من البوست التاني أنقل ليك مداخلة الأخ ( الحكيم - من حكمة ) د. بشرى الفاضل :
Quote: هذا التشهير بمحمد الأمين بهذه الكيفية من معز عمر بخيت في مقاله وهذا البوست أيضاً لا يليق. محمد الأمين قامة فنية كبيرة ومن المؤكد أن له حججه في كل ما جرى. فلو أن كاتب المقال أوضح وجهة نظره من جانب واحد فما حجة صاحب البوست؟ هل سأ ل محمد الأمين؟ وما حكاية الدولارات والمسائل المالية؟ دفعنا له وسلمناه وسلمه مندوب النادي ! والحديث عنها هكذا بالمكشوف. هل هذا يليق؟ وهل سأل أحد العازفين؟ هل هذا رأيهم؟ محمد الأمين في إحدى أغنياته وبكلمات اسحق الحلنقي يقول ( بيقولوا الغائب عذرو معاه .. وفي غيابك يا ما نشيل اللوم). ليس لدي هاتف مباشر مع الفنان محمد الأمين لكن سأبحث عنه هاتف وآتيكم بوجهة نظر الفنان في كل ما جرى. واتمنى أن أجد صوت ورأي بعض العازفين أيضاً ووجهة نظر أخرى من بورداب البحرين.
سلام دكتور بلة لو سمحت لى عندى سؤال للبروف الأديب لو جاك غاشى بهنا وجاوب على سؤالك بالايجاب حابى أسألو : وهل لعلاقة رفض الأستاذ محمد الأمين أن يغنى لك أغنية بالمقال العاصف الذى كتبته قدحا فى شخص ابو اللمين والتزامه وصدقيته وبالحملة الشعواء التى تقودها فى الصحف والمنابر للتقليل من شأنه وعرض الأمر بهذه الطريقة الفجة
Quote: وهل لعلاقة رفض الأستاذ محمد الأمين أن يغنى لك أغنية بالمقال العاصف الذى كتبته قدحا فى شخص ابو اللمين والتزامه وصدقيته وبالحملة الشعواء التى تقودها فى الصحف والمنابر للتقليل من شأنه وعرض الأمر بهذه الطريقة الفجة
الأخ الحبيب سمير شيخ ادريس،
محمد الأمين لم يرفض لي قصيدة لأنني أصلاً لم أقدم له قصيدة
كما أنني لم أقم بأي بحملة ضده فجة أو غير فجة وهذا ما كتبته موضحاً في مقالي الثاني:ــــ
محمد الأمين فنان عظيم وموسيقار لا يشق له غبار، وهو أحد رموز الفن والإبداع في بلادي وفي كل أرجاء المعمورة - إن جاز لي القول - وهذا أمر لا يشكك فيه إلا ذو حس منقوص. محمد الأمين كان مطرب حفل زواجي وأنا أعشق أغنياته وموسيقاه ولعل هذا كان مصدر لوعتي في ما سقته من أحداث حفل البحرين في مقالي السابق ولعله أيضاً كان الدافع من وراء كتابتي ونقدي لما عايشته حيث أعياني ما وجدته من تناقض بين بديع أعماله وبين ما أتى به. أنا لم أقصد بالتأكيد أن أشوش عليه أو أن أوجه له أي إساءة من قريب أو من بعيد ومعاذ الله فللرجل عندي محبة واحترام كبيرين لكن توالي الوقائع التي سردتها جعلتني مصدوماً حتى الآن في خلق المعادلة بين محمد الأمين الموسيقار المدهش وما صار في حق عازفيه وحق طاقم قناة النيل الأزرق.
الدكتور الاديب المعز سلام وتحايا شكرا للرد والاهتمام .. وبغض النظر عما حدث فى الحفل المذكور وما بدر من الفنان ابو اللمين ونقلك لما حدث باعتبارك شاهد عيان وربما كنت قريبا من الجهة المنظمة .. الا تتفق معى بان لغتك التى كتبت بها المقال كانت قاسية وخشنة فى حق فنان صاغ وشكل وجدان ملايين السودانيين بالرقة والعذوبة التى تنضح بها كلماته والحانه .. وانه الهب حماس الملايين باكتوبرياته الخالدة .. ارجو ان تراجع المقال الذى احسب انه كتب فى ظل سخونة الحدث وقتها فستجده عنيفا وصادما من مفتتحه وحتى خواتيمه ( تتعلم تجامل ) ونبش حادثة قديمة ابان الدراسة وربطها بالحدث هى محاولة لتاكيد رسوخ سلوك ( عدم المجاملة ) وانه ليس حادثا عرضيا .. وفى رايي انه كان من الممكن توجيه نقد لما حدث بلغة اقل حدة وعنفا وانت سيد العارفين باعتبارك من مالكى نواصى اللغة وليس بهذا الشكل المجحف . ولك ودى وتقديرى
Quote: هل طلبت من الأستاذ محمد الأمين يوما أن يغنى لك قصيدة ورفض؟
معقوله يا دكتور بله ياخ؟
يعنى ماكان فى طريقه تنتقد بيها مقال بروف معز غير السؤال السروال دا ؟
الموضوعيه مطلوبه ياحبيب
Post: #12 Title: Re: يادكتور معز ....... Author: Salah Abdulla Date: 10-18-2012, 05:01 AM Parent: #11
سلام يا د. بله.
قرأت ما كتب د. معز ، ولم أر فيما كتب إساءة للأستاذ محمد الأمين أورد د. معز حقائق حدثت في وجوده، وحيث أنه لم يكن الوحيد الذي حضر تلك الحفلة فلا أتصور أنه سيورد معلومات عن أحداث شهدها المئات، فيهم من يتفق معه ومن يختلف..
مصيبتنا في (تأليه البشر) ونظن أنهم معصمون من أي شئ!! معقولة بس.. محمد الأمين ده ما إله، بشر يخطئ ويصيب ويُنتَقَد ، المشكلة شنو يعني ؟؟
يا دكتور بله، انت واحد من الأقلام الرزينة والمتزنة وكلامك دايماً موزون، الحصل عليك شنو؟؟ سؤالك لدكتور معز ما في محلو..
الاخ بله ..سؤال مني انا كمان .. هل لك مشاكل مع دكتور المعز ؟
الموسيقار محمد الامين معظم الشعب السوداني بموت فيه وفي فنو ولكن هذا من جانب الفن ..اما الانسان فهو حقا محرج ومحرج جدا وانا عهدي بيهو طويل ولو حكيت ليكم هنا لبكره لما انتهيت ...وهذا عيب عادي ولكننا تعودنا ان نشخصن الامور من حق المعز ان يتناول الموضوع من زاويته ولو كان قد عرض على ود الامين قصيده ورفض لكان من حقه ان يزعل ودا رد فعل عادي ...لان الذين تغنى لهم ليست بارفع قامة شعرية من المعز الشاعر ... لا ارى انه تطاول او خدش بل نقد بعين المحب والعاشق وكان عتابا جميلا لمن ينظر للمعز بعين الرضا ...ومحمد الامين محرج جدا ولو في اي زول عندو راي تاني من حقو ولكن لدينا مواقف كثيرة وكثيرة جدا معاهو شخصيا بصفته الفنان الكبير ولكنه كان غير موفق والفنان اللبق هو من يتواضع مع الجمهور الذي صنعه وكبره وجله على قمة الفن السوداني وكان الاجدر به تدارك اخطاء اللجنة او الجهة التي استضافته ارضاءا بجمهوره ولكنه تعود ان لا يجامل وان لا يجبر بالخواطر وهذا التصرف يصلح في نطاق الوطن الضيق السودان اما في قطر وغيرها فلا يصح ..انسو المعز وخلونا في لب الموضوع هل التصرف كان عاديا ....؟ واحب اؤكد ليكم لا ادافع عن المعز لمعرفة حتى لا تسوقكم الظنون والتساؤلات ولا اعرفه الا من خلال ابداعاته التي تملأ الدنيا طبيبا وشاعرا وانسانا وكاتبا لايقل عن مقام الموسيقار محمد الامين ..واؤكد انني اعشق ود الامين فنانا ومطربا ولكن كانسانا عرفته لا احب هذه الشخصية ابدا ابدا واظن من حقي ....
Post: #14 Title: Re: يادكتور معز ....... Author: عزالدين عباس الفحل Date: 10-18-2012, 08:09 AM Parent: #13
قريبي البروف معز عمر بخيت العوض انسان مرهف الاحـاسـيس ، رجل مهـذب ، حـلو المعـشـر ، طيب القلب ، والمشاعر البراقة ، ومن اسرة يشار اليها بالبنان ، نـقـده اللاذع ، للقامة الفنان محمد الامين ، نـابـع من تصـرف الوهـلة ، في قاموس الفن التجاري ، فن العـداد ، هاجـس الفنانين ، دون الاكتراث لمحبيهم ، ومـخـلـفـات تصـرفـاتهم الـرعـنـاء ، رحـم الله الفنانة حـمـيـرا، كـوكـب الـشـرق ، كانت حـفـلاتـهـا في دار جعل ، يصـل الحـضـور ، ما يفوق الالاف مـن البـشـر ، وعـلي الهـواء الطـلـق ، وغـبـار الحـمـاس ، يـنـاطـح كـبـد الـسـمـاء ،،،
عزالدين عباس الفحل ابوظبي
Post: #15 Title: Re: يادكتور معز ....... Author: الرفاعي عبدالعاطي حجر Date: 10-18-2012, 08:46 AM Parent: #14
Quote: قريبي البروف معز عمر بخيت العوض انسان مرهف الاحـاسـيس ، رجل مهـذب ، حـلو المعـشـر ، طيب القلب ، والمشاعر البراقة ، ومن اسرة يشار اليها بالبنان ، نـقـده اللاذع ، للقامة الفنان محمد الامين ، نـابـع من تصـرف الوهـلة ، في قاموس الفن التجاري ، فن العـداد ، هاجـز الفنانين ، دون الاكتراث لمحبيهم ، وومـخـلـفـات تصـرفـاتهم الـرعـنـاء ، رحـم الله الفنانة حـمـيـرا، كـوكـب الـشـرق ، كانت حـفـلاتـهـا في دار جعل ، يصـل الحـضـور ، ما يفوق الالاف مـن البـشـر ، وعـلي الهـواء الطـلـق ، وغـبـار الحـمـاس ، يـنـاطـح كـبـد الـسـمـاء ،،،
عزالدين عباس الفحل ابوظبي
يعني شنو هاجز الفنانيين دي اوع تكون قاصد هاجس , بعدين انت عارف بتتكلم عن مين ؟ عن الاستاذ الموسيقار محمد الامين بروف المعز بحق وحقيقية فتحت جبهة اقل ما يمكن طرحه فيها انك تستهدف الموسيقار فسؤال بلة موسى طرأ وجال وحام في خاطري كثيراً ؟!!! لان هجوم من يملك ناصية الكلمة ليس كما العجاج الذي اثاره الفحل من كلام بسيط وفطير وإملاء خطأ في خطأ وعدم تمييزللفن عموما والفن الرصين والفن المسؤول الباشكاتب ركن ركين من اركان الغناء السوداني وعمود من اعمدته ولم اطلع على رد من قبل الموسيقار محمد الامين لكن ودون معرفة دوافعه لذلك إلا انه بلا تردد ودونما شك لابد من ان امر جلل اثار حفيظة الباشكاتب والتعرض للإستغلال دوما ومن قبل الكثيرين حتى جار الزمان على امثال محمد الامين فصار علاج قامة مثله لا ترعاه دولة ولا اتحاد انما وفق مشروطات العلاقات الخاصة والهبات العلائقية بينه والبعض . بروف المعز اخطأت في حق قامة سودانية كل عطائها للسودان ولا مجال للمقارنة بينكما فليس كمن سلف وقال كلاكما قامة , احترامي موفور لك وتعلمه وسبق ان جادلتك بحق وبإحترام ابان الانتخابات الاخيرة وفي اكثر من بوست لكن الان الامر مختلف فجل نجاحات محمد الامين هي عائدة للشعب السوداني ومحمد الامين بلا شك رجل في قامة الوطن لما تهزه غير مشاعره فعاد الى الوطن باكياً الغربة لكنه ابدع وامتع وغنى للشعب , لم يكتنز محمد الامين الدولارات والريالات والذهب والنساء انما عاش بكل قامته السامقة بين ابناء شعبه ينهل ويحتك بهم لم يتنطع عليهم ولم يمشي بينهم من التكبر او التبختر والإستعلاء محمد الامين الذي نعرف مجامل وطريف ولطيف خفيف الظل مبدع حد الابداع ومن منا بلا ذلل ومن من الناس لا هفوات له , اكرر لا اعلم ما تم بالضبط لكن هناك وجهة نظر اخرى وتعجيلك بالخبر يُنبئ بما هو استقصاد اكيد لقامة سودانية تمشي بين الناس وتنعم بالسلام والمحبة فيهم . ولنا عودات .
الاستاذ الرفاعي ....لم يخطي المعز ابدا في حق محمد الامين وان كنت ترى بصفة شخصية كما اخرين ان الفنان شي مقدس فبالنسبة لي لا وبالنسبة لاخرين ما قدمه ويقدمة المعز من الناحية الطبية بس شي مقيم اكثر من الغنا والموسيقا ....مافي زول قلل من قيمة محمد الامين كفنان ولكن كانسان فهو مستعجل جدا ومحرج وانا بقولا ليكم محرج بكل المقاييس ولا داعي له بالجمهور والقصص دي وهو لا ينكر وهو لا يقف عند البرتكولات ابدا وفي اخر حفل بصالة اسبارك ستي له وكنت حضورا ومستمتعة وعند لحظة تكريمة من قبل الجهة المنظمة لم يكن بطريقة تليق الموقف قد احرج من اتى على المسرح لتكريمة ولم ينظره ولم ياخذ الهدية بطريقة جميلة ابدا وقد اغلقني هذا التصرف ولكننا شعب متسامح سرعان ما اندمجت في الحفلة ونسيت .....المعز رجل قامة لاتقل ابدا من محمد الامين ومحمد الامين في اكثر من صوت ادان تصرفه وهذا يكفي ففيما المكابرة ...محمد الامين فنااان بقامة الوطن ومحرج لدرجة ......
تحية للأكرم : بله تحية للأخ الأكرم : بروفيسور المعز وتحية للقامة الموسيقية : الأستاذ محمد الأمين * قال المتنبي : كُلَّ عَيْشٍ ما لم تُطِبْهُ حِمامٌ .. كلُّ شَمسٍ ما لم تكُنها ظلامُ * لصاحب الملف أخي الأكرم : بله تحية واحتراماً قرأت المقال الأول لصاحبنا البروفيسور " المعز " . وجال بخاطري عِتاب في حق البروفيسور " معز". ليس من تكذيب للحدث الذي رواه ، وليس من غيبة الرؤى الأخرى . لكن الدنيا في الحقيقة كرة دائرية . لذات الحدث ، يراه المتشاركون كل من وجهة نظره ، ومن تاريخ طويل . فما بالكم بالحاضر المراقب ، وصاحب الشأن الغائبة رؤاه ؟! . الفنان محمد الأمين لا نطلب منه أن يكون ملاكاً ، كما أن ما تم في المقال عِتاب لمحمد الأمين الفنان ، يقتضي أن يكون لصاحب القضية رأي ، ثم يُصدر الحكم له أو عليه . وأن المقال الأول لا يتحدث عن قطف من حياة الأستاذ " محمد الأمين " ، ولكنه يقف بالمرصاد للتاريخ الفني والإرث الإنساني في مقابل حدث لا نعرف كل تفاصيله . * أذكر مرة كان الفنان وهو صديق أحد زملاء المنبر : الأستاذ " آدم موسى محمد أحمد " قد تغنى في حفل زواجه في السودان . واجتمع " البورداب " للتصوير بصحبته " ولما سأل عن " الشباب " فقيل له : ( ديل بورداب " سودانيز أونلاين " ) فرفض " الفنان " التصوير ، وقال سببه أن سودانيزأولاين كتبت ثلاث مرات أنني قد رحلت ، وتعرفوا ما سببه ذلك من أذى عليّ وعلى أسرتي وأصدقائي ومعارفي !!! فأسقط في يد الجميع . * ثانياً ، من حقنا جميعاً أن نختلف وكما قال الشاعر الراحل " حسن الزبير "
درسني بس قانون هواك بحفظ حروفهُ حرف حرف
لكني أرى ألا يكون لخلافنا إلا قانون الخلاف نفسه وبمحبة . فلسنا أنصاف آلهة . فالكتابة في الصحف بتفاصيل حول المال والدولارات ومحمد الأمين ، تؤسس لمقولة أن الفنان الكبير " يحمل محبة للمال وبُخلاً ، وأنه يضرب بكل القيم الإنسانية الفاضلة في التعامل . بل وقد تم نشر تلك الملابسات رغم عدم معرفتنا لتفاصيلها من أنها هي " الوجه الذي يتعين أن نعرفه عن الأستاذ محمد الأمين " ، وضرب المقال دون قصد في مصداقية الرجل . فالبروفيسور " المعز " صديقنا قد كتب ببراءة وأصدر الحكم ، ولكنه نسي من يكون هو . فهو ليس عابر سبيل كتب عن الأستاذ محمد الأمين ، ولكنه البروفيسور " المعز عمر بخيت " ذاك العلم الذي في رأسه " نار الدُنيا والعالمين ". أليس كذلك ؟ ولمقاله مصداقية كبرى .. وقد كان المقال الأول بحق ضربة إعلامية قاضية على رمز من رموزنا الفنية والوطنية ، ونحن نعرف براءة الكتابة وعفويتها . لكن المردود خطير بحق . أرجو من صديقنا النبيل البروفيسور " المعز " أن يسامحنا في هذا الشكل من العتاب .
Quote: سارحة مالك يا حبيبة ساهية وأفكار بعيدة بقرا فى عيونك حياتى وعاملة مشغولة بجريدة... بتقرى فى إيه ..كلمينى يا سلام.. مهتمة عاملة... يعنى لازم تقرى هسه مقال.. بحاله قصة كاملة... كم شهور مرت علينا وبينا بعد... فرقة شاملة.. العيون رويانة تبكى.. والقلوب مشتاقة آملة أى حاجة تمر .. بخاطرك قصة أو أخبار جديدة.. عندى ليك خبر أهم .. جايبو بأشواق شديدة.. اسمعى وطاوعينى مرة أيوة ما تخليك عنيدة عايز أقول لك ولا سيبك أقرى أحسن فى الجريدة عايز أقول لك.. ليه أقول لك.. ما بقول لك مش مخير ساعة مرت ساعة واكتر .. والوقت روح تأخر زى عنادك.. عايز اعاند.. لكن يظهر ما حأقدر عايز اقول بحبك يا وحيدة.. بقرى فى عيونك حياتى وعاملة مشغولة بجريدة...
Quote: سارحة مالك يا حبيبة ساهية وأفكار بعيدة بقرا فى عيونك حياتى وعاملة مشغولة بجريدة... بتقرى فى إيه ..كلمينى يا سلام.. مهتمة عاملة... يعنى لازم تقرى هسه مقال.. بحاله قصة كاملة... كم شهور مرت علينا وبينا بعد... فرقة شاملة.. العيون رويانة تبكى.. والقلوب مشتاقة آملة أى حاجة تمر .. بخاطرك قصة أو أخبار جديدة.. عندى ليك خبر أهم .. جايبو بأشواق شديدة.. اسمعى وطاوعينى مرة أيوة ما تخليك عنيدة عايز أقول لك ولا سيبك أقرى أحسن فى الجريدة عايز أقول لك.. ليه أقول لك.. ما بقول لك مش مخير ساعة مرت ساعة واكتر .. والوقت روح تأخر زى عنادك.. عايز اعاند.. لكن يظهر ما حأقدر عايز اقول بحبك يا وحيدة.. بقرى فى عيونك حياتى وعاملة مشغولة بجريدة...
مشكلتى مع عدم اتساق المثقف السودانى والأنا التى هى الدافع والمحرك..
وفى هذه ضاعت أشياء كثيرة أدت لتوهان اﻹنسان السودانى بعيدا عن الحق والحقيقة..
يعنى فى سودننا هذا مستحيل تجدى طبيب يخطئ طبيبا إلا إذا كان له معه سوابق سالبة.. وممكن أن تجدى سياسى السوء بعينه ولكنه حبيب الصحفيين وبذلك لاتسمعى عنه إلا كل خير.. وممكن ضابط الشرطة يغير محضر كامل كى لايدين زميله..
وممكن لأى فنان منافق أن يسلم من ألسنة وأقلام سنينة, وآخر يوقعه اتساقه مع نفسه فى أشر خلقه وتصبح حبته قبة ويصبح دفاعه عن حقه الأصيل سبة فى جبينه..
ولو لم نقف لهذا السلوك لقضى الصفوة والمثقفون على كل السودان ومن كل جوانبه بعد القضاء على الحقيقة.
أما العامة فيمكن تجييشهم بمكالمة تلفونية أو رسالة مسنجر أو وجاهة كلام وبعد ذلك يمكنهم أن يستلهموا جرافاتهم لدفن الحقيقة وصاحبها!!
Post: #30 Title: Re: يادكتور معز ....... Author: سيف النصر محي الدين Date: 10-18-2012, 05:08 PM Parent: #29
يعني شنو يناطح كبد السماء؟؟
Post: #31 Title: Re: يادكتور معز ....... Author: عبد اللطيف بكري أحمد Date: 10-18-2012, 05:22 PM Parent: #29
كنت قد كونت فكرة سالبة جداً عن الاستاذ محمد الامين في حلقة بثت على الهواء مباشرة
كان مقدم البرنامج الثنائي الشفيع ونسرين سركتي
محمد الامين أحرط الاتنين ديل وخلاهم مرتبكين طوال بث الحلقة ويقينا أنهما أكملاها على كرهٍ شديد وأداء للواجب!!
زعل محمد الامين لانهما لم يسألاه من ضمن الضيوف قائلاً يعني انحنا هنا عشان نغني بس؟؟ وطفق الاثنان يخسفان عليه من عبارات الاعتذار دون جدوى وكهرب الجو والعام وغنى بذان النبرة والطريمة،،
محمد الامين للذين يطالبوننا بإحترام تراثه وإثراءه لوجداننا فإنه لا يختلف عن أي لاعب محترف في أي مجال قبض ثمن اغنياته على دائر المليم وما حدث منه ليلة البحرين قبيح قبيح قبيح لا يرضينا ولن نصمت بحجة أنه قمة الغناء في السودان ونتجاوز عن أخطائه
هو لايرحم من يخطيء ابداً ولا يتوانى في الجهر بمعصية اختلافه مع الناس بل وأظنه خلق لنفسه هالة من التكبر لا تليق بمن يخاطب الوجدان ويعلم الشعوب،،
المهانة التي حدثت للمذيع الناشيء محمد وفريقه العامل في قناة الأزرق مأساة بحق تعمد محمد اللمين ان يفاخر بإضطهادهم وإلا لما أعلن ذلك للحضور : عفواً ليس بيننا إتفاق!!! مثل هذه المفاوضات تحدث في الكواليس وقبل الحفل بزمن كبير ويقوم بها مدير الاعمال او من ينوب عن الفنان وليس بنفسه!!
تعامل معنا محمد الامين بمبدأ الربح والخسارة فدفعنا له الثمن وتركنا بضاعته في قاعتها فهي لاتلزمنا،،
كل الذين كتبو هنا لايفوقونا حباً للاستاذ بدليل اننا سافرنا له خمسماية كيلومتر ولكم ان تقيسو حجم عتابنا له ونحن برغم ذلك نغادر الحفل بعد اغنيتين!!! شكراً د معز عمر بخيت فقد احسنت التعبير عنا،،
محمد الامين أخطأ ، وخطأ فادح ، لن يشفع له عطاؤه المتراكم : فنحن نشتري بضاعته من حر مالنا وليس له أن يمتن علينا بما يبيع !! بيننا وبينه بعد هذا اليوم إما أشترينا او يفتح الله
Post: #32 Title: Re: يادكتور معز ....... Author: سيف النصر محي الدين Date: 10-18-2012, 05:56 PM Parent: #31
هسه بالله يا عبد اللطيف يكون زول في ثقافة و مقام ود اللمين موجود في حلقة تليفزيونية و معاهو مذيعين اقزام انصاف مثقفين و ضيوف يعلم الله وحده بحالهم ثم يتفق الجميع على تجاهله في الحوار و الاكتفاء بطلب الغناء منه زيو و زي شريط كاسيت ثم بعد ده كله عايزو يسكت ليهم!!! القصص دي زادت محمد الأمين في نظري كثيرا و ساكرر مرة أخرى نحن فعلا في حاجة لقيادات بحجم و شجاعة الاستاذ للبدء في القيام بثورة شاملة ضد العشوائية و عدم الانضباط و عدم معرفة مقامات الناس و اقدارهم و غياب ثقافة الحقوق و الواجبات...سير...سير يا باشكاتب نحن جنودك للتغيير .
Post: #33 Title: Re: يادكتور معز ....... Author: عبدالوهاب علي الحاج Date: 10-18-2012, 06:04 PM Parent: #32
Quote: فدفعنا له الثمن وتركنا بضاعته في قاعتها فهي لاتلزمنا،،
ياعبد اللطيف
ياها الألفين دولار دى زائد 200 دولار لكل عازف؟
وانتو مالكم ومال قناة النيل الأزرق؟ مايحرجهم أو يطردهم, لو عندهم اتفاق كان غرموه حق الطيران واﻹقامة.. أم عشان السفير وناس اللجنة المنظمة عايزين يفرضوهم عليه لازم يقبل؟
واكرر مرة تانية دكتور معز لو البينو وود اللمين عامرة كان دافع عنه الغرض مرض!!
* دا اسم أطلقه عليك صحفى كبير فى ناحيتنا هنا ومتابع لما ترشه فى الحوش دا!
Post: #37 Title: Re: يادكتور معز ....... Author: عبد اللطيف بكري أحمد Date: 10-18-2012, 06:38 PM Parent: #36
Quote: هسه بالله يا عبد اللطيف يكون زول في ثقافة و مقام ود اللمين موجود في حلقة تليفزيونية و معاهو مذيعين اقزام انصاف مثقفين و ضيوف يعلم الله وحده بحالهم ثم يتفق الجميع على تجاهله في الحوار و الاكتفاء بطلب الغناء منه زيو و زي شريط كاسيت ثم بعد ده كله عايزو يسكت ليهم!!! القصص دي زادت محمد الأمين في نظري كثيرا و ساكرر مرة أخرى نحن فعلا في حاجة لقيادات بحجم و شجاعة الاستاذ للبدء في القيام بثورة شاملة ضد العشوائية و عدم الانضباط و عدم معرفة مقامات الناس و اقدارهم و غياب ثقافة الحقوق و الواجبات...سير...سير يا باشكاتب نحن جنودك للتغيير .
والله ياسيف لو عايزين تقلبوا الحكاية هلال مريخ وتحولو الناس كلها لأقزام وانصاف مثقفين عشان خاطر ابو اللمين يبقى نقاشكم جائر ونظرتكم انطباعية مؤبدة لاتقبل ان يوصف الاستاذ بأنه أخطأ ، كدا بس رجالة زي مابنقول نحن السودانيين!!
وبعدين اين هي ثقافة ابو اللمين !!
أسوأ متحدث في برنامج محدود الزمن لا يفوقه في السوء الا الطيب صالح : (الحي الله والكاتل الله) !!
نقاشنا تحول لجدل اخي سيف: نحن تحدثنا في حادثة واحدة وانت والبعض هنا تعممون الحكم على مسيرة كاملة أحببناها مثلكم تماما في فنانا العظيم!!
نسرين سركتي ليست مذيعة قزم يادكتور وهي تفوق ابو اللمين بمراحل في ترتيب افكارها وطلاقة لسانها بذات البون الذي يفوقها فيه في عزف العود
بنفس القدر الذي احب ان استمع لابو اللمين عازفاً ومغني اكره جداً ان انصت له متحدثاً ،،
نحن ضد التغيير ان جاء بمثل هذه الفوقية والازدراء ،، نحن دعاة الرجعية والتخلف والقهقري في الغناء والعودة لابوداؤود وعثمان حسين ولتسقط دكتاتورية اليسار المغني هههههه هو شنو اصلو قاليكم؟؟؟
Post: #38 Title: Re: يادكتور معز ....... Author: عبد اللطيف بكري أحمد Date: 10-18-2012, 07:06 PM Parent: #37
Quote: بد اللطيف
ياها الألفين دولار دى زائد 200 دولار لكل عازف؟
وانتو مالكم ومال قناة النيل الأزرق؟ مايحرجهم أو يطردهم, لو عندهم اتفاق كان غرموه حق الطيران واﻹقامة.. أم عشان السفير وناس اللجنة المنظمة عايزين يفرضوهم عليه لازم يقبل؟
واكرر مرة تانية دكتور معز لو البينو وود اللمين عامرة كان دافع عنه الغرض مرض!!
كيف انحنا مالنا ومال قناة النيل الأزرق؟؟ وانتو مالكم ومال ابو اللمين؟؟
نحن نموت دون قناة النيل الأزرق وهي تحمل علم السودان في دولة أخرى!!
ليه يحرجهم او يطردهم يادكتور بلة؟؟ يادكتور هي بالبساطة دي؟؟ طيب خلي دكتور معز يمسح بابو اللمين الارض ، هو منو اصله ياخ، عثمان حسين؟؟
هي كذلك الامور تقاس بالمثل ياحبيب ، نحن استهجاننا لو تعلم لانصفتنا بصمتك على الأقل : نحن لم نقبل أن يصدر مثل هذا العنف في اللفظ والفعمل من شخص نحبه!!
هذا ما لم نتقبل ان تكون خصالاً في إنسان فرض علينا حبه بأعماله وبادلناه ذلك إعجابا واحتراما ومابدر منه ندرجه من شاكلة ظلم ذوي القربى والله،،
حبيبنا د بلة: هون عليك ،يارجل، فالموضوع شخصي بحت ، انا والله لن تجدني احتفي بابو اللمين من هنا ولي قدام ، تماماً كما افعل مع التاجر اللئيم القطيم في الحي والوحيد العندو السلعة المعدومة!!
Quote: يكذب فيك كل الناس قلبي و تسمع فيك كل الناس أذني. ، وكم طافت على ظلال شك أقضّت مضجعي واستعبدتني كأني طاف بي ركب الليالي يحدث عنك في الدنيا و عنّي ،، على أني أغالط فيك سمعي و تبصر فيك غير الشك عيني ولا أنا بالمصدق فيك قولا و لكني شقيت بحسن ظني و بي مما يساورني كثير من الشجن المؤرق لا تدعني تعذب في لهيب الشك روحي و تشقى بالظنون و بالتمني أجبني إذ سألتك هل صحيح حديث الناس خنت ألم تخنـّي أكاد أشك في نفسي لأني أكاد أشك فيك و أنت مني يقول الناس انك خنت عهدي و لم تحفظ هواي و لم تصني و أنت مناي أجمعها مشت بي إليك خطى الشباب المطمئن؟؟!!
Post: #39 Title: Re: يادكتور معز ....... Author: أمير عثمان Date: 10-18-2012, 07:30 PM Parent: #38
Quote: ياصلاح لو كان ود اللمين من خاصة دكتور معز لدافع عنه وهذا مايجعل السؤال فى محله!
وحتى ولو كان هذا صحيحا ... فإن ذلك يضع البروف محل نقد ... ولا يضع الأستاذ فوق النقد ... وتحياتى ...
بالتأكيد دكتور معز قامة نفخر بها جميعا ، والأستاذ محمد الأمين قامة ... المسألة مسألة رأي ورؤيا ، والاختلاف فيهما لايقلل قيمة أيهما ، فلكل وجهة نظره المقنعة جدا له فيما ذهب والتحية لكليهما
Post: #43 Title: Re: يادكتور معز ....... Author: سيف النصر محي الدين Date: 10-18-2012, 09:24 PM Parent: #42
Quote: بالتأكيد دكتور معز قامة نفخر بها جميعا ، والأستاذ محمد الأمين قامة ... المسألة مسألة رأي ورؤيا ، والاختلاف فيهما لايقلل قيمة أيهما ، فلكل وجهة نظره المقنعة جدا له فيما ذهب والتحية لكليهما
التحية لكل الشعب السوداني معاهم بس اظن انو معز بخيت مفروض يعتذر للأستاذ محمد الأمين لأنو كلامو القالو كلو غير صحيح و اطلاقا ما في حاجة اسمها وجهتي نظر مقنعتين جدا في ما يتعلق برواية احداث معينة. الاحداث يا اما انها حصلت او لم تحصل و المجال اطلاقا ما مجال وجهات نظر. الأخ المعز ربما غابت عنه حقائق و الآن عرفها. اذن ليس امامه خيار غير الاعتذار او المكابرة. هسه يعني في ذمتك يا عبد الدين انت مصدق الروايتين و شايفهم الاتنين مقنعات جدا؟؟
لماذا يلقى كل اللوم على الباشكاتب فيما حدث وتصوير الجهات الاخرى بالبراءة والوداعة على الرغم من انها موغلة فى الخطا لكن كال الجميع الاتهامات للباشكاتب لشىء فى النفوس فالباشكاتب مغنى محترف وليس هاوى يدندن فى جلسات الاصدقاء للتسرية عنهم وهو عضو ملتزم فى اتحاد المهن الموسيقية ويسدد التزاماته المالية والضريبية عن اعماله وانشطته وفوق كل ذلك فهو معروف بالمهنية العالية والصرامة تجاه فنه واعماله وعدم المجاملة فى الحق
وقناة النيل الازرق ايضا يفترض ان تتميز بالمهنية باعتبار ان لها نشاط تجارى من الاعلان .. والسؤال : اذا لم يقف الباشكاتب هذا الموقف وسمح لفريق القناة بتصوير وبث حفله .. كم كانت ستتكسب القناة عند بث الحفل من الفواصل الاعلانية والاشرطة المتحركة ؟
فى كل العالم هناك دقة متناهية فيما يتعلق بحقوق البث والملكية الفكرية وحقوق المؤلف تلتزم بها القنوات ووسائل الاعلام والجهات الاكاديمية بشكل صارم خوفا من عواقب ما قد يجره عليها اى عمل عشوائى لا يراعى هذه الحقوق .. فما نراه على اثيرها او صفحاتها من مختلف ضروب النشاط الذهنى او الحركى تكون كافة جوانبه المرتبطة بالحقوق قد حسمت مسبقا وراء الستار وقبل عرض العمل الفنى ويكون كل طرف عالم بحقوقه وواجباته ويتحمل اى عواقب نتيجة اخلاله باى شرط ..
وقناة النيل الازرق تخطت بفعلتها تلك كل هذه المبادىء المهنية والقانونية وتعاملت باقسى انواع الانتهاك وارادت ان تتكسب من عرق الغير دون وجه حق .. واندهش لمن يريد قلب المفاهيم بحيث يعتبرفعلها المتكسب الرخيص بطولة بينما تمسك الباشكاتب بالمهنية جريمة .
ولقد تعودنا كسودانيين ان نجامل دائما حتى فى حقوقنا وفى حق وطننا ايضا حتى اصابنا ما اصابنا من وهن بل الادهى ان نشن حملة شعواء ضد من يتمسك بحقه ونتعجب كيف انه لم يرضى الهوان مثلنا .. فتحت مسمى الطيبة والكرم والشهامة بمفهومنا السودانى الخاطىء لتلك القيم كم ضاعت من حقوق بل اضعنا الوطن كله ..
والبروف المعز - كعالم وسياسي واديب - يفترض به ان يكون لجانب المهنية والحقوقية وصاحب منهج علمى فى النقد وتقييم افعال الاخرين لا ان يغلب عليه الجانب العاطفى بمحاولة ارساء مبادى المجاملة على حساب الحق .
ولمن يرفض تقزم غالبية مذيعى اجهزتنا الاعلامية اكرر انه كذلك فكم من حوارات ضاعت بسبب تقزم المذيع عن قامة الضيف .. ولمن يرى الباشكاتب مجرد مؤدى لا نصيب له فى الحوار والنقاش مع القامة الاعلامية نسرين احيله لبرامج التلفزيون فى زمن لم يكن للاقزام والواسطة دور فى اختيار منسوبيه احيله لاحدى الحلقات التى ضمت البروف على المك وشبرين والباشكاتب من تقديم بروف الطاهر - على ما اذكر- وفيها افاض الباشكاتب فى الحديث اكثر من الغناء وكانت الحلقة عن الحزن فى الاغنية السودانية .. فالحق ان قدر الرجال يعرفه الكبار كالمك وشبرين وطاهر ولا تعرفه تلك النسرينة .. عجبى ..
سلام يا دكتور بلة ,, كيفك والأسرة الكريمة وكل سنة وإنتو طيبين بصراحة لو داير تدعم صف ود الأمين وتغلط دكتور معز سؤالك ده مافي محلو ابدا ,, والله صحي يعني معقولة لو فرضنا ود الأمين رفض يغني لي دكتور معز , يكون ده دافع لي معز عشان يتشفى منه ؟؟ غايتو بوستيك ده فهمو مقروم , وشتت الهجوم ’ اي هجمة بترجع مرتدة ليك إنت
وبراك سويتها في بوستيك
التحية ليك ولزوارك الكرام
وللموسيقار ود الأمين والشاعر بروف معز وكل سنة وإنتو طيبين
Post: #46 Title: Re: يادكتور معز ....... Author: Osman Musa Date: 10-18-2012, 11:11 PM Parent: #45
سلامات يا شباب جملة . الفنان محمد الامين يا جماعة عتابو صعب . والله العظيم عتابو صعب . يا ناس ده فنان الملحمة ( وسال الدم في بطن ال..... ) يا شباب الفنان عبدالوهاب الدكالي أتخلع بعد سماعو أغنية يا ناعم العود عند محمد الأمين . ده محمد الأمين حقنا يا أخوان . زولنا . فنان الأمة . عليكم الله لو ما الدنيا عوج . زي محمد الأمين يسافر ولي البحرين عشان عشرين ألف دولار بس ؟ عشرين ألف دولار ما تجيب حق باروكة ليدي غاغا . وليدي غاغا تكون شنو بالنسبة لمحمد الامين ؟ الفنان محمد الأمين يا جماعة ما بتهبش . يا شباب نخلي محمد الأمين علي كيفو . زي ما بعزف العود علي كيفو وزي ما طوع الجريدة علي كيفو . .. عزيزنا د / معز بعد السلامات عارف يا د / معز محبتنا ليك ونشاطك قدر شنو من زمنك الفي الكلية . يعني تقديرك في محلو يا عزيز والله يا د معز خجلان شديد اكاجرك في دي . ياخ نسيت الزول الجدع عمتو في أغنية 4 سنين ؟ لك التحية
اتفاقى التام مع أمير الحسن ومفروض أروق شوية .. الا حديث المطاعنات حديث صحيح ..
هل طلبت من ود الامين يغنى ليك قصيدة ؟! هل يشمل ذلك شروق ابوالناس؟!
ده كلام ده يا دكتور ؟!
بالنسبة للفنان الكبير جدا محمد الامين .. أذكر جيدا طرده لطلاب من جامعة الخرطوم طلبوا منه الغناء فى ذكرى إكتوبر ما بقوله : أمشوا اطلعوا بره .. أنا دار الاتحاد بتاعكم ده ذاد الشجون ما أغنيها فوقو .. تقولو لى أغنى لاكتوبر ؟!!!
وكان أن غنى أبوعركى فى ذاك الاكتوبر كما يفعل دوما .. وبالرغم من ذلك كنت وما زلت لا أستطع صبرا مع بتتعلم من الايام .. لا حولااااااا .. ومتين عرف الهوى قلبك .. بيد انى لم أعد أستسيغ غناءه لاكتوبر "المنكور" ..
Post: #48 Title: Re: يادكتور معز ....... Author: سمير شيخ ادريس Date: 10-19-2012, 01:38 AM Parent: #47
سلام محمد المشرف يا صاحب المنهج العلمى والتحليل الشامل هل هذا الموقف الوحيد جعلك تحكم على الباشكاتب وتناسيت انه غنى فى الميدان الشرقى والغربى عدة مرات وفى اوسع ميادين الديوم احتفاءا بفوز نقد محمد الامين فنان ولم يطرح نفسه كسياسي حتى تحاكمه بالموقف السياسي ومتى اتخذ هذا الموقف ؟ اليس فى عصر الانحطاط السياسي الماثل اذا نكر الباشكاتب اكتوبر مرة فقد نكرته التنظيمات المعارضة الف مرة هل احتفى التجمع او اى حزب بذكرى اكتوبر طيلة عهد الغيهب هذا ؟ ليست سوى محاولات خجولة على المستوى الطلابى لذر الرماد فى عيون الهزائم اليومية متى اخر مرة احتفلت بذكراه انت شخصيا ؟ اكتوبر منكور نعم بل مقبور ورفيقه ابريل .. والقابرون هم الصامتون على هذا العار كلنا .. والمعارضون والاحزاب التى قبرته بالمطاطاة وهى اولى باللوم لان اكتوبر حرفتها وليست حرفة المغنين لن تحدثنى ارجوك عن الفن والتزام الفنان وتوحد الرؤى والواقع والمعاش فلا اتحدث هنا عن التزام لكن عن ترتيب الاولويات ومن هو احق بتوجيه اللوم ليس للنكران بل للخيانة وانه لذنب اعظم من الانكار
Post: #49 Title: Re: يادكتور معز ....... Author: محمد حيدر المشرف Date: 10-19-2012, 02:13 AM Parent: #48
الاخ سمير شيخ ادريس .. كيفك وكيف كيفك يا عزيزي ...
لم يكن حكما .. كانت واقعة مؤلمة ليس الا .. وعموما السلوك الانسانى الفج مسألة مؤلمة جدا وغير مبررة فى مقامات كهذه .. ومن زول فنان فناااان
كم كان جميلا لو اعتذر عن الغناء لاكتوبر و .. أجمل من ذلك يا عزيزي لو خاطب أؤلئك الطلاب بالاحترام الجميل الذى أتوه به.. بل وفى خواطرهم تزدحم الكثير من الرؤى الوطنية والعاطفية و .. وداللمين ورجوع ود اللمين و ..
المهم .. مسألة السلوك الفج دى كانت مؤلمة جدا فى ذاك المقام البعيد .. عدا ذلك .. وأتكلم عما بخاطرى .. تبقى بتتعلم من الايام .. وتبقى ذات ذاد الشجون التى أبى التغنى بها فى دار "اتحادنا داك" ويبقى محمد الامين أو ود اللمين .. قامة غنائية شاهقه نستمع ونستمتع بأغانيه إن أصابنا شيئا من الحنين أو ما تيسر من مزاج الى الغناء ونحوه ..
سلام يا اهلنا وكيف الاحوال دكتور بله بعد التحية محمد الامين فنان قامة وأغانيه لا يختلف عليها اثنان.. ولا اري أن في نقد د. معز اي تجاوز او تحامل عليه.. بل هو رفض لسلوك معين وتكبر من ود الامين علي الجميع بما فيهم محبيه ومعجبيه
في عام1995 كنا في جامعة السودان بصدد القيام بحفل خيري وعندما تحدثنا مع ود الامين علي تخفيض استحقاقه من الحفل علي اساس اننا طلبة وأن الحفل خيري رد لنا بكل استهتار: يعني شنو طلبة??? ح تدخلو الناس بنص القيمة انا ما بعرف طلبة ولاّ ما طلبة.. ثم ذهبنا الي ابو عركي فأقام الحفل دو إن يأخذ منه ولو جنيه فقط قال: ادوا العازفين حقهم.. فلك إن تقارن بين الموقفين والرجال مواقف......
لا اعتقد أن أحدا منا يملك ما يؤهله لمحاكمة محمد الأمين ...
حتي د. معز نفسه رد و نفي ما قاله ...
محمد الأمين تغني في حب الوطن من قبل ميلاد بعض من ردو في هذا البوست ...
أرجو أن لا نحاول تشويه صورة كبارنا ...
وأنا علي ثقة أن الأخ معز نفسه لا يرضي ذلك ولا يضع نفسه ندا للأستاذ محمد الأمين
تحياتي لزميل الدراسة و الزمن الجميل الأخ معز عمر بخيت
والتحية و التجلة للعملاق محمد الأمين
Post: #52 Title: Re: يادكتور معز ....... Author: محمد حيدر المشرف Date: 10-19-2012, 07:20 AM Parent: #51
Post: #53 Title: Re: يادكتور معز ....... Author: الرفاعي عبدالعاطي حجر Date: 10-19-2012, 11:04 AM Parent: #52
Quote: الاستاذ الرفاعي ....لم يخطي المعز ابدا في حق محمد الامين وان كنت ترى بصفة شخصية كما اخرين ان الفنان شي مقدس فبالنسبة لي لا وبالنسبة لاخرين ما قدمه ويقدمة المعز من الناحية الطبية بس شي مقيم اكثر من الغنا والموسيقا ....مافي زول قلل من قيمة محمد الامين كفنان ولكن كانسان فهو مستعجل جدا ومحرج وانا بقولا ليكم محرج بكل المقاييس ولا داعي له بالجمهور والقصص دي وهو لا ينكر وهو لا يقف عند البرتكولات ابدا وفي اخر حفل بصالة اسبارك ستي له وكنت حضورا ومستمتعة وعند لحظة تكريمة من قبل الجهة المنظمة لم يكن بطريقة تليق الموقف قد احرج من اتى على المسرح لتكريمة ولم ينظره ولم ياخذ الهدية بطريقة جميلة ابدا وقد اغلقني هذا التصرف ولكننا شعب متسامح سرعان ما اندمجت في الحفلة ونسيت .....المعز رجل قامة لاتقل ابدا من محمد الامين ومحمد الامين في اكثر من صوت ادان تصرفه وهذا يكفي ففيما المكابرة ...محمد الامين فنااان بقامة الوطن ومحرج لدرجة ......
مني احترامي ....
استاذة نعمات حمود
اخطأ المعز عمر بخيت في نقل الخبر وفق صيغة تجريمية بحتة ولعلك على ما تصديره لك علاقة ما بالاعلام او الصحافة !! هل ما كتبه بروف معز له علاقة بنل خبري ؟؟؟ ام بالادانة ؟؟؟
..............
عباس الفحل يا سيدي يحق لك ان تفخر نفاخر نحن كذلك به كعالم واستاذ وغيرها من شهادات حازها ... نحن الان في د. معز الصحفي ؟؟؟
........................
استاذ رضا
كما قال سابقي لا تعني بالضرورة نفي الاخر لكن لم اذكر من كتب كنت اقرأ ولا اتفحص في العموم غير الردود يعني الاسماء تأتي لاحقاً على كل حال هو رأيك نحترمه
مع احترامنا وتقديرنا لفنان السودان الأول(في رأيي ) محمد الأمين واعترافنا له بتشكيل مشاعرنا العاطفية والوطنية في فترة من فترات حياتنا الا أن هناك وقائع محددة ذكرها بروف معز الذي لانشك في مصداقيته جعلتنا نشيل اللوم والعتب للباشكاتب وحسنا فعل بروف معز في القاء هذا الحجر في بركة الحق والحقوق الساكنة حتى يعرف كل حقه وحق الآخرين. بس د. بله سؤاله استفزازي وقد أجاب عليه البروف بتواضع العلماء ولم يرتد فعله بمقدار ذلك الأستفذاذ !!
أما مسألة شروق ابو الناس دي والله كمان حكاية! فشكرا لك ياموصلي في ايصال افكار معز من غير أذى
وتحياتي لكم جميعا
ود الشيخ الذي يحفظ 98% من اغنيات ود اللمين عن ظهر قلب (كلمات وموسيقى)ويدندن بها اينما حل
Quote: بالتأكيد دكتور معز قامة نفخر بها جميعا ، والأستاذ محمد الأمين قامة ... المسألة مسألة رأي ورؤيا ، والاختلاف فيهما لايقلل قيمة أيهما ، فلكل وجهة نظره المقنعة جدا له فيما ذهب والتحية لكليهما
المقتبس أعلاه للصحفى عبد الدين سلامة وهو يتحدث عن وجهتى نظر فى مسألة تناقش الحقائق مسألة لاتقبل أن يكون هناك صحيحين..
وهذا مثال للمثقف ومسك العصا من النصف.. فالصحفى السودانى دوره المجاملة والتلميع وإلا دفن من لايرضى عنهم.. فعبد الدين كان عليه أن يسعى لوجهة النظر الأخرى بدلا من أن يساوى بين الأثنين..
وهكذا يسعى سوداننا الى حتفه بمثل هذه الأمثلة فى كل مناحيه..
البوست دا بكل وضوح عن عدم مبدئية المثقف السودانى عموما ودكتور معز خصوصا.. الناس قالوا القامة العلمية السامقة ولانشك فى مصداقيته أبدا وانا عرفته بشروق واشهد له وافخر به وماشابه ذلك من إكليشيهات الصفوة التى لوثت عقول العامة فى السودان..
فى رأيى دكتور معز لايحركه إلا ما يخص ذاته ويرضى نرجسيتها.. وعندما ذكرت شروق أبوالناس أذكر جيدا البوست تلو الآخر عنها فى هذا المنبر حتى ظننت أنه سيتبناها, إلا أنها لم تنجح فنيا بأى درجة ترضى نرجسية معز. والدليل على اهتمامه بشروق تجدونه فى مكتبته..
فى السودان ليس كل من يحمل شهادات عليا صادقا وأمينا ومتجردا, فإن كان الأمر كذلك فمن أتى لحكمنا يوم 30 يونيو هم صفوة المتعلمين فى السودان, حزب كامل قاعدته وقمته من أميز طلاب السودان, ولكننا بعد 23 عاما لم نصبح أميز دول القرن الأفريقى!
كما قلت دكتور معز له أسبابه الخاصة والبعيدة عن ما فعله ود اللمين فى البحرين, وهذه الدوافع الخاصة وجدت متنفس لها فى ملابسات حفل البحرين فانفجرت هكذا دون كابح.. وربما هذا المقال يكون قد وصلت نسخة منه للبلاط الملكى البحرينى وسفير السودان بالبحرين وجميع الخواص وبعض العوام..
العايز يتكلم عن شطارة دكتور معز يجرى يلعب بعيد ويعمل بوستات أخرى, فمعرفتى به كانت بالكلية.. و بعض من دافعوا عن معز هنا لايتورعون فى الدفاع عن باطل إذا تماشى مع مصالحهم, وأحدهم يشترك مع معز فى ذات الصفة اﻹقويزمية.
البوست هذا ليس دفاعا عن ود اللمين ولا ينفى أنه لايخطئ, بل ربما يكون لئيما ولاذعا وغير مجامل فأنا لاأعرفه. ولكنى أعرف دكتور معز وأكاد الآن أستمع لهاتفه يجوب الفيافى ومسنجره يضرب كل المسنجرات المتعطشة لرسالة منه وأكاد أتخيل فحوى كل ذلك..
أخيرا المثقف السودانى جلهم محمد المشرف زميل المنبر أو قل جلهم حسن عبد الله الترابى " المفكر اﻹسلامى" لذلك نحن لن نعطيهم عيشنا ليخبزوه لأننا لانثق فى خبيزهم, وسنظل نحرق عيشنا حتى يحترق المخبز.
Quote: ولانشك فى مصداقيته أبدا وانا عرفته بشروق واشهد له وافخر به وماشابه ذلك من إكليشيهات الصفوة التى لوثت عقول العامة فى السودان..
كنت منتظرك ترد على الردود بطريقة منفردة ولكنك فضلت التعويم يا د بله للأسف لأن الفي رأسك (في) راسك لن يستطيع أحد منا أن يغيره بتاتا وللمرة التى لاحدود لعددها أقول لك بأن د معز لم يطلب من أي فنان أن يلحن له نصا وأول لحن لنص له كان عافية المطر وهو نص طويل اقتطعت منه الجزء المُغنى بعد الاستئذان من البروفيسور وكنت أريده لنفسي ثم بعد ذلك تغيّر الامر بعد زيارتي للامارات ثم البحرين حيث عرفتهما ببعضهما البعض وتم العمل المشترك ---- كون شروق تنجح أو لا تنجح فهذا لا أحدده أنا أو أنت ولكن لو إفترضنا فشلها فما دخل هذا في المشكلة الجارية عجبي
Post: #57 Title: Re: يادكتور معز ....... Author: احمد التجانى احمد Date: 10-19-2012, 02:15 PM Parent: #55
Quote: لمقتبس أعلاه للصحفى عبد الدين سلامة وهو يتحدث عن وجهتى نظر فى مسألة تناقش الحقائق مسألة لاتقبل أن يكون هناك صحيحين..
وهذا مثال للمثقف ومسك العصا من النصف.. فالصحفى السودانى دوره المجاملة والتلميع وإلا دفن من لايرضى عنهم.. فعبد الدين كان عليه أن يسعى لوجهة النظر الأخرى بدلا من أن يساوى بين الأثنين..
وهكذا يسعى سوداننا الى حتفه بمثل هذه الأمثلة فى كل مناحيه..
يعنى تكون يا بله شايف انه السودان عشان ما يسعى لحتفه ناسه يعتمدوا منهج الاستفزاز والسخافه بدل مسك العصايه من النص والمجامله كما تسميهم , طيب معز بخيت قال رائه بصراحة فى محمد الامين الفنان وما مسك اى عصايه جيت سيادتك عملتها ليه شروق ابو الناس وما غنى ليك قصيدة فى شكل مطاعنات واضحة بتدينا الحق برضو نسالك هل لك مشكله مع د. معز هل مثلا انت شايف انك يعنى احق منه بالشهرة فى المجال الادبى والطبى (ان كانت دكتور بتاعتك دى تشير لطبيب)
Quote: man can leave the neighborhood but the neighborhood can never leave the man
عجبتنى يا أحمد
حلوة ونحن أصلا هنا عشان شنو؟ ماعشان نزامل الناس البعرفوا الكلام باﻹنجليزى زيكم!!
بس برضو انت جيت عشان فى نفسك شئ من مصر يا أم بلادى ياحبيبة!!
المهم يازول أنا بجيب البلالين وانت انفخ.
Post: #62 Title: Re: يادكتور معز ....... Author: احمد التجانى احمد Date: 10-19-2012, 03:39 PM Parent: #61
Quote: ونحن أصلا هنا عشان شنو؟ ماعشان نزامل الناس البعرفوا الكلام باﻹنجليزى زيكم!!
بس ما تقول لى يا بله قعاد امريكا ضيعتوه فى العواسه ساى
Quote: المهم يازول أنا بجيب البلالين وانت انفخ.
حباب النفخ وبمناسبة النفخ دى استحضرت حاجة كدة عايز احكيها ليك هنا , لكن موقفك من خضر الطيب ووصايتك عليه مخوفانى تقوم تطلعنى امير الحسن ولا ما بعيد تصل ل ست النفر كمان
ما قصة الثقافة التى أيدتنى بسلطان منها دى ! ودونما حتى مناسبة و.. سااااكت لا يد لى فيها ولا كراع !!!
إزيك يا دكتور بله.. وعساك بخير .. "الامر الذى لا يبدو واضحا من هذا البوست" مالك آ زول ؟!
اولا بالتبادى حديث "المطاعنة" وكما ذكرت اعلاه حديث صحيح عند تقييم هذا البوست .. وبشواهده القدامنا دى ومعروضاته .. والسؤال لماذا كان مدخلك نحو هذا الامر هكذا؟!!
قلت:
Quote: كما قلت دكتور معز له أسبابه الخاصة والبعيدة عن ما فعله ود اللمين فى البحرين, وهذه الدوافع الخاصة وجدت متنفس لها فى ملابسات حفل البحرين فانفجرت هكذا دون كابح..
وقلت:
Quote: وربما هذا المقال يكون قد وصلت نسخة منه للبلاط الملكى البحرينى وسفير السودان بالبحرين وجميع الخواص وبعض العوام..
وقلت:
Quote: البوست هذا ليس دفاعا عن ود اللمين ولا ينفى أنه لايخطئ, بل ربما يكون لئيما ولاذعا وغير مجامل فأنا لاأعرفه. ولكنى أعرف دكتور معز وأكاد الآن أستمع لهاتفه يجوب الفيافى ومسنجره يضرب كل المسنجرات المتعطشة لرسالة منه وأكاد أتخيل فحوى كل ذلك..
وأقول: ربما يكون هذا الكلام صحيح .. وفى إنتظار إطلاعنا بثبوت هذه الخيالات والاحتمالات والماسنجرات والوارد البريدى للديوان الملكى البحرينى والسفارة السودانية, ولاسيما واهم مافى الموضوع امر ذاك الهاتف الذى سري نحوك او اسريت أنت نحوه او شيئا من نحو ذلك فاستمعت لكلام عجبا .. فى إنتظار ذلك يا عزيزي وستلقانا إن شاء الله لمنصتون!!
تحياتى وتقبل إعتذارى عن هذه اللئامة فى الكتابة .. وحدودها مربع بكرى الابيض ده لا تتعداه نحوك شبراً .. كل الود والتقدير
يا سلاااااام ياخ .. النكته الفوق دى لطيفة جدا يا دكتور .. خلاص خلى الشخصية السودانية التى عصرتها عصر الجن فى بوستك هذا .. و .. نواصل فى مسالة أكاد استمع ديك ..
معقول يا بله ياخ تسيب تيرى هنرى ذاته وتسعى لتعليم الانجليزى عندى الزول ده معاكم فى امريكا فى فريق اسمه ريد بل , ما اظنه مشغول شديد لانه شغلته دى ما جايبه همها هناك لدرجة مسمينها سوكر
Quote: خلاص .. الواحد يعمل شنو يعنى ؟!! ابيتنى يا بله .. ابيت اللعن والردم ..
الحكاية ومافيها- وبدون زعل يامشرف- من بوست أساسى عن فضيلى صنفتك متعهد مشاهير وانا بصراحة كان عندى مشكلة مع متعهد الداخلية فى التمانينات ومن ديك الساعة جاتنى فوبيا من المتعهدين!!
Quote: man can leave the neighborhood but the neighborhood can never leave the man
ود التيجاني سلامات ماشاء الله تيري إنجليزيتو اتصلحت وبقت متل كورتو في شبابو
- بلة سلامات
Post: #75 Title: Re: يادكتور معز ....... Author: احمد التجانى احمد Date: 10-19-2012, 05:38 PM Parent: #74
Quote: ود التيجاني سلامات ماشاء الله تيري إنجليزيتو اتصلحت وبقت متل كورتو في شبابو
مرحب يا حيدر لكن ياخ ظلمت تيرى , 9 سنوات قعدهم فى ارسينال اللندنى لو بس كل يوم قرا صفحة فى كتاب مان اند ابان ما كان طلع بالكلمتين القالهم ديل اى نعم ناس الكورة مخهم تخين لكن اللغه دى ما صعبه (مرتضى اخوى لو بتعرفه كان فى طوكيو , جاء اليابان 96 قابلته فى 98 كان بيتكلم اليابانى بطلاقه)
يا بله بالله معلومة اخوى بيتكلم يابانى دى ما تقعد تجرجر فيها
التحية لكل الشعب السوداني معاهم بس اظن انو معز بخيت مفروض يعتذر للأستاذ محمد الأمين لأنو كلامو القالو كلو غير صحيح و اطلاقا ما في حاجة اسمها وجهتي نظر مقنعتين جدا في ما يتعلق برواية احداث معينة. الاحداث يا اما انها حصلت او لم تحصل و المجال اطلاقا ما مجال وجهات نظر. الأخ المعز ربما غابت عنه حقائق و الآن عرفها. اذن ليس امامه خيار غير الاعتذار او المكابرة. هسه يعني في ذمتك يا عبد الدين انت مصدق الروايتين و شايفهم الاتنين مقنعات جدا؟؟
لازلت أصرّ على أن كلا الشخصين قامة في مجال تخصصه ، لكنني قصدت بما رأيته حسب ماوصفت ، أن محمد الأمين كانت عنده وجهة نظر قوية تبرر فعلته ، وأيضا المعز كانت له وجهة نظر قوية تبرر نشره ما نشر . ومع احترامي لكل وجهات النظر فإن لا أحد فوق النقد ، فللشهرة ضريبتها وأخلاقياتها في طريقة التصرف ..ومن الممكن قياس الأمر على القامتين اللذان نعتز بهما
سلام تاني يا احمد تصدق انا ارسنالي الى الان وبحب تيري ده شديد لدرجة كنت بسمع تلعيقاتو بعد المباراة بس عادة اللاعبين الجايين من فرنسا لغتهم فيها لكنة حلوة وبالتأكيد بيتعلمو بمرور الايام
Quote: مان اند ابان
أكيد بكون بدأ من هنا
- صديقي مرتضى الكارثة ديكشنري عديل في اليابانية بس لو تيري مشى هناك حايتكلما بطريقة كورتو الحالية
Quote: العايز يتكلم عن شطارة دكتور معز يجرى يلعب بعيد ويعمل بوستات أخرى, فمعرفتى به كانت بالكلية.. و بعض من دافعوا عن معز هنا لايتورعون فى الدفاع عن باطل إذا تماشى مع مصالحهم, وأحدهم يشترك مع معز فى ذات الصفة اﻹقويزمية.
يا بلة الحكاية اكان كدي من زمن الجامعة .... شغلانة بتاعت غيرة .... و قلت البد ليه في اقرب زقاق و اديه بالقاضية ....
و نحن نقول من ناس المبدائية القلال دكتور بلة ... لكن لا استغراب و تعجب في المنبر ....
لكن كمية غبينة في الكلام التحت ....
Quote: البوست دا بكل وضوح عن عدم مبدئية المثقف السودانى عموما ودكتور معز خصوصا.. الناس قالوا القامة العلمية السامقة ولانشك فى مصداقيته أبدا وانا عرفته بشروق واشهد له وافخر به وماشابه ذلك من إكليشيهات الصفوة التى لوثت عقول العامة فى السودان..
فى رأيى دكتور معز لايحركه إلا ما يخص ذاته ويرضى نرجسيتها.. وعندما ذكرت شروق أبوالناس أذكر جيدا البوست تلو الآخر عنها فى هذا المنبر حتى ظننت أنه سيتبناها, إلا أنها لم تنجح فنيا بأى درجة ترضى نرجسية معز. والدليل على اهتمامه بشروق تجدونه فى مكتبته..
كما قلت دكتور معز له أسبابه الخاصة والبعيدة عن ما فعله ود اللمين فى البحرين, وهذه الدوافع الخاصة وجدت متنفس لها فى ملابسات حفل البحرين فانفجرت هكذا دون كابح.. وربما هذا المقال يكون قد وصلت نسخة منه للبلاط الملكى البحرينى وسفير السودان بالبحرين وجميع الخواص وبعض العوام..
غبينة و في النهاية محاولة ايجاد مخرج و تبرير فطير لموقف دافعة الغيرة
Quote: البوست هذا ليس دفاعا عن ود اللمين ولا ينفى أنه لايخطئ, بل ربما يكون لئيما ولاذعا وغير مجامل فأنا لاأعرفه. ولكنى أعرف دكتور معز وأكاد الآن أستمع لهاتفه يجوب الفيافى ومسنجره يضرب كل المسنجرات المتعطشة لرسالة منه وأكاد أتخيل فحوى كل ذلك..
أخيرا المثقف السودانى جلهم محمد المشرف زميل المنبر أو قل جلهم حسن عبد الله الترابى " المفكر اﻹسلامى" لذلك نحن لن نعطيهم عيشنا ليخبزوه لأننا لانثق فى خبيزهم, وسنظل نحرق عيشنا حتى يحترق المخبز.
من بوست واحد صنفتنى ! يا راجل انت زول دكتور نكته والله ..
والذى لا اله الا هو خذلتنى آ زول .. ياخى انا بى جلالة قدرى دى كلها .. تطلعنى من بوست واحد زول بتاع مشاهير ؟! غايتو الحمدلله الموضوع ما كان فيهو أكاد أسمع وخيالات ..
اقول ليك كلام يا زول يا تعبان بله سااكت غير مشهور.. انت تعبت معاى .. والذى لا اله الا هو .. لاجعلنك فى هذا البوست مضحكة للناس .. وإنه منى محمد حيدر المشرف .. وإنه لزلفى الى معز عمر بخيت فى شهرته المجيدة .. بس اقسمت عليك ما تتضايق شديد بعدين ..
بنزين شنو يا نفر .. انت متورط فى طرح متهافت جدا لحالة غبن انسانى فاضحة طفل ما يعملها.. أكاد أتشيأ الآن ذاك الخيال المحتقن إزاء البريد الملكى البحرينى الفاره وذلك الهاتف القهرى الذى ألم بك فأنخت السمع مرتين..
تعرف !! أحسن حاجة انك طلعت الحاجات دى يا بلة .. قلت لى الماسنجرات هسه بتتطاقش أو تكاد تخفيها وكده.. على الحفاض لو ما عندى موعد هسع مع هيثم مصطفى كنت ساهرت بيك باقى الليل ده ..
Post: #88 Title: Re: يادكتور معز ....... Author: MAHJOOP ALI Date: 10-20-2012, 00:38 AM Parent: #87
يابله يحلنا الحله بله معز البحرين ... يدافع عن البحرين في ذاته ونرجسيته ، فهو رمز السودان في برزخ ال سعود الخليجي ومربط الاسطول الخامس وكل من يمر من هناك يجب ان يحضع لمكانة ومقاييس (البروف ) فالمعيار هنا معز !!!!!! يادكتور بله مالي ارك تتمرد انصاع والزم .... بي الجنبه كده : ردودك في هذا البوست كوميديا تشرط عديل كده
قلنا نجامل و نحسن النية لذلك خلينها في محك بدل 100% ...
تشخيصك التحت يا محمد هو ادق تشخيص لحالة مزمنة استعصت مع مرور الزمن
Quote: طرح متهافت جدا لحالة غبن انسانى فاضحة ..
وبي احسان النية ندي بلة الدكتور دفعت معز عمر بخيت فرصة يتعالج من حالةالغبن الملازماه من ايام طب الخرطوم ...
Post: #92 Title: Re: يادكتور معز ....... Author: بشير أحمد Date: 10-20-2012, 10:21 AM Parent: #91
هسع الواحد بقي مُحتار ؛ حالة غٌبن دكتور بلة علي دكتور مُعز (حسب تشخيص مصلحة النظام برئاسة دكتور مشرف والفاروووق) وحالة غُبن دكتور معز علي الفنان ودالامين(حسب تشخيص مصلحة الشعب المحب للفنان ودالامين)
انت أمرك هين مشوار مشوارين وستلهث دون أن أحمل عليك.. مسألة الحسد دى اسطوانة مشروخة لا يتكئ على معزوفتها إلا من يجلس على فخذ الشهرة الخاوية ويشرب حليب دافئ..
خلينا أخلص من المتعهد دا واجيك أصلى لى زمن بفتش ليهو.
ههههههههههه .. ياخ انت زول بله دكتور نكته والله ..
Quote: أظنك ستحلف بالبامبرز!!
هسع المريخ غالب واخوك رايق وبشاور نفسو يعمل شنو مع الحمام الميت* .. تعرف يا بله ؟! لو كنت شويه كده شديت حيلك وكتبت كلمة كلمتين فيهن شبهة تماسك .. كان الواحد ركز فيهن وكفانا الله قتال الذات الفوقنا ده ..
اردمو ؟! لا مافى داعى ؟! اردمو ؟! لا ياخ الراجل ومهمن كان دكتور ؟! اردمو ؟!
لاكن ياخى انت ذاتك بتبالغ .. يعنى لا يمكن - وباى حال من الاحوال - أن تكون شايل فوق راسك هذا الهرا المبذول فى نواحى هذا البوست و .. تعضى فى أيادى الناس المجاملاك ساااكت لى الله ومن غير سوء .. انت قايل نفسك رئيس قسم الطب الجزيئي – كلية الطب جامعة الخليج العربي ومدير مركز الأميرة الجوهرة للطب الجزيئي وعلوم الجينات والأمراض الوراثية ولا شنو ؟
ياخى ولنفترض انك أنت من توصلت لأول مادة بروتينية تعمل كحلقة وصل بين الجهاز العصبي وجهاز المناعة واكتشفت الجين الخاص بها مما يساعد على فهم آلية عمل جهاز المناعة الطبيعي .. فى داعى تتوصل لتصنيفى كزول عمبلوق ساكت بجرى وراء المشاهير من بوست وااااحد وتحرجنى ايما احراج طوالى كده ..
المهم يا بله .. الجو المريخى البديع ده يدعو للبهجة الخالصة دونما استبداد على ذوى اللياقه التعبانه .. فسنؤجلك لى بكرة .. وبكره الردم .. بكره الردم .. بكره الردم ..
يالمشرف المريخابي ... مادام امس غلبتونا عتقتا ليك بلة الدكتور لي وجه الله ... دقل زي ما داير لمن تتعب باصي لي اكمل باقي اللعب ... لكن ما ظنيت يستمر معاك كتير, لياقة منتهية
عموما ليست السابقة الاولى للاستاذ الفنان محمد الامين وروتردام هولندا تشهد . كما لا يمكننى ان الومه بالمطلق . فما حدث له فى ليبيا . ايضا يلقى بظلاله على تصرفاته. اما قصة الوجدان دى .. فقد قبض ثمنها بالكامل.. محبة . ومالا قبل المحبة .. الخ..... ارجو ان لايغضب حديثى هذا القامتين .
Post: #108 Title: Re: يادكتور معز ....... Author: عثمان دغيس Date: 10-21-2012, 09:59 AM Parent: #32
Quote: محمد الامين للذين يطالبوننا بإحترام تراثه وإثراءه لوجداننا فإنه لا يختلف عن أي لاعب محترف في أي مجال قبض ثمن اغنياته على دائر المليم وما حدث منه ليلة البحرين قبيح قبيح قبيح لا يرضينا ولن نصمت بحجة أنه قمة الغناء في السودان ونتجاوز عن أخطائه
هو لايرحم من يخطيء ابداً ولا يتوانى في الجهر بمعصية اختلافه مع الناس بل وأظنه خلق لنفسه هالة من التكبر لا تليق بمن يخاطب الوجدان ويعلم الشعوب،،
المهانة التي حدثت للمذيع الناشيء محمد وفريقه العامل في قناة الأزرق مأساة بحق تعمد محمد اللمين ان يفاخر بإضطهادهم وإلا لما أعلن ذلك للحضور : عفواً ليس بيننا إتفاق!!! مثل هذه المفاوضات تحدث في الكواليس وقبل الحفل بزمن كبير ويقوم بها مدير الاعمال او من ينوب عن الفنان وليس بنفسه!!
تعامل معنا محمد الامين بمبدأ الربح والخسارة فدفعنا له الثمن وتركنا بضاعته في قاعتها فهي لاتلزمنا،،
لا فض فوك أخي عبد اللطيف ... من أروع ما قرأت
Post: #103 Title: Re: يادكتور معز ....... Author: محمد أبوالعزائم أبوالريش Date: 10-21-2012, 07:16 AM Parent: #12
يا صلاح ..... فتبيّنوا ياخ .... فتبيّنوا ...
هاك:
Quote: تحياتي واحترامي لصاحب البوست الأخ الكريم سيف بشير ولضيوفه الكرام وللأستاذ محمد الأمين.
الرجاء التكرم بدعوة السيد وكيل وزارة الثقافة الدكتور أبو سلب للمؤتمر الصحفي فقد كان شاهداً على الاتفاقيات مع الفنان محمد الأمين وحضر ممثلاً للوزارة في الحفلين بالبحرين حتى تكتمل الصورة، أفادني بهذا سعادة سفير السودان بالبحرين رئيس اللجنة المنظمة..
الحكاية لحدي هسة مجرّد hearsay وحتفضل كده لحدي ما "تتبيّنوا"
فـ .......... تبيّنوا
______ التعديل للتنويه إنو الرد على صلاح عبدالله. لقيت مداخلتو في الصفحة الأولى (جيت متأخر)
Post: #104 Title: Re: يادكتور معز ....... Author: محمد أبوالعزائم أبوالريش Date: 10-21-2012, 07:37 AM Parent: #103
أها .....
شفتو وصلتونا لي شنو؟
Quote: المجتمع الـطـبـي ، بأثـره يفتخر بالنابغة البروف معز ، مـن المشارق الي المغارب ، و البروف معز نـطـح الي افاق العالم ، و نحن في العائلة بـنفتخر بيهو ، أيـمـا افـتـخـار ، بنفتخر بالعالم والطبيب والباحث ، والشاعر والاديب ، البروف معز عمر بخيت العوض ، خـلـي فـنانك دا ، يطـلع لينا مـحـلول ، أو قـطـرة عـيـن ، أو جـيـن مـهـجـن ، مـن ذات الـشـجـون ،،،
هسي كده كويس؟
Post: #105 Title: Re: يادكتور معز ....... Author: احمد التجانى احمد Date: 10-21-2012, 07:42 AM Parent: #103
يا ااا بله بروف معز مشهور مافى كلام كنا فى سنة اولى اضهبنا لجلسة استماع فى قاعة البغدادى كلية الطب (بتعرفها لو دكتور حقتك دى = طبيب) غنى فيها ابو عركى تصدق الزول دة غنى اغنيه وجاب فيها سيرة المعز , اها الزول دة قام عرض فى الغنيه دى , الكلام دة 86 , دى كانت اول مرة اشوف فيها المعز واعتقد ما شفته تانى , فا لمفروض تقوم تمشى تقبقب ابوعركى على عمليته دى اول حاجه كاول واحد ساهم فى انتفاخ اوداج البروف , اها بالنسبه ليك يا بله ياهو سودانيز اونلاين دة ما غيره
فى بلالين ولا مافى يا دكتور البتبلبل بعوم يا بله
Post: #106 Title: Re: يادكتور معز ....... Author: walid taha Date: 10-21-2012, 09:00 AM Parent: #105
إن تخلى د. معز عن "نرجسيته" - وهذا ما لا يُريده له الآخرون- لأصبح إسطورة هذا الزمان !
التعديل فى كلمة (يُريده)
Post: #107 Title: Re: يادكتور معز ....... Author: محمد أبوالعزائم أبوالريش Date: 10-21-2012, 09:33 AM Parent: #106
سؤال تاني موجّه لمن يمكنه الرد: هل كان يستطيع موجهي اللوم/ ناقدي/ مهاجمي الفنان محمد الأمين، أن يفعلوا ما نسبته واحد في المليون مما فعلوه في حق الراحل محمد وردي؟
Post: #109 Title: Re: يادكتور معز ....... Author: محمد حيدر المشرف Date: 10-21-2012, 11:26 AM Parent: #107
أولا معز مادفعتى لكن بالطريقة بتاعة المتعهد وخضر الطيب واحمد نجاتى حاتخلونا نحرج الراجل لأن النوابغ عندنا فى الكلية بياخدوا جائزة اسمها جائزة كتنشنر الطبية.. وعلى أقل تقدير مابملحقوا فى مادة أو يعيدوا السنة..
نجاتى قال شاف معز فى البغدادى سنة 86 ودا كلام خطير لزول يفترض اتخرج سنة 84..
إذا معز كان دفعتى دا بقول أن الراجل أعاد السنة..
بس ما يقوم المتعهدين ديل يضطروا الناس تجيب الترانسكربت وتفاصيل شهادة معز الإتخرج بيها من كلية الطب!
Quote: تامبا حبيبنا ياخ شايفك بتنطط امشى بهناك رد ماتدينى احساس انا مابحبو لا عدل ولا مساواه ولا مهكر
لالا انا برد في اي مكان يعجبني شفت كيف ؟؟ بس حبيت اذكرك لما نزلت البوست قبل يومين وعمل الحركة دي جيت جاري وكتبت لي الكلام دا حسع بقت ليك حارة مالا ..؟
قلت لي ما اديك احساس ..؟ لا والله خلاص يا حساس .. انا متاسف اني جرحتا شعورك شديد .. يا صلاح الدين الايوبي ..
.. يا دكتور بله والحضور انا متاسف شديد ياخ امثال خدر دا بيجروك لي حتات الواحد ما مفترض يدخل نفسو فيها لكن دي سودانيزاونلاين بي احداثياتها الجديدة .. في ناس عايزه يتصرفو معاها كدا .. ارجو السماح والعذر يا شباب ..
والدنيا قبائل عيد .. وكل أضحى وأنتم بخير .. تذكرت "عبدالرؤوف" .. ويحكى انو سرق خروف جارهم فى الحلة وتشاهو ومشى عيد فى البلد تمام التمام .. يومو الرجع جا مارى بى بيت جارهم وفى بالو انو يجاسف المسافة بدون ما زول يشوفو .. اهاااا وقدام الباب مباشره يتفاجأ بى جارهم طالع من بيتهم والذى يتفاجأ بدورة برؤوف ليصيح به مرحبا ومشتاقا: ياااااا رؤووف ! فاذا برؤوف يرد عليه متجهما: يا زول خروف شنو ؟!
هذا ما كان من سيرة الديوان الملكى البحرينى يا فاروق !!
يا محمد كل عام و انت بخير ... و نمتنى ان يكون لي بلة الدكتور نصيب من سيرة اي ديوان ملكي ... لعل و عسى
Post: #124 Title: Re: يادكتور معز ....... Author: احمد التجانى احمد Date: 10-21-2012, 07:47 PM Parent: #122
Quote:
نجاتى أمير الحسن المتعهد والفاروغ
عبارة عن فقاعات فى bubbles maker الببل ميكا فى يد معز بسوطا ثم ينفخهم فى هذا البوست وربما يظهر آخرون وان شاء الله البوست دا يكون لطرشقة هذه الببلز.
يا بله
النشوه ليها ثمن يا بله لازم تدفعه أنا عن نفسي يا بله بإذن الله وبتوفيقه ح الازم اى حاجه تكتبها او في الحقيقه تهببها في هذا المنبر بنفس طويل حتي تتخلي عن النشوه البتركبك وانت بتبهدل في اسم ابوى يعني الود قطيم ولئيم اسافير بتدخل الناس في علبها ما عارفك معتمد على شنو من الأرصدة ، بالنسبة لينا انت حي الله دكتور ، ولو دكتورا ناجح ما كنا بنلقي فيك فرقه لخد وهات في حوش بكري ده لكن اهو متوفر اكثر من صلاح غريبه ، بعدين يا دكتور المعز ده حارقك من غير ما يرد علي مخاخيتك الكبيتها هنا ولا في اى حته فبالله كيف ح يكون وضعك لو فتح فيك نيران الزول ده بعدين يا بله ياخ انا يتوسم فيك حبة ذكاء تفهم بيه انه النوابغ زي المعز حقبتهم في الكليه ما بتنتهي بالتخرج زي ناس بله ادوه الشهادة بجاي عضي جلابيته وجري علي ميزات الدكاترة وعدادات العيادات بأشاور فى نفسي ابهدل اسمك زي ما مبهدل اسم ابوى ولا أواصل في طعن الفيل بس البتبلبل بيعوم يا بله
انت عبارة عن فقاعة صابون ولو نون الجمع بتخص أمير الحسن والفاروغ والمتعهد يكون مابطال أصلكم جمع تطبيل فاشل مجرور بسيده..
فأنا يانجاتى ما دخلت المنبر بلقب دكتور أو إمبراطور عشان المنبر دا مامستشفى ولا كلية طب ولم نأتى لنبحث لفقاعة مثلكم لتنفخنا بالهواء ثم ننفخها فى الهواء..
انت خليك من الطب والشهادات واتكلم عن عركى جاب اسمو فى أغنية..
زمان معز كان قال الكلام دا مستعملا نكنيم بتاع بنت ردا على فتحى البحيرى والآن أنت فى مستوى ذلك النكنيم الأنثوى اللذيذ!!
ياخى اشتغل شوية قصة خروف وعبد الرءوف دى مابتبسط الزبون منك خليك فى العنوان الملكى والبحث الذى غير مجرى الطب فى الكون والمصل الذى قضى على مرض النوم منذ التسعينات وبعده ظلت أفريقيا تلهج بالدعاء للدكتور
وقصة اللغز الذى حير أطباء السويد وأمريكا وحله لهم زبونك..
ياخى انت مابتعرف تغنى الشريف مبسوط منى وتهز مايعجب, مالك الليلة بقيت سجمان وبتاع خرفان؟
كيف اتعامل معاكم بعقلية أنكم أطفال؟ ياخى ظلمت الأطفال شديد يا أمير!!
بعدين قلة الأدب الفى المداخلة الفوق دى دى طبعا عندها لفة براها بنجيبك ليها فى أوانها..
قال ماسا: الساقطون لايسقطون وأضيف لقوله: إلا إن كانوا من ماركة أمير الحسن!!
كت اوت طوااالى :
انا مابقول ليك زعلتا يادكتور
لكن بقول ليك .. حرقك يافوفو
ما قلتو نوبه !!!!
Post: #134 Title: Re: يادكتور معز ....... Author: محمد حيدر المشرف Date: 10-22-2012, 05:44 AM Parent: #133
انت يا بله مسألة الديوان الملكى دى كانت عندك من متين ؟!
Post: #135 Title: Re: يادكتور معز ....... Author: محمد حيدر المشرف Date: 10-22-2012, 05:55 AM Parent: #134
بعدين الانحطاط بتاع الاشارة لى "الشريف مبسوط منى".. ممكن يرجعنا لى مسألة ما كريمة تجاوزناها بى مزاجنا .. وهى مسألة "المطاعنات" .. و"المطاعنات" يا بله فى ذاكرتنا الشعبية سلوك مذموم جدا وأعوج .. مذموم وفى مجاله الاجتماعى المتدنى .. وأعوج فى ذلك المجال .. فما بالك بالكتابة فى منبر ؟!
اسحب الاشارة دى يا بله .. وذلك "أحسن ليك"
Post: #136 Title: Re: يادكتور معز ....... Author: احمد التجانى احمد Date: 10-22-2012, 06:19 AM Parent: #135
Quote: فأنا يانجاتى ما دخلت المنبر بلقب دكتور أو إمبراطور عشان المنبر دا مامستشفى ولا كلية طب
بله ياااااابله لا شفنا ليك عمار لا فى طب ولا حتى فى المنبر الطب ما اظنك تكون متذكر فيه حاجه لحد الان لانك لو كنت بلال موسى ذاته الامريكان ما بشغلوك دكتور ممكن تكون بتلقط رزقك من شغل الترجمه للمرضى العرب ولو العرب بطلو يجو هناك للعلاج ما عندك حل غير العواسه واعتقد انك بارع فيها اضافة للمهارات الاخرى : الحسد , الغيره , القطيعه يا بله
Post: #137 Title: Re: يادكتور معز ....... Author: محمد حيدر المشرف Date: 10-22-2012, 06:24 AM Parent: #135
أها مسألة "الهز" دى .. فذلك مما لا ينبغى لى والله .. وتوجب الجهل الذى سأجهل نحوك ..
عندما أتيت لهذا البوست كنت منتبها جدا لموضوع البوست .. ودخلنا فى المماحكات المعهودة بطيب نفس وبردود افعال مناسبة .. من مسألة التصنيف الاولى وحسن الترابى لى مسألة التصنيف التانية وفضيلى جماع .. وحتى انو الواحد استصحب معاهو الفكرة الصحيحةبتاعت انو اللجوء للتصنيفات موقف دفاعى ليس الا .. ومفهوم جدا اللجوء اليه فى ظل التفاهة الشديدة فى الطرح .. وبعدين لم يكن فى البال اية عداوات ذات قيمة ..
اما والموضوع أغراك بالبذاءة وقلة الادب يا ايها الزول الفارغ ساى .. فأنا قادر على تعرية مثل هذا السلوك .. ومن الالف للياء ..
وأما بذاءاتك تجاهى .. فالناس تعلم جيدا من هو محمد حيدر المشرف من خلال تفاعله الاسفيري مع الناس .. ومن خلال وجوده الاجتماعى الحي فى المجتمع الذى يحيا فيه .. ولن يمثل لى هذا شأنا كبيرا .. فلا تراهن على بذل الكثير من البذاءات يا بله.. كلو حيرجع ليك ولن نظلمك فيه خردلة ..
* سحبت كلمة "المنحط" إحتراما للمكان ..
Post: #138 Title: Re: يادكتور معز ....... Author: احمد التجانى احمد Date: 10-22-2012, 12:57 PM Parent: #137
يا بله لقيت نفسى ما اوفيتك حقك غشيت الارشيف ووجدت عندك مهارات لا قبل لنا بها فلقد بلغت شانا كبيرا فى اساءة وبهتان الناس بالكذب وساقط القول ومن طريقة استعداءك لى وللاخرين لقيتك اهل لذلك
Quote: يا بله لقيت نفسى ما اوفيتك حقك غشيت الارشيف ووجدت عندك مهارات لا قبل لنا بها فلقد بلغت شانا كبيرا فى اساءة وبهتان الناس بالكذب وساقط القول ومن طريقة استعداءك لى وللاخرين لقيتك اهل لذلك
الله يكفينا شرك يا بله
الزول دا ممكن يصل مراحل (اكروباتيه) لاقبل لك بها
كت اوت:
هو عندو حاجه حيخسرا ؟؟
افترع البوست دا لاغتيال شخصية بروف معز وآخرين
وارتد اليه البوست فى نحره وهو ضنين
ياضنين الوعد ..ياوغد
Post: #141 Title: Re: يادكتور معز ....... Author: احمد التجانى احمد Date: 10-22-2012, 04:14 PM Parent: #140
والله يا خضر صدقت ، من أسوأ المنهي عنه هو الدخول في معركه مع شخص زي بله ليس لديه ما يخسره أو ليس لديه ما يحافظ عليه
