Post: #1 Title: يا سكان سودانيزاونلاين ما رايكم فى اعترافات هذا الشخص المثير للدهشة؟ Author: بكرى ابوبكر Date: 10-20-2012, 02:55 AM
Post: #2 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Osman Musa Date: 10-20-2012, 03:05 AM Parent: #1
معقول هسع ده كلام زول قانون ؟ ياخ يقلب جلدك .
Post: #3 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: سيف النصر محي الدين Date: 10-20-2012, 03:19 AM Parent: #2
و هو السودان ده في مؤخرة الركب ساااكت كده؟ ما ياهو دي نخبتو البتصوت و تجوط من اكتر من خمسين سنة. النشوف اخرتا,
Post: #4 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Ashraf el-Halabi Date: 10-20-2012, 04:19 AM Parent: #3
لو جابوا أي زول ما بعرف غازي وقالوا ليهو دا كومديان إطلاقا ما حيشك
Post: #5 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: BousH Date: 10-20-2012, 04:21 AM Parent: #3
أبا يوسف! ضحكتنا من الصباح! .:. هاك القدوم ده! ؛)
Post: #6 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: بثينة تروس Date: 10-20-2012, 05:09 AM Parent: #5
يعنى يابكرى ابوبكر ماننوم من المحن المتلاحقه والا كيف!! (: الحقيقة اللقاء محزن جدا، واجدنى عاتبة على البرنامج ومقدمه! لأن مسألة الأصرار من جهة القنوات التلفزيونية والصحف على عمل المقابلات من حين لآخر مع غازى،تؤكد على أن فى فى الأمر شئ من عدم حسن النوايا ،والسبب لان الأستاذ غازى سليمان المحامى فى تلك اللقاءات ظهر بمظهر مشوش وبأفكار غير متزنة،فمن كرم المسلك الأنسانى السودانى يجب أن نرحم (شيبة) الرجل وتاريخه بغض النظر عن خلافنا معه او مع تاريخه،والعكس صحيح أن كان الرجل ظهر بمظهر من القوى خلاف ماظهر به فى الفترة الاخيرة فى تلك التصريحات ،حينها لكل مقام مقال والرجل الحرمسئول عن اقواله وافعاله. وياقنوات التلفزيون عينكم فى (الأقيال) وتطعنوا فى ظلالها.ألأسلئلة التى تفضل بها المقدم ناسها قاعدين بس كيف يتم استجوابهم وليس تلميعهم. ملحوظة لا اعلم عن غازى سليمان المحامى الا ماقرأته له وسمعته منه ،كغيرى من سائر القراء.أيضا لايفوتنى انه قد أشار اشارات قوية عن انعدام الدستور وتاريخ السودان وعدم دقته وبعض الامعان فى تزوير بعض وقائعه التاريخة الثابته وحلافها من النقاط الجديره بالمراجعة. بثينة تروس
Post: #10 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: NEWSUDANI Date: 10-20-2012, 05:34 AM Parent: #6
يا باشمهندس
هذا الرجل م ع ت و ه بلا شك ، ولو كان في هذا البلد من وجيع لمنع هذا الشخص من الأعلام لأنه ولمعرفتي الشخصية به رجل م خ ت ل عقليا ولا يمكن أن تأخذ كلامه محمل جد
لكن الأعور في بلد العميان مفتح
Post: #8 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Nazik Eltayeb Date: 10-20-2012, 05:17 AM Parent: #5
رئيس جمهورية انقلابي بعراقي دمورية وسروال دمورية هههههه.......تم اكتشاف نسخة مزورة و معطلة من القذافي
Post: #7 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: munswor almophtah Date: 10-20-2012, 05:15 AM Parent: #3
مع كامل الإحترام إلى خصوصية الأستاذ غازى سليمان إلا إنه رجل وطنى شجاع وعظيم وأن يبكى خصمه وصديقه العزيز بذات النديه فتلك فرادة وتميز فى إظهار الأحاسيس الكبيره ورغم خصومته لفتحى خليل إلا أنه رفع قدره وأقر بنديته وذلك إقرار عظيم - كما إن يساريته الإسلاميه والتى يعتز بها ويعتز ببعض زعامات لإسلام والتى سماهم شيخ صادق والكوده فذاك خيار الروح والعقل فى الحين ومن يمتلك القدره على منعه بأن لا يكون هناك -ورأيه فى دكتور حسن الترابى كذلك رأى فيه صدق العارف الموقن كما إن رأيه فى الصادق قمه فى التوصيف وقمة فى رسم حقيقة إنسان كما يراها - حسه السياسى وعقله القانونى وتاريخ حراكه الإجتماعى ملكه مفاتيح كثيره وملكه تصالح مع الذات عظيم فرأيه فى التآمر على السودان حقيقة بائنة واضحه وجيوش منظمات المجتمع المدنى وعدو بعض قادة المعارضه لبيوتات الإستخبارات لتحقيق إزالة الإنقاذ وإنزال طرائق أخرى فى التحكم فى السودان بتحريك تلك القيادات التى تحلم بأن تحكم وليس مهما عندها الكيفيه - إقراره بسماع قول بكرى وعدم التعامل معه بالجديه أودى بحياة رجل عظيم يرى غازى أنه يؤمن بوحدة السودان وعزته وكرامته وقوته ولكنه ذهب كبدايه لتحقيق الكيد بالسودان ويرى أن كاوده تمثل حصان طرواده فى تحقيق ذلك - لم يبدئ قولا فى شكل علاقته بعرمان غير أنه بين أوجه الخلاف وأختلاف الإهتمامات كما أوضح بأنه لم يكن حركه شعبيه متطفلا عليها بل جاءته الحركه لتستفيد من خبراته ولكن لأن داخله رئيس وزعيم لم يكن سميعا لقادتها بل كان مناكفا وصعب المراس أيضا أرى فيه البعد الإنسانى لتعامله بعفويه مع ستات الشاى وذلك الشرك الذى بعث به الحسين فغازى سليمان رجل متعلم ومن بيت علم ودين ورجل سياسه وإجتماع ورقم سودانى هام وفوق ذلك وطنى غيور والله أبكانى بما قاله فى الصادق المهدى وما قاله فى فتحى خليل وبعيدا عن كل شئ فهو ذا خصوصيه وتميز ولكل سالك جذبه ويا لروعة ما جاء من ذلك.
منصور
Post: #9 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: munswor almophtah Date: 10-20-2012, 05:27 AM Parent: #7
ويا سبحان الله ذات الصخر ينزع منه دافنشى موناليزته ويخرج منه سغراط أسدا!!
منصور
Post: #11 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: محمد الأمين موسى Date: 10-20-2012, 06:05 AM Parent: #9
أشهر تعليل في القرن الحادي والعشرين، ما أورده غازي سليمان بخصوص الترابي:
دكتور الترابي "دا مثقف السودان الأول. دا شخص سوف لا يتكرر أمثاله في السودان. أنا ما شفت دكتور الترابي بياكل إلا بطرف أصابعينه"!
Post: #12 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عاطف مكاوى Date: 10-20-2012, 06:25 AM Parent: #9
إستمعت لمذيع الإنقاذ خالد ساتي وهو في حالة إستنطاق لشخص جاؤوا به ( مسطولاً) حتي الدقيقة 20 ..... ولم أستطع المواصلة فهكذا يعمل نظام الإنقاذ :
- إغتصاب الرجال والنساء - تحويل بعض الناس إلي (مساطيل) ... للتطبيل لهم من خلال أنفاس (البنقو) - رشوة بعض المذيعين للقيام بالدور .. الذى يعتقدون بأنه سيخدع المشاهدين ... (وفي الألفية الثاثة!) -- -- -- -- .... إلخ.
Post: #15 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: يوسف محمد يوسف Date: 10-20-2012, 07:18 AM Parent: #12
لعن الله الـ " أنا " .. يا غازى بن سليمان !!
Post: #13 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: مبارك محمد Date: 10-20-2012, 06:53 AM Parent: #1
الفقراء والمظلومين
هم من يقوم بالثورات
هم وقود الثورة
وسيتقلعون الحرية من عيون من حجبها عنهم !
Post: #14 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: بشير حسـن بشـير Date: 10-20-2012, 07:02 AM Parent: #13
. . .
شر البليه ما يضحك
عجبى
. . .
Post: #16 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: نور الدين عثمان Date: 10-20-2012, 07:28 AM Parent: #14
بعد التحية والتقدير لك اخى بكرى ...
للاسف المحامى الضليع والسياسى المحنك احمد سليمان دخل مرحلة الخرف .
والذين يجرون معه المقابلات يودون ان يحرقوا تاريخ الرجل .
Post: #17 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Deng Date: 10-20-2012, 07:49 AM Parent: #16
الله يسامحك يا دكتور منصور خالد.
الدكتور منصور خالد، هو الذي أصر على تعين الدكتور غازي صلاح سليمان في المجلس الوطني. وسبب عداء غازي سليمان لياسر عرمان هو أن ياسر عرمان كان قد أعترض أعتراضا شديدا على تعين غازي في البرلمان.
Post: #19 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: البحيراوي Date: 10-20-2012, 08:01 AM Parent: #17
Quote: بعد التحية والتقدير لك اخى بكرى ...
للاسف المحامى الضليع والسياسى المحنك غازي سليمان دخل مرحلة الخرف .
والذين يجرون معه المقابلات يودون ان يحرقوا تاريخ الرجل
العزيز نور الدين عثمان
تحياتي - قد أصبت الحقيقة فيما كتبت ولعل ذلك أقرب التفاسير لما حدث ويحدث . الزول دا على قول اللمين البشاري ودوده الضل .
بحيراوي
Post: #21 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: احمد محمد احمد عتيق Date: 10-20-2012, 09:02 AM Parent: #17
مثير للجدل ...نعم ....ولازلت اذكر حديثه يوم ان فصل للصالح العام ..من البنك الفرنسي السوداني .. وكان الحديث في باحة منزله ..استقبالا لزملائه ..
سبحان الله ...
Post: #20 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: آدم صيام Date: 10-20-2012, 08:05 AM Parent: #16
اكتفي لحد الدقيقة 13:35
بس يا ريس ما كان تصلبنا في عالم المساطيل السمج ده لمدة 57:36 دقيقة بالتمام وتسألنا الرأي!
المهنضب ليست له إجابــة يا عزيزي!
Post: #18 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: خالد الرزيقي Date: 10-20-2012, 07:58 AM Parent: #1
شكراً يا باشمهندس على وضع اللقاء لأني حضرت الجزء الأخير منه مصادفة... فعلاً الراجل نجح في وضع المشاهد على قمة الدهشة
Post: #22 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عبدالله الشقليني Date: 10-20-2012, 09:03 AM Parent: #18
خيبة أمل راكبة جمل
شكراً استاذ بكري ... رفعتَ الضغط وحليت العندو سكري *
Post: #23 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: وضاحة Date: 10-20-2012, 09:16 AM Parent: #22
الزول دا قال انوا يساري هل اليساريين موافقون على سياسة البشير وحكومتة ؟؟؟
وبعدين دا محامى دا زول متناقض وشكلوا مدمن والخمور المخدرات لحست مخوا
قال جدو حامد ابعصاءة سيف شوف الغبيان دا ههههههههههههههههههه
يبرى حامد ابعصاءة سيف من سلالة كا هذة
ياخى الزول دا ودوا عالجوا فترنا من المجانيين
شكيتك على الله يا ابصلعة رفعت لى ضغطى
Post: #26 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عمرو كمال ابراهيم Date: 10-20-2012, 09:50 AM Parent: #23
ده يعتبر تعدى جنائى عديل... نخش البوست حق سيد الحوش ونلصق فيه لينك كمان :)
Post: #24 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عمار نجم الدين Date: 10-20-2012, 09:36 AM Parent: #18
تحية طيبة هسع في زمتكم كلام غازي في الدقيقة 13 و15 ثانية كلام غازي بيطابق مع كلام الصادق المهدي في عدة مناسبات وبنفس عدم المنطقية عندما يقول : (( يجب ان نتمسك بالانقاذ ولكن ... يجب ان نوجه لها النقد )) على العموم ليس غازي وحده المخرف من سياسيينا في كلام عن السيد الصادق شاف رؤيا بتوضح زوال حكم مبارك ووصول مرسي للسلطة في مصر ... والكاروري بيقول ان عمر البشير القاتل المغتصب ولي من اولياء الله الصالجين ,,, وواحد تاني بيقول الحركة الاسلامية برئية من ظلم اي مواطن .... الحكومة والمعارضة مخرفة لو ماكده ما اصبحنا دولة فاشلة بتعتمد في ادارتها على العنتريات والغيبيات
Post: #25 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: محمد ادم الحسن Date: 10-20-2012, 09:41 AM Parent: #18
هذا الرجل يجسد خوف مرضي (لمجموعة ذات مصالح مشتركة) من فقدان السلطة في السودان.
Post: #27 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Zomrawi Alweli Date: 10-20-2012, 11:59 AM Parent: #25
ياخي ........ ياخي .......... ياخي ................ نفسي ابكي والله
دا شنو الخرف دا دا شنوالقرف دا
هل بالله مقدم البرنامج ما لقي زول غير هذا المهرج الذي يحلف بالطلاق بين كل لحظة ولحظة غازي يتكلم وكانه جالس في مجلس دكاي (خمر) عندما كان ضد النظام نمنظر يوم يطل علينا في التلفازويعلن سلسفين النظام ونستمتع بعنفه ضد النظام
يا بكري عليك الله انت ما محنون تزيدنا ألما فوق ما نتألم ثال شنو انا بلبس كدا بحمالة وانت مالك .... رئيس داخل القصر الجمهور بعراقي ولباس ... ياخي دا!!!!!!! ياالله مافي زول يناولني سوط عنج
Post: #28 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: الزبير صالح الزبير Date: 10-20-2012, 12:28 PM Parent: #27
Quote: ولازلت اذكر حديثه يوم ان فصل للصالح العام ..من البنك الفرنسي السوداني
البنك السوداني الفرنسي بنك خاص لا تنطبق علية قوانين الصالح العام
Post: #29 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: محمد علي البصير Date: 10-20-2012, 12:50 PM Parent: #28
Post: #30 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: الزبير صالح الزبير Date: 10-20-2012, 01:02 PM Parent: #28
الحلقة فيها نواحي شتى غازي أتكلم عن مواضيع كثيرة مثل علاقته بالانقاذ علاقته بالحركة الشعبية ورائه في الدستور الدائم ومشاكل السودان ورائه في شخصيات سودانية الصادق والميرغني وياسر عرمان وفتحي خليل وغيرهم الحلقة كانت اقرب لونسة صالون وجدت طريقها للشاشة الحلقة كانت عفوية ولهذا أخذ عليها الكثيرون بساطتها وصراحتها قول غازي عن ذهابه للقصر بالعراقي الدموريه يعبر عن نظرته للطريقة التي كان سيحكم بها البلاد ان اصبح رئيساً وليس تصغيرا لمنصب الرئاسة المذيع تطرق للبس الاستاذ غازي للأحزمة الحامله وهذا دليل علي قصد المذيع ونيته المبيته لإخراج الحلقة بحيث تكون حديث الناس ومشوشه
Post: #32 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عصام دهب Date: 10-20-2012, 01:19 PM Parent: #30
سلام يا ريس .. و كل عام و كل رعاياك بخير ..
و بعيداً عن مضمون البوست ..
Quote: يا ( سكان ) سودانيزاونلاين ما رايكم فى اعترافات هذا الشخص المثير للدهش
غايتو كدة أديتني إحساس إنو وهمة ( وطن من لا وطن لهوووو ) ديك من بنات إبليــ... ك ـ قصدي أفكارك ـ يا ريس ..
أيوووة يا ريس و النعمة إنتا كويس ..
Post: #33 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: osman righeem Date: 10-20-2012, 01:31 PM Parent: #30
اللهم اشفه شفاء لا يغادر سقما
Post: #31 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: منتصر عبد الباسط Date: 10-20-2012, 01:11 PM Parent: #28
حبه للسلطة وللرئاسة ولمزاولة الحكم بهذا الشكل الذي حكاه هو ما يجعله يحب أهلها ويحب من يحكمون وينمنى دوام حكمهم الرجل واضح أنه ضد الديمقراطية وضد أهلها كما صرح والرجل باختصار عامي ....ثقافته ضحله فعلاَ ضل الطريق باختياره للمحاماة ...وعدم سلوكه طريق العسكر
Post: #34 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Rawia Date: 10-20-2012, 02:58 PM Parent: #31
ربنا يشفيه وعلى أهله وأقرباءه منع الاعلام من عمل لقاءات كهذه معه ويابركة جده حامد أب عصا ترفعه وتساعده في محنته ويا أخت وضاحة إنت ماسودانية ولا شنو غازي سليمان دا أسرته وأهله وناسه أشهر من نار على علم ومن أعرق الاسر السودانية خاله التيجاني الماحي وكفى حامد أب عصا ماكنت فاكراهو جابك انت بس
_________ مذيع على معد برنامج على مخرجين معقولة مابقدروا يوزونوا كلام الزول دا ويعرفوا إنه مامظبوط ؟.....ولا يكونوا قاصدين لغرض ما لعن الله السياسة وممارسيها لما تنعدم الاخلاق وشرف الخصام
Post: #35 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عباس الدسيس Date: 10-20-2012, 03:18 PM Parent: #34
سلام يا باش لو نظرته للمؤهلات تقع في مشكله خليك زينا وزي المحشش ليلة الدخلة قالت له زوجته: معي الدورة الشهرية!! قال أنا ما بتهمني المؤهلات.. أهم شي الأخلاق. غازي احد الاضلاع الثلاثة الترفيهيه للقنوات السودانيه البشير وخاله بالاضافة لغازي بالله زول لو ما عندو اخلاق تفتكر عارف نفسو اراجوز واظهر ليك طوالي الممتع في القنوات السودانيه تشاهد خطاب للبشير او لقاء لخال الرئيس لما تتحسس وجهك من طريقة كلامه البتوصل رزار البصاق خارج شاشة التلفزيون هنالك تنسيق علي ما اعتقد عندما يغيب الريس يظهر لينا غازي سليمان حتي يجعل البسمة ممكنه في شفاهنا غازي سليمان يمتهن كوميديا الفرد مع بطولة عوير الفلم الهندي ...... استمتاع اي والله
Post: #36 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عبدالرحمن الحلاوي Date: 10-20-2012, 03:18 PM Parent: #31
Quote: للاسف المحامى الضليع والسياسى المحنك غازي سليمان دخل مرحلة الخرف .
والذين يجرون معه المقابلات يودون ان يحرقوا تاريخ الرجل
Post: #38 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: حماد الطاهر عبدالله Date: 10-20-2012, 05:10 PM Parent: #36
Quote: مع كامل الإحترام إلى خصوصية الأستاذ غازى سليمان إلا إنه رجل وطنى شجاع وعظيم وأن يبكى خصمه وصديقه العزيز بذات النديه فتلك فرادة وتميز فى إظهار الأحاسيس الكبيره ورغم خصومته لفتحى خليل إلا أنه رفع قدره وأقر بنديته وذلك إقرار عظيم - كما إن يساريته الإسلاميه والتى يعتز بها ويعتز ببعض زعامات لإسلام والتى سماهم شيخ صادق والكوده فذاك خيار الروح والعقل فى الحين ومن يمتلك القدره على منعه بأن لا يكون هناك -ورأيه فى دكتور حسن الترابى كذلك رأى فيه صدق العارف الموقن كما إن رأيه فى الصادق قمه فى التوصيف وقمة فى رسم حقيقة إنسان كما يراها - حسه السياسى وعقله القانونى وتاريخ حراكه الإجتماعى ملكه مفاتيح كثيره وملكه تصالح مع الذات عظيم فرأيه فى التآمر على السودان حقيقة بائنة واضحه وجيوش منظمات المجتمع المدنى وعدو بعض قادة المعارضه لبيوتات الإستخبارات لتحقيق إزالة الإنقاذ وإنزال طرائق أخرى فى التحكم فى السودان بتحريك تلك القيادات التى تحلم بأن تحكم وليس مهما عندها الكيفيه - إقراره بسماع قول بكرى وعدم التعامل معه بالجديه أودى بحياة رجل عظيم يرى غازى أنه يؤمن بوحدة السودان وعزته وكرامته وقوته ولكنه ذهب كبدايه لتحقيق الكيد بالسودان ويرى أن كاوده تمثل حصان طرواده فى تحقيق ذلك - لم يبدئ قولا فى شكل علاقته بعرمان غير أنه بين أوجه الخلاف وأختلاف الإهتمامات كما أوضح بأنه لم يكن حركه شعبيه متطفلا عليها بل جاءته الحركه لتستفيد من خبراته ولكن لأن داخله رئيس وزعيم لم يكن سميعا لقادتها بل كان مناكفا وصعب المراس أيضا أرى فيه البعد الإنسانى لتعامله بعفويه مع ستات الشاى وذلك الشرك الذى بعث به الحسين فغازى سليمان رجل متعلم ومن بيت علم ودين ورجل سياسه وإجتماع ورقم سودانى هام وفوق ذلك وطنى غيور والله أبكانى بما قاله فى الصادق المهدى وما قاله فى فتحى خليل وبعيدا عن كل شئ فهو ذا خصوصيه وتميز ولكل سالك جذبه ويا لروعة ما جاء من ذلك.
منصور
منصور المفتاح - فتح الله عليك.
Post: #37 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: طارق ضياء الدين Date: 10-20-2012, 04:23 PM Parent: #1
هو دا عيش ولا بلح ؟
Post: #39 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: مبارك عبدالرحمن احمد Date: 10-20-2012, 05:50 PM Parent: #1
سلامات
استاذ بكري
اصلا الزول دا شخصية اسطورية ومحتاجة لدراسة لانها ظاهرة في الحياة السياسية السودنية يمكننا ان نطلق عليها الظاهر الغازوية لانها غريبة الاطور والتطورات والمراحل
شكرا استاذ بكري
مبارك اردول
Post: #40 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: معاذ الفحل Date: 10-20-2012, 06:47 PM Parent: #39
مثير للشفقة وليس الدهشة ده شنو ده ؟؟ ده قرف .. ده خواء ده لا شئ للاسف هذا هو اعلامنا وقنواتنا فى عهد الانقاذ
Post: #41 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Abdullah Idrees Date: 10-20-2012, 06:54 PM Parent: #40
يا خوانا بالله سؤال : الزول ده كتير بسمع " في سياق الكلام عنو" انو محامي محنك ومناضل معتق ووو .. الزول ده ناضل وين واترافع وين .. غايتو سمعت منو قصص كتيرة جدا ما بين اسمرا والخرطوم كلها مراحيم .. القصة ما بتلقى فيها زول حي ابدا .. هذا فيما يخص نضاله .. اما حنكته القانونية فاشك فيها ، القانوني الضليع يعرف كيف يتحدث على اسوأ الفروض .. تحياتي
Post: #42 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عوض محمد احمد Date: 10-20-2012, 07:27 PM Parent: #40
Quote: المذيع تطرق للبس الاستاذ غازي للأحزمة الحامله وهذا دليل علي قصد المذيع ونيته المبيته لإخراج الحلقة بحيث تكون حديث الناس ومشوشه
من حق غازى ان يرتدى ما يشاء بس القمصان ام حمالات دى مربوطة بالاطفال فى اعمار ضغيرة و تجعل مرتديها عرضة للسخرية فى الشارع
Post: #43 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: الزبير صالح الزبير Date: 10-20-2012, 08:54 PM Parent: #42
Quote: بس القمصان ام حمالات دى مربوطة بالاطفال فى اعمار ضغيرة و تجعل مرتديها عرضة للسخرية فى الشارع
الاستاذ عوض محمد احمد من حق الاستاذ ان يرتدي ما يرغب فيه وليس من حق المذيع التعليق مشكله الحمالات دي ما انها ملابس شفع مشكلتها انها ملابس غير مألوفه في السودان ولهذا يستغربها البعض وكما قلت سابقا الحلقة كانت دسمه جداً وأظهرت الجانب الاخر في شخصية غازي سليمان وهي بساطته في تناول الامور
Post: #44 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: MOHAMMED ELSHEIKH Date: 10-20-2012, 09:19 PM Parent: #43
Post: #45 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: مرتضي عبد الجليل Date: 10-20-2012, 11:50 PM Parent: #40
والله يا بكري الزول دا فعلا مثير للدهش هي إز نوت نورمال آت اووول
عاطف مكاوي أزبك ياخ
Post: #46 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Zomrawi Alweli Date: 10-21-2012, 00:31 AM Parent: #40
والله للمرة الثانية اشاهد هذا الفيديو وقربت اتخصص في تحليل نفسية هذا المريض الاسمو غازي
Post: #47 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Elmontasir Abasalih Date: 10-21-2012, 05:44 AM Parent: #40
شر البليه ما يضحك
Post: #48 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: الكيك Date: 10-21-2012, 07:17 AM Parent: #40
اكثر ما لفت انتباهى فى اللقاء تناقضات وردت خلال حديثه فهو يدافع عن نظام الانقاذ وهذا من حقه الا انه اتهم الانقاذيين بانهم لا يخافون الله ...فى نفس الوقت ..عندما قال انهم بعيدون عن مخافة الله ..
النقطة الاخرى عندما وصف ابنته ام النصر بانها اشجع من عشرة رجال ..
النقطة الثالثة عندما قال ان وصمة جبين الانقاذ للابد سوف تظل ان لم يتصالحوا مع الشيخ الترابى وان ذلك خصما عليهم ..
الحليفة بالطلاق لاكثر من مرة وعندما سئل قال نحنا كدا ياخى اضافة للتعالى العرقى الذى ابداه عندما قال ان اغنية اندب حظى ام امالى للشاعر العمرابى تعنى هذا التعالى العرقى لقبيلته او اسرته ..
تحياتى لصاحب البوست بكرى وكل الاخوة المتداخلين هنا
Post: #49 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: عارف الركابي Date: 10-21-2012, 01:53 PM Parent: #48
الناقد بصير .. كما يقولون .. وكم تمنيت أن أجد نقداً من الإخوة والأخوات المعلقين أفيد منه شخصيا تابعت التعليقات لأحظى بتناول جزئيات ثم تفنيدها وهذا ما أفهمه من الموضوعية خاصة وهناك اعترافات جديرة بأن يلقى عليها الضوء بغض النظر عن الجوانب الأخرى في اللقاء أن يكتب الزميل أو الزميلة عن هذا الشخص أو غيره (هذا مخرف) أو هذا ... الخ ، لا أتوقع أنها تثري الموضوع الذي لأجله وضع الشريط وتسبب في أن يقتطع له الكثيرون من وقتهم لمتابعته ، ولأن حكم الزميل أو الزميلة قد يكون مقنعا لنفس الشخص فقط!! فالموضوعية تعني تناول الجزئيات وتفنيدها ... نعم هناك نقاط واضحة في (الخرمجة) .. وهي كثيرة ، ككلامه عن الترابي أو عن يوسف الكودة أو الصادق وأمور أخرى كثيرة (هذا حسب وجهة نظري) لكن هناك نقاط أتمنى أن تجد تحليلا أو تعليقا ممن يهمهم الأمر أو لهم صلة بها .. ومن ذلك : قال إنه يساري وأشار للفرق بين يساري وشيوعي ... وقال كان في الجامعة جبهة ديمقراطية ثم استقال لأن ناس سبدرات نحوه منها يعني من رئاستها ... الفرق شنو بين اليساري والشيوعي ؟! أم هذه من الخرمجات فلا فرق ... لأننا منذ فترة نجتهد لنجد هوية للشيوعية !!!!! وطالما الأخ عاطف مكاوي موجود فهو الأجدر بالإجابة عن هذا السؤال لنستفيد
Post: #50 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: ahmed haneen Date: 10-21-2012, 02:33 PM Parent: #49
Quote: حامد أب عصا ماكنت فاكراهو جابك انت بس
تمام يا رواية..
الشيخ حامد اب عصاة .. هو فعلا جد الكثير من الجعلين
العمراب خاصة ...
ويظهر انه الأخت وضاحة .. محتكرة النسب دا كله
Post: #51 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: GAAFER ALI Date: 10-21-2012, 03:32 PM Parent: #40
Post: #52 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: مامون المعتصم أحمد Date: 10-21-2012, 07:30 PM Parent: #40
بـكـرى يـا ســـيد الـمـوقع
ســلام
مـالـو يـا اخ الـزول دا ؟؟؟ دى أفـكارو و قـناعـاتـو
هــو حـر فـيـها و عـاجـبـاهـو و مـا داسـيـها ....
زى مـا نـاس كـتـار هـنا عـنـدهـم آراء مـهـبـبـة
و خـســيـســة بـتـكـيـفـوا مـنهـا بـعـض الـســكان هـنا
ناس مـبـســـوطين مـن كـلامـو دا و أنـا واحــد مـنـهـم ...
مـش قـلتـو حـريـة راى و راى آخــــر ؟؟؟؟؟
Post: #53 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Rawia Date: 10-22-2012, 07:52 PM Parent: #52
Quote: من حق غازى ان يرتدى ما يشاء بس القمصان ام حمالات دى مربوطة بالاطفال فى اعمار ضغيرة و تجعل مرتديها عرضة للسخرية فى الشارع
الا لبسو يا أستاذ عوض محمد أحمد وبمناسبة لبسو الشيك جدا :) لو الصدف ودتك القاهرة بالله تزور محل في وسط البلد إسمه (جورج) أرقى محل لبس في القاهرة للرجال بتلقى الحاجات دي موجودة للناس الكبار ولو لاحظت في الافلام بتلقى الرجال الكبار عادي لابسين الحملات حتى صور السياسيين وهم قاعدين براحتهم في مكاتبهم من غير جاكت البدلة بتلقاهم لابسين حملات الحمالات بديل للحزام او ممكن تستعمل معاهو وهي لبس للرجال الكبار عادي بس إحنا مامتعودين عليها دكتوري هنا في امريكا بتاع العيون ومن أشهر واكبر متخصصين الشبكية في العالم بلبس البيبيون والحملات بالوان ظهري واحمر وأصفر مع الوان قمصان شاوتينق برضو وبيعتبر من الانيقيين وهو في الستين من عمره.
____ يعني الا يلبس ليكم قميص بكم طويل ويطلعو برة البنطلون عشان تقولو قيافة
Post: #54 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: Isa Date: 10-23-2012, 07:46 AM Parent: #53
سـلام للجميع.. غازي سليمان هو غازي سليمان.. أنا ومنذ أن سمعته أول مرة بقيت تاني بسمع مقابلاتو التلفزيونية زي ما كنت بحرص على حضور خطب المرحوم؟ القذافي: لأمتع نفسي بالدهشة!.. يعني بالنسبة لي كلام ما عندو قيمة سياسية كبيرة رغم غرابته وخطورته أحياناً: يعني تصور لو قام رئيس دولة غير القذافي بتمزيق ميثاق الأمم المتحدة داخل الأمم المتحدة.. لكن ما أظن في زول استغرب ذلك منو ولا كان في ردود أفعال عليهو.. غازي سليمان نفس الشي.. وحتى (إعترافاتو) ما جديدة مثل التخطيط للإنقلابات.. كلامو عن أولادو ما كان من غير مناسبة كما علق أحد الإخوة.. لكن يبدو إنو المذيع كان يبني أسئلتو على ردود غازي.. ولامن سألو عن ماذا يمكن أن يغيّر في حياته إذا عاد الزمن للوراء.. وأمام إصرار المذيع رد غازي بسخريته: يعني أعرس تاني مثلاً؟ هنا فقط تذكر المذيع حياة غازي الخاصة وإن كان يعتبر نفسو ناجح فيها وهنا ذكر غازي مثال بأبنائه الذين درسوا في أرقى الجامعات البريطانية وبنته الخ.. في الحقيقة فوجئت برأيه الإيجابي في الصادق والترابي..
Quote: في الافلام بتلقى الرجال الكبار عادي لابسين الحملات حتى صور السياسيين وهم قاعدين براحتهم في مكاتبهم من غير جاكت البدلة بتلقاهم لابسين حملات الحمالات بديل للحزام او ممكن تستعمل معاهو وهي لبس للرجال الكبار عادي
سلام يا راوية..من أشهر من يلبس الحمالات المذيع لاري كنغ.. وأنا ماشايف فيها غرابة تدعو مقدم البرنامج لإثارتها..
Post: #55 Title: Re: يا سكان سودانيزاونلاين ما رايكم فى اعترافات هذا الشخص المثير للدهش Author: صابر فضل المولي Date: 10-23-2012, 01:00 PM Parent: #1
ما قادر اصدق أنو دا غازي سليمان
الذي كانت كل القوى السياسية تعمل له ألف حساب
خاصة حكاية السيفون يطلعو ويديه قدوم من هنا ومن هنا
