انتو بالمناسبة زميلة المنبر الوزيرة حلفت القسم ولا لسه ؟

ما اظنها حلفت والا ما كنت اكون محروم من المنبر خلال اجازتي القصيرة القضيتها في السودان
ده على اساس انو بكري عمل ليها حفلة هنا كااااااك

غايتو اهو جينا تاني
وكل سنة وجميع العوام بالف خير النخبة طبعا دايما بخير ومتالقين

عيد مبارك يا هندسة وحمد الله على السلامة

البوست ده حيكون تشكيلة من الحاجات كدة نحاول نلحق بيهو الفاتنا

اولا
خالص التعازي لكل من فقد عزيزا له ولم نتكمن من تعزيته
كما نهنئ كل من مرت به مناسبة تستحق التهاني

وانت والاسرة الكريمة بالف خير يا ابو الاشراف

اخص بالشكر الاخت غادة مكي على محاولتها مساعدتي للدخول على المنبر ولكن (النت في الجزيرة زي بص الجريف مرات يمش ومرات يقيف)
ولها خالص اعتذاري عن تمكني من زيارتها ولقائها لضيق الوقت
وايضا اخص بالشكر الصديق وهبة على الابديت السريع وفك الخرمة من خلال اللاتوب الرشاش بتاعو
طبعا ختاني في الصورة تماما في موضوعين حاعود لاحدهما حتما

أوعك تشنف البلد ناذر أون لاين هههههه

حمد لله علي السلامة يا صاحبي وان شاء الله كل الاهل طيبين واكيد العيد هناك اجمل بلمة الاحباب
-------------
اشرف يعني الباشمهندس يكضب ولا كيف هههههه

تحياتي

حمدلله ع السلامة يا هندسة
وكل عام وأنتم بخير

شقدي يا عمك ناذر ذاتو لو جا مارق حيشنف

دي بمناسبة الضحية وتنوع البوست

Quote: شندي - منى ميرغني أقدم لص على سرقة (باقي خروف) كان موضوعاً داخل ثلاجة أحد المواطنين بشندي. وأبلغ مصدر موثوق (المجهر) أن اللص الذي تسلق حائط المنزل أخذ بقية اللحم الموجود داخل الثلاجة وقام بشرب (الشربوت) وترك التلفاز والديجتال، وبعد ذلك ترك باب الثلاجة مفتوحاً ثم غادر المكان. المجهر

Quote: وقام بشرب (الشربوت)

"من تعاطى المكروه عمدا غير شك يتعاطى الحراااااام"

محمد ابراهيم
عيدك فرح
وحمد الله على سلامة الوصول

تخريمة
يا اخوي انحنا برالمة ولسه مكتوبين بقلم الرصاص لكن الشمار حرقنا
لو بصح لينا نسال
دحين
في وزراء هنا
دي تبقى ما كاااااااااااااااااااااااك براها
كاكت
وفقست
وبيضت
والبيضة طلعت فشنك
هههههههههه

احترامي

Quote: أوعك تشنف البلد ناذر أون لاين هههههه

ناذر بقى البوليس بتاع البورد ولا شنو لوووووول الواحد شكلو فاتو الكتير فعلا
انا واحد من الناس لما قاعد امشي بركب الشريحة السودانية من مطار الرياض وطبعا دي مفيدة جدا عشان تعرف تستمتع باجازتك
المطار الناس بتجي تتلب من فوق لي راسك وتجيب واحد من اخر الصف توديهو الجوازات قدامك عادي وبتحصل من زمان وانا لو لقيت زول عملا لي حبابو
بتاعين التاكسي دايرين يطلعو حق الضحية من وراك عادي وبتحصل في ارقى البلدان
السخانة والغبار دي كمان ما عندها الا حل واحد وهو انك ما تجي السودان
الشوارع كعبة ما تبقى كعبة انا يمكن الشارع اجي بيهو مرة واحدة في اجازتي كلها المفروض ينقنق البجي بيهو كل يوم وبعد داك يبقى زيون للمنطقة الصناعية كلها
انا بقول لنفسي ولاولادي دي اجازة ونحن ماشين اهلنا وبلدنا وبحاول اخليهم يحسو بانو المتعة في لقاء الاهل والحرية والامان البحسوهو بين اهلهم
صدقني الحمد لله لغاية اليوم مافي واحد منهم ما بيتمني يرجع السودان اليوم قبل بكرة
السودان صعب على اهلو القاعدين فيهو اما نحن ناس 15 يوم ديل فمفروض نحمد ربنا انهم ادونا دقايق من زمنهم يتونسو معانا ويسمعو قصصنا البايخة ولسانا الاتعوج ده
ياخي شنيف شنو كمان انا زي الصور الحا اجيبا هنا دي عندي بالدنيا وما فيها بلا اغتراب لا بطيخ

شقدي وود الصايم
كل سنة وانتم والاسرة الكريمة بالف خير

ليكم وحشة يا شباب

فرح ابو روضة
اولا مرحب بيك في بورد بكري ده وكل سنة وانت طيب والاسرة بالف خير
المنبر ده فيهو اي شي خليك من وزيرة الهينة
فيهو العوام والخواص والنخبة فيهو ناس شايلين دوشكا وفيهو ناس ماسكين كمنجات وفيهو ناس ساي زينا كدة
الزميلة الوزيرة صيوان الفرح بتاعا اتنصب فوق راسنا ده وجاءت سيول المهنئين والمنتقدين وسيد الصيوان قال خلاص المشكلة اتحلت
لكن احتمال الزولة دي ما حلفت القسم لسه

كل سنة وانت طيب يا هندسة
زي ما قلت كلها خمسطاشر عشرين يوم الواحد أخير يستمتع بيها
خلي النقة لوقتها يوم العودة النهائية

Quote: فرح ابو روضة اولا مرحب بيك في بورد بكري ده وكل سنة وانت طيب والاسرة بالف خير المنبر ده فيهو اي شي خليك من وزيرة الهينة فيهو العوام والخواص والنخبة فيهو ناس شايلين دوشكا وفيهو ناس ماسكين كمنجات وفيهو ناس ساي زينا كدة الزميلة الوزيرة صيوان الفرح بتاعا اتنصب فوق راسنا ده وجاءت سيول المهنئين والمنتقدين وسيد الصيوان قال خلاص المشكلة اتحلت لكن احتمال الزولة دي ما حلفت القسم لسه

والله يا حبيبنا حكم الفتوى في الصيوان الاندق فوق راس الناس دا
متروك لفقها وشيوخ المنبر يردحوا فيه زي ما عايزين
لكن في شوفي في حكاية
قسم الانقاذ دا احسن منو قسم الجبجبة
وتسسلم
على بشاشة وحفاوة الترحاب

قسم بي محيك البدري
بوست متزمزغ
هندسة نورت الرياض بانفجار تريلا
كل عام وانت بالف خير
جيت الرياض انا عااااارفك خرمان لبيت بكري ده
اها
ارعى
هههههههههه

ود البشرى يا حبيب
كل سنة وانت والاسرة بالف خير وعيدكم مبارك (مع انكم ماكلين نعجة ههههههه )
غايتو انت كنت محور الابديت بتاع وهبة وعمك ما قصر اداني المختصر المفيد لكن ما لحقت علي البوست لانو شكلو بكري خورو
المهم اتمنى انك تكون اخدت حقك كامل
ولك علي ان اسرد ما يلي
30-10-2012 الساعة الثانية ظهرا اتصل بي معاوية عبيد (في رقمي السعودي) فهو لم يكن يعلم اني في السودان
المهم قال لي انا اريد ان اعتذر لمحمد البشرى الخضر
فقلت له يا معاوية الاعتذار يجب ان يكون من ثلاثة حاجات
انك تتأسف لمحمد واصدقائه وزوجاتهم وقراء المنبر عن ما بدر منك وتقر بانك اخطأت في حقهم وبهتهم بما لم يكن فيه حالهم
التانية انك تتعهد قدام الناس ان ما ترجع لمثلها ابدا
والثالثة ودي حقت محمد البشرى تساله فيها وتقول ليهو بالواضح كدة : انا يا زول بقر اني بهتك بما يكن عليه حالك وانا دلوقت بقر بهذا فكيف تريدني ان اصحح هذا الخطأ وانا ملتزم بذلك امام الناس
فاتمنى ان يكون قد اوفى بما التزم به
غايتو وشنا منك في الواطة دي فما علمنا عنك ممن عرفك يجعلنا نشعر بفداحة الجرم وعظم البهتان وعذرنا ال######## بقصر اليد عن العون فاعفو لنا تقصيرنا في امرك

الكلمة المشخبتة دي هي الـــــتا فه

Quote: هندسة نورت الرياض بانفجار تريلا

يا زول الواحد قرب يشك في نفسو
حضرت قصف اليرموك لايف (بس بعيد شوية )
وتريلة الرياض عرفت بيها وانا في مطار الخرطوم هههههه

كل سنة وانت طيب يا دكتور والاسرة الكريمة بالف خير

بعض من بقايا شربوت العيد



اخوكم يمكن شارب ليهو صفيحة في اليوم الاول بس لووووول
تقول لي شناف هسي دي ما بالدنيا وما فيها هههههههه

يامراحب
أها نديك الشمار التاني


-----
سناء خالد فتحت مطعم في فوكوكا
في دليفري لمن يرغب مهما طالت المسافة
الرياض قريبة ولا الجزيرة

أهم شئ مسكنا المعروضات إنتو ما مضمونين تجي يوم تشوتونا زي الماحصل شئ ....

كل سنة و إنت و الأسرة طيبين و بخير و ربنا إحقق الأماني

حمد الله على السلامة يا محمد

وكل سنة وانت طيب


الشربوت دا شكلو كافر أنا بعرفو من لونو

من ما تلقى اللون بني في الوسط وفاتح في الاطراف أعرفوا خطير

كل سنة وانت طيب يا حيدر

والله سناء لو كان عملت لليابانيين ديل جنس الشربوت الانا شربتو ده هسي كان يكون مطعمها ده حديث اليابان والصين معا لووووول
امنياتي بالتوفيق لسناء خالد
وشكرا لك يا حنين

كل سنة انتم بخير وزميلة البورد سامية وعيالها طيبين

وحمد لله على سلامتكم من انفجار شرق الرياض ده
اوعى تكون من الخلعة مسحت ليك فولدر فولدرين كدة من كابشراتك العجيبة ديك هههههههههههه
ياخي صاحبك وهبة دفاااااان عديل كدة وراني العجب في فولدراتو جنس كابشرات في ناس مستعدين يدفعو فيها ويمسحها ليهم لوووول
غايتو لو انقلب لمبتز حيغنا لجنى الجنا هههههههه

Quote: الشربوت دا شكلو كافر أنا بعرفو من لونو

لوووول
يا حمد دي شربوت شيوخ ما تبهتنا ساي هههههه
نشرب وعادي نقوم نمشي الجامع نصلي فوكا حاجة دي

كل سنة وانت طيب والاسرة الكريمة بالف خير

Quote: اخي شنيف شنو كمان انا زي الصور الحا اجيبا هنا دي عندي بالدنيا وما فيها بلا اغتراب لا بطيخ

oh ya

then why don't you live there permanently , or at least be appreciative to the country that you live in now .


no harm feelings ....

regards

الوزيرة حلفت .. وانت رجعت بدون ما نلاقيك

حمدا لله على السلامة يا محمد وكل عام وأنت والأسرة بخير وإن شاء الله تكون وجدت الأهل بخير. والله في تعليق فوق مزعلني قربت أتماسخ لكن خليها لوقت تاني.

Dear Galaledin

Quote: then why don't you live there permanently , or at least be appreciative to the country that you live in now

I am appreciating the country where I am now and not saying any thing negative about it today or before
I am just not happy to be an expat what is wrong with that
living in Sudan is my dream and I am working daily to make it real & praying every second for my country to be attractive for all of us including you
Why I left Sudan has nothing to do with politics or Inqaz (surprise ha) it is only because of (to surprise you more ) all my friends left and I have no one to chat with and now I have new friends there and this is a good reason for me to be happy to go back , I passed the worst times early nineties and I am sure I can do it again now , how ? this may be a subject for separate post
Eid Mubarak to you and Your family

كل سنة وانت طيب يا حسين والاسرة الكريمة بالف خير
والله النية كانت لكن ضيق زمن الاجازة وظروف عاكست كدة خلتني ما اجي الخرطوم الا يوم قبل السفر
والبرنامج خلي وهبة يحكي ليك هههههه

شيخ العوض كل سنة وانت طيب والاسرة بالف خير
والحمد لله الاهل بخير رغم كل شي حامدين شاكرين وشكرا ليك على السؤال

Quote: I am appreciating the country where I am now and not saying any thing negative about it today or before I am just not happy to be an expat what is wrong with that living in Sudan is my dream and I am working daily to make it real & praying every second for my country to be attractive for all of us including you Why I left Sudan has nothing to do with politics or Inqaz (surprise ha) it is only because of (to surprise you more ) all my friends left and I have no one to chat with and now I have new friends there and this is a good reason for me to be happy to go back , I passed the worst times early nineties and I am sure I can do it again now , how ? this may be a subject for separate post Eid Mubarak to you and Your family

very convincing....thanks .. and hope I wasn't being judgmental.


Happy Eid for you and your family.

Thanx Galal for your understanding

حمد لله على السلامه ياباشمهندس

الاخت غادة
كل سنة وانت طيبة والاسرة الكريمة بالف خير
وشكرا لك على المساعدة التقنية
واسفي يسبق اعتذاري لك ان لم اتمكن من قبول دعوتكم الكريمة بزيارتكم في البيت لظروف طارئة

حمدلا على السلامة وأوعك تحيرنا :

http://www.sudaneseonline.com/cgi-bin/sdb/2bb.cgi?

يا ناذر الرابط بتاعتك دة بيودي بيت الجيران

كلمو بالله يا الزبير
لكن ناس السودان معذورين الدخول للمنبر يتم عبر القفز على حيطة الجيران ومصارعة النت بتاع سوداني (زين ما جربتها)
غايتو قصة الشبكة بتاعة سوداني عجيبة (الكلام ده في الجزيرة) مرات تجيك E ومرات 3G ومرات G بس مرات مافي اي حاجة
اغرب حاجة في مدني مرة ادتني error انو انا ما عندي data roaming هههههه شكلو مدني انفصلت مع الجنوب ونحن ما جايبين خبر
لكن في الخرطوم صراحة تمام

مواصلة :
المغتربين مدني
غايتو الما عندو فيها ملف يمشي يعمل ملف طوالي
موظفات وموظفين غاية في التهذيب والرقي في التعامل وسرعة الانجاز انا بشكرهم من هنا

مدني زاتا
حسن جاد الله وطعم السمك القديم زاتو ونفس النكهة المحببة للبلطي والبياض
بس مشكلتو لما مشينا اول يوم بعد اجازة العيد قال ما في موية باردة لانو عربية التلج ما جات اليوم !!!!
اتخيل نفسك بعد ما تاكل ليك سمك تضطر تشرب موية من الماسورة حقيقي دي بالغو فيها وحشو بيها مصارينا
وصادفت كمان موسم القشطة (الفاكهة) آآآآآآآآخ انا منها
معظم البيوت في الجزيرة الان تجد عندهم اكثر من شجرة للقشطة وانتاجها غزير دي صورتها للناس الما بعرفوها ههههههه

معليش يا الزبير ومحمد ابراهيم ..

الفيوز الأيامات دي خالط السلوك كلها مع بعض !!

المهم ..

البوست المقصود موجود في الصفحة الأولى بتاع المعتربين الحيرونا لمن يرجعوا إجازات .. لكاتبه شخصي الضعيف ..!!

الف الف حمد لله على السلامة ياباشمهندش

حبيبنا الكونت كل سنة وانت طيب والف شكر على الهديتين (بتاعة الفيس والهنا دي )
امس شفتها وانا اراجع ما فاتني الله يديك العافية بس ابعد شوية من (البائس) مع تحياتنا ليهو لووووول

ده اللنك يا ناذر انا عارف موضوع ايراد لنكات وانت داخل من بروكسي بودي حتات تانية ومرات بتكون +18

والله المغتربين السودانيين البيجوا السودان اجازات ويرجعوا حيرونا ..!!