من بدع الكيزان الأضحية بالتقصيد فى السودان!!!

فهل يا ترى يكون الأجر أيضا بالتقسيط أم فى نهاية تمام الأقساط؟؟؟

وهل يجهل الكيزان الآية " لا يكلف الله نفسا الآ وسعها"

ألم يضحى المصطفى عليه الصلاة والسلام عن نفسه وعن فقراء المسلمين ؟

أم أن الجشعين يفكرون فقط فى التجارة وتصريف الخرفان ؟!!



ست البنات.

ست البات .. سلام

ديل حتي الزكاه .. الزكاه الواحد دي يقول ليك تزكي وانت لاعندك ولاحال عليك حول ولا يحزنون

يقول ليك اي تزكي ولو ماعندك نقصدها ليك او ناجلها ليك لكن لازم لازم تدفع ..

اها دا سمعتي بيهو ...ولكن مع بني كوز تعيش كتير تسمع العجب العجاب ..

Quote: فهل يا ترى يكون الأجر أيضا بالتقصيد أم فى نهاية تمام الأقصاد؟؟؟

بالتقسيط وليس التقصيد.... الأقساط وليس الأقصاد .. يا رعاك الله

Quote: ديل حتي الزكاه .. الزكاه الواحد دي يقول ليك تزكي وانت لاعندك ولاحال عليك حول ولا يحزنون يقول ليك اي تزكي ولو ماعندك نقصدها ليك او ناجلها ليك لكن لازم لازم تدفع ..

ست البنات سلام يا تغيانة

أخي اسامة هذا فقه الضرورة الذي أبتدعوه
وحتى الزكاة ما أنزل الله بها من سلطان عندهم
تخيل معي
زكاة في ثمار يؤخذ حقها قبل
ماذا صرف هذا المسكين لكي يجني هذه الثمار ؟
الزكاة تقديرية جارك باع بكذا معناه انت بعت بكذا وحتى لو كان شجر بستانك ما شال من ثمار زي جارك
ليس هذا همهم ..
ويا ست البنات
ديل يختفوا اللقمة
إن حفّت
من جنحين الملك رفّت
سيدا يموت بي الفاق
وحتى القرش إن فاتهم
لي البستاهلو
بندموا ليه ما جاهم

خليهم يعمروا بالحرام
وكل لحم نمى من سحت فالنار أولى به
يعرفون القرآن لكنهم يمرون على مثل هذا الحديث مر الكرام

بدل ما يبحثوا اسباب الازمة الاقتصادية الخانقة وازمة ارتفاع الاسعار اللي طحنت المواطن المغلوب على امره وبدل ما يجيبوا لنا(بشريات) حقيقية عن اجراءات تخفض اسعار الخرفان جايين يقولوا للناس التقسيط جائز،اتحاد عمال ولاية الخرطوم قدم تسهيلات في الدفع لمدة سنة !!!! يعني تخلص اقساط العيد الفات وتخش في ديون واقساط خروف العيد الجديد ... والله صحي زي ماقالو الضحية السنة دي المواطن ما الخروف

اللذيذ انو الموضوع ممكن يتم عن طريق الموبايل .. .. ..

الأخ عبدالوهاب على الحاج,

شكرا لك اولا على المداخلة ,

ومن ثم الشكر الجزيل على تصحيح الأخطاء الكثيرة .

وقدظللت طوال فترة انضمامى لهذا المنبر أكتب بلغة عربية سليمة من حيث الاملاء والقواعد والنحو والصرف رغم قلة استخدامى للعربية فى الكتابة بحكم مكان اقامتى ! وقد تزيد العجلة من أسباب وقوعى فى تلك الأخطاء .

ولعل فى ذلك ما يغفر لى هذه الكبوة !

ست البنات.




ست البنات

اووووووووووو ست البنات حمدلله علي السلامة ياخ والله ليك زمن طويل ما شفنى قلمك

يا اختي ديل مصائب الناس بيحولوها لصالحهم طوالي

حتى الموت دا بكرا بيعملو ليهو مدافن بالقروش والتقسيط

ياخ ديل الموت عملوهو عرس وميزانية مفتوحة ود الناس يكتلو في الجنوب ويجيبو لامو شوال دقيق ويسجلوها عندهم شوالين

ناس الجيلي زماااان بيوتهم كسرا السيل لقطو القروش من العاملين في الدولة ولي يوم الليلة ناس الجيلي راجين التعويض

جميع الاخوة المتداخلين ,

سلام وتحية ,

ومشكورين على المداخلة ,

غايتو الناس تشكيهم للديان الذى لا يموت ولا يغفل.

ويا خالد ود عمى محجوب سلام وشوق كتير ليك ولأحمد وأمه,

وعاد باقيلك انا ان تغيت بتغى على اخوى؟؟!

والله مورطالى فى قراية حبل تور عديل !

لكن قرربت.

ست البنات.

المشتري الخروف بالاقساط طويلة الاجل بيكون شايل هم السداد ...مايقوم يروح ضحية للاضحية ... الاقساط على سنة كاملة ...لو اتعثر في السداد حينضم لقائمة ضحايا الاضاحي من المعسرين
التحية لـ ست البانات ولكم جميعا

اضحية بدين ما شفناهو الا عند فقهاء الكيزان
دين ربنا يسر
بينما الدين هم وفي شرعنا الاستعازة من الدين
هم حكومتنا الاسلاموية اغراق الشعب في همومه وفي ذاته عشان يحرم يفكر العام
كما هم اذيال الكيزان تشتيت الكورة وصرف الاخر عن لب الموضوع وفي البوست تجدوا مثال حي للتشتيت
ليه اثرياء السلطة ما يضحوا بالنيابة عن فقراء الامة بدل عن دعوة الفقراء لوحل الدين
عسى ولعل ربنا يتقبل منهم ويكون كفارة لذنوبهم
ما قالو دولتنا اسلامية وبشريعة ما مدغمسة