Post: #1
Title: أمانة ما وقع راجل
Author: maman
Date: 10-14-2012, 12:38 PM
مساء الجمعة الفاتت خرجت من دار جمعية القرير بحي منفوحة بالرياض قاصدا منزلي... وفجأة بدأت ألاحظ شيئا غريبا، فالأنوار المنبثة من اللمبات بأعمدة النور في الشوارع بدأت أرى نورها في شكل خيوط بعضها طولي وبعضها عرضي وبعضها مثل سطير كراسة الحساب وبعضها متعارض، وكدت أوقف سيارتي على طرف الطريق... (كجمت) عيني اليمنى فرأيت الحال في حالو.. ثم (كجمت) عيني اليسرى فاختفت الخطوط وبدأ نظري طبيعيا... فقلت في نفسي: (أماني ما وقع راجل)... أتاري عيني الشمال دي ليها زمن توجعني؟؟ وبدأت الهواجس تدب في نفسي... وبدأت أشخص حالتي المرضية كعادة السودانيين... يا ربي حصل انفصال في الشبكية؟ يا ربي ضغط العين زاد وسبب الحكاية دي..؟؟؟ وهسع من باكر أصاقر المستشفيات؟؟.. فجأة هداني تفكيري أن أتوقف على جانب الطريق ونظرت في العدسة اليسرى في نظارتي وتذكرت أنني مسحت ما علق بها من غبار بابهامي قبل خروجي من الجمعية ، بدلا من مسحها بمنديل أو بكم الجلابية.. بعد أن مسحت عدسة النظارة بالمنديل الورقي ووضعتها من جديد أمام العينين، اختفت الخطوط.. وتنفست الصعداء... هذا الموقف ذكرني أيام انتشار وباء الكوليرا في سبعينات القرن الماضي، وهي نوع من الاسهال الشديد تسبب في كثير من الوفيات... أذكر أن إحدى نساء حلتنا حملت صفيحتها وملأتها بالماء من الحفير ووضعتها على رأسها.. وحدث أن كانت الصفيحة مقدودة فسال الماء على جسمها ،فشعرت أن شيئا غير طبيعي يحدث واتهمت نفسها بالاصابة بالكوليرا. فرمت الصفيحة وبدأت تزغرد بأعلى صوتها وتجمع الناس حولها .. ولكن ربنا ستر وانكشف السبب وعندها بطل العجب
|
Post: #2
Title: Re: أمانة ما وقع راجل
Author: فايزودالقاضي
Date: 10-14-2012, 01:15 PM
Parent: #1
الجاتك من ابهامك في عدساتك سامحتك ...
الحمدلله ..
تحياتي
|
Post: #3
Title: Re: أمانة ما وقع راجل
Author: اسامه خليفه
Date: 10-14-2012, 01:28 PM
Parent: #2
برضو قال ليك واحد انقلب بيهم بص فامتلت تكت سرواله بالدم
فاخذ يصيح مصراني طلع مصراني طلع ماسكا بتكت سرواله .بيده . من شدة المفاجاه
_________________________
الف حمدلله علي سلامتك وسلمت وسلم نظرك
|
Post: #4
Title: Re: أمانة ما وقع راجل
Author: maman
Date: 10-15-2012, 11:14 AM
Parent: #3
الإخوان : فايز ود القاضي وأسامة الخليفة
أشكركما على المرور ..
غايتو الحمد لله لقيت حالتي أفضل من حالة زول أسامة القال مصرانو مرق
|
Post: #5
Title: Re: أمانة ما وقع راجل
Author: ساميه حامد
Date: 10-15-2012, 12:26 PM
Parent: #4
| Quote: .. فجأة هداني تفكيري أن أتوقف على جانب الطريق ونظرت في العدسة اليسرى في نظارتي وتذكرت أنني مسحت ما علق بها من غبار بابهامي قبل خروجي من الجمعية ، بدلا من مسحها بمنديل أو بكم الجلابية.. بعد أن مسحت عدسة النظارة بالمنديل الورقي ووضعتها من جديد أمام العينين، اختفت |
الكبر دخل يا عمو
ــــــــــــ
مشتاقين والله
|
Post: #6
Title: Re: أمانة ما وقع راجل
Author: عبد اللطيف بكري أحمد
Date: 10-15-2012, 06:08 PM
Parent: #5
غايتو مادايرين نعمل ليكم دعاية معاكسة
لكن ألحق زولك الشايقي دا وخليهو يوقف منتجاتكم دا،،
الزول دا غايتو اتفرمت عديل احسن تلحقو ههههههههه
سألتو منك قبل يومين قلت ليه وين الزعيم مامان ؟؟ قال لي مامان دا منو ههههههههه
|
Post: #7
Title: Re: أمانة ما وقع راجل
Author: عبد اللطيف بكري أحمد
Date: 10-15-2012, 06:12 PM
Parent: #5
غايتو مادايرين نعمل ليكم دعاية معاكسة
لكن ألحق زولك الشايقي دا وخليهو يوقف منتجاتكم دا،،
الزول دا غايتو اتفرمت عديل احسن تلحقو ههههههههه
سألتو منك قبل يومين قلت ليه وين الزعيم مامان ؟؟ قال لي مامان دا منو ههههههههه
|
Post: #8
Title: Re: أمانة ما وقع راجل
Author: عبد اللطيف بكري أحمد
Date: 10-15-2012, 06:17 PM
Parent: #7
غايتو قالو البتبلبل يعوم، اكمل ليك القصة كان ترضى كان تزعل
أمس جاءني مودعاً كتر خيرو وجايب فول وشايل بطيخة ،،، المهم
قال لي انت اول امس سألت من زول ، دا كان مو؟؟
قلت ليهو ياخ سألتك من عبدالرحمن ؟؟
قال لي عبد الرحمن منو؟؟
قلت ليه ياخ: مامان؟؟
ياخي موش تقولي لي مامان من الاول؟ هههههههه
غايتو شغال بالاكستيرنال درايڤ، كان لحق فرمتو ، منو العوض!!!
|
Post: #9
Title: Re: أمانة ما وقع راجل
Author: maman
Date: 10-15-2012, 11:40 PM
Parent: #8
سامية بنت أخوي (وأختي) : سلام
أنا من جيل ما قبل الاستقلال وبعد دا فات فينا الفوات ولكن سنظل متشبثين ولن نلقي عصا التسيار
عبد اللطيف بكري
سأحملك كامل المسؤولية لأي تدهور يحدث في ذاكرة (الشايقي فاوضني بلا زعل)
Quote: قال لي انت اول امس سألت من زول ، دا كان مو؟؟
قلت ليهو ياخ سألتك من عبدالرحمن ؟؟
قال لي عبد الرحمن منو؟؟
قلت ليه ياخ: مامان؟؟
ياخي موش تقولي لي مامان من الاول؟ هههههههه
|
قبل يومين الشايقي كان بيشتكي لي من ضعف الذاكرة وتشعب الحديث هل حالته هي ضعف ذاكرة ولا بداية زهايمر.. قلت له إذا أردت أن تعرف الفرق وهل هي حالة نسيان أم زهايمر، فالأمر كالآتي: اذا فقدت مفاتيحك ولم تعرف مكانها ، فهذه حالة نسيان.. أما إذا وجدت مفاتيح ولم تعرف هي مفاتيح شنو ، فهذه حالة زهايمر.... وصفت له حبوب الجنكو ، إحدى منتجات شركتنا حتى يستعيد ذاكرته بسرعة
|
Post: #12
Title: Re: أمانة ما وقع راجل
Author: ابوحراز
Date: 10-28-2012, 10:51 AM
Parent: #11
كل عام وانت بخير يامامان وضيوفك الكرام
تعرف يامامان انا متأثر بوالدي كثيراً وبجيلهم القوي وصاحب الكلمة المجلجلة
وكل يوم نقة مع { ست النفر }
دائماً اقول ليها للأسف جيلنا مرخرخ
ابواتنا لم يدخلوا المطبخ ولم يغسلوا العدة حتى ماتوا
وكمان أزيدها من الشعر بيت
وهذا مالاتريده اطلاقا
مرات كده اقول ليهم انا حا احرد الشغل واخت لي عنقريب في الضل واقرا الجرائد
عندي ولدين قلت ليهم انوتوا تشتغلوا وتجيبوا المصاريف لأبوكم
وست النفر واولادها يقولوا ياراجل انت لسه شباب
وماتخليك رجل مخرف وتفكر بطريقة جدودك
المهم لازالت فكرة أخت عنقريب في الضل وانسى حكاية الشغل دي واقرا الجرائد
لازالت الفكرة تعشعش في راسي
لكن بيني وبينك بعد الواحد يصل الستين هل سوف تساعده عيونه على تحقيق هذه الأمنية ؟؟
يعني لو جابو ليك العنقريب
ولقيت الضل
وجايو ليك الجريدة
تلقى ليك عيون وين للقراية ؟؟؟؟؟؟
|
Post: #14
Title: Re: أمانة ما وقع راجل
Author: حيدر بشير
Date: 10-28-2012, 10:58 PM
Parent: #13
اخونا مامان و ضيوفك الكرام
لكم التحايا
مامان طالما يا دوب وقعت برضو ما قصرت يعنى من اكلت الكسرة ما هو هين
و كمان لا اسه تتذكر انك نضفت النضارة بى اصبعك و الله بس نقول ما شاء الله
اها عاد بعد phase 2 دا لو ما زرتنا تكون ختيت اللوم تب و حا نقول انه وصلك الزهايمر
لك التحايا
|
|