Post: #1
Title: يا بكري ياخ الاعلانات بقت مزعجة جدا.............. ما عندك معاها صرفة?
Author: بدر الدين احمد موسى
Date: 10-28-2012, 07:43 PM
بعض الاعلانات ذات حمولة جنسية واضحة من تقبيل الي ابراز اعضاء النساء بصورة واضحة, مما جعل فتح سودانيزاونلاين قدام الشفع مخاطرة عدييييييل كدة, لانك ما حتعرف الجاي شنو في الاعلان البعدو!
اليوم هناك اعلان للعبة اطفال اسمها ماريو بروس, و دي بتعمل ري دايركتينق re-directing و مرات تجمد الصفحة على الاعلان. يعني عايز ليك اكثر من دقيقة عشان تقفل الاعلان و تفتح الصفحة و دا بيحصل في اي كليك سواء في نفس الصفحة او بين الصفحات او الرجوع للمنبر العام و خاصية الرد و رفع البوستات الجديدة.
الحقنا يا شيخ!
|
Post: #2
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: Ehab Eltayeb
Date: 10-28-2012, 08:00 PM
Parent: #1
سلام يا بدر الدين وكل عام والجميع بالف خير
نفس الحاصل معاي يا بدر وبقيت محتار ومتردد كتير في
فتح الموقع بالضافة لبعض الاعلانات الممكن تعمل من نفسها
داون لوود لحاجات ما معروفة واكيد فايرس بالرغم من
انه عندي انتي فايرس
فيا بكري نتمي منك ازالة هذه الاعلانات والروابط
او علي الاقل توضيح الحاصل الشنو
|
Post: #3
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: الامين موسى البشاري
Date: 10-28-2012, 08:02 PM
Parent: #2
----------
|
Post: #4
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: بدر الدين احمد موسى
Date: 10-28-2012, 08:11 PM
Parent: #3
البشاري
لا ما بندفع حقها لكن بكري ممكن يفقد جزء من رواد المنبر لو الحكاية بقت مستمرة!
نمرة اتنين, يخيل لي هناك طريقة ممكن بكري يعملها مع قوقل و تحدد نوع الاعلانات التي يمكن ان يتقبلها رواد موقعه.
يعني شنو افتح الصفحة و القي لي اتنين واضح جدا انهم سيقبلوا بعض الثانية الجاية, و تكون قاعدة في حجري بتي الصغيرة و عمرها تلاتة سنوات?
او تجيني صور بت راقدة بصورة مقززة و واضح جدا مغزاها ?
و بعدين منو القال ليك انه الناس ما حتدفع لو كان دا هو العلاج?
|
Post: #5
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: الامين موسى البشاري
Date: 10-28-2012, 08:30 PM
Parent: #4
----------
|
Post: #6
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: بدر الدين احمد موسى
Date: 10-28-2012, 10:10 PM
Parent: #5
ايهاب
كل سنة وانت طيب
مش بالله الاعلانات دي مزعجة?
يا البشاري,
انا ما عندي اي اعتراض على انه بكري يكسب عائد على امتلاكه سودانيزاونلاين, او حتى يعملها بزنس عديل!
انا متأكد انه هناك طريقة للتحكم في نوعية الاعلانات التي يمكن ان تنزل في اي موقع, اذا صاحب الموقع خاطب قوقل رسميا و اخبرهم بان رواد موقعه من نوعية معينة و الاعلانات الفاضحة ستضر موقعه.
حصلت لي في الايميل بتاعي و خاطبت الشركة باني لا اقبل الاعلانات التي تنزل مع الايميل و لو استمرت سأنتقل لشركة اخرى فأوقفوا اعلاناتهم!
و في الفيسبوك بتجيك اعلانات و عندك القدرة على شطبها و لما يسألوك ليه بتكلمهم و بعد داك النوعية ديك من الاعلان ما بتنزل عندك
ياخ افتح البورد و القي اعلان ب sexy arab girls و انا ما بتفرج براي عادة في سودانيز, يعني لما افتح الموقع غاليا واحدة او اكثر من بناتي بجن و يطلعن على اسماء البوستات او الناس, و بالمناسبة دي ,هناك فوايد تعليمية عديل كدة يعني بناتي تعلمن عربي كتير من سودانيز!
لكن لما القى سكسي اراب غيرلس, او اتنين بقبلوا بعض عشان اعلان بتاع مجوهرات الحكاية مزعجة, و تاني حا احاول ما افتح البورد في وجودهن و دا يحرمهن هن اولا و تاني حا يقلل من عدد الزوار و الكلكات و دا لا في مصلحة قوققل و لا بكري و لا بناتي.
وقع ليك!
|
Post: #7
Title: Re: يا بكري ياخ الاعلانات بقت مزعجة جدا.............. ما عندك معاها صر
Author: الامين موسى البشاري
Date: 10-28-2012, 10:17 PM
Parent: #6
بلحيل
ارقد عافية
|
|