يا الفصائل انا ما بقدر اكتب من امس ؟ لعل المانع خير ؟؟

؟؟؟

بتكون حصتك من المُشاركات خلّصت ...

يعني بكري مُحدّد عدد معين من المُشاركات للعضو خلال كل 24 ساعة .. عشان كدا حاول إنّك ما تصرف عربي كتير ...



تسلم ،،،



ـــــــــ

أبو روضة السلام عليك
شنو يا عمك شابك الناس فصائل وجداول
تكون قايلم بطاطس واللا شنو ؟
وبعدين بصراحة كدا بقيت منتشر شديد بما يدرجك تلقائيا ضمن قائمة قدادي البورد .
حاول خفف دمك شوية واللا كمان أشرب حرجل .

صبري طه
وين السؤال ؟

سلام يا ابو الروضه

كلام صبرى دا ختو فى بالك

فى كوته محدده لاى عضو فى اليوم

اما بغاث الطير ماتشتغل بيهم

عشان تحافظ على الكوته للحاجات المهمه

بطاطس شنو يا طلحة
ديك بقولو ليها فسائل ومفردها فسيلة هههههههههههه
الزول ده قايلهم (حبيشيات ) فصايل مفردها فصيل وهو ولد الناقة لووووول
اخير البطاطس غايتو
خضر
لماذا تستسهل الاساءة للمختلفين معك ؟
بعدين هسي مداخلتك دي زاتا فيها اساءة لابو روضة ممارسة الدور الابوي الناصح لشخص راشد وتحديد من يشتغل بهم ومن لا يشتغل بهم فيها ما فيها من وصاية اكيد ما بترضاها لنفسك

بعدين سؤال لصاحب البوست
موضوع محمد البشرى ومعاوية عبيد انتهى باعتراف معاوية بكذبه بخصوص اتهامه فول ستوب
والدليل انو من امس في بوست لمعاوية هنا ومحمد البشرى لم يدخله
فاللت والعجن شنو في موضوع منتهي ومحاولة تصنيف الناس بناء على موقفهم من محمد البشرى ومعاوية عبيد
يعني هدفك شنو ؟
معاوية وحده هو من يقدر على اصلاح اخطاءه وخطاياه حدك وحد اي واحد هو محضه النصح فاذا انتصح كان بها وان لم ينتصح فهو الخاسر في الاول والاخر

أسمع أحكي لينا الحصل بالتفصيل الممل علشان نقدر نشخص الحالة و نكتب بيها تقرير
علشان نعالج أي مشكلة إن وجدت و إستفيدوا من تجربتك بقية الأعضاء ..


الرجاء ذكر أي رسائل ظهرت عندك في الشاشة و إنت بتعاني من هذه المشكلة

يا أخوان سؤال عام ..


الكوتة المحددة كم في اليوم؟





ــ
عفواً أخونا أبو روضة ..

سلام ياباشمهندس

Quote: خضر لماذا تستسهل الاساءة للمختلفين معك ؟ بعدين هسي مداخلتك دي زاتا فيها اساءة لابو روضة ممارسة الدور الابوي الناصح لشخص راشد وتحديد من يشتغل بهم ومن لا يشتغل بهم فيها ما فيها من وصاية اكيد ما بترضاها لنفسك

انا مابستسهل الاساءه لاى شخص بختلف معاى على الاطلاق لكن كل المختلفين معاى هم من اعوان النظام

وقد عانيت الكثير منهم وقد عانى كل السودانيين من هؤلاء المسترزقين ويجب ان يتجرعوا من نفس الكأس

انا ما انسان عدائى كما تتصور يا محمد ابراهيم

وانا قاعد فى الموقع دا من الفين واربعه ومتابع له منذ تأسيسه اكيد بكون عارف كيف بتعامل مع اعوان النظام

اما بالنسبه لممارسة الدور الابوى او الوصايه على الاخ ابوروضه دى حاجه ابدا ماحصلت ..

لكن كمية الاستفزاز الاتعرض ليهو ابو روضه من امس كانت كبيره جدا من اليرقه ابو حسين وعدد اخر من اعوان النظام

ودونك تعليق بغاث الطير الفوق دا على ماكتبه ابوروضه وهو مجرد تساؤل عادى من ابوروضه

كت اوت :

هسى انت يا محمد ابراهيم بمداخلتك دى بتمارس على وصايه انا فى غنى عنها وبتفترض انو انا عدائي وفاسد وماعندى اخلاق

انا عارف بعمل فى شنو وعارف انا هنا لشنو فارجو شاكر انك تحتفظ بى انطباعاتك عنى ونصايحك لنفسك اذا بتريد

سلام تيسير

Quote: يا أخوان سؤال عام .. الكوتة المحددة كم في اليوم؟

السؤال دا مفروض يجاوب عليهو بكرى ابوبكر

لكن على حسب علمى والحاجه دى حصلت لى قبل كده

عدد المداخلات يتفاوت من شخص لآخر

فى حالة معاقبة شخص ممكن يكون عندو مداخله واحده فى اليوم

وناس معاقبين بكون عندهم مداخلتين فقط

واخرين خمسه مداخلات

لكن اعتقد انو متوسط المداخلات فى الحالات العاديه خمسين مداخله فى اليوم

هذا على حسب علمى

Quote: كل المختلفين معاى هم من اعوان النظام وقد عانيت الكثير منهم وقد عانى كل السودانيين من هؤلاء المسترزقين ويجب ان يتجرعوا من نفس الكأس

تلسموا على التوضيح
ولسه الحرف من امس
بهريج فينا
ومقبل تلاتة شهور
ماشه علي الدرب العوج
للناس
البترفع الحق
وحق الحق
ما دائر ليه
سيف من ولد كذب
او حق ينصروا
او لسنات كذب
حل الحل
يا يكون خلاق
او نكون انحنا
مضعنون من قفا
وكفى وصلاتي على المصفطى
ولا زال النداء للفصائل مستمر
من هناك

Quote: عدائي وفاسد وماعندى اخلاق

انت يا زول بتنبذ في روحك براك ولا شنو ؟
وين انا قلت ليك فاسد وما عندك اخلاق ؟
عدائي دي ما نبذة دي حالة نفسية وما فيها اساءة وممكن تتعالج منها بانك تعمل Anger Management
وانا لم امارس وصاية عليك كما توهمت بل سالتك بكل تهذيب (لماذا تستسهل الاساءة ) هسي وينا الوصاية هنا الا يكون غيروها
ثم ثانيا شايفك بتوصي في ابو روضة وتوصف له بغاث الطير ومن هم دون ذلك فنبهتك انو الحركة دي ما حلوة ولما علمناها ليك صرفت لينا وصرفت لي نفسك

يا جماعة طرشقتو ليه النظرية الجايي بيها

الزول داير إطلع ليه بي بطولة وهمية تقومو تحبطوه بالصورة دي ....؟؟؟

زول ليه أسبوعين و عايز إقول إنو الكيزان و الأمنجية عطلوه من دخول المنبر

دا إسمو القفز بالزانة.....

أطالب الكيزان و الأمنجية بمنح صاحب البوست لقب مناضل علشان ما تجيهو نفسيات و هو في بداية الطريق....