمالة الاجنبية

LOL

Quote: كوستاوى سلام بعد DNA برة الابوها من الكاملين دى انا على استعداد أن أتبناها ..

وأنا كمان على استعداد للتبني.. يا قريبتي نجاة..

ناس بتعرف قيمة الكدايس!

== == ==

لا كرامة لكديس في وطنه!

=== == ===

Quote: ناس بتعرف قيمة الكدايس!

و ناس لا بتعرف قيمة الإنسان و لا الكدايس!


Thanks Mohamed

نرجع لموضوع الكدايس