Post: #8 Title: Re: زووووووووووووط هدف أول .... ليوبار Author: احمد محمد بشير Date: 11-04-2012, 04:52 PM Parent: #7
Quote: قليل وطنية يااهل الله دا شنو ياجمال معقوووووووووولة بس ما اتوقعتك تصل بك للدرجة دي والله نشجع الهلال بقوة ودون حقد ........ اللهم لا شماتة .
الزول ده حاقد شديد .... انا عارفو من زمان
Post: #6 Title: Re: زووووووووووووط هدف أول .... ليوبار Author: سليمان الرفاعي Date: 11-04-2012, 04:48 PM Parent: #1
الشفقة شنو العليك يا جمال
أها الدرون جا
Post: #9 Title: Re: زووووووووووووط هدف أول .... ليوبار Author: وائل عبدالخالق مالك Date: 11-04-2012, 04:55 PM Parent: #6
كراعك خضراء علينا يا رشاشة يا حاقد
عليك النبى افتح بوست تانى خلينا نجيب التانى
هذا الهدف يا حاقدين سيكون تذكرتنا للنهائى
رشاشات حاقدين
زوووووووووط يا كلتشى
Post: #10 Title: Re: زووووووووووووط هدف أول .... ليوبار Author: محمد البشرى الخضر Date: 11-04-2012, 04:58 PM Parent: #9
شيل يا بكري ... شيل
Post: #11 Title: Re: زووووووووووووط هدف أول .... ليوبار Author: خالد عبد الله محمود Date: 11-04-2012, 05:05 PM Parent: #10
قلنا ليكـ أنت زول عارض ما صدقتنا ..
Post: #14 Title: Re: زووووووووووووط هدف أول .... ليوبار Author: محمد إبراهيم علي Date: 11-04-2012, 05:10 PM Parent: #10
اين ذهب جمال السنوسي حد يفقدو يشوفو ما يكون جاتو عوجة
ويا بكري اعى تشيل :)
Post: #12 Title: Re: زووووووووووووط هدف أول .... ليوبار Author: الامين موسى البشاري Date: 11-04-2012, 05:07 PM Parent: #9
أنت وود البشـــرى حالتكم صعبة خلاص ابقى راجل وقابلنا في النهائي
Post: #13 Title: Re: زووووووووووووط هدف أول .... ليوبار Author: صبري طه Date: 11-04-2012, 05:08 PM Parent: #12
Quote: أنت وود البشـــرى حالتكم صعبة خلاص ابقى راجل وقابلنا في النهائي
لو دا من قلبك الأسبوع القادم أعمل بوست دعاء وتضامن مع الهلال ...
Post: #15 Title: Re: زووووووووووووط هدف أول .... ليوبار Author: عبد العظيم احمد Date: 11-04-2012, 05:15 PM Parent: #13
الحضري يغلط غلطة كبيرة ويهديهم قون ثاني
Post: #16 Title: Re: زووووووووووووط هدف أول .... ليوبار Author: محمد البشرى الخضر Date: 11-04-2012, 05:16 PM Parent: #13
بأمانة كدا دا ابلد حكم مرتشي في الدنيا ما بعملوها كدا يا خينا الكورة فاول و انذار للمهاجم
____________ كدي يا بكري ما تشيل استنى شوية
Post: #17 Title: Re: زووووووووووووط هدف أول .... ليوبار Author: احمد محمد بشير Date: 11-04-2012, 05:19 PM Parent: #16
ده حكم كـلب ده مع احترامي للجميع , لو جاء في يوم من الايام السودان ح نفلقوا بي طوب في راسو ده
معليش يا حضري , هدف غير معدود أصلاً
Post: #22 Title: Re: زووووووووووووط هدف أول .... ليوبار Author: صالح أشواك Date: 11-04-2012, 05:39 PM Parent: #17
نتيجة إيجابية جداً في بلد الخصم .
المريخ يحرز هدف في بلد المضيف رغم رداءة أرضية الملعب .
الأهداف المهدرة تؤكد بأن مباراة الرد ستكون محسومة .
الصفيراب سنلتقيهم في النهائي و لن يعبروا من منطقة الصفر الدولي عبر بوبات المريخ.
من كاسات محمولة بالجو إلي كاسات محمولة بالباصات .
إبداع يامريخ جواً وبراً أنت سيد الموقف الدولي.
Post: #23 Title: Re: زووووووووووووط هدف أول .... ليوبار Author: صبري طه Date: 11-04-2012, 05:41 PM Parent: #16
Quote: كدي يا بكري ما تشيل استنى شوية
Post: #18 Title: Re: زووووووووووووط هدف أول .... ليوبار Author: الامين موسى البشاري Date: 11-04-2012, 05:28 PM Parent: #13
Quote: لو دا من قلبك الأسبوع القادم أعمل بوست دعاء وتضامن مع الهلال ...
هههههههههههههه يعني أنت ما واثق من ناسكـ ولا شنو؟ تصدق بالله أنا عايزكم في النهائي عشان نضمن الكأس .. ..
نتيجة مرضية الى حد ما بالرغم من أنه كان بالامكان أحسن مما كان ليوبار دا في الخرطوم كواريك وتشجيع ساي بنغلبوا شدوا حيلكم انتوا وتعالوا لينا جاهزين ... والله صحي
Post: #19 Title: Re: زووووووووووووط هدف أول .... ليوبار Author: صبري طه Date: 11-04-2012, 05:31 PM Parent: #18
Quote: هههههههههههههه يعني أنت ما واثق من ناسكـ ولا شنو؟
بصراحة دفاع الهلال لا يطمّن .. وقد كتبت عن ذلك ...
Quote: نتيجة مرضية الى حد ما بالرغم من أنه كان بالامكان أحسن مما كان
والفرق بيننا وبينكم يا صفوة إنو نحن واقعيين والدليل أهو جنس كلامك دا ... إنت متأكد على حسب المُباراة كلّها إنّو كان بالإمكان أحسن مما كان ؟
Post: #33 Title: Re: زووووووووووووط هدف أول .... ليوبار Author: جمال السنوسي Date: 11-05-2012, 08:09 AM Parent: #19
Quote: بصراحة دفاع الهلال لا يطمّن .. وقد كتبت عن ذلك ...
صبري
بس الباقي مطمن
Post: #20 Title: Re: زووووووووووووط هدف أول .... ليوبار Author: ABUHUSSEIN Date: 11-04-2012, 05:33 PM Parent: #18
إنشاء الله النهائي المريخ و الهلال
و جيبو البرير حكم و صلاح إدريس و معاه أي واحد من مجلس إدارة الهلال حاملين راية
علشان ما تقولو الحكم مرتشي
Post: #21 Title: Re: زووووووووووووط هدف أول .... ليوبار Author: وائل عبدالخالق مالك Date: 11-04-2012, 05:34 PM Parent: #18
مبروك للمريخ التأهل للنهائى مقدماً
هدف كلتشى هو تذكرة العبور للنهائى
باذن الله فى الردكاسل وباعصاب هادئة الفوز من نصيبنا وبنسبة كبيرة
دحين انا من حسى منتظر دجوليبا فى النهائى
خروف الضحية ياهو حدو معروف دور الاربعة
يعنى شنطة وشلناها معانا صحبة راكب
النهائى حقنا وبيشبهنا وكل الحمام بعد دا يطير
ومالى والهوى انا ... مالى والهوى ..
Post: #24 Title: Re: زووووووووووووط هدف أول .... ليوبار Author: جدو Date: 11-04-2012, 05:49 PM Parent: #21
يعني يا جيمي نتفك من ود البشرى تطلع لينا انت ؟؟
Post: #25 Title: Re: زووووووووووووط هدف أول .... ليوبار Author: د. ياسر عبد القادر Date: 11-04-2012, 06:11 PM Parent: #24
لاعب مصروف عليه أكتر من اتنبن مليون دولار (فوق الطاولة) و يغلط غلط ساذج زي دا غير مقبول إطلاقا....ولكن لأنو نحن شعب طيب و متسامح حتمر مرور الكرام حتي لو تسبب هذا الهدف في طيران المريخ....
عموما النتيجة طيبة....ومازال مبكرا الحديث عن النهائي...وهو غير مضمون للطرفين حتي صافرة النهاية للمباراة القادمة....
ولكن إذا حدث و تأهل الهلال و المريخ ...لن يسمح جمهور الهلال للوالي وإتحاده و جهاز تحكيمه و جهاز أمنه بتكرار المهزلة السابقة.
Post: #26 Title: Re: زووووووووووووط هدف أول .... ليوبار Author: إدريس البدري Date: 11-04-2012, 06:27 PM Parent: #25
السنوسي ال(حاغد)
راحت عليك
Post: #27 Title: Re: زووووووووووووط هدف أول .... ليوبار Author: جمال السنوسي Date: 11-04-2012, 07:29 PM Parent: #26
زووووووووووووط تاني
يابطيخاب
الكونغو دي ما فيها
جلاكسيات ولا غيرو
فيها الحلاقة زيرو
والبطيخاب بطيروا
من الهلال بغيروا
سيد البلد ملك
Post: #29 Title: Re: زووووووووووووط هدف أول .... ليوبار Author: صديق الموج Date: 11-04-2012, 08:47 PM Parent: #27
جمال الصفيرابى عيدك سعيد نحن عندنا وطنية ما زيك مبروك المركز الرابع،،،
Post: #31 Title: Re: زووووووووووووط هدف أول .... ليوبار Author: بشرى مبارك ود السقاى Date: 11-04-2012, 10:31 PM Parent: #29
سألنى عدد من الاخوان الهلالاب والمريخاب بحكم متابعتى الشديده للأندية السودانية على حساب الدورى الانجليزى والذى لا أعرف متصدره حتى هذه اللحظة ومنذ إقامتى فى بيريطانيا قبل 4 سنوات ) عن موقف الهلال والمريخ مع دجوليبا وليوبار !!فقلت لهم والله أنا الفريق من ما أشوف الاستاد بتاعو متواضع والميدان أكثر تواضعاً بعرفو ما فريق بطولات وقلت ليهم المريخ يعتبر نفسو فى النهائى من الان مع ليوبار الذى تشيه عروضه عروض منتخاب ( أنديةالصومال ويوغندا وتنزانيا وكينا وملاوى وبورندى فى سيكافا !!!) أخر سطر يا جمال السنوسى (والله ليوبار ما داير ليهو ملافظ قدر عنوانك ده وقومت نفسك ساكت !!) ومبروووك للمريخ النهائى رغم هدية الحضرى أبوملاييين من الدولارات !!!! .
Post: #32 Title: Re: زووووووووووووط هدف أول .... ليوبار Author: تاج السر محمد حامد Date: 11-04-2012, 11:03 PM Parent: #31
Post: #35 Title: Re: زووووووووووووط هدف أول .... ليوبار Author: جمال السنوسي Date: 11-05-2012, 08:29 AM Parent: #18
Quote: نتيجة مرضية الى حد ما بالرغم من أنه كان بالامكان أحسن مما كان ليوبار دا في الخرطوم كواريك وتشجيع ساي بنغلبوا شدوا حيلكم انتوا وتعالوا لينا جاهزين ... والله صحي
