Post: #1
Title: يا تلفزيون يا
Author: mohmmed said ahmed
Date: 10-27-2012, 05:29 AM
نزلنا قنواتنا الفضائي كلها
الفضائي السوداني-النيل الازرق-الشروق-الخرطوم-امدرمان-قوون-النيلين-البحر الاخمر
وقعدنا نشوف برامج العيد
اول صدمة
قصيدة عمر الجزلى
ممكن تكتل ليها زول عديل كدا
حوار خالد ساتى مع غازى سليمان
كوميديا ما حصليتش
غازى الانتيكة
مرة يهاجم ناس الانقاذ ويقول ديل ما بيخافو الله ومرة يشكر فيهم
وعوارة
انا من الجناب العالى
وبت النصر بتى بتحلف بالطلاق
سهرة عن موضوع الاشقاء والمواهب وكلام خارم بارم عن الجينات والبيئة
اخوات تومات تشكيليات كل واحدة تتكلم بسرعة الصاروخ
وسيف البحر وطارق البحر
سيف البحر دا زاملتو فترة دراسة بسيطة زول اكتر من عادى كنت استغرب سبب تحوله لنجم تلفزيونى يتحدث فى الطب والكورة والسياسة
والثقافة ويحكى نكت كمان
امس عرفت السبب انو اخو طارق البحر يعنى ياجماعة استضيفو اخو ى دا معاكم
فى برنامج واحد من سخفاء الفرق الكوميدية
يقول نكتة
واحد حلفاوى عرس مرة شينة شنا شديدة (ودى من الافيهات المتكررة فى سخفهم) يقول ليها المزة المصرية
تقول ليهو وانا
يقول انت مزة الزومة
يعنى دون اى حساسية بسىء لزول مسكين والتلفزيون يسمح بكلام متخلف زى دا
|
Post: #2
Title: Re: يا تلفزيون يا
Author: mohmmed said ahmed
Date: 10-27-2012, 06:05 AM
Parent: #1
ما تسمى بقصيدة لعمر الجزلى
فى عيون المستحيل
فى عيون المستحيل بعد وضياع كأنه الانتهاء
قاسى هو البعاد ياسيدة الجرح
لكأنك انت يا عميقة العينين لاتزالين عندى الحكاية الاغلى
ومهما غيبك الزمن غاليتى فى احشاء السراب
لا تسالينى كيف ينتهى هذا البعاد وهذا الغياب
فى خاطرى تمر الذكريات بلون الضباب
واعغماقى تعربد بحلم النورس المشتاق للاياب
ربما يحتوينى الغياب فلا اعود
والامانى ربما تموت محزونة فى عيون المستحيل
انا لا املك الا الاشواق
وبقايا اغنية ضاعت منى فى ميناء يعيد
اظل اكتب فى سماء العمر اغنية
الحب عودها والشوق لحنها والليل شعرها وشوقها وهمسها الحبيب
اكتر بيت هزانى فى ما تسمى
((ربما يحتوينى الغياب فلا اعود))
يارب امين
|
Post: #3
Title: Re: يا تلفزيون يا
Author: mohmmed said ahmed
Date: 10-28-2012, 02:11 PM
Parent: #2
سارة ابو
متخصصة فى علم النفس
تتكلم كويس فى تخصصها
وتستضاف للحديث عن مشاكل اسرية
بصراحة طلاتا جميلة لكن كتيرة
امس تتكلم عن غناء واداء خليل اسماعيل
فى قنواتنا السودانية اى زول يتكلم فى كل حاجة
مشجع اسمو كمال افرو يستضاف بكثرة يتكلم عم الكورة زيو زى اى مشجع فى محطة 3 فى الكلاكلة
مستضاف يتكلم عن السمات المميزة للشخصية السودانية
|
Post: #4
Title: Re: يا تلفزيون يا
Author: Hafiz Bakhit
Date: 10-28-2012, 03:09 PM
Parent: #3
الاخ محمد سيداحمد
كل سنة انت والاسرة وكل اهلنا بخير
ان كنت تريد الصحة وطولة العمر عليك الابتعاد عن التلفزيون السوداني وقنواته البائسة وخطابه الركيك ولغته المملة وضيوفه الذين يتحدثون في اي شئ بدون علم او معرفة .
مع الاعتذار لاخونا الاستاذ المخرج عبدالرحمن سوركتي
حافظ محمد بخيت.
|
|