Post: #1 Title: طالما الحكاية جابت ليها غُلاط أحلق شنبي بي قزازة ميتة لو كانت صحيحة Author: صبري طه Date: 10-21-2012, 06:23 PM
يا ناس أوروبا لو أمكن مطلوب استطلاع حكّام من أوروبا للتعليق على ركلة الجزاء الثانية للمريخ
ــــــــ اليد مزروعة في الأرض .. حتى اللاعب لو حاول تفادي الكُرة بإنّها ما ترتطم بيده لن يستطيع !!! شاهدوا الإعادة عند التوقيت 5:00
بعدين في حاجة مهمّة جداً وهي: ما أيّ كورة بتضرب في اليد معناها مُخالفة .. الناس بعد تفهم الحتّة دي ما بتكون في أيّ مُشكلة لتفسير الحالة !!! والفقرة الأخيرة دي لو لم يحتسب الحكم هذه الركلة لقامت الدُنيا وقعدت والسبب هو الجهل بالقانون ...
Post: #2 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-21-2012, 08:13 PM Parent: #1
الزراعة التقوم لك في نص صنيقعك دا اها يا احمد قنديل ورينا يحسبوها شنو ولا يجلوها كدا عادي خلي بالك القزازة ما تجرحك
Post: #3 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: ABUHUSSEIN Date: 10-21-2012, 10:17 PM Parent: #2
غايتو جرستكم بقت ظاااااااااااااااهرة
ياخ إنتو أول ناس إتغلبوا
برشلونة بتغلب يا جماعة و دا حال الكورة...
Post: #5 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-21-2012, 11:09 PM Parent: #3
Quote: غايتو جرستكم بقت ظاااااااااااااااهرة
ياخ إنتو أول ناس إتغلبوا
برشلونة بتغلب يا جماعة و دا حال الكورة...
يا أبو حسين القصة ما قصة جرسة ... لأنو الجرسة ما حتعيد المُباراة ... وكلامي دا بعد ما شُفت نظريات ناس معزّتنا ...
Post: #8 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صديق عيسى صالح Date: 10-22-2012, 08:59 AM Parent: #5
Quote: طالما الحكاية جابت ليها غُلاط أحلق شنبي بي قزازة ميتة لو كانت صحيح
صبرى احلق شنبك.. بس بعد ان تضحى .. يا اخى لاعب يكوم فى الكره بيده ما تحسب ضربة جزاء !وتسمى كرة قدم كيفن يا صبرى؟ ثم كرة القدم ما فيها الكره براها جات ليد اللاعب وعشان كده لما المهاجم بكون بحاور فى المدافع نجد المدافع يضع يديه خلفه خوفا من تلمسه الكره براها .افهمو قانون اللعبه ومن ثم تعالوا غالطوا.
Post: #25 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: حذيفة الحسن Date: 10-22-2012, 10:49 AM Parent: #8
صبري يا حبيب اضربتو ضربة جامدة تعيش وتاخد رباعية
Post: #4 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-21-2012, 10:35 PM Parent: #2
Quote: الزراعة التقوم لك في نص صنيقعك دا اها يا احمد قنديل ورينا يحسبوها شنو ولا يجلوها كدا عادي خلي بالك القزازة ما تجرحك
أها عليكم الله شوفو جنس السؤال دا ... كيف يعني يحسبوها شنو ... طبعاً ما حيحسبوها أيّ حاجة وبيستمر اللعب عادي زي لمّا الكورة تضرب في رجلك أو ضهرك ....
ـــــــ قال ولاّ يجلّوها كدا عادي ... غايتو محن
Post: #6 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-22-2012, 08:37 AM Parent: #4
Quote: طبعاً ما حيحسبوها أيّ حاجة وبيستمر اللعب عادي زي لمّا الكورة تضرب في رجلك أو ضهرك ....
وحياتك؟
Post: #7 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 08:48 AM Parent: #6
Quote: وحياتك؟
ياخي إنت لو جادّي قول جادّي
Post: #9 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-22-2012, 08:59 AM Parent: #7
يا سيد صبري الحالة تقديرية والحكم قدر انها ضربة جزاء تاني اللولة فوق كم؟ بالمناسبة مبروك الحمام الميت الجاييكم
Post: #10 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: وليد عبد اللطيف Date: 10-22-2012, 09:04 AM Parent: #9
Post: #11 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-22-2012, 09:08 AM Parent: #10
بعد كلام وليد دا حدي معاك القزازة الميتة والتي نسميها نحن (المروة)
Post: #12 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 09:33 AM Parent: #11
تسلم يا وليد .. وأنا عايز منّك إجابة واضحة ومُباشرة: هل الكرة هي التي ارتطمت بيد اللاعب أم يد اللاعب هي التي ذهبت للكرة ؟ الإجابة كما طلبت يا كدا يا كدا .. ما عايز أيّ تفصيل يا حبيب ...
Quote: يا سيد صبري الحالة تقديرية والحكم قدر انها ضربة جزاء تاني اللولة فوق كم؟ بالمناسبة مبروك الحمام الميت الجاييكم
تقديرية بتاعة شنو يا محمد .. لو ما متنا شقينا المقابر .. أنا مراهن فوق باستطلاع حُكّام أوروبيين .. الأفارقة ديل أنساني منّهم ...
Quote: بعد كلام وليد دا حدي معاك القزازة الميتة والتي نسميها نحن (المروة)
وأنا في انتظار القزازة الميتة بعد إجابة وليد يا عمر ...
ــــــــــ
Post: #13 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: الامين موسى البشاري Date: 10-22-2012, 09:34 AM Parent: #11
Post: #14 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 09:36 AM Parent: #13
بالمُناسبة يا البُشاري .. رأي وليد في الحتّة عرفتو قبل البوست دا في بوست افترعه هو وشاركته فيهو ...
وطالما الحكاية جابت ليها تحدّي من محمد عمر الفكي وضحك منّك .. أبشروا بطول سلامة ووسعوا صدوركم ...
Post: #15 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: الامين موسى البشاري Date: 10-22-2012, 09:46 AM Parent: #14
Quote: بالمُناسبة يا البُشاري .. رأي وليد في الحتّة عرفتو قبل البوست دا في بوست افترعه هو وشاركته فيهو ...
وطالما الحكاية جابت ليها تحدّي من محمد عمر الفكي وضحك منّك .. أبشروا بطول سلامة ووسعوا صدوركم ...
وروني الغلاط وأقعدوا فراجه سكواها ولعها .................... والله صحي يا صبري التحكيم جزء من اللعبة والحكم بشـــر لكن النصيحة غلبكم دا لا سببه الحكم ولا حاجة دا يا اخوي ظبط عدييييييييييييييييييييييييييييييييييييييل (على ذمة النكته)
Post: #16 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 09:57 AM Parent: #15
طيّب يا بُشاري قولوا أخطأ الحكم ولكن ما تقولوا الركلة صحيحة ...
Post: #17 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-22-2012, 10:04 AM Parent: #16
لا صحيحة يا صبري لاعبك دا ايدو ممدوة بعيداً عن جسده (بالمناسة الراكوبة دا منو؟)
Quote: تقديرية بتاعة شنو يا محمد .. لو ما متنا شقينا المقابر .. أنا مراهن فوق باستطلاع حُكّام أوروبيين .. الأفارقة ديل أنساني منّهم ...
مدخل جيد للمراقة يا البشاري العريس دا براحة عليهو، بنحتاجو لعبد اللطيف بكري قدام
Post: #20 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 10:15 AM Parent: #17
Quote: لا صحيحة يا صبري لاعبك دا ايدو ممدوة بعيداً عن جسده (بالمناسة الراكوبة دا منو؟)
Quote: مدخل جيد للمراقة
مرّاقة شنو يا عمّك .. هنا تبلع ناشف بس
لاحظ ليد لاعب الهلال وين قبل ما الكورة ذاتو تصلو
وهل هو مرتكز عليها ولاّ قاعد يبشّر بيها على العريس صبري طه
Post: #18 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: Dr.Elsadig Abdalla Date: 10-22-2012, 10:05 AM Parent: #16
آخر الدراسات في مجال التحكيم في كرة القدم ونشر في مجلة (الضحيه)لكرة القدم ...إذا أراد المدافع أن يزرع يده ،لازم الزراعه تكون في مشروع زراعي ذات جدوى اقتصاديه...وبما إنو لاعب الهلال المحترم زرع يده في ملعب المريخ ،يبقى مخالف لاصول القانون ..ويعاقب بضربة جزاء وفي روايه أخري الطرد ..وبذلك يجب محاسبة الحكم لعدم تطبيقه القانون كاملا....
---------------------------------
المصدر مجلة الضحيه من تاليفي وانتاجي ..
Post: #19 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: مها عبد الله Date: 10-22-2012, 10:15 AM Parent: #18
Quote: يا ناس أوروبا لو أمكن مطلوب استطلاع حكّام من أوروبا للتعليق على ركلة الجزاء الثانية للمريخ
كاااااااااااااااااااااااك عُقدة الخواجة برضو لوووووووووول الخواجة قال ليكم صحيحة صحيحة
أحلق حلاقتك يا دفعة وهاردلك
Post: #21 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 10:21 AM Parent: #19
لكن يا مها أنا قاصد الخواجة الأصلي ما الخواجة التقليد البالع ذمّتو
ــــــ الكهرباء والمريخاب .. غايتو من هنا ولي غادي كهرباء السودان الديمة مقطوعة ؟
Post: #22 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 10:26 AM Parent: #18
Quote: ويعاقب بضربة جزاء وفي روايه أخري الطرد ..وبذلك يجب محاسبة الحكم لعدم تطبيقه القانون كاملا....
بالمُناسبة طالما الحكم اعتبرها مقصودة من المفترض أن ينال لاعب الهلال البطاقة الصفراء .. وهذا يعني بالنسبة لي أنّ الحكم ارتبك بعد تسرّعه في تقدير الحالة ...
ـــــــ جا يكحّلها عماها
Post: #23 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: Dr.Elsadig Abdalla Date: 10-22-2012, 10:41 AM Parent: #22
انتي يازول شكلك ما مطلع على الدراسات الجديده ..قال ليك طرد عديل واحتمال ضربتين جزاء ..يازول ربنا مرقكم ساكت..أحلق حلاقتك ساكت
Post: #27 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 11:08 AM Parent: #23
Quote: انتي يازول شكلك ما مطلع على الدراسات الجديده ..قال ليك طرد عديل واحتمال ضربتين جزاء ..يازول ربنا مرقكم ساكت..أحلق حلاقتك ساكت
الطرد بيكون في حالة يكون هو آخر مُدافع وليس معه مُدافع آخر الإنذار بالبطاقة الصفراء يكون في حالة لم يكن آخر مُدافع ومعه مُدافع أو أكثر ودا طبعاً بعد استبعاد حارس المرمى ...
Post: #24 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عبدالرحمن Date: 10-22-2012, 10:46 AM Parent: #22
هووى ياودرفاعه جهز قزازتك الحكاية بقت تقديرية ... ولو مالقيت قزاز قول عوك نحن بالضفة الاخرى جاهزين لتوفير قزازة من النوع ابوكديس ...
ياوليد ياخ عدم صحة ضربة الجزاء دى اتفق عليها الرشيد المهدىة ومصطفى النقر ...طبعا الرشيد شهادتو لينا مامجروحة ...شغال معانا شغل الغتاتة وعشان يؤكد على حيادو كثير ما يظلم الهلال ... لكن المذيع زنقو وبعد تعب طلع منو بالاعتراف دا .. مااعتقد ان الحالة تقديرية ...والنقر فسرها ان(هاند بول) اى ان اليد هى التى تمشى على الكرة وليس العكس .. واعتقد انو دا المحك ...
تحياتى لصاحب البوست ...
Post: #26 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 11:04 AM Parent: #24
Quote: هووى ياودرفاعه جهز قزازتك الحكاية بقت تقديرية ... ولو مالقيت قزاز قول عوك نحن بالضفة الاخرى جاهزين لتوفير قزازة من النوع ابوكديس ...
ياوليد ياخ صحة ضربة الجزاء دى اتفق عليها الرشيد المهدىة ومصطفى النقر ...طبعا الرشيد شهادتو لينا مامجروحة ...شغال معانا شغل الغتاتة وعشان يؤكد على حيادو كثير ما يظلم الهلال ... لكن المذيع زنقو وبعد تعب طلع منو بالاعتراف دا .. مااعتقد ان الحالة تقديرية ...والنقر فسرها ان(هاند بول) اى ان اليد هى التى تمشى على الكرة وليس العكس .. واعتقد انو دا المحك ...
تحياتى لصاحب البوست ...
لك التحية يا محمد ... وقبل ما تمشي للنقر أو الرشيد المهدية أو الاستديو ذاتو أنا عملت صورة للقطة فوق ورّيني أين كانت الكُرة لحظة ارتكاز لاعب الهلال بيده على الأرض ؟ ثمّ ماذا قال سوار الذهب عنها قولاً واضحاً زي الشمس منتصف النهار في سماء صافية ؟
Post: #28 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عبدالرحمن Date: 10-22-2012, 11:11 AM Parent: #26
ياصبرى ...
اتفهم كلامى خطا ...المقصود عدم صحة ضربة الجزاء وليس صحة ضربة الجزاء ...
Post: #29 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 11:17 AM Parent: #28
Quote: ياصبرى ...
اتفهم كلامى خطا ...المقصود عدم صحة ضربة الجزاء وليس صحة ضربة الجزاء ..
يا محمد كلامك أصبح مفهوم بالشكل الجديد ...
Post: #30 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: Dr.Elsadig Abdalla Date: 10-22-2012, 11:32 AM Parent: #29
انت يازول ماقريت آخر عدد لمجلة الضحيه الرياضيه ...حالتك سعبه خلاس
Post: #31 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: walid shingrai Date: 10-22-2012, 11:34 AM Parent: #26
الاخ صبري تحياتي
اخوك هلالابي وخشيت كم كورس تحكيم في واشنطن وكنت حكم مرخص ومسجل في امريكا
ودائما كنت اول الدفعه حتي سنة 2009
الحالة تقديرية تماما
اولا نعم الكرة هي التي ارتطمت بيد اللاعب لكن تغير مسيرها وفي جزء حساس في الملعب
لذلك حسب الضربه صحيح ولا يستحق اللاعب كرت
دعنا نفكر في احتمال ان الكرة ارتطمت بيد مهاجم وتغير مسارها لداخل المرمي??
Post: #32 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: محمد عمر الفكي Date: 10-22-2012, 12:00 PM Parent: #31
Quote: اخوك هلالابي وخشيت كم كورس تحكيم في واشنطن وكنت حكم مرخص ومسجل في امريكا
ودائما كنت اول الدفعه حتي سنة 2009
الحالة تقديرية تماما
اولا نعم الكرة هي التي ارتطمت بيد اللاعب لكن تغير مسيرها وفي جزء حساس في الملعب
لذلك حسب الضربه صحيح ولا يستحق اللاعب كرت
جاء الحق وزهق الباطل ان الباطل كان زهوقاً انا علي بالمروة بالغت لكن يا وليد، شكلك طالب الزول دا مغصة البشاري جيب العدة وتعال
Post: #34 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 12:26 PM Parent: #32
Quote: جاء الحق وزهق الباطل ان الباطل كان زهوقاً انا علي بالمروة بالغت لكن يا وليد، شكلك طالب الزول دا مغصة البشاري جيب العدة وتعال
يا محمد عمر الفكي لو باريتني صدّقني حأبلّعك النجيلة ذات نفسها
Post: #33 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-22-2012, 12:24 PM Parent: #31
Quote: اولا نعم الكرة هي التي ارتطمت بيد اللاعب لكن تغير مسيرها وفي جزء حساس في الملعب
لذلك حسب الضربه صحيح ولا يستحق اللاعب كرت
وما دخل تغيير مسارها يا وليد أخوي ؟! فمسألة إنو يتغير مسار الكُرة بمجرّد ارتطامها بيدك دي حاجة طبيعية .. والنادر هو ألاّ يتغيّر مسارها !!!
Quote: دعنا نفكر في احتمال ان الكرة ارتطمت بيد مهاجم وتغير مسارها لداخل المرمي??
تحتسب هدف حسب إفادة أحد الحكّام الذين اتصلت بهم لشرح الحالة ...
Post: #35 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: وليد عبد اللطيف Date: 10-22-2012, 12:57 PM Parent: #22
Quote: بالمُناسبة طالما الحكم اعتبرها مقصودة من المفترض أن ينال لاعب الهلال البطاقة الصفراء .. وهذا يعني بالنسبة لي أنّ الحكم ارتبك بعد تسرّعه في تقدير الحالة ...
ود طه في مثل هذه الحالة جبت ليك رابط فوق ادخل عليه وشوف متين الكرت بطلع للاعب يعني دي برضو بلعب فيها تقدير الحكم دور كبير اذا الاعب فعلا كانت يقصد تعطيل الكره او تغيير مسارها في هذه الحالة يعاقب بالكرت الاصفر ولكن لاعب الهلال انبرش اي تزحلق لكي يبعد الكره بعد ان فكر تحيولها الباشا للمرمي يعني الكوره دي كانت ماشى القون واعترضها لاعب الهلال لو ملاحظ حتى الكورة قلشت من الباشا وما ملاها تماما ببطن رجله في التحويل لمرمى الهلال
Post: #36 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: صبري طه Date: 10-24-2012, 09:27 AM Parent: #35
Quote: ود طه في مثل هذه الحالة جبت ليك رابط فوق ادخل عليه وشوف متين الكرت بطلع للاعب يعني دي برضو بلعب فيها تقدير الحكم دور كبير اذا الاعب فعلا كانت يقصد تعطيل الكره او تغيير مسارها في هذه الحالة يعاقب بالكرت الاصفر ولكن لاعب الهلال انبرش اي تزحلق لكي يبعد الكره بعد ان فكر تحيولها الباشا للمرمي يعني الكوره دي كانت ماشى القون واعترضها لاعب الهلال لو ملاحظ حتى الكورة قلشت من الباشا وما ملاها تماما ببطن رجله في التحويل لمرمى الهلال
أخونا وليد ... أولاً رابطك لم يفتح معي ... ثانياً: عندك واحد من اثنين إذا كانت عفوية لا تحتسب ركلة جزاء ... وإذا كانت متعمّدة تحتسب ركلة جزاء مع الكارت الأصفر ...
يعني يا وليد طالما إنّو الحكم احتسبها ركلة جزاء فهذا يعني أنّها غير عفوية وأنّ لاعب الهلال تعمّد اعتراض الكرة مما يستوجب معه احتساب ركلة جزاء ومنح لاعب الهلال الكارت الأصفر ...
ـــــــــــ
Post: #37 Title: Re: طالما الحكاية جابت ليها غُلاط أحلق شنبي بي قزازة ميتة لو كانت صحيح Author: عبد الباقي الجيلي Date: 10-24-2012, 01:49 PM Parent: #36
الأخ صبري ...
اسمح لي بإنزال هذه المداخلة التي كتبتها في بوست الأخ النصري ...
..
تحياتي نصري وضيوفو الأكارم ...
أولاً مبروك للمريخ الانتصار ...
ونأمل أن تكون مباريات هلال مريخ دائماً بهذا المستوى أو أفضل .
وكذلك نبارك لجماهير الهلال سلوكها الراقي ...
فقد كانت الأجواء مشحونة ... وكاد الحكم يتسبب في تفجيرها أكثر .. أقول كاد ولم يفعل ..
هناك ضرر مما حدث في تقديري ... ما في ذلك شك ..
فقد تضرر لاعب المريخ من اصطدام الكرة بيد مدافع الهلال مما تسبب في تغيير اتجاهها وعطل الهجمة
ومن يقول بغير ذلك فهو مكابر ...
لكن في المقابل فلم يكن مدافع الهلال في وضع يمكنه من تحريك يده لتفادي اصطدامها بالكرة ...
ومن قال بغير ذلك فهو مكابر ..
ومن الأمثلة على اصطدام الكرة بيد اللاعب ... اصطدام كرة الضربات الحرة خارج الخط ...
فإن كانت يد اللاعب ثابتة (تحمي منطقته الحساسة مثلاً) واصطدمت بها الكرة فلا تحسب أي مخالفة ...
لأن اللاعب لا يكون في وضع يمكنه من تفادي اصطام الكرة بيده ..
المخالفة التي كان يمكن أن تحسب في تقديري هي (إن كانت هناك مخالفة) ..
ضربة حرة غير مباشرة في منطقة حدوث المخالفة ..
وتاني بنقول مبروك للمريخ ... وهاردلك الهلال ...
وإن شاء الله يمثلونا كويس في دور الأربعة ... مش يمثلوا بينا زي المنتخب ....
.......
تحامل الحكام وانحيازهم بل وشراء ذمههم ليس حكراً على فريق دون الآخر ...
