Post: #1
Title: اتمنى أن ينستر الهلال فى مباراة الرد كى يحقق المركز الثالث والله صحى!!
Author: صديق الموج
Date: 11-04-2012, 07:14 PM
Parent: #0
بمستوى الصقيراب الذى رأينا فى مباراة امدرمان يكون تأهل الهلال للنهائى
اتخذ له مكاناً بين الغول والعنقاء والخل الوفىء ..
خوفى على الهلال من ناس 5 و6 البتودى للطيش، فكى يحرز الهلال المركز
الثالث لابد من الاستعداد والجديه من الان لان المريخ سينتصر بأذن الله
فى الخرطوم بنتيجة واحد صفر فقط..
عليه الكرة فى ملعب الهلال خايفين ليهم من الفضيحة، ربك يستر،،،،
|
Post: #2
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: ياسر التجاني
Date: 11-04-2012, 07:23 PM
بعد مباراة اليوم اتضح أن البطل إما الهلال او دجوليبا
|
Post: #3
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: د. ياسر عبد القادر
Date: 11-04-2012, 07:36 PM
Parent: #2
صديق سلامات
إنت متأكد إنك حتفوز 1/0 ......وليه واحد بس؟؟ ..حتنقصوا جالاكسي من الحكم ولا شنو؟؟
كدي إتفرج في دا
http://www.youtube.com/watch?v=2keYSmRfeYc&feature=youtu.be
وحاول تقارن بينو وبين جمعه اول امس
|
Post: #4
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: صديق الموج
Date: 11-04-2012, 08:04 PM
Parent: #3
ياسر التجانى شدو حيلكم ما تفرطو فى المركز الثالث
والله صحى طالما فى سيف مساوى الله يستر،،،
|
Post: #5
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: صديق الموج
Date: 11-04-2012, 08:33 PM
Parent: #4
Quote:
وحاول تقارن بينو وبين جمعه اول امس |
ياسر حجك مبرور يا حبيب
عارفك هلالابى لكن ما قايلك مكابر قدر ده
والله الحضرى كان غلط قدر دى الف مره تظل
المقارنه بينه وبين كازياس مجحفة..
تقولى جمعه ؟؟
كدى استعدو لمباراة المركز الثالث،،،
|
Post: #6
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: Ashraf el-Halabi
Date: 11-04-2012, 09:47 PM
Parent: #5
| Quote: كدى استعدو لمباراة المركز الثالث |
يا خال بثقة نبارك ليكم الفضية
لكن الكاس حق الفايز من الهلال والدواليب أربعة ضلف ديلاك
|
Post: #7
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: بشرى مبارك ود السقاى
Date: 11-04-2012, 10:16 PM
Parent: #6
والله يا صديق الموج ما طالبنى حليفة مستوى مباراة اليوم بين ليوبار والمريخ ذكرتنى مستويات طيبة الذكر (سيكافا) والله الحكم الجاى فى أمدرمان موبايل نويكا 3310 القديم (الاخضر بلومى ) كفاهو !! مافى داعى تقومو نفسكم والهدايا الجد جد وفروها للنهائى أكان معانا أو مع دجوليبا !!لكن والله هداياكم للحكم الزامبى لكى (تتخارجوا من دجوليبا ) كانت ضربة معلم والله دجوليبا الشفناهو كان فى أمدرمان أداكم إتنين تلاته .
* أخر سطر يا صديق الموج البطولة دى ما فيها مركز ثالث !!! البطل والوصيف فقط .
|
Post: #8
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: المعز ادريس
Date: 11-05-2012, 06:30 AM
Parent: #7
صديق الشعب (طبعا عارف دي على وزن شنو!), صديق بتشديد الدال!
و انا منقطع من المنبر من ما ختينا ليك تابوت أشهر زواج في الوسط
الفني!
نجي لي موضوعنا:
هسة سيرة الهلال لزوما شنو؟!
يعني: اليسويها الحضري فيكم نلقاها في جلد الهلال ولا شنو؟
زكرتني الكاشف مع الفلاتية: هسة سألوكي مني؟!
خليت السيناريو الحصل بسبب الحضري و قلت تتناول الهلال؟!
أسمع يا صديق النكلمكم ضحى:
ليوبارد عنده مسمار مسمارين في حفرة العرضة جنوب المؤنقة
حتى لو قدرتو تجيبو الإتنين الليلة وين
و حقو تحمدوا الله على المطرة و الملعب المبلول( فرب ضارة نافعة)!
هسة معطة الدقيقة الأخيرة دي لو كانت لبست؟
خليك جاهز يا خال
فالفاينال هلاليوباردسي!
|
Post: #9
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: جمال خضر
Date: 11-05-2012, 07:08 AM
Parent: #8
صديق الموج
كل عام وانتم بخير
حسب ما وردنى قبل قليل من الفكى أب طاقية أوضح أنه
بعد مباراة المريخ وليوبار الجنينة والمستوى المهزوز الذى ظهر
به المريخ أصبح تأهل المريخ فى كف عفريت وسيحاول
بذل أقصى جهوده حتى يستخلص المريخ من كف ذلك العفريت حتى يتأهل للمباراة النهائية
وذكر لنا أن حاسته السادسة التى لم تُخيب ظنه أبدا قد
أوضحت له أن الكاس هلاليا خالصا وستنتهى المباراة 2/0 وسيحرز الهدف الأول
كاريكا من تمريرة ذكية من مهند الطاهر الذى سيكون عالة على الفريق رغم تسببه فى الهدف
وسيحرز الهدف الثانى سادومبا من ضربة جزاء سيرتكبها الحضرى مع النجم المتألق كاريكا
وذلك فى الدقييقة 17 من الشوط الثانى وستحدث أعمل شغب واسعة من قبل جماهير المريخ
سنوافيكم بها لاحقا .
( ما نحب تأكيده أن اب طاقية مريخى على السكين وكان الألم يعتصره والعبرة تخنقه وهو يدلى بتلك التفاصيل) .
.
|
Post: #10
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: فايزودالقاضي
Date: 11-05-2012, 07:41 AM
Parent: #9
شايف الصفيراب من هسه محضرين شماعة الحكم .دي حالة صعبة خلاص ..
ياخي الاحساس بالهزيمة ده متملك الناس ديل بصورة تستدعي العلاج العاجل والمركز
حكم شنو البحتاج ليهو فريق البطولات الخارجية والكاسات المحمولة جوا
|
Post: #11
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: nazar hussien
Date: 11-05-2012, 07:46 AM
Parent: #10
Quote: والكاسات المحمولة جوا
|
دي ياتا يا ود القاضي؟؟
|
Post: #12
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: فايزودالقاضي
Date: 11-05-2012, 07:50 AM
Parent: #11
Quote: | Quote: والكاسات المحمولة جوا |
دي ياتا يا ود القاضي؟؟ |
يانيزو انت بتشرب بكاس كورة ؟!!
|
Post: #13
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: ismeil abbas
Date: 11-05-2012, 07:59 AM
Parent: #12
صديق سلام وتحية.
| Quote: عليه الكرة فى ملعب الهلال خايفين ليهم من الفضيحة، ربك يستر،،،، |
صديق خلى أمنياتك صادقة.......أنا بتمنى الهلال والمريخ فى النهائى..وفوز الهلال بالكاس...
كثير من المريخاب ماعايزين الهلال ينستر....أها شوفوا عمايلكم بانت فى الحضرى..........التحية للجميع.
|
Post: #14
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: أيمن دياب
Date: 11-05-2012, 08:11 AM
Parent: #12
| Quote: بمستوى الصقيراب الذى رأينا فى مباراة امدرمان |
بركة البقينا (صقيراب) ما بقينا حمام..
والله الصقر الفينا كان لم فيكم إلا ينتف ريشكم ريشة ريشة
|
Post: #15
Title: Re: اتمنى أن ينستر الهلال فى مباراة الرد كى يحقق المركز الثالث والله ص
Author: عبدالله السفاح
Date: 11-05-2012, 08:55 AM
Parent: #9
استاذنا الموج
تحياتي
عينكم للحضري تهابشوا في الهلال
بعدين انت من زمن الخمسات والستات دا زماااااااااااان ولى
الموسم الفات ورغم انه الهلال كان اضعف من الموسم دا قابلنا
الترجي بطل المنافسة في دور الاربعة وبقدرت قادر فاز علينا
بنتيجة 1/ صفر ....
بإذن الله دجوليبافي الباي باي ... ونتمنى من القلب ان يكون النهائي سوداني خالص
ونقلعوا منكم حمرة عين عشان يكون طعمة غير كأس قاري وهزيميتنا للوصيف ( شعور لا يوصف )
|
|