عدت للمنبر لابشر بالجندر.. الحقوق محفوظة للعناوين المشابهة

ازيكم/ن

والعيد مبارك عليكم /ن

شكراً لبكري على بالو الواسع وصبرو على خرفي وتضييع كلمة مروري كل مرة.
وشكراً لسهام مجمر .. اها جينا اريتو يشبه ابو هههه (انتو الوشوش التعبيرية دي بختوها هنا كيف نسينا زاتو )

Quote: عدت للمنبر لابشر بالجندر

عدتي يا بت أمي؟؟

العود أحمد/ة

عوداً حميداً/ةً

تحيات طيبات ومعايدات قلبية لك وللأسرة البعاد والقراب..

..

.

ازيك يا عربي
وعلينا وعليك يتبارك يابا

طلع الزول ما ممكن يلقاك الا هنا
انت من ناس وحنين الفتى لأول منزل ولا كيف هههه

والله يا أماني البركة في العيد الجابك ..
الشوق كميات يعلم الله ..
ياخي العيد يتبارك عليك وكل سنة وإنت طيبة ..
تحياتي لتراث والوليدات ..

علينا وعليكم يتبارك يا معتصم
والله الشوق دا زاتو غلبنا النسوي فيه

البركة في دفرات سهام مجمر
وسعة صدر بكري والله
ياخ كلمة مروري دي ختت وشي في الواضة
الخرف وصل دعواتك بس

منبر بكري دا السنة فيه بقت بسنتين ..
الخرف بره وبعيد إن شاء الله ..
غايتو بعد المرارة والشية والكمونية تعالي لينا بالكتابة السمحة وطاعمة ..
تحياتي لسهام والريس بكري ..







وسلامي للزول الجميل الفوق دا مصطفى والعيد يتبارك عليك ..

الف مرحب بيك يا اماني

وكل عام وانت والاسرة بالف خير

كيف الكلام دا يا معتصم؟
السنة بسنتين دي كنا قايلناها بس في المعاملات الرسمية هههه
يا سيدي انا المعولة انه رجعتني هنا والنقاشات الدائرة في المكان دا تلهم الزول بحاجة يكتبها
تسلم يا معتصم

الجندرية
كيفك والأسرة وتهاني كتيرة بالعيد ..
لا حولَ آخر مرة شوفتك بتكتبي هنا كان قبل دهر من الزمان ...! انت كنت وين؟

اوّلاً بالتبادي .... حبابك وحباب الرجوع.
تانياً: أبقي عشرة على الباسوورد (ممكن تعلّقيهو مع مفاتيح العربية .. ولو ما بتسوقي ... علّقيهو في "المفحضة").
تالتاً: الجندرة دي بيبشروا بيها كيف؟ وقّعي لي الكلام.
رابعاً: ....... مافي حاجة تاني.

ياحليلك وياحليل ايام الجدر

البعاشيم احتلو المنبر

كل سنة وانت والاسرة واليمن بالف خير

الجندرية:

وحالي حالك بس زايدإنو الموقع ما بفتح لي.

كل سنة وانت وعثمان والعقد الفريد في نعمة ورضى.

الندامة كاتلاني لي إسي بالرجوع .. الحمد لله أولا وأخيرا

سلام وأشواق كتار.

حبابك حبابك... والجابك يجيب عقابك...

وكل سنة وانتي طيبة

امانى كل سنة وانت بالف خير
السنة الجاية تتحقق الامانى

الجندرية

مرحبا بعودتك

فقد افتقدك المنبر .. وأخريات

أدعوك لإلقاء نظرة هنا

فهم السلفيين للزواج يفقد أهم أركان الزواج..


الباقر موسى

الجندرية


عيدك مبارك وايامك تتبارك


ازيك يا قريبه

كل عام وانتي بخير
وعودا حميدا

كل سنة وانت طيبة .. يا الحبيبة الجندرية ..

يا حليلك ويا حليل أيامك .. أيام الزمن الجميل ..

عليك الله ما تنقطعى مننا تانى ..

الحوش حق زمان .. ال كنا بنرشو ..

ونرص فيهو كراسى الخيزران ..

فى انتظار الضيفان ..

هسى دى .. بقى كيف كده ..

بقى مهجور .. مليان قش و شوك وحسكنيت ..

لكن .. يا الجندرية .. وعشان الجندر ..

نحش القش .. ونقلع الشوك ونحرق الحسكنيت .. ونكنس البيت ..

وننتظرك .. وننتظر ضيوفك .. حقين زمان ..

أهلاً وسهلاً بيك .. نورت المكان ..

وكل سنة وانت طيبة ..

يا هو .. عمك العجوز زاتو ..
آآآى ..
عمك ارنست

السنير الجندرية..

حبابك عشرة بلا كشرة
الحوش يا جندرية بقى فيهو الزينا
يادوب مرقوا سنينات اللبن
وفيهو كمان العكاليت والمساخيت والطبالين
واسياد الغنا ..
وناس لا بريدك ولا بحمل بلاك
بس علا والله لقينا ذكراكم عطرة
وهرولة الساكنين هنا عليكم شفقتنا
قلنا نجي ونرمي لينا طوبة معاهم
نشيل ونرص نخلى يدنا معاهم
الحروف كلها قالت انك زولة مهمة
وجندرية بالحيل وفنجرية كمان

اها اكان وصلك ترحينا دا خلى في بالك
واكان ما وصلك بسبب الباسوويرد
او لاي طارئ اخر معذورة
ومتوسف كتير على التطويل والنقة الما مهضومة دي

فتك بي عافية خيتى ... او
اميمتى

حبان قساي
ترحب بيك السعادة والايام الطيبة

انقروا ما راحت مني تاااااااني :)
الا لقيتها هههه
بجيكم صادة نفر نفر