الفيك اتعرفت يا زميل, ولا تسأل, ولا تفكر.... تتجسس - فيديو

كل عام وانتم بخير يا زملاء المنبر
اهديكم الفيديو ده بالتبادى


وعيد مبارك علينا وعليكم

ماااااااااااااااالكم ما بتسألوا منّى!!!!!!!!!ما زميلكم انا يا ناس سودانيزاونلاين!!!!!!!!!!!!!!!!
هسى لو غمتنى جاسوس فى زقاق وودانى التوج يعنى مافى زول بيجيب خبرى ولا شنو
----------
بالله كل يوم اتاوق فى المنبر من بعيد اقول يمكن تجى السيرة طايرة ساى ولا حدى يتذكر الموضوع ويقول الناس ديل اخر خبرهم شنو؟
ولا بغم

بصراحة لكن ماااااااااااااااااا زعلتونى شديد

كويس عشان تانى نجيب ليكم خبر تانى

ولا يعنى الموضوع ما مهم وما هاميكم شديييييييد كده


والله يا زميل الفيك اتعرفت الا المنبر ما بنقدر نفارقوا

ول زكريا
كل سنه وانت طيب في التبادي
وفي التواني الناس مشدوهه وتتجاري ما بين اليرموك والمنشيه
مشغوله في شان الريس ابحلقوم بدل اوكامبو طلعلو ابنحار بينحر فوقوا
وبعدين العيد جا وفات والناس ما شمت عافيه من تال الخروف اب ملايين
وناس فطين غلبن البكا يحررو في شان حال البلد اللحق امات طه بعد ما اللمبي
نظرو قصر والطيارات تمشي وتجي زي نار السهراجا . اها ناس اعمامك في الاطراف
الحمه بقت لهم زي النعام البيزوزي من صفرا لي ملاريا لا وبا ما معروف قالوا اظنو من الانتنوف
غايتو الدنيا جري وطيران علا ما بتتلحق
بس غايتو
نقول ليك حقك في رقابنا
وحمدلله علي السلامه

Quote: Haju Muktar ول زكريا كل سنه وانت طيب في التبادي وفي التواني الناس مشدوهه وتتجاري ما بين اليرموك والمنشيه مشغوله في شان الريس ابحلقوم بدل اوكامبو طلعلو ابنحار بينحر فوقوا وبعدين العيد جا وفات والناس ما شمت عافيه من تال الخروف اب ملايين وناس فطين غلبن البكا يحررو في شان حال البلد اللحق امات طه بعد ما اللمبي نظرو قصر والطيارات تمشي وتجي زي نار السهراجا . اها ناس اعمامك في الاطراف الحمه بقت لهم زي النعام البيزوزي من صفرا لي ملاريا لا وبا ما معروف قالوا اظنو من الانتنوف غايتو الدنيا جري وطيران علا ما بتتلحق بس غايتو نقول ليك حقك في رقابنا وحمدلله علي السلامه

اااا هجو ااااخوى وانت اطيب الطيبين
هدا ياهو الكلام البطمن الروح ويشفى الغلة ويخلي الظن ما يخيب الاخوان اتاريهم موجودين بوفرة الا الدنيا ام قدود ما بتنسد
لكن كلامك موقع وموزن جنس وزن وسمح خلاص بالحيل انبسطت منو
يديك العافية والريس ربنا يشفيه وحلقوا يتعافى عشان يكورك لينا باقى عمرو فى لاهاى يارب العالمين