هيييييع .. النجيضة ما عاوز علاقة مع اي سوداني

بالدارجي عديل كدة

عبارة سمعتها كثير من بعض سودانيين المهجر المستلبين وسرعان
ما يلجوء ويفتشوا فتيش للسودانيين بمجرد ما تحل بآحداهم أي
عثرة أو اي مشكلة .

عادل
يا وغد ..
ما تلف وتدور معانا ساكت .. أنت لسع بتحب البت الغجرية وعايز مافى زول يكشف نومتك ويعرف محل بتتحاوم .. لكن يا عادل أعرف لو عملت "دليفرى" بالغلط ساكت بمحلة الغجر هناك من يأتى بقصتك كاملة ..

ألعب غيرها ...

مع دوام أعجابى بالفحلوة التى تمارسها ..

بريمة

التحية للراحل المقيم اسماعيل حسن نسأل الله أن يتقبله قبولا حسنا
بقدر ما أعطي وبقدر ما قدم

Quote: عادل يا وغد .. ما تلف وتدور معانا ساكت .. أنت لسع بتحب البت الغجرية وعايز مافى زول يكشف نومتك ويعرف محل بتتحاوم .. لكن يا عادل أعرف لو عملت "دليفرى" بالغلط ساكت بمحلة الغجر هناك من يأتى بقصتك كاملة .. ألعب غيرها ... مع دوام أعجابى بالفحلوة التى تمارسها ..

بريمة يابن عمي
عساك والاسرة بخير

عاوز تشوهه سمعتي يا وغد مش كدة ، الغجرية دي زمن وانتهي
لكن تصدق مرات لمن أتصفح سودانيز دي بزعل وبحسد بورداب الخرطوم عديل
كدة. ضيوفهم ماشاء الله عيني باردة . يازول حرم بلدا ما يجيك فيها ضيف تبقي زي الزول الاجرب
فيها . يابن عمي تعال زورنا وليك علي لو ماشالتك العيون والراس حرم أضبح ليك جاري دا أنشاءالله
يدوني مؤيد .

سلام يا عادل

المقولة دي بتتقال دائما في حالات غدر من سوداني أو أكثر يعني زول يتغدر أكثر من مرة من سودانيين ودائما بتكون في المسائل المالية

أو كثير جدا تقوم تجيب ليك زول لي شغل بعد شوية تلقاه بيحفر ليك انت الجبتو دا لمجرد خلاف بسيط في الشغل

وطبعا ما بتعمم لأن العلاقة المتكافئة مع سوداني في الغربة بتخليك تشعر بالأمان وتبعد عنك وحشة الغربة عكس صداقة الجنسيات الأخرى والبتكون فيها الثقة ما متوفرة إلى حد كبير

لأنها في الغالب بتتبني على مصالح عملية أو مالية أو جيرة مرحلية.

أن اضرب ليك مثال :
قبل فترة كان في سوداني جابو قصتو في قناة النيل الأزرق إنو لقى قروش ورجعا لصاحبها

أنا قريت القصة دي واتكيفت وبكلم في واحد سوداني كان معاي في اللحظة ديك كان معانا بنغالي مرتبط بشغل معانا

لما سمع الكلام دا قال لي دا بيفرق من سوداني تاني شال مني 5 ألف ريال عشان تجديد إقامة ولحدي الآن لي 6 شهور ما عارف عنو حاجة ولا برد علي في التلفون

وكان صادق وتحس بالغبن في عينيه وشعرت بخجل قدامه وما قدرت أقول ليه حاجة

أها زي الأخير دا أنا ما عاوز معاه علاقة

والله يا ود الباهي ضببت كيبوردي وجيتك جاري
قلت افووووو الجنا دا جنا ولا شنو ؟ دا الجنا العليهو الرك داير اتعولق كمان
لكن طلعت سليمة واخدت نفس وقلت الحمد لله زي بتاع دعاية ام تي ان داك
.
.
بنبقا ولا عصا؟
بنبقا
الله عفا
.
.
العيد مبارك عليك
والله اعرس ليك في السنة الشينة دي قول يامين

Quote: سلام يا عادل المقولة دي بتتقال دائما في حالات غدر من سوداني أو أكثر يعني زول يتغدر أكثر من مرة من سودانيين ودائما بتكون في المسائل المالية أو كثير جدا تقوم تجيب ليك زول لي شغل بعد شوية تلقاه بيحفر ليك انت الجبتو دا لمجرد خلاف بسيط في الشغل وطبعا ما بتعمم لأن العلاقة المتكافئة مع سوداني في الغربة بتخليك تشعر بالأمان وتبعد عنك وحشة الغربة عكس صداقة الجنسيات الأخرى والبتكون فيها الثقة ما متوفرة إلى حد كبير لأنها في الغالب بتتبني على مصالح عملية أو مالية أو جيرة مرحلية. أن اضرب ليك مثال : قبل فترة كان في سوداني جابو قصتو في قناة النيل الأزرق إنو لقى قروش ورجعا لصاحبها أنا قريت القصة دي واتكيفت وبكلم في واحد سوداني كان معاي في اللحظة ديك كان معانا بنغالي مرتبط بشغل معانا لما سمع الكلام دا قال لي دا بيفرق من سوداني تاني شال مني 5 ألف ريال عشان تجديد إقامة ولحدي الآن لي 6 شهور ما عارف عنو حاجة ولا برد علي في التلفون وكان صادق وتحس بالغبن في عينيه وشعرت بخجل قدامه وما قدرت أقول ليه حاجة أها زي الأخير دا أنا ما عاوز معاه علاقة

حمد يا حبيب

سلام وتحايا

السودانيين ليست بأنبياء، فينا الصالح وفينا الطالح وانا القدامك دا ليس بكامل
فالكمال لله وحده ،مادام عايش في هذة البسيطه يا ماتشوف أصناف من البشر ولكن دا
مابيخليني أو يخليك تقول أو أقول ماعاوز علاقة مع أي سوداني . فجمع السودانيين في سله
واحدة ظلم مابعده ظلم . هناك اناس بيملؤء العين لمن تدفق في كل شيء .

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

بقو كلي

محل قبلت القاهم معاي معاي زي ضلي

وكان ما جيت من زي ديل وا اسفايا وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي

Quote: واهل الحارة ما أهلي

ود كرار كيف؟
كل سنة وإنت طيب .

Quote: والله يا ود الباهي ضببت كيبوردي وجيتك جاري قلت افووووو الجنا دا جنا ولا شنو ؟ دا الجنا العليهو الرك داير اتعولق كمان لكن طلعت سليمة واخدت نفس وقلت الحمد لله زي بتاع دعاية ام تي ان داك . . بنبقا ولا عصا؟ بنبقا الله عفا . . العيد مبارك عليك والله اعرس ليك في السنة الشينة دي قول يامين

أهلا ومرحب بالعزو ماهو لفايه
اب ناراً تولع للضيوف دفايه حباب ود البوش

عيد سعيد وعمر مديد

والله البزعلني الواحد يشبكك ماعاوز علاقة مع أي سوداني
قدام وشك ، أول ما ينزنق أول حاجة بيفكر في السودانيين ، فالانسان
بيتعامل بأصلة الناس بالناس والكل برب العالمين.




موضوع العرس دا منتظرين الزواج الجماعي

Quote: ود كرار كيف؟ كل سنة وإنت طيب .

استاذنا محمد علي

كل سنة وانت والاسرة بالف خير

يا الملك المشكلة لو الواحد بيتعامل بردود الافعال ما أظن
يلقي ليهوا زول يقول ليهوا السلام عليكم يا ها دي الحياة كدة
رضينا ام أبينا . ودكرار بالف خير بالمناسبة من أكثرالقراء
لسودانيز أون لاين أسع بيقراء كلامك دة ويتصل فيني يردح

وصية ليك يا عادل ولدي ولكل الناس
اصلك ما تعمل حاجة لزول وتحرا فيها رد جميل منو هو شخصيا
عشان ما تندم وتتحسر ومروتك تقل من الناس التانيين
اعمل الحاجة لرب العالمين ورب العالمين بنصرك واعزك واكرمك
اكتر من الكرم المتوقعو من البني آدم
وعندي ليك تاني وصية يا عادل باقي ات زول ضؤ
كان جاك زول وقاليك ديني قروش وات يعني ما متأكد ارجعن ولا لا ؟
يعني معناة المعنى قاليك ديني 400 يورو
اديهو 200 يورو ساكت كدي لي الله ساهي
اولا بكون فرحان بالوضع دا
وات تعتبر نفسك دينتو 400 يورو وفي الاخر رجع ليك 200 يورو
اها من البداية حليت نص مشكلتو وريحت رقبتك من مساسقة الخلاس
وفي نفس الوقت كسبت الاجر وبيضت وشك وحليت نص المشكلة وارتحت من حاو وهش
تسلم يا الكلس

أضرب القراف، خلى الجمل يخاف



فووووووق ...



___
التعديل لاضافة حرف الالف ..

النجيضة
العيد مبارك عليك