Post: #1 Title: متى يعتذر معز عمر بخيت و جالية البحرين للأستاذ ابواللمين؟ Author: سيف النصر محي الدين Date: 10-19-2012, 01:57 PM
هل سيحدث ذلك عقب المؤتمر الصحفي أم أن خير البر عاجله؟
Post: #2 Title: Re: متى يعتذر معز عمر بخيت و جالية البحرين للأستاذ ابواللمين؟ Author: معاوية المدير Date: 10-19-2012, 02:02 PM Parent: #1
سلآمات يا سيف.
ننتظر بعد المؤتمر. الملآبسات ما وآضحة يا سيف، ومحمد الأمين ممكن يغلط في الناس...
Post: #3 Title: Re: متى يعتذر معز عمر بخيت و جالية البحرين للأستاذ ابواللمين؟ Author: حمد عبد الغفار عمر Date: 10-19-2012, 02:06 PM Parent: #2
سلام يا سيف ومعاوية
.
Quote: ومحمد الأمين ممكن يغلط في الناس...
ليه يا معاوية مصرين تسموا تصرف محمد الأمين ومطالبته بحقوقو دا غلط
على العموم ننتظر
Post: #4 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Balla Musa Date: 10-19-2012, 02:12 PM Parent: #3
سيعتذر يا سيف فى حالة يذكر ود اللمين فى المؤتمر الصحفى أن سبب عقده للمؤتمر الصحفى هو ماكتبه البروفسير معز عمر بخيت العوض!
Post: #5 Title: Re: متى يعتذر معز عمر بخيت و جالية البحرين للأستاذ ابواللمين؟ Author: سمير شيخ ادريس Date: 10-19-2012, 02:17 PM Parent: #2
( ويا دكتور معز ساكتب لك وشكراً لتفهك الذي أبديته بعدم إثارة هذا الموضوع مرة أخرى.) سلام دكتور سيف والله سبقتنى بدقائق فبعد فراغى من قراءة افادة د بشرى الفاضل على لسان الباشكاتب والتى اجلت كثير من المواقف اثارنى السطر الاخير الذى خطاه دكتور بشرى بمناشدة البروف معز بعدم اثارة الامر ثانية .... وكنت بصدد الكتابة لدكتور بشرى أن البروف ينقصه قبل ان ينزوى اعتذارا للباشكاتب ومعجبيه عما اصابه واصابهم من صدمة وتجريح من جراء الكلام القاسي الذى نقله البروف عن الباشكاتب .. وايضا عن تسرعه فى نقل الوقائع قبل ان يستبين الكثير من الحقائق خولها ونشرها على الملأ دون أن يترك للطرف الثانى فرصة الرد أو الدفاع عن نفسه . والشكر لدكتور بشرى لما بذله من جهد وزمن وصبر وما تكبده من مشاق فقط من أجل الحقيقة وتخيل معى أخى لو لم يقم دكتور بشرى بذلك كيف كانت ستكون نظرة الناس للباشكاتب بعد ما ترسخ فى اذهان الكثيرين من تشويش لصورته بعد ان انتاشته سهام قلم البروف الطائشة . بل أرى ان البروف عليه أن كان حقانيا أن يعتذر على ذات الصحيفة التى كتب فيها تخرصاته ويعنون مقال الاعتذار بالرقم ( 3) فالصحيفة منتشرة اكثر من المنبر ويحتاج عامة القراء لاجلاء الحقائق .
Post: #6 Title: Re: متى يعتذر معز عمر بخيت و جالية البحرين للأستاذ ابواللمين؟ Author: حيدر حسن ميرغني Date: 10-19-2012, 02:40 PM Parent: #5
بالله الموضوع وصل لحد عقد مؤتمر صحفي عديل كده والله نحن السودانين أصبحنا أضحوكة بين العالمين بسبب عدم حسن التصرف في اي شيئ بهدلة سمعة عملاق بدأيغني قبل ما يتولد من إنتقدوه بشكل جارح في حاجة كان ممكن تداركها بحكمة
Post: #7 Title: Re: متى يعتذر معز عمر بخيت و جالية البحرين للأستاذ ابواللمين؟ Author: معاوية المدير Date: 10-19-2012, 02:59 PM Parent: #6
Quote:
ليه يا معاوية مصرين تسموا تصرف محمد الأمين ومطالبته بحقوقو دا غلط
سلآمات يا حمد.
من حق ايّ زول المطالبة بحقو يا حمد، ولجمهور محمد الأمين حق عليه. أتمنى أن يبتدر محمد الأمين مؤتمره بإعتذار لجمهوره. أنا من وُجهة نظري إنو محمد الأمين عالج الخطأ بخطأ فادح عندما ابدأ تذمره أمام جمهوره وعلي خشبة المسرح. كان الأولى أن يطالب محمد الأمين بحقوقه دون إشعار جمهوره بذلك ساعة الحفل، ودون إبداء ايّ تذمّر أمامهم. محمد الأمين لم يحسن أن يبادل جمهوره إحترام بإحترام. أتمنى أن يعتذر محمد الأمين لجمهوره اولاً بعيدين يطالب بحقوقه. في نظري محمد الأمين غلطان. قصّر في حق معجبيه...
Post: #8 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Yassir Tayfour Date: 10-19-2012, 03:20 PM Parent: #6
الباشكاتب هو الباشكاتب رقم واحد لم يتكرر ولن يتكر في تأريخ وحاضر السودان.. ___ يجب على دكتور معز أن يعتذر عن هذه الخفة
Post: #9 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Dr.Elsadig Abdalla Date: 10-19-2012, 03:29 PM Parent: #8
والله يا أبو السيوف إنت عاوز تعمل شغب تقيل ..المهم أعمل ساتر بلغة الجيش
Post: #10 Title: Re: متى يعتذر معز عمر بخيت و جالية البحرين للأستاذ ابواللمين؟ Author: جميلة ابراهيم السيد Date: 10-19-2012, 03:59 PM Parent: #9
Quote: سلآمات يا حمد.
من حق ايّ زول المطالبة بحقو يا حمد، ولجمهور محمد الأمين حق عليه. أتمنى أن يبتدر محمد الأمين مؤتمره بإعتذار لجمهوره. أنا من وُجهة نظري إنو محمد الأمين عالج الخطأ بخطأ فادح عندما ابدأ تذمره أمام جمهوره وعلي خشبة المسرح. كان الأولى أن يطالب محمد الأمين بحقوقه دون إشعار جمهوره بذلك ساعة الحفل، ودون إبداء ايّ تذمّر أمامهم. محمد الأمين لم يحسن أن يبادل جمهوره إحترام بإحترام. أتمنى أن يعتذر محمد الأمين لجمهوره اولاً بعيدين يطالب بحقوقه. في نظري محمد الأمين غلطان. قصّر في حق معجبيه...
سلامات سيف النصر وكل ضيوفك الكرام
بجد حزنت جدا لكمية البوستات التي تم افرادها للتشفي في قامة كالأستاذ محمد الامين ....... ونتمني ان يكون الاعتذار بنفس حجم الخطاء وان كان من المؤكد سيبقي شي .. واول ما تجي سيرة محمد الامين مرة اخري سيتبرع احدهم بحكاية "فضيحة ابو اللمين في البحرين" ويتناسوا تماما شرح الاستاذ وتوضيحه بس من اجل مادة للونسة.
الاخ ود المدير قلت ان محمد الامين كان اولي يطالب بحقوقة بدون اشعار الجمهور او ابداء تذمر امامهم ...... ود بالظبط الكانت قناة النيل الازرق banking on .. يحرجوا الأستاذ بعد يطلع خشبة المسرح ويصوروا ويختوا امام الأمر الواقع ... وهو ولانه مر بالموقف دة مرتين قبل كدة معاهم اضطر يتصرف كدة ليحسمهم وتاني ما يتكرر منهم الموقف دة .. المهنية مفروض تكون عند اهل القناة ... اما عقد مكتوب بموجبه يتم تصوير الحفل .. او مافي داعي يجوا بي كاميراتهم ومعداتهم عشان يصوروا "وبعد داك يشوفوا الموضوع" ...... يا بثوا الحفل ..يا محمد الامين تقع عليه مسئولية منعهم من البث بعد داك... اسة الكلام دة عدل يا ناس؟
Post: #11 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Shawgi Sulaiman Date: 10-19-2012, 04:54 PM Parent: #10
تحية للجميع وجمعة مباركة
د المعز تطاول على قامة سودانية ما ساهلة ولو اعتذر الف مرة ذلك لن يجدي ، محمد الامين تاريخ كبير وطوال تاريخه الغنائي الطويل يحظي باحترام كبير ما يدهشني في احد البوستات المتعلقة بالموضوع دا في زل كتب كلاهما قاما وطبعا دا شئ محزن جدا مقارنة د معز مع احترامي له باستاذ كبير مثل محمد الامين عموما ورطة كبيرة الدكتور دا دخل نفسوا فيها . حتى لو فرضنا اخطأ استاذ محمد الامين ما كان لمعز ان ياتي بهذا الشئ دائما في حياة المشاهير تحدث اشياء خلف الكواليس . حقيقة كان شئ مدهش من دكتور معز.
Post: #12 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Yassir Tayfour Date: 10-19-2012, 04:59 PM Parent: #11
Quote: د المعز تطاول على قامة سودانية ما ساهلة ولو اعتذر الف مرة ذلك لن يجدي ، محمد الامين تاريخ كبير وطوال تاريخه الغنائي الطويل يحظي باحترام كبير ما يدهشني في احد البوستات المتعلقة بالموضوع دا في زل كتب كلاهما قاما وطبعا دا شئ محزن جدا مقارنة د معز مع احترامي له باستاذ كبير مثل محمد الامين عموما ورطة كبيرة الدكتور دا دخل نفسوا فيها . حتى لو فرضنا اخطأ استاذ محمد الامين ما كان لمعز ان ياتي بهذا الشئ دائما في حياة المشاهير تحدث اشياء خلف الكواليس . حقيقة كان شئ مدهش من دكتور معز.
Post: #13 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Shawgi Sulaiman Date: 10-19-2012, 05:21 PM Parent: #12
.لم الليل الظالم طول وفجر النور من عينا اتحول قلتا نعيد الماضي الاول ماضي جدودنا الهزموا الباغي وهدو قلاع الظلم الطاغي ******** وفي ليلة وكنا حشود بتصارع عهد الظلم الشب حواجز وشب موانع جانا هتاف من عند الشارع قسما قسما لن ننهار طريق الثورة هدى الاحرار والشارع ثار غضب الامة اتمدد نار الكل ياوطني حشود ثوار وهزمنا الليل والنور في الاخر طل الدار والعزة اتهادت للاحرار ******* وطني نحن سيوف امجادك ونحن مواكب تفدي ترابك ولسع الشارع بشهد لينا يوم الغضبة حصاد ماضينا مشينا نعطر حقل الثورة بدم نفديبو بلادنا الحرة وكان اكتوبر فجر الغضبة كسرنا قيود الماضي الصعبة ولم مشينا مواكب صامدة بتهدر وتغلي وتهتف راعدة الرصاص لن يثنينا وسال الدم بارض الوادي فدينا النور بالروح يابلادي وكانت صفحة حكاها العالم وفجر اكتوبر طل وسالم وهزمنا الليل والنور في الاخر طل الدار ***** كان في الجامعة موكب هادر صمم يجلو الليل السادر وكان الليل السادر غادر فجر غدرو سموم دخان ورصاص من صوتو صحا السودان والشعب الثائر صمم هادر يصرع ليلنا الداجي الطول وكان القرشي شهيدنا الاول وما تراجعنا حلفنا نقاوم ليلنا وسرنا نذرنا الروح مسكنا دربنا للشمس النايرة قطعنا بحور حلفنا نموت او نلقى النور وما تراجعنا وكم في الخطوة بنلقى شهيد بدمو بيرسم فجر العيد ********* يااكتوبر انحنا العشنا ليالي زمان في قيود ومظالم وويل وهوان كان في صدورنا غضب وبركان وكنا بنقسم بالاوطان نسطر اسمك يا سودان بدمانا السالت راوية الساحة حلفنا نسير ما نضوق الراحة شهرنا سيوف عصيانا المدني وكانت وحدة صف ياوطني ايد في ايد حلفنا نقاوم ما بنتراجع وما بنساوم خطانا تسير في درب النصر هتافنا يدوي يهز القصر كسرنا حواجز ازلنا مواتع صفنا واحدعامل وطالب زارع وصانع وهزمنا الليل والنور في الاخر طل الدار وهزمنا الليل والعزة اتهادت للاحرار ******** يا ساحة القصر ياحقل النار يا واحة بتحضن روح نصار روينا ورودك دم ثوار وشتلنا فضاك هتاف احرار خطينا ترابك احرف نايرة بتحكي سطور ايامنا الثايرة وشلنا الشهداء مشيتا ونهتف الرصاص لن يثنينا وجرح النار في قلوبنا بينزف سجينا الشهداء وجينا نقاوم ما بنتراجع وما بنساوم الرصاص لن يثنينا فجاه ونحن حشود بتصمم زغرد فجر الغضبة الحالم وهزمنا الليل والنور في الاخر طل الدار ****** قسما يا اكتوبر نحمي شعارك قسما يا اكتوبر نجني ثمارك ونرفع راية الثورة الغالية عالية ترفرف فوق السارية عليها شعار الثورة الاكبر ورسمو النادر زاهي وانضر ولسع بنقسم يا اكتوبر لم يطل بفجرنا ظالم نحمي شعار الثورة نقاوم ونبقى صفوف تمتد وتهتف لم يعود الفجر الحالم
يا معز بالله مش حرام عليك زول غنى الملحمة دي وغيرها من اغاني شكلت وجدان الشعب السوداني تطاول عليه بتلك الكلمات المجحفة اتعتقد اعتذارك سيجدي محمد الامين ومحمد وردي ودار الرياضة امد رمان وبوابة عبد القيوم والطابية والنيل الخ ... دي رموز سودانية محصنة محفورة في وجدان الشعب السوداني الاصيل وممنوع الاغتراب او اللمس
Post: #14 Title: Re: متى يعتذر معز عمر بخيت و جالية البحرين للأستاذ ابواللمين؟ Author: سيف النصر محي الدين Date: 10-19-2012, 05:41 PM Parent: #13
سلام و احترام لكل الاحباب الذين مروا من هنا. مداخلاتكم هذه جزء من اعادة الاعتبار لمبدع كبير له دين و اي دين في رقبتنا جميعا. بارك الله فيكم يا شباب.
Post: #15 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Khalid Kodi Date: 10-19-2012, 06:09 PM Parent: #14
تحياتى يادكتور سيف، وشكرا لهذا البوست.
اليومين دى الزنقه حاصله، وحقيقة دهشت لبعض من ماقرات! الاستاذ محمد الامين فنان فوق تطاول الجربندية واشباه المبدعين ورعاع المستمعين !
وبنجيهم ... كلو خليناهو كمان يتطاولوا على الفنان محمد الامين!!!
والله ياهو الفضل!
Post: #16 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Mahmoud Mustafa Mahmoud Date: 10-19-2012, 08:35 PM Parent: #14
Quote: سلام و احترام لكل الاحباب الذين مروا من هنا. مداخلاتكم هذه جزء من اعادة الاعتبار لمبدع كبير له دين و اي دين في رقبتنا جميعا. بارك الله فيكم يا شباب.
من ناحيتي يا دكتور سيف النصر...
بعد التحية...
أعتذر عن استخدام التعبير الدارج الموغل في السوقية "الحتة الفيها الحديدة"...
صحيح العنوان كان Eye catching وفيه من الإثارة ما جعل قراءات البوست تتضاعف بوتيرة متصاعدة
وكذا مداخلات وتفاعلات الأعضاء والقراء من خارج المنبر..
ولكن في النهاية ..لا يصح إلا الصحيح..
وعليه..
أكرر اعتذاري حيث أن التعبير ما كان ليجوز استخدامه في حق شخص في قامة وعطاء الأستاذ محمد الأمين..
..
.
Post: #17 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Alfarwq Date: 10-19-2012, 08:40 PM Parent: #16
و متى يعتذر ابواللمين لجمهوره في البحرين و علظنه الغير مبررة ؟؟؟؟
Post: #18 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Ashraf el-Halabi Date: 10-19-2012, 08:43 PM Parent: #16
سلامات د. سيف شايف في شوية تحامل على د. معز (من ما بدأ الموضوع دا) ننتظر حتى تنجلي الصورة عشان نعرف د. معز استغل الموضوع لغرض ولا كان معاهو حق
Post: #19 Title: Re: متى يعتذر معز عمر بخيت و جالية البحرين للأستاذ ابواللمين؟ Author: بدر الدين احمد موسى Date: 10-19-2012, 08:48 PM Parent: #16
التحية للفنان العظيم محمد الامين
النرجسي معز بخيت شابكنا انا فزت بالجايزة دي, و انا اترقيت للوظيفة دي, و انا عملت, هل في اي مرة من المرات دي ادوه منصب و قالو ليهو اشتغل مجان و جاء جاري يقدنا بيهو, ام انه كان يحتفل بالعايد المادي المتوقع من المناصب او الجوايز? ليه يتوقع او يطالب اي فنان بانه يتنازل عن حقه? الفنانيين ديل ما ناس و عندهم التزامات تجاه انفسهم و اسرهم و عازفيهم و بدفعوا حق تأشيرة و تذكرة طيران و اظنهم بياكلوا و بشربوا و بمرضوا كيف حا يقابلوا التزامتهم لو دايما بخسهم الناس حقهم!
----
Post: #20 Title: Re: متى يعتذر معز عمر بخيت و جالية البحرين للأستاذ ابواللمين؟ Author: طلحة عبدالله Date: 10-19-2012, 08:51 PM Parent: #19
هههههههه البروف دا عايز يشتهر على حساب محمد اللمين .
Post: #21 Title: Re: متى يعتذر معز عمر بخيت و جالية البحرين للأستاذ ابواللمين؟ Author: فاروق عثمان Date: 10-19-2012, 09:36 PM Parent: #20
ود اللمين او ابو اللمين قامه فنيه سامقه استظل بها هذا الشعب لخمسين عاما وشلال ابداعي ارتوت منه الاجيال جيلا بعد جيل.فنان شكل وجدان هذا الشعب ونسج ابداعه في ذاكرته الجمعيه وحرك فيه قيم الشجو حينا والشجن حينا والفرح حينا والثوره حينا,محمد الامين قيمه وقامه كاهرامات هذه البلاد ونيلها الجاري لن ينالها تجريح او اساءه,فهو محصن بفنه وابداعه ومهاب بمعجبيه الذين يسدون عين الشمس كما ونوعا,محمد الامين الذي نلجأ اليه حين يتكدر المزاج ويضيق الخلق فيريح اعصابنا ويدوزن مزاجنا تماما كدوزنته لريشته التي حيرت المشرق والمغرب ولم تجد منا نحن ابناء جلدته الا تشهيرا و(كشفا لحاله).محمد الامين الذي يبكيك ويضحكك ويجعلك محلقا في عوالم من الجذب اللذيذ وانت تستمع الي لحن من الحانه,تلك الالحان التي اخذت منه خمسينا عاما تجويدا وابداع, محمد الامين الذي لو غني الملحمه فقط لكفته ولنصبته ملكا متوجا علي قلوب هذا الشعب فما بالك بصاحب تتعلم من الايام وزاد الشجون واربعه سنين ومسيحيه ,وما ممكن تسافر وغيرها من الالحان التي لو قالها او انتجها اي مطرب اخر لقامت بلاده ولم تقعد تمجيدا ولنصبو له التماثيل واطلقو عليه الالقاب مثني وثلاث,ولكن لاننا شعب لا يعرف كيف يحتفئ بقاماته ويسوقها نصبنا لها المشانق واطلقنا عليه عبارات لا تطلق علي رجرجة ودهماء الامم.
انه ود الامين وكفي
Post: #25 Title: Re: متى يعتذر معز عمر بخيت و جالية البحرين للأستاذ ابواللمين؟ Author: قيقراوي Date: 10-19-2012, 10:21 PM Parent: #21
Quote: ننتظر حتى تنجلي الصورة عشان نعرف د. معز استغل الموضوع لغرض ولا كان معاهو حق
يا اشرف د.معز غلطان ومتلفح الغلط عمة وتوب!!
----------
مالو ومال المسائل والتفاصيل المالية دي، وناشرا في جريدة ليه؟ تصرف غير مسئول .. وغريب انو يصدر من شاعر او حتى زول حساس ساي!!
Post: #22 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Elmoiz Abunura Date: 10-19-2012, 09:39 PM Parent: #20
عزيزى سيف
سلامات عشية ثورة شعبنا الظافرة فى 21 اكتوبر,
التحية والاجلال للباشكاتب, فنان اكتوبر
مع ودى وتقديرى
Post: #23 Title: Re: متى يعتذر معز عمر بخيت و جالية البحرين للأستاذ ابواللمين؟ Author: سيف النصر محي الدين Date: 10-19-2012, 09:51 PM Parent: #22
الاهداء لجميع الشباب الذين مروا من هنا. في ليلة كنا حشود بتصارع عهد الظلم الشب حواجز شب موانع
Post: #24 Title: Re: متى يعتذر معز عمر بخيت و جالية البحرين للأستاذ ابواللمين؟ Author: الرفاعي عبدالعاطي حجر Date: 10-19-2012, 09:52 PM Parent: #22
Quote: ( ويا دكتور معز ساكتب لك وشكراً لتفهك الذي أبديته بعدم إثارة هذا الموضوع مرة أخرى.) سلام دكتور سيف والله سبقتنى بدقائق فبعد فراغى من قراءة افادة د بشرى الفاضل على لسان الباشكاتب والتى اجلت كثير من المواقف اثارنى السطر الاخير الذى خطاه دكتور بشرى بمناشدة البروف معز بعدم اثارة الامر ثانية .... وكنت بصدد الكتابة لدكتور بشرى أن البروف ينقصه قبل ان ينزوى اعتذارا للباشكاتب ومعجبيه عما اصابه واصابهم من صدمة وتجريح من جراء الكلام القاسي الذى نقله البروف عن الباشكاتب .. وايضا عن تسرعه فى نقل الوقائع قبل ان يستبين الكثير من الحقائق خولها ونشرها على الملأ دون أن يترك للطرف الثانى فرصة الرد أو الدفاع عن نفسه . والشكر لدكتور بشرى لما بذله من جهد وزمن وصبر وما تكبده من مشاق فقط من أجل الحقيقة وتخيل معى أخى لو لم يقم دكتور بشرى بذلك كيف كانت ستكون نظرة الناس للباشكاتب بعد ما ترسخ فى اذهان الكثيرين من تشويش لصورته بعد ان انتاشته سهام قلم البروف الطائشة . بل أرى ان البروف عليه أن كان حقانيا أن يعتذر على ذات الصحيفة التى كتب فيها تخرصاته ويعنون مقال الاعتذار بالرقم ( 3) فالصحيفة منتشرة اكثر من المنبر ويحتاج عامة القراء لاجلاء الحقائق .
السؤال : هل يقبل ود اللمين الاعتذار ؟؟؟ المعز عمر بخيت تعجل ويجب ان يعتذر مجموعة اعتذارات ويجب على ود اللمين او الباشكاتب او الموسيقار كما يحلو للجميع مناداته بألا يقبل من المعز اي اعتذار .
Post: #26 Title: Re: متى يعتذر معز عمر بخيت و جالية البحرين للأستاذ ابواللمين؟ Author: MAHJOOP ALI Date: 10-19-2012, 10:57 PM Parent: #24
Quote: التحية للفنان العظيم محمد الامين
النرجسي معز بخيت شابكنا انا فزت بالجايزة دي, و انا اترقيت للوظيفة دي, و انا عملت, هل في اي مرة من المرات دي ادوه منصب و قالو ليهو اشتغل مجان و جاء جاري يقدنا بيهو, ام انه كان يحتفل بالعايد المادي المتوقع من المناصب او الجوايز? ليه يتوقع او يطالب اي فنان بانه يتنازل عن حقه? الفنانيين ديل ما ناس و عندهم التزامات تجاه انفسهم و اسرهم و عازفيهم و بدفعوا حق تأشيرة و تذكرة طيران و اظنهم بياكلوا و بشربوا و بمرضوا كيف حا يقابلوا التزامتهم لو دايما بخسهم الناس حقهم!
لو زول عادي اختلف مع المعز ... تدبج المقالات عن سوء طوية الانسان السوداني المسكون بالحسد والغيرة !!!!!!!!!!! واي انسان سوداني بعيد عن نرجسية المعز يجب ان يدان .. ويقر ويعترف حتي وان كان ابو الامين .. لانو المعز عاوز كده ؟؟؟ !!!!!!! يابدر كفيت ووفيت
Post: #27 Title: Re: متى يعتذر معز عمر بخيت و جالية البحرين للأستاذ ابواللمين؟ Author: أحمد الشايقي Date: 10-20-2012, 00:49 AM Parent: #26
Quote: uote: د المعز تطاول على قامة سودانية ما ساهلة ولو اعتذر الف مرة ذلك لن يجدي ، محمد الامين تاريخ كبير وطوال تاريخه الغنائي الطويل يحظي باحترام كبير ما يدهشني في احد البوستات المتعلقة بالموضوع دا في زل كتب كلاهما قاما وطبعا دا شئ محزن جدا مقارنة د معز مع احترامي له باستاذ كبير مثل محمد الامين عموما ورطة كبيرة الدكتور دا دخل نفسوا فيها . حتى لو فرضنا اخطأ استاذ محمد الامين ما كان لمعز ان ياتي بهذا الشئ دائما في حياة المشاهير تحدث اشياء خلف الكواليس . حقيقة كان شئ مدهش من دكتور معز.
Post: #28 Title: Re: متى يعتذر معز عمر بخيت و جالية البحرين للأستاذ ابواللمين؟ Author: يحي قباني Date: 10-20-2012, 03:36 AM Parent: #27
لم اندهش ولم استغرب ان يكتب د.معز ما كتبه ...
قد تكون بروباجاندا ...او حملة تسويقية لاسمه ...
هذا لا يزعجني ...فالمعز يحب الاضواء منذ كنا طلبة في الخرطوم القديمة و من ثم جامعة الخرطوم ...
ما يزعجني ...بل ويذهلني ... هي الاقلام التي انبرت تنبش في جسد العملاق محمد الأمين ...
وهي لعمري ظاهرة تستحق الوقوف ... الشعب السوداني وصل به الافلاس ... ان يهاجم مبدعيه
ويشهر بهم ؟؟؟؟
لا احد ...نعم لا احد له الحق ان حتي يفكر في نقد شخصي لهؤلاء العمالقة ...
احدهم يقول حينما كنا في الجامعة عام 96 رفض محمد الامين ان يغني مجانا ؟؟؟؟
ولماذا يغني مجانا؟؟؟ محمد الامين لا تدعمه شيخات الخليج ... محمد الامين ياكل من عرقه ومن عوده الذي يحمله !!!
محمد الامين غني في الميدان الشرقي والغربي و الزراعة في شمبات ... حينما كان ذلك الكاتب طفل يحبو ...
محمد الامين غني للوطن قبل ان يولد مثل هؤلاء ...
انه مرض جديد يدخل علي الشخصية السودانية ... و هو هدم اهراماتنا بيدنا ...
احس بأني علي وشك التقيؤ ...
Post: #29 Title: Re: متى يعتذر معز عمر بخيت و جالية البحرين للأستاذ ابواللمين؟ Author: يحي قباني Date: 10-20-2012, 03:41 AM Parent: #28
و يا ليتنا نتعلم ......
Post: #30 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Nazik Eltayeb Date: 10-20-2012, 05:26 AM Parent: #29
سينتصر الاستاذ القامة الهرم محمد الامين حتما في معركته ضد التقزم وكل معجبيه معه مؤمنين ان فناناً مثله لن يصيبه سؤ وسيرتد كيد اعداء النجاح لهم خائبين
Post: #31 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Emad Ahmed Date: 10-20-2012, 08:53 AM Parent: #28
Quote: ...فالمعز يحب الاضواء منذ كنا طلبة في الخرطوم القديمة و من ثم جامعة الخرطوم ...
Quote: هههههههه البروف دا عايز يشتهر على حساب محمد اللمين .
لاتعليق
Post: #32 Title: Re: متى يعتذر معز عمر بخيت و جالية البحرين للأستاذ ابواللمين؟ Author: nazar hussien Date: 10-20-2012, 09:50 AM Parent: #31
الجالية السودانية بالبحرين وأنا أحد أفرادها نحمل ابو الأمين في حدقات عيوننا...وقد شرفنا جدا...وشرف الفن السوداني وهذا ليس رأي فحسب وأنما رأي مكتوب ومبسوط في كل الوسائط الاعلامية هنا...فمن كان يظن هنا من غير السودانيين بأن بالسودان غناءا فيه يا نديمي دعك من عثرات قولي... وما كتبه دكتور معز...كتبه من وجهة نظره ولا يمثل رأي الجالية ...لا في الحفل...ولا في محمد الامين...
من حيث تنظيم الحفل فقد إعتذر منظموا الحفل نيابة عن النادي السوداني...وقد ورد إعتذارهم في هذا المنبر في أحد البوستات...
Post: #33 Title: Re: متى يعتذر معز عمر بخيت و جالية البحرين للأستاذ ابواللمين؟ Author: elhilayla Date: 10-20-2012, 10:27 AM Parent: #32
الأخ دكتور سيف وضيوف البوست الأكارم تابعت بمنتهي الاسي والحزن ماكتبه البروف معز عمر بخيت العوض في حق الأستاذ محمد الأمين حمد النيل في يقيني علي قول أهلنا لو اغتسل البروف في سبعة بحور والتامن بحر المالح لن يطهره من دنس ماكتبه في حق إنسان علي الأقل منذ ان صدح بالغناء الوطني لم يكن 98٪ ممن يكتبون في هذا المنبر علي الوجود حقيقة كان البروف يمثل السودان بأجمعه عندي ولكنني بكل أسف صُدمت بلغة البروف في حق عملاق السودان الأستاذ أبو اللمين
أنا مصدوم بحق أخي بروف معز ______ الحليلة
Post: #34 Title: Re: متى يعتذر معز عمر بخيت و جالية البحرين للأستاذ ابواللمين؟ Author: عبدالله الشقليني Date: 10-20-2012, 10:32 AM Parent: #33
Post: #35 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Kamal Karrar Date: 10-20-2012, 10:42 AM Parent: #32
يا أخوان سلام وكل سنة وانتو طيبين...
طبعا ما ذكر عن قامة ود اللمين حقيقة لا مراء فيها ..
لكن يا جماعة برضو بروف المعز.. راجل عنده وزنه في مجاله..
يعني لو أخطأ نقول ليهو أخطأت لكن بدون تجريح وتنصيب أنفسنا محللين نفساويين...
وأعتقد ليس من بيننا من هو كامل.. بس يجب ألا نبخس من شأن الآخرين حتى لو أخطأوا..
تحياتي لكم وأمنياتي بعيد سعيد..
Post: #36 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Shawgi Sulaiman Date: 10-20-2012, 09:04 PM Parent: #35
Quote: مالو ومال المسائل والتفاصيل المالية دي، وناشرا في جريدة ليه؟ تصرف غير مسئول .. وغريب انو يصدر من شاعر او حتى زول حساس ساي!!
تضامنا مع الاستاذ القامة قررت منذ اليوم أن لا اقرأ او استمع لكل ما يخطه دكتور معز
Post: #37 Title: Re: متى يعتذر معز عمر بخيت و جالية البحرين للأستاذ ابواللمين؟ Author: سمير شيخ ادريس Date: 10-20-2012, 11:14 PM Parent: #36
لم يعتذر دكتور المعز حتى اللحظة .. ويبدة انه لن يفعلها وستأخذه العزة بالاثم ولا بد انه يتابع المنبر عن قرب الان وسعيد بالزوبعة التى افتعلها وانه مثار كتابة العشرات وانه موضوع الساعة وتحت مركز الاضواء .رغم أنى كنت أعتقد أنه أذكى من ذلك بكثير .. فلو كنت مكانه لحملت قلمى وملأت كل جنبات وحوائط المنبر والمنابر المجاورة بالاعتذار وطلب الصفح من حق الباشكاتب ذلك لأن شلاقة البروف أوردته لهذه المهالك .
فلينظر ماذا جنى من هذه المعركة المفتعلة وكلماته المسمومة ؟ لقد أثار حفيظة العشرات بالمنبر ضده وكان فى السابق شخصية محبوبة او على الاقل كان مبغضوه يمسكون عن كتابة رايهم عن نرجسيته وحبه للاضواء .. والآن اصبح لديه اعداء كثر وتساقط عدد مقدر من معجبيه ولا اعتقد انه سيجد الزخم من الترحيب والاحتفائية التى كانت تصاحب افتراعه لبوستاته وهاهى البشائر تترى بتصريح شوقى بمقاطعته علنا وهو سيكون راى اخرين وان لم يصرحوا به او اقله سيكون هناك فتور عام فى التداخل معه .
غايتو اتوقع انه يختفى عن المنبر مدة ويريحنا من بوستات شوفو موقعى وشوفو دواوينى وشوفو جوايزى ويا ريت يكتفى بالكتابة فى منتدياته المسماة(عكس الهوا) التى هى من تاليفه واخراجه وادارته ولعله لا زال يحتفظ فيها ببريقه وجوقة الهتيفة وبعض كرامة لم ترق كما هنا .
Post: #38 Title: Re: متى يعتذر معز عمر بخيت و جالية البحرين للأستاذ ابواللمين؟ Author: MAHJOOP ALI Date: 10-20-2012, 11:52 PM Parent: #37
Quote: غايتو اتوقع انه يختفى عن المنبر مدة ويريحنا من بوستات شوفو موقعى وشوفو دواوينى وشوفو جوايزى ويا ريت يكتفى بالكتابة فى منتدياته المسماة(عكس الهوا) التى هى من تاليفه واخراجه وادارته ولعله لا زال يحتفظ فيها ببريقه وجوقة الهتيفة وبعض كرامة لم ترق كما هنا .
لكن ياسمير لو الزول دا كان اختفي ... منو حايعلمنا طرائق ووسائل السودانيين في الحسد ؟ شابكنا الحسد ميزة سودانية ونحن اعداء النجاح ... وحنك اولاد الروضه
Post: #39 Title: Re: متى يعتذر معز عمر بخيت و جالية البحرين للأستاذ ابواللمين؟ Author: سمير شيخ ادريس Date: 10-21-2012, 01:12 AM Parent: #38
( لكن ياسمير لو الزول دا كان اختفي ... منو حايعلمنا طرائق ووسائل السودانيين في الحسد ؟ شابكنا الحسد ميزة سودانية ونحن اعداء النجاح ... وحنك اولاد الروضه ) .... يا محجوب ما ياهو دة درس الحسد القاعد يعلمنا فوقو انتو ما فهمتو للان انه محمد الامين حسد البروف على مكانته الشافها فى مملكة البحرين وقد يتزمزغ وقال ما داير اغنى الا يدونى قدر البروف
Post: #40 Title: Re: متى يعتذر معز عمر بخيت و جالية البحرين للأستاذ ابواللمين؟ Author: Abuelgasim Mohamed Date: 10-21-2012, 04:59 AM Parent: #39
Quote: متى يعتذر معز عمر بخيت و جالية البحرين للأستاذ ابواللمين؟
كدي انساك من معز ده قول نرجسي وطالع في الكفر وعامل فيها ربها وبحب الاضواء الخ الخ هو كده لكن انت داير جاليه كامله اتفقت انو وداللمين اتثاقل واتساخف تعتذر لي وداللمين عشان هو قامه وغني لاكتوبر !!؟؟يعني الناس دي لما قامت واِتخمخمت ومشت لحفله وداللمين ما كانوا عارفنوا قامه وغني لاكتوبر؟؟يعني شنو قامه ..يعني يعمل الدايرو من سخف وثقاله والناس تصفق ليهوا لانو غني لاكتوبر!! الشئ الطبيعي انو وداللمين هو المفروض يعتذر لجاليه البحرين لكن مع معز ده ياكلوا نارم لانهم شبهينا واتلمينا...