ليلة اعتقال الطيب شيقوق

كانت ليلة الامس ليلة مضيئة في حياتي .. فبعد ان تجمع الاحباب حولي منذ الصباح وحتي هجع الليل واضطجع
وانا اعيش سعاده غامرة غابت عن قلبي الممتلئ بالوجع والذي اذا رف برفق خشيت ان يتثاءب ويغفو غفوة لا
صحو بعدها واذا دق بقوة خفت ان يرهقه الوجيب فيسقط خائرا .. افرحني الصغار عموري وسهي ووداد وساره
ومحمد ابن الشهر الاول الذي يبتسم فتضحك الدنيا باسرها وينتشر فيها الفرح آسرا وصافيا .. ما سر ان ان تفرحنا
ابتسامة طفل وتشبع اعطافنا بري من ظمأ الحياة التي اجدبت ولم تعد تنبت الا الشوك والحسك ..

والتف حولي اباؤهم اكرم وامير وامهاتهم سوزان وندي وحبات قلبي مني وامها اسماء واعمامهم وخالاتهم واخوالهم
واصيحاب اهتدوا الينا بلهب النار المتصاعد من قلبي يهدي الينا ضيف الهجوع .. واكمل التلفون سيمفونية التجمع
الودود فلم يسكت او يرفض دخولا لمشتاق .. ليدوربين الاذان ناشرا للفرح المترع بالشوق والمحبه ..

العيد كان الف عيد .. نزل علي قلبي كنار ابراهيم .. فلما انسكب ستر ليله خشيت ان يذهبوا واختلي بقلبي الموجوع
فيزيده ذهابهم الما .. ولم اصرح بخشيتي هذه حتي لا اقتل فرحتهم وفرحتي .. فذهبوا .. كل بما اختزن من سعاده ..

وهجعت لا الوي علي شيء حتي جيء لي بالهاتف وهو يرن بلهفه .. ولكنه سكت قبل ان يصلني .. وبانت به
اشارة عن مكالمه فائته لايجوز تجاهلها او تاجيل الرد عليها .. فجلست معتدلا .. وناديت صاحبها ..

شيقوق ..

ياحليلك وعيدك مبارك..

واعادني صوته للسعد الذي تسربت اطرافه دون ان تفطن الي وجع ذهابهم عني ..

وهبشته في قلب وحدته وهو يتخلي عن مرافقة ام عبد الله الي الحج حيث يرسّخ فيض الايمان وهج الحب ودفقه
ويربط الزوجين بعروة اوثق واحدث ...

ياه .... لقد طال الحديث كل شأن .. ومرقنا من دار الي دائرة .. وطفنا الشمال والجنوب .. واغترفنا من طهر
حب وطننا الذي لفظنا الي منافي يابسه الاحساس يقتلنا الخوف ان تحتفظ برفاتنا فتحرمنا من جوار نلوذ به
يوم المحشر ..

وقعتك ياخال .. انت معتقل بامر المحبه والود

و(نضمنا) ماشاء لنا الود ان (ننضم) حتي انقطع رصيدي .. وبدانا نأكل من رصيده المتدفق ... يا ألله .. حلم
لو اخترت ان احلمه ما وجدته .. ولم يكن بيدي ان اخلي سبيله بالضمانة او بالتعهد .. فالقبض علي الاحبة
مطلق ليس فيه ضمانة ولا افراج ..

ولكنه افلت ونام هانئا كما نمت هانئا .. ليت الطبيب يعلم انه ليس بالدواء يعالج قلب الانسان .. وانما بالمودة
وطيب الوصل .. وليت من يصفون خالي بانه مسنوح يعلمون كم اضاف الي سعادتي واعادني ال صحة
افتقدها ..

ومازال الطيب شيقوق معتقلا في (زنازين) فؤادي وقلبي .. ويا تلحقوه يا ما تلحقوه

عمر علي حسن

Quote: وطيب الوصل .. وليت من يصفون خالي بانه مسنوح يعلمون كم اضاف الي سعادتي واعادني ال صحة افتقدها .. ومازال الطيب شيقوق معتقلا في (زنازين) فؤادي وقلبي .. ويا تلحقوه يا ما تلحقوه عمر علي حسن

يا عمر

الف سلامة ليك وصحة وعافية

اجمل ما في خالك انه

مسنوح

تحياتي له

Quote: اجمل ما في خالك انه مسنوح

ياشيخنا

نحن لم نرفع عنه هذه الصفة البراقه ...وانما طلبنا من (مكايديه) ان ينظروا بعين الاعتبار والتقدير لما احدثه
هذا المسنوح في ختام يومي السعيد من توازن بين الخوف من ذهاب من نحب عن ناظرينا وبين ما انزله علينا
بحضوره الاخاذ من سكينه ما كانت تاتي بدونه

اما وانه مسنوح .. فهو كذلك .. مسنوح مسنوح مسنووووووووووووووح يا ولدي.

عمر علي حسن

يا الله يا خال ، اتيت من حفل عطرته كلمات محمد عوض الكريم القرشي ، الذكريات والحالم سبانا بصوت المبدعة شموس ابراهيم ( ما اظنك بتعرف مطربي زماننا هذا يا خال - المهم قول بعرف عشان ما يطردوك من بيتك )

عدت الى منزلي وقت الهجعة فوجدت مائدة اكثر دسامة من تلك التى اتيت منها

غايتو صدق من قال رزق تكوس ليهو ورزق يكوس ليك

وجاييك في ضحى يوم غد ان شاء الله يا ابا امير

يا سلام يا عمر كتابه خمجانه ومعطونه بالحب والمحنه !
أشهد أن لك قلب كقلوب أحفادك اليفع الذين شملتهم بتحنانك أعلاه .
أما صديقى شيقوق فهو بالفعل رجل يدغدغ القلوب المرهقه ,
أسأل الله أن يديم بينكم المحبه ويحفظك ويحفظ لك الأسره الكريمه .
تحياتى وكل سنه وإنت طيب .

يا سلام يا عمر كتابه خمجانه ومعطونه بالحب والمحنه !
أشهد أن لك قلب كقلوب أحفادك اليفع الذين شملتهم بتحنانك أعلاه .
أما صديقى شيقوق فهو بالفعل رجل يدغدغ القلوب المرهقه ,
أسأل الله أن يديم بينكم المحبه ويحفظك ويحفظ لك الأسره الكريمه .
تحياتى وكل سنه وإنت طيب .

خالي عمر

سلامي لك ولكل افراد اسرتك الميامين

Quote: ليت الطبيب يعلم انه ليس بالدواء يعالج قلب الانسان .. وانما بالمودة وطيب الوصل .. وليت من يصفون خالي بانه مسنوح يعلمون كم اضاف الي سعادتي واعادني ال صحة افتقدها .. ومازال الطيب شيقوق معتقلا في (زنازين) فؤادي وقلبي .. ويا تلحقوه يا ما تلحقوه

ورد عن المصطفى صلى الله عليه وسلم ، مامعناه أن الأرواح أو القلوب مجندة فما تشابه منها ائتلف وما تنافر أو تناكر منها اختلف ....

فليس كل من جلس معك او حادثك وتبسم في وجهك يعزك ويرتاح اليك ويقدرك يا خالي عمر .
القلوب شواهد ،، وهذا مايستطيع أي انسان بدون تكلف أن يلحظه , فعندما يجالسك شخص ويحادثك وتحس بالحب له والمودة والانشراح أعرف مباشرة أنه يرتاح اليك نفسيا ويفخر ويعتز بمعرفته إياك.
يا ابا امير – صحيح انني لم التقيك شخصيا حتى هذه اللحظة ...فليس كل لقاء مودة ولا كل بعاد جفوة , لقد قال الامام أحمد بن حنبل ( لنا اخوة لانراهم في السنة الا مرة واحدة وقد لا نكون قد رايناهم البتة و نحن أوثق بمودتهم ممن نراهم كل يوم )

تحية صادقة خالصة من اعماق قلبي لعموري وسهي ووداد وساره وقبلة منى علــــــــــى خديــــــي (محمد ) ابن الاسابيع . فهولاء عندي كاحفادي سامي وسارية ومآب وزلفى ومحمد والطيب ( المسنوح) فما احلى صخب وضجيج هولاء عندما يأتوك مع طفولة الفجر ليغنم اى منهم بناصية من نواصي صدرك الذي يفيض اليهم بدفء الحنان ، فإن كانت خشيتك – يا خال - على هولاء ان يذهبوا لطابقهم العلوي وتختلي بقلبك الموجوع فيزيده ذهابهم الما ، فما بالك في لحظة وهم مصطفون وظهورهم على الحائط لحظة وداعك لتذهب عنهم مسافات وازمانا . انظر لمصيبتي تلك فستهون عليك مصيبتك يا ابا اكرم .

Quote: وهبشته في قلب وحدته وهو يتخلي عن مرافقة ام عبد الله الي الحج حيث يرسّخ فيض الايمان وهج الحب ودفقه ويربط الزوجين بعروة اوثق واحدث ...

التحية من هنا لام عبد الله وربنا يجعل سعيها مبرورا ومباركا رغم ما في القلب من غصة لما ذكرت يا ابا امير . لكم تمنيت مرافقتها فهي رفيقة دربي فقد بدأ مشوار حبنا منذ ان كنا بعمر حفيدكم (محمد) فطينا العتبة وذهبنا المدرسة وطلعنا الحاحاية نحاحي الطير ونضرب الفرطاق ونترنم بسورة الانسان وننشد ونغني ثنائي بالاناشيد الوطنية القديمة (منقو قل لا عاش من يفصلنا) ثم نعود مرة اخرى لنشدو حبا خالصا صادقا لرمز وطن بمساحة مليون ميل مربع (علمي أنت رجائي أنت عنوانُ الولاء أنت رمزٌ للفداء أنت رمزٌ للإباء)

الله يخليك يا ام عبد الله يا ايتها السمحة خلقة وطبعا وبطنا فلم تتركي في قلبي مساحة لأخرى لتشدو بزيف من قال :

محا حبُّها حبَّ الأُلى كُنَّ قبلَها وحلَّتْ مكاناً لم يكن حُلَّ مِن قَبْلُ

صديقي كمال سالم

كل عام وانت والاولاد بالف خير

ما زالت في قلبي حسرة عندما زرتك في بيتك مع صديقي حسن طه ولم نجدك

لم تكن لحظة لقائي معك كافية لنحكي عن بعض من خصوصياتنا الجميلة

التحية لك ولكل افراد اسرتك الميامين

Quote: أما صديقى شيقوق فهو بالفعل رجل يدغدغ القلوب المرهقه ,

وياتي اليك .. اخي كمال .. في لحظة انت فيها بين الجنة والنار .. فيعيدك الي حيث لا امنيات تطوف
ولا كائنات تمر .. ويسير معك برفق فوق الازمان والاماكن .. وينفض عن روحك واعطافك غبار
السنين وشوق الازل

تصور .. لقد تمنيت ان يسمع الكل كل هذه المحادثه التي لم تدم الا ساعة وربعا فقط

لك التقدير

عمر علي حسن

Quote: ( ما اظنك بتعرف مطربي زماننا هذا يا خال - المهم قول بعرف عشان ما يطردوك من بيتك )

ياخي بعرفهم .. انت قايل شنو ؟
واستدل عليهم بوجه الشبه بينهم وبين من عشنا نركض خلف فنهم المضمخ بكل طيب وحسن

هذه الشابة نقلتني اكثر من مرة الي هدير امواج النيل علي ضفته الشرقيه غرب شندي وخرير المياه المتدفقه بين احضان
البان الجديد .. وهي تجمع الشفيع والقرشي و(تشتت) العقول والقلوب ..

سمعتها كثيرا .. فتمنيت كل مرة الا تصمت ..

ودعيت امس الي حفل بدبي فيه ود اللمين ونانسي ابنة صديقي الراحل عجاج .. ولكن قعد بي الخوف من دموع وافتضاح
فرددت الدعوة شاكرا وطالبا ان يأتوني ب سي دي اسمعه بعيدا عن الرقابه

اهنأ ياخال فقلبك اليوم حديد

عمر علي حسن

غايتو سماحة بوست... مبالغة!
(عيديتي تالت يوم في العيد...!)
ربنا يديكم العافية ويخلي ليكم أحبابكم

Quote: انظر لمصيبتي تلك فستهون عليك مصيبتك يا ابا اكرم .

يعلم الله انني ما كنت ساحتمل لحظة وداع كتلك .. ولا فراقا كهذا ما إن ثقله تنوء به العصبة اؤلي القوة
من القلوب ..

كان جدي الحسن يرافقنا يوم سفرنا عند نهاية اجازة المدارس الي (البحر) .. وعنما نضع قدما علي المركب
يحتضن اجسامنا الصغيرة هامسا بكل لهفته : بتجونا تاني متين يا الضو ..... وتطل من عينه دمعة يجتهد
في الامساك بها ..

وكان عندما يجمح به الشوق يلحق بنا في عطبره ويخرج معنا الي الباب ونحن ذاهبون صبحا الي المدارس
ونلقاه عند الباب ظهرا ونحن عائدون .. ثم هو يجلس علي عتبة الباب عصرا يتابعنا ونحن نلعب كرة
الشراب بالشارع

ويوم يسافر عائدا لرفاعة نبادله دمعة بدمعه وحرقة بحرقة .. ويسالنا نفس السؤال الودود : بتجونا متين
يا الضو

وكان الحسن والحسين يرقيان علي ظهر جدهما المصطفي عليه السلام وهو يصلي

عمر علي حسن

يا خال

Quote: وياتي اليك .. اخي كمال .. في لحظة انت فيها بين الجنة والنار .. فيعيدك الي حيث لا امنيات تطوف ولا كائنات تمر .. ويسير معك برفق فوق الازمان والاماكن .. وينفض عن روحك واعطافك غبار السنين وشوق الازل

اشفقت عليه - يا سعادتك - عندما حضر مع القانونيين باحدى قاعات مؤسسة شيخ حمد ليستمع لمحاضرة تمت دعوتي لتقديمها عن تشريعات اسواق المال بالدوحة - كنت ادرك تماما بألا ناقة له ولا جمل ! في تلك المحاضرة وليس من المهتمين بشؤون البورصات ولكنها نخوة الشهامة والكرم التي تتجاوز احيانا مفردات اكلوا واشربوا الى احضروا لتزيدوا عد المشاركين لانجاح الفعالية في الجانب الشكلي .

لقيتوا كيف يا خال ؟

Quote: (عيديتي تالت يوم في العيد...!)

اخيتنا رمانه
تري ماذا نريد من الحياة سوي لحظة كهذه

يعرف عني اخي شيقوق انني لا افترع بوستات تخصني الا نادرا فيبادرني بالزعم انني اتي في كل
جماعة وعلي راسي صينية الغداء او العشاء مشاركا .. ولكنني (احصرت) ليلة العيد بدفء اللقاء
فأردت ان اشرك الاحبة فيما نلت ..

عيدك مبارك وسعيد

عمر علي حسن

Quote: ولكنها نخوة الشهامة والكرم التي تتجاوز احيانا مفردات اكلوا واشربوا الى احضروا

وهنا يا خال تكمن اصالة السوداني التي بحثناها في اكثر مكامن حديثنا اولا من امس .. ذلك الذي جلس يحسب الملاعق
والشوك والصحون الحكوميه فلا يسرقها احد .. وذلك الذي وقف للوزير مهددا بكسر رجله اذا تقدم خطوة في طريق العدوان
علي مكتب يتبع لادارته ...

الله الله علي السودانيين الرجال الضكرانين المتطلعين الي العلا والعزة .. الذين عشنا بينهم .. وهو منهم

عمر علي حسن

Quote: ياخي بعرفهم .. انت قايل شنو ؟ واستدل عليهم بوجه الشبه بينهم وبين من عشنا نركض خلف فنهم المضمخ بكل طيب وحسن هذه الشابة نقلتني اكثر من مرة الي هدير امواج النيل علي ضفته الشرقيه غرب شندي وخرير المياه المتدفقه بين احضان البان الجديد .. وهي تجمع الشفيع والقرشي و(تشتت) العقول والقلوب .. سمعتها كثيرا .. فتمنيت كل مرة الا تصمت .. ودعيت امس الي حفل بدبي فيه ود اللمين ونانسي ابنة صديقي الراحل عجاج .. ولكن قعد بي الخوف من دموع وافتضاح فرددت الدعوة شاكرا وطالبا ان يأتوني ب سي دي اسمعه بعيدا عن الرقابه

تقديسنا لمبدعينا الاوائل - يا خال- جعلنا لم نرض ان يقدح في او يقارن اداؤهم مع اداء الجيل الحديث الذى اختار ان يتغنى بأغنايهم.

اذكر عندما زارنا الموسيقار المبدع محمدية خلال هذا العام كلفت من قبل اعضاء الجالية للتجول به في شواطئ مسقط الجميلة

كان لدى قرص سي دي مسجلة فيه اغاني ابن اخت الفنان الراحل احمد المصطفى ( للاسف نسيت اسمه او افتكر بركات ) .

كنت بتونس مع الاستاذ محمدية وفجأة لاحظت اندماجه بكل حواسه مع اداء هذا الفنان . سالني قال لي الراجل دا انا من قبيل فاكرو احمد المصطفى لكنى ادركت اخيرا انه ابن اخته وليس احمد المصطفى .

تاني محمدية صمت وعاد ليقول لي ( الود دا بغنى لاحمد المصطفى بأداء يفوق أداء الراحل لاغانيه)

دى شهادة من محمدية يا خال بالتأكيد ما فيها كلام

دعونا نقس الاشياء هكذا بدون اسراف ولا تقتير وانما بحس عدلي موضوعي - فمن شباب اليوم من هو اروع اداءا لبعض الاغاني القديمه من فنانيها الاصليين .

التعديل لتصحيح كلمة (تقطير) بعد التنبيه من بعض الخلايا النائمة

Quote: غايتو سماحة بوست... مبالغة! (عيديتي تالت يوم في العيد...!) ربنا يديكم العافية ويخلي ليكم أحبابكم

سمحة انت يا الرمانة وسمح ذوقك الله يخليك

Quote: يعلم الله انني ما كنت ساحتمل لحظة وداع كتلك .. ولا فراقا كهذا ما إن ثقله تنوء به العصبة اؤلي القوة من القلوب .. كان جدي الحسن يرافقنا يوم سفرنا عند نهاية اجازة المدارس الي (البحر) .. وعنما نضع قدما علي المركب يحتضن اجسامنا الصغيرة هامسا بكل لهفته : بتجونا تاني متين يا الضو ..... وتطل من عينه دمعة يجتهد في الامساك بها .. وكان عندما يجمح به الشوق يلحق بنا في عطبره ويخرج معنا الي الباب ونحن ذاهبون صبحا الي المدارس ونلقاه عند الباب ظهرا ونحن عائدون .. ثم هو يجلس علي عتبة الباب عصرا يتابعنا ونحن نلعب كرة الشراب بالشارع ويوم يسافر عائدا لرفاعة نبادله دمعة بدمعه وحرقة بحرقة .. ويسالنا نفس السؤال الودود : بتجونا متين يا الضو وكان الحسن والحسين يرقيان علي ظهر جدهما المصطفي عليه السلام وهو يصلي

انت يا خال شنو الاتغير فينا ؟

الحنان دا مشى وين ؟

ملاحظ اتنين من اولادي بيهربوا منى لحظة وداعي وانا عائد الى السلطنة

وكمان اوريك لدى العودة في الاجازة ام عبد الله ما بتسلم على بالاحضان بتستحي من كدا امام الناس لكن بحس بفرحتها في عيونها ساى _ اها دا شنو ؟ هسه بنات الزمن دا تنتظرو في المطار وتخمشو من المطار لحدى البيت .

انت يا خال شنو الاتغير فينا ؟
الحنان دا مشى وين ؟

انا برضوا بسال الحنان مشي وين

Quote: الله يخليك يا ام عبد الله يا ايتها السمحة خلقة وطبعا وبطنا فلم تتركي في قلبي مساحة لأخرى

دا إقرار مكتوووووب ... آزول مالك مزنوق ؟؟ صورة البوست داك بنسلمها لعبدالله هاند 2 هاند ....ألم ليك العرب يقعدوا فراجة .ههههههه

الحلاوي

Quote: دا إقرار مكتوووووب ... آزول مالك مزنوق ؟؟ صورة البوست داك بنسلمها لعبدالله هاند 2 هاند ....ألم ليك العرب يقعدوا فراجة .ههههههه

ههها الشيئ ناسك ديل بمنعوا اطلاق الحروف في الصقيع الاسفيري دا

Quote: دا إقرار مكتوووووب

يا حلاوي
اديه فرصه .. ام عبد الله تكون قرت كلامه ده وادته ليك فاتحه في الحرم ( تثبته) علي اقواله وما تخلي عنده اي (ذبذبه)
في اقواله .. والدعاء ده بيكون من نوع اللهم ثبت عقلي وقلبي علي دينك .. لا يرده عن الاجابة راد ..

بعدين الراجل قال ليك من يوم ما ولدوهم .... تقوم تجيب ليهم صور كمان .. وتفرج عليه عرب الصعيد!

تحياتي

عمر علي حسن

Quote: فمن شباب اليوم من هو اروع اداءا لبعض الاغاني القديمه من فنانيها الاصليين .

ايوه
كمان انا سمعت ليك واحد اسمه شكر الله قبل يومين .. فات كرومه لي غادي

عمر علي حسن

Quote: الحنان دا مشى وين ؟

لا والله انه موجود .. ولكن الذي شح هو التعبير

قال احد شباب الزمن الناشف ده وهو يعلن عن تخليه عن خطيبته .. عايزاني كلما اشوفها اقول ليها بحبك .. ياخي
بلاش ....... هؤلاء علموهم التايم منجمنت والتايم ايكونومي والتايم كوست .. نشفوا ريقهم .

عمر علي حسن

Quote: هؤلاء علموهم التايم منجمنت والتايم ايكونومي والتايم كوست .. نشفوا ريقهم

ود ذاتو قالوا كتير احسن نلمو في حاجة واحدة سموها ال TQM او التوتال كوالتي منجمنت

انت فاكر شغلانية ال TQM دي خلاص الواحد يلهدمها بطريقتو ويقول سويت وضبتها ؟ عيييييييك قالوا ليهم دي ذاتا نحن ما بنعاين ليها بطرف عينا اكان ما مشت في موية ناس بازل ون وبازل تو للجودة الشاملة.

ياخ العالم دا متجه لتوحيد معاييرو في كل شيئ ربك يستر

Quote: ياخ العالم دا متجه لتوحيد معاييرو في كل شيئ ربك يستر

وهذا هو (نشاف الريق) الذي اشرت اليه

تصور .. خالك التحق بدورة كيو تي ام قبل كام سنه كده وكان الشرك الذي نصبوه لي لقبول التفرغ للدوره
ان المحاضر الرئيسي فيها كان الدكتور طارق سويدان وهو شخص اكن له قدرا من الاعجاب لسعة علمه
ونطاق معارفه الواسع رغم خلافي الحاد مع كثير من افكاره (الموجهة) .. لذلك اقبلت علي الدورة بشهية
مفتوحة ورشحني احد منظميها للعمل معهم في برنامجهم التدريبي ولكنني فضلت الاتجاه بما حصلت الي
مجال اخر .. ومارست استخدامها كمدخل من مداخل كثير من المواد التي ادرسها عندما امتهنت التدريب
كنشاط خاص بي ..

نعود للعيال والحنان الذي ذهب .. فقد نزع احد ابنائي يده وهاجر الي امريكا .. وكنت حزينا ساعة وداعه
بالمطار بينما كان (المقصوف) سعيدا يضحك (سنين سنين) .. ثم انتبه لدمعه ساخنة تنحدر من عيني
فقال لي ياشيخ تيك إت ايزي كلها سبعة ساعات يا تكون معاي يا اكون معاك ....

قلت له نعم انني هاجرت قبلك .. ولكن ابي قال لي الببكي عليك مازي البشيلك .. وبكيت عليه وشاله غيري

عمر علي حسن

Quote: تصور .. خالك التحق بدورة كيو تي ام قبل كام سنه كده وكان الشرك الذي نصبوه لي لقبول التفرغ للدوره ان المحاضر الرئيسي فيها كان الدكتور طارق سويدان وهو شخص اكن له قدرا من الاعجاب لسعة علمه ونطاق معارفه الواسع رغم خلافي الحاد مع كثير من افكاره (الموجهة) .. لذلك اقبلت علي الدورة بشهية مفتوحة ورشحني احد منظميها للعمل معهم في برنامجهم التدريبي ولكنني فضلت الاتجاه بما حصلت الي مجال اخر .. ومارست استخدامها كمدخل من مداخل كثير من المواد التي ادرسها عندما امتهنت التدريب كنشاط خاص بي .. نعود للعيال والحنان الذي ذهب .. فقد نزع احد ابنائي يده وهاجر الي امريكا .. وكنت حزينا ساعة وداعه بالمطار بينما كان (المقصوف) سعيدا يضحك (سنين سنين) .. ثم انتبه لدمعه ساخنة تنحدر من عيني فقال لي ياشيخ تيك إت ايزي كلها سبعة ساعات يا تكون معاي يا اكون معاك .... قلت له نعم انني هاجرت قبلك .. ولكن ابي قال لي الببكي عليك مازي البشيلك .. وبكيت عليه وشاله غيري

جاييك يا خال جوني ضيوف هجعة هيييييييييييييع بالحيل هجمتهم لي عا########ي

خليني اجيهم ليك واضحكهم سنين سنين وانوم الصباح اتكاملك

ابشر خالك ما بحك نواصي عنقرتو بلا جرب ؟

السلامات جملة يا شيخ عمر
وقلبك سلامتو
حاس من كلامك خايف علي قلبك شوية .
والله العظيم طالما ده طعم كتابتك قلبك ما حتجيه عوجة تب .
ياخ أنت قايل هي الكتابة السمحة بتجي من وين ؟
ما بتجي من جوف البطين الايمن . الكتابة السمحة والطيبة والشوق والكلام الحلو ديل ما بجو الا من قلب في تمام العافية يا أخوي .
..
عاين يا شيخ عمر
شيقوق عندو صاحبو وفردتو من زمن الكلية وجك لبن الداخلية قال لي شيقوق ده سناحتو هي المجملاهو .
وخلاف القانون الزول برضو مرجع في علوم الصرار والخلال والحليب .
لكم التحيات المربعات

سعادة اللواء شرطة معاش عمر على حسن أولاً دعنى أقول أن (صاحبك ) الرئيس الاسبق جعفر محمد نميرى عليه الرحمة كنا نتمنى لو رحمنا ورحم كل أخوانك فى الشرطة بترقيتك الى رتبة الفريق شرطة حتى نرتاح (من حكاية معاش ) !! فو الله الذى لا إله غيره ورغم أننى لم أقابل سعاده اللواء شخصياً إلا أن أول مكالمة لى معه والتى لم تزد عن 10 دقائق شعرت بأن هذه الشخصية وكأنى كنت (مدير مكتبة ) فى ولاية الخرطوم ، حتى أننى أردد بعض عباراتها بكل فخر وإعتزاز أمام أعز الاصدقاء والزملاء بأن سعاده اللواء يطلب من المتصل الاخر أن يؤجل مكالمتة الى حين الفراغ من مكالمة بشرى مبارك وقد كانت الاولى !!وأتمنى أن تتكرر (وأكرر طلبى بتفعيل الثابت ) حتى أتجدع براحتى لأن الثابت حسب عقدى مع الشركة البريطانية كالداخلى لكل ثابت فى العالم (5 ألف دقيقة فى الشهر).
يا جماعة والله العظيم وأنا (مالى يدى ) من يشعر بأى أعراض زهجة أو دبرسه ما عليهو إلا الاتجاه الى مكالمة مع سعادة اللواء عمر على حسن وولله تظل (تردد صدى الكلمات وتتكرفها وكأنك فى ربيع العمر وريان الشباب ) فلك الشكر أجزله وأنت ومعك الرائع الطيب شيقوق بهذا البوست العيدية والذى يستحق بكل جدارة (لقب بوست عيد الاضحى المثالى ) وكل عام وأنتم بخير .
أخر السطورالدورى الممتاز أنتهى بالفوز اليوم على هلال الساحل بثلاثية وتبقت مباراة واحدة !!فما قولك فى دجوليبا ؟؟ لا أريد فتل البوست ولكن تابعت المباراة من أثير أمدرمان وأفرحتنى النتيجة (وأنا أكوس للبفرًحك وأعلم أن أخبار إنتصار الهلال تفرحك مع الاعتذار لشريكك فى البوست الطيب شيقوق) ختاماً من بيرمنجهام سلام.

عثمان موسى

يا صديقي العيد مبارك عليك ولكل اهلك في الشمالية وربنا يكفيكم شر اعصار ساندي ويحفظكم من كل مكروه

Quote: حاس من كلامك خايف علي قلبك شوية . والله العظيم طالما ده طعم كتابتك قلبك ما حتجيه عوجة تب . ياخ أنت قايل هي الكتابة السمحة بتجي من وين ؟ ما بتجي من جوف البطين الايمن . الكتابة السمحة والطيبة والشوق والكلام الحلو ديل ما بجو الا من قلب في تمام العافية يا أخوي . ..

يطول عمرك يا عثمان فسعادة اللواء عمر على حسن موصوف ، من قبل من عاصروه سواء من الشرطة او غيرها ، بالزهد والتبتل في محراب الوطن والإيمان الحق بعيداً عن حياة الترف التي يحياها من كانوا في مثل وظيفته فكان بقلبه المتعافي ينفق على المحتاجين والضعفاء ممن قست عليهم نوائب الدهر.

Quote: وخلاف القانون الزول برضو مرجع في علوم الصرار والخلال والحليب .

والكنان كمان يا عثمان اخوي

بتعرف الكنان ولا يشرحها ليك خالي عمر ؟

ود السقاي

كل عام وانت بالف خير

الف شكر للمداخلة الطيبة تلك

ارجو قبول اعتذاري في الرد ليها لافسح المجال للخال ابو امير الذى احسب انه الان مشغول بمداعبة احفاده او ربما تارس خلف الذي خمش طاقيتو من راسو وراح جاري بيها وهو يضحك والخال تارس وراهو بفد كراع ليزيد من انبساطة ذلك المسنوح .

عمر على
كل الاعوام وانت بخيرين وزيادة
تعرف امثال خالك صاحبى المسنوح هم من عناهم الشاعر زهير ابن ابى سلمى بقوله :
تراه اذا ماجئته متهللا ....كأنك تعطيه الذي أنت سائله

Quote: بتجي من جوف البطين الايمن

عثمان موسي ..يا ساكن الدنيا الجديده .. هل مازات جديده ؟

تصور .. اخوك ليس له بطين ايمن ولا ايسر ... فقلبي ازدحم منذ زمان خلا بانماط من الحب لا طاقة لقلب بشر بها ..
اولها حب الله جل وعلا وحب رسوله الكريم الذي ابكي شوقا له كلما ذكرته .. وثانيهما حب مليون ميل مربع .. لا
ادري كيف انحشرت كلها في هذا الحيز الضيق .. وثالثها حب كل من يمشي فوق تراب المليون ميل من شول
واشويل وادروب وإساغه وادّومه وصالح وهمد وجباره والفكي والتوم وبابكر .. وبالطبع جميع حاملات الاسماء
الانثويه .. ورابعها حب كل من يحب اولها وثانيها وثالثها..

وهكذا تساكن هؤلاء وغيرهم فلم يتركو للبطينين جوف ولا تجويف .. وبنوا عمائرهم واكواخهم حتي في الساحات
والمتنفسات والمدينه الرياضية كمان ..

وظننت يا عثمان ان هذا قلب لا يعتل لأنه هو العلة .. وتبقي المشاكل اللوجستيه وضخ الحياة والبترول والدم والهم
مرهونة بحركة من احببت فلم اطلب منهم جلاء او مغادره ..

Quote: شيقوق عندو صاحبو وفردتو من زمن الكلية وجك لبن الداخلية قال لي شيقوق ده سناحتو هي المجملاهو .

صدق .. وكذلك اراه نازلا في كل بوست ب(هبشة) يغلي ويضج من بعدها البوست والبوستات المجاوره

لك الود
عمر علي حسن

Quote: اً دعنى أقول أن (صاحبك ) الرئيس الاسبق جعفر محمد نميرى عليه الرحمة كنا نتمنى لو رحمنا ورحم كل أخوانك فى الشرطة بترقيتك الى رتبة الفريق شرطة حتى نرتاح (من حكاية معاش )

البشري طيب العشره

(صاحبي) بشرني بها وهو يلبسني وسام الخدمه الطويله الممتازة فقال لي مازحا .. باقي ليك نيشان المعاش .. فقلت له
بكل حب .. جمعا انشاء الله .. فوعدني ببونيه اصرفها منه ببيته ! .. وسمع الله كلامه .. له في ذلك حكمه

Quote: أخر السطورالدورى الممتاز أنتهى بالفوز اليوم

شفت البلنتي ؟ .. زي حقة المريخ الاولي !

تحياتي يا غائب عن عيني
عمر علي حسن

Quote: تراه اذا ماجئته متهللا ....كأنك تعطيه الذي أنت سائله

اللااااااااااااااااااااه يا بدر الدين يا أمير

تصور .. هذا لب الكرم والسماحه .. والمسموح (بالنون) لا يكون الا كذلك .. فقد هرعت اليه مرحّبا فاحتواني بالفة واصاله
وسار بي في كل الدروب التي احبها واشتاق الي استنشاق طيب عبقها . ياه هذا انسان من زمان ماقبل التصحر

لك الموده
عمر علي حسن

ههها الشيئ ناسك ديل بمنعوا اطلاق الحروف في الصقيع الاسفيري دا
تعرف يا أبو عبدالله
ناسنا ديل عندهم قرني استشعار ...بعرفو الصبي من مشيتو والعريس من بشتو ...علا دايمن بقولو الجديد في الكرو سمح ...ترجم لجماعتك الرطانة ووالاميركان سودانيز والانقليش سودانيز ...تلفون عبدالله في معيتي والرابط بتاع الشين والشين بكسر الشين قاااااعد وراجينك يا عشا البايتات ..لا بتاكل الربيبة ( الربا وما فيه شبهة ) ولا بتخون القريبة ( صلة أو جيرة) ...لغير الناطقين ...

Quote: تلفون عبدالله في معيتي والرابط بتاع الشين والشين بكسر الشين قاااااعد وراجينك يا عشا البايتات

يا حلاوي

النبي فوقه .. كفاهو قرون الاستشعار وجديد الكرو

اخوكم الكبير
عمر علي حسن

ياخال
وينك .. لي حسع نايم والنار مولعه بي جاي
اوعي تقول لي انام ملء جفوني عن شواردها ... دي ياها ذاتها البتغطس الحجر
الحق الحلاوي شايل متفجرات والغام كمان

عمر علي حسن

Quote: تلفون عبدالله في معيتي والرابط بتاع الشين والشين بكسر الشين قاااااعد وراجينك يا عشا البايتات ..لا بتاكل الربيبة ( الربا وما فيه شبهة ) ولا بتخون القريبة ( صلة أو جيرة) ...لغير الناطقين ...

جاييك بالمهلة - معاى ناس معايدة يا الرفاعي اخوي

Quote: يا حلاوي اديه فرصه .. ام عبد الله تكون قرت كلامه ده وادته ليك فاتحه في الحرم ( تثبته) علي اقواله وما تخلي عنده اي (ذبذبه) في اقواله .. والدعاء ده بيكون من نوع اللهم ثبت عقلي وقلبي علي دينك .. لا يرده عن الاجابة راد .. بعدين الراجل قال ليك من يوم ما ولدوهم .... تقوم تجيب ليهم صور كمان .. وتفرج عليه عرب الصعيد!

يا أبو أمير
ناسنا ديل بقولوا العربي أقصحلو والعجمي ألحنلو ..أها زولك دا عارف قدراتي في لم العربان من قرية البردانة والسريفة واللويسة وكسيد الجديدة والقديمة ونجم الدين وود بابو وخميسة والكامراب وحلة بله وحويواء والتكينة وأبراو وقردية والملاسي وام ضهير ونور الجليل والمعاضيد ودبركي وصولاً لأم عقرب ....لقيتني كيف يا شيقا ؟؟؟ كمساري ؟؟ تيكير ...دا غير الجماعة التانين

Quote: دا غير الجماعة التانين

الطيب اخوي .. الكع .. الزول ده الله يكفيك شره

عمر علي حسن

Quote: الطيب اخوي .. الكع .. الزول ده الله يكفيك شره

هههههههههههه
وصي ود اختك وقوليهو البص فيهو كمساري وعنكوليب تاني مافي .

Quote: وصي ود اختك وقوليهو البص فيهو كمساري وعنكوليب تاني مافي .

الزول ده ياقريبنا كل مره جايب لينا ضقلها يكركب .. حسع انا خايفو يكون راقد له فوق راي زي ما قال
الشايقي .. دحين اديه كريبيج خفيف كده النشوف فيه مروه والله عيييييك

عمر علي حسن

Quote: وصي ود اختك وقوليهو البص فيهو كمساري وعنكوليب تاني مافي .

ياحلاوي
العنكوليب هين .. بيلقاه في الجروف .. كعب الكمساري

عمر علي حسن

Quote: جاييك يا خال جوني ضيوف هجعة هيييييييييييييع بالحيل هجمتهم لي عا########ي خليني اجيهم ليك واضحكهم سنين سنين وانوم الصباح اتكاملك ابشر خالك ما بحك نواصي عنقرتو بلا جرب ؟

الطيب
الضيوف كفاهم .. كان طوّلو قوليهم الخواجه مات ...........
(قريبي نعس والضيوف ما طارين المشي .. قال ليهم الخواجه الشغال معانا مات عن اذنكم الحق الدافنه ..
قالوا ليه خلاص نمشي معاك .. قال ليهم لكن انتو بتعرفوا انجليزي ؟؟)

يابا الحق .. المساله دي جابت ليها كماسرة .. وانا اشيل واتعضر .. تقول لي ضيوف ؟

عمر علي حسن

الضيوف الكتار ديل جايين يباركوا ليه حجة أم عبد الله ولا شنو؟
والله يا بخته هي تعبانة ترمي الجمرات وهو في جاها آخر انبساط شي ونسة وشي ضحك.. :)
تحياتي أخي عمر

الكمساري كعب والحل منو صعب
أهدي هذا اللحن والموال بمناسبة ضيوفه الهجع ...
http://www.youtube.com/watch?v=8o-TUlBAhLM&feature=related

تحية...

محظوظ صديقنا شيقوق ان يحظي ببستان نضير به الماء والعشب والثمار صنوان وغير صنوان مثلما به صغار الطير كمحمد الصغير..فاي انعتاق يريد لولا انه من ذرية ادم الذي علمنا مفارقة الجنان..

كنا يا سعادة اللواء نسنعد نحو اطلاق السراح بدفوعات ليس بينها بينات سماعية او قرائن احوال ظنية ولكنا حين جئينا الي مسرح الوقائع الثابته وجدناه يطاف عليه بانية حنان وتحنان يتمدد بها المكان ويذدان ويطوف عليه ولدان كصغيركم الاثير يقود امثاله بالجلالات الملائكية مشدودة بوتر يلامس قلبك الذي يفيض بالحب ويتساقط علي شيقوق رطبا جنيا ..

لم نتركه لحاله بل استبدت بنا الغيرة ان نكون الي جواره يحفنا ذوقكم وياسرنا توقكم الي كلما هو جميل ..وكل سنة وانت بخير ..يحفك المولي بحفظه مرسلا اليك في كل ومضة ملائكة الحرز والخير ..

Quote: الضيوف الكتار ديل جايين يباركوا ليه حجة أم عبد الله ولا شنو؟

الرمانه
الشي ام عبد الله دي الملك عبدالله .. بترجع من الحج تالتة العيد ؟
انا كان ما اخاف الفتنه ديل باقي كيته من حفلة الجاليه يوم العيد .. امال انتي فاكره الحلاوي هايج كده ساكت

تحياتي
عمر علي حسن

Quote: أهدي هذا اللحن والموال بمناسبة ضيوفه الهجع ...

شوف يا عبد الرحمن
صاحبك لو حريف يجير مدخل البيت ويكتب حجا مبرورا وهنيئا لعين شاهدت ارض مكه (بالظهره) واول ما تدخل ام
عبد الله يشغل لها الموال من لاغيب الله عني وجهكم ابدا حتي يطيب بكم عيشي الي الابد

حرم بعد داك لاتسمع ولا تشوف فيه تاني

عمر علي حسن

روما

Quote: الضيوف الكتار ديل جايين يباركوا ليه حجة أم عبد الله ولا شنو؟ والله يا بخته هي تعبانة ترمي الجمرات وهو في جاها آخر انبساط شي ونسة وشي ضحك.. :)

باقي لي ام عبد الله اخدت جرعات روحانية عالية خلتها تفكر تزيد مخزونها الاستراتيجي الروحي وبس اما حكايات الحب والريدة ديل صارت عندها امور دنيا بس لا تسمن ولا تغني من جوع .

Quote: دحين اديه كريبيج خفيف كده النشوف فيه مروه والله عيييييك

دا اب درنبال يا خال من فصيلة ناس ع بركة البدخلوا حفرهم رويس ( عمانية) - مش كريبيج ، وحياتك بانديقة ما تمشي في جلدو

قال كريبيج قال

يا الحلاوى سلام يا أخوى (الكمسارى ) دى حصرياً حقتى أنا ما قريت بوست (سجمى ده الكمسارى ....لكن ما شفتى السواق ) يعنى الكمسارى أنا شخصياً قبل شهور من كلية الشرطة والسواق عمى أبراهيم إدريس بابكرالاستاذ فى المرحلة الابتدائية سابقاً وقد بدأ بمدرسة قوقريال الاولية بالجنوب !! التحية لكل أولاده فى الجنوب .

الي سعادة اللواء عمر علي حسن.. الموقر


فات علينا سهوا ان نزيل الكلام بما يلزم من مقام حافظين الالقاب في الصدور وما يقتضيه القول علي السطور..فانت لواء التمدد الانساني ايضا ذاكرين ايضا صولاتكم وجولاتكم الرياضية تمسكون بمقود الصرح العريق حين كانت للرياضة صولجان..

فتقبل عذري عن عدم ايراد الصحيح وما انت تعلو فوقه من مقام صريح يا سعادة اللواء..كن بخير

الرفاعي

يا اخوانا معليش في ناس كنت ناسيهم ومشيت عيدت ليهم خارج العاصمة

هم ناس بستحقوا المعايدة وشد الرحال وكدا - ما اصلوا الزمن دا بقت المعايدة فنادق الواحد بشوف من 5 نجوم ولا فوق ما يتلهم اى زول

خالي عليك النبي ركز معاى اوع اكون بكتب في الصفحة الاولى وتفوتك معايدتي دي

Quote: ناسنا ديل بقولوا العربي أقصحلو والعجمي ألحنلو ..أها زولك دا عارف قدراتي في لم العربان من قرية البردانة والسريفة واللويسة وكسيد الجديدة والقديمة ونجم الدين وود بابو وخميسة والكامراب وحلة بله وحويواء والتكينة وأبراو وقردية والملاسي وام ضهير ونور الجليل والمعاضيد ودبركي وصولاً لأم عقرب ....لقيتني كيف يا شيقا ؟؟؟ كمساري ؟؟ تيكير ...دا غير الجماعة التانين

ات فاكر فندقي دي بخلوا كمساري يدخلها عشان يتشمشم ؟ عيييييييييك دي فندق - يا اخوي - عاملين حولها تشويش لكل رادارت الشمشمة

Quote: لم نتركه لحاله بل استبدت بنا الغيرة ان نكون الي جواره

والله يا ابو الكامل لو كنت بيننا في تلك الساعه لاهديناك قبسا لعلك تصطلي .. فقد كان دفء حب النهار وصهد ود الليل
فائضا يكفي امة مستدفئه ..

هذا شيء لا يحدث الا فنة من دهر .. فياتيك بالسعد من كل صوب .. ثم يكملها بتلفون من مسقط بداخله شيقوق ..

تصور .. انني مازلت اجتر ذلك الحدث البهي التفاصيل بصورتيه الداخلية والخارجيه .. وازجر شكي في ان يتكرر .. واحمد
الله علي العيد الذي يقرب الاحبة ويجعل القرب ممكنا ولو بمسكول كما يفعل الجفاة .. فلا يكون لي الا ان اشرك الكل في فرحي
ويقيني بأن الحب دواء ناجع للمحبين ..

لك الود
عمر علي حسن

Quote: اما حكايات الحب والريدة ديل صارت عندها امور دنيا بس لا تسمن ولا تغني من جوع .

الطيب
بركه الجيت .. الحمل كتر علي .. وخفتك تكون شغال تشويش خارجي علي ناس عبد الرحمن الحلاوي .. وده شاغل مهم
حنجيهو في مكانه

المهم انك استراتيجيا مؤمن ام عبد الله وخاتي ليها دفاعات لا تصلها الصواريخ التي تمطرنا بالغفلة .. بس ما تنوم قفا ..
الجماعه ديل ما هينين

عمر علي حسن

Quote: صاحبك لو حريف يجير مدخل البيت ويكتب حجا مبرورا وهنيئا لعين شاهدت ارض مكه (بالظهره) واول ما تدخل ام عبد الله يشغل لها الموال من لاغيب الله عني وجهكم ابدا حتي يطيب بكم عيشي الي الابد

كنت مفكر اكتب ليها بالظهرة (عاد الحبيب من الحبيب وعادت إلىّ أحلى لياليا)

كتر خيرك يا خالي اتلافيتني طااااب

Quote: وحياتك بانديقة ما تمشي في جلدو قال كريبيج قال

هيييييع .. ابزرد .. الكرباج ما بصحيهو

عمر علي حسن

Quote: ات فاكر فندقي دي بخلوا كمساري يدخلها عشان يتشمشم ؟ عيييييييييك دي فندق - يا اخوي - عاملين حولها تشويش لكل رادارت الشمشمة

عاد يا خال يطرشني المعايده الفندقيه دي
تكون زي الحج السياحي ابو خمسه نجوم ؟ عمي قال لي صاحبه ما تضيع قروشك ساكت .. كله بيمرقك من النار !
اما الكماسره شوف عيني واقفين في البوابه والناس قايلنهم رسبشن .. شفت آخر الزمن

كمان شوف ود السقاي سوي ليهم شغل المباحث .. لبس كمساري ولبّس عمه سواق .. تقول لي بتشوش علي الحلاوي
.. انت قايل ديل حلاوين زمان

عمر علي حسن

الحبيب الي القلب ,,سمح الخلقة والاخلاق وجمال الكلمات

رئيسنا وحبيبنا الغالي سعادتو عمر علي حسن ,,

كل سنة وأنت والاولاد والاحفاد باتم صحة وعافية يارب .

والله المسنوح لقاها اخر الزمن , لكن ودعمتي بيستاهل

ماهو شيخ عرب يعلم الله وحبوب . وان شاء الله حجا مبرور

وسعيا مشكور وذنبا مغفور . و سناحتا ما تغور.

Quote: ولو بمسكول كما يفعل الجفاة

لا خالي - امانة ما إتلومت المرة دي - ما تعمم انت

تعال اهمس ليك في اضانك باقي لي انت متحامل على جميييييييييع المسكولات وفاكر كل المدردم ليمون

يا خال ارخي لي اضانك واسمع من خالك دا - المسكولات بقت خشم بيوت


في مسكولات صحيح اى كلام

لكيييييييييين في مسكولات برموا ليهن السنارة الليل كلو جاهزين ليها بما لذ وطاب من كروت الشحن

ودي ياخال بقت معروفة ، بفعل الطبيقات الحديثة لشركات الاتصالات ، فعندما يدق القانص استجابة لهذا النوع من المسكولات لا يمكن ان تسمع مفردة ك ( تعذر الحصول على المشترك المذكور) - وحياتك اكان بالغلط ساى جات كلمة (تعذر) دي بكرة افندية شركة الاتصالات كلهم يسفروهم اهلهم .

Quote: تعال اهمس ليك في اضانك باقي لي انت متحامل على جميييييييييع المسكولات وفاكر كل المدردم ليمون

قوام قوام كده وبجيك صاد
خالك واقف عند المسكول بتاع الولد البمسكل لي امه كل عيد لكن العيد الفات ما مسكل .. اما الانواع الجديده دي ما عندي بيها علم

عمر علي حسن

Quote: ماهو شيخ عرب يعلم الله وحبوب

سيف الدوله ود المؤسسين

اديته حقه ..

عيدك سعيد انشا الله
عمر علي حسن

Quote: الحبيب الي القلب ,,سمح الخلقة والاخلاق وجمال الكلمات رئيسنا وحبيبنا الغالي سعادتو عمر علي حسن ,, كل سنة وأنت والاولاد والاحفاد باتم صحة وعافية يارب . والله المسنوح لقاها اخر الزمن , لكن ودعمتي بيستاهل ماهو شيخ عرب يعلم الله وحبوب . وان شاء الله حجا مبرور وسعيا مشكور وذنبا مغفور . و سناحتا ما تغور.

غايتو امنيتي يا خالي القى سيف الكامل دا بلونو السمح دا ولحيتو السمحة دي واقوم اركبو في حمار ابيض سمح ومفروش بسرج سمح واشوف ليهو سبحة سمحة واشيل ليهو ابريق فخار وباكتة ورق A4 للفرخات واكون تابعو كداري شاقي الكتر واللعوت من فريق عرب لفريق عرب واشغلوا ليك محايات وحواطات وفك حيكورات .

وحياتك تاني الخليج اكان شالو ك ل ب ما اقول ليهو جرت

Quote: عاد يا خال يطرشني المعايده الفندقيه دي تكون زي الحج السياحي ابو خمسه نجوم ؟

بسسسسسسسسسسسسس يطول عمرك

Quote: عمي قال لي صاحبه ما تضيع قروشك ساكت .. كله بيمرقك من النار ! اما الكماسره شوف عيني واقفين في البوابه والناس قايلنهم رسبشن .. شفت آخر الزمن

إن عشنا ياما حنشوف يا خال

Quote: .. انت قايل ديل حلاوين زمان

لسه كتار فيهم الربنا مسخرهم لنوع سيف الكامل دا

المداخلة ادناه من اخي محمد الكامل لقيتها بالصدفة جوة الصفحة الاخيرة فرايت نقلها هنا ليتسنى للجميع الاطلاع عليها

Quote: الي سعادة اللواء عمر علي حسن.. الموقر فات علينا سهوا ان نزيل الكلام بما يلزم من مقام حافظين الالقاب في الصدور وما يقتضيه القول علي السطور..فانت لواء التمدد الانساني ايضا ذاكرين ايضا صولاتكم وجولاتكم الرياضية تمسكون بمقود الصرح العريق حين كانت للرياضة صولجان.. فتقبل عذري عن عدم ايراد الصحيح وما انت تعلو فوقه من مقام صريح يا سعادة اللواء..كن بخير

Quote: المهم انك استراتيجيا مؤمن ام عبد الله وخاتي ليها دفاعات لا تصلها الصواريخ التي تمطرنا بالغفلة .. بس ما تنوم قفا .. الجماعه ديل ما هينين

افو دى ما النيّة؟

Quote: واقوم اركبو في حمار ابيض سمح ومفروش بسرج سمح واشوف ليهو سبحة سمحة واشيل ليهو ابريق فخار وباكتة ورق A4 للفرخات واكون تابعو كداري شاقي الكتر واللعوت من فريق عرب لفريق عرب واشغلوا ليك محايات وحواطات وفك حيكورات .

شريكك .. عمته وهيبته هيبة شيوخ النوع البيروب المويه داك

عمر علي حسن

Quote: [سعادة اللواء

ياشيخنا محمد الكامل
كله عند العرب صابون ...وحسع مافي زول عارف عشه في سوق الغزل .
الدنيا دارت وصار الاعتزاز بالرتبه ترفا لا مكان له في عالم الواقعيه .. ولعلمك معاش عمك اللواء لا
يؤهله اليوم ليكون شحاتا امام اصغر جامع ..

الاطرف اني في مصر باشمهندس .. وباشا كمان

لك التقدير والاحترام
عمر علي حسن

Quote: شريكك .. عمته وهيبته هيبة شيوخ النوع البيروب المويه داك

يا حليك انت فاكرو دابو وداب روييب الموية؟

دا عندهم بولد النعجة تلاتة والتلاتة اناتي

دا عندهم اكان المرة كشحت راجلها بمحايتو يكون ود اب .............ق بس

ركز خالي بقيت جنك السرحان

يالطيب الجيل الأول من الحلاوين كان جيل غير جيل اليوم لكن السوفت وير يتفق مع باقي مكونه على امتداد البحر الرفاعي حتى في الجينات J2 ..وزي ما قلت ليك التقنية قربت المسافات من السريفة للشيخ البصير ومناقزة ودار عقيل بالهوج بقى زي رمي الودع ..في رمش العين تكلم ود الشوبلي وتتلفن شيخ صلاح في قرية القواسمة وتسعلو من خبر ودشيقوق وتخت التلفون وتتضل بود الضو وتاني يرن الهاتف صوب الشهداء ...ازيك آجنى ماطيب آوليد ؟ دحين أبوك بخير ؟؟ أها وصل من مسقط ؟؟ الله يكفيهو شر البرد والسقطة بسكون القاف ..سلم على الاسرة ومبروك الحجة ...وكدة الطيب بكون قطرك صفر وأنت تحاحي في الرطوبة وهمس شركات الاتصالات وردهات الفنادق التي توليها شطرك بلسان أعجمي ذي عوج ...وخالك بي هنا يسدها منها يلقاها انكسرت بي هناك ..دحين ما لبنت ما تديها الطير ونحنا أهل العوض كان مسكنا في زولنا بنجيب ضقلو سبعة تمانية ههههههه أخليك مع البرتكان والمدفع الرزام .

Quote: وكدة الطيب بكون قطرك صفر وأنت تحاحي في الرطوبة وهمس شركات الاتصالات وردهات الفنادق التي توليها شطرك بلسان أعجمي ذي عوج ...وخالك بي هنا يسدها منها يلقاها انكسرت بي هناك

يابا انا كلمته .. مدّ لي لسانه
اها حسي كان جاني ضقله سبعه تمانيه اقبل وين ..

عمر علي حسن

Quote: لسه كتار فيهم الربنا مسخرهم لنوع سيف الكامل دا

هههههههههههههههههههههههههههههههههههههههههههها
دي ضقلها حيكون عينه

عمر علي حسن

Quote: لكيييييييييين في مسكولات برموا ليهن السنارة الليل كلو

يعني امسكل ليك الساعه اتنين .. واطوطحك للصباح ............
نحن والله يخربنا لا بالنهار ولا بالليل مافي زول بمسكل لينا وسنارتنا كان قبضت تقبض ليك الجماعة
بتاعين كسبت 300 الف .. والله تقبض ليها هندي ضارب الموبايل بتاعك علي اساس انه تلفون ارضي

شفت الحظ

عمر علي حسن

Quote: أخليك مع البرتكان والمدفع الرزام .

شن فضلت لود عمك تاني يا رحمونى ؟

Quote: نحن والله يخربنا لا بالنهار ولا بالليل مافي زول بمسكل لينا وسنارتنا كان قبضت تقبض ليك الجماعة بتاعين كسبت 300 الف .. والله تقبض ليها هندي ضارب الموبايل بتاعك علي اساس انه تلفون ارضي

وساعي ليك موبايل فوق كم ؟

البوست جميل و مليان حنان و رقة و مشاعر صادقة

اللة يديكم العافية ويدوم المحبة بينكم وبين كل الناس


٣١ اكتوبر عيد الحلاوين(Halloween ) في كل انحاء الولايات المتحدة الامركية

Quote: البوست جميل و مليان حنان و رقة و مشاعر صادقة اللة يديكم العافية ويدوم المحبة بينكم وبين كل الناس

الله يخليك يا بت العز

يا ريت يجي الخال هنا ليكتب لنا تغريدة من وحي الذاكرة عن سيرة اسرة عبد المنعم محمد واسرة ابو العلا وإسهام تلك الاسر في دعم اقتصادنا الوطنى وثقافتنا الوطنية والادبية والفنية وحتما ستكون احداث عنبر جودة واسماعين حسن ود حد الزين وايضا الفنان الراحل احمد المصطفى جزءا من تلك التغريدة .

Quote: ٣١ اكتوبر عيد الحلاوين(Halloween ) في كل انحاء الولايات المتحدة الامركية

بت العز يا خال جاءتك من سبأ بنبأ عظيم

لو سمع اخونا عبد الرحمن الحلاوي بهذا فلن يبقي علي ظهرها مسلما ولا كافرا .. ولا خالا ولا خالو .. ان يحتفل الامريكان
بالحلاوين ويجعلوا لهم عيدا فهذا خبر يجب ان تجري به السوابح الي بوادي الصعيد وتذيعه ليعم القري والحضر وان يجمع
له اخونا عبد الرحمن جميع الحلاوين بالمهجر شرقه وغربه امام بيت الخال بمسقط وديك يا العرضه والطمبره ..

واله يابنت العز جئتنا في خامسة العيد ب(وصلة) توسع افراحنا وتمد القوم بارث ارتبط بهم غيبا .. ولابد ان ال O في الاسم
هي (عوجة) لسان اعجمي قلبت ال A الي O ليسهل النطق علي الطريقة الامريكيه

شوف يا عبد الرحمن اخوي .. أمسك في القصة دي قوي وما تخلي حق اهلك ابدا

Quote: ليكتب لنا تغريدة من وحي الذاكرة عن سيرة اسرة عبد المنعم محمد واسرة ابو العلا وإسهام تلك الاسر في دعم اقتصادنا الوطنى وثقافتنا الوطنية والادبية والفنية

ونعود لهدي عبد المنعم
ونثني علي اصلها الطيب ان كان من اولئك القوم اهل الخير والاحسان - قبل الاثر في الاقتصاد والثقافة والفن - ونسالها :
ما الذي يذهب بمثلكم الي بلاد طيرها عجمي وتتركوا ارض المليون يستبيحها بغاث الطير والرخم ؟

تحياتي اختنا هدي
عمر علي حسن

Quote: وساعي ليك موبايل فوق كم ؟

تصور ياخال .. عموري ووداد وساره يلعبوا بكل موبايلات البيت الا موبايل جدو ..قالوا ما فيهو العاب ..
طيب انا اجيب ليه العاب من وين

عمر علي حسن

Quote: دا عندهم اكان المرة كشحت راجلها بمحايتو يكون ود اب .............ق بس ركز خالي بقيت جنك السرحان

دابها الشراكه بقت ضروري .. ويمكن نحن ذاتنا نستفيد كمان ..
اها كدي سارح والله مركز ؟

عمر علي حسن

Quote: خالي عليك النبي ركز معاى اوع اكون بكتب في الصفحة الاولى وتفوتك معايدتي دي

هاااااااااااااااااااااااااااااااااااااااا ..................
والله خالك قالش قلشه .. ما فهمها الا بعد الصفحة التالته .. وبعد ما رشوه بمحايه الفكي ود الكامل ...

عمر علي حسن

Quote: وبعد ما رشوه بمحايه الفكي ود الكامل ...

هههههههههههههههههههههههههها

تاني اشوف وليد يجي يقول خالي ما مركز

Quote: اها كدي سارح والله مركز ؟

مركز وبس - يكفيك شر العين يا رب

Quote: تصور ياخال .. عموري ووداد وساره يلعبوا بكل موبايلات البيت الا موبايل جدو ..قالوا ما فيهو العاب .. طيب انا اجيب ليه العاب من وين

انت اعمل ليهم فيهو العاب واجدعو ليهم في الصقيعة سااااى وخليهم يسوطوا زى ما دايرين

بس خالك تفتيحة عامل ليهو باسويرد للموبايل خشية ورود قنبلة قد تفجرها ام عبد الله من غير قصد

Quote: ما الذي يذهب بمثلكم الي بلاد طيرها عجمي وتتركوا ارض المليون يستبيحها بغاث الطير والرخم ؟

الله يخليك وهو ذات السؤال الذى بادرتها به لدى اول تعارف بيننا يا العشاء

Quote: انت اعمل ليهم فيهو العاب واجدعو ليهم في الصقيعة سااااى

طيب انا لو بعرف اعمل ليهم فيهو العاب ما كنت برضو اشرك بيه للمسكولات ...

زميلنا دخل امتحان الترقيه .. واول مافتح ورقة الاسئله وجد السؤال الاول : نص زايد تلت زايد ربع في تلاته يساوي كم ..
وقف علي طوله يا معلم وخت الكسكته في راسه وحيا .. جاه المراقب ساله مالك .. قال ليه دي مسخره جنابك .. انا لو بعرف
نص زايد تلت جاي اشتغل عندكم ليه .. ما امشي اشتغل في الجامعه ..

خالك زيو

عمر علي حسن

Quote: طيب انا لو بعرف اعمل ليهم فيهو العاب ما كنت برضو اشرك بيه للمسكولات ...

ههههههههههههههههههها لا دى حاشاك ما بتشبهك - ما تبقى طيب ساى وتتلهم الشينة بلا رصيد !!

خليها للعندهم ارصدة وأرصدة ! ديلاك

ما تسرح سمح؟

Quote: زميلنا دخل امتحان الترقيه .. واول مافتح ورقة الاسئله وجد السؤال الاول : نص زايد تلت زايد ربع في تلاته يساوي كم .. وقف علي طوله يا معلم وخت الكسكته في راسه وحيا .. جاه المراقب ساله مالك .. قال ليه دي مسخره جنابك .. انا لو بعرف نص زايد تلت جاي اشتغل عندكم ليه .. ما امشي اشتغل في الجامعه ..

عافي منو - ياها دى العينة البتعرف ونسة القائد تعليمات

Quote: بس خالك تفتيحة عامل ليهو باسويرد للموبايل خشية ورود قنبلة قد تفجرها ام عبد الله من غير قصد

انا احسن من يضيع موبايله في العالم كله .. ولو رصت حالات اضاعة هذا الجهاز العجيب بواسطتي في الخمسة عشر عاما
الماضية لدخلت موسوعة جينيس .. فقد عرفنا الموبايل واللابتوب علي كبر وتميز اللابتوب بامكانية تركه في مكان واحد او حمله
في الكتف .. اما الموبايل فهو (هفيه) تحمله في اليد .. في الجيب .. تضعه جنبك في السيارة .. تحت المخده .. في السفره .. ثم تتركه
وتذهب دون ان تحس بانه ليس معك

وافضل توقيت لضياع موبايلي هو وقت نزولي من السياره .. فعادة ما اجمع اشيائي الصغيرة .. المفتاح والموبايل واللوازم
الاخري واضعها في سقف السياره .. ثم افتح الباب الخلفي واخرج الجاكت والبسها .. واحمل شنطة المكتب .. واخذ مفتاح السيارة
من سقف السياره واقفلها وامضي في الغالب تاركا بقية الاشياء لقدرها .. ولا افتقد الموبايل الا عندما احتاج ان اجري مكالمه فلا
اجده ويتضح لي ان صاحب النصيب ذهب به ..

واخر موبايل فقدته كان بلاكبيري .. فقررت معاقبة نفسي ودخلت السيوبر ماركت القريب وقلت لبائع الموبايلات اعطيني ارخص
موبايل عندك .. فاعطاني موبايل ثمنه 65 درهما .. هو قطعا يؤدي الغرص للمحادثات والرسائل .. ولكنه غير اجتماعي ولا
يغري بالسرقه .. وقد نسيته مرتين علي سقف السياره .. ولم ياخذه احد .. ..

تفتكر ما شافوه ؟

عمر علي حسن

Quote: واخر موبايل فقدته كان بلاكبيري .. فقررت معاقبة نفسي

اصبر خالي حتظهر ليك في القريب العاجل عينة من الموبايلات الراقية تحمل تطبيقات متقدمة جدا تتنسم ريحة عرقك وكلما حاولت الابتعاد عنها تقول ليك الكلام السمح دا : http://www.facebook.com/video/video.php?v=405800099456884[/B]

Quote: ودخلت السيوبر ماركت القريب وقلت لبائع الموبايلات اعطيني ارخص موبايل عندك .. فاعطاني موبايل ثمنه 65 درهما .. هو قطعا يؤدي الغرص للمحادثات والرسائل .. ولكنه غير اجتماعي

لحظة لحظة لحظة خالي جبت كلام - هي الشغلانية فيها اجتماعي وما اجتماعي ؟ لا حول الحمام زمان كان بيقول (اناقة الرجل في حذائه) كمان جابت ليها موبايلات وكدا ؟


انا طالع يا خال مسافر مدينة سمائل على بعد 100 كيلو من مسقط لتلبية دعوة من احد الاعزاء ربما اغيب عنكم حتى المساء

خلي بالك من نفسك ومن بوستينا دا - البوست زى العنبلوك محتاج سيدو يدوعلو لحدى يلبلب

Quote: البوست زى العنبلوك محتاج سيدو يدوعلو لحدى يلبلب

هو ذاتو انبرش .. وبقي مجادعه بيني وبينك .. بعد ده الا نعمل له اعلان ..
ترجع بالسلامه ونشوف

عمر علي حسن

Quote: هو ذاتو انبرش .. وبقي مجادعه بيني وبينك .. بعد ده الا نعمل له اعلان

ما قلت ليك البوست دا زي السعدة النامية في طرف القيف ؟ الناس تغسل وتشر فيها والانعام تاكل وتنوم فيها وتتجضم وتتمعض وتتكد كدان وتاني تفتق زى ما الله خلقها .

قال انبرش قال !! خليك صاحي عشان تشوف المدعولة بالمشك كيف

ومازال الطيب شيقوق معتقلا في (زنازين) فؤادي وقلبي .. ويا تلحقوه يا ما تلحقوه

كل سنة أنت والطيب طيبون

ده ما إعتقال وبس ،، ده مؤبد عديل !!!!

Quote: ده ما إعتقال وبس ،، ده مؤبد عديل !!!!

ابو العباس .. ايها المهاجر الازلي من دبيره الي خشم القربه

لكم احببت البرابره وجعلت جل صداقاتي معهم .. وسعدت بذلك .. فهم اهل بصيرة واهل ود صاف وصدق وصراحه
وها انت في اخر الزمان تثبت صحة ذلك .. فقد عرفتها ولمست بعدها الثالث بدون عناء .. فالاعتقال مؤبد ليس بعده
افراج لا يالضمانة ولا بغيرها ..

الا تري معي ان حبل المودة رابط لا فكاك منه .. كذلك حب الناس .. يوم يقع في القلب فانه يسجنهم فيه .. والتهمه واحده
هي المحبه .. والحكم واحد هو المؤبد الازلي ..

قال قريبك للقاضي وهو يبكي : يريدون ان اطلقها .. خليهم يقلعوها من هنا (ياشيه) .. وضرب علي قلبه حتي كاد يخلعه

لك فيض الود
عمر علي حسن

Quote: ابو العباس .. ايها المهاجر الازلي من دبيره الي خشم القربه لكم احببت البرابره وجعلت جل صداقاتي معهم .. وسعدت بذلك .. فهم اهل بصيرة واهل ود صاف وصدق وصراحه وها انت في اخر الزمان تثبت صحة ذلك .. فقد عرفتها ولمست بعدها الثالث بدون عناء .. فالاعتقال مؤبد ليس بعده افراج لا يالضمانة ولا بغيرها .. الا تري معي ان حبل المودة رابط لا فكاك منه .. كذلك حب الناس .. يوم يقع في القلب فانه يسجنهم فيه .. والتهمه واحده هي المحبه .. والحكم واحد هو المؤبد الازلي .. قال قريبك للقاضي وهو يبكي : يريدون ان اطلقها .. خليهم يقلعوها من هنا (ياشيه) .. وضرب علي قلبه حتي كاد يخلعه

عافي منك يا خال بس لياب دا ما بتردوا ليهو كتير كدا انا عارفو بحب المسكولات

رئيسنا الحنين ووحبيبنا المسنوووح ود شيقوق


عيدكم مبارك وكل سنة وانتم باتم صحة وعافية

يا المسنوح وحاتك كشحت ناس الحلة بفاتحة

الهيروكين اليل ساندي عرج منهم اميال والحبة

ما جاتهم وساندي شغال خمج وانا لافي بعربيتي

وسط البلد محتفلين بزيارة سيف الدين جبريل لنيويورك.

بس جهز الحمارة واللبدة وعندك التلت .

أستاذ عمر علي حسن.
ده إعتقال خمس نجوم.أنا كنت فاكر المسنوح ده ‘إعتقلوه بسبب الصور!
ياخ إعتقلني انا ذاتي في السجن الوجداني ده.بالمناسبة أنا حرضت على المحاولة الأولى لإغتيال ولي عهد النمسا!
كل عام وأنتم بخير وكل سنة وإنتوا طيبين.

محبتي

Quote: ده إعتقال خمس نجوم.أنا كنت فاكر المسنوح ده ‘إعتقلوه بسبب الصور!

غايتو تعجبني بربط الاحداث

هسه انت يا مسنوح مرجّعنا هنااااااااااااك للصور مالك؟

Quote: [.بالمناسبة أنا حرضت على المحاولة الأولى لإغتيال ولي عهد النمسا!

ياعزيز
هذا السجن مفتوح وابوابه واسعه .. وليس له بوابات خروج
لقيته وين ولي عهد النمسا المسكين ده ؟ .. ما في حاجه اقرب ؟

لك تحياتي
عمر علي حسن

ود الكامل

Quote: رئيسنا الحنين ووحبيبنا المسنوووح ود شيقوق عيدكم مبارك وكل سنة وانتم باتم صحة وعافية

كل عام وانتم بالف خير وسلامة ربنا حماكم من الداهي الاسمو ساندي دا

Quote: يا المسنوح وحاتك كشحت ناس الحلة بفاتحة الهيروكين اليل ساندي عرج منهم اميال والحبة ما جاتهم وساندي شغال خمج وانا لافي بعربيتي وسط البلد محتفلين بزيارة سيف الدين جبريل لنيويورك.

Quote: دي عاد بوصوك عليها ؟ عارفك اكان رفعت يديك فوووق واتوجهت شطر اليمن بتقضى الغرض زى رمشة العين

Quote: بس جهز الحمارة واللبدة وعندك التلت .

الامورة جاهزة حتى التبروقة البدفنو تحتها البياض جاهزة واللبان العدنى جاهز - باقي لي انت ما في شيئ بيسكرك روحنيا غير العدنى !!

Quote: بس جهز الحمارة واللبدة وعندك التلت .

وانا يا الفكي ؟

عمر علي حسن

سعادتك الثلت التالت حقك تب , بس المسنوح ما يزوغ ؟

Quote: سعادتك الثلت التالت حقك تب , بس المسنوح ما يزوغ ؟

بختك خالي الدنيا با..................ت فيك تاني علا تنفض المسكولات نفض من جلدك هههههههههههههههها - ركز خالي

Quote: يا المسنوح وحاتك كشحت ناس الحلة بفاتحة الهيروكين اليل ساندي عرج منهم اميال والحبة ما جاتهم وساندي شغال خمج وانا لافي بعربيتي وسط البلد محتفلين بزيارة سيف الدين جبريل لنيويورك.

ود الكامل

يابا ماتشوف لينا فاتحه صغيره كدي لي كتاحة بعد بكره دي .. تكرم بيها جدك حمدنا الله

عمر علي حسن

Quote: خليك صاحي عشان تشوف المدوعلة بالمشك كيف

ياشيخنا
انا بخلف من كورة برشلونه الكلها ون تو .. عشان كده شفت البوست ما عايز يدوعل ولا يدغلب رغم المشكابات المنظمه الجبناها .
اها .. حسع اول ما فرهد جرس الباب ضرب .. النمشي نقول ليهم الخواجه مات ونجيكم

عمر علي حسن

الزملاء الافاضل والاعزاء ..

كل عام وأنتم بخير...

حبابك منى خوجلي شرفتينا لكن مداخلتك مسكول بس

Quote: انا بخلف من كورة برشلونه الكلها ون تو

لا يا خال العبرة بحضور المشجعين من الفريقين

الاستاد متروس مشجعين انك مالك بتقلق ؟

Quote: .. عشان كده شفت البوست ما عايز يدوعل ولا يدغلب رغم المشكابات المنظمه الجبناها .

قيمة البوست يا خال مش من كثرة من تداخلوا فيه وانما بعدد المتابعين لمواضيعه

المتداخلون يا خال فيهم من تداخل مجاملة لي او لك وهذا مشكور على مساعيه وفيهم من صادف الموضوع هوى في نفسه فتداخل اما معبرا عن استمتاعه او ليقول لنا انا ها هنا سعيد بما تكتبون .

Quote: اها .. حسع اول ما فرهد جرس الباب ضرب .. النمشي نقول ليهم الخواجه مات ونجيكم

باقي لي مسكوك لانهم من نوع الضيوف الطيبين الذين يسترسلون في الونسة وما عارفنك لا انت معاهم ولا مع الشبح الاسفيري الذى صار يملك القلب اكثر من الصديق الفيزيكال .

خالي لحظة انت ليش انا لما اكون طولت من سودانيز واجي ادخلها وفي لحظة الدخول جاني حد دق الباب امشي افتح ليهو الباب وجواى كلام كتير ما سمح .

اوع يكون وليداتنا لما يكونوا منهمكين مع النت بسبوننا من جواهم لما نجيهم نسلم عليهم بفيض الحنية والريدة؟

Quote: باقي لي مسكوك لانهم من نوع الضيوف الطيبين الذين يسترسلون في الونسة وما عارفنك لا انت معاهم ولا مع الشبح الاسفيري الذى صار يملك القلب اكثر من الصديق الفيزيكال .

قلت ليك خليني اقول ليهم الخواجه المعانا مات وعايزين نلحق الدافنه

الاطرف انه ديل لو قلت ليهم الخواجه مات حيقعدوا يناقشوا هل بتجوز عليه الرحمه ؟ ..كمان قرايبي
وعزاز علي جدا .. ما طولوا ساعتين بس .. انا لاقيهم وين ياخ ؟

Quote: خالي لحظة انت ليش انا لما اكون طولت من سودانيز واجي ادخلها وفي لحظة الدخول جاني حد دق الباب امشي افتح ليهو الباب وجواى كلام كتير ما سمح .

المشكله انه الكلام الماسمح ده ممكن يظهر في الوش .. ويتفهم فساله ..
طول بالك واعمل بقول الخالق (ولو انهم صبروا واتقوا لمثوبة من عند الله خير لو كانوا يعلمون) ..
في الاخر بتكسب الشكره والاجر

Quote: اوع يكون وليداتنا لما يكونوا منهمكين مع النت بسبوننا من جواهم لما نجيهم نسلم عليهم بفيض الحنية والريدة؟

اخونا عموري يا معلم مكنكش في اللابتوب بتاعي وما عايز يرد السلام .. قلت ليه اظنك ما سمعتني
سلمت عليك .. قال لي سمعتك يا جدو .. انت ما شايفني مشغول كيف ..

تقول لي يسبونا من (جواهم) .. حليلك يا خال ديل سبهم علني

عمر علي حسن

Quote: الزملاء الافاضل والاعزاء .. كل عام وأنتم بخير...

الاخت الكريمه مني خوجلي
الطيب قال ليك مسكول .....واللي مش عارف يقول عدس !!
ما لابس النضاره المسكين .. عشان كده ما شاف الورده ....

كل عام وانتم بخير .. شكرا علي الطله البهيه

عمر علي حسن

Quote: بختك خالي الدنيا با..................ت فيك تاني

الطيب خالي
انت النيا دي قايلها (فرخه) ............. هو ذاتو تمنو 65 درهم الايفتحوه بي مفك عشان يدخلو فيه مسكولاتهم

عمر علي حسن

Quote: قلت ليك خليني اقول ليهم الخواجه المعانا مات وعايزين نلحق الدافنه الاطرف انه ديل لو قلت ليهم الخواجه مات حيقعدوا يناقشوا هل بتجوز عليه الرحمه ؟ ..كمان قرايبي وعزاز علي جدا .. ما طولوا ساعتين بس .. انا لاقيهم وين ياخ ؟

ساعتااااااااااااان؟؟؟؟ ما اطول بالك يا خالي انت دا زول جنة عديل .

غايتو اكان خالك دا بقت عليهو البقت عليك دي ما بنستر طاب - انت عارف بعمل شنو ؟ بقوم اخمش اللابتوب اختو في زاوية من زوايا المطبخ واعمل فيها مهتم مع ام عبد الله بإعداد ما لذ وطاب من الطعام لهولاء الاكارم واقوم اصيح بصوت عالي وين الحاجة ديك وجيبي الحاجة ديل وختى الموية ديك وانا في الحقيقة قانص في المنبر لكلام خالي الطاعم دا .


لقيتني كيف كدا يا العشاء اب لبن؟

Quote: المشكله انه الكلام الماسمح ده ممكن يظهر في الوش .. ويتفهم فساله .. طول بالك واعمل بقول الخالق (ولو انهم صبروا واتقوا لمثوبة من عند الله خير لو كانوا يعلمون) .. في الاخر بتكسب الشكره والاجر

لا خالي لحظة احكي ليك العندي

ات عارف التحكم في إحاءات الوش ، حتى لا يكشف ما تخفيه السريرة ، دى مسألة Very subjective . من إبتلاءات او ربما نعم الله -إن شئت - علي خالك دا انه لا يملك فن إخفاء ما بسريرته.

Quote: اخونا عموري يا معلم مكنكش في اللابتوب بتاعي وما عايز يرد السلام .. قلت ليه اظنك ما سمعتني سلمت عليك .. قال لي سمعتك يا جدو .. انت ما شايفني مشغول كيف .. تقول لي يسبونا من (جواهم) .. حليلك يا خال ديل سبهم علني

عيييييييييييك خم وصر

قال قريبك للقاضي وهو يبكي : يريدون ان اطلقها .. خليهم يقلعوها من هنا (ياشيه) .. وضرب علي قلبه حتي كاد يخلعه

وضرب علي قلبه حتي كاد يخلعه ......
-******** ********
قيمة البوست يا خال مش من كثرة من تداخلوا فيه وانما بعدد المتابعين لمواضيعه
المتداخلون يا خال فيهم من تداخل مجاملة لي او لك وهذا مشكور على مساعيه وفيهم من صادف الموضوع هوى في نفسه فتداخل اما معبرا عن استمتاعه او ليقول لنا انا ها هنا سعيد بما تكتبون .
******* ********
انا سعيده بما تكتبون
علشان كدة ح احرسه ليكم البوست لمن مولانا الطيب يرجع من رحلتة سالم غانم

Quote: علشان كدة ح احرسه ليكم البوست لمن مولانا الطيب يرجع من رحلتة سالم غانم

شوف يا خالي أم هشام دي مع العز العاشت فيهو برضها ناقشة اى كلمة نرميها هنا .

ات عارف ليش؟

كل الذين تربوا في بيوت العز المفتوحة للضيوف بتكون دواوينهم مستدودعات تحتوي على مخزون متنوع من الثقافات السودانية الواردة لها من كل بيئة سودانية عشان كدا ما تستبعد ام هشام دي تكون ناقشة مفرداتنا تلك كالعنبلوك وعتيّد البرمة والمشك وكدا . ونوع ديل - خالي عمر - لما يطلع خارج السودان تجده متآلف مع اى سوداني وإن كان قد تربى بين جبال وهضاب واودية العسمة وبيّة وبلوس .

أولاً سلامة "ألبك" زي مابقولوا اهلك الشوام يا أبا ايهاب.....
هذا الكلام الدُرري لا يطلع إلا من قلب سليم ومعافى رغم أنف الطب والأطباء بما فيهم منى وشيراز!
فقد أعدت قراءة الافتتاحية لهذا البوست عدة مرات وفي مرآة عقلي كنت اقرأ تلك القصائد التي كنت
تبدعها لنا من خلال أسماء لنقدمها منولوجات على مسرح امدرمان الثانوية جذبت من الأعجاب ما عجزت
عنه فضائيات وأرضيات السودان "المعاصرة".((بنحبه كتير البزيانوس ؛ ياأغلى سمير يابزيانوس؛ ياليت ياأمير
يا بزيانوس قزازتك تبقى قدر الزير))!!! تستاهل عليها تقدير من ناس البرير..

فيا للأسلوب المبهر ياشيقوق الذي خصك به خالك...والمسألة تحتاج ل (سيرة) بالمؤخر بعد إذن اسماء( سمح
خالي الرفع قدري وستر حالي...الخ) إذا ابن اختك نقّط لي بتم ليه السيرة ليهديك لها....

ثم...اراقب دائماً عمق ومحبة الرجال لبعضهم.. والمحنة الفايضة كما جاء في تعليق رمانة.. ومتابعة هدي ومنى خوجلي..
مساندة رهيبة من الرجال لبعضهم تبكي لها العين فرحاً!!!! ورغم زعلي الدائم ل "ذكورية" كل الجماليات المجتمعية
إلا ان هذه المساندة تبهرني دائماّ وأذكر يوم ان نعى القشطيني في عموده شبابه وبكى الزحف الصحراوي على رأسه
تصدى له أصدقاؤه بالعزاء شعراً ونثراً ولم تساندني صويحباتي يوم ان أفزعتني خطوتي الأولى في درب العقد
السادس من العُمر....فيا ترى هي أخرى من "شيَم الرجال".

أعتذر لاختراق الأجواء الذكورية المُترفة في البوست ولكني دخلت بتشجيع المراقَبات رمانة ومنى وهدى....
وأفزعني ان تكون مريضاً ولم أسمع الخبر...عافاك الله وشفاك....
وأطربني ورود أسماء الأحباب من الأجيال الثلاث في دارك العامرة بطيب روحك وسماحة زوجك البهية شقيقتي أسماء..
وزعلني ان يسيطر "أمير" على مكان إيهاب وأكرم فينادوك "أبو أمير" أصله أمير طرزان من صغره...
وشرفني التواجُد في مجلسك في حضرة ابن أختك وربعكم الكريم....

حفظكم الله جميعاً وعافاكم وهداكم من لِعب الكورة ....
عشة موسي

Quote: هذا الكلام الدُرري لا يطلع إلا من قلب سليم ومعافى رغم أنف الطب والأطباء بما فيهم منى وشيراز!

الاخت الشقيقه الحبيبه عشه موسي السعيد
اولا فنامي قريرة العين والبال والقلب .. فقلبي ما به من علة غير انه لم يعد يحتمل اوزار الحب التي تتزايد عليه يوما بعد آخر فتجعله
في خوف دائم من ان يقدم حبيبا علي حبيب .. او يسقط بالسهو واحدا من سكانه فلا يحصل علي عائد من انسه ولا بسمة طفولية
كابتسامات محمد الذي لا يعلم جد حبنا له ولا يعي ماتفعله بنا ابتساماته التي تضئ كل ظلمات الحياه

ابكي وانا اقرأ لك هنا وهناك .. فالزمان الذي آنسنا عمرا بقربكمو قد عاد يبكينا .. وانت يام وضاح مازلت قبسا يسطع اينما حل ..
ولا يخبو حين يغيب .. وقد كنت القي في وضاح عندما ادخل بيته في القاهره عبق الود الاسر من امه وابيه الراحل .. ووجدت في
همومه وافراحه واوجاعه صدي لهمومي وافراحي واوجاعي .. فكان يذهب بي الي اماكن يحبها فيجدها سابقة بقلبي قبل مولده ..
ويوم ذهب بي لزيارة الطيب عبد الله والدر عبد الله ورأي دموعنا تفيض ادرك ان الحب يورث .. فهما احبابنا قبلهم

وابكي وانا اقرأ لك هنا وانت تصرخين بخوف المحب علي حبيب مسه طائف من خطر .. وانا والحمد لله في مأمن .. ولن تمس مني
شيراز عبد الحي ولا مني عمر شعرة ولن تقبضا مني فيزيته .. الحمد لله مازال قلبي يرجع كل اصداء الفرح والحب في دنيانا ويعيد
ضخها سكري وضغط وخفقانا مضطربا يضبط احيانا ب(الكونور) واحيانا بالزجر والتوجيه بالانضباط العسكري ..

اما امير فهو المسيطر كعادته منذ ولد وخرج لميضا متبرما فصيحا يعبر عن كل ما يريد ولا نريد .. ولكنه مازال مساويا لاخوانه
في الاثرة والمحبة الا بما تضفيه ابنته سارة علي الاسره من سعاده صخابة تماثل طفولة ابيها و(خلقته) بينما تمثل ابنته سهي
رزانة الكبار ال Class وقد سعدنا بهما ايما سعاده .. وياتي عموري ووداد صورة ناطقة لجموح اكرم الذي يتسلق الباب ويجلس
علي ماسورة الكهرباء التي تربط لمبات الاضاءة علي جانبيه .. وسبحان الله فلا نتوقع من محمد الا ان يكون اشد صخبا وضجيجا ..
ليت ابي كان بيننا ليقول لنا من اين اتي هولاء الناس !

وود الرجال يا اخت اسما صاف لان الذي خلق الرجل لاربعة والمرأة لواحد قد وزع القدرات والمقادير بعدل لا افراط فيه الا حيث
يكون الافراط ضرورة لبسط الملك .. ولا شح فيه الا حيث يكون الشح اساسا لضبط الملكية وصيانتها .. قال لي استاذي البروفسير
بيردي ان الرجل اذا احب اثنتين لايكون مختل التوازن .. ولكن المرأة اذا احبت اثنين فتكون (مخلوله) تحتاج علاجا ..

اما السيره فسنجيرها للصغار ونرقص امامها بالسيوف والخيل فرحا وزهوا .. وافتح الباب للخال شيقوق ل(ينقط) ثم (ينطط) ..
فالحال في زماننا هذا سيطرة مطلقة لمن يعرضون خارج الزفه

حفظ الله اختنا واستاذتنا عشه بنت استاذنا واخت استاذنا وزوج استاذنا وتحياتنا لمن حولك من محمد المكي ابراهيم الي وضاح
وشيراز محمد عبد الحي ومن حولهم من فروع وعسل ورحيق ..

عمر علي حسن واسماء

Quote: انا سعيده بما تكتبون

هدي عبدالمنعم
فنحن الاسعد ان اسعدك ما نكتب .. والبلد الطيب يخرج نباته بإذن ربه
اما الحراسة .. فهذه حراسة ملكية .. فوق مانستحق انا وخالي اللذين لا يزيد ما يحرس لهم عن حد (حرس ثوري)
او (غفير مزلقان) ..

لك التقدير يابنة الطيبين الخيرين .. ولتشاركينا في احياء هذه المنارة للحب والود بين الناس .. فلا يحدك عنا بعد
المشرقين والمغربين ولا يقطع بينك وبيننا خصوصية ود وحب لمن هم بقربك

عشت
عمر علي حسن

Quote: Quote: علشان كدة ح احرسه ليكم البوست لمن مولانا الطيب يرجع من رحلتة سالم غانم شوف يا خالي أم هشام دي مع العز العاشت فيهو برضها ناقشة اى كلمة نرميها هنا . ات عارف ليش؟ كل الذين تربوا في بيوت العز المفتوحة للضيوف بتكون دواوينهم مستدودعات تحتوي على مخزون متنوع من الثقافات السودانية الواردة لها من كل بيئة سودانية عشان كدا ما تستبعد ام هشام دي تكون ناقشة مفرداتنا تلك كالعنبلوك وعتيّد البرمة والمشك وكدا . ونوع ديل - خالي عمر - لما يطلع خارج السودان تجده متآلف مع اى سوداني وإن كان قد تربى بين جبال وهضاب واودية العسمة وبيّة وبلوس

وجدت في هذا دفاع المحامي وعدل القاضي
عمر علي حسن

الخلان الاعزاء
اجمل مافي الولايات المتحدة الامريكية فارق الوقت بينها وباقي البلدان الاخري لبعدها الجغرافى
البوست محروس ومؤمن باصحابة عندما نخلد الي النوم
وعند خلودهم للنوم ليلا تجدة تحت حراسة امريكية مشددة فنحن هنا نحرسة لكم من العين ومن اى هكر

دامت المحبة بينكم ودمتم لنا خلان وخيلان

العزيزة هدى ع/ المنعم

Quote: اجمل مافي الولايات المتحدة الامريكية فارق الوقت بينها وباقي البلدان الاخري لبعدها الجغرافى البوست محروس ومؤمن باصحابة عندما نخلد الي النوم وعند خلودهم للنوم ليلا تجدة تحت حراسة امريكية مشددة فنحن هنا نحرسة لكم من العين ومن اى هكر

ايوا لازم نعمل نظام روتيشن لبوست الخال

وكمان انا هنا ما بخلي ليك الخال ينوم - كلما تجيهو دقيسة بصحيهو ليكم ولو ب up - يصحى يلقى ليك البوست في هامة المنبر فوووق - يقوم يتكيف وطوالي يقبل على ام امير عشان تقلى ليهو البن وتشممو المقلاية يتكرف زيييييييين وينعدل للكي بورد ترزي بس

عفوا للتكرار

أستاذتي عشة موسى

تحياتي وكل عام وانت وافراد الاسرة الميامين بألف خير

Quote: أولاً سلامة "ألبك" زي مابقولوا اهلك الشوام يا أبا ايهاب..... هذا الكلام الدُرري لا يطلع إلا من قلب سليم ومعافى رغم أنف الطب والأطباء بما فيهم منى وشيراز! فقد أعدت قراءة الافتتاحية لهذا البوست عدة مرات وفي مرآة عقلي كنت اقرأ تلك القصائد التي كنت تبدعها لنا من خلال أسماء لنقدمها منولوجات على مسرح امدرمان الثانوية جذبت من الأعجاب ما عجزت عنه فضائيات وأرضيات السودان "المعاصرة".((بنحبه كتير البزيانوس ؛ ياأغلى سمير يابزيانوس؛ ياليت ياأمير يا بزيانوس قزازتك تبقى قدر الزير))!!! تستاهل عليها تقدير من ناس البرير.. فيا للأسلوب المبهر ياشيقوق الذي خصك به خالك...والمسألة تحتاج ل (سيرة) بالمؤخر بعد إذن اسماء( سمح خالي الرفع قدري وستر حالي...الخ) إذا ابن اختك نقّط لي بتم ليه السيرة ليهديك لها.... ثم...اراقب دائماً عمق ومحبة الرجال لبعضهم.. والمحنة الفايضة كما جاء في تعليق رمانة.. ومتابعة هدي ومنى خوجلي.. مساندة رهيبة من الرجال لبعضهم تبكي لها العين فرحاً!!!! ورغم زعلي الدائم ل "ذكورية" كل الجماليات المجتمعية إلا ان هذه المساندة تبهرني دائماّ وأذكر يوم ان نعى القشطيني في عموده شبابه وبكى الزحف الصحراوي على رأسه تصدى له أصدقاؤه بالعزاء شعراً ونثراً ولم تساندني صويحباتي يوم ان أفزعتني خطوتي الأولى في درب العقد السادس من العُمر....فيا ترى هي أخرى من "شيَم الرجال". أعتذر لاختراق الأجواء الذكورية المُترفة في البوست ولكني دخلت بتشجيع المراقَبات رمانة ومنى وهدى.... وأفزعني ان تكون مريضاً ولم أسمع الخبر...عافاك الله وشفاك.... وأطربني ورود أسماء الأحباب من الأجيال الثلاث في دارك العامرة بطيب روحك وسماحة زوجك البهية شقيقتي أسماء.. وزعلني ان يسيطر "أمير" على مكان إيهاب وأكرم فينادوك "أبو أمير" أصله أمير طرزان من صغره... وشرفني التواجُد في مجلسك في حضرة ابن أختك وربعكم الكريم....

بارك الله فيك على هذا الكلام الطيب .

سبق وان وصفت المنبر العام - استاذتي عشة - بسرداق العزاء تجد المعزين فيه كويمات كويمات فيهم النخب المستنيرة وهم يتحاورون في شتى ضروب المعرفة (ادب ، شعر ، سياسة وهكذا) وتجد فيهم البسطاء الذي يحكون عن شؤونهم المحلية ( زراعة ، تجارة وغيرها) وتجد آخرين يلهثون بحثا عن مآخذ وإسقاطات الاخرين .

معرفتي بالخال ابو (إيهاب ، أكرم او امير) دفعتني لتغيير الوصف اعلاه للمنتدى لوصف آخر هو عبارة عن (بحر) لا يغنم بخيراته الا المحظوظون . تعرفت على الخال عمر ، الذي لم التقيه شخصيا حتى هذه اللحظة ، في بوست ( بعد إيه) . واستمر التواصل الاسفيري بيننا حتى هذه اللحظة . فما وجدته فيه قد يفسد مزاجه ان افصحت عنه ها هنا ( وإن شاء الله يوم شكرك ما يجي يا ابا أمير) . وحتما انت - يا بت العز - وبما لديك من كل هذه التفاصيل ، أعمق منى معرفة به.

صحيح ان المنهج الشيق الذي خصني به سعادة اللواء لشهادة اتشرف بها رغم ايماني بانني ليس ممن يستحقوها فانا- يا استاذني - بدوي ابن بدوية كانت تأكل القديد في بطحاء البطانة.

أكرمك الله وطال عمرك وفي انتظار الخال لنسمع منه ما يقول بشأن مداخلتك الرائعه تلك .

Quote: فانا- يا استاذني - بدوي ابن بدوية كانت تأكل القديد في بطحاء البطانة. .

يعني انا الابوي خواجه يا خال ؟ ..
بل جئت من نفس البطانه .. يا ولدي

عشه موسي واسما بنات دفعه من ام درمان الثانوية وما بعدها .. ثم زميلات تدريس ومعلمات .. ثم حباهن الله
بمحمد عبد الحي وعمر علي حسن فسعدت الاولي به وبابنائه زمانا حتي رحل فاصبحت هي محمد عبدالحي
وعشه موسي معا واعطت عمرها وجهدها لتفلح في صناعة ابناء وبنات قمة في الفلاح والوفاء .. اما الثانيه
فتحملت ما بلاها الله به ومازالت دون ان تقول لاهلها شيئا ..

وكانتا صديقتين تعلمنا منهما حب الصديق .. وفتحتا جسور الود بين اهليهما الاصل والفرع وصار الكل اهلا ..
ومضي الزمان كدأبه يفرق ولا يجمع فجاءت عشه للسعوديه بعد ان تركناها.. ولم يستطع السودان حتي الان ان
يعيد جمعنا .. وليته يقسط الينا ويبر بنا يوما ..

عمر علي حسن

جاييك راجع يا خال انا متحرك لحفلة الفنانة شموس وقد هاتفتها هذا الصباح قائلا لها إذا بتسمعينا اغنية ( الذكريات لعثمان الشفيع) فسوف ابيع بوست الخال واجيك واذا لم تغنيها فدعيني مع ذكرياتي مع الخال في الصقيع الاسفيري دا .

يا المسنوووووووح وحات الله سعادتك ما اكتملت كان ما شفت خالك ,<

والله زمان كنا ساكنين في الخرطوم غرب قريب من المديرية كنا لامن

نمشي المديرية نتمني نقابل سعادة العقيد عمر علي حسن ,يشهد الله ما شفت

ضابط شرطة مهندم زي خالك ,يمين بالله كان مضرب المثل , ان شاء الله ربنا

يجمعنا بخالك قريبا ,,, طبعا يا المسنوووووح خالك صديق عزيز للاسرة

ضمهم نادي الهلاق العظيم ,

أها يا المسنوووووووح جايك في شهر يناير جهز العدني .

Quote: ان شاء الله ربنا يجمعنا بخالك قريبا ,,,.

يابوي كدي اكشحنا بي فاتحه زي الجهجت ساندي .. والحمار واللبده عليّ ..

عمر علي حسن

كنا نتابع ما يكتبة سعاده العميد وقتها عمر على حسن عن الهلال ونستمتع بذلك فقد جمعنا معه حبنا للهلال السودانى ، ثم فكرت فى الالتحاق بكلية الشرطة وكان من أبرز ضباط الشرطة رغم أننى لم ألتقيه ولكن كان للكشف الذى أحالوهم فيه للصالح العام وهو مجموعة معتبرة من الضباط فى رتبة العميد شرطة ورغم أننا وقتها (لسع ملكية نتجارى وراء المعاينات والكشف الطبى ) إلا أن الامر لفت نظرنا !!!لم نحظ بالعمل مع سعادته لاننا دخلنا الكلية فى أول يناير 1980 م بعد ثلاثة شهور من نزول سعادة اللواء عمر على حسن للمعاش والصالح العام (والله لو كان الصالح العام رجلاً لقتلته!!) لأنه قتل خيره أبناء السودان فى القوات النظامية وغيرها !!ولكنها المقادير والتى لاشك أن الايمان بها من الايمان بأركان الاسلام ونحمد الله أننا نؤمن بهذه الجزئية الهامه والخاصه بالاقدار وإلا فما الذى يجمعنا فى حوش بكرى سوى هذه الاقدار .
كنت من السعداء جداً بأن تعرفت من خلال هذا المنتدى وفى بوستات معروفه على سعادة اللواء شرطة معاش عمر على حسن وقبل أو بعد أن تعرفت عليه أستمعت الى عدد من الضباط الذين دخلوا بعده كلية الشرطة منهم سعادة الفريق شرطة بروف وزير الداخلية الاسبق عباس أبوشامة ومنهم سعادة اللواء شرطة معاش دكتور محمود محمد صالح والذى جاورته 10 سنوات بالمانيا مدينة بون ولعب معه الوست فى أكثر من مدينة وفى مدينة ميونيخ لم أراعى (الاقدمية ) وأخذ منى وزميلى شوقى عثمان إسنافيك حاره فى منزل إبن أخيه محمد السنجك !! الأخ محمود عندما يحدثنى عن سعادة اللواء شرطة عمر على حسن (أشيل هم عديل ) فإذا كان محمود الراقى جداً والمهندم يتحدث عن ضابطة الاعلى بهذه الطريقة فكيف لى أنا الرائد شرطة معاش والذى للأسف لم أزيد على سنتين كلية الشرطة ألا كورسات هنا وهناك !!!.
ولكن عندما هاتفته لأول مره وعرفت نفسى أستقبلنى بهشاشة وبشاشة حتى أن زميل وصديق له يبدو من الداخل هاتفه فى لحظة حديثه معى فما كان منه إلا أن قال له عليك الله أضرب لى بعد شوية معاى بشرى مبارك فى التلفون !! وكأنى من ضمن ال28 دفعته !! حتى ظننت أننا أولاد دفعه وتحديداً فى البلتون الخامس (بلتون العينات ) فالاخ اللواء عمر على حسن يسعدك أيما سعاده وأنت تطالع سطورة أو يرد على هاتفك أو يرسل لك فى البريد الخاص فأمثال اللواء عمر على حسن هم الذين يجلعون لحياتنا طعماً ولكتابتنا دعماً فبارك الله فيك أخى سعادة اللواء شرطة عمر على حسن وللأخ الطيب شيقوق الذى منحنا هذه المساحة .

Quote: كانت ليلة الامس ليلة مضيئة في حياتي .. فبعد ان تجمع الاحباب حولي منذ الصباح وحتي هجع الليل واضطجع وانا اعيش سعاده غامرة غابت عن قلبي الممتلئ بالوجع والذي اذا رف برفق خشيت ان يتثاءب ويغفو غفوة لا صحو بعدها واذا دق بقوة خفت ان يرهقه الوجيب فيسقط خائرا .. افرحني الصغار عموري وسهي ووداد وساره ومحمد ابن الشهر الاول الذي يبتسم فتضحك الدنيا باسرها وينتشر فيها الفرح آسرا وصافيا .. ما سر ان ان تفرحنا ابتسامة طفل وتشبع اعطافنا بري من ظمأ الحياة التي اجدبت ولم تعد تنبت الا الشوك والحسك .. والتف حولي اباؤهم اكرم وامير وامهاتهم سوزان وندي وحبات قلبي مني وامها اسماء واعمامهم وخالاتهم واخوالهم واصيحاب اهتدوا الينا بلهب النار المتصاعد من قلبي يهدي الينا ضيف الهجوع .. واكمل التلفون سيمفونية التجمع الودود فلم يسكت او يرفض دخولا لمشتاق .. ليدوربين الاذان ناشرا للفرح المترع بالشوق والمحبه .. العيد كان الف عيد .. نزل علي قلبي كنار ابراهيم .. فلما انسكب ستر ليله خشيت ان يذهبوا واختلي بقلبي الموجوع فيزيده ذهابهم الما .. ولم اصرح بخشيتي هذه حتي لا اقتل فرحتهم وفرحتي .. فذهبوا .. كل بما اختزن من سعاده .. وهجعت لا الوي علي شيء حتي جيء لي بالهاتف وهو يرن بلهفه .. ولكنه سكت قبل ان يصلني .. وبانت به اشارة عن مكالمه فائته لايجوز تجاهلها او تاجيل الرد عليها .. فجلست معتدلا .. وناديت صاحبها .. شيقوق .. ياحليلك وعيدك مبارك.. واعادني صوته للسعد الذي تسربت اطرافه دون ان تفطن الي وجع ذهابهم عني ..

وها نحن بحكيك الجميل نعيش معك من جديد وقت اسري نشتاق لان نقضيه بكل تفاصيله الماضية ونتمسك بما تبقي
من بعضنا في شوق وخوف من وقت يخلو من بعض منا..
تلك الوحدة التي خفتها أنت نخافها جميعا ونسعي لأن نختزن "مثلك" وقت إمتلاء اللحظة بما يمكننا الحياة في وقت قادم..
.......
.......

في وحدتنا التي يهاجمنا الخوف كثيرا فيها..نفرح بالإخرين كالأطفال..نسعد بأي خبر منهم..
فسؤالهم عنا يعني أننا في البال في زمن أصبح فيه بال الجميع مشغول باشياء كثيرة وغريبة..
ويزداد فرحنا عندما يكون المتصل إنسان علي خلق..
تسعد بالحديث معه وتضحك من قلبك ويمتليء قلبك من جديد بالأمل ويخف الحزن بغياب الآخرين..

وشيقوق عندي كما هو عندك وعند آخرين..
أخ فاضل طيب القلب والاخلاق ومازال نقي بنقاء جو وحياة الريف البسيطة..
فيابختكم بالحديث مع بعضكم..

.........
.........

سعيدة بملاحظتك للوردة فهي فعلا تعني لي الكثير..
عجزت بالأمس ان اكتب فقررت أن أترك بعض من إحساسي علي أمل الرجوع للبوست..

........
........

تحياتي لك يا سعادة اللواء ولشيقوق

أخونا وصديقنا وجارنا أبوبكر محمد على الشيخ صاحب قلب رقيق جداً يستعمل مفردة (يا حليلك ) كلما هاتفته حتى لو كنت بابت معاهو !! اليوم هاتفته لكى أسأله عن مشواره الى لندن للسفارة السودانية للحصول على التأشيرة للسودان بعد أن أنتهت بطاقته ذات الخمس سنوات !! فقال لى (يا حليلك يا بشرى ) فقلت له يا حليلى أنا القاعد والله إنت المسافر بكره صباح الجمعة ؟؟!!! فضحك وذكر لى أن الاخ الفاتح فى بون عندما أردد له (يا حليلك يا الفاتح ) يقول لى لكن يا أبوبكر أنا ما مسافر !!!.
أخر سطر ...... يا حليلك يا عمر على حسن ويا حليلك يا الطيب شيقوق ويا حليلكم كل المتداخلين ويا حليلك يا أبوبكر محمد على الشيخ المسافر غداً صباح الجمعة إن شاء الله لحضور زواج بنت أخية المتوفى عمر محمد على الشيخ ومتزوج بنت خاله الحاج على محمد الحسن أبرسى نقول لهم ألف مبروووك.

Quote: في وحدتنا التي يهاجمنا الخوف كثيرا فيها..نفرح بالإخرين كالأطفال..نسعد بأي خبر منهم.. فسؤالهم عنا يعني أننا في البال في زمن أصبح فيه بال الجميع مشغول باشياء كثيرة وغريبة..

ولك الشكر يا مني قبل الورده علي المشاركة في الهم والتفرق الذي جعل احساس التلاقي محاطا بخوف التشتت والخروج
من دائرة الممكن والمتاح .. ثم يقال لك ان العالم اصبح قرية صغيرة .. والتواصل سهل .. وها انت تأتين بعد الورده بأن اي
خبر منهم يسعدك فسؤالهم عنك يعني انك بالبال ... يا لتواضع احلامنا .. لذلك يسعدنا صوت مشتاق في تلفون .. او كلمة
ترد في مداخلة رقيقه .

احني لك الراس تقديرا فالغربة والبعد لم ينزعا عنك حس من عاش في حضن الحيشان المليئة بالاجداد والحبوبات والاهل
والطيبه .. واسالك الاتتركي للغربة قدرة علي ان تبلي تلك الوشيجه .. وان تعمقي بذرتها في وجدان بنيك..

عشت ولك الود
عمر علي حسن

Quote: (والله لو كان الصالح العام رجلاً لقتلته!!)

هو المسكين ده بيقتلوه كم مرة ؟
مات وشبع موت منذ ان جعلوه وعاء للظلم

احمد الله انك لن تجد من تقتله.. وانت البشري

عمر علي حسن

Quote: جاييك راجع يا خال انا متحرك لحفلة الفنانة شموس

الواطه صبحت ياخال .. وانا ما قدر السهر ده .. كده حتفوتونا الجمعه ..
والنوم سلطان

عمر علي حسن

جمعة مباركة يا سعادتو ,,,, المسنوووووح بكون نايم من السهر والجمعة فاتتو .

Quote: احني لك الراس تقديرا فالغربة والبعد لم ينزعا عنك حس من عاش في حضن الحيشان المليئة بالاجداد والحبوبات والاهل والطيبه .. واسالك الاتتركي للغربة قدرة علي ان تبلي تلك الوشيجه .. وان تعمقي بذرتها في وجدان بنيك..

لله درك يا خال

تحية...


لأنه مغسول حتي اخمص قدمية بزمان مترع بالفضائل..تسكنه ويسكنها ...ثم يساكن الاخرين ودا ماطرا وخاطرا طيبا وذوقا لو استلفه اصحاب الريشة لاكتحلت العيون بالفنون وهرول الفانون للاتحاق بعالمه المسكون بالشجون..

لله در سعادة اللواء فنحن بدون حروفه الدافئة في زمهرير و شتاء..

منى

Quote: وشيقوق عندي كما هو عندك وعند آخرين.. أخ فاضل طيب القلب والاخلاق ومازال نقي بنقاء جو وحياة الريف البسيطة.. فيابختكم بالحديث مع بعضكم..

والله من فيضك ومن فيض البيت الذى نشأن فيه بنات عمي عوض خوجلي الذى تتقد ملامح وجهه بكل معاني النخوة والشهامة والكرم السوداني الفياض .

Quote: سعيدة بملاحظتك للوردة فهي فعلا تعني لي الكثير..

شفت يا منى الفرق بين من يتغنى ويقول ( انت كا ك ل ب في الوفاء) ومن يقول ( عيون المها بين الرصافة والجسر جلبن الهوى من حيث تدري ولا ادري)؟
اخوك جاء عاصر ابنص سااااااااى في ورودك السمحة سماحة خلقتك وطبعك دا ولم يخطر بباله شيئ والخال بحسه المتمدن اخد وقفة تأمل ثم قال ما قال .

يا اخوانا عليكم النبي مدنونا معاكم حبة

سعادة الاخ السقاي

Quote: كنا نتابع ما يكتبة سعاده العميد وقتها عمر على حسن عن الهلال ونستمتع بذلك فقد جمعنا معه حبنا للهلال السودانى ، ثم فكرت فى الالتحاق بكلية الشرطة وكان من أبرز ضباط الشرطة رغم أننى لم ألتقيه ولكن كان للكشف الذى أحالوهم فيه للصالح العام وهو مجموعة معتبرة من الضباط فى رتبة العميد شرطة ورغم أننا وقتها (لسع ملكية نتجارى وراء المعاينات والكشف الطبى ) إلا أن الامر لفت نظرنا !!!لم نحظ بالعمل مع سعادته لاننا دخلنا الكلية فى أول يناير 1980 م بعد ثلاثة شهور من نزول سعادة اللواء عمر على حسن للمعاش والصالح العام (والله لو كان الصالح العام رجلاً لقتلته!!) لأنه قتل خيره أبناء السودان فى القوات النظامية وغيرها !!ولكنها المقادير والتى لاشك أن الايمان بها من الايمان بأركان الاسلام ونحمد الله أننا نؤمن بهذه الجزئية الهامه والخاصه بالاقدار وإلا فما الذى يجمعنا فى حوش بكرى سوى هذه الاقدار . كنت من السعداء جداً بأن تعرفت من خلال هذا المنتدى وفى بوستات معروفه على سعادة اللواء شرطة معاش عمر على حسن وقبل أو بعد أن تعرفت عليه أستمعت الى عدد من الضباط الذين دخلوا بعده كلية الشرطة منهم سعادة الفريق شرطة بروف وزير الداخلية الاسبق عباس أبوشامة ومنهم سعادة اللواء شرطة معاش دكتور محمود محمد صالح والذى جاورته 10 سنوات بالمانيا مدينة بون ولعب معه الوست فى أكثر من مدينة وفى مدينة ميونيخ لم أراعى (الاقدمية ) وأخذ منى وزميلى شوقى عثمان إسنافيك حاره فى منزل إبن أخيه محمد السنجك !! الأخ محمود عندما يحدثنى عن سعادة اللواء شرطة عمر على حسن (أشيل هم عديل ) فإذا كان محمود الراقى جداً والمهندم يتحدث عن ضابطة الاعلى بهذه الطريقة فكيف لى أنا الرائد شرطة معاش والذى للأسف لم أزيد على سنتين كلية الشرطة ألا كورسات هنا وهناك !!!. ولكن عندما هاتفته لأول مره وعرفت نفسى أستقبلنى بهشاشة وبشاشة حتى أن زميل وصديق له يبدو من الداخل هاتفه فى لحظة حديثه معى فما كان منه إلا أن قال له عليك الله أضرب لى بعد شوية معاى بشرى مبارك فى التلفون !! وكأنى من ضمن ال28 دفعته !! حتى ظننت أننا أولاد دفعه وتحديداً فى البلتون الخامس (بلتون العينات ) فالاخ اللواء عمر على حسن يسعدك أيما سعاده وأنت تطالع سطورة أو يرد على هاتفك أو يرسل لك فى البريد الخاص فأمثال اللواء عمر على حسن هم الذين يجلعون لحياتنا طعماً ولكتابتنا دعماً فبارك الله فيك أخى سعادة اللواء شرطة عمر على حسن وللأخ الطيب شيقوق الذى منحنا هذه المساحة .

اطال الله عمرك لهذا السرد الشيق عن سيرة الخال التي مازلنا نبحث لسبر اغواره

يبدو من كلامك اخي ود السقاي انك دفعة مع الاخ سعادة اللواء معاش الفكي محمد الامين وحمزة على سعيد وازهري المحبوب وجاء بعدكم ابن عمي احمد ابراهيم الجراي والاخ عاطف هاشم مالك المقيم معنا حديثا في السلطنة وربما الاخت العقيد م. خادم الله ادريس

التحية لكل هولاء الاخوة والاخوات فقد التقيتهم وانا محامي بالسوكي وسنجة وسنار في ايام الزمن الجميل يا العزيز

الخال

Quote: يا المسنوووووووح وحات الله سعادتك ما اكتملت كان ما شفت خالك ,< والله زمان كنا ساكنين في الخرطوم غرب قريب من المديرية كنا لامن نمشي المديرية نتمني نقابل سعادة العقيد عمر علي حسن ,يشهد الله ما شفت ضابط شرطة مهندم زي خالك ,يمين بالله كان مضرب المثل , ان شاء الله ربنا يجمعنا بخالك قريبا ,,, طبعا يا المسنوووووح خالك صديق عزيز للاسرة ضمهم نادي الهلاق العظيم , أها يا المسنوووووووح جايك في شهر يناير جهز العدني .

ما اظنك بتعرف الشيخ سيف الدين الكامل

على المستوى المهني فهو من اميز معلمي الفيزياء والرياضيات
عمل في وزارة التربية والتعليم العمانية وكان يشارك في إعداد المناهج والامتحانات
كان يقدم حلقة اسبوعية على الفضائية العمانية عن التدريس ومناهجه بالسلطنة
هاجر الى اميركا وما زال مقيما بها .

ات فاكرني بصاحب لي زول تكيسة و سهيتة ؟

في انتظارك يا سيف تعال السلطنة العدنى جاهز والنبق جاهز

انت فاكرني ساى ؟

Quote: عشه موسي واسما بنات دفعه من ام درمان الثانوية وما بعدها .. ثم زميلات تدريس ومعلمات .. ثم حباهن الله بمحمد عبد الحي وعمر علي حسن فسعدت الاولي به وبابنائه زمانا حتي رحل فاصبحت هي محمد عبدالحي وعشه موسي معا واعطت عمرها وجهدها لتفلح في صناعة ابناء وبنات قمة في الفلاح والوفاء ..

اطال الله عمرهن وعمرك يا خال وطيب الله ثرى الراحل المقيم الشاعر الفذ محمد عبد الحي صاحب قصيدة العودة الى سنار والتي اسست لتيار الغابة والصحراء مع الثنائي صلاح احمد ابراهيم والنور عثمان ابكر .

كتب الراحل محمد عبد الحي قصيدة لأخته في يوم عرسهاوهو طالب في مدرسة حنتوب الثانوية في او حوالي 1964 قائلاً فيها :

ماذا أرى في يومك الذهبي ، داعي السرور يطوف بالطرب

ليل به الأنوار ساطعة

والقلب يقفز من بشرى ومن طرب

روحي على الأيام هانئة

لترفلي في العز والنشب يا زينة النسب

Quote: اما الثانيه فتحملت ما بلاها الله به ومازالت دون ان تقول لاهلها شيئا

حاشاك يا خال فأسما- ام أمير- انعمك الله بها وانعمها بك تفتحت ازاهيركم ونضجت واثمرت ايهاب واكرم وامير وبنات يكفي وصفهن بانهن بنات اسما وعمر وتواصلت مثيرة عطائكم الى محمد ومن سبقوه من الاحفاد .

نتابع عن كثب يا ابو أمير ...الزول دا في اعنية واحدة صقريتو هز هههههه

Quote: الزول دا في اعنية واحدة صقريتو هز هههههه

هي اغنية نصاح؟

ابو امير باقي لي مضيوف يا الحلاوي ما تزعجو

Quote: [جاييك راجع يا خال انا متحرك لحفلة الفنانة شموس وقد هاتفتها هذا الصباح قائلا لها إذا بتسمعينا اغنية ( الذكريات لعثمان الشفيع) فسوف ابيع بوست الخال واجيك واذا لم تغنيها فدعيني مع ذكرياتي مع الخال في الصقيع الاسفيري دا .

والله يا سعادتك الذكريات ما غنوها ليه
وبعد ده كلوا مصنقر لمن آخر زول مرق وقالوا لى بعد ما لميت الكاميرا والعده تعال شوف الصور مع الفنانه وامها
وما مرق الا بعدما قفل النادى مع العمال ,, هى الذكريات دى كيف

الاخ الفاضل شيقوق تحياتى أنا دفعة إبن عمك الجراى (الدفعة 46 1980 1982م يناير) واللواء معاش الفكى محمد الامين الدفعة القدامنا وقد خلفنى رئيساً لقسم شرطة العيلفون فى العام 1990م بعد أن قضيت سنتين وقضى بعد أعتقد سنتين برضو تحياتى لهم جميعاً .
أما قرييبك الجراى فكنا (نقرق عليهو ) بأن دفعتو مدرسين (قُدام ) وجانا بى صلعتو !! التحية له وأكان ما أخاف الكضب من التخريج تانى ما شفتو 33 سنه !!!. فضّل ليهو باقى شعر والله عدم الشعراية !!! .

لا ندري أيُّهما أجمل وأسمح وأنبل الخال أم إبن الأُخت؟! وفي ظني كلاهُما (كِلِي في شاة) او قرون بقرة لكن يا جناب المحامي ود شيقوق أظن سماحة اللواء عمر (ميسو بعيد خلاااااااااااس)
واظنه من (عرب قَبُل) الناس الزينين و السمحين بلحيل والذين ترايمهم الرُّوح وهم صنف من مخاليق مولانا طعمهم غير ونكتهم غير ، مُسكرين بطبعم وأنسهم معتَّق
وجودهم جِبِلِّي يهمي كالسحاب وتصحبه دروشة اخوة ليلي ورزمي الرِّعود لكنهم قلة وسماحة اللواء من طينتهم لانني اشتممت فيه ريحة الهلالي ذلكم المخلوق الرائع الذي رحل دون استئذان واخذ معه نصفي الأيسر والي الان (أري جبينه حين تومض البروق واسمع صوته حين توشوش الاشجار واشم ريحه حين يضوع دعاش المطر) وشوفو كلام اللواء دي طاعم كيفن (اللهب المتصاعد من قلبي يهدي الينا ضيف الهجوع) الكترااااااابل دي مو لهب يا سماحة اللواء دي نور ونور وضيوفك اظنهم روحانية بشر فيا شيقوق ابقي (عشرة عليهو وامسك فيهو قوي) فلمثله تضرب اكباد الإبل وتُرقل العيس وتوشم الجبال والاشجار واذا قست عليكم الاوطان ورمتكم في البعيد البعيد فأظن أوطانكم هي قلوب الاحباب والأصدقاء
عُمَر اللِّواء فرش الورود لي خَالو
ؤ مُتْرَع بي الدِّعاش قَدَحُو السَّمِح مُسْيَالُو
نضمي دقاق ؤخير ؤ مَحَبَّة تَمَّا ؤكَالُو
ؤمن دُرر الكلام تاج من نجوم سوّّالو
للخال والابن (عمر وشيقوق) محبتي وللمتداخلين سلامي
ولكل السمحين والزينين والجميلين من بلدي إشتياقي
(كنت مشويم يا ود شيقوق وخريفكم دي اول ما شفتو لكن الليلة شفت البرق يلمع و شميت الدعاش ؤجيتو)

عزيزي العبيد ود ابوي الطيب

معذرة لتاخير الرد عليكم فقد كنت مشغولا خارج المنزل

Quote: لا ندري أيُّهما أجمل وأسمح وأنبل الخال أم إبن الأُخت؟! وفي ظني كلاهُما (كِلِي في شاة) او قرون بقرة لكن يا جناب المحامي ود شيقوق أظن سماحة اللواء عمر (ميسو بعيد خلاااااااااااس) واظنه من (عرب قَبُل) الناس الزينين و السمحين بلحيل والذين ترايمهم الرُّوح وهم صنف من مخاليق مولانا طعمهم غير ونكتهم غير ، مُسكرين بطبعم وأنسهم معتَّق وجودهم جِبِلِّي يهمي كالسحاب وتصحبه دروشة اخوة ليلي ورزمي الرِّعود لكنهم قلة وسماحة اللواء من طينتهم لانني اشتممت فيه ريحة الهلالي ذلكم المخلوق الرائع الذي رحل دون استئذان واخذ معه نصفي الأيسر والي الان (أري جبينه حين تومض البروق واسمع صوته حين توشوش الاشجار واشم ريحه حين يضوع دعاش المطر) وشوفو كلام اللواء دي طاعم كيفن (اللهب المتصاعد من قلبي يهدي الينا ضيف الهجوع) الكترااااااابل دي مو لهب يا سماحة اللواء دي نور ونور وضيوفك اظنهم روحانية بشر فيا شيقوق ابقي (عشرة عليهو وامسك فيهو قوي) فلمثله تضرب اكباد الإبل وتُرقل العيس وتوشم الجبال والاشجار واذا قست عليكم الاوطان ورمتكم في البعيد البعيد فأظن أوطانكم هي قلوب الاحباب والأصدقاء عُمَر اللِّواء فرش الورود لي خَالو ؤ مُتْرَع بي الدِّعاش قَدَحُو السَّمِح مُسْيَالُو نضمي دقاق ؤخير ؤ مَحَبَّة تَمَّا ؤكَالُو ؤمن دُرر الكلام تاج من نجوم سوّّالو للخال والابن (عمر وشيقوق) محبتي وللمتداخلين سلامي ولكل السمحين والزينين والجميلين من بلدي إشتياقي (كنت مشويم يا ود شيقوق وخريفكم دي اول ما شفتو لكن الليلة شفت البرق يلمع و شميت الدعاش ؤجيتو)

الله يخليك يا العبيد على فصاحة اللسان وجزالة الكلمة وسلاسة الاسلوب وحسبى ان اقول لك ( الصمت في حرم الجمال جمال)

اطيب امنياتي

كمندان بشرى

نهارك سعيد

معذرة على التاخير فقد قضيت يومي كله بعيدا عن النت

Quote: الاخ الفاضل شيقوق تحياتى أنا دفعة إبن عمك الجراى (الدفعة 46 1980 1982م يناير) واللواء معاش الفكى محمد الامين الدفعة القدامنا وقد خلفنى رئيساً لقسم شرطة العيلفون فى العام 1990م بعد أن قضيت سنتين وقضى بعد أعتقد سنتين برضو تحياتى لهم جميعاً . أما قرييبك الجراى فكنا (نقرق عليهو ) بأن دفعتو مدرسين (قُدام ) وجانا بى صلعتو !! التحية له وأكان ما أخاف الكضب من التخريج تانى ما شفتو 33 سنه !!!. فضّل ليهو باقى شعر والله عدم الشعراية !!! .

اذن انت دفعتي في كل المراحل الدراسية

صحيح الاخ احمد لم يأتيكم وقتها من الثانوي مباشرة فقد عملنا الاثنان كمترجمين لدى الشركات البريطانية التي كانت تعمل في مشروع الفاو الزراعي لمدة عام واحد فقط ثم بعد ذلك تقدمنا بنفس شهادات العام الماضي فتم قبول الاخ احمد في كلية الشرطة وشخصي في كلية الحقوق جامعة الخرطوم - اما صلعة جنابو احمد فكانت معه منذ ان كان طالبا معنا في الثانويات .

سعادة اللواء معاش الفكي محمد الامين عمل مدير لشرطة السوكي وكنت انا اعمل محاميا هناك وكنا نقضى اغلب اوقاتنا اما في بيتي او في بيت ابو زينب .

شيقوق وسعادة اللواء عمر على حسن خلونا فى تحسين
زادو سطورنا روعه وزادو قلوبنا فرحه نامن ملينا الهين
أتلم الجمييع الناس الظُراف أخوان البنات وأتلمن منى وياسمين
ما قادرين نفارقو وما بنغييب دقائق ومحروس بالدعاء وبى برا ويس


أبشروا بالخير الحضور الجمييل وعلى رأسهم المحامى (الدفعة ) شيقوق والضابط الاعلى والاخ الاكبر سعادة اللواء شرطة معاش عمر على حسن والذى نسعد بسطوره وحضوره .

كمندان بشرى

صباحك ورد

وشكرا لكلامك الطيب

Quote: والاخ الاكبر سعادة اللواء شرطة معاش عمر على حسن والذى نسعد بسطوره وحضوره .

الخال مسجل غياب - ان شاء الله الداعي خير

Quote: الخال مسجل غياب - ان شاء الله الداعي خير

خالك غياب لاسباب فنيه ..
يبدو ان العيال او احدي الشغالات او حد آخر (هبش) المودم فسقط واوقف الارسال يوم الجمعه .. فابلغنا اتصالات
ووعدوا بارسال فني يوم السبت .. وجاء الفني امس وافتي بان المودم خربان ولابد من تغييره .. وتغييره يحتاج
لان يذهب المشترك الي اتصالات ويطلب ذلك بنفسه احد ايام العمل .. وقررنا ان نذهب اليوم لطلب المودم ليحضر
الينا يوم الاثنين او الثلاثاء .. ولكن الدكتوره مني حاولت ان توصل الجهاز سلكيا .. ولما لم تنجح قررت ان الامر
لا علاقة له بتشخيص الفني .. وخلعت اللاب كوت ورمت السماعه واستخدمت معرفتها وخبراتها الالكترونية
وجاءتني قبل قليل تخبرني بان السجنال اشتغل .. وانها صلحته وان المودم بحاله جيده

طبعا نفكر ان ننصحها بترك الطب وفتح ورشة الكترونيات فربما كان ذلك اجدي خاصة وان لديها الاصرار الذي
يفتقر اليه فني الاتصالات الذي زارنا والذي لا بد ان نبلغ عنه من يستخدمونه لانه يضر بسمعتهم وخدماتهم

وساعود لما فاتني ولكم الشكر علي تحمل عناء غيابي

عمر علي حسن

Quote: المسنوووووح بكون نايم من السهر والجمعة فاتتو .

يا (هليفه)

كان خالي في الموعد .. وحمل البوست علي كفوف الراحه ايام غيابي .. رغم ان الفنانه شموس لم تستجب لطلبه ..
اما انت ياشيحنا فبركاتك قد حلت .. وجاءتنا الفاتحه بالخير والمطر كمان .. وسنطلب منك ان (تكربها) يوم 10
لا تخلي فيها مطره لا حكم .. والحمار واللبده حيصلوك لحدي عندك ..

عمر علي حسن

Quote: ما اظنك بتعرف الشيخ سيف الدين الكامل

يا خال
الشيخ سيف الدين الكامل يكفيه انه من سلاله المؤسس الهلالي الخالد حمدنا الله احمد .. وأن (الضب) خاله .. وفوق
البيعه حاصل علي رتبة (هليفه) بعد ان ثبت ان فاتحته عابرة قارات .. وبعد ان نال منكم رتبة شيخ ..

يعني ما زول تكيسة و سهيتة

عمر علي حسن

Quote: وتواصلت مسيرة عطائكم الى محمد ومن سبقوه من الاحفاد .

الخال
هؤلاء هم الذين ان يشفعوا لنا ليغفر لنا ربنا ما تقدم وما تاخر
اما اسماء فستدخل الجنه لانها بالصبر وحده عاشت حياتها..

عمر علي حسن

Quote: فنحن بدون حروفه الدافئة في زمهرير و شتاء..

استاذي محمد الكامل عبد الحليم
وانت تثلج صدري بثناء اسعد ان ارتقي الي عليائه .. تلقي عليّ مسئولية اضخم وتحملني رغبة في بذل عطاء اكبر في هذا البوست
الذي احببت ما اوقظ في النفوس

لك التقدير والاحترام

عمر علي حسن

Quote: Quote: ابو العباس .. ايها المهاجر الازلي من دبيره الي خشم القربه لكم احببت البرابره وجعلت جل صداقاتي معهم .. وسعدت بذلك .. فهم اهل بصيرة واهل ود صاف وصدق وصراحه وها انت في اخر الزمان تثبت صحة ذلك .. فقد عرفتها ولمست بعدها الثالث بدون عناء .. فالاعتقال مؤبد ليس بعده افراج لا يالضمانة ولا بغيرها .. الا تري معي ان حبل المودة رابط لا فكاك منه .. كذلك حب الناس .. يوم يقع في القلب فانه يسجنهم فيه .. والتهمه واحده هي المحبه .. والحكم واحد هو المؤبد الازلي .. قال قريبك للقاضي وهو يبكي : يريدون ان اطلقها .. خليهم يقلعوها من هنا (ياشيه) .. وضرب علي قلبه حتي كاد يخلعه

أدام الله المحبة في القلوب ، وسرني سلاسة وجزالة أسلوبكم حيث أننا من غير الناطقين بها وقد يشدني مثل هذا السرد وكيف لا إذ بصحبتكم ود شيقوق ، ولكن ربما عبرنا بأسلوب بسيط لمعنى كبير كما قال قريبنا ( يا شيه ) ، والأهم أن تمازجنا في خشم القربة بدأت تأتي بثمارها بأهل البطانة ، حيث أن بمنزلي شكري ( صغير) أذ أن احد من ابناء الشكرية أقترن بشقيقتي وكان ( أحمد الشكري) ثمار تلك الزيجة .

لكم جمعيا المحبة .

Quote: عافي منك يا خال بس لياب دا ما بتردوا ليهو كتير كدا انا عارفو بحب المسكولات

أهل البطانة أهل كرم وجود ، عايز خالك يبخل علي بهذا التعليق الأنيق .

المسكولات المقصودة لو قلة المشاركة في البوستات ده ناتج عن الظروف المحيطة بي ( بيني وبينك يا الطيب أوقات اللغة ما بتساعد ( رطاني) أعمل شنو!! ، أما لو كان قصدك مسكول هاتفي أبداً ما حصل ، ولكم الـ wood ــــود.

حبيبنا ونسيبنا ولياب

Quote: حيث أن بمنزلي شكري ( صغير) أذ أن احد من ابناء الشكرية أقترن بشقيقتي وكان ( أحمد الشكري) ثمار تلك الزيجة .

اطال الله عمر هذا الصبي فهو حتما سيكون من النوابغ طالما ان الأم سليلةُ أمهرا والوالدُ من قلب أثينا وتلاقت قمم يا مرحى

رحم الله شاعرنا محمد سعد دياب يا ولياب .

يعني نحن على موعد مع شكري يرطن ورطاني يظعن بأنعامه في بطانة اب على وحسان .

Quote: المسكولات المقصودة لو قلة المشاركة في البوستات ده ناتج عن الظروف المحيطة بي ( بيني وبينك يا الطيب أوقات اللغة ما بتساعد ( رطاني) أعمل شنو!! ، أما لو كان قصدك مسكول هاتفي أبداً ما حصل ، ولكم الـ wood ــــود.

عفوا يا الحبيب فانا كنت مخاطبا الخال متلمسا منه ان يكون رده لك في حدود السطر او سطرين لانك بتحب تخمش تيك اوى take away وتقدل .

Quote: هؤلاء هم الذين ان يشفعوا لنا ليغفر لنا ربنا ما تقدم وما تاخر اما اسماء فستدخل الجنه لانها بالصبر وحده عاشت حياتها..

امييييييييييين يا رب

خالي ،، خالك هنا عندو كل يوم نص ساعة بتمشى فيها رياضة بعد صلاة الصبح ومرات مع المغربية - بيعجبني جدا عندما اشاهد الهنود ممن تجاوزت اعمارهم الستين وهم يتمشون على الارصفة والواحد فيهم ماسك يد ام عيالو وقادل بيها رياضة.

دحين جربتوها ولا بتخجلوا من الناس ؟

Quote: الشيخ سيف الدين الكامل يكفيه انه من سلاله المؤسس الهلالي الخالد حمدنا الله احمد .. وأن (الضب) خاله .. وفوق البيعه حاصل علي رتبة (هليفه) بعد ان ثبت ان فاتحته عابرة قارات .. وبعد ان نال منكم رتبة شيخ ..

نان خالك شايف حمرة البشرة دي فاكرها حمرة .......... الطلح سااااااى

Quote: وخلعت اللاب كوت ورمت السماعه واستخدمت معرفتها وخبراتها الالكترونية وجاءتني قبل قليل تخبرني بان السجنال اشتغل .. وانها صلحته وان المودم بحاله جيده

هييييييييييييع عافي منها النطاسة بت خالي يكفيها شر العين - يا حليلك ات فاكر فزعتك براك؟ نحن القريفة لنضميك دايرة ت.....

ما تسرح يا خال خليك مركز مع السنبهار الابيض

Quote: .الزول دا في اغنية واحدة صقريتو هز هههههه

الحلاوي يا قريب جدي ود كوداب

باقي ليك زولك ده فيهو نَفَس لي صقرية .. تلقاه كان قاعد مصوراتي ساكت .. مع جماعة بس بعاين .. والا كان جانا راجع
بي فلايت كان لمس الكيبورد يقع ..

واعجب كان غنت ليه الذكريات .. كان يحلنا الحل بله .. لا بجينا راجع ولا بيطرانا .. ويمكن كان مرقها في صلاله ..

وينك يابا
عمر علي حسن

Quote: ليل به الأنوار ساطعة والقلب يقفز من بشرى ومن طرب روحي على الأيام هانئة لترفلي في العز والنشب يا زينة النسب

بالله يا خال الموت ده ما عزّال ..
والكابلي يقول ليك اللوري الشال ناس سيده وخلي حرم !!!!!!!!!!

عمرعلي حسن

Quote: يا اخوانا عليكم النبي مدنونا معاكم حبة

يسمّك .. ياخال .. خليك في بردانتك وعنكوليبك .. نحن ركبونا القطر ومشينا المدرسه بالبسكليت ..

عمر علي حسن

Quote: ابو امير باقي لي مضيوف يا الحلاوي ما تزعجو

ياخال .. المودم ده لو بيصلحوه في ورشة عطبره كنت لحقت ليك الحلاوي .. وقلت للضيفان الخواجه مات ..
انت ماعارف انا عند جد حلاوي ؟

عمر علي حسن

Quote: [وبعد ده كلوا مصنقر لمن آخر زول مرق وقالوا لى بعد ما لميت الكاميرا والعده تعال شوف الصور مع الفنانه وامها وما مرق الا بعدما قفل النادى مع العمال ,, هى الذكريات دى كيف

يا شيخنا حيدر امين
النصيحه لله .. الشي ده ما بينفات ..
يعني خالي ده يموت ليكم بالغبينه ؟ وهو ذاتو النايم ليها شنو ..

تحياتي وكفانا الفيديو القرب يفوتنا باقي البوست
عمر علي حسن

Quote: واذا قست عليكم الاوطان ورمتكم في البعيد البعيد فأظن أوطانكم هي قلوب الاحباب والأصدقاء

اللااااااااااااااااااااه عليك ياعبيد الطيب
يا سمي عبيد الطيب صاحب (ياروحي سلام عليك) .. الذي اشبع جيلنا بالغناء الرجولي الذي يجعل المسامع والقلب يصطكان معا ..
كان معنا ابن اخته الراحل خليفه كرار وكان اذا سمع نقرة عوده يصرخ (الله ياخال) ويسبق الجميع الي الراديو ..

لك تقديري وترحيبي بك في وطن الاصدقاء والاحباب وانت صاحب مفردة بالغة العذوبة وحس كرادار المرور يلتقط اللهفه وسرعة
الوجيب ..

عمر علي حسن

Quote: والأهم أن تمازجنا في خشم القربة بدأت تأتي بثمارها بأهل البطانة ، حيث أن بمنزلي شكري ( صغير) أذ أن احد من ابناء الشكرية أقترن بشقيقتي وكان ( أحمد الشكري) ثمار تلك الزيجة .

ولياب ياشيهنا
قريبك عندما (هجّروه) من ارقين (ارقين ولا برلين) وقف به القطر ساعتين في محطة القضارف .. فنزل ارض المحطة ومشي
بين الناس .. وبقلبه الابيض اندمج معهم بسرعه واحبهم .. وازعج ذلك بعض (المهاجرين علي مضض) فظل احدهم يناديه ياصالح
ياصالح ياصالح .. فاستاء جدا ورد عليه .. عايز ايه ؟ انا من النهارده ما اسميش صالح .. اسمي (بَله) ..

اما الشكيري فربنا يحفظه ويسعد به البطانه كلها ولا شك فانه سيكون من الناطقين بها والراطنين بغيرها .. ولا بد انه سكر .....

لك الود
عمر علي حسن

Quote: خالك هنا عندو كل يوم نص ساعة بتمشى فيها رياضة بعد صلاة الصبح ومرات مع المغربية

انت بي صحك ياخال .. نص ساعه كمان .. لا مانسجل في برشلونه احسن
آخر رياضه خالك راكب عجله في حي المطار قابلني صلاح عبد العال وكان وزير الرياضه .. قال لي بلاش هباله معاك
.. امش رجع العجله للخدام .. انت عايز تضحك الناس علينا ؟؟؟ اها ومن ديك وعييييييك .. شوف كم سنه شوف ..

اما الجماعه المتماسكين لي حسع بعد الستين .. براك قلت عليهم هنود

عمر علي حسن

Quote: يسمّك .. ياخال .. خليك في بردانتك وعنكوليبك .. نحن ركبونا القطر ومشينا المدرسه بالبسكليت ..

دا كان قدرنا نحن ، انعمكم الله بجهلنا - كان زعماء الادارة الاهلية بشركوا لأهلنا في المدالي عشان يخمشوا منهم القطعان ويحولوا ايرادات ريفنا كوووووولها للمركز و لا يبقون منها شيئ لتعليمنا لانهم لا ينعمون الا بجهلنا ولا يحكمون قبضتهم فينا الا بمزيد من العطاء لحكام ذلك الزمان .


قال نحن ركوبنا القطر ومشينا بالبسكليت ، قال و إمكن كمان معاها لوية لسان .

Quote: واعجب كان غنت ليه الذكريات .. كان يحلنا الحل بله .. لا بجينا راجع ولا بيطرانا .. ويمكن كان مرقها في صلاله ..

خليني انا الجرحي مغوّر لهسه ، كدى شوف الاغنية دي شن سوت للناس ديل . معليش عارفك بقيت ، بعد حجّاتك الكتار ديل ، تصم اضنيك من الملاهي لكن اسمع بس وأديها ضهرك يا خال .

شايف شموس دخلت اول حاجة وحيّت الجماهير بمكشاشة في يدها ولا دي شنو؟





خالي استر حالك ، انا عارف الاغنية دي بتنكئ جراح الكثيرين ممن عاشوا ايام الزمن الجميل

Quote: فاكرها حمرة .......... الطلح سااااااى

شكيتك كان داير تجيب لينا ضقلا يكركب

عمر علي حسن

Quote: شكيتك كان داير تجيب لينا ضقلا يكركب

\

ههههههههههههههههها انت فاكروا معانا ولا جايب لينا خبر - هسه الكامل بيكون في حوض السباحة يجلبغ ساااااااااااااى ولا همو كيلو الضان يكون بخمسين او سبعين .

Quote: شايف شموس دخلت اول حاجة وحيّت الجماهير بمكشاشة في يدها ولا دي شنو؟

خالي
البنيه دي انا عندي فيها راي من اول ماظهرت .. والمكشاشه دي لما مني خوجلي جابتها ليك ما شفتها مالك ؟
بعدين الزول القاعد في الصف الاول وماسك عصايه وشنبه كبير ده اوعي يكون ود الجبل ؟؟؟؟!!!!!

ياخي نحن ضايعين ساكت .. وبرضو راضين بالقسمه .

بالمناسبه الزول الفنان داك وينو .. مابشوف الحاجات دي والله شال مكه .. والله يمكن حكومته قاعده لسه ؟؟؟؟؟
سلم عليه بس

عمر علي حسن

Quote: قال و إمكن كمان معاها لوية لسان .

حرم لويناهو وخليناهم يتحيروا .. وصححنا الانجليزي للخواجات بالقلم الاحمر ...

عمر علي حسن

Quote: البنيه دي انا عندي فيها راي من اول ماظهرت .. والمكشاشه دي لما مني خوجلي جابتها ليك ما شفتها مالك ؟

عاد في حاجة سمحة بتنشاف مع منى يا خالي ؟

السمح يجب ما قبله وما بعده شفت كيف ؟

Quote: بعدين الزول القاعد في الصف الاول وماسك عصايه وشنبه كبير ده اوعي يكون ود الجبل ؟؟؟؟!!!!!

ياهو ذاتو يا خال انت بتنسى مرات مالك ؟ انا زمان مش قلت ليك فهي اللسان لمن اراد فصاحة وهي السلاح لمن اراد قتالا

Quote: بالمناسبه الزول الفنان داك وينو .. مابشوف الحاجات دي والله شال مكه .. والله يمكن حكومته قاعده لسه ؟؟؟؟؟ سلم عليه بس

متااااااااااااااااااااابع اسكت ساي بس

Quote: حرم لويناهو وخليناهم يتحيروا .. وصححنا الانجليزي للخواجات بالقلم الاحمر ...

هيييع ياها المحرية فيك يا عشانا

Quote: السمح يجب ما قبله وما بعده شفت كيف ؟

ايوه .. صدقت يا خال

Quote: ياهو ذاتو يا خال انت بتنسى مرات مالك ؟ انا زمان مش قلت ليك فهي اللسان لمن اراد فصاحة وهي السلاح لمن اراد قتالا

يعني الزينا كده يبقي علي الحلا بله .. والله كمان نشوف لينا جامع نقعد قدامه

Quote: اسكت ساي بس

خلاص .. تعال ياكلام صاد زي ما قالت حبوبتي

عمر علي حسن

Quote: يعني الزينا كده يبقي علي الحلا بله .. والله كمان نشوف لينا جامع نقعد قدامه

وحياتك السعادة خشم بيوت

صلى واحمد ربك يا اللاقي ليك زمن تبوس احفادك حمودي وعموري

هسه زمن ضجتك الفي سودان ديك قادر تحك راسك ؟

Quote: هسه زمن ضجتك الفي سودان ديك قادر تحك راسك ؟

لعلك مسست اوتار الوجع .. فانا رغم عمائمي المطرزة يدويا بالمنسج بايدي حرائر ما انبل احساسهن بي منهم امي
وخالاتي وعماتي واخواتي .. وكن يعرفن اي عمامه البس ومن التي طرزتها منهن دون ان يخرج التطريز من فوق
العمامه التي لا تلبس الا كما لبسها ابي وجدي .. وقورة وجليلة علي الهامة .. لا ملقاة باطرافها كبرا واستكبارا علي
خلق الله..

لبسنا (الكريب توتال)احتراما للناس .. لا نفخة كاذبه .. ولبسنا المركوب الفاشري والاصله والنمر وفقا لما في الجهة
المقصودة .. فاذا كان بيت عزاء فالمركوب فاشري احمر او ابيض .. واذا كان جمع اصدقاء او نادي او دار رياضه
او سينما فالمركوب اصله .. واذا كان مناسبة عرس او حفل او احتفال رسمي فالمقام مقام النمر .. ولا ياتي احد بعمامة
ملقاة علي كتفه او (مدلدلة) الجنبات فوق رأسه الا اذا كان (صائعا) لا اهل له ولا يحترم نفسه او غيره ..
والجلوس في الصف الاول لا يكون بالقروش (ايا كان مصدرها) .. وللقيم الاجتماعية مقادير ومعايير تمنع ان يكون
شكل الصف الاول كالذي رايته في الفيديو ..

يااااااااااااااااااااااه .. هل ننتظر ان تقوم القيامه .. ليعود السابقون السابقون الي المقدمه .. ويرقي اصحاب الميمنه الي
مواضع الرضا للثلة المرضي عنها من الاولين والاخرين .. ويمضي اصحاب المشأمه الي حيث يلقون وعدا
يستحقونه ..

هزني ما رايت في الفيديو من صورة مقلوبه ولو قلت لك انني حاربت بعض من ظهروا في الصف الاول لسوء
السيرة والسريرة .. ولضبط حق المجتمع في الا يجترئ احد علي الناس بما كسب او سرق فستجد ان (الضجة )
التي احاطت بنا كانت بنت الحق فلم يصح في مجتمعاتنا الا الصحيح ..

ثم نكسنا علي رؤوسنا اخي .. وتغيرت وجاهاتنا وقداساتنا .. وبالت علي رؤوسنا الثعالب ..

تاني ما تتفرج علي حاجات زي دي ياخال

عمر علي حسن

جيت أتاوق الصريف ولقيت دي........
(.علك مسست اوتار الوجع .. فانا رغم عمائمي المطرزة يدويا بالمنسج بايدي حرائر ما انبل احساسهن بي منهم امي
وخالاتي وعماتي واخواتي .. وكن يعرفن اي عمامه البس ومن التي طرزتها منهن دون ان يخرج التطريز من فوق
العمامه التي لا تلبس الا كما لبسها ابي وجدي .. وقورة وجليلة علي الهامة .. لا ملقاة باطرافها كبرا واستكبارا علي
خلق الله..)

متعك ربي بالعافية مع راحة البال يا سماحة اللواء عمر عمة وقورة وجليلة علي الهامة....! هكذا كانوا يرتدونها اخوان فاطنة وشينقونها سماحة لا بطرا واليوم يا اسفي وحزني حين عمت السودان(وقنبرت )علي الرؤوس طواقي جنكيز خان....!

لبسنا (الكريب توتال)احتراما للناس .. لا نفخة كاذبه .. ولبسنا المركوب الفاشري والاصله والنمر وفقا لما في الجهة
المقصودة .. فاذا كان بيت عزاء فالمركوب فاشري احمر او ابيض .. واذا كان جمع اصدقاء او نادي او دار رياضه
او سينما فالمركوب اصله .. واذا كان مناسبة عرس او حفل او احتفال رسمي فالمقام مقام النمر .. ولا ياتي احد بعمامة
ملقاة علي كتفه او (مدلدلة) الجنبات فوق رأسه الا اذا كان (صائعا) لا اهل له ولا يحترم نفسه او غيره ..
والجلوس في الصف الاول لا يكون بالقروش (ايا كان مصدرها) .. وللقيم الاجتماعية مقادير ومعايير تمنع ان يكون
شكل الصف الاول كالذي رايته في الفيديو ..

يااااااااااااااااااااااه .. هل ننتظر ان تقوم القيامه .. ليعود السابقون السابقون الي المقدمه .. ويرقي اصحاب الميمنه الي
مواضع الرضا للثلة المرضي عنها من الاولين والاخرين .. ويمضي اصحاب المشأمه الي حيث يلقون وعدا
يستحقونه ..

هزني ما رايت في الفيديو من صورة مقلوبه ولو قلت لك انني حاربت بعض من ظهروا في الصف الاول لسوء
السيرة والسريرة .. ولضبط حق المجتمع في الا يجترئ احد علي الناس بما كسب او سرق فستجد ان (الضجة )
التي احاطت بنا كانت بنت الحق فلم يصح في مجتمعاتنا الا الصحيح ..

ثم نكسنا علي رؤوسنا اخي .. وتغيرت وجاهاتنا وقداساتنا .. وبالت علي رؤوسنا الثعالب ..)

وهذه حالت احد احفاد السلطانين العظيمين تاج الدين و بحر الدين فحفيدهم تمت دعوته من حكومة اقليم دارفور في عهد الانقاذ الاول عهد التمكين وعندما وصل القاعة وجد في الصف الامامي عُمد وشراتي جداد لنج من بوار الوحل لاطعم لهم ولا رائحة وهم من صنيع الانقاذ فنادي لصاحب المراسم قائلا:- انا سلطان ود سلطان ود سلطان عُمد جديد شُغل إنقاذ دي يبقي ورا وراااااااااااا .....! لك محبتي يا سماحة اللواء عمر وَي كأنك تكتب من الرّوح متخذ ا جمالها ونورها عمارا

وبعد ما شلعت الطاقة لقيت برضو دي.....
(دا كان قدرنا نحن ، انعمكم الله بجهلنا - كان زعماء الادارة الاهلية بشركوا لأهلنا في المدالي عشان يخمشوا منهم القطعان ويحولوا ايرادات ريفنا كوووووولها للمركز و لا يبقون منها شيئ لتعليمنا لانهم لا ينعمون الا بجهلنا ولا يحكمون قبضتهم فينا الا بمزيد من العطاء لحكام ذلك الزمان .)

ودي (المَلْعوبية ) الخلّت الخواجي (مايكل أشر) صاحب كتاب موت الصحراء أن يقول بلهجة كباشية معتَّقة لود حيدر:-(زولكم الدقلول دي يا جماعة أكلني أكلة راساً مملول) لك محبتي يا جناب المحامي ود شيقوق

لعلك مسست اوتار الوجع .. فانا رغم عمائمي المطرزة يدويا بالمنسج بايدي حرائر ما انبل احساسهن بي منهم امي
وخالاتي وعماتي واخواتي .. وكن يعرفن اي عمامه البس ومن التي طرزتها منهن دون ان يخرج التطريز من فوق
العمامه التي لا تلبس الا كما لبسها ابي وجدي .. وقورة وجليلة علي الهامة .. لا ملقاة باطرافها كبرا واستكبارا علي
خلق الله..

Quote: والجلوس في الصف الاول لا يكون بالقروش (ايا كان مصدرها) .. وللقيم الاجتماعية مقادير ومعايير تمنع ان يكون شكل الصف الاول كالذي رايته في الفيديو ..

طيب فما رأيك في من كان مصدر امواله مشبوها ولكنه وظف قدرا مقدر منه لاعمال خيرية كمستشفيات ومدارس مكتوب على لوحاتها ( مدرسة او مستشفى فلان ) . افلا تؤهل مثل هذه الاعمال الخيرية فاعليها ، ممن طالهم الاثم ، للحصول على مقعد في الصفوف الامامية ام يظلون ، خلال ايامكم تلك ، في المقاعد الخلفية لطالما سبق وان تدنست اياديهم بأكل اموال الناس بالباطل؟

Quote: هزني ما رايت في الفيديو من صورة مقلوبه ولو قلت لك انني حاربت بعض من ظهروا في الصف الاول لسوء السيرة والسريرة .. ولضبط حق المجتمع في الا يجترئ احد علي الناس بما كسب او سرق فستجد ان (الضجة ) التي احاطت بنا كانت بنت الحق فلم يصح في مجتمعاتنا الا الصحيح ..

يا حليلك يا خال انت فاكر ديل من النوع الكان مدير الجامعة او المدرسة بخاطب اباءهم بهذا المنهج .. شوف واتماسك حتى لا تبكي على ماضيك يا خال :

Quote: تاني ما تتفرج علي حاجات زي دي ياخال

بس خالك لما يسمع تم تم عينة دا تاني السرير ما بيسعه شفت كيف يا خال ؟
الحالة دي الاغنية البطلق الامهات ما غنوها

Quote: ويشنقونها سماحة لا بطرا واليوم يا اسفي وحزني حين عمت السودان(وقنبرت )علي الرؤوس طواقي جنكيز خان....!

اخي عبيد الطيب

وكانت للفة العمامه معان يعرفها الكل ويعترف بها .. وكلها وجيهة تستهدف الوقار المطلوب للفتي والرجل والشيخ .. فلا تلقي جزافا ولا
تلبس (كاجيوال) ولا يخرج طرف الطاقية الحرير الحمراء او الخضراء من فرجة مقدمة العمامة للاعلان عن فخامة الطاقيه .. فذلك من
قبيل البطر و(البجاحه) .. وليس للختمي حق ولا حاجة في ان يرسل (عزبه) ولا علي الانصاري تثريب ان لم تكن له (عزبه) .. وكانت
عمامة الامير عبدالله عبد الرحمن نقد الله اوجه عمامه واكثر جاذبية من تيجان الملوك .. ولخلفاء اللختمية لفه لا يعرفها غيرهم .. وكان
عمي اساغه (رئيس مراسلات كليه الشرطه) يلف العمامة علي راسه بحيث لو دفنت معه في القبر (لبعثت) يوم القيامة بنفس لفتها كما
قال ..

اما طاقية جنكيز خان فلا تدل عندي الا علي بنية غير سوية للابسها .. وقد سمعت مؤخرا ان قائدا سياسيا وزعيم طائفة يفكر في ابدال
الزي السوداني بزي جديد .. سبحان الله .

Quote: انا سلطان ود سلطان ود سلطان عُمد جديد شُغل إنقاذ دي يبقي ورا وراااااااااااا

وكذلك ياشيخنا عندما مات الرسول الكريم جاء ابوبكر ثم عمر ولم يأت غيرهم من اجلاء الصحابه .. ولذلك بلغ الاسلام اوروبا
واسيا وافريقيا .. اما عمد وشراتي جديد شغل انقاذ الذين مكانهم ورا فقد قدموا للسودان الجنجويد وثوار التمزق

وسيجلس في الصف الاول من لا يطيب الجلوس معهم الا في زنازين الجنايات وعنابر السجون

ولك الاعزاز والتقدير
عمر علي حسن

Quote: طيب فما رأيك في من كان مصدر امواله مشبوها ولكنه وظف قدرا مقدر منه لاعمال خيرية كمستشفيات ومدارس مكتوب على لوحاتها ( مدرسة او مستشفى فلان ) .

بداية يا خال فهذه مداخلة رهيبه لو اشتغلت بها لضاع مني المغرب والعشاء .. لذلك ساتيها مفصلة بعدهما ..
وهي مداخلة ياخال لو قرأها السير روبرت هاو لقال للملك جورج الخامس انا ما لاعب معاكم جلالتك ومستقيل
من منصب الحاكم العام .. ولجاءنا الملك جورج بالسير الكساندر نوكس هيلم حاكما عاما قبل موعده بعشرة اعوام
ليعد لخروج بريطانيا من السودان .. كما فعل وهو آخر حاكم عام لنا

واستهل بالمحسن الكبير الذي جمع ماله من السحت والسرقة .. فالله الطيب الذي لا يقبل الا طيبا ليس بحاجة له ولا
لاحسانه .. ولا يقبل منه ملء الارض ذهبا ولو افتدي به .... ونحن نقيم له الحفلات ونضرب له الدفوف وننشد
المدائح للمصطفي ليباركه وندعو الله ان يزيده ويوسع عليه .. فيا لنا من بغاة لانظلم الا انفسنا ولا نعظم الا من
نعلم علم اليقين انهم لا يستحقون الا الاحتقار ونزين واجهات منشئاتنا باسمائهم وصفاتهم .... لذلك نسير خلفا
ونسقط علي اقفيتنا ولا ياتينا يوم ابيض .... ابدا ابدا ابدا ..

ثم نضيف لقوانيننا مواد تمنع غسيل الاموال .. تصور !!!!!

هذه واحدة .. وسوف نعود

عمر علي حسن

Quote: ممن طالهم الاثم ، للحصول على مقعد في الصفوف الامامية ام يظلون ، خلال ايامكم تلك ، في المقاعد الخلفية لطالما سبق وان تدنست اياديهم بأكل اموال الناس بالباطل؟

وهل كانوا يستطيعون الظهور امام الناس ؟
ذهبت ارملة فقيرة ترك لها زوجها يتيما تربيه عندما عاد اليها اليتيم من المدرسة وفي يده عشرة قروش وقال ان عمي
فلان اعطاها له كعيديه .. جرت طفلها بيد وحملت الريال بالاخري وذهبت الي الرجل وسط سوق رفاعه والقت الريال في
وجهه قائلة : لما تعرف تكسب بالحلال تبقي تحسن علي اليتامي .. انا كان ولدي يموت بالجوع ما باكله حرام .. ولم
يقل (المحسن) شيئا بل هرب من نظرات الزراية التي رمقه بها اهل السوق .. ولم يسمع به احد في المدينه وما عاد
اليها بعد ذاك

فاذا جاء مثله لبيت البكاء او عزومة العرس فتري اهل المناسبه (يتصرصرون ويتضمضمون) خشية ان يتهمهم الغير
بانه من اهليهم .. وتري الحضور (يتزاوغون) من حولهم كان بهم وباء معديا ..

وكنا يا خال نكاد لا نسجل بلاغات احتيال او خيانة امانه او اختلاس الا نادرا .. وربما قضي بعضنا عمره وخدمته دون
ان يحقق في حادثة اختلاس ..

كيف لمثل هذا ان يجلس في الصف الامامي وهو صف الكبراء والعلماء والمحسنين واصحاب السيرة المرموقه .. بل
يا خالي لايلبس مثل هولاء لبس الاكابر ولا يركبون الحمير كعلية القوم ولا يدعون الي مناسبة .. فليس لهم اذا مكان لا
في الصف الامامي ولا في الصفوف الخلفيه

هل سمعت بانهم الان يكرمون وتقام لهم الاحتفالات وتصور وتبثها القنوات الفضائية وتعيد بثها فيرسخ في نفوس الناس
والصغار خاصة ان هؤلاء هم خيار الناس وغيرهم اي كلام

هل كان روبرت هاو او برمبل يدعو مثل هولاء لحفلة في القصر او البلدية ..

جاء الخواجه شترتن مفتش مركز عطبره الي قهوه جديدة في السوق .. فوقف له الناس (احتراما) .. وكان بينهم لص
معروف حاكمه من قبل .. فنهره قايلا .. اقعد حرامي فلان ..... كان هذ الخواجة يأكل بليلة الاربعاء مع حيران خلوة
الفكي عمر ويقف بنفسه علي صيانة الجسر حتي لا تتسرب منه مياه الامطار الي المقابر .. .. عندما كانت في عطبره
امطار تصرف بالجسور ...

تري هل يحرمنا الله سااااااااااااااكت كده

وسنعود

عمر علي حسن

يا رب ما تجي هدى بت عبد المنعم تقرأ كلام الخال التحت دا لان دموعها دوما على اطراف خديها

Quote: وهل كانوا يستطيعون الظهور امام الناس ؟ ذهبت ارملة فقيرة ترك لها زوجها يتيما تربيه عندما عاد اليها اليتيم من المدرسة وفي يده عشرة قروش وقال ان عمي فلان اعطاها له كعيديه .. جرت طفلها بيد وحملت الريال بالاخري وذهبت الي الرجل وسط سوق رفاعه والقت الريال في وجهه قائلة : لما تعرف تكسب بالحلال تبقي تحسن علي اليتامي .. انا كان ولدي يموت بالجوع ما باكله حرام .. ولم يقل (المحسن) شيئا بل هرب من نظرات الزراية التي رمقه بها اهل السوق .. ولم يسمع به احد في المدينه وما عاد اليها بعد ذاك فاذا جاء مثله لبيت البكاء او عزومة العرس فتري اهل المناسبه (يتصرصرون ويتضمضمون) خشية ان يتهمهم الغير بانه من اهليهم .. وتري الحضور (يتزاوغون) من حولهم كان بهم وباء معديا .. وكنا يا خال نكاد لا نسجل بلاغات احتيال او خيانة امانه او اختلاس الا نادرا .. وربما قضي بعضنا عمره وخدمته دون ان يحقق في حادثة اختلاس .. كيف لمثل هذا ان يجلس في الصف الامامي وهو صف الكبراء والعلماء والمحسنين واصحاب السيرة المرموقه .. بل يا خالي لايلبس مثل هولاء لبس الاكابر ولا يركبون الحمير كعلية القوم ولا يدعون الي مناسبة .. فليس لهم اذا مكان لا في الصف الامامي ولا في الصفوف الخلفيه هل سمعت بانهم الان يكرمون وتقام لهم الاحتفالات وتصور وتبثها القنوات الفضائية وتعيد بثها فيرسخ في نفوس الناس والصغار خاصة ان هؤلاء هم خيار الناس وغيرهم اي كلام هل كان روبرت هاو او برمبل يدعو مثل هولاء لحفلة في القصر او البلدية .. جاء الخواجه شترتن مفتش مركز عطبره الي قهوه جديدة في السوق .. فوقف له الناس (احتراما) .. وكان بينهم لص معروف حاكمه من قبل .. فنهره قايلا .. اقعد حرامي فلان ..... كان هذ الخواجة يأكل بليلة الاربعاء مع حيران خلوة الفكي عمر ويقف بنفسه علي صيانة الجسر حتي لا تتسرب منه مياه الامطار الي المقابر .. .. عندما كانت في عطبره امطار تصرف بالجسور ... تري هل يحرمنا الله سااااااااااااااكت كده

وشوف ايام زمان - يا خال - مواقف عبد الرحمن علي طه الذي كان وزيراً للمعارف
ومحسوب على حزب الأمة عندما كان الخيار بأن يتولى مدير مصلحة المعارف
أحد أثنين هما عوض ساتي (حزب الأشقاء - أزهري) وآخر من حزب الأمة قرر عبد الرحمن على طه بأن يتولى
المنصب عوض ساتي وعندما أصر حزبه على غير ذلك قدم استقالته للحاكم العام تأكيداً
لمبدأ أن الخدمة المدنية ليست بالولاء كما نشهد اليوم وانما بالكفاءة وهذه الاستقالة
موجودة الآن وينبغي أن تدرس في الجامات . ومع الأسف بعد خمسين سنة تأتي بنت
عوض ساتي نفسه في جامعة الخرطوم وتفصل فدوى عبد الرحمن علي طه من الجامعة .

Quote: وهي مداخلة ياخال لو قرأها السير روبرت هاو

آآآآآآآآآآآآآه يا خال ، بالله عليك تأمل في ما قاله هذا السير روبرت هاو ، في إحتفالية وداعه قبل الاستقلال ، وما آلت إليه بلادنا من لحظة رفع علم الفاضله السـريره مكى الصـوفى ، الى عهدنا هذا ، عهد التيه والضياع و الخذلان والاذلال .

لقد قال هذا السير ما يلي :-

Quote: هذا حفل شعبي، أحسبه إشارة لطيفة وكرم عظيم منكم، حيث منحتموني هذه الفرصة لأودع الناس هنا. تمثل الخرطوم وأمدرمان والخرطوم بحري قلب السودان النابض، وعند توديعي للحضور في هذا الحفل، فإنني أضع في مخيلتي وذهني أنني أودع بالفعل كل السودانيين في كافة أرجاء البلاد. إنكم أيها السودانيين شعوب مختلفة في شمال البلاد وجنوبها، وفي غرب البلاد وشرقها. شعوب ذات أصول مختلفة وعادات متباينة. هذه الاختلافات قد تمثل نقطة قوة، وقد تمثل في ذات الوقت نقطة ضعف. قد تمثل نقطة قوة إذ أن التنوع يولد حيوية عظيمة، وقد تمثل نقطة ضعف، إذ أنها قد تفضي إلى نزاعات مدمرة. أود أن الفت نظركم في كلمتي القصيرة هذه إلى اختلافات شعوب السودان. لقد كان من حسن حظي أن تشرفت بقيادة الحكم في هذا البلاد لأعوام ثمانية كانت هي أخصب سنوات البلاد، وأكثرها غنى بالأحداث التاريخية الهامة. أتيحت لي في سنواتي هنا زيارة كل مناطق السودان عدا منطقة الناصر والبيبور، وإدراك مدي اتساع الاختلافات والفروقات بين شعوب السودان في مناطقه المختلفة إدراكا تاما. أستطيع القول هنا إن هذه الاختلافات والفروقات هي مصدر تحدي كبير للبلاد وحيويتها، وستظل كذلك في ما يقبل من سنوات. تتطلب مواجهة هذه التحديات التزاما صارما ينبذ الأنانية من أجل تحقيق هدف مشترك هو التنمية الشاملة للأمة السودانية بكل مكوناتها (واكرر هنا وأؤكد على "كل مكوناتها"). لابد من توفر أكبر قدر من المهنية والتجرد وسلامة المقصد عند الجهات الحكومية والإدارية عند مواجهة هذه الاختلافات بين شعوب السودان. يتطلب حل المشاكل المترتبة على هذه الاختلافات قدرا كبيرا من الحنكة والفهم والتسامح. أنني شديد الثقة في أن بمقدوركم حل هذه المشاكل. فلتجعلوا من حلها هدفكم الأول من أجل المحافظة على كل ما تم بناءه من أجلكم في هذه البلاد في السنوات الماضية، ومن أجل ما قمنا بعمله معا، ومن أجل أطفالكم، والذين وضع مستقبلهم في أيديكم. كتب رجل روماني عظيم قبل عقود طويلة مدونة لقواعد القانون لخصها في الجملة التالية: "فلتجعل الخير في الناس هو قانونك الأساس". هلا وضعتم ذلك كشعار لنا في سنواتكم المقبلة. إنه شعار يؤكد أن الحرية تترتب عليها التزامات، وإن الحرية دون قانون هي فوضى. قد تودون التفكر في مثل قديم لطالما أثار إعجابي يقول:" ولكن ما هو الفهم الصحيح للحرية؟ الحرية هي رخصة لك لعمل الخير". لا يغدو المرء حرا دون أن يكون عضوا فاعلا في المجتمع، يلتزم بالقانون. لن تهنأ البلاد وتنعم بمستقبل سعيد ومسالم وفخور بنفسه إلا عند تقرر القبول بتسويات ديمقراطية لكل المشاكل التي تواجهها. والآن لم يبق لي إلا أن أودعكم. أشكر لكم بالنيابة عن الليدي هاو وشخصي هذه الهدية من مشغولات فضة أم درمان. سنحتفظ في إعزاز بهذه الهدية القيمة التي ستظل تذكرنا في غروب حياتنا بالأعوام الثمانية التي قضيناها في هذه البلاد وسط أناس ما عرفنا عنهم وما لمسنا منهم إلا اللطف والمجاملة والكرم، حتى في أصعب الأوقات وأقساها. أناس نشعر نحوهم بعاطفة وود عميقين، ونصلي دوما من أجل مستقبل زاهر لهم. فليحفظكم الله ويرعاكم. وداعا.

نقلا عن "الأحداث"

Quote: فيا لنا من بغاة لانظلم الا انفسنا ولا نعظم الا من نعلم علم اليقين انهم لا يستحقون الا الاحتقار ونزين واجهات منشئاتنا باسمائهم وصفاتهم .... لذلك نسير خلفا ونسقط علي اقفيتنا ولا ياتينا يوم ابيض .... ابدا ابدا ابدا .. ثم نضيف لقوانيننا مواد تمنع غسيل الاموال .. تصور !!!!!

ومع هذا كله ندعي بأننا خير أمة أخرجت للناس

إنه زمن مابعد نكسة الاخلاق السودانية!

إختلال كل شيء فاصبح من كان منبوذا ..
ومن ظهر بأموال مصدرها تدمير اقتصاد البلاد..في الأعلي..
وصار من يتمسك ياخلاقه وقيمه ويحكم بالضمير المستيقظ في الاسفل..
هي علامات الساعة بالنسبة لموت الأخلاق بعد النكسة!

.........
.........

أين نحن من سودان الامس القريب؟؟

Quote: يا حليلك يا خال انت فاكر ديل من النوع الكان مدير الجامعة او المدرسة بخاطب اباءهم بهذا المنهج .. شوف واتماسك حتى لا تبكي على ماضيك يا خال :

جاء لوالدي خطاب مثل هذا .. حدد فيه الموقّع الراحل العظيم النصري حمزه ناظر مدرسة خور طقت الثانويه هذه القروش الخمسين
ومعها تلاته ارديه كاكي وثلاثه قمصان بيض وشبط بني واحد وشبشب وجلابيه (دبلان) وبعض الاشياء الصغيرة الاخري وشدد في
الخطاب علي ان المدرسة ستطبق النظام علي التجاوز وعلي ان كل التلاميذ سواسية فلا يظهر احدهم بما يميزه عن غيره ... ووقف ابي
علي شنطتي يحسب كل شيء فيها بما لا يتجاوز (القانون) ..

كانت عندي عشر جلابيات مختلفه فرفض ابي ان اصطحب الا جلابية الدبلان ومنعني من ادخال شراب في الشنطه فهو لا يلبس مع
الشبط ويخالف الخطاب الذي بيده .. وقلت له انت خايف من الناظر فقال لي ايوه .. عرفت فيما بعد انه كان استاذ ابي .. ثم عرفت فيما
بعد الخوف منه حتي توفاه الله بعد ذلك بربع قرن .. وكنت صديق ابنائه عمر وعبد الرحيم وعبد القادر ولم يفلت احدهم او اخوانهم
الاكبر من المشي تحت الحيطه في وجوده وغيابه وبعد وفاته

قصدت من هذا الانضباط وتوقير الكبير الذي هو اساس كل خلق قويم .. والا فلماذا يلزمنا ربنا بعبادته وثم الاحسان للوالدين وبموجبه
نحسن للغير فلا نغضبهما ...

وسودان الانضباط والاحترام للناس والنظم كان كبيرا في قلوبنا وسببا في نهضة كانت ستتعاظم وتدوم لولا انجراف حاق بكل شيء
فاستباح الناس القيم والمثل وتساقطوا بوطنهم الي درك سحيق لن نخرج منه حتي تقوم الساعه ..

خطاب المستر كوتس مدير كلية غردون الصادر قبل 73 عاما يصلح اساسا لتعامل نجيب وناضج بين المدرسه والتلميذ والاب ..
وكان يصلح اساسا لتعامل مادي بينهم حتي سبعينات القرن الماضي .. ثم باؤا بغضب من الله ولعنه .

سانقله وابروزه واضعه في صدر بيتي .. علهم يعقلون

عمر علي حسن

Quote: آآآآآآآآآآآآآه يا خال ، بالله عليك تأمل في ما قاله هذا السير روبرت هاو

يا الطيب ..
وهبني الله فرصة ان القي هذا الرجل وهو في الثمانين من عمره في العام 1976 وانا طالب علم انفذ مشروعا تطبيقيا في
مينة نوريتش بمقاطعة ايست انجيليا .. وتم ترتيب زيارة لي مع تناول الغداء مع (اللورد) روبرت هاو بمزرعته القريبة
من نوريتش ..

قضيت معه ساعات اربع من اثري ساعات حياتي .. واكرمني بوجبة غداء قريبة من اكلنا .. وكانت الشوربه عبارة عن
بامية مفروكه (مع بعض الاختلاف) .. واطلعني علي مقتنياته من الصور والمشغولات والمصنوعات من الفخار ..

وحدثني عن شخصيات صنعت تاريخ السودان اكثرهم من السودانيين وقلة من الانجليز الذين عملوا معه .. وقال لي
ان السودانيين علي اختلاف مكوناتهم العرقية شعب واحد له شخصية واحدة .. وان هذا سر لا يعرفه السودانيون
انفسهم ............

واهداني كتابا من مكتبته اسمه جمهورية السودان كتبه السكرتير الاداري في عهده واسمه K.D.D. Hundreson
وهو واحد من اعظم الكتب التي قرأت عن بلدي .. كما انه من اعظم مقتنياتي بعد المصحف الذي كتبه جدي الحسن
بخط يده ..


وكان يتحدث عن السودان بحب وشغف وانتماء ويقول انه بلد له قلب وروح ..

حتي مستعمرينا كانوا من طينة طيبه .. يا ولدي

عمر علي حسن

Quote: ومع هذا كله ندعي بأننا خير أمة أخرجت للناس

وارجل امة كمان .. ونحن يا خال ما فضل فينا الحبه ...

آآآآآآآآآآآآآآآآآآآآآآآآآآآآآآآآخ .. يا موت اني في انتظارك .. فربما يرضي عني ربي ويعوضني بجنة خير من جنتي المفقوده

عمر علي حسن

Quote: أين نحن من سودان الامس القريب؟؟

مني خوجلي

ادهشني سؤالك وانت تتفرجين معنا علي هذا الفيلم الدرامي التراجيدي الرومانسي الكوميدي الساقط ..
دون ان ندفع تذكرة او يسالنا احد ان كنا سنجلس حتي النهايه ام نكتفي بهذا القدر .. سنحتار اذا سئلنا
هذا السؤال .. فنحن المخرج والمنتج والبطل والسيناريست .. ونحن المتفرج .. الميت علي كرسيه ..
لا يسمع ولا يري ولا يتكلم .

هل نحاكم انفسنا .. فلا ندين غيرنا .. ام نلبس التهمة لغيرنا .. فيمدون لنا لسانهم قائلين : وايه يعني ؟

يابنت الناس .. وجيعتنا اكبر من ان يذهبها ارتداد لأمس عظيم

دمت للصبر .. ولجيل تنشئيه علي الحق وحده

عمر علي حسن

هل سمعت بالشلل؟؟

نعم أحيانا اشعر بأننا مصابون بالشلل في كل حواسنا..

نتحرك منه قليلا جدا في نطاق خاص وصغير ونحن نتلفت..
ثم نرجع الي مقعدنا الخالد لنشاهد باقي المشلولين بإستغراب!

......
......

Quote: ووقف ابي علي شنطتي يحسب كل شيء فيها بما لا يتجاوز (القانون) ..

عرفنا النجاضة دى has not been ,individually, achieved يا خال

معليش لم اجد ابلغ من التعبير عنها بذلك النص الاعجمي . حديثك يا خال أعادني بالذاكرة لعقود خلت . ثمة شيئ من الانس اللطيف - بين جلستين قضائيتين - كان بينى والقاضي المقيم بمدينة السوكي ، مولانا عبد الرحمن على عبد الله ، الذى كان يعمل هنا بالسلطنة في وزارة العدل العمانية . انتهت مدة إعارته ورجع للسودان وعين مديرا عاما لأراضي السودان وحتى هذه اللحظة . في تلك الحظة كنا نحكي عن الآباء - يا خال - لا انسى ان قال لي هذا القاضي إن كان آباؤنا الاميون والبسطاء ، مزارعون كانوا ام رعاة ، ان كانوا قد افلحوا في تربيتنا حتى صرنا هكذا فماذا يرجو ابناؤنا منا نحن النخب المستنيرة ( أنفتح حقائب أبنائنا كما كان يفعل جدي على حسن؟)

Quote: وقلت له انت خايف من الناظر فقال لي ايوه .. عرفت فيما بعد انه كان استاذ ابي

لذلك نجد اسماء هولاء وشخوصهم خالدة في الذاكرة الى ان نرحل من الدار الفانية يا سعادة اللواء

Quote: وسودان الانضباط والاحترام للناس والنظم كان كبيرا في قلوبنا وسببا في نهضة كانت ستتعاظم وتدوم لولا انجراف حاق بكل شيء فاستباح الناس القيم والمثل وتساقطوا بوطنهم الي درك سحيق لن نخرج منه حتي تقوم الساعه ..

آآآآآآآآه يا خال من ايام الزمن الجميل

يروى ان الاستاذ عبد الغفار يوسف - المحامي بسنجة - طيب الله ثراه - كان معروفا بتشدده مع من يؤجر له عقار فلا يخلي المحل لمالكها الا بعد مقاضاته .

استاجر الاستاذ عبد الغفار محلا من احد مواطنى سنجة وبعد انتهاء الفترة التعاقدية قام المالك بمطالبة الاستاذ عبد الغفار لاخلاء عقاره . لم يستجب عبد الغفار لطلب المالك مما اضطر الاخير لاقامة دعوى مدنية ضده امام محكمة سنجة مطالبا اياه بالاخلاء.

بحث المواطن ، المغلوب على امره ، عن محامي ليترافع نيابة عنه ضد عبد الغفار وللاسف ذهب لجميع محاميي سنجة وسنار ومدنى وجميعهم رفضوا التمثيل ضد عبد الغفار لانهم يدركون فنونه في المماطلة والمراوغة لإطالة امد النزاع ( ربنا اغفر لنا إن نسينا أو أخطأنا)

سافر المواطن هذا الى الخرطوم وهو مغلوب على نفسه وصار يصيح بأعلى صوته في ساحة المحكمة الجزئية ( والله مافي عدالة والله العدالة انتهت - المحامين يقلعوا حقنا ولا نجد من يدافع عنا)

في تلك اللحظة اتي الاستاذ احمد خير المحامي - رحمه الله - وسمع الرجل يصرخ . استوقف استاذنا الراحل احمد خير هذا الرجل وسأله عن الحاصل ، وروى له ذلك المواطن ما بينه وعبد الغفار في سنجة وإحجام المحامين في الترافع نيابه عنه . غيرة الاستاذ احمد خير على العدالة وسيادة حكم القانون دفعته ليبادر لهذا المواطن بقوله له انه سيكون في سنجة في الجلسة المقررة لسماع الدعوى دون ان يسأل المواطن عن اى اتعاب .

في يوم الجلسة المحددة وصل الاستاذ احمد خير مدينة سنجة وذهب على طول الى مكتب الاستاذ عبد الغفار . بعد التحية استفسره الاستاذ عبد الغفار عن اسباب حضوره سنجة فقال له احمد خير (انا جيتك انت يا عبد الغفار اخوى) وحكى لعبد الغفار مشهد المواطن وهو يصرخ في ساحة المحكمة . وقال لعبد الغفار قيمة اشعار المواطن بسيادة حكم القانون والعدل اكبر من قيمة علاقاتنا الشخصية واتيتكم اليوم لاضحى بعلاقة الزمالة المهنية لصالح قيمة العدل . رد عليه عبد الغفار (اذا دى الجابتك من الخرطوم يا استاذنا فتفضل استلم مفتاح هذا الرجل وساذهب معك المحكمة لاستصدار حكم اقراري ضدى .

بالفعل ذهب الاثنان المحكمة واقر عبد الغفار بطلبات المواطن البسيط وصدر حكم اقراري بالاخلاء .

الغريب في الامر ان المواطن نفسه وقف امام المحكمة وقال للقاضى (انا كنت بس عايز اعرف البلد فيها عدالة ولا ام فكو ساى . وطالما وصلت لهذه النتيجة فعلى الطلاق هاك يا عبد الغفار المفتاح وامشى اسكن في المحل ما دمت حيا) .


آآآآآآآآآآآه من ايام زمان يا خال

Quote: إختلال كل شيء فاصبح من كان منبوذا .. ومن ظهر بأموال مصدرها تدمير اقتصاد البلاد..في الأعلي.. وصار من يتمسك ياخلاقه وقيمه ويحكم بالضمير المستيقظ في الاسفل.. هي علامات الساعة بالنسبة لموت الأخلاق بعد النكسة!

صحيح يا منى لقد فسدت الانفس فلن يغير الله ما بنا ان لم نصلح ما بذواتنا

يا خال

Quote: وهبني الله فرصة ان القي هذا الرجل وهو في الثمانين من عمره في العام 1976 وانا طالب علم انفذ مشروعا تطبيقيا في مينة نوريتش بمقاطعة ايست انجيليا .. وتم ترتيب زيارة لي مع تناول الغداء مع (اللورد) روبرت هاو بمزرعته القريبة من نوريتش ..

سؤال لثقافة القاريئ فقط ارجو تكرم سعادتكم الرد عليه . هل كنتم تبتعثون لدراسات خارج السودان ؟ انا على علم تام انه و إبان فترة علاقتنا الخارجية المتوازنة ، او قل عندما كنا منحازين الى الغرب ، كانت ترد للسودان الكثير من المنح الدراسية في شتى التخصصات اما بتمويل من البنك الدولي او من الدول الصديقة.

Quote: قضيت معه ساعات اربع من اثري ساعات حياتي .. واكرمني بوجبة غداء قريبة من اكلنا .. وكانت الشوربه عبارة عن بامية مفروكه (مع بعض الاختلاف) .. واطلعني علي مقتنياته من الصور والمشغولات والمصنوعات من الفخار .. وحدثني عن شخصيات صنعت تاريخ السودان اكثرهم من السودانيين وقلة من الانجليز الذين عملوا معه .. وقال لي ان السودانيين علي اختلاف مكوناتهم العرقية شعب واحد له شخصية واحدة .. وان هذا سر لا يعرفه السودانيون انفسهم ............

يطول عمرك ويخليك لينا يا خال

Quote: حتي مستعمرينا كانوا من طينة طيبه .. يا ولدي

مش كدا يا خال حتى لو الواحد مصاحب ليهو ........ لا يمكن لصديقه التعدي على مساحاته تلك وحتى هي نفسها ... كانت لا تقبل غير ذلك الصديق .

انت فاكر الموضوع ساى ؟

ما تسرح سمح؟

يا مسنوووح انا بتاوق بالطاقة وبضحك ساااكت ,,الطلح اليشق راسك .

سباحة يا المسنوووح والله اليومين ديل بنسافر 100 ميل عشان نجيب البنزين

ده كله من عمايل ساندي الله لاكسبها ...


سعادتو عمر علي حسن منتصرين باذن الله والفاتحة مكربة .

الشيخ ود الكامل

Quote: الطلح اليشق راسك .

هالله يجازيك هسه كلام خالي السمح دا كلو ما اتلهمت الا كلمة الطلح

اصلو المشايخ ملهمون بتلاوة القرآن وحاجات تانية حامياني .

الخال قطع شك بيكون سرح

Quote: وسودان الانضباط والاحترام للناس والنظم كان كبيرا في قلوبنا وسببا في نهضة كانت ستتعاظم وتدوم لولا انجراف حاق بكل شيء فاستباح الناس القيم والمثل وتساقطوا بوطنهم الي درك سحيق لن نخرج منه حتي تقوم الساعه ..

يا حليل القضاة من امثال مولانا عبد المجيد ويا حليل الشرطة من امثال قرشي فارس يا خال

لقد بدأ الضياع منذ ان أعلن السيد الصادق المهدي رئيس حزب الأمة أن حكم المحكمة العليا في قضية حل الحزب الشيوعي السوداني حكم تقريري .

تواتر السقوط - يا خال - وتواترت المزايدات الحزبية من اجل تحقيق المصلحة الذاتية الضيقة على حساب القيم العليا ففقدنا ثلث اراضينا من أجل (إيضاحات) الصادق المهدي ابان فترة الديموقراطية الثالثة .

Quote: هل سمعت بالشلل؟؟ نعم أحيانا اشعر بأننا مصابون بالشلل في كل حواسنا.. نتحرك منه قليلا جدا في نطاق خاص وصغير ونحن نتلفت.. ثم نرجع الي مقعدنا الخالد لنشاهد باقي المشلولين بإستغراب!

يا مني
هناك دعاء صالح يقول فيه الانسان .. اللهم ادخلنا الجنه ونجنا من النار .. فاذا استجاب له ربه وادخله الجنه فانه يكون
قد نجا تلقائيا من النار فلا تمسه ولا يقاربها ..

مشكلتنا نحن بالذات اننا قد ندخل الجنه ولكننا في ذات الوقت لا ننجو من النار التي لم تشبع منا بعد

(سؤال جانبي)
هل رايت مشلولا يبكي ؟.. انا لم ار .. رغم انني عايشت مشلولين كثر .. لعل احساسهم بالمرارة شل ايضا .. مثلنا

عمر علي حسن

Quote: ( أنفتح حقائب أبنائنا كما كان يفعل جدي على حسن؟)

ليتنا نفعل .. وليتهم يفقهون
لو فتح كل واحد منا (شنطته) وضبط ما تحويه وفقا لورقة النصري حمزه لما حصل علينا الحصل ده

عمر علي حسن

Quote: سؤال لثقافة القاريئ فقط ارجو تكرم سعادتكم الرد عليه . هل كنتم تبتعثون لدراسات خارج السودان ؟ انا على علم تام انه و إبان فترة علاقتنا الخارجية المتوازنة ، او قل عندما كنا منحازين الى الغرب ، كانت ترد للسودان الكثير من المنح الدراسية في شتى التخصصات اما بتمويل من البنك الدولي او من الدول الصديقة.

يا خوي انتو كنتوا وين
نعم .. كنا نبتعث الي كل انحاء الدنيا لنتعلم مجانا .. وناخد قروش هناك .. وماهيتنا ماشه هنا .. وكانت الدول خاصة بريطانيا
ومصر وامريكا والهند وباكستان وفرنسا والمانيا وبعدها الدول الاوروبيه تتسابق علي تزويد السودان (المحبوب عالميا) ببعثات
دراسيه منها المهني ومنها الاكاديمي .. وكانت سفارات السودان وملحقياته الثقافية وسفارات الدول الممثلة بالسودان تتحصل
علي خطط التدريب والتطوير الحكومي لتأتي بجزء منها من منطقة تمثيلها .. وكان مكتب البعثات الحكوميه هو المنسق الذي
يوزع هذه المنح علي الوزارات حسب احتياجاتها التدريبيه ووفقا لما يتوفر بها من المؤهلات العلميه لموظفيها .. بل واننا كنا
احيانا نُرسل الي مكتب البعثات الخارجية لنبحث عما يناسبنا للارتقاء الاكاديمي ونقوم بتعبئة استمارات الترشيح ونعود بها
لوزارتنا لاعتمادها وختمها ..

والمنحة الدراسية تشمل كل شيء من تذاكر السفر والرسوم الدراسيه والسكن والاعاشه والترحيل واللوازم الدراسيه بما في
ذلك قلم الرصاص والحبر والنثريات .. وتمنح حكومة السودان المبعوث (بجانب ماتمنحه اياه الحكومه المستضيفه) اما اعانة
شهريه في حالة البعثات الطويلة او بدل سفريه في حالة البعثات التي تقل عن ثلاثة اشهر .. مع احتفاظ الموظف براتبه كاملا
ومخصصاته وامتيازاته .. ويصدّق لمبعوثي الدراسات العليا باصطحاب اسرهم علي نفقة المنحة وكذلك بعض الحالات
الخاصه ..

ويمكنك ان تحصل علي منح دراسيه خارج تخصصك الوظيفي بشرط ان تكون قد تأهلت مهنيا ..
وقد استفدت شخصيا من ذلك فدرست الادارة العامه وادارة الاعمال وعلم النفس والقانون الجنائي والدستوري وفنون التدريب ..
وقضيت نحو ستة اعوام من خدمتي الحكوميه في طلب العلم .. كل ذلك بالمجان .. وبدون من او اذي .. ورأيت الدنيا شرقا
وغربا وخالطت الناس والشعوب فعرفوا السودان واحب اكثرهم محمد احمد

هل عرفتم لماذا نحب السودان كل هذا الحب

وقد اعطيت من جانبي نظير كل هذا فدرّبت ودرّست وحاضرت وشاركت في ورش العمل والسمنارات وكنت كالنحلة اغطي
اكثر من نشاط في اليوم الواحد بجانب عملي .. وارفض المقابل اذا وجد .. وارفض قبول عروض براتب مضاعف من القطاع
الخاص لأن ذلك غدر وانكار جميل لمن اهلني كل هذا التاهيل بلا مقابل .. ولم نكن نوقع تعهدا بالاستمرار في خدمة الحكومه
بل كنا طوع بنانها اذا دعتنا لمهمة تتناسب مع ما درسنا ..

وآخر بعثة دراسية ذهبت فيها كانت عام 1976 وهي التي قابلت فيها اللورد هاو بترتيب من مانحي البعثة ..

وفي اواخر الخمسينات استطاع الحزب الشيوعي السوداني ان يحصل علي عدد وافر من المنح الدراسيه لاعضائه للحصول
علي درجات جامعيه في مختلف المجالات ونال الكثيرون من خارج عضوية الحزب فرصا للدراسة في دول المعسكر الشرقي
وحصلوا علي درجات علمية اساسية وعليا .. والتحقوا بالعمل الحكومي وارسل الكثيرون منهم في بعثات حكومية اخري

شفت ازاي ... انتو انشا الله يبعثكم الجليل الرحيم ..
عمر علي حسن

Quote: منتصرين باذن الله والفاتحة مكربة .

واخوك بي جاي بارك ليهم بي سبحة فاهمه

باقي لي اخوك شيقوق مهتم بالنص التاني من نشاط الفكي .. خليني النهبشو ليك هبشة تخلي ضقلو 7 و8 زي ما
قال الحلاوي ..
بالمناسبه الزول ده مالو غطس وخلانا نحاحي في خالي وود الكامل

اما البنزين فيعلم الله لولا الفاتحه الا كان تجيبوه من الاسكا .......... هييييييييييييييييع شيخي اللي رباعتو ما تبين

عمر علي حسن

Quote: اصلو المشايخ ملهمون بتلاوة القرآن وحاجات تانية حامياني . الخال قطع شك بيكون سرح

عاد انا السرحت ؟ الله عالم السرح منو .. وسرح وين ..
(يقرأ مقرونا مع ردي علي الفكي ود الكامل .......)

عمر علي حسن

Quote: يا خوي انتو كنتوا وين نعم .. كنا نبتعث الي كل انحاء الدنيا لنتعلم مجانا .. وناخد قروش هناك .. وماهيتنا ماشه هنا .. وكانت الدول خاصة بريطانيا ومصر وامريكا والهند وباكستان وفرنسا والمانيا وبعدها الدول الاوروبيه تتسابق علي تزويد السودان (المحبوب عالميا) ببعثات دراسيه منها المهني ومنها الاكاديمي .. وكانت سفارات السودان وملحقياته الثقافية وسفارات الدول الممثلة بالسودان تتحصل علي خطط التدريب والتطوير الحكومي لتأتي بجزء منها من منطقة تمثيلها .. وكان مكتب البعثات الحكوميه هو المنسق الذي يوزع هذه المنح علي الوزارات حسب احتياجاتها التدريبيه ووفقا لما يتوفر بها من المؤهلات العلميه لموظفيها .. بل واننا كنا احيانا نُرسل الي مكتب البعثات الخارجية لنبحث عما يناسبنا للارتقاء الاكاديمي ونقوم بتعبئة استمارات الترشيح ونعود بها لوزارتنا لاعتمادها وختمها .. والمنحة الدراسية تشمل كل شيء من تذاكر السفر والرسوم الدراسيه والسكن والاعاشه والترحيل واللوازم الدراسيه بما في ذلك قلم الرصاص والحبر والنثريات .. وتمنح حكومة السودان المبعوث (بجانب ماتمنحه اياه الحكومه المستضيفه) اما اعانة شهريه في حالة البعثات الطويلة او بدل سفريه في حالة البعثات التي تقل عن ثلاثة اشهر .. مع احتفاظ الموظف براتبه كاملا ومخصصاته وامتيازاته .. ويصدّق لمبعوثي الدراسات العليا باصطحاب اسرهم علي نفقة المنحة وكذلك بعض الحالات الخاصه .. ويمكنك ان تحصل علي منح دراسيه خارج تخصصك الوظيفي بشرط ان تكون قد تأهلت مهنيا .. وقد استفدت شخصيا من ذلك فدرست الادارة العامه وادارة الاعمال وعلم النفس والقانون الجنائي والدستوري وفنون التدريب .. وقضيت نحو ستة اعوام من خدمتي الحكوميه في طلب العلم .. كل ذلك بالمجان .. وبدون من او اذي .. ورأيت الدنيا شرقا وغربا وخالطت الناس والشعوب فعرفوا السودان واحب اكثرهم محمد احمد هل عرفتم لماذا نحب السودان كل هذا الحب وقد اعطيت من جانبي نظير كل هذا فدرّبت ودرّست وحاضرت وشاركت في ورش العمل والسمنارات وكنت كالنحلة اغطي اكثر من نشاط في اليوم الواحد بجانب عملي .. وارفض المقابل اذا وجد .. وارفض قبول عروض براتب مضاعف من القطاع الخاص لأن ذلك غدر وانكار جميل لمن اهلني كل هذا التاهيل بلا مقابل .. ولم نكن نوقع تعهدا بالاستمرار في خدمة الحكومه بل كنا طوع بنانها اذا دعتنا لمهمة تتناسب مع ما درسنا .. وآخر بعثة دراسية ذهبت فيها كانت عام 1976 وهي التي قابلت فيها اللورد هاو بترتيب من مانحي البعثة .. وفي اواخر الخمسينات استطاع الحزب الشيوعي السوداني ان يحصل علي عدد وافر من المنح الدراسيه لاعضائه للحصول علي درجات جامعيه في مختلف المجالات ونال الكثيرون من خارج عضوية الحزب فرصا للدراسة في دول المعسكر الشرقي وحصلوا علي درجات علمية اساسية وعليا .. والتحقوا بالعمل الحكومي وارسل الكثيرون منهم في بعثات حكومية اخري

الله يخليك - يا خال- فتلك كانت الحلقة المفقودة للكثيرين الذين يتابعون مشاركاتك الطيبة في هذا المنتدى