دكتور يشخص غتاتة , نفخة و قرضمة الشخصية السودانية فى الداخل و الخارج

Ya -
إنتي الظاهر عليكي لسة متأثرة بأمريكا -

:):):)

يا بكري انت زعلان مننا و للا شنو؟
و الدتور دكتور في شنو هو ذاتو؟
و هل انت متفق معاهو في التشخيص الجامع المانع ده الشمل فيهو ناس الداخل و ناس الخارج؟
غايتو كان داير رأيي الزول ده كلامو ونسة ساكت و ثرثرة سودانية عادية ما مرتكزة على اي بحث و لا مراجع و لا اي شي.
هسه امانة في ذمتك حكاية الخواجات البيجو ينفصموا دي رأيك فيها شنو؟؟
اما اختنا غادة عبد العزيز خالد فهي ذاتها مساهمة في الهرجلة دي بنسبة تفوق الخمسين في المية.

والله دا زول فارغ لدرجة ما عادية
يتكلم عن التنميط العنصري الفارغ و كأنه حقائق علمية
الهدندوي قالوا زعلان من التكارين قال جابوا لينا الرمضان و الكدنكا
مشاريع القضارف التي تمد السودان كله بالخير قائمة علي العمالة من القبائل الافريقية في السودان

قال الكسل جايينا من التراث الافريقي
قوم لف بلا وهم معاك

يا غادة.

الزول الجاهل ده جبتيهو من وين؟
وأنت زولة متعلمة وعشتي ودرستي في أمريكا، لماذا تسمحي له بأن يمارس مثل هذا التنميط العنصري تجاه الأفارقة بمثل هذه الطريقة السخيفة. على الأقل كان تقولي رأيك الخاص وتكوني مسئولة من رأيك أنتي. لأن صمتك يعني بأنك موافقة على مثل هذا التمنيط.

بالمناسبة دي ياتو قناة؟

غايتو ... الزول ده غتيت جنس غتاتة !!

غنى الفنان حسن خليفة العطبراوي:

Quote: انا سوداني انا انا سوداني انا ايها الناس ايها الناس أيها الناس نحن من نفر عمروا الأرض حيث ما قطنوا يذكر المجد كلما ذكروا وهو يعتز حين يقترن حكموا العدل في الورى زمنا أترى هل يعود ذا الزمن ردد الدهر حسن سيرتهم ما بها حطة ولا درن نزحوا لا ليظلموا أحدا لا ولا لاضطهاد من امنوا وكثيرون في صدورهم تتنزى الأحقاد والإحن دوحة العرب أصلها كرم والى العرب تنسب الفطن أيقظ الدهر بينهم فتنا ولكم أفنت الورى الفتن انا سوداني انا انا سوداني انا يا بلادي يا بلادي يا بلادي يا بلادي يا بلادي يا بلادي يا بلادي يا بلادي يا بلادا حوت مآثرنا كالفراديس فيضها منن انا سوداني انا انا سوداني انا انا سوداني انا انا سوداني انا كل أجزائه لنا وطن إذ نباهي به ونفتتن نتغنى بحسنه أبدا دونه لا يروقنا حسن حيث كنا حدت بنا ذكر ملؤها الشوق كلنا شجن نتملى جماله لنرى هل لترفيه عيشه ثمن خير هذي الدماء نبذلها كالفدائي حين يمتحن بسخاء بجرأة بقوى لا ينئ جهدها ولا تهن تستهين الخطوب عن جلد تلك تنهال وهي تتزن انا سوداني انا انا سوداني انا ايها الناس ايها الناس أيها الناس نحن من نفر عمروا الأرض حيث ما قطنوا يذكر المجد كلما ذكروا وهو يعتز حين يقترن حكموا العدل في الورى زمنا أترى هل يعود ذا الزمن ردد الدهر حسن سيرتهم ما بها حطة ولا درن نزحوا لا ليظلموا أحدا لا ولا لاضطهاد من امنوا وكثيرون في صدورهم تتنزى الأحقاد والإحن دوحة العرب أصلها كرم والى العرب تنسب الفطن أيقظ الدهر بينهم فتنا ولكم أفنت الورى الفتن انا سوداني انا انا سوداني انا

لاحظو في بداية الأغنية يقول أنا سوداني وفي نهايتها يقول أنا سوداني، وهو وشاعر الأغنية لا أعتقد بأنهم يدرون معنى كلمة سوداني، هل هي تدل على شخص أفريقي أم عربي. ده قمة الأستلاب الثقافي الذي عانى منه ومازال يعاني منه معظم مثقفي الشمال.

ويا ترى من هم الذين " وكثيرون في صدورهم تتنزى الأحقاد والإحن " هل هم غير العرب في السودان؟

الزول دا لم يتحدث عن الأيجابيات الأكتسبناها من عنصرينا الأساسيين(افريقي وعربي) وإنما عن السلبيات وافتكر دا كان موضوع الحلقة
وبقدر ماتكلم عن موروثاتنا السلبية الأفريقية لم يترك موروثاتنا العربيةالسلبية وكاد أن يقول" العنصرية" بل ذكرها بصورة أو بأخرى.
وعلى كل
هناك جزء مليان برضو من الكوب

حديث هذا الرجل جايط جوطة شديدة .. لكن فيهو حاجات هبش فيها الجرح ...

Quote: العجرفة الجوفاء ...

Quote: كل زول فى السودان منفوخ وفاكر انه مافى زول زيو .. ولو مشى اى حتة ولقى نفسه وسط مجموعة بجيهو احساس انه هو اهم انسان ..

دى فى وموجودة..؟؟
بالذات الجوفاء دى ..

بكري سلام يا العشا وعيدكم مبارك مقدما
يشهد الله ما سمعت ولا شاهدت الفيديو ولا دايرة زاتي ,,
من خلال المداخلات فهمت المضومن وقبلها إسم بوستيك التحفة



النجيضة

غتاتة الدكتور عرفناها
إنت غتاتك لا حكت لا بقت ,, والله صحي

سبب واحد يخليك تعتل لينا كلام الزول ده وتجيبو لا عندنا مافي نوهااائي
مالك طالبنه مغيسة ؟؟؟
مش كفاية ناس منو كده ما عارفة مورمين فشفاشنا بي سببك ؟؟ كع

Quote: كل زول فى السودان منفوخ وفاكر انه مافى زول زيو

يا جماعة ما ترسونا على بر
هل السوداني متواضع و خجول و الغنماية تاكل عشاهو أم هو الزول الفوق داك؟

لا أؤيد وجهة نظره " التي من حقه أن يقولها "
أتمنى أن يخرج له من يفند وجهة نظره بمفهوم العلم " الذي من المفترض متوفراً فيمن يرفض حديثه "
وعفواً لا تسلبو الآخرين حقهم حتى إن كانت تًرهات .






___________
هل من حق المذيع أن يتدخل في رفض وجهة نظر الآخر " الضيف ؟؟ "