Post: #1
Title: شربوت العيد ... أووه ماي قووود !
Author: بريمة محمد
Date: 10-28-2012, 07:36 AM
تناولته مع أصدقاء من الشمالية ..
رهيب ..
لكن دخت دوخة السنين .. يعنى عسّلت تعسيلة لما ما قادر أستقبل ضيوفى فى العيد.
كل عام وأنتم وكل اعضاء وزوار سوداينر .. وسودانيز العامرة وصحابها بألف خير
بريمة
|
Post: #2
Title: Re: شربوت العيد ... أووه ماي قووود !
Author: Deng
Date: 10-28-2012, 07:50 AM
Parent: #1
Quote: تناولته مع أصدقاء من الشمالية ..
رهيب ..
لكن دخت دوخة السنين .. يعنى عسّلت تعسيلة لما ما قادر أستقبل ضيوفى فى العيد.
كل عام وأنتم وكل اعضاء وزوار سوداينر .. وسودانيز العامرة وصحابها بألف خير
بريمة |
العبار بريمة بلل.
كل عام وأنتم بخير.
أما بعد.
شايفك منتشي وداخل البورد وعبابيرك تقول يا ليل، ماشا الله، ربنا يبارك ويزيد من العبابير البتفرح الزي دي.
بعدين يا العبار، دي دوخة ولا كنت under the influence، بعدين تعسيلتك دي كانت مدتها كم ساعة؟ لأنو التعسيلة البنعرفها نحنا هي دائما بتكون في الكنبة أمام التلفزيون ومدتها لا تتجاوز النصف ساعة. بعدين ليه أنت ما تقول أصدقاء سودانين وبس عوضا عن "الشمالية" ولا دي على وزن أنا وأخوي الكاشف !
نحن هنا نحيك ونقول لك كل عام وأنتم بخير مرة أخرى ولكن يجب أن تتزكر دائما. البياكل براهو بيخنق.
نسيت أقول لك. نسبة البتاع في العبابير ده كان كم؟
|
Post: #3
Title: Re: شربوت العيد ... أووه ماي قووود !
Author: Akoy Deng
Date: 10-28-2012, 09:13 AM
Parent: #2
بريمة عيد مبارك عليك وكل عام انت بخير
بس عشان كلنا بشر ومتساويون امام الخالق.... عشان كدا عيدت عليك ياسارق بقر نقوك
وان شاءالله السنة الجاية اسم ابيى يطير من راسكم بلا بحر العرب.. بلا سجم
يلا بعد دا ايها المليشى المراحيلى امشوا وشيلوا معكم ابقاركم الشينة دي
يلا اعملوا خرخرة مع البشير .... واقفوا فى راسو دا ... وشكوا شندى الى نصفين نصف لجعليين ونصف الاخر للمسيرية
|
Post: #4
Title: Re: شربوت العيد ... أووه ماي قووود !
Author: طارق ميرغني
Date: 10-28-2012, 10:17 AM
Parent: #3
| Quote: كل عام وأنتم وكل اعضاء وزوار سوداينر |
دي قويه يا بريمه
ما اظنو عبار واحد بقلب الكلام كده...!!!
وضح... ابن ... افصح
وكل سنه وانت طيب
|
Post: #5
Title: Re: شربوت العيد ... أووه ماي قووود !
Author: عادل الباهي عبدالرازق
Date: 10-28-2012, 11:21 AM
Parent: #4
يا بريمة كل عام وأنتم بخير والعام القادم زي ماعاوز
عيد سعيد وعمر مديد
|
Post: #6
Title: Re: شربوت العيد ... أووه ماي قووود !
Author: Ashraf el-Halabi
Date: 10-28-2012, 01:10 PM
Parent: #5
| Quote: لكن دخت دوخة السنين |
دخت بتاع فنيلك!؟ 
اسمها "لطيت" يا شيخ العرب!
المهم مرحبا بك في نادي الطشمنجية
تاني لما دينق يناديك بـ "العبار بريمة" معاهو ألف حق
|
Post: #7
Title: Re: شربوت العيد ... أووه ماي قووود !
Author: Deng
Date: 10-28-2012, 09:20 PM
Parent: #6
.
|
Post: #8
Title: Re: شربوت العيد ... أووه ماي قووود !
Author: بريمة محمد
Date: 10-28-2012, 11:11 PM
Parent: #7
دينق
كل عام وأنتم بخير ... يا أخى .. أوو .. أوووه .. ولالله عبار جامد، لما تكشطوا لما تمسكك عشراقة فى حلقك ..
بعدين .. تقعد تمشق فى عيونك ذى الزول النظروا طشش ويحاول يمسح وشو عشان يجلى نظره.
رهيب والله.
بريمة
|
Post: #9
Title: Re: شربوت العيد ... أووه ماي قووود !
Author: بريمة محمد
Date: 10-28-2012, 11:20 PM
Parent: #8
أكوى
Quote: ريمة عيد مبارك عليك وكل عام انت بخير
بس عشان كلنا بشر ومتساويون امام الخالق.... عشان كدا عيدت عليك ياسارق بقر نقوك
وان شاءالله السنة الجاية اسم ابيى يطير من راسكم بلا بحر العرب.. بلا سجم
يلا بعد دا ايها المليشى المراحيلى امشوا وشيلوا معكم ابقاركم الشينة دي
يلا اعملوا خرخرة مع البشير .... واقفوا فى راسو دا ... وشكوا شندى الى نصفين نصف لجعليين ونصف الاخر للمسيرية |
يا اخوى نفسك قايم مالك .. الدنيا قبايل عيد .. فى كتابى عن البقارة باللغة الانجلزية .. كتبت فيه حوالى أربعة صفحات عن مشكلة ابيى .. وعن سكان المنطقة قبل وصول دينكا انقوك من بحر الزراف إلى شمال بحر الغزال .. انترستنج جداً ..
الكتاب تحت الريفيو .. وربما يظهر فى أمازون يوم غد 29 أكتوبر .. عملت سعرة رمزى عشان أكبر عدد من الناس يقروه .. أطلع عليهو ونتناقش وإن شاء الله سوف نصلوا لحل لمشاكل أهلنا فى المنطقة. نحن الأن نمتلك كل الحقائق التأريخية وما عايزين حكومة ولا حركة شعبية عايزين أخوانا أولاد دينكا أنقوق وبس .. المشكلة بتتحل ذى ما حلها أجدادنا أروب بيونق وأبو قرون ..
بريمة
|
Post: #10
Title: Re: شربوت العيد ... أووه ماي قووود !
Author: بريمة محمد
Date: 10-28-2012, 11:27 PM
Parent: #9
الحبوب طارق
Quote: دي قويه يا بريمه
ما اظنو عبار واحد بقلب الكلام كده...!!!
وضح... ابن ... افصح
وكل سنه وانت طيب |
يا أخى .. الموضوع دا يرخم بالواحد لدرجة ما عادية .. نحن البقارة لدينا مشروب أسمه الروابه المكوته .. يعنى تروب اللبن لأكثر من يومين .. ثم تخلط الروب بقليل من الماء وكثير من السُكر sugar .. أووء أووه .. لذيذ لذة فوق التصور ..
بريمة
|
Post: #11
Title: Re: شربوت العيد ... أووه ماي قووود !
Author: بريمة محمد
Date: 10-28-2012, 11:41 PM
Parent: #10
عادل الباهى
يا اخى كل عام وأنت وبألف خير ..
يا عادل، يا أخى والله زرتك ما زلت انا مرعوب منها .. يا أخى مرة أنا وصحبى مشينا بحكم سكنى مع نوبا الجبال .. وصحبى من أبناء النوبة مشينا ودخلنا فى الخلوة (محلة الرجال) وما كان فيها زول .. ونحن جايين من فريق البقر فى الخلا وفى ليل دهيم ومطر غزير .. فحسبتنا المرأة الموجود ة فى المنزل أننا حرامية .. فأخذت سكينة كبيرة تشبه الساطور ثم كرشتها فى حجر المسن .. تسن فيها كراش كراش لما اسنان الواحد تضرس .. وقالت إلا تضبحنى دون الأخ الأخر لأنه نوباوى .. فقال لها الأخ النوباوى أن هذا الأخ .. يقصدنى .. أنه صديقى، فقالت المرأة أنها علمت أن أحد أهلها قتله الأعراب فى منطقة تسمى "حجير على " وأنها سوف تأخذ ثأرها فينى حتى إن لم أكن حرامى ..
طبعاً من ناحية المرأة .. أنا ممكن أكسرها كسير السواد .. لكن المشكلة فى بقية القرية سوف تلم فينى .. الموضوع طويل .. لكن المرأة زرتنى زرة لها ضل .. وأخوك أكل زرته وقعدنا فى الخلوة حتى الصباح فوجدناها سكرانه كنجيمورو لما وصلت مرحلة فقدان الوعى ..
بريمة
|
Post: #12
Title: Re: شربوت العيد ... أووه ماي قووود !
Author: بريمة محمد
Date: 10-28-2012, 11:47 PM
Parent: #11
الأخ أشرف
سلامات وكل عام وأنتم بألف خير ..
Quote: دخت بتاع فنيلك!؟
اسمها "لطيت" يا شيخ العرب!
المهم مرحبا بك في نادي الطشمنجية
تاني لما دينق يناديك بـ "العبار بريمة" معاهو ألف حق |
يا أخى أهلنا بقولوا الأعمى فى ذمة المفتح .. يا أخى أنا أنطونى الشربوت وهو ليس من طعام أهلى .. ومن حسن أوتيكيت الضيافة أن لا ترفض لمضيفك دعوة .. فشربت .. لكن بينى وبينك شعرت بعشراقة فى حلقى .. وبعدها توسع خيالى .. وخصب .. وأصبحت تتراءى لى اشياء وخواطر لم أرها من قبل .. فعرفت أن هذا الشيئ قد فعل فعله فى رأسى ..
تحياتى
بريمة
|
Post: #13
Title: Re: شربوت العيد ... أووه ماي قووود !
Author: Deng
Date: 10-29-2012, 06:59 PM
Parent: #12
العبار بريمة بلل.
عساك بخير مع الأعاصير المدورة دي. وإنشالله تكون خزنت معاك باقي عبابير العيد البتنومك ديك.
لأنو الناس مجبورة تقعد في المنازل، وكما تعلم قعدت البيت ساكت حارة، بالذات من غير كهرباء.
|
Post: #14
Title: Re: شربوت العيد ... أووه ماي قووود !
Author: newbie
Date: 10-29-2012, 10:35 PM
Parent: #13
مبالغة يا دينق ,,دي غايتو خلتني اضحك براي
تحياتي بريمة وشربوتكم مبارك
|
Post: #15
Title: Re: شربوت العيد ... أووه ماي قووود !
Author: Deng
Date: 10-30-2012, 08:20 PM
Parent: #14
Quote: مبالغة يا دينق ,,دي غايتو خلتني اضحك براي
تحياتي بريمة وشربوتكم مبارك |
يا newbie ، واضح جدا أن شربوت بريمة ده من أقوى أنواع العبابير المتعارف عليها.
وكما ترى. المفعول باين وظاهر. يا بريمة. أدينا معاك عبار عبارين ياخ.
|
Post: #17
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 09:53 AM
Parent: #15
دينق
Quote: واضح جدا أن شربوت بريمة ده من أقوى أنواع العبابير المتعارف عليها.
وكما ترى. المفعول باين وظاهر. يا بريمة. أدينا معاك عبار عبارين ياخ. |
يا دينق من العبابير الجيدة جداً هى الكنجيمورو ( الله يكرمكم هى مشروب مسكر يصنع من السمسم) .. لكن بحكم أننى من أبناء الأنصار يعتبر الأقتراب من محلات الكنجيمورو من القطعيات فى الحرام ..
لكن أخوك شغال الأن تحت تحت .. أن تكون الكنجيمورو خالى كحول .. مثل البيرة خالى كحول ..
ومن ناحية علمية نحن عارفين كيف تعادل الكحول كيميائياً .. أو عن طريق الغلى .. نحن عايزين الناس ديل هناك يحسن إسلامهم وكجيمورتهم معاهم .. وحينما تكون الكنجيمورو خالى كحول، يكون نط الواحد إلى جهة العبار القوى بتاع الكنجيمورو لا تلفت أنظار الناس.
بريمة
|
Post: #16
Title: Re: شربوت العيد ... أووه ماي قووود !
Author: محمد كابيلا
Date: 10-31-2012, 08:18 AM
Parent: #10
| Quote: يعنى تروب اللبن لأكثر من يومين .. ثم تخلط الروب بقليل من الماء وكثير من السُكر sugar .. أووء أووه .. لذيذ لذة فوق التصور .. |
فى داعى توصلنا المرحلة دى ههههه
ياخ كل سنه وانت بألف خير !!
|
Post: #18
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 09:59 AM
Parent: #16
نوبى
سلامات وكل عام وأنتم بخير
| Quote: تحياتي بريمة وشربوتكم مبارك |
واحد صحبى من ناس الشمالية قال لى النميرى أفسد لينا الشمالية بأكملها .. قلت ليهو كيف؟ قال النميرى حرم علينا الشربوت ... قال مناسبات الشمالية بدون شربوت ما فيها أى نكهة.
واحد من الغرابة يقول: الشربوب والبلح والأفراح .. تيمان برقو فى الشمالية ما بنفرقوا ..
ما تنسوا ترموا فى الشربوت الحرجل ... سر اللعبة.
بريمة
|
Post: #19
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 10:06 AM
Parent: #18
كابيلا
سلامات وكل وعام وأنتم بخير ..
Quote: فى داعى توصلنا المرحلة دى ههههه
ياخ كل سنه وانت بألف خير !! |
قول النسية .. الروب وتزيده موية وتخلط معاه هين سكر .. تصدق فى الأعياد تلقى البقارة واضعين جردل بتاع نسية فى قعر الشدرة .. تقيف على طولك تعبئ لما تقول بس ثم تذهب إلى حيث تشاء وأنت منتشى وتتدشع عاع .. والله حاجة لذيذة خلاص وما فيها أى حرمة.
تخيل بالضبط ذى البسى بسى .. وأعتقد أن عبقرية الشعب السودانى فكرت فى المشروبات التى تهضم قبل ناس المشروبات الغازية يعرفوا الطريق إليها.
بريمة
|
Post: #20
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 10:55 AM
Parent: #19
****
بريمة
|
Post: #21
Title: Re: شربوت العيد ... أووه ماي قووود !
Author: Deng
Date: 10-31-2012, 05:24 PM
Parent: #20
Quote: يا دينق من العبابير الجيدة جداً هى الكنجيمورو ( الله يكرمكم هى مشروب مسكر يصنع من السمسم) .. لكن بحكم أننى من أبناء الأنصار يعتبر الأقتراب من محلات الكنجيمورو من القطعيات فى الحرام ..
لكن أخوك شغال الأن تحت تحت .. أن تكون الكنجيمورو خالى كحول .. مثل البيرة خالى كحول ..
ومن ناحية علمية نحن عارفين كيف تعادل الكحول كيميائياً .. أو عن طريق الغلى .. نحن عايزين الناس ديل هناك يحسن إسلامهم وكجيمورتهم معاهم .. وحينما تكون الكنجيمورو خالى كحول، يكون نط الواحد إلى جهة العبار القوى بتاع الكنجيمورو لا تلفت أنظار الناس. |
العبار بريمة بلل.
طيب الشئ الخلاك تعسل وتنوم نومة عميقة ده كان شنو؟
يا العبار، نحنا ما متنا ولكن شقينا المقابر.
تحياتي لك وللأصدقاء الشماليين أصحاب العبابير القوية.
|
Post: #22
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 05:49 PM
Parent: #21
العبار دينق
Quote: لعبار بريمة بلل.
طيب الشئ الخلاك تعسل وتنوم نومة عميقة ده كان شنو؟
يا العبار، نحنا ما متنا ولكن شقينا المقابر. |
يا أخى ناس الشمالية شيتكم لله ..
ربما التعسلية من ضرب الخروف .. وفى الحقيقة خرفان كتار ..
بعدين يا دينق .. عبابير الروب راقده رج عندى .. يمكن التعسيلة من الروب
بريمة
|
Post: #23
Title: Re: شربوت العيد ... أووه ماي قووود !
Author: Deng
Date: 10-31-2012, 06:23 PM
Parent: #22
| Quote: يا أخى ناس الشمالية شيتكم لله .. |
العبار بريمة بلل.
باقي لي أصحابك الشماليين ديل أنا بعرفهم حق المعرفةن على الأقل واحد فيهم.
قول لهم الشربوت ده كمل ولا لسه في باقي منو؟ لأني داير أجربو.
Quote: ربما التعسلية من ضرب الخروف .. وفى الحقيقة خرفان كتار ..
بعدين يا دينق .. عبابير الروب راقده رج عندى .. يمكن التعسيلة من الروب |
ضرب الخروف يا بريمة!
معقولة بس!
كده راجع عنوان البوست بتاعك الفوق ده كويس.
غايتو الشئ البخليك تعسل وتنوم النومة دي وتقولOoh My GodK ده شئ ما ساهل أبدا.
|
Post: #24
Title: Re: شربوت العيد ... أووه ماي قووود !
Author: بريمة محمد
Date: 10-31-2012, 10:57 PM
Parent: #23
العبار دينق
Quote: العبار بريمة بلل.
باقي لي أصحابك الشماليين ديل أنا بعرفهم حق المعرفةن على الأقل واحد فيهم.
قول لهم الشربوت ده كمل ولا لسه في باقي منو؟ لأني داير أجربو. |
أبداً ما بتعرف فيهم زول .. لكن يا دينق دى كلمة اسمعها منى، البتاع دا قوى شديد ..
أصحابى ناس الشمالية البتعرفهم .. وضعوا فيه الحرجل .. عشان يكسروا سمه شوية .. طلعت تعسيلته ما قوية.
بريمة
|
|