والله ياود البشرى معاوية لوقال ليك الكلام الشين في وشك تضحك

معاوية عبيد الذي عرفته لايمكن أن توصفه بالانسان العادي بل من الممكن أن تصفه بالكائن
وهذا المعاوية فوق كل ذلك لايمكن أن يؤذي نمله فبقدر طولت لسانه له قلب ضخم عامر بالمحبةوالبياض
الذي يعرف معاوية لايمكن أن يلومه ابداً مهما فعل لانه كدة ....معاوية يستحيل إنك تكرهوا

العزيز ود البشرى
رجاء انسى ما حدث وانت الكسبان ومثل هذه الامور الاجمل أن تعدي دون إثارة
وسوف تكتشف يوماً أن هذا المعاوية كائن خرافي يندر وجوده في هذا الزمن
اعلم تماماً مرارتك المفقوعة الان من الغبينة
لكن والله لو التقيت معاوية برضوا مرارتك بتتفقع من الضحك والفرحة
ياخي باركها

____

لم احبذ الدخول في التفاصيل وقالوا وقلنا


والله مرة زعلت من معاوية ده سكيتوا من امبدة لحد اركويت كداري هو يجري وانا اجري وراهو وافلعوا بالحجار...

كل عام عام والجميع بالف خير


وتانى لك اعتذارى ياود البشرى ولاسرتك
وعيد سعيد

شكرا صبرى

تسلم يا معاوية
لكن بطل لولوة
وشوف ليك طريقة رضي ود البشرى
غير شكل الاعتذارات المابتودي ولابجيب
وماتشمت فيك ابلة عمر ( ودالباوقة )

شنو يعني يا ود البشرى بوستنا ده مظلل

*

Quote: معاوية عبيد الذي عرفته لايمكن أن توصفه بالانسان العادي بل من الممكن أن تصفه بالكائن وهذا المعاوية فوق كل ذلك لايمكن أن يؤذي نمله فبقدر طولت لسانه له قلب ضخم عامر بالمحبةوالبياض الذي يعرف معاوية لايمكن أن يلومه ابداً مهما فعل لانه كدة ....معاوية يستحيل إنك تكرهوا العزيز ود البشرى رجاء انسى ما حدث وانت الكسبان ومثل هذه الامور الاجمل أن تعدي دون إثارة وسوف تكتشف يوماً أن هذا المعاوية كائن خرافي يندر وجوده في هذا الزمن اعلم تماماً مرارتك المفقوعة الان من الغبينة لكن والله لو التقيت معاوية برضوا مرارتك بتتفقع من الضحك والفرحة ياخي باركها ____ لم احبذ الدخول في التفاصيل وقالوا وقلنا والله مرة زعلت من معاوية ده سكيتوا من امبدة لحد اركويت كداري هو يجري وانا اجري وراهو وافلعوا بالحجار...

ذلك الرجل اؤكد لك انه مات وشبع موت ويمكنك التأكد من ذلك بالحضور الى جدة ومعاشرة معاوية اسبوع يكفي انه يسرب
عنا رواد بيته واصدقاء همه ومن يواسيه ويتأسى معه يكفي معاوية هنا شهادة من عدد من الذين اتصل عليهم للإساءة لنا نحن
اصدقاء اسرته الصغيرة والكبيرة والقائل فينا يوماً الى اللحد ثقةً لكن تكشف الجبل عن حقارة ووضاعة وانتهاك لكل قيم الانسانية
امحي تلك الصورة فكلنا كنا نتعامل على اساس تلك الصورة القديمة الرائعة ولكن الفاجعة الان اكبر .





...........................................................................حجر.

زوربا ياحبيب ...سلامات ..

معاوية عندي هو كما قلتَ
ولا احكم عليه من خلال الاخرين ..
لايعنيني ماضيه ولا مواقفه السياسية
معاوية زول صادق فيما يكتب عندما يكتب عن السياسة
وكاذب حتى لو كان صادق عندما يتهم الشخوص بما لايملك من دليل ..
واعيب عليه خلط الخاص بالعام والتعرض للشخوص
بعدين ياامين في حاجات يصعب اثباتها حتى لو كانت حقيقة
فما عارف ليه هو بيصر يتهم بيها الاخرين دون دليل !!!
الكلام الاتقال كبير وداير زول كبير عشان ينساه ويعفو عنه
اسال الله له العفو والمغفرة ..


تحياتي ،،

هسه معاوية يدق على

Re: وماذا بعد أن اقر معاوية بكذبه يا mohmmed said ahmed ؟
-------------
تظل نجم البورد وشمسه الحارقة التي تبدد الظلام الكثيف
يا م ب خ

تميزي مشاركات م. ب. خ. بالنصاعة والشجاعة والبراعة:
نصاعة الرأي
وشجاعة الصدع به
والبراعة في محاورة حمقى البورد ومغفليه.

الاخ الفاضل
Mohamed E. Seliaman
لك التحية والتقدير

Quote: تميزي مشاركات م. ب. خ. بالنصاعة والشجاعة والبراعة: نصاعة الرأي وشجاعة الصدع به والبراعة في محاورة حمقى البورد ومغفليه

نتفق معك تماماً
لذا نثق في انه سوف يتقبل الاعتذار لانه كبير
والكبير كبير ومتجاوز للصغائر

Quote: معاوية عبيد الذي عرفته لايمكن أن توصفه بالانسان العادي بل من الممكن أن تصفه بالكائن وهذا المعاوية فوق كل ذلك لايمكن أن يؤذي نمله فبقدر طولت لسانه له قلب ضخم عامر بالمحبةوالبياض الذي يعرف معاوية لايمكن أن يلومه ابداً مهما فعل لانه كدة ....معاوية يستحيل إنك تكرهوا

دخول معاوية بعد اثني عشر دقيقة يؤكد اما ان هذا البوست تمت كتابته بالاتفاق معه او ان صاحب البوست وجد معاوية علي قائمة الحضور وكتب ما كتب لكي يكرر معاوية الاعتذار العبيط الذي يريد به قفل موضوع مثل هذا
كيف تقول ان معاوية لا يمكن ان يؤذي نملة وهو من آذي اسر بكاملها او انت تري ان ما فعلة معاوية بمحمد البشري واصحابو عبارة عن مزحه سخيفة ليس الا نتضاحك لها فقط ونواصل بعدها تفاصيل يومنا كالمعتاد

Quote: رجاء انسى ما حدث وانت الكسبان

الناس دي مفتكرة انو معاوية دة خبط عربية محمد البشري في الشارع ولا شنو . يا ناس فكروا في كلام محمد البشري لمن قال انو معاوية قال لية في واحد من الامارات هو النقل لية الكلام يعني دة كلام متداول وبيتونسوا بية في الونسات يعني لية اساس ما زي ما معاوية جا هنا وقال لا اساس له من الصحة

Quote: وسوف تكتشف يوماً أن هذا المعاوية كائن خرافي يندر وجوده في هذا الزمن

دي ما محتاجة فهامه لاكتشافها فهو فعلا كائن خرافي ولو ما فعلا خرافي جنس السواطه دي يقولوا عليها شنو واعتقادة بان بمثل هذا الاعتذار الفطير سيطوي صفحة ما جنته يداه وعقلة الضعيف

Quote: معاوية عبيد الذي عرفته لايمكن أن توصفه بالانسان العادي بل من الممكن أن تصفه بالكائن وهذا المعاوية فوق كل ذلك لايمكن أن يؤذي نمله

الاخ العزيز أمين ..
تحية واحترام ..
والله بصراحة أستغربت فى كلامك الفوق دة وما قدرت انى ما ادخل اعلق !
معاوية كذاب وفقد مصداقيتة فى المنبر وهو اصلا فاقد للمصداقية من اول يوم جاء فيهو
معاوية كذب وقال انا ضابط فى الامن الاقتصادى !
بيقدر يبقى راجل وقدر كلامو ويثبت لينا كلنا كلامو دة ؟
معاوية حيفضل فى نظر كل الزملاء انو زول كذااااب يا أمين يا اخوى ... كذاااب
حتى لو كلامو صاح !

[

Quote: جنس السواطة دي يقولوا عليها شنو واعتقادة بان بمثل هذا الاعتذار الفطير سيطوي صفحة ما جنته يداه وعقلة الضعيف

السواطة

غايتو السواطة دي هي المشكلة ذاتها !

تسلم يا عاصم فقيري

السواطة بالمفراكة سمحة
لكن السواطة بالسان دي تودي التوج

الله يستر علينا في القولناهوا والقالوا علينا

ويسترك دنيا وأخرة

______
بيني وبينك معاوية ده لسانو مفراكةههههههههها

سلام يا مزمل
وتحية وإحترام بزيادة

ياخي عليك الله ماتزعل من كلام معاوية ...

معاوية ده زول جميل واصيل

الاخ الفاضل الزبير
تحية وإحترام

يأخي أقدر موقفك وغضبك على الاخ معاوية واتمنى أن لاتحكم على نوايا الناس ولا تحكم بمالا تعلم

نعم أعرف معاوية عبيد منذ أمد طويل ... ولكن لم يحدث بيني وبينه
اي اتصال او تواصل مباشر او غير مباشر منذ فترة طويلة قد تقارب العام

وحين كتبت هذا البوست دعماً للتصالح ليس الا
ولكي اوصل ما أعرفه بصدق ودعماً لبوست الدكتور
وكي اساهم أن يعفوا عنه ود البشرى ويقبل إعتذاره

نعم معاوية غلطان غلط شديد ودي ما فيها اتنين تلاته
والكلام الذي اتقال مفروض ما يتكرر لابمفردات اللغة ولا التلميح لانو كلام قبيح

وطريقة البعض في في تكرار كلام معاوية واقتباسه موذية لود البشرى أكثر مما تثبت إفك معاوية

ومن يحب ود البشرى ويحترمه كبشر عليه أن لا يلمح الى كلام معاوية او يقتبسه او يكرره

معاوية غلط
والاعتذار الذي قدمه غير مرضي للجميع

ود البشرى له الحق في القبول او الرفض

اتمنى أن يتدافع الجميع لحل هذه المشكلة

وان يتقبل ود البشرى الاعتذار ويعفو

دون الخوض في تفاصيل

معاوية ما خبط عربية لكن غلط في حق وسمعة إنسان ..... ودي بعالجوها بالخاطر الطيب وسلامة النوايا
والمقدرة على الغفران .... والنسيان ولو لا النسيان ما كان الانسان

ولك اعتذاري اذا كان في ماكتبت لا يرضيك

الرفاعي سلام

المقام مفام تواصل لوقف نزيف القول الكعب

قد تكون عرفت معاوية .... لكن قطع شك ما فهمت معاوية
لو الله لا قدر وحصل ليك شىء اول زول بكون جنبك معاوية صدقني

وذي ما قلت ليك يوم زعلني زعل شديد سكيتوا من امبدة لي اركويت

ياخي انت عارف معاوية يقتلك ويكون اول الباكين عليك

سلام يا ود القاضي

يعني عشان انتو اخوال معاوية
تقوم تؤكد كلامي

معاوية ده كارثة متحركة

هههههههههههههههههههههها
لكن الفي قلبوا في لسانوا

ينجضك ....
ما عندو كنترول نهائي
وممكن يكون مجلي فرامل
غايتو اعمل حسابك

هو الكلام ما قالو و إنما كتبو هنا قدام الناس كلها و دي ما أول مرة.....

اقعدوا أمدحوا فيه مليون سنة لكن برضو الحقيقة ياها ما بتتغير لأنو خلاص الناس كلها عرفت إنو زول كذااااااااااااااااااااااااااااااب

و بكذب علشان إرهب أي زول إقيف قدامو و إرهب أي زول إفكر إنو إقيف قدامو


كـــذاااااااااااااااااااااااااااااااااااااااااااااااااااااااااااااااااااااااااااااااااااااااااااب

السلام يا ابو حسين ياخي خت الكورة واطة

الله يهدي معاوية... ويهديك... ويهدينا... ويهدي ود البشرى للعفو

قول آمين يارب العالمين

______

وكمان عشان يكون ليها طعم يرضيك
نسال الله يجعل معاوية من الصادقيين
ويتوب عليه من الكذب

يا ابو حسين والله في ردي مافي تجاهل لمكانتك
لكن والله العشم في العفو كبير

معاوية عبيد الملقب بالطوربيض كذاب أشر ومنافق خبيث لا يخاف ممن في السماء ولا يختشي ممن في الأرض ..
ربنا يهديهو ويتوب عليهو

الاخ طلحة سلام
ربنا يهديهو ويتوب عليه
ويهدينا ويتوب علينا اجمعين

____

قووول يارب

( والله ياود البشرى معاوية لوقال ليك الكلام الشين في وشك .....)
..
.,.
لا يستطيـــــــــــــــــــــــــــــــــع !

Quote: لا يستطيـــــــــــــــــــــــــــــــــع !

يا ابو دية

سلام

الله بهون القواسي

_______________

مكرر لا ابو حسين

يا امين يا ملك هذا الطوربيد الفشنك لا يمكن الدفاع عنه
عمايلو كلها سودا وكذاب اشر لا يحترم لا دين لا اخلاق لا علاقة بكرة.بنجر ليك قصة هنا

Quote: الرفاعي سلام المقام مفام تواصل لوقف نزيف القول الكعب قد تكون عرفت معاوية .... لكن قطع شك ما فهمت معاوية لو الله لا قدر وحصل ليك شىء اول زول بكون جنبك معاوية صدقني وذي ما قلت ليك يوم زعلني زعل شديد سكيتوا من امبدة لي اركويت ياخي انت عارف معاوية يقتلك ويكون اول الباكين عليك

والله يا امين لو في بصيص امل لقلت لك امضي في سبيلك
لكنك بتنحت في صخره صماء حصل وكانت مصيبة واكتفى
بالكتابة وجانا الصباح وترك الاهم وعمل دون المهم معاوية
دا كذااااااااااااااااااب ليس إلا وعليك بالاتصال بود الجمام فهو
يكفيك معاوية ما عاد يحترم احد ولا حدود ولا روابط اخلاقية
له مع الاخرين ...... انت تحكم بالذاكرة وذلك ما اضرنا ورمى بنا
في الاساءة ونحن ندافع عنه للاسف ما من احد دافع عن معاوية
مثلما عملت انا لكنه طلع مريض ومجاف للواقع , وكنت اقول ربما
بكرة افضل هذا ما نستطيع قوله وذكره وما هو خافي انكأ واشد تأسفاً
اعرف معاوية منذ ما بعد الانتفاضة و(.........) فيها من معرفة مؤسف وشديد
تعاطفي على من لا يستطيع فكاك منه .



..........................................................................................حجر.

سلام يا د/ نجاة وكل عام وانت بخير

عارفة والله معاوية ده كما قلت قلبوا ابيض لكن اشتر حبتتين

غايتو ربنا يهدينا ويهديه

يا امين يا ملك هذا الطوربيد الفشنك لا يمكن الدفاع عنه
عمايلو كلها سودا وكذاب اشر لا يحترم لا دين لا اخلاق لا علاقة بكرة.بنجر ليك قصة هنا

كدي فهموني الحتة دي..

Quote: والله مرة زعلت من معاوية ده سكيتوا من امبدة لحد اركويت كداري هو يجري وانا اجري وراهو وافلعوا بالحجار...

الماراثون دا حصل بالجد؟

الاخوة الكرام ....
كون اني بوردابية من الامارات
وكون اني على علاقة اكثر من جميلة بود البشرى واسرته
افتح البورد لاحزن ...واحزن لهذا الموضوع الذي يدور واصبح قضية راي عام
لا اتحدث عن اخلاق ود البشرى
ولا عن علاقة محمد البشرى وبورداب الامارات ...الذين حوله واقصد مجموعتنا منذ ان التقينا في سودانيزاون لاين ...

احزن لان اسرته جميعها تقرأ ما يدور هنا
واحزن لان جميع البورداب في الامارات تاذوا من هذا بكل ابعاده
واحزن للذين يدافعون عن الباطل
معاوية غلط بصرف النظر عن تاريخه في النضال او الخراب في محمد البشرى
معاوية غلط في من اوشى له كون ان محادثات باي حال وباي انواع العلاقات تمت بينه وبين البوردابي الذي راسله او هاتفه بافشاء السر الذي اودعه له (او القطيعة التي مارسها معه في ساعة صفاء اكيد )
معاوية غلط فيما حاول زرعه من شكوك بين البورداب بالامارات ومحمد البشرى الذي نعتبره من خيارنا ومرجعا اخويا وفكريا لنا
كون ان احدهم يوشي وينم عن زميله ونحن كنا نعتبر انفسنا من اجمل العلاقات فيما بيننا ليس لنا غضاضة او مشاكل فيما بيننا
ومعاوية شككنا في بعض كبورداب نتناقش فيما بينا في كثير من الاحاديث السرية جدا كون بيننا قوال ومشاطة ممكن ينقل حاجاتنا عبر الاسافير وهو يعيش بيننا
معاوية غلط وهو المسئول الاول عن غلطو وهو فقط من يصحح المسار وزي ما في ناس بتحب معاوية نحن بنحب محمد البشرى وبنعتبر دي قضيتنا كبورداب ولابد من معرفة القوال فينا حتى نعمل حسابنا منو ..وعلى الذين عرفو وتعمقو في علاقاتهم مع معاوية عليهم التعامل معه بنفس انعكاس زواياهم معه اما معاوية الذي عرفنا هنا فهو الذي امامنا هنا في هذا المحك الضيق الذي وضع نفسه فيه ووضع غيره فيه وادخل الحزن في نفوس الاسر وبورداب الامارات عدا (الذي نقل الحديث وبالتاكيد هو عدو لمحمد البشرى بل اخطر من ذلك لاننا ومحمد البشرى لا نعرفه وهو بالتاكيد بيننا )...
ويبقى حزني

أوع تكونو صدقتو حكاية إنو الكلام دا قالو ليه واحد تاني ......؟؟؟؟

الزول دا ما أول مرة إنجر ليه كلام لإسكات مخالف له في الرأي

شوفو الخور فيه شنو و إنتو تعرفو كمية الكذب اللي كذبها الزول دا

حكاية في زول قال ليه الكلام دي كذبة أخرى لكي يظهر كبطل و هو يغرق في هذا المستنقع الآسن ...

يا ابو الحسين

قول خير البوست ده لتوسيع قيمة العفوا وعشان معاوية يتعلمو نحنا نتعلم

ههههههههها
ياخي طفرك بطير

الاستاذة نعمات
سلامي واحترامي
اتفق معك في وجهة نظرك تماماً
وأسأل المولي أن يطيب حزنك الذي احسه بالفعل

واعلن عبرك كامل تضامني مع ود البشرى
واخص في تطييب الخاطر اسرته واتمنى أن تتجاوز هذه المحنة

وكذلك اتمنى أن تكون تفاصيل هذه الاحداث بكل فداحتها وقسوتها بوابة خير الى اشياء
اجمل في حياتهم

ومعاوية يتحمل المسؤلية كاملة عن كل هذه البلبلة
واتمنى أن يسطيع فعل شىء حتى يطيب خاطر ود البشرى واسرته واصدقاءه
وكمان خاطر الذين يعرفون معاوية

....

سلام يا سارة

كان الزمن جميل

وكنا نسكن الفرح والفرح يسكننا

وكان معاوية زمن براهو

سلام يازوربا

على حسب معرفتى بهذا المواطن

فهو رجل جميل بكل المقاييس

اخو اخوان دى مابختلفو عليها اتنين

رب اسره دى ما فيها شك

اخطأ فى فى حق ود البشرى ..دى مؤكده

تم عقابه من صاحب البورد .. دى فعلا حصلت

اعتذر لود البشرى .. دى موجوده هنا فى بوست طويل وعريض

بجيب اخبار من جوه وصحيحه ميه الميه ... دى مابسبقو عليها زول فى المنبر دا انا شخصيا بهمنى الجانب دا

كون انو اخطأ ..كلنا خطائين المصيبه الاكبر انو كثير من الناس الناقمين على معاويه عبيد فى ايراده لهذه الاخبار الحساسه عملو انهم اصحاب ود البشرى

وهم الوحيدين البحبوهو .. وامممح واح او وعييك وود البشرى للاسف صدق انو الناس ديل معاهو وربعو ذى مابقولو الخليجيين

واخذته العزة بهؤلاء الذين يصطادون فى الماء العكر

كت اوت :

ختو الكوره واطه .. والحياه مابتتوقف .. ولا معاويه عبيد حيتعب من كشف زيف النظام وفساده