Post: #1
Title: انتو ووين البوستات حقت امس .. ؟؟
Author: tmbis
Date: 10-21-2012, 11:22 AM
ماف واحد يجي يقولي .. اقوليك وما تزعــل 
|
Post: #2
Title: Re: انتو ووين البوستات حقت امس .. ؟؟
Author: الامين موسى البشاري
Date: 10-21-2012, 11:27 AM
Parent: #1
أًحي فيك المباشـــرة ياخ
الناس من الصباح شغالين تشفير
وأنت بكل بساطة تجي ترميها ليهم رررررررررررب كدا 
عموماً احتمال تكون ذهبت مع الريح
|
Post: #3
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 11:28 AM
Parent: #1
امبارح كانت في بوستات فيها فنيات عالية جدا ..
لحدت ما طلعته من النت .. كان في تقدم ملحوظ في طريقة (الزنقات) الركنية ..
وما يسمى بالركنات الكرنية . هو مصطلح يطلق على الواحد لما يجي شايل (قشو) وبدافع ساكت بي نظام شيلني واشيلك
اتنين اتزنقو زنقـة لمن حننوني ..
واحد بقى يتمتم .. والاخر عمل فيها رايح ..
..
بينما أثر البقية مبدا انا مالي ومال كدا .. والخواف ربى كيبوردو
|
Post: #5
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 11:32 AM
Parent: #3
| Quote: أًحي فيك المباشـــرة ياخ |
ااي يا البشاري شايف الجماعة جايبين (كرتلة) بي هناك وسلم وثعبان ... وجردل شربوت عبارة عن بالونة اختبار قبال عيد الضحية
نحن غايتو بنرميها طخ .. وكان حصلت لينا حاجة .. الاخوان في بيعملو لي الواحد صندوق طوالي وبدوهو الصرفة الاولى ..
|
Post: #4
Title: Re: انتو ووين البوستات حقت امس .. ؟؟
Author: محمد عبد الماجد الصايم
Date: 10-21-2012, 11:29 AM
Parent: #1
أبصلعة بقى يكنس البورض قبل ما ينوم!
لكن مع مييييين يا معلم
ماااااا ينوم👀
|
Post: #6
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 11:42 AM
Parent: #4
Quote: أبصلعة بقى يكنس البورض قبل ما ينوم!
لكن مع مييييين يا معلم |
يعني حسع شغلكم البي هناك دا نظام فرش متاااع عشان الزول دا نسى الناس واللا شنـو ..؟
خلي يلم فيكم يلقطكم لقيط البوستات دي وتعالو بعدين حانفين لي وشكـــم
|
Post: #7
Title: Re: انتو ووين البوستات حقت امس .. ؟؟
Author: محمد عبد الماجد الصايم
Date: 10-21-2012, 11:46 AM
Parent: #6
حانفين دي كيف بالزبط كدا؟
فيها شعور اندهاشي يعني؟
غايتو إنت وود الشرى وأب صباع خبرة في أمور التوقيف دي
ف أدونا النجيضة من هسي!
|
Post: #15
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 01:09 PM
Parent: #7
Quote: حانفين دي كيف بالزبط كدا؟
فيها شعور اندهاشي يعني؟ |
ما فيها اي اندهاش ولا اي دهشـة ..
حانفين دي يعني زي ما تقول كداااا .. لما يكون في هوا شديد وتكون ضارب ليك عجـور .. وتجي ماشي بالهوا بالجمبه كدا ..
اهــا
بتحس بي شنو .. مش بتحس بي سعادة خفية كدا .. وانشراح ؟
ماف اي نجيضة يا زول .. عوس عواستك دي بالصباح .. سيد الفنلات بالصباح بتاعكم بكون عامل زغبير ما تشوف الاسم المولع في الحضور دا ..
الحركة دي يعمله لي واحد ما عندو حديدة ..
الليدو بتاعكم البي هناك داك ما عايزين ليكم واحد حريف .. بجيب ستات طوالي بالظهر من اول جدعة ؟
|
Post: #8
Title: Re: انتو ووين البوستات حقت امس .. ؟؟
Author: خضر الطيب
Date: 10-21-2012, 11:46 AM
Parent: #6
| Quote: انتو ووين البوستات حقت امس .. ؟؟ |
موجوووده ياحنين
انت تأمر ونقول سمح
هاك دى متع نفسك وسوووق
|
Post: #9
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 11:54 AM
Parent: #8
| Quote: هاك دى متع نفسك وسوووق |
انا متعتي في الميدان ..
كت اووت ..
ميدان العدل والمساواة وكدا
خدر الكوز انت عليك الله فصيلة دمك شنـو ..؟
ياخ انا الفصيلتي (wo) دا مرات كدا لما احس بي حركة ما طبيعية حواليني بعمل فيها رايح ..
لكن انت تقل دم فصيلتك دا جبتو من ووين ..؟ وكمان عامل فيها بتدين في الناس ..
والله حقو الواحد يفتح ليك ابواب جهنم
|
Post: #10
Title: Re: انتو ووين البوستات حقت امس .. ؟؟
Author: خضر الطيب
Date: 10-21-2012, 12:09 PM
Parent: #9
تامبا حبيبنا يا اصلى
Quote:
انا متعتي في الميدان ..
كت اووت ..
ميدان العدل والمساواة وكدا
خدر الكوز انت عليك الله فصيلة دمك شنـو ..؟
ياخ انا الفصيلتي (wo) دا مرات كدا لما احس بي حركة ما طبيعية حواليني بعمل فيها رايح ..
لكن انت تقل دم فصيلتك دا جبتو من ووين ..؟ وكمان عامل فيها بتدين في الناس ..
والله حقو الواحد يفتح ليك ابواب جهنم |
ياتو ميدان ياحنين ؟
اوعه يكون لسه بتمشى خنشليله ؟
ياخ انا فصيلة دمى شربات وانت عارف
بس خليك واقعى وعشان تكون واقعى
يا تدخل صاح ياتجلى الفكره
انى خيرتك فاختار .. يافار يافار ياصغير ياحفار
مابين ال.... والن................... ار
بحش افكارك وانت عارف
|
Post: #12
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 12:24 PM
Parent: #10
| Quote: بحش افكارك وانت عارف |
..
طيب ما تحش انت منتظر شنـو ..؟
ياخ انت قادر تقح لما تحش افكار ..؟ Quote: بس خليك واقعى وعشان تكون واقعى
يا تدخل صاح ياتجلى الفكره |
.. وااا ايه ؟؟
واقعي ..؟
انت الواقعية دي بتعرف ليها شنو ؟؟ ما مية مرة قلنا ليك اتخارج وابعد من الطريق وسكتونا منك .. وحلفونا زي ما حلفو غيرنا .. وقلنا ياخ ماف داعي عشان حاجات قديمة ..
تمشي وتجي راجع تاني تكتح فينا بالتراب .. عايز يعني تتونس ..؟
ياخ ما اختلفنا اتونس بي ادب واحترام ما ياهو قاعدين نونس في القطاعات المختلفة ما اشتكينا .. لكن انت عايز تعمل فيها عندك مية لسان ونسيت او الناس عندها مليون لسان .. عايز تنبش في اعراض الناس وعايز تكتب اي كلمة مهما كانت وق..حــ...ـة وعايز الناس تسكت ..
ووين (الكابشــن) بتاع (جعبــات) الرئيس البرقص بيهم القلتو لي الزميلة يا رجل يا محترم يا دمك خفيف ..
جيبو عليك الله لصقو هنا دا .. وبلاش فقر معاك بلا ادخل صاح بلا ادخل بالشباك .. انت كمان بتوريني انا ادخل بي ووين وامرق بي ووين ؟؟
|
Post: #11
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 12:16 PM
Parent: #9
انت ما كان تجيب لي (الكابشن) بتاع الحملة الصليبية دي يا صلاح الدين الايوبي ما لاقاك ..؟
والله البقرا كلامك دا يقول من سودانيزاونلاين دي وفللي .. تمش يالشام .. يا تمشي زقلونه تعمل ليك سيف حديد .. يا تعمل ليك سيف عشر يا سيف خشب وتطلع من دربك علي فلسطين لتحرر القدس
..
|
Post: #13
Title: Re: انتو ووين البوستات حقت امس .. ؟؟
Author: هشام كمال عبادي
Date: 10-21-2012, 12:35 PM
Parent: #11
يا تمبس يا اخوي ..
ما دام لميت الكورة الشتتوها الناس في عشرة بوستات ..
خلينا في المفيد ..
الببوستات خقت امس مشت وين ؟؟
انا كنت متكيف لحد ما خليت شغلتي وقعدت اتاوق اشوف ناس زنقة زنقة ديللاك ..
وخليك من خدر لأنك بطريقتك دي بوستك ده زاتو بلحق امات طه ..
الله يجازي محنك يا بكري .. خليت الناس كلها زي الرايحة ليهم حاجة ..
|
Post: #14
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 12:41 PM
Parent: #13
Quote: ما دام لميت الكورة الشتتوها الناس في عشرة بوستات ..
خلينا في المفيد .. |
والله يا هشام اخوي انا عايز المفيد .. وعايز الناس كلها تستفيد لانو في امور ما اتحسمت ..
لكن زي ما شايف .. الزول دا طوالي جا داخل بي نف سالاسطوانة القديمة علشان الناس كل مرة قاعدة تسكت ليهو وتمرر ..
ياخ والله عندنا جراب لو فتحناهو اي زول يجي يشيل من طرف ..
..
نحن عايزين نحاول نساهم مع الناس بالفايدة واسترجاع الحقوق وعدل الميلان .. لكن في ناس زي خدر دا عايزه تجي تلقى الميت .. وتشبع فوقو ضرب
يعني هو من امس شابكنا معاوية الصايح دا خط برتقالي .. وفلانه دي خط فوشي .. واهو زي ما شايف لحدت الان مواصل في المسلسل التركي دا ..
|
Post: #16
Title: Re: انتو ووين البوستات حقت امس .. ؟؟
Author: أيمن الطيب
Date: 10-21-2012, 01:18 PM
Parent: #14
يا تامبا أنا والله جاى أقول ليك أكلو الدودو وأمشى!!!
بعد ما دخلت وقريت!!
جانى إحساس إنو البوست دا يا فيهو بصل يافيهو رجلة
يا كمان قش !!!أو كلو قش!!!
فا شنو يا حبيب!!
الممطورة ما بتبالى من الرش ,,
تحياتى,,
|
Post: #17
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 01:25 PM
Parent: #16
Quote: فا شنو يا حبيب!!
الممطورة ما بتبالى من الرش ,, |
والله يا ايمن الايامات دي بقت بتبالي مع الطبلة والحنزير ديل ..
عارف اخير يجاسفو منك حاجاتك وتجي تزبد هنا دا وترغي ..
لكن البغيظك عينك يا تاجر لي حاجاتك .. وما قادر تعمل فيها حاجة . ولا تكتب حرف ..
عليك دينك دي ما عفانات عديل كدا
البغيظك انو اللعب كان نضيف جدا وكل الناس مجيهة ومنجضة شغله .. والناس البتفرفر كانت واضحة وكانت واضحة برضو انها لاعبة للدرون على اسوا التقديرات
|
Post: #18
Title: Re: انتو ووين البوستات حقت امس .. ؟؟
Author: ABUHUSSEIN
Date: 10-21-2012, 01:36 PM
Parent: #17
| Quote: غايتو إنت وود الشرى وأب صباع خبرة في أمور التوقيف دي |
أب صباع دا تطير عيشتو كان ما حشرتوه في أي مصيبة ما بترتاحو
أسي أب صباع دا ليه أكتر من سنة سمعتوا زي الألماظ ... تقوم تضمني لي القائمة سيئة السمعة دي..
تمبس ياخ و الله أمبارح إستمتعنا للطيش
و بالمناسبة النعجة أم بيض دا زول سبهلل ساكت حاول فطتو لأنو ضياع زمن ..
|
Post: #19
Title: Re: انتو ووين البوستات حقت امس .. ؟؟
Author: tmbis
Date: 10-21-2012, 01:45 PM
Parent: #18
Quote: تمبس ياخ و الله أمبارح إستمتعنا للطيش
و بالمناسبة النعجة أم بيض دا زول سبهلل ساكت حاول فطتو لأنو ضياع زمن .. |
والله يا اب اصبع *(السواق) زاتو امس يكون استمتع للرش دا .. ويكون جازف البوستات على مضض ..
ياخ انا من السواق لما اللقى لي رش ممتع زي دا اعمل فيها رايح بس .. اخلي المرشوش يترشة رش الرش
خليك من المرشوش .. ياخ الجايين مع المرشوش .. بقو لافين صينية ما عارفين الساعة كم زاتو .. ياخ في واحد قريت ليك مداخلتو الاولى .. ومداخلتو الاخيرة .. قربته اشيلم افتح بيهم محل اقاشي .. مش افتح بيهم بوست .. مداخلات تعتبر راس مال عديل كدا .. ..
| Quote: بالمناسبة النعجة أم بيض دا زول سبهلل ساكت حاول فطتو لأنو ضياع زمن .. |
والله كلامك في محلو يا ابو حسين وانا من فترة .. والله الاخوان مسكوني منو احترمت نفسي عشان خاطر الناس .. لكن بقى كل ما يلقاني في مكان .. عامل فيها شاطر وكل مرة بمشيها ليهو .. لكن بعد كدا نشتغل ليك معاهو بي نظام .. نادر صاحبنا في الحلة .
كان عندو نظام جميل اختصرو في مقولات محددة كان بقوليك :
نظام بمسكك بحرقك .. نظام بضرب بجلي بقع ..
..
ان اعارف انو ما عندو اي سالفة بي تعريفة لكن الفترة الاخيرة جابت ليها كلمات ليست كالكلمات .. وجابت ليها اتهامات وملاحقات ..
اها
انا خسران حاجة ..
|
Post: #20
Title: Re: انتو ووين البوستات حقت امس .. ؟؟
Author: خضر الطيب
Date: 10-21-2012, 02:01 PM
Parent: #17
| Quote: انت ما كان تجيب لي (الكابشن) |
ياخ انت بتشيل وجيب فى كابشنات دكتور الغنم ليه؟
ياخ كون نفسك .. وخلينا نستمتع .. بى حقنا
ولا رايك شنو يا بلبوط ؟
|
Post: #21
Title: Re: انتو ووين البوستات حقت امس .. ؟؟
Author: محمد البشرى الخضر
Date: 10-21-2012, 02:34 PM
Parent: #20
اقول ليك وما تزعل .. اها - دي عشان البيع في بوستات الكورة
انت بتتغابى فيني العرفة كدا ليه
وبمناسبة الكورة
طبعا دي كانت اكتر قمة عامرة بالفنيات و اللعب الرايق النضيف
يتخيل لي المعلم كان بقرا أول و يتمتع حتى يشيل
|
Post: #22
Title: Re: انتو ووين البوستات حقت امس .. ؟؟
Author: خالد عبد الله محمود
Date: 10-21-2012, 03:07 PM
Parent: #21
والله يا ود البشري المعلم ده قش البتاع بعد مداخلتي مباشرة لمن أنا قلت عمكـ ده شاميني لي للدرجة دي !
|
Post: #23
Title: Re: انتو ووين البوستات حقت امس .. ؟؟
Author: محمد البشرى الخضر
Date: 10-21-2012, 05:34 PM
Parent: #22
هههههههههه
وشكلك تميت الناقصة وكجّيت لينا الهلال يا خلدون
|
|
