طاقة .. رأي القارئ فيما يكتبه البورداب عبر "الإيميل" .. كوول داون!!

الناس البتقرا سودانيزأونلاين دي أكيد مرات بتعجبن حاجات

وبرضو أكيد في ناس بتعضعض شلاليفا من الغيظ

المجموعة التانية دي هي بيت القصيد

نفتح ليكن يابورداب طاقة علي الناس دي يجو يدفقو راين في الإيميل دا

[email protected]


وبجيبو ليكم بيجاي "بي ضبانتو"


الناس البتقراعندها حق النقد


ممكن يذكر بورداب بالاسم "النبز والهانا مامعانا"

البورداب توسع هناياتا وتخلي الروح رياضية

.

.

.

رأي القراي

.

رايك

وشرفنا بي إسم تلاتي ومكان الإقامة

سلامات جلال
بوست جيد ويحتاج منك متابعة شديدة
سبق لي ان قمت بذلك مرتين خلال عامين متتاليين
لقراء المنبرغير الاعضاء ... ورونا رأيكم في المنبر

-
لو أمكن اختار واحد معاك يتلقى رسائل القراء ايضا عشان تضفي نوع من الحيادية على البوست

شكري لك

Quote: سلامات جلال بوست جيد ويحتاج منك متابعة شديدة سبق لي ان قمت بذلك مرتين خلال عامين متتاليين لقراء المنبرغير الاعضاء ... ورونا رأيكم في المنبر - لو أمكن اختار واحد معاك يتلقى رسائل القراء ايضا عشان تضفي نوع من الحيادية على البوست شكري لك

حيدر سلامات

أنا في فترة كنت بعيد من البورد بسبب المشغوليات

ليك حق الإذن في الفكرة وربنا يديك العافية

والفكرة فعلاً دايرة متابعة شديدة

دحين شوت إيميلك هنا

خليك معاي

سلامات يا جلال
بالتأكيد سؤال مشروع من الاخ جمال
ولا يجيب عليه إلا بكري نفسه


--
والله اخوك في سفر دائم يصعب معه المتابعة

Quote: بالتأكيد سؤال مشروع من الاخ جمال ولا يجيب عليه إلا بكري نفسه

نشوف بكري شن بقول


........................
ربنا يعينك يا حيدرنا

الاخ جلال نيابة عنك وعن الاخ بكري أبوبكر دعني ارد علي الاستاذ جمال بابكر

بخصوص هل بكري أبوبكر جمهوري ارد علية
بالحيل جمهوري أليس هو من رعايا جمهورية السودان

يا جلال ان دي بداية بوستيك ده فالأفضل توفر تعبك

Quote: الاخ جلال نيابة عنك وعن الاخ بكري أبوبكر دعني ارد علي الاستاذ جمال بابكر

نيابة عن الأخ بكري دي يفتي ليك فيها بكري نفسو


أما عني .. فأنا أصلاً ما عندي حق الرد لا لي أستاذ جمال ولا غيرو

Quote: يا جلال ان دي بداية بوستيك ده فالأفضل توفر تعبك

الراجل من حقو يسأل ... مافيها أيي إساءة لي بكري أفتكر

صلاح غريبة وين






تحيه طيبه الاخ جلال علي اتاحتك لنا الفرصه
للمشاركه بارائنا في منبر سودانيز اون لاين
فهي همه عاليه منك ومن كل من فتح الباب سابقا للقراء من خارج المنبر
كما اتمني من الاخ بكري تفعيل مثل هذا الاقتراح ببوست مثبت حتي تعم الفائده
انا لدي سوال
وبي صراحه محرق روحي والله العظيم جد
انتو المدعو صلاح غريبه ده مالو فاكيها في نفسو كده؟ لو غالبكم ادوني باسويرد والله اتمو ليكم
تاني المنبر ده الا يشوفو زينا متاوقه ساكت وبي المنطق بس
ومشكور لاتاحه الفرصه للتعبير
ــــــــــــــــــــــــــــــــــــــــــــــــــــــــــــــــــ
محمد نور
سيول كوريا الجنوبيه

للاستذة اميرة السيد في البوست بتاع ناذر الخليفة (عن المغتربين )




الاستاذ جلال جبريل

السلام عليكم و رحمة الله و بركاته


ردي هذا علي تعليق الاستذة اميرة السيد في البوست بتاع ناذر الخليفة ( عن المغتربين ) .. ارجو شاكرا ادراجه في بوستك المخصص لمشاركات القراء من غير الاعضاء و كذلك ارجو شاكرا ادراجه في بوست ناذر حتى يتسنى للاستاذة اميرة الاطلاع و الرد عليه ان هي رغبت بذلك.

اولا: الاستاذة اميرة دمغت جميع موظفي المصالح الحكومية بانهم يأخذون رشاوي ( حتى الاستثناء الشكلي حرمتنا منه) حيث قالت "يعني يا صلاح جميع موظفي الحكومة السودانية بياخدوا رشاوي"
و ليت مصدر كلام الاخت اميرة كان تجربة شخصية مع موظف او مسئول حكومي طلب منها صراحة او ضمناً ان تعطيه رشوة حينها يكون الخطل في التعميم فقط .. و لكن للعجب كان مصدر كلامها سمسار يحاول ان ياخد منها رشوة ... " فقال بعبارة واضحة ومفهومة:" نحن هنافي السودان اذا اي موظف ما اخذ رشوة ما ممكن يشتغل ...فسألته :: وهل لكلام ده بينطبق على كل المصالح لحكومية .. فقال نعم.." و فات على الاخت اميرة ان صاحبنا هذا مستفيد من رده عليها بهذه الصورة حيث يحاول دفعها لان تعطيه الرشوة بدون كلام كتير بان يوحي لها بان هذا هو الاسلوب المتبع في كل المصالح الحكومية السودانية و لا يدعو للدهشة او الاستغراب.
وحتى لو استبعدنا عامل المصلحة عند السمسار كيف نفترض في سمسار او عرضحالجي يعمل علي هامش مصلحة الاحصاء كيف نفترض فيه المعرفة بحال موظفي الشئون الهندسية او مصلحة المياه او اي مصلحة حكومية اخرى حتى تقول عنه الاخت اميرة انه "علرف كل ما يجري في المكاتب السودانية" و من ثم تصدر بناءً عليه حكما قاسياً علي" جميع موظفي الحكومة السودانية" بانهم "بتاعين رشاوي " و من ثم تجود علينا بال (وجه مكشر) ؟؟؟؟

ثانياً : يتضح من القصة ان الاخت اميرة لم تحاول اصلا ان تاخد حقها بالدرب العديل حيث يتطلب ذلك ملي ارانيك ووقوف في الصفوف حيث قالت : "وقابلت احد الموظفين وقال لي : بدل ما تبهدلي نفسك في الصفوف وتجري ورا ملء الارانيك وما بتعرفي المكت بالبطلع الشهادات وين خلي واحد من الأخوان القاعدين تحت الشجرة ديك يساعدك وتديهو الفي النصيب" و يفهم من هذا انه قال لها هذا الكلام من باب النصيحة .. و لو رفضت الاخت اميرة نصيحته واصرت ان تاخذ الارنيك بنفسها و بهدلت نفسها في الصفوف شوية و جرت وراء ملء الارانيك لضيقت بابا من ابواب الفساد .. و لكنها استسهلت دفع الرشوة و " اشترت دماغها " و بعد نهاية الفلم جات عشان تقول "إلا موظفين الحكومة ما سمحين وما طيبين.. ( وجه مكشر)"

اخيراً : الاخ جلال جبريل .. ارجو ان تعفينا من قصة اشتراط الاسم الثلاثي هذه حيث ان بعض اعضاء سودانيز اونلاين انفسهم لا يكتبون باسمائهم الثلاثية ( اساسي و قيقراري مثالاً).. و لك بعد ان تتطلع على المكتوب ان تنشره او ترد معتذراً لمرسله حسب تقديرك

و لك جزيل الشكر


ابو كريم

موظف في مصلحة حكومية مقيم بالخرطوم

السلام عليكم ورحمة الله
شكرا لفتح هذه الطاقة
الأخبار الكاذبة وخداع الناس بمعلومات غير صحيحة أضر بالمنبر
مثال بسيط هل يكون خريج كلية العلوم مهندسا؟
لو تابعت موضوع أعواد تكحيل محاجر العيون بالإثمد لعرفت كيف يعبث لاالبعض بمصداقية المنبر
مع تحياتي

....................................

نعيدو تاني الإسم ومكان الإقامة

تحياتي الاخ جلال
اولا نشكرك جزيلا علي اتاحة الفرصة لنا لابداء اراءنا بحكم متابعتنا لمنبر سودانيزاونلاين ... في الحقيقة بادئ الامر اريد ان اوصل صوتي واطرح سؤال للادارة عن معايير العضوية ؟؟؟ انا من الذين تقدموا للعضوية منذ عام 2005م وكان العضو الذي زكاني حينها هو عضو البورد صديق الموج ومنذ ذلك التاريخ وحتي الان لم انال العضوية راسلت الموقع مرارا وتكرارا دون رد مقنع بالايجاب او الرفض ...ومن دون مبالغة اجتهادي في سبيل نيل العضوية لو كان غيرته للوتري لكنت الان في بلد ناس اوبرا وينفري ...
الشئ الاخر وانطباعاتي عن البورد بوصفي من المتابعين متابعة دقيقة ...وبكل اسف الموقع يسير في تدهور مريع من كتابات وحضور والجانب الخبري ... في الفترة الاخيرة كثير من اقلام المبدعين والكتاب الحقيقيين ابتعدوا عن المنبر بسبب هتر الغوغاء والشلليات مما جعل قلم ذو اليد لا فرق بينه وبين قلم الاديب محسن خالد ... يعني كل من يمتلك باسوورد يضع كتفه بكتف مبدع وكاتب موهوب مصدر رزقه الكتابة والابداع امثال بشرى الفاضل واسامة الخواض وعجب الفيا وحمور زيادة ويوسف الموصلي الخ .. ياخي مرة قرات لمفعوص اسمو عبد العزيز مين كده ما عارف بناقش في دكتور بشرى الفاضل دون حدود ... ولا يعرف امثال هذا النكرة ان بشرى هذا لو كان شخص من دولة اخرى لما رد عليه السلام ... لكن تواضع الدكتور بشرى وسودانويته جعلته يتعامل بسلوك الشخص السوداني العادي لا الاديب والفنان ... والغريب في الامر ان ابصلعه يقرا في ذلك بلا مبالاة مما جعل كل المبدعين يبتعدوا عن الكتابة يهذا البورد ...
الشيء الاخر شطط المعارضة ومدعي النضال ودغمائية منتسبي النظام دائما يقفون بالحق والباطل مع منسوبيهم كل يدعم معسكره علي الصحيح والخطا ... والاغرب هو يمكن لاي حد ان يشتمك في عرضك وفي شخصك من دون ان يرمش له طرف وسط صمت مريب من هم في غير معسكرك ... يعني انت تداخلت وقلت كلمة حق في شخص طارح نفسه معارض فاقرب شخص يمكن يلبس فيك كلمة كوز وامنجي وكمان ساكن كافوري ...
لذلك ارى كثير من الكتاب العقلاء ابتعدوا من الموقع مما جعل البورد يذهب الي الوراء بسرعة الصاروخ .... لذلك مستحيل ان يعود المنبر الي ماكان عليه بسبب كل ما ذكر واضفة لذلك وجود البدائل من منابر بديلة وهيمنة المواقع الجتماعية من فيس بوك وتويتر والخ
علي العموم ياخي نشكرك كتير الاخ جلال لجعل صوتنا يوصل للبورد ولابصلعه هيمسلف ...

تحياتي لك يا أخ جلال

الاسم/ ياسر الحسين
الاقامه/ السعوديه

بداية يا أخ الزبيـر ماتتسرع في حكمك على فكرة البوست( لان العجله من الشيطان أعاذنا الله واياكم منه)
أنا من المتابعين لهذا المنبر منذ أكثر من خمس سنـوات ، وبما أنني لست شخصيه عامه او انسان مشهـور
لم يتكرم علينا السيد / بكري بعضوية المنبر بالرغم من أنني حاولت أكثـر من مـره لان خاب سعي واصبحـت
مشاهد فقط ، معليش على الاطاله
ملاحظاتي التي استحضرها الآن هي روايتنا أو بالاصح مغامرات جنسيه للاخوان محمد جمال الدين والاخ صاحب
رواية قوقازيه لاادري ماذا يستفيد القارئ من تلكم المعاصي ( هدانا وهداكم الله ) الله سبحانه وتعالى توعد عبده المجاهر