Post: #1 Title: البشير:يدعو الباحثين للعمل على تطوير اجهزة التشويش Author: بكرى ابوبكر Date: 10-25-2012, 11:16 PM
Post: #2 Title: Re: البشير:يدعو الباحثين للعمل على تطوير اجهزة التشويش Author: الفاضل يسن عثمان Date: 10-26-2012, 00:16 AM Parent: #1
دمر التعليم ويطالب الشباب بالبحث عن اكتشاف اجهزة للتشويش علي الردارات اي جامعة الان يا بشة, من جامعات مايسمي بثورة التعليم, يدرس فيها علوم مرتبطة بماطالبت الشباب القيام به. وكم تبلغ ميزانية دعم التعليم, ناهيك عن البحث العلمي والعلوم. بعدما خربتها تجلس الان علي تلها, ولا عزاء, لاننا متحفزين علي اقتلاعك وعصابتك, ومحاكمتك علي كل الجرائم, ولدينا يقين يكبر كل يوم للقيام بذلك, حتي يرفع السوداني رأسه في سماء باديةالكبابيش ويقول انا سوداني والعبره لمن اعتبر.
Post: #3 Title: Re: البشير:يدعو الباحثين للعمل على تطوير اجهزة التشويش Author: Adrob abubakr Date: 10-26-2012, 00:57 AM Parent: #2
شفتو الكلام الزي ده هو البجيب الهوا, لأنه كده يا دوب إسرائيل والدول المعادية بتقبل عليك وحكومة السودان تكون أدتهم المبرر للهجوم, حقيقة ده واحدة من مشاكل الإنقاذ منذ مجيئها, وعمرهم ما بتعظوا منها, وهي نفسها أخطاء الديكتاتوريين المتعنترين الفاشلين أمثال صدام حسين والقذافي, فبدلا من يعملوا سرا في تنفيذ مشروعاتهم, يعملوا بروبقندا حتي يسثيروا حفيظة الأعداء القادرين علي وضع كل العراقيل لإفشال المشروع قبل البدء فيه, أو قد يتسبب في توجيه ضربة أخري للسودان أو علي أقل تقدير جعل السودان علي لائحة الدول المعادية ويحاصر من جانب.....ما هذا الغباء؟ ومتي يتعلم سودايننا الدبلوماسية ومتي يستفيدوا من أخطائهم؟
Post: #4 Title: Re: البشير:يدعو الباحثين للعمل على تطوير اجهزة التشويش Author: الصادق اسماعيل Date: 10-26-2012, 01:26 AM Parent: #3
Quote: شفتو الكلام الزي ده هو البجيب الهوا, لأنه كده يا دوب إسرائيل والدول المعادية بتقبل عليك وحكومة السودان تكون أدتهم المبرر للهجوم, حقيقة ده واحدة من مشاكل الإنقاذ منذ مجيئها, وعمرهم ما بتعظوا منها, وهي نفسها أخطاء الديكتاتوريين المتعنترين الفاشلين أمثال صدام حسين والقذافي, فبدلا من يعملوا سرا في تنفيذ مشروعاتهم, يعملوا بروبقندا حتي يسثيروا حفيظة الأعداء القادرين علي وضع كل العراقيل لإفشال المشروع قبل البدء فيه, أو قد يتسبب في توجيه ضربة أخري للسودان أو علي أقل تقدير جعل السودان علي لائحة الدول المعادية ويحاصر من جانب.....ما هذا الغباء؟ ومتي يتعلم سودايننا الدبلوماسية ومتي يستفيدوا من أخطائهم؟
Post: #5 Title: Re: البشير:يدعو الباحثين للعمل على تطوير اجهزة التشويش Author: Abureesh Date: 10-26-2012, 01:27 AM Parent: #3
السادة المتداخلون وسيد الحوش،
خطأ فى العنوان ادى لخطأ فى الردود..
ما طالب به البشيـر تطوير أجهزة ضـد أجهزة التشويش فى الطائرات المعاديـة.. وليس أجهـزة تشويش. يعنى هو يطالب بتطوير أجهـزة دفاعيـة وما تجيبوا الهوا للزول. ويا السيد الرئيس، أولا حمد الله على السلامـة.. تانيا تطوير النظام دا ممكن وما مستحيل لو توفرت الإرادة السياسيـة.. عندك ;كفاءات جمـة فى هـذا المجال..
ونحن ايضا ممكن نساعـد بشروط لا أعتقـد حزبكم يقبلهـا.
Post: #6 Title: Re: البشير:يدعو الباحثين للعمل على تطوير اجهزة التشويش Author: محمد عثمان الحاج Date: 10-26-2012, 05:48 PM Parent: #5
يا عمر ، لو عامل فيها عنتر أو أسدأخير ليك دخل ضنبك بين رجليك وأقعد مؤدب، ما تقوم تدعم الجهلة صعاليك الإعراب عشان يمشوا يشاغلوا الجماعة الكبار ويجيبوهم لينا عشان يروعوا أطفالنا وعجائزنا!
قلت لي أجهزة تشويش؟ يازول انت ما جايب خبر للدنيا دي؟ إنت قايل الناس الفوق قمة العالم ديل عورا؟ إنت فاكر إنو ما عندهم تكنولوجيا تانية غير الرادار؟ يا عمر كان ما عارف أعرف، الناس ديل عندهم علم فيزياء سري غير البعرفوا العالم ، أقعد وفتش في الانترنت دي عشان تعرف الحاصل في العالم ده شنو، وكان انت بتفهم في العسكرية فعلا لازم تعرف إنو سماءك مكشوفة وشبكات تلفوناتك كلها مكشوفة وشبكات كمبيوترك مخترقة. يعني انت تحت رحمة الجماعة الفوق، وبعدين أعرف كويس إنو دولة شعب الله المختار دي متفوقة تكنولوجيا على الدولة العظمى وعلوم الرياضيات والفيزياء هم راسها وساسها والفرق التكنولوجي بينهم وبين الدول العظمى زي الفرق بين الدول العظمى وبينك! وكمان وجهت بإعادة تعمير المجمع القاعد في نص السهلة ممكن لشافع بي نبلة يدمروا بي قروش الجوعى والمرضى والأميين؟ انت ما شفت جارك الليبي كسروهوا كيف؟ ياخي انت ضميرك ده حيصحى متين؟
Post: #7 Title: Re: البشير:يدعو الباحثين للعمل على تطوير اجهزة التشويش Author: Deng Date: 10-26-2012, 06:00 PM Parent: #6
ألا يوجد بينهم شخص عاقل ؟
Post: #8 Title: Re: البشير:يدعو الباحثين للعمل على تطوير اجهزة التشويش Author: بدر الدين احمد موسى Date: 10-26-2012, 06:29 PM Parent: #7
مداخلة كانت للتنبيه و حذفت حفاظا على امن السودانيين
Post: #9 Title: Re: البشير:يدعو الباحثين للعمل على تطوير اجهزة التشويش Author: Abdel Aati Date: 10-26-2012, 06:57 PM Parent: #8
الرجاء من الاخ ابو الرئيش والسيد بدر الدين احمد موسى حذف الاسماء الواردة في مداخلاتهم
Post: #10 Title: Re: البشير:يدعو الباحثين للعمل على تطوير اجهزة التشويش Author: عماد موسى محمد Date: 10-26-2012, 07:07 PM Parent: #9
يا Abureesh شكرا على المعلومة فالح وعثل كمان زول كريم وأخو أخوان بشكل! الموساد يكاد يقول له:جزاك الله خيرا! ***************** شكرا عادل عبدالعاطي على التنبيه على موضوع الاقتباس وفعلا أبوريش تصرف تصرف غريب بجلبه لإسمي هذين الرجلين هاهنا ************************** عادل..أنا ماقلت ليك الوهابية ديل ناس حقّانيين؟!! هسع شوف"ليبرالي" نصح "سلفي".. طوّالي استجبنا! عادل إنت لو بقيت سلفي تلقى البركة في عمرك كلو! الله يهدينا ويهديك أشكرك والله على ملاحظتك وهذه غيرة على الوطن نشكرها فيك
Post: #15 Title: Re: البشير:يدعو الباحثين للعمل على تطوير اجهزة التشويش Author: Abdel Aati Date: 10-26-2012, 08:06 PM Parent: #10
الاخ عماد موسى والاخ ابو الريش الرجاء حذف اسماء الناس مكن مداخلاتكم وشكرا للسيد بدر الدين احمد موسى
Post: #28 Title: Re: البشير:يدعو الباحثين للعمل على تطوير اجهزة التشويش Author: Abdel Aati Date: 10-27-2012, 03:14 PM Parent: #15
شكرا الاخوان ابو الريش وعماد موسى على الاستجابة ..
Post: #11 Title: Re: البشير:يدعو الباحثين للعمل على تطوير اجهزة التشويش Author: Adil Isaac Date: 10-26-2012, 07:23 PM Parent: #9
Quote: ألا يوجد بينهم شخص عاقل ؟
طبعاً لا يادينق و ذي ماشايف البني كجة قيادة وشعب حالهم يدعو للرثاء :واحد عايز أبحاث علمية عشان يطور Anti-jamming للرادارات وتبرع له أبناء الشعب بأسماء المتخصصين (علي الورق) لهذا الأنظمة و بين حقيقة أن هذه الأنظمة لاتملكها الا دول تعد علي أصابع اليد الواحدة وحلول البني الكجة الآنية بتوفير المختصصين علي الورق يكمن الفارق الهائل بين نمط تفكير العالم الأول و العالم الثالث بعد الألف.
------------ الحل ليس في شراء أنظمة دفاع بل في ترتيب أولويات دولة مفلسة و بائسة ذات نظام حكم غبي تسلطي، نجحت في جر شعبها لمعارك لن تكون من أولوياتها في الألف سنة القادمة مثل تحرير الأرض العربية بمساعدة مهووسي حماس.
Post: #12 Title: Re: البشير:يدعو الباحثين للعمل على تطوير اجهزة التشويش Author: كمال عباس Date: 10-26-2012, 07:32 PM Parent: #11
تصريحات البشير هذه لاتعدوأن تكون إستهلاكا إعلاميا ومحاولة بائسة لأمتصاص الغضب الجماهيري ! ** فضربة اليرموك لم تكن الأولي ولم تكن مفاجئة فقد سبقتها عدة ضربات فلماذا لم يطور المشير في الدفاعات الجوية وأجهزة الرصدوالمراقبة منذ وقوع القصف الأول قبل أربعة أعوام? ** فقد بشرنا النظام وقت حدوث غارة البحر الاحمرالاولي- بتطوير دفاعاته وتأديب العدو وظل يكرر في ذات الأسطوانة عند حدوث الغارات اللاحقة!! ** ظللنا نسمع جعجعة ولانري طحنا! فمواجهة الغارات لاتكون بالحلاقيم والخطب الجوفاء ! ** ياله من عار أن تكون أنت يامشير علي قيادة الجيش والدولة! فأنت شخص أدمن الكذب والحنث بالقسم وفي عهدك عرفت بلادنا إحتلال التراب وإستباحة الأجواء ! فكيف تتطور قدرات البلاد ومواردها د موظفة لحماية شخصك ونظامك وثروات الشعب نخرها الفساد وكفاءات الجيش والخدمة العامة شردها نظامك !? ** لايمكن أن يحمي البلاد من فرط في سيادتها وترابها !,السبيل الوحيد لصيانة ماتبقي من وطن وحماية شعبه وترابه وإعادة الكرامة المهدرة لإنسانه هو سقوط هذا النظام .......
Post: #13 Title: Re: البشير:يدعو الباحثين للعمل على تطوير اجهزة التشويش Author: تبارك شيخ الدين جبريل Date: 10-26-2012, 07:48 PM Parent: #12
يا يابا حليل العلم والبحث العلمي ...
امشوا لى ناس الرابطة الشرعية لهيئة العلماء والدعاه ... يمكن يكون عندهم انتيجامينق سنّة مستحبّة ولاّ فرض ظاطو ....
(شابكننا تعريب المناهج تعريب المناهج ... الأنتيجامينق دي بى لسان أهل نجد؟ ولاّ مصطلح قحطاني؟)
... المهم ....
Post: #16 Title: Re: البشير:يدعو الباحثين للعمل على تطوير اجهزة التشويش Author: غالب شريف Date: 10-26-2012, 08:12 PM Parent: #12
الاخ بكري وضيوف بوسته الكرام
بعد التحية اقول مند ان خلق الله الدنيا وحتى الان ترتفع امم وتنخفض اخرى وتصعد الى القمة دول وتنحط اخرى ولايوجد عالم اول ثابت واخر ثالث ثابت وما قاله البشير يستر به عورة عجز نظامه ودهب اليه ابوالريش صحيج العلم العلم ثم العلم هو من يرفع من شان الامم والدول ويمكن للسودان ان يصبح كاسرائيل او افضل ان سلك دات الطريق التي سلكته
Post: #17 Title: Re: البشير:يدعو الباحثين للعمل على تطوير اجهزة التشويش Author: كمال عباس Date: 10-27-2012, 01:40 AM Parent: #16
سلامات ياأخ غالب الشريف
Quote: الاخ بكري وضيوف بوسته الكرام
بعد التحية اقول مند ان خلق الله الدنيا وحتى الان ترتفع امم وتنخفض اخرى وتصعد الى القمة دول وتنحط اخرى ولايوجد عالم اول ثابت واخر ثالث ثابت وما قاله البشير يستر به عورة عجز نظامه ودهب اليه ابوالريش صحيج العلم العلم ثم العلم هو من يرفع من شان الامم والدول ويمكن للسودان ان يصبح كاسرائيل او افضل ان سلك دات الطريق التي سلكته
تنكلوجيا رصد ومراقبة الأجواء وتقوية الدفاعات الجوية متاحة تباع وتشري فلماذا يرصد النظام المليارات لشراء الاسلحة والمعدات التي تفتك بشعبه ويهمل ماهوأهم للوطن !! إن كان النظام يتذرع بتقدم إسرائيل التقني وتطورها العسكري لمدارة عجزه عن حماية سيادة الوطن فماهو عذره في التفريط في الفشقة وحلائب? ** علي النظام إبتداء عدم التحشر في عمليات وممارسات أكبر من حجم قدراته أوالتدخل في مؤامرات خارجية تفتح عليه أبواب الجحيم
Post: #14 Title: Re: البشير:يدعو الباحثين للعمل على تطوير اجهزة التشويش Author: حسن حماد محمد Date: 10-26-2012, 07:56 PM Parent: #1
الزول دا دحين صوتو دا طبيعى وله انا اضانى ما كويسه
راسمال ريسنا ياهو الكلام والخطب الحماسية وبيع الهواء
اذا كان صوتو بحه حا يلحق الغتس
Post: #18 Title: Re: البشير:يدعو الباحثين للعمل على تطوير اجهزة التشويش Author: هاشم نوريت Date: 10-27-2012, 01:48 AM Parent: #14
ياخوانا الزول دا تعابان وصارف قروش على اللادارات ليه فالنفترض جدلا اسرائيل قالت بكرة الساعة الثانية عشرة ظهرا دايرة تضرب القصر الجمهورى ايه هى قدرة السودان فى حماية القصر؟ مع الطائرات التى تطير على ارتفاعات شاهقة وتضرب الهدف بدقة مع التصوير كمان؟ المجرم البشير يبيع كلام وكان اسرائيل اعلنت وحددت يوم الضربة بالساعة والدقيقة الا نكشها بالتراب ماعندنا ليها شيتا تمنعا من تنفيذ غارتها
Post: #19 Title: Re: البشير:يدعو الباحثين للعمل على تطوير اجهزة التشويش Author: صديق الموج Date: 10-27-2012, 02:59 AM Parent: #18
Quote: البشير:يدعو الباحثين للعمل على تطوير اجهزة التشويش
قال الفنان:
وشوشنى البشير فانتشيت ونصحنى البعير فاختشيت
غايتو العوارة ما بشارة ما كفاية عبد الرحيم بشوشون واللا يوشوشن بالنظر وتكس يرجع والبتمطى بنشيل بلينا وما بنلعب معاه، يلا عينكم على اللين واللعب بالجله ممنوع بس ضراب كوريا اخر شى، واللعب جوزى، بلى مكسر ما شغال معانا،،،
Post: #20 Title: Re: البشير:يدعو الباحثين للعمل على تطوير اجهزة التشويش Author: محمد علي عثمان Date: 10-27-2012, 05:28 AM Parent: #19
البشير ببلع ريقه بطريقة غريبة وصوته منخفض شديد !!! الحاصل شنو؟
Post: #21 Title: Re: البشير:يدعو الباحثين للعمل على تطوير اجهزة التشويش Author: Abureesh Date: 10-27-2012, 06:15 AM Parent: #20
الاخ عادل عبد العاطى،
شكـرا وقـد تم حذف الاسماء رغم رأيى انها ان ذكرها لا يعنى شئيا كثيرا
Quote: فالح وعثل كمان زول كريم وأخو أخوان بشكل! الموساد يكاد يقول له:جزاك الله خيرا!
وانت اخو منو الجبت النص تانى بما فيه الأسمـاء ذاتهـا. والموسـاد حيقول ليك شنو؟
Post: #22 Title: Re: البشير:يدعو الباحثين للعمل على تطوير اجهزة التشويش Author: عماد موسى محمد Date: 10-27-2012, 07:19 AM Parent: #21
Quote: وانت اخو منو الجبت النص تانى بما فيه الأسمـاء ذاتهـا. والموسـاد حيقول ليك شنو؟
أنا أخو كل مسلم وطني غيور أنا يا أبوريش من شدة انزعاجي وزعلي منك غفلت/أخطأت باقتباس الأسماء التي أتيت بها أنت وما مصلحتي أنا في جلبها وقد أنكرت عليك تصرفك الغريب المريب؟ لذلك بمجرد أنني قرأت تنبيه الزميل عادل عبدالعاطي حذفت الأسمين حبّ الوطن شئ ومعارضة الحكومات شئ آخر
Post: #23 Title: Re: البشير:يدعو الباحثين للعمل على تطوير اجهزة التشويش Author: Deng Date: 10-27-2012, 08:06 AM Parent: #22
يا جماعة.
كدي خلو الكيزان في جهلهم ده.
أنتو صحي جادين في نقاشكم ده؟
هل تعتقدون بأن السودان بأمكانه شراء أو تصميم أجهزة رادار أو أجهزة تعمل ضد تشويش أجهزة الرادار حديثة؟
دخول السودان في صراع عسكري مع إسرائيل أنا أعتبره إنتحار. لأن السودان حتى لو أشترى أجهزة حديثة فمن السهولة جدا تدميرها. لذلك على حكومة السودان أن تبتعد من مثل هذه الصراعات والمعارك الغير مفيدة للسودان ولن تجلب له سوى الكوارث لشعبه.
Post: #24 Title: Re: البشير:يدعو الباحثين للعمل على تطوير اجهزة التشويش Author: الجندرية Date: 10-27-2012, 08:33 AM Parent: #23
Quote: الحل ليس في شراء أنظمة دفاع بل في ترتيب أولويات دولة مفلسة و بائسة ذات نظام حكم غبي تسلطي
عبرت عني تماماً يا عادل اسحاق.
Post: #25 Title: Re: البشير:يدعو الباحثين للعمل على تطوير اجهزة التشويش Author: محمد أبوالعزائم أبوالريش Date: 10-27-2012, 10:55 AM Parent: #24
Quote: غايتو العوارة ما بشارة ما كفاية عبد الرحيم بشوشون واللا يوشوشن بالنظر وتكس يرجع والبتمطى بنشيل بلينا وما بنلعب معاه، يلا عينكم على اللين واللعب بالجله ممنوع بس ضراب كوريا اخر شى، واللعب جوزى، بلى مكسر ما شغال معانا،،،
إنت يا صديق الموج راكب من محطة كم؟ نحن ياخ ما لاعبين بلي قزاز ... لاعبين بلّي فريت ....... فرييييييت.
إنت النوع البيخرتوهو يقوم يخرخر.
Post: #26 Title: Re: البشير:يدعو الباحثين للعمل على تطوير اجهزة التشويش Author: د.ماجدة ميرغني Date: 10-27-2012, 10:58 AM Parent: #1
وش وش وش... اهو بحثنا
Post: #27 Title: Re: البشير:يدعو الباحثين للعمل على تطوير اجهزة التشويش Author: Abdullah Idrees Date: 10-27-2012, 12:11 PM Parent: #26
رادارات شنو وكلام فارغ بتاع شنو ؟ البسمعوا يقول قاعد يصنع رادارات .. والموضوع بس محتاج لتطوير ؟ الكلام ده زيوو زي مكنة اللحام والسلاح ما بحارب بحاربوا الرجال والحنك الغريب ده .. المنطق يقول انه طالما علاقتك مع العالم زي الزفت ردارات عسكرية مافي .. الا تمشي لايران تديك رادارات من النوع البجيب التمساح ضب .. وكمان بلا خجلة "الباحثين" ، باحثين شنو الكاروري بقى يفتي في الفيزياء وحسب الرسول بفتي في طب الاسرة انت خليت فيها باحثين؟ شيل شيلتك وارجى الراجياك .. تحياتي
