تخصيب اليورانيم في اليرموك

الناس شكلها ما عارفها ليه إسرائيل
ضربت مصنع اليرموك !

القضيه ببساطه ثبت لاسرائيل إنه
جزء من عملية تخصيب اليورانيم
المحتاجا ليها أيران عشان تصنع قنبله
نوويه كان يتم التحضيرلإكمالها في مصنع اليرموك (برود)

اهو دا نوع اللعب بالنار البي ودي البلد
في ستين داهيه...........!

ولا حد يسالني عرفت كيف
ولا جبت المعلومات من وين

يا الله اجتهدوا

بصراحه إسرائيل ما فايقه عشان
تخسّر طياراتها ووقت جنرالاتها
وتقعد تحسب في المسافات وتحدد في الاهداف
يمكن لشهور
عشان تضرب ليها مصنع بصنع كلاشنكوف
او ذخيره ت اف ه او بنبان

ديل ناس بحسبوا خطواتهم شديد

نتانياهو في الامم المتحده
اشر بالخط الاحمر امام العالم وقال ما حنخلي
ايران تمتلك سلاح نووي
ومليون مره اسرائيل كررت انها لن تسمح بكل السبل
أن تمتلك ايران سلاح نووي
ودا طبعا بشمل اي مواقع تصنيع تساعد ايران علي
تخصيب اليورانيم

أرقدوا عافيه ياشباب

يا حبيب سلام عليك

إنت كمان ما تجي تخوووم الناس بي شوية كلام وتقطع من راسك أثبت كلامك ده
ولّ كمان ما تقعد تخوووم ساكت.

هل إنت مفتكر إنه مصنع اليرموك ده مأهل ممكن يصنع اجزاء من مكونات اليورانيوم ؟
يا اخوي اليورانيوم ده محتاج لقبب ومباني خرصانية ومليون ألف حاجة ... و المصنع الكركعوبة ده لا يصلح إلا (للطِلق) و الدانات واهو بعد ما فرتقوا ليهم كل حاجة ظهرت.

عشان اكون دقيق معاك في النقاش

ماذا تقصد باجزاء اليورانيوم التي كانت تصنع في المجمع

ومن اين تحصلت عليها حكومة البشير

وكيف كانت تُصنع وماذا تحتاج , ولماذا لم تصنع في ايران , وتم الاعتماد على مصنع صغير مثل اليرموك , الايوجد مثل هذه المصناع في ايران ؟ !!

الكلام القالوا الصوارمي خالد سعد
عن (الاختراق)
بيعني بيه الحته دي تحديدا
حته إفشاء خبر تخصيب اليورانيم
في اليرموك

جلال نعمان

الكلام دا غير صحيح، لأسباب يطول شرحها. وعشان ما تفهمني غلط، ممكن يتم تخصيب اليورانيوم في السودان وممكن ايران تعتمد على السودان في الموضوع دا، لكن حتى لو المسألة تمت أو حتم ما ممكن تتم في مصنع اليرموك دا لاسباب علمية واسباب منطقية، فبالتالي أي زول قال ليك المعلومة دي قول ليهو كلامك غلط وبالفم المليان. ولو غالطك اجدع ليهو الرابط دا ولو أصر على كلامو وديهو لأقرب طبيب نفسي

الرابط

http://wiki.answers.com/Q/How_much_does_enriched_uranium_cost

Quote: تخصيب اليورانيم في اليرموك

وجاءت اسرائيل و خصبتهم

Quote: Some Israeli media claimed Iran’s Revolutionary Guards owned the Khartoum munitions factory south of the Sudanese capital that was struck in the audacious, long-range attack

إدعت بعض وسائل الاعلام الاسرائيلية ان الحرس الثوري الايراني يمتلك مصنع الذخيرة الذي تعرض للهجوم
http://www.theglobeandmail.com/news/world/air...e4648867/?cmpid=rss1

جلال كل سنة وأنت طيب ..
صحيح متألمين من عمايل النظام بس كمان ما قدر قنبلتك دي ..
البلد دي حقتنا ما حقت حكاما بس. التعقل واجب .

هل في مقدور سابحات والزبير الرد على النظام الصهيوني وتدمير البطاريات الاسرائلية ؟؟؟ سمعنا تكوين لجنة عليا ومسيرة ضخمة اليوم من كتائب الدفاع الشعبي فهل هذا هو الاحتفاظ بحق الرد ...مجرد سؤال ي ا جلال باعتبارك محلل في الشؤون العسكرية .

Quote: قضيه ببساطه ثبت لاسرائيل إنه جزء من عملية تخصيب اليورانيم المحتاجا ليها أيران عشان تصنع قنبله نوويه كان يتم التحضيرلإكمالها في مصنع اليرموك (برود) اهو دا نوع اللعب بالنار البي ودي البلد في ستين داهيه...........! ولا حد يسالني عرفت كيف ولا جبت المعلومات من وين

يا زول .. انت بي جدك كدي ..
انت مفتكر الناس البكتبو هنا ديل طير ؟؟
يعني شنو ما تسألوني جبت المعلومة من وين ..
يا هو دا الفضل ..

ياجماعة جلال خبرتو في النت حدّها البورد ده؛

فما تعصرو الراجل ساي؛



قال يورانيوم قال.

Quote: جلال كل سنة وأنت طيب .. صحيح متألمين من عمايل النظام بس كمان ما قدر قنبلتك دي .. البلد دي حقتنا ما حقت حكاما بس. التعقل واجب .

دا واحد من البوستات اللي بتدعم الحكومة و بتعتبر خصماً على المعارضة ...

لما الاسرائيليين يقولوا ان حكومة السودان تهرب اسلحة لغزة فالظنون تذهب الى أن الاسلحة المقصودة هي اسلحة تقليدية جدا من النوع الذي درجت الفصائل الفلسطينية في استخدامه في عملياتها ضد اسرائيل :

Quote: 4 شهداء بغزة والمقاومة ترد بالصواريخ الأربعاء 24/10/2012 وردت كتائب عز الدين القسام وفصائل فلسطينية أخرى صباح اليوم على الغارات الإسرائيلية بإطلاق عشرات من صواريخ غراد وقذائف الهاون على مستوطنات إسرائيلية في النقب. . وجاء في بيان لكتائب القسام وألوية الناصر صلاح الدين أن مقاتليهما قصفوا جميع المواقع العسكرية الإسرائيلية المحيطة بقطاع غزة بقذائف الهاون. وتحدث الجيش والشرطة بإسرائيل عن إطلاق الفصائل الفلسطينية أكثر من خمسين صاروخا وقذيفة على بلدات في النقب الغربي وساحل عسقلان صباح اليوم. ووفقا لمصدر عسكري إسرائيلي, جرى اعتراض سبعة صواريخ فلسطينية بواسطة نظام "القبة الحديدية" المضاد للصواريخ. وأكدت مصادر عسكرية أن أكثر من 70 صاروخا وقذيفة أطلقت من قطاع غزة منذ ساعات الصباح على مناطق غلاف غزة

الاخوه المتداخلون

شكرا لمروركم

القضيه الاساسيه
إنكم كلكم ما عارفين المصنع دا
وبتكنبوا من عندياتكم وتحللوا!
المصنع دا مكون من جزئين

جزء خاص بالسودان
وجزء تابع لايران لا يدخلوا اي
شخص او مسؤل سوداني حسب اتفاق البشير
مع طهران
الجزء الاضرب وتم تدميره كما قال الناطق الرسمي
هو الجزء التابع لايران ود اصلا كان الهدف من الغاره
بعدين ...كلاشنكوفات شنو البترسل ليها اسرائيل طيارات
لالاف الاميال
الكلاشنكوف ياشباب ممكن يتعمل في المنطقه الصناعيه
ببساطه شديده جدا.. الفلسطينين ذاتهم عندهم ورش جوه غزه
بصنعوا فيها كلاشنكوفات
بعدين انا ما قلت ( تخصيب يورانيم)
قلت (جزء من عملية تخصيب اليورانيم)
راجعوا كلامي فوق
وبعدين يا استاذ الصادق
في اجزاء كتيره من اجهزة الطرد المركزي
إيران بتحتاج تجهزها وتجمعها ( حته حته) بعيدا عن أعين
مفتشي وكالة الطاقه الدوليه.
بمعني اخر المصنع دا بتتم فيه تجهيز تلك الاجزاء
مش تخصيب اليورانيم مره واحده...

تقرير قناة البي بي سي العربية في النشرة القبل شوية قرأ الضربة الاسرائيلية لليرموك في نفس اتجاه تحليل البوست دا
وكل التقرير عن الضربة كان بتكلم عن صراع ايران مع المجتمع الدولي حول تخصيب اليورانيم الايراني
كما استشهد التقرير بكتابة صحفي اسرائلي حربي وامتناع ايران عن رد تهمة امتلاكها للمصنع

Quote: وبعدين يا استاذ الصادق في اجزاء كتيره من اجهزة الطرد المركزي إيران بتحتاج تجهزها وتجمعها ( حته حته) بعيدا عن أعين مفتشي وكالة الطاقه الدوليه. بمعني اخر المصنع دا بتتم فيه تجهيز تلك الاجزاء مش تخصيب اليورانيم مره واحده...

جلال نعمان

يا زول ربنا يهدينا ويهديك، اجهزة الطرد المركزي ما محظورة في اي مكان في العالم، وايران بتصنعها واي دولة في العالم ممكن تصنعها، القصة ما في جهاز الطرد المركزي، القصة في استعمالوا، والقصة ببساطة إنك محتاج للجهاز لفصل اليورانيوم من بعضو للحصول على يورانيوم مخصب.

ايران (مع احترامي ليك) ما غبية عشان تعتمد على السودان اللهي عارفة امكانياتو الدفاعية، عشان تصنع اجزاء، وليه اللفة الطويلة دي ما تصنعها براها.

بعدين نديك معلومة للزمان، ايران ما نكرت إنها قاعدة تخصب في اليورانيوم، ايران مشكلتها مع العالم دا كلو إنها بتقول إنها بتخصب فيهو عشان اغراض سلمية والعالم بيفتكر إنها حتعمل قنبلة نووية. وقع ليك.

يعنى ايران عندها اجهزة طرد مركزي والموضوع علني (اكرر علني) وعندها يورانيوم (برضو علني) وبتخصب في اليورانيوم (برضو علني) ما محتاجه تدس حاجة.


طيب من مكانك دا شوف ليك حاجة تانية ايران دايرا تصنعها في السودان.


طيب بالنسبة لموضوع اسرائيل

الحجم الكلي لدولة اسرائيل 20 الف كيلو متر مربع وعشان تضرب اسرائيل من قطاع غزة ما محتاج ليك لأي سلاح بعيد المدى، وعشان نديك تقريب مساحة ولاية الخرطوم 22 الف كيلومتر مربع، عشان كده اي سلاح تقليدي بيشكل خطر على اسرائيل.


وقع ليك

Quote: مصنع اليرموك أنشئ في التسعينات ومحاط بسرية وإجراءات أمنية مشددة ينتج الذخائر الخفيفة.. وطور لإنتاج كل الأنواع منها الخرطوم: «الشرق الأوسط» أنشئ مجمع «اليرموك» للتصنيع العسكري الحربي في السودان وسط تسعينات القرن الماضي، لكن تاريخ إنشائه الحقيقي بقي سرا حتى الآن. ولم يكشف النقاب عن موقعه على بعد 20 كيلومترا جنوب مركز العاصمة السودانية الخرطوم، إلاّ عقب الضربة الجوية الإسرائيلية. لكن المكان القريب من مستودعات الوقود الرئيسية بالخرطوم كان محاطا بسرية تامة، وبإجراءات أمنية مشددة على مدار الساعة، ولا يسمح لمواطنين أو سيارات بالاقتراب من السور ناهيك عن البوابات الرئيسية. وحسب تقارير فإن المصنع كان ينتج أول الأمر «الذخائر» الخفيفة، ثم تطور لينتج كافة أنواع الذخائر ابتداء من الخفيفة للجنود إلى ذخائر الطائرات، ويعد هذا تطورا لافتا في صناعة السلاح لبلد مثل السودان. راجت أنباء في أوقات سابقة عن وجود خبراء «إيرانيين» داخله، وأنه ينتج أسلحة محرمة دوليا، وأن السلاح المنتج فيه يتم تسليم بعضه لمجموعات فلسطينية تابعة لـ«حماس»، ويستخدم في ضرب المدنيين في دارفور وجنوب السودان، بيد أن تلك الأحاديث لم تسند إلى مصادر موثوقة، ويقول خبراء إن الغارة الإسرائيلية ربما تكون بسبب هذه الأحاديث. واتهمت إسرائيل السودان بعد غارة جوية على مواطنين سودانيين في شرق البلاد بأنه يهرب الأسلحة إلى «حركة حماس» في قطاع غزة. وأوقفت جريدة «رأي الشعب» المملوكة لحزب المؤتمر الشعبي المعارض عن الصدور بسبب نشرها تقارير عن صناعة السلاح في السودان.