Post: #1 Title: فيديو.. موظفة تطلب بطاقة أوباما الشخصية للتأكد من بياناته Author: Haju Muktar Date: 11-01-2012, 08:33 AM
قامت موظفة أميركية بتطبيق كافة القواعد والتعليمات اللازمة والتي يتم اتباعها في التصويت بالانتخابات وذلك مع الرئيس الأميركي باراك أوباما، حيث قامت بطلب البطاقة الشخصية للتأكد من هوية الرئيس ومراجعة بياناته وذلك قبل إدلائه بصوته في الانتخابات الأميركية، وقد أظهر أوباما سعادته لهذا الطلب وقام على الفور باستخراج بطاقته وقام بالمزح مع الموظفة وكان في غاية التواضع معها ومع باقي الموظفين وكأنه مواطن عادي في موقف أثار الدهشة والمرح على جميع الحاضرين.
وكالات
Post: #2 Title: Re: فيديو.. موظفة تطلب بطاقة أوباما الشخصية للتأكد من بياناته Author: Haju Muktar Date: 11-01-2012, 08:35 AM Parent: #1
Post: #3 Title: Re: فيديو.. موظفة تطلب بطاقة أوباما الشخصية للتأكد من بياناته Author: محمد مختار جعفر Date: 11-01-2012, 11:02 AM Parent: #2
سلام وتحية
ما كتبته أنت ، ذكرني بموقف للرئيس الأسبق جعفر نميري عندما كنا نعمل بتليفزيون السودان فى مطلع السبعينات من القرن الماضي ، وكنا قد جهزنا خلفية رائعة ( ديكور ) لبرنامجه آنذاك ( بين الشعب والقائد ) وفى لحظة البدء والمخرج صلاح السيد يتأهب ، تناول النميرى صندوق السجاير من جيبه وفتحه وأخذ سيجارة ليشعلها ، فما كان من محمد طاهر مدير البرامج آنذاك وكان واقفاً بالأستديو إلا ودخل الأستديو آمراً نميرى بالإمتناع عن التدخين ، حيث قال له : سيدى الرئيس ( التدخين ممنوع ) .. فما كان من النميرى إلا وخاطبه ( طيب وقت التدخين ممنوح إنتو خاتين طفايه هنا ليه..!! ) تصور ، ثاني يوم إلا والسيد ، محمد طاهر مدير البرامج ، منقول نهائي الى الوزارة بالخرطوم ... نعم وكنت شاهداً على ذلك تحيتي ..
ياسلام هذا فيديو مريح للاعصاب والنفس ليتنا نتعلم من هؤلاء ونترك العنجهية واستغلال السلطة
Post: #5 Title: Re: فيديو.. موظفة تطلب بطاقة أوباما الشخصية للتأكد من بياناته Author: تبارك شيخ الدين جبريل Date: 11-01-2012, 01:14 PM Parent: #4
اللذيذة قال الصورة في البطاقة قبل الشيب ما يظهر ... عشان ما تقول ليهو مزورة ...
(وين وين وين تلقوا زي دا؟)
... المهم ...
Post: #14 Title: Re: فيديو.. موظفة تطلب بطاقة أوباما الشخصية للتأكد من بياناته Author: Haju Muktar Date: 11-02-2012, 07:24 AM Parent: #5
الاخ محمد مختار جعفر سلامات شكرا علي ايراد قصة الريس المخلوع نميري وله من النوادر مما تجعل الانسان يحتار كيف رجل كهذا حكم السودان؟
Quote: سلام وتحية
ما كتبته أنت ، ذكرني بموقف للرئيس الأسبق جعفر نميري عندما كنا نعمل بتليفزيون السودان فى مطلع السبعينات من القرن الماضي ، وكنا قد جهزنا خلفية رائعة ( ديكور ) لبرنامجه آنذاك ( بين الشعب والقائد ) وفى لحظة البدء والمخرج صلاح السيد يتأهب ، تناول النميرى صندوق السجاير من جيبه وفتحه وأخذ سيجارة ليشعلها ، فما كان من محمد طاهر مدير البرامج آنذاك وكان واقفاً بالأستديو إلا ودخل الأستديو آمراً نميرى بالإمتناع عن التدخين ، حيث قال له : سيدى الرئيس ( التدخين ممنوع ) .. فما كان من النميرى إلا وخاطبه ( طيب وقت التدخين ممنوح إنتو خاتين طفايه هنا ليه..!! ) تصور ، ثاني يوم إلا والسيد ، محمد طاهر مدير البرامج ، منقول نهائي الى الوزارة بالخرطوم ... نعم وكنت شاهداً على ذلك تحيتي ..
الاخ هاشم نورديت سلامات تواضع الرجل يجعلك تشعر انك امام قائد حقيقي اما رؤسائنا تخلعهم السلطه والعربات الفارهه لدرجة انهم يشعرون بانهم فراعنة الارض
Quote: ياسلام هذا فيديو مريح للاعصاب والنفس ليتنا نتعلم من هؤلاء ونترك العنجهية واستغلال السلطة
الاخ تبارك سلامات روح الدعابه تلقائيه ولا ح نلقي زيذه الا في الاحلام او في اليوتيوب
Quote: اللذيذة قال الصورة في البطاقة قبل الشيب ما يظهر ... عشان ما تقول ليهو مزورة ...
(وين وين وين تلقوا زي دا؟)
Post: #17 Title: Re: فيديو.. موظفة تطلب بطاقة أوباما الشخصية للتأكد من بياناته Author: وضاحة Date: 11-02-2012, 08:43 AM Parent: #5
الموظفة حبكتها شوية فالشخصية معروفة، ويبدو لزوم أن الواقعة مسجلة بالفيديو
بالأمس أدليت بصوتى مررت على ثلاث مراحل ‘جرائية وثلاث موظفين مختلفين دخلت صون وخرجت ولم يسألنى أى شخص عن بطاقتى الشخصية، ولا حظت ذلك أيضاً على غيرى المصطفين للإقتراع .. فى حالتى هى ثغرة يمكن أن يتفذ منها تلاعب فى التصويت .
المظفة الأولى تحاشت النظر لبطاقة إثبات الشخصية بالصورىة التى مدتها لها. بل طلبت معلومات شفاهية للتأكد من شخصيتى كانت أولاً تاريخ الميلاد، ثانياً الإسم، ثالثاً عنوان السكن (مطابقتها ببيانات الكمبيوتر) ثم طبع فورم سلم لى لملأه بيانات بسيطة عن الغرض من التصويت المبكر (اإنتخابات العامة) وبيانات ثبوت شخصيتى فى خيار بين رخصة السواقة أو الأرقام الأربعة الأخيرة للسوشيال سيكيورتى، ملأت الثانى.
الموظف الثانى إستلم الفورم لم يسألنى عن بطاقتى للتأكد من شخصيتى بل مؤمن صديق أدخل بيانتات السوشيال سيكورتى بكمبيوتره ومضى على الفورم، ووجهنى الذهاب لقاعة التصويت وهى قرب مدخل المبنى ممرت بها عند دخولى لعرفة الإجرائين الأولين. (كان يمكن فى هذه المرحلة أن أعطى الفورم لأى شخص ويقوم بالتصويت)
الموظف الثالث بقاعة التصويت توقعت أن يسألنى عن إبراز ما يثبت شخصيتى لم يفعل .. صوت وخرجت .. وكأننى شخصية معروفة أكثر من الرئيس أوباما !
وهذا فى ولاية أوهايو التى يعول عليها حسم نتيجة الإنتخابات !
Post: #7 Title: Re: فيديو.. موظفة تطلب بطاقة أوباما الشخصية للتأكد من بياناته Author: Adam Omer Date: 11-01-2012, 03:13 PM Parent: #6
ألاخ هجو مختار
تحية و ألســــــــلام.
هــــــنا فقط تكمن المهنية!!
ليس هناك أحد فوق القانون والنظم المتبعة. حتى لو كان أوباما
نظام الحكم فى أمريكا جن أحمر ما يقدر يتلاعب فية.
نظام وضعة الرئس أبرهام منذ زمن بعيد و ســــــــــارى الى هذا اليوم
مافى أحد من المشرعين ألامريكين. يمس هذا النظام . ألا ألى ألاحـــــــــــن
أين نحن من هاؤلا البشير يشرع و على عثمان يلغى عوض الجار يقول كلام و نافع. يقول على الطلاق ما أفوتة لية
Post: #8 Title: Re: فيديو.. موظفة تطلب بطاقة أوباما الشخصية للتأكد من بياناته Author: محمد حيدر المشرف Date: 11-01-2012, 03:22 PM Parent: #7
حاجة تزعل والله يا هجو ..
Post: #9 Title: Re: فيديو.. موظفة تطلب بطاقة أوباما الشخصية للتأكد من بياناته Author: MOHAMMED ELSHEIKH Date: 11-01-2012, 10:01 PM Parent: #8
البزعل شنو ياود المشرف؟ ياخ كل ناس قدر" خجتم"
Post: #10 Title: Re: فيديو.. موظفة تطلب بطاقة أوباما الشخصية للتأكد من بياناته Author: Rawia Date: 11-02-2012, 01:08 AM Parent: #9
طبعا يادكتور المشرف أول مرة أشوف الفيديو دا وعزة وشرف محمد ولا يسعني الا أن أردد (وين وين وين تلقوا زي دا) او كما غنى تبارك
____ يا فضلي ماتخاف مافي شخشخة كلو في السليم
Post: #11 Title: Re: فيديو.. موظفة تطلب بطاقة أوباما الشخصية للتأكد من بياناته Author: GAAFER ALI Date: 11-02-2012, 01:44 AM Parent: #10
يا محمد حيدر قاعدين مقبرين راجين الخجة حرام عليك تجيب لينا نص الفيدو المافيهو الخجة لحظة الخجة دي ياها لحظة الذروة نطالب نطالب نطالب بالخجة الخجة الخجة
Post: #12 Title: Re: فيديو.. موظفة تطلب بطاقة أوباما الشخصية للتأكد من بياناته Author: عليش Date: 11-02-2012, 03:51 AM Parent: #11
ياهجو كل سنه وانت طيب ياحبيب,,, ده عشان الرؤسا بتاعيننا ديل يفهمو انو الرئيس ليس الا موظفا للدوله,,يخدمها حسب دستورها ويجتهد في عمله كموظف... لكن البفهم التجم ديل شنو انو دي وظيفه موش ورثه...الله يورثهم العجز بركه جاه النبي....
بعدين في ضربه قويه امبارح حصلت لما حاكم ولايه نيوجرسي اشاد بي وقوف اوباما معاهو في الشده وكت الاعصارات قايم وانو اتصل عليه اكتر من سته مرات للتأكيد علي سلامه المواطنين..ودي الحاجه المفروض يعملها السيد (رومني) باعتبار انو جمهوري والحاكم جمهوري...الموقف ده زاد من نسبه ترشح اوباما لمرة تانيه برررررراحه... شخصيه اوباما دي ماتنفع غير تكون رئيس..كريزما عاليه جدا.... حليلك ياراجل المرة.... وكل سنه وانت طيب... محبتي
Post: #13 Title: Re: فيديو.. موظفة تطلب بطاقة أوباما الشخصية للتأكد من بياناته Author: محمد حيدر المشرف Date: 11-02-2012, 06:20 AM Parent: #12
وذلك فى الرد على راوية والذين سبقوها .. كما ونهديها لحظة الخجة ذاتها .. الثانية 35 .. نزولا على رغبة الاخ العزيز جعفر على .. وكل ناس على قدر خجهم .. أو كما قال أستاذنا محمد الشيخ
Post: #16 Title: Re: فيديو.. موظفة تطلب بطاقة أوباما الشخصية للتأكد من بياناته Author: Haju Muktar Date: 11-02-2012, 08:18 AM Parent: #12
الاخ محمد الشيخ سلامات شكرا علي المرور بس خجتنا هزته بي لودر
Quote: البزعل شنو ياود المشرف؟ ياخ كل ناس قدر" خجتم"
الاخت راويه سلامات نفس القصه بس نقول شنو نتفرج ونشوف امكن ربنا يدينا زي ده وعندالله ما بعيد شي
Quote: طبعا يادكتور المشرف أول مرة أشوف الفيديو دا وعزة وشرف محمد ولا يسعني الا أن أردد (وين وين وين تلقوا زي دا) او كما غنى تبارك
جعر علي سلامات الخجه لازمة سيدا والنيه زاملة سيدا
Quote: نطالب نطالب نطالب بالخجة الخجة الخجة
عليش يا حبيب سلامات ياخي ناسنا ديل بيجو بي دبابات وعندهم روح انهم احسن ناس وهم مميزين عن المواطن الكليه الحربيه السودانيه بتخرج ضباط اول حاجه بتزرع فيهم وهم مستجدين انهم ناس ما عاديين وانهم مميزين عن الملكيه,والملكيه في الكليه الحربيه نبذه ,, زول زيده بعد يتخرج بيكون هو حاجه تانيه ما بلك بعد يعمل الانقلاب بالدبابات .. لذلك نلقي العسكري في السودان مميز نفسو عن المواطنين وهي امراض السلطه
Quote: ده عشان الرؤسا بتاعيننا ديل يفهمو انو الرئيس ليس الا موظفا للدوله,,يخدمها حسب دستورها ويجتهد في عمله كموظف... لكن البفهم التجم ديل شنو انو دي وظيفه موش ورثه...الله يورثهم العجز بركه جاه النبي....
Post: #15 Title: Re: فيديو.. موظفة تطلب بطاقة أوباما الشخصية للتأكد من بياناته Author: Haju Muktar Date: 11-02-2012, 08:00 AM Parent: #8
الاخ نادر الفضلي سلام ياخي لو افترضا الحبكه لزوم الفيديو التواضع والمعامله الانسانيه مع الموظفين من الرؤساء عندنا معدومه وممارسة الديمقراطيه نحن بنشوفه عند الناس هناك معاكم الخج عندكم لزوم الفيديو ونحن خجنا خج ال...........
Quote: الموظفة حبكتها شوية فالشخصية معروفة، ويبدو لزوم أن الواقعة مسجلة بالفيديو
الاخ ادم عمر سلام وهذا ما نفتقده في ممارساتنا
Quote: هــــــنا فقط تكمن المهنية!!
ليس هناك أحد فوق القانون والنظم المتبعة. حتى لو كان أوباما
