Post: #1
Title: الحكم على دجاجة بالحبس الإنفرادي ...
Author: تبارك شيخ الدين جبريل
Date: 11-04-2012, 01:07 AM
كتب أحمد محمد بشير:
Quote:
| Quote: اها يا احمد بذكرك شنو |
كان عندنا قفص جداد في الحوش حق البيت
كونا بندي الجداد باقي الاكل وبعض الحبوب كنت بشتريها ليهم من سوق اللفة ,وبالمقابل كونا من بنستفيد من البيض ومرات ومرات كده كونا بنضبحم لمن يزيد عدد الديوك
اها في القفص ده كان في جدادة كده عكليتا زيك إنت كده .......... بالعصريات ومرات كِده بالضُهريات كونا بنفكهم في الحوش عشان يرتاحوا من الحبس ويتفسحو شوية ........ الجداد كُلو كان بيتوجه او حاجة "للزير" كانو بيشربوا الموية من الجردل التحت الزير وبعضهم كان بينوم تحت الزير لانه الجو بيكون عادةً بارد وخصوصا انه الزير حقنا تحت شدرة ليمون.
اها الجدادة العكليتة و الشيطانة كانت بتمشي على المطبخ وتطلع فوق البوتوجاز وتخربط الحِلل و الملاحات وتبوظ الاكل حق الغداء , بعد ما تخرب ونطردها كانت بتتوجه لاسلاك الكهرباء و تخربط الشاحن حق الموباليل وتجرجر الوصلة حقت التلفزيون , وكانت بتحفر لينا الحوش برجلينا وتحفر حفرة كبيرة في محل الضيوف وترقد فيها وجنها تاخد حمام بالرملة يعني تدردق في الحفرة وتغطي نفسها بالتُراب , و أسوأ حاجة كانت بتخرب وتوسِخها الملايات وتطلع فوق السراير اها الخراب بتاع الجدادة دي كِتر شديد وناس البيت قرروا إنهم يضبحوها بالسكين عشان يرتاحو منها ومن الخراب البتسوي فيهو ده , انا اعترضت على قرار الضبح بشدة , وكانت مبرراتي لذلك انه الجدادة دي بالزات قاعد تبيض كل يوم ولو ضبحناها حنفقد هذه الثروة و إنه ممكن نحبسها في القفص ونأدبها كم يوم كده , المهم بي جاي و بي جاي ناس البيت رضوا بي الاقتراح بتاعي .
اها انت بتذكريني بالجدادة دي , الحمام كلو طفش من المنبر إلا إنت مُصِرة تجازفي في البورد العجيب ده , ومرات البوست بيكون جادي جدا وفجأتن تجي داخلة إنت بالوش الاخضر بتاعك وتحولي البوست عن مجراهو ...... يا وضاحة وجودك عامل نكهة في البورد |
Re: **** يا رجال طفشتوا الحمام ظاتوا****
... المهم ....
|
Post: #2
Title: Re: الحكم على دجاجة بالحبس الإنفرادي ...
Author: سيف النصر محي الدين
Date: 11-04-2012, 01:46 AM
Parent: #1
اها و اتأدبت و للا النظرية شنو بالضبط ؟
_____________________________
ايقونة "عاجل" في السلك لكن يا معلم.
المهمين.
|
Post: #3
Title: Re: الحكم على دجاجة بالحبس الإنفرادي ...
Author: عادل خياري
Date: 11-04-2012, 05:52 AM
Parent: #2
سلام تبارك
المهم
والله سمعنا بي ديك العدة لكن جدادة العدة والمطبخ دي الا عندكم انتو براكم
| Quote: اها الجدادة العكليتة و الشيطانة كانت بتمشي على المطبخ وتطلع فوق البوتوجاز وتخربط الحِلل و الملاحات وتبوظ الاكل حق الغداء , بعد ما تخرب ونطردها كانت بتتوجه لاسلاك الكهرباء و تخربط الشاحن حق الموباليل وتجرجر الوصلة حقت التلفزيون , وكانت بتحفر لينا الحوش برجلينا وتحفر حفرة كبيرة في محل الضيوف وترقد فيها وجنها تاخد حمام بالرملة يعني تدردق في الحفرة وتغطي نفسها بالتُراب , و أسوأ حاجة كانت بتخرب وتوسِخها الملايات وتطلع فوق السراير |
|
Post: #4
Title: Re: الحكم على دجاجة بالحبس الإنفرادي ...
Author: تبارك شيخ الدين جبريل
Date: 11-11-2012, 07:00 PM
Parent: #3
ثم انبرى "ديك العدة" للدفاع عن "الجدادة المزعوطة" ...
وسنواليكم بالأخبار أولاً بأول ...
... المهم ....
|
Post: #5
Title: Re: الحكم على دجاجة بالحبس الإنفرادي ...
Author: محمد إبراهيم علي
Date: 11-11-2012, 08:19 PM
Parent: #4
في خبر بايت
شايف ديك المسلمية دخل القفص و بيعمل في حركاتو زاتا
(المهم) العمل شنو ياكبير :)
|
Post: #6
Title: Re: الحكم على دجاجة بالحبس الإنفرادي ...
Author: Mahmoud Mustafa Mahmoud
Date: 11-11-2012, 08:47 PM
Parent: #5
البوست دا جمع ألذ ناس في النت موش البورض بتاعنا دا فحسب...
تبارك ودكتور سيف وباشمهندس ود ابراهيم...
| Quote: (المهم) العمل شنو ياكبير :) |
باللاي في لذاذة أكتر من كدا؟؟؟
...
|
Post: #7
Title: Re: الحكم على دجاجة بالحبس الإنفرادي ...
Author: حيدر حسن ميرغني
Date: 11-11-2012, 09:23 PM
Parent: #6
مرة ياتبارك في علماء حاولوا يعرفوا اذا كان القرود بتصاب بالامراض النفسية وتوابعها الصحية
قاموا جابو قرد وختو معاهو قردة في قفص ، وفي القفص الموازي ليهو وضعوا قرد لوحده
بعد يومين شالو القردة "الجكسوية" من القفص الاول وحولوها للقرد التاني
وحصلت الزمزغة
وقاموا كشفوا على القرد ليعرفوا اثر "الشاكوش"
تصدق جاهو ضغط
--
اها هسع الدجاجة دي برضو بتتأثر بالحبس برضو
|
Post: #8
Title: Re: الحكم على دجاجة بالحبس الإنفرادي ...
Author: تبارك شيخ الدين جبريل
Date: 11-12-2012, 01:07 AM
Parent: #7
كـلـب ... جدري يلعب؟ 
تقول لي العمل شنو يا باشمهندز؟
أها ... نبقى في جنس دا؟ ... العمل عمل ربُنا ... هههههههههه
(ربنا يحفظ كرامة الديك ... ويصون عرض الجدادة!)
... المهم ....
|
Post: #9
Title: Re: الحكم على دجاجة بالحبس الإنفرادي ...
Author: سيف النصر محي الدين
Date: 11-12-2012, 01:14 AM
Parent: #8
Quote: وقاموا كشفوا على القرد ليعرفوا اثر "الشاكوش"
تصدق جاهو ضغط |
كامل التضامن مع ابوالقرود.
الحكاية دي يا حنين يتكتل عديل، صاحبك ده محظوظ جاهو ضغط بس. و بعدين العلما الساديين ديل كانو متخيلين شنو يعني؟
انو القرد ما عندو احساس؟
تعب داروين راح هدر ساكت غايتو.
|
Post: #10
Title: Re: الحكم على دجاجة بالحبس الإنفرادي ...
Author: تبارك شيخ الدين جبريل
Date: 11-12-2012, 11:59 PM
Parent: #9
"برة العرة" ... في حالة تضامن مع "الجدادة المزعوطة" ... "سجيمان" لم يكن متاحًا للتعليق!
(والستارة اللبنية لزوم الفنكهة بعد الزعيط والمعيط!)
... المهم ....
|
Post: #11
Title: Re: الحكم على دجاجة بالحبس الإنفرادي ...
Author: طارق جبريل
Date: 11-13-2012, 00:54 AM
Parent: #10
|
Post: #12
Title: Re: الحكم على دجاجة بالحبس الإنفرادي ...
Author: تبارك شيخ الدين جبريل
Date: 11-13-2012, 04:24 AM
Parent: #11
| Quote: البوست دا جمع ألذ ناس في النت موش البورض بتاعنا دا فحسب... |
شايف الخور يرقش ... فاتح بلعومو راجي بوستيني البريء دا ...
الحالة لسة ما دخلنا في موضوع الحريق بالمكوة ... والحبس مع "ديكة" غير لاحمة ...
... المهم ....
|
Post: #13
Title: Re: الحكم على دجاجة بالحبس الإنفرادي ...
Author: محمد إبراهيم علي
Date: 11-13-2012, 05:53 AM
Parent: #12
ولا يزال ديك المسملية يعوعي
انتو بتكشنو في بصلة ولا بتدقو في ريحة
|
|