وداعاً دبــلـــــــن ..والى الأبد

قريبا ...والى الأبد

ربنا يمد فى الايام

دبلن مدينة بطعم الطحالب و رائحة الجعة

طريقة تفكير الايرلندين تذكرنى بشكل الحنفيات وطلمبات المياه القديمة المهملة
لا ادرى لماذا !!!

ليه كده بس مالك؟


ياخ الله يديك الفى مراضك وتتهنئ لمن تقول بس



تحيات

Quote: ليه كده بس مالك؟ ياخ الله يديك الفى مراضك وتتهنئ لمن تقول بس تحيات

تسلم والله يا فنان..يديك العافية.. دبلن فاضت بينا خلاص




تحايا وود

وطن’’ مضى أم سيأتي
ليس بالنار سوء’’ سوى آهةِ المحترِق
سوى ما علّمتنيه حينما نفترِق
نقتسمُ الشهادةَ
الريقَ
والخوفَ
والأمنيـــاتْ

آخر الويل: عـاطف خيري

لووووووووووووووووووولز يا قرشينا يا جنا من عندينا , ولا انا المن عنديكم ؟
كلووو ماشي
لكن ضحكتني والله يا ود عمي عبدون, ياخ معقولة بس ؟
الذكريات الندية والسنين المخملية , تنساها كده سااااي

بشويش بشويش خلى خط رجعة لزيارة الأحية والرفاق
قعدت فيها سنة زي ما عارف , لكن لي هسه بعاودني الحنين للحبان والذكريات الجميلة وبمشي ليهم في المناسبات
هسه نحن معيدين معاكم بي هناك إن شاء الله
نجيكم ما نلقاكم نمشي منكم تكوركوا لينا ؟
خلاص يا زول قبال تسافر اوفي بوعدك وحبابك ألف
نحن غايتو حجزنا مساء الخميس الجاي ده إن شاء الله ،وطبعا في إجازة الهالوين , والشباب في إجازة
يعني إسبوع بي غادي
لازم نلاقيك يا ولدنا
كل سنة وإنت طيب إن شاء الله

مطر تقيلة في البلد دييك
سامعين انها للعلم كويسة
بس للعمل و كده ما ظابطة
الله يحقق الفي مرادك يا قرشي.

أختى العزيزة والغالية سوما لك الود والتحية وكل سنة وانتى طيبة

مشتاقين والله قدر عدد حروف القرآن زى ما امى بتقول لى
دبلن خلاص انتهت كمدينة ولكنها لم تنتهى كمدينة شكلت فينى بعض التجارب التى عشتها
وخبرت ازقتها وشوارعها ..

ماشى لندن نهائى ..وأريد أن افنى فى ذاك الجمال زى ما بقولو
الايرلنديين حلويين بس محل الصلحة أحلى ..ولا كيف ههههه

بيناتنا تلفون بإذن الله يا عزيزة

محبتى الاكيدة

Quote: مطر تقيلة في البلد دييك سامعين انها للعلم كويسة بس للعمل و كده ما ظابطة الله يحقق الفي مرادك يا قرشي.

حبيبنا أحمد مسكاقمى ..ويا فينا
دبلن والله زى حلفا الجديدة مطرة تقيلة شديد..المطرة
لو تقيلة ما بتقدر تمشى من مدينة لتانية :)
وكلامك مزبوط علم وصحة مافيهم كلام ابدا
نفس السيستم البريطانى ولكن بالنسبة للشغل تعبانة شديدة

تسلم يا غالى

طبعا قبل اسبوعين رجعت من لندن

مشيت كشفت وجيت ولقيت الوضع افصضل بكتير من دبلن

لمن رجعت من لندن قبل اسبوعيين الساعة 11 ليلا لقيت مطار دبلن ما فضل فيه غير

نقيع الضفادع..تماما بعكس مطار هيثرو...لندن من الجو عجيبة ..تشوف التخطيط العمرانى والتجمعات البشرية والانوار بتفصل المدن بطريقة

فنية وسنتر لندن (zone)انواروا كلها ابيض والبقية بالاحمر....لوحة بس..

بلد تحس فيها انها شغالة بجد والاجمل ما بتحس فيها بالغربة والوحشة زى دبلن لكثرة المهاجرين من زمن الحديد والنار

دايرين نمشى نسمع هوهوة الحديد زى ما عاطف خيرى قال ههههه

جيمس جويس اسطورة الخيال الروائى لو صحى من نومو هسع
كان خيالو هو ذاتو مات بسبب الحاصل فى دبلن..بلد منتهية ياخى

قريبا سأكون من بورداب لندن

إن شاء الله

مرحب بك في مدينة الضباب..

Quote: مرحب بك في مدينة الضباب..

العزيزة منى ..تسلمى كتير والله

حنلتقى إن شاء الله


تحياتى الصافية

الجميل قرشي

ربنا يوفقك شقيش ما تقبل ياخ

Quote: الجميل قرشي ربنا يوفقك شقيش ما تقبل ياخ

ياااااه يا الأمين ..تسلم يا عزيزى

ربنا يديك الصحة والعافية ويوفقنا جمعياً

تسلم والله

محبة من القلب

الاخ قرشى سلامات

Quote: ماشى لندن نهائى ..وأريد أن افنى فى ذاك الجمال زى ما بقولو

فى رأيى احمد زى حاج احمد.

ربنا يوفقك ان شاء الله وزى ما بقول
اهلنا(الفارة داره).

كل الود

Quote: فى رأيى احمد زى حاج احمد. ربنا يوفقك ان شاء الله وزى ما بقول اهلنا(الفارة داره). كل الود

سلام يا فوزى..عساك بخير

والله نحنا عاشرنا الايرلنديين شعب طيب جدا وبشوش الفرق فى البشاشة دى يمكن
بس نحنا كلامنا دا عشان الشغل وما داييرين نقعد ساى بعد التخريج
وطبعا فى بريطانيا الفرص اكبر..


شكرا كتير -سعدت بمرورك