Post: #1 Title: بالنهار كوريلا و بالليل غوريلا ..! Author: كمال علي الزين Date: 10-14-2012, 07:51 AM
(*)
Post: #2 Title: Re: بالنهار كوريلا و بالليل غوريلا ..! Author: محمد علي البصير Date: 10-14-2012, 07:54 AM Parent: #1
أبداً والله بالنهار مرسيدس وكامري ولكزس كمان ، وبالليل حسناء تسر العين
مع خالص الود أحي كمال ـ وينك يا رجل
Post: #3 Title: Re: بالنهار كوريلا و بالليل غوريلا ..! Author: Asim Fageary Date: 10-14-2012, 07:55 AM Parent: #1
سلام يا كمال
الكورولا دي عرفناها عربية بيركبوها كوسيلة مواصلات
أها الغوريلا دي شنو ؟
_______________
أعمل حسابك فيها كرت أحمر
Post: #4 Title: Re: بالنهار كوريلا و بالليل غوريلا ..! Author: عبدالرحمن الحلاوي Date: 10-14-2012, 09:12 AM Parent: #3
قصة محزنة ..أن ينقل المثقف ما يجري على لسان العوام...الكوريلا هي السيارة التي يفضلها كثير من السودانيين في المهاجر العربية ..والغوريلا يقصد بها زوجته ...!!!!
Post: #5 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 09:28 AM Parent: #4
Quote: قصة محزنة ..أن ينقل المثقف ما يجري على لسان العوام...الكوريلا هي السيارة التي يفضلها كثير من السودانيين في المهاجر العربية ..والغوريلا يقصد بها زوجته ...!!!!
محزنة شديد يا عبدالرحمن .. بس إنت أوردت الكلام ده كمثقف ولا كواحد من العوام ؟ بعدين ده ما كلام عوام سودانيين ولا مثقفين سودانيين حتى .. ده كلام الاخر عننا والآخر ده من عوام ومثقفي الجنسيات التانية .. وأنا لم أكمل المقولة (تحشماً) .. لكنك كمثقف أو كأحد العوام كفيتني شر إيرادها على لساني وهذا ماكنت أنتظره بالضبط حتى لا تنسب المقولة لي ... وحتى أمضى قدماً في حزني حين أكتشفت ان فضيلة الدفاع عن النفس التي ظللنا نمارسها لم تعد ذات جدوى بعد أن ذهبت محاسن وشمائل وصفات المرأة التي كنا نقول لهم عنها : إن تكن بنظركم قبيحة فهي ست بيت ورباية رجال واصيلة و وفية ومرة بمية راجل وهي بنظرنا أجمل فعليا من الخارج والداخل من أي حسناء تتأبطونها ليلاً .. الآن فقط أقول ليتني لم اغش بوست الخواجة ولا الفلبينية فقد هزمني من الداخل حين هزمت حوائى نفسها بنفسها .. الكوريلا ممكن تتحول الى مرسيدس , لكن ..
Post: #6 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 09:35 AM Parent: #5
(*)
ودالبصير تحياتي .. هنيئا لك بهما ياصديقي ..
كيف اخبارك ..
عاصم فقيري .. الكرت الاحمر ماني خايف منو بس كنتا منتظر متبرع بالشرح والتأويل وها قد جاء الحلاوي مشكورا
الحلاوي مرة تانية قصة مثقف وعوام ده جابتر تاني ممكن يحرف لينا التوبيك ده التصنيفات دي فيها تعالي غير مبرر فدورالمثقف هو نقل مايردده العوام ده وتشذيبه وتحويله إلى فكر , ولا خير بمثقف لا يعبر عن العامة , وإلا صار في برجه العالي يحدث نفسه .. لذلك ده مبحث مهم محتاج بوست لحالو .. خلينا في الغوريلا والكوريلا ...
Post: #7 Title: Re: بالنهار كوريلا و بالليل غوريلا ..! Author: خضر الطيب Date: 10-14-2012, 09:48 AM Parent: #6
Quote: قصة مثقف وعوام ده جابتر تاني ممكن يحرف لينا التوبيك ده التصنيفات دي فيها تعالي غير مبرر فما فدور المثقف هو نقل مايردده العوام ده وتشذيبه وتحويله إلى فكر , ولا خير بمثقف لا يعبر عن العامة , وإلا صار في برجه العالي يحدث نفسه .. لذل ده مبحث مهم محتاج بوست لحالو ..
كويس
Post: #28 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 01:00 PM Parent: #7
Quote: كويس
ياخضر انتا في برجك العاجي ده وبتعاين لي وين ؟
________________________________ ماجاني منك ايميل
Post: #9 Title: Re: بالنهار كوريلا و بالليل غوريلا ..! Author: ولياب Date: 10-14-2012, 10:01 AM Parent: #6
لست أدري حقيقة هذا الكلام هل هو تعليق من تعليقات العربان أم صدر هذا الكلام حقيقة
في كل الأحوال ، كورلتنا همر عندنا ،،،، وغورلتنا قمر عندنا
Post: #8 Title: Re: بالنهار كوريلا و بالليل غوريلا ..! Author: rummana Date: 10-14-2012, 09:51 AM Parent: #5
الأخ كمال علي الزين تحياتي...
Quote: وحتى أمضى قدماً في حزني حين أكتشفت ان فضيلة الدفاع عن النفس التي ظللنا نمارسها لم تعد ذات جدوى بعد أن ذهبت محاسن وشمائل وصفات المرأة التي كنا نقول لهم عنها : إن تكن بنظركم قبيحة فهي ست بيت ورباية رجال واصيلة و وفية ومرة بمية راجل وهي بنظرنا أجمل فعليا من الخارج والداخل من أي حسناء تتأبطونها ليلاً .. الآن فقط أقول ليتني لم اغش بوست بوست الخواجة ولا الفلبينية فقد هزمني من الداخل حين هزمت حوائى نفسها بنفسها .. الكوريلا ممكن تتحول الى مرسيدس , لكن ..
بل هزمت نفسك بنفسك بهذا البوست... ولا تأسف إلا على ما كتبت... هناك رجال سودانيون... أبي واخواني وزوجي وأبنائي وكثيرون غيرهم... يعطون كما يأخذون وأكثر ويتعففون من اعتبار الزوجة مجرد متاع أو خادمة... وعندما تفتح حواء لهم قلبها يستمعون ويفهمون ويتعلمون... وليس فيهم أحد يحسب أنه من خلف امرأة غير سودانية بملامحها المعروفة ولونها الاسود وأنفها الافطس وشعرها الأجعد.. أو أنه في لحظات ضلاله .. يظن أنه فاق يوسف جمالا وأن أخته تلك التي تشبه الغوريلا ليست انعكاسا لصورته ....التي عمي عنها.. يا أخي ليس هناك أسوأ من شخص يظن أنه هو وحده الذي يمتلك الحقيقة.. لسنا ستات بيت وربايات رجال وأصيلات فقط... بل نحن جميلات جمال من خلقنا ونفخر بذلك... لكن ...الذي نفسه بغير جمال لا يرى في الوجود شيئا جميلا
Post: #10 Title: Re: بالنهار كوريلا و بالليل غوريلا ..! Author: محمد علي البصير Date: 10-14-2012, 10:01 AM Parent: #8
Quote: ودالبصير تحياتي .. هنيئا لك بهما ياصديقي .. كيف اخبارك ..
حتماً لا أتحدث عن نفسي فحسب ، ولكن عن شريحة كبيرة من أبناء وطني ـ ولله اللحمد ـ الما بعرفك يجهلك
Post: #17 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 10:41 AM Parent: #10
Quote: حتماً لا أتحدث عن نفسي فحسب ، ولكن عن شريحة كبيرة من أبناء وطني ـ ولله اللحمد ـ الما بعرفك يجهلك
ودالبصير تحياتي شايفك اتحسستا وبقيت تعدل مداخلتك البورد ده الكتابة فيها بتجلي بالواحد ردي ليك ده رد لجميع السودانيين بس كان رد حسب مداخلتك مش مخصص او مبني على معرفة او عدم معرفة ..
معذرة لو فهمتني غلط والقصد هنيئا لكم بالخير والجمال .. وكنت اعني ما اقول ..
Post: #11 Title: Re: بالنهار كوريلا و بالليل غوريلا ..! Author: طلحة عبدالله Date: 10-14-2012, 10:04 AM Parent: #8
يا كيمو العريس مازالت المرأة السودانية (التى نعرفها) كاملة البهاء والألق تبز الروعة روعة الإشراق إشراقا .. مازالت ملهمة كعبلة شداد وبثينة جميل يسيل من شعرها الذهب وتشع من عيونها روعة قوس قزح .. مازالت كما قال ابن فرج الجياني : وطائعة الوصال صددت عنها وما الشيطان فيها بالطاع بدت في الليل سافرة فباتت دياجي الليل سافرة القناع فملكت الهوى جمحات قلبي لاجري في العفاف على طباعي وبت بها مبيت الطفل يظما فيمنعه الفطام عن الرضاع كذلك الروض ما فيه لمثلي سوى نظر وشم من متاع ولست من السوائم مهملات فاتخذ الرياض من المراعي.
مالك الزعلك منو يا عريس ؟؟
Post: #12 Title: Re: بالنهار كوريلا و بالليل غوريلا ..! Author: Asim Fageary Date: 10-14-2012, 10:11 AM Parent: #11
Quote: مازالت ملهمة كعبلة شداد وبثينة جميل يسيل من شعرها الذهب وتشع من عيونها روعة قوس
يا طلحة إزيك
الأخوات الذكرتهن ديل وين في السودان
أظنك تقصد كتاجوج المحلق
جرى التعديل في كلمة الأخوات
Post: #14 Title: Re: بالنهار كوريلا و بالليل غوريلا ..! Author: طلحة عبدالله Date: 10-14-2012, 10:17 AM Parent: #12
يا عصام فقيري السلام عليك الذكرتهن ديل عارفن أنا ومتأكد من الكلام القلتو فيهن بس إتوا قولوا يا رحمن يا رحيم .. ولو في بعض النسوان السودانيات المارقات عن كلامي الفوق دا فشنو ؟ نقطة الخل لا تؤثر على بحر العسل.
Post: #13 Title: Re: بالنهار كوريلا و بالليل غوريلا ..! Author: عبد الناصر الخطيب Date: 10-14-2012, 10:17 AM Parent: #11
.
كمال على الزين عودا حميدا
Quote: الآن فقط أقول ليتني لم اغش بوست الخواجة ولا الفلبينية فقد هزمني من الداخل حين هزمت حوائى نفسها بنفسها ..
ياكمال بوست الفلبينات بوست ساخر مستنسخ من بوستات تانية ما قال أتزوجوا الفلبينيات كل الكلام عن جهجهتنا في قبل الله الاربعة لاحظ شكل البوست ونوع الكتابة الفيهوا
لو كان عندي دعوه جادة في قصة زي كان البوست الحاكتبوا عن زواج الحبشيات مع كامل تقديري لاراءك القريته في بوست الخواجة وغناك للسودانيات والهم عندي زي الفلبينيات _ شهر ماعندي فيهو نفقه _ من حيث موضوع الزواج
*راجع البوست
ولك أكيد التحية والتقدير ,,,
Post: #16 Title: Re: بالنهار كوريلا و بالليل غوريلا ..! Author: إدريس محمد إبراهيم Date: 10-14-2012, 10:33 AM Parent: #13
كمال علي الزين ...
كيفك يا صاحبي ....
إليك أهدي رائعة مبارك حسن بركات ....(ست البيت) .....
مع خالص حبي وتقديري ؛؛؛
Post: #18 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 10:51 AM Parent: #13
Quote: ياكمال بوست الفلبينات بوست ساخر مستنسخ من بوستات تانية ما قال أتزوجوا الفلبينيات كل الكلام عن جهجهتنا في قبل الله الاربعة لاحظ شكل البوست ونوع الكتابة الفيهوا
لو كان عندي دعوه جادة في قصة زي كان البوست الحاكتبوا عن زواج الحبشيات مع كامل تقديري لاراءك القريته في بوست الخواجة وغناك للسودانيات والهم عندي زي الفلبينيات _ شهر ماعندي فيهو نفقه _ من حيث موضوع الزواج
عبدالناصر الخطيب .. ما أظن تكون محتاج اوريك انتا منو بالنسبة لي ؟ فبالله ما تتحسس لي واطلع من هنا انتا وحبشياتك وفلبينياتك وخلينا مع ناس الخواجة ديل
عارف قصدك بس رغم انو الحكاية ابتدت محض مزاح الا انها تفتقت عن حوار جيد ممكن نصل فيهو لنتائج , وانا شخصيا عاوز اصل لنتائج حول فكرة (التنميط ) دي اللي قبلنها اخواتنا في طولة بال الخواجة (وده راي صادر منهم ) واللي حايرفضوها في فكرة (الغوريلا) وده رأي صادر من اخر لاهو سوداني ولا هو أنا .. لذلك تعمدت ايراد العنوان مبهما والتزمت الصمت حتى يتبرع المتبرعون بإيراده ليعرفن كم هو رائج وانه ليس من بنات افكاري وانما هو مفهوم نمطي اخر عن المرأة السودانية .. الغريبة رمانة أبتو تب .. وبقت تفتش في الوجود شيئاً جميلا .. طولة البال مالا مابتتلقى في الوجود معنوياً برضو ؟:)
Post: #15 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 10:29 AM Parent: #8
Quote: بل هزمت نفسك بنفسك بهذا البوست... ولا تأسف إلا على ما كتبت... هناك رجال سودانيون... أبي واخواني وزوجي وأبنائي وكثيرون غيرهم... يعطون كما يأخذون وأكثر ويتعففون من اعتبار الزوجة مجرد متاع أو خادمة... وعندما تفتح حواء لهم قلبها يستمعون ويفهمون ويتعلمون... وليس فيهم أحد يحسب أنه من خلف امرأة غير سودانية بملامحها المعروفة ولونها الاسود وأنفها الافطس وشعرها الأجعد.. أو أنه في لحظات ضلاله .. يظن أنه فاق يوسف جمالا وأن أخته تلك التي تشبه الغوريلا ليست انعكاسا لصورته ....التي عمي عنها.. يا أخي ليس هناك أسوأ من شخص يظن أنه هو وحده الذي يمتلك الحقيقة.. لسنا ستات بيت وربايات رجال وأصيلات فقط... بل نحن جميلات جمال من خلقنا ونفخر بذلك... لكن ...الذي نفسه بغير جمال لا يرى في الوجود شيئا جميلا
سلامات يارمانة وتحياتي .. اولاً جمالكم ده مابحددوا لينا لبناني ولا خليجي ولا حتى (الخواجة ) بتاعكم أبو بال طويل (: جمالكم ده شوفنا احنا ليكم ونحنا شايفينكم اجمل نساء الارض .. بس شوفي المثل الفوق ده .. مثل مادي جداً .. مادي لأنو قيم الرجل السوداني بعربيتو وماقال قرد ولا جاهل ولا قبيح .. نووووو عيروا بالكوريلا .. ولما جا واتحدث عن المرأة السودانية أختذلا في معايير شوفو هو وتقييمو هو للجمال .. مادية المثل ده اتطابقت تماماً مع مادية العلاقة البقى فيها الخواجة أفضل من السوداني ب(طولة بالو)
أما قصة إنو الأصالة ما مهمة شديد .. فده هو زاتو الجنن (بوبي ) وهزمني , لأنو مابقدر افرض شوفي لجمالكم على الآخر , وما من حقي , لكن من حقي اخلف رجلي واقول ليهو الجمال عندي في سمار اللون وفي وفي وفي .. وأواصل ليهو : أنا بتزوج إمرأة سودانية عشان جمالا ده هو مقياسي للجمال , وكمان عشان أصالتا دي مابلقاها عندكم ولا انتوبتلقوها عند نسوانكم والاصالة دي هنا مابعني بيها وصف نساءهم بقلة ادب لا سمح الله .. بس الاصالة في الحرص على البيت الاساسو مودة ورحمة وتربية اولاد على اخلاق وقيم , مش على معايير مادية وبس وانا هنا ماعاوز اكون افلاطوني والغي المادة وكمان الغى الحاجة ل(طولة البال) زاتا بمختلف اوجها .. نووو اتا بتكلم عن تقيم المراة السودانية للأشياء ..
معليش مشغول شوية برجع ليك واواصل ..
_______________________________________ شايفك يارمانة بقيتي تخلينا نفتش الجمال المعنوي في الوجود :) طيب لما كان جمال الخواجة في طولة بالو ماكان في الوجود ده أشياء جميلة :)
Post: #19 Title: Re: بالنهار كوريلا و بالليل غوريلا ..! Author: حماد الطاهر عبدالله Date: 10-14-2012, 11:18 AM Parent: #15
Quote: بل هزمت نفسك بنفسك بهذا البوست... ولا تأسف إلا على ما كتبت...
صدقت من قالت ذلك. فليس كل ما يعرف يقال.
والكوريلا عيبها شنو؟ ما هي أول سيارة مرغوبة من فئة السيارات الصغيرة. والباقي لا يستحق الرد.
Post: #27 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 12:48 PM Parent: #19
Quote: صدقت من قالت ذلك. فليس كل ما يعرف يقال.
طبعاً أتنطر كان فهمتك , عرفناها صدقت وحا تجي تتشكر ليك بنفسها , بس شنو الكلو مايعرف لا يقال ؟
Quote: والكوريلا عيبها شنو؟ ما هي أول سيارة مرغوبة من فئة السيارات الصغيرة
غايتو البورد ده فيهو العجب ياخوي انتا جاي تعمل دعاية للتايوتا هنا ؟ اها كم سلندر وصرفها للبترول والزيت كيف ..
Quote: والباقي لا يستحق الرد.
والله ياريتك لو شفتو كلو مابستحق الرد كنتا ريحتني وريحت نفسك وعفيتنا من دعاية الكوريلا الجيت كبيتا لينا هنا :)
______________________________________- مالك كمان ما اتفنجرتا للاخر وشكرت الغوريلا بالمرة
Post: #20 Title: Re: بالنهار كوريلا و بالليل غوريلا ..! Author: أيمن الطيب Date: 10-14-2012, 11:19 AM Parent: #15
سلامات يا كمال,,
Quote: شايفك يارمانة بقيتي تخلينا نفتش الجمال المعنوي في الوجود :) طيب لما كان جمال الخواجة في طولة بالو ماكان في الوجود ده أشياء جميلة :)
محاولة ما بطالة للخروج من الورطةالواسعة التى أدخلتك فيها أختنا رمانة,,
حاول مرة أخرى فقد تنجح!!
لكن للضمان كدا ,, إنت طالما عندك الترابى أشجع وأذكى سياسى سودانى وقد يكون أطهرهم فاى شى منك متوقع,,
الرجاء المحاولة مرة أخرى ,,
Post: #21 Title: Re: بالنهار كوريلا و بالليل غوريلا ..! Author: rummana Date: 10-14-2012, 11:36 AM Parent: #20
ياخ أنا ذاتي ما عجبتني قصة الاستعانة ببيت إيليا أبو ماضي دي... لسبب ما ليه علاقة بالوجود ولا الجمال المعنوي بل لانه فيه شبهة اساءة غير مقصودة لشخص المخاطب... عموما الاخ كمال ما في اي نية اساءة لشخصك بس اكيد كلامك والبوست عندي فيهم وجهة نظر .. حتى تعليقك.. لكن حأنتظر باقي الكلام...
Post: #22 Title: Re: بالنهار كوريلا و بالليل غوريلا ..! Author: Hadeer Alzain Date: 10-14-2012, 11:39 AM Parent: #20
سين سؤال
إنتو الغوريلا دي بتلد شنو غير قرود ؟؟؟؟
١٠٠ دولار جائزة على الإجابة الصحيحة
_ كيمو يا إبن أمي الجميلة بجيك راجعة
.
Post: #24 Title: Re: بالنهار كوريلا و بالليل غوريلا ..! Author: Hadeer Alzain Date: 10-14-2012, 11:47 AM Parent: #22
للمساعدة على إجابة السؤال أعلاه ...
ذكر الغوريلا
الغوريلا Gorilla هي من فصيلة القردة العليا وأكبرها حجما حيث يصل وزنها إلى أكثر من 500 كيلو غرام.
بينت الدراسات الحديثة بأن الغوريلا حيوان يميل نحو الانطواء بعكس ما يشاع عنه بأنه من الحيوانات العدائية
وإذا جرحت أو أزعجت فإنها يمكن أن تصبح خصما عنيدا وذلك لقوتها الهائلة.
تتغذى الغوريلا على أوراق الأشجار وأوراق أشجار التوت خصوصا وكذلك تقتات على بعض أوراق النباتات الشوكية.
تعيش الغوريلا في مدينة رواندا في محميات ومستعمرات أعدت لها خصوصا للحفاظ عليها من الانقراض.
هناك أنواع ثلاثة معروفة في العالم للغوريلا وهي الأورنج أوتان (orange-utan) والشمبانزي وأصغرها هو الجيبون.
وتعيش الغوريلا في مجموعات يتراوح عدد أفرادها بين 20 - 30 ويظل الصغار بصحبة آبائهم حتى سن البلوغ أي حتى يبلغ عمرها 14 عاما.
وتنقسم الغوريلا من حيث البيئة التي تعيش فيها إلى نوعين :
1- غوريلا السهل التي تعيش في الجابون وزائير والكاميرون.. 2- غوريلا الجبال التي تعيش على ارتفاعات تصل إلى 3500 م..
وليس للغوريلا أعداء إلا نادرًا، ويتحتم عليها الدفاع عن صغارها ضد الفهود وغيرها من الحيوانات المفترسة..
ولا يعكر صفو حياة الغوريلا إلا ذلك الإنسان الذي يأسرها أو يصطادها لمجرد الهواية، أو عقابًا لها على ما تحدثه من إتلاف للمزروعات.. وكذلك الرعاة والمزارعون الذين يقطعون أشجار الغابات فيحرمونها من مسكنها الطبيعي الذي ترتاح إليه.
.....
Post: #33 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 05:01 PM Parent: #22
اها والله في بالي كنتي وانا بعدد في صفات البت السودانية الجدعة و وحاتك مابنديك لي خواجة .. ولو بتحلي لي كنتي عرستك انا براي ..وكنت امنت مستقبلي تماما :)
Post: #23 Title: Re: بالنهار كوريلا و بالليل غوريلا ..! Author: وليد محمد المبارك Date: 10-14-2012, 11:44 AM Parent: #20
يا ايمن بطل الصمرقع
Post: #25 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 11:58 AM Parent: #20
Quote: محاولة ما بطالة للخروج من الورطةالواسعة التى أدخلتك فيها أختنا رمانة,,
حاول مرة أخرى فقد تنجح!!
لكن للضمان كدا ,, إنت طالما عندك الترابى أشجع وأذكى سياسى سودانى وقد يكون أطهرهم فاى شى منك متوقع,,
الرجاء المحاولة مرة أخرى ,,
يا ايمن الطيب .. ورطة شنو انت قايلني أنا غبيان ولا شنو ؟:)
موضوع شيخ حسن ده لسا عامل ليك ملاوزات ؟ الشجاعة والذكاء عرفناهم (الطهارة) دي كلمة فضفاضة شديدة :)
Post: #26 Title: Re: بالنهار كوريلا و بالليل غوريلا ..! Author: محمد علي البصير Date: 10-14-2012, 12:33 PM Parent: #25
Quote: ودالبصير تحياتي شايفك اتحسستا وبقيت تعدل مداخلتك البورد ده الكتابة فيها بتجلي بالواحد ردي ليك ده رد لجميع السودانيين بس كان رد حسب مداخلتك مش مخصص او مبني على معرفة او عدم معرفة ..
معذرة لو فهمتني غلط والقصد هنيئا لكم بالخير والجمال .. وكنت اعني ما اقول ..
الأخ كمال ـ لك تحية الود والتقديرـ أنا لم أتحسس من كلامك ـ ما أنت من بني جلدتنا وتعرف البئر وغطاها زي ما بقولو ـ
ولكن هذه المقولة تثير فيني قدر كبير من عدم الرضا ـ فقط لأنها لا تعبر عن الواقع ـ ولأدلل على ذلك ـ أحكي لك السالفة دي :
قبل فترة جاء زميلي بالعمل وهو سعودي يحمل صورة في هاتفه النقال ـ وبدأ يوريها لكل زملاء العمل بإنو الصورة لفتاة سودانية ، وهو غير مصدق ـ الصورة كانت لمطربة شابة شاهدها في أحدى القنوات الفضائية ـ وكانوا حينها يجلس مع شلة أنس ، فلما شاهدوا هذه الفتاة أندهشوا كثيراً والتقط الصورة ليريني أيها ـ وجأني يسأل هل فعلاً السودان فيه نساء بهذا الجمال ـ الراجل في اليوم داك كلو أخدوا معاي تعليق ـ إنو ما مصدق ـ طبعاً لأنو واقع تحت تأثير (بالنهار كوريلا وبالليل غوريلا) ـ الناس ديل بفتكروا السودان دا غير القبح ما فيه شئ ـ ولسؤ الحظ لا يبحثون عن الحقيقة ـ بل تظل الإنطباعات السائدة معشعة لحين توقعهم الصدفة في صور ناس أفراح عصام كما حدث مع صديقي السعودي
Quote: والله ياريتك لو شفتو كلو مابستحق الرد كنتا ريحتني وريحت نفسك وعفيتنا من دعاية الكوريلا الجيت كبيتا لينا هنا :)
صدقت أيضا يا رجل، وأنت أحسن من يقيم موضوعه لكونه ( هايـف) وما يستحق الرد لكن ( الإتبلبل عام)، والكلمات إذا خرجت لن ترجع. والمقصود ليس بكل ما يعرف يقال، هو ما نسمع به وبعض ما نراه عن صاحب المقولة وقومه بالرغم من تمسكنا بقوله تعالى:
Quote: لذلك تعمدت ايراد العنوان مبهما والتزمت الصمت حتى يتبرع المتبرعون بإيراده ليعرفن كم هو رائج وانه ليس من بنات افكاري وانما هو مفهوم نمطي اخر عن المرأة السودانية .. الغريبة رمانة أبتو تب .. وبقت تفتش في الوجود شيئاً جميلا .. طولة البال مالا مابتتلقى في الوجود معنوياً برضو ؟:)
Quote: اولاً جمالكم ده مابحددوا لينا لبناني ولا خليجي ولا حتى (الخواجة ) بتاعكم أبو بال طويل (: جمالكم ده شوفنا احنا ليكم ونحنا شايفينكم اجمل نساء الارض .. بس شوفي المثل الفوق ده ..
الاخ كمال علي الزين انت كتبت عنوان وداخل البوست عملت "star"...آل إيه: آل يعني هاكم الانفورميشن ده .. انتوا كده.. وانتظرت تشوف رد الفعل.. الجميل انه أول ردود جاتك من رجال .. أنا لعلمك دخلت البوست وطلعت بدون رغبة في التعليق تعرف ليه؟ لانه في كلام كده معاد ومجتر لدرجة انه ما عاد يفرق كتير لما يتقري.. البورد ده مليان بنوع الكلام ده بما في ذلك الكلام المكرر والاشارات الممجوجة عن الطهارة* ... وما كنت حأعلق فيه لولا اشارتك لبوست الخواجة وكلامك عن "هزيمتك فيه" ...بعد ما شكّرت حواء السودانية وحواء في المقابل ما امطرتك شكرا وحمدا علي تعطفك عليها وتلطفك وقولك انها، رغم خلقة الله، إلا أنك ما بتبدلها بأخرى حيث لن تستطيع الاخري أن تسخر نفسها لخدمتك كزوج ... يا أخ كمال .. ما تفتكر إنك بتتفضل على المرأة السودانية بشي لما تقول ليها "جمالكم ده شفنا نحن" وما بحدده لبناني أو خليجي... أرجو انك ما تكون فاكر إنه في واحدة ساذجة حتصدق إنك لما كتبت البوست ده كان قصدك تنتقد اللبناني... نوع "المثل " ده بيكون صناعة رجل سوداني في الأصل حتى لو ردده شخص من جنسية أخرى...زي وصفكم بالكسل اللي هو برضو صنيعة سودانية رددوها الغير... اللبناني أصلا ما كان مطروح للنقاش المطروح للنقاش هو الخواجة .. وده عنده بوست طوووويل مفتوح..
Quote: أما قصة إنو الأصالة ما مهمة شديد .. فده هو زاتو الجنن (بوبي ) وهزمني , لأنو مابقدر افرض شوفي لجمالكم على الآخر , وما من حقي , لكن من حقي اخلف رجلي واقول ليهو الجمال عندي في سمار اللون وفي وفي وفي .. وأواصل ليهو :
منو القال الاصالة ما مهمة شديد..؟ أنا غالطتك في استبعادك للجمال من جملة صفات المرأة السودانية... وما جمال "معنوي" زي ما قلت بل جمال حقيقي كامل جمال الخارج والداخل معا... الما قادر يشوف الجمال دي مشكلته هو ياخي.. بعدين في بوست الخواجة الناس ما اتكلمت عن وسامة الخواجة .. وهل أنا بحتاج أدلل على انه الخواجة أكثر وسامة من السوداني؟ هل تفتكر أنه المرأة السودانية بتحب تعيش مع غوريلا؟ ... لكن الجمال ده شي نسبي ويخضع لمعايير تخص كل شخص على حدة... وأنا ذاتي لو جاني لبناني/ة ولا سعودي/ة وقال لي انه الرجال السودانيين شينين أو آراءهم عن المرأة متخلفة ورجعية ما بحس خالص إني ملزمة "أفرض عليه رأيي" حول وسامتكم أو عدم رجعيتكم ...رأيه ما بيهمني كتير طالما الموضوع ما بيخصه شخصيا....
Quote: شايفك يارمانة بقيتي تخلينا نفتش الجمال المعنوي في الوجود :) طيب لما كان جمال الخواجة في طولة بالو ماكان في الوجود ده أشياء جميلة :)
أنا ما طلبت منك أو من غيرك التفتيش عن الجمال المعنوي أو المادي .. الما عايز يخطب سودانية لانه بفتش على جمال غير موجود في السودانيات حلال عليه وبخيت ومبارك... وبنفس الطريقة ما مفروض تزعلوا لما السودانية تفضل عليكم جنسية تانية....بس بحب الفت النظر لــ أنه الكلام القالته "حواء" في بوست الخواجة مهم لاي سوداني خاصة أي شاب ناوي يتزوج سودانية أو في بداية حياته الزوجية... لانه بخليه يفكر عشرة مرات في الحاجات البيتعامل معاها كأمر مفروغ منه اللبيب حيستفيد مما تكتبه النساء هنا والما عايز يستفيد ما بنقدر نضربه على يده عشان يستفيد... وطولة البال دي - رغم انها ما كلامي - لكن لو مزعلاكم قدر كده؛ ما تطولوا بالكم ويا دار ما دخلك شر ! أو لو ناكرينها يبقى العارف عزو مستريح ... ---- * انتو يا جماعة عايشين وين؟ المتضرر من الخفاض هو المرأة في المقام الاول مش الرجل وأساسا اُخترع عشانه ...والخفاض السنة ممارس من أكثر من اربعين سنة في المدن الكبيرة والما عارفه بالله يقرا عنه ... بالاضافة لكده أنا لي تلاتين سنة ما سمعت لي بحالة خفاض بنت واحدة وسط كل الناس البعرفهم ... مضغ بعض الكلام بيفرغه من المعنى والمحتوى...بمعنى آخر ببقى مسيخ وممصمص..
Quote: سلامات: الاخت التي بتشبه الغوريلا الــ ورد الكلام عنها في مداخلتي السابقة ما ليها علاقة بيك البتة وبذا لزم التنويه...
رمانة يا سند وعضد المرأة السودانية ويا كتفآ آمنآ تتكئ عليه ما عرفتك قاصدة شنو! ولكوني أقراك وأقرئك لا أظن سيعتريني سوء ظن تجاهك البتة (فالخندق واحد) ..
وسألت سؤالي الفوق داك كمكاواة لي كمال .. لأنو الغوريلا لا تلد إلا قرودآ وشمبانزي وأشباههم .. ولو نحنا غوريلات فبالتالي يبقوا هم قرود .. ولا شنو؟!
كنا وما زلنا ندعم ونشجع زواج الخواجة وليس العرب الج(...)
ولهم نقول كما قالت الخواجية روندا : Change your thoughts .. you will change the world
لك التحية!
______________
Post: #35 Title: Re: بالنهار كوريلا و بالليل غوريلا ..! Author: سيف النصر محي الدين Date: 10-14-2012, 05:17 PM Parent: #32
يا كمال الكلام ده بيتردد وسط السعوديين و ربما بقية الخلايجة و لكن بالملاحظة و المعايشة تجد اكثرهم غير سعيدين بحياتهم على الاطلاق و ترى مظاهر السفر للخارج للبنان و المغرب و تايلند ..الخ السؤال هو لماذا؟ عماذا يبحثون؟ اما الكورولا و غيرها فهي من سفاسف الامور و هم ايضا انحدر مستواهم إلى اقل من الكورولا و بقوا يقابضوا في الكيا و الهيونداي. تعرف انا مرة سعودي قال لي الكلام ده و بعد شاف ردة فعلي بقى يعتذر في كل مرة يقابلني فيها لمدة كم شهر كده. لأنو الكلام ده عنصري و هابط و تنميطي و مسئ لقائله في المقام الأول ثم لشعب بكامله.
قصف منظم وممنهج ومركّز على كل مرتكزاتك التى إرتكزت عليها فى محاولات الخروج من الورطة والمأزق الذى حشرت نفسك فيه دون أن تعلم أو بعلمك ,,
رجاءا لا تحاول مرة أخرى يا كيمو لحد هنا كفاية يا عريس,,
بالمناسبة,, ليس هنالك ما يثبت أن هذه المقولة المسيئة المحطة من قدرنا جميعا هى من إختراع هؤلاء الناس الذين ذكروا هنا وأغلب مثل هذه الإساءآت من إختراعنا نحن للأسف الشديد وإلتقطها بعض الجهلاء وجعلوا منها مادة للتندر والسخرية لكن سبحن الله أنظروا دائما من يستعملها !!!!.
المرأة السودانية تفوقت على معظم نساء أغلب شعوب المنطقة وإنجازاتها ونجاحاتها أنصع وأضخم وأكبر من أن نناقشها بهذه البساطة.
رغم هجوم التتار وتجار الدين ومحاولاتهم المستمرة لإرجاعنا جميعا لعصور حجرية غابرة,,
,, تحياتى,,
Post: #39 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 06:01 PM Parent: #38
Quote: قصف منظم وممنهج ومركّز على كل مرتكزاتك التى إرتكزت عليها فى محاولات الخروج من الورطة والمأزق الذى حشرت نفسك فيه دون أن تعلم أو بعلمك ,,
رجاءا لا تحاول مرة أخرى يا كيمو لحد هنا كفاية يا عريس,,
بالمناسبة,, ليس هنالك ما يثبت أن هذه المقولة المسيئة المحطة من قدرنا جميعا هى من إختراع هؤلاء الناس الذين ذكروا هنا وأغلب مثل هذه الإساءآت من إختراعنا نحن للأسف الشديد وإلتقطها بعض الجهلاء وجعلوا منها مادة للتندر والسخرية لكن سبحن الله أنظروا دائما من يستعملها !!!!.
ايمن الطيب بطل كسير تلج للبنات ديل و أنتا حاسب نفسك خواجة ولا شنو ؟
__________________________________________ مر علي جيرتك اخير منها جيرة البشير وسلفا
Post: #36 Title: Re: بالنهار كوريلا و بالليل غوريلا ..! Author: زينب محمد عبدالله Date: 10-14-2012, 05:20 PM Parent: #31
كتبت رمانه
(( وما كنت حأعلق فيه لولا اشارتك لبوست الخواجة وكلامك عن "هزيمتك فيه" ...بعد ما شكّرت حواء السودانية وحواء في المقابل ما امطرتك شكرا وحمدا علي تعطفك عليها وتلطفك وقولك انها، رغم خلقة الله، إلا أنك ما بتبدلها بأخرى حيث لن تستطيع الاخري أن تسخر نفسها لخدمتك كزوج ))
ههههههههههههههههه بالطبط كده يا رمانه
صديقنى يا رمانه انا ما كنت عايز ه اتداخل فى بوستات ال FRANCHISE لكن ردك الاوسكار دا ما بتفوت تعرفى بوست الخواجه دا عمل للناس الما عندهم ثقه بنفسهم وشخصيتهم مهزوزه عقده نفسيه وخلاهم يهضربو بكلام ما متماسك وكله تناقض غايتو بهناك كتب لى رد بس... سمك لبن تمر هندى .... انتا عارفه العينه دى ..من ما عينهم فتحت على الحياة ما شافو ليهم مره قالت ليهم الحاجه البتعملو فيها دى غلط يا هى نوعيه النسوان البقولو yes sir ومفتكريين كل النساء كدا ..لكن حصلهم ليهم SHOCK and AWE من بوست الخواجه عارفه يا رمانه انا بس سالتو سوال بسيط ردا على مداختلو ال اوف بونت البشكر فيها حواء السودانيه عارفه فى ردو لى فى بوست الخواجه كتب شنو ....(( كما عذرتك فى زوغانك لمن جاء اب تفه وكربنك وابى يفكك )) هههههههههههه عليكم الله العقليه البتفكر بى الطريقه دى فاكرنا انحنا واقفين فى زقاق مضلم وبى نتناقش ...حولا..... زى ما قال بشاشا الله يطراهو بالخير انتى قايله المرأة السودانيه اتجلدت فى الشارع وقتلت وعذبت فى شنو مايها نفس العقليه وطريقه التفكير
رمانه عايزنك بى هناك فى بوست الخواجه
انتى عارفه الخوجات عندهم مقوله بتقول we will not get angry we will get even
وانحنا كمان
تحياتى يا رمانه
Post: #40 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 07:01 PM Parent: #36
Quote: كتبت رمانه
(( وما كنت حأعلق فيه لولا اشارتك لبوست الخواجة وكلامك عن "هزيمتك فيه" ...بعد ما شكّرت حواء السودانية وحواء في المقابل ما امطرتك شكرا وحمدا علي تعطفك عليها وتلطفك وقولك انها، رغم خلقة الله، إلا أنك ما بتبدلها بأخرى حيث لن تستطيع الاخري أن تسخر نفسها لخدمتك كزوج ))
ههههههههههههههههه بالطبط كده يا رمانه
اووو زينب .. مرحب بيك هو شنو بالضبط كده :) انتو محتجات على النمط الخاتينكم فيهو الجنسيات التانية دي ؟ ولا أصلاً مؤمنين بفكرة التنميط دي .. ولا بتعزلوا النمط العاوزينو وترفضوا الماعاوزينو ..؟ أنا عبرت عن هزيمة قناعتي بوعيكم يانسوان السودان بكلمة (هزيمتي )دي , بس انتو رايحة ليكم جندرة ساكت يازينب وماعارفين تتسقوا مع نفسكم , وده واضح في تنميطكم للخواجة مقارنة بالسوداني مقابل رفضكم لفكرة تنميطكم في صورة غوريلا في مخيلة الجنسيات التانية .. ثم عدم إتساقك انتي تحديدا يا زينب في زوغتك من فكرة المحفزات , وتبريرك الفطير ليها .. بالضبط كده ..
Quote: صديقنى يا رمانه انا ما كنت عايز ه اتداخل فى بوستات ال FRANCHISE لكن ردك الاوسكار دا ما بتفوت
ايه موضة ماكنت عاوز اتداخل وماعاوزة اتداخل دي وتجوا تووووش .. البوستات مابرسلوا ليكم ليها دعوات فما تتحرجوا من المداخلة ..
Quote: تعرفى بوست الخواجه دا عمل للناس الما عندهم ثقه بنفسهم وشخصيتهم مهزوزه عقده نفسيه وخلاهم يهضربو بكلام ما متماسك وكله تناقض غايتو بهناك كتب لى رد بس... سمك لبن تمر هندى .... انتا عارفه العينه دى ..من ما عينهم فتحت على الحياة ما شافو ليهم مره قالت ليهم الحاجه البتعملو فيها دى غلط يا هى نوعيه النسوان البقولو yes sir ومفتكريين كل النساء كدا ..لكن حصلهم ليهم SHOCK and AWE من بوست الخواجه
طبعاً يا زينب بوست الخواجة ده تستحق عليهو مداخلتك الشفقة بجدارة .. لأنو بانت فيها أزمة شخصية جداً , وهي أزمة عدم تعايش مع واقعك مجتمعك ومحاولة التهرب من الفشل ده بحجة تكاد تكون مضحكة (طولة بال الرجل السوداني وحاجته للمحفزات ) .. يعني لو كان بالو طويل سلبة .. وما محتاج محفزات بكون أفضل من الخواجة عندك ؟ طيب لو لميتي في خواجة على قدر حالو وبالو أقصر من بالي انا السوداني ده , بترجعي تقيمي السوداني تاني ؟
Quote: عارفه فى ردو لى فى بوست الخواجه كتب شنو ....(( كما عذرتك فى زوغانك لمن جاء اب تفه وكربنك وابى يفكك )) هههههههههههه عليكم الله العقليه البتفكر بى الطريقه دى فاكرنا انحنا واقفين فى زقاق مضلم وبى نتناقش ...حولا..... زى ما قال بشاشا الله يطراهو بالخير انتى قايله المرأة السودانيه اتجلدت فى الشارع وقتلت وعذبت فى شنو مايها نفس العقليه وطريقه التفكير
ده ايه الشعارات الكبيرة دي يازينب ؟ نفس العقلية ياتا ؟ زينب أنتي مأزومة بالمناسبة , العقلية الجلدت وعذبت دي عقلية سلفية متجمدة زي عقليتك المادية المتجمدة دي بالضبط لأنها برضو نمطت الشخصية من منطلق أزمة زي أي أزمتك دي ..
بعيدن لغتي الاستخدمتها دي لغة مناسبة جدا لطريقة طرحك ولو عاوزة تعرفي ليه برجع تاني أوريك , بس مامعانا زعل :)
________________________________
طبعا في ردة ثقافية إجتماعية أتعرض ليها الشعب السوداني خلال ال30 سنة الماضية الردة دي نتاج لخلط كبير بين قيم المجتمع السوداني زمان مجتمع اتوارث سماحة في التعامل وانفتاح حتى في النظرة للمرأة , لدرجة قد تصل لحد انو الحرية الوجدتا المراة السودانية زمان مالاقيها حتى أسي في زمن التعليم المتاح ليها اسي عشان كده يا زينب الزول لما يكون هش ومأزوم زيك كده , بلجأ لصناعة منصة اطلاق نار من منطلق جندري بحت وبعدها لما يغلب كمان بساوي من جلد المرأة بالسياط بالبتحاور معاها زيي كده , وده بالمناسبة مخرج تاني ما مسموح نمشيهو ليك كده سليقة لأنو القضية أصلا ماقضية جندر وبس زي مابتحاولي تصوريها , القضية قضية ردة ثقافية جعلت الزيك يتوهموا انها قضية جندر كمخرج لابما من أزمات شخصية .. وده مجرد تحليل بس .. والمؤسف انو المثقفة السودانية وحتى اليسارية فشلت في مصالحة القيم السودانية مع القيم الانسانية وخلطت بين قيم الحضارة الغربية المادية البتجعل الانسان مجرد سلعة وبين قيم سودانية متوارثة من حضارات سودانية .. لذلك أنا شايفك حتى الرجل تحول عندك برضو بالخلط ده لسلعة تقاس قيمتو بدرجة طولة بالو وعدم غحتياجو لمحفزات ..
__________________________________________- قصة الغوريلا والكوريلا دي برجع ليها برواقة ..
Post: #37 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 05:23 PM Parent: #30
(*)
طبعا يارمانة انا جني وجن الردود الكمونية دي , انتي رديت على كلامي انا ؟ :)
المهم زي مابقول طبارك .. انا حا أجي افرز الكمونية دي وافصلا كل كرشة في حتة وكل كبده في حتة ..
________________________________________ اما بالنسبة لاختي دي ماتشتغلي بيها فأنها ما أتت لحوار :) جاية تعيث فساداً في البوست بتاعي ده وعملتو غابة بس
Post: #57 Title: Re: بالنهار كوريلا و بالليل غوريلا ..! Author: الصادق صديق سلمان Date: 10-16-2012, 07:21 AM Parent: #30
الأخت rummana
Quote: ما تفتكر إنك بتتفضل على المرأة السودانية بشي لما تقول ليها "جمالكم ده شفنا نحن" وما بحدده لبناني أو خليجي... أرجو انك ما تكون فاكر إنه في واحدة ساذجة حتصدق إنك لما كتبت البوست ده كان قصدك تنتقد اللبناني... نوع "المثل " ده بيكون صناعة رجل سوداني في الأصل حتى لو ردده شخص من جنسية أخرى...زي وصفكم بالكسل اللي هو برضو صنيعة سودانية رددوها الغير... اللبناني أصلا ما كان مطروح للنقاش المطروح للنقاش هو الخواجة .. وده عنده بوست طوووويل مفتوح..
بالتأكيد يا رمانة كلامك سمح وعجبني لأنو بالجد عبر عن شك كبير داخل قلب المرأة السودانية التي لا تثق في الرجل السوداني وبما أنك أكدتي أن من صنع الأمثلة التي تسيء للمرأة السودانية أو الرجل السوداني هو سوداني فهذا يمثل تأكيد بالنسبة لي أنه لا توجد ثقة متبادلة بيننا كسوداني وسودانية - وأنا لا أتفق معك البتة - فهذه الأمثلة أخرجها غير سودانيين لقتل الشخصية السودانية في الخليج والعالم بعد حرب الخليج ولكن الآن بدأ العالم الخليجي يعرف ماهية السوداني وأهميته رغم وجود عيوب كبيرة في الشخصية السودانية وأيضاً أري أنها بدأت تتبدل إلى الأفضل في الجيل الجديد.
Post: #70 Title: Re: بالنهار كوريلا و بالليل غوريلا ..! Author: كمال علي الزين Date: 10-17-2012, 07:21 PM Parent: #57
Quote: بالتأكيد يا رمانة كلامك سمح وعجبني لأنو بالجد عبر عن شك كبير داخل قلب المرأة السودانية التي لا تثق في الرجل السوداني وبما أنك أكدتي أن من صنع الأمثلة التي تسيء للمرأة السودانية أو الرجل السوداني هو سوداني فهذا يمثل تأكيد بالنسبة لي أنه لا توجد ثقة متبادلة بيننا كسوداني وسودانية - وأنا لا أتفق معك البتة - فهذه الأمثلة أخرجها غير سودانيين لقتل الشخصية السودانية في الخليج والعالم بعد حرب الخليج ولكن الآن بدأ العالم الخليجي يعرف ماهية السوداني وأهميته رغم وجود عيوب كبيرة في الشخصية السودانية وأيضاً أري أنها بدأت تتبدل إلى الأفضل في الجيل الجديد.
سلامات ياصادق .. يبدو أنك لسا ماقدرتا تقرأ فكرة الهجمة دي أو ماتابعتا .. انتا الهدف :) يعني مش الخواجة ولا الخليجي ولا اللبناني ولما تواجهن بحقيقة أنو التنميط التما للمرأة السودانية ده من الآخر بتكون اصبتهم في أعز مرتكزاتهم وممكن يتقروا كلامك ده زاتو حسب غرضهم :)
Post: #34 Title: Re: بالنهار كوريلا و بالليل غوريلا ..! Author: كمال علي الزين Date: 10-14-2012, 05:14 PM Parent: #29
Quote: صدقت أيضا يا رجل، وأنت أحسن من يقيم موضوعه لكونه ( هايـف) وما يستحق الرد لكن ( الإتبلبل عام)، والكلمات إذا خرجت لن ترجع. والمقصود ليس بكل ما يعرف يقال، هو ما نسمع به وبعض ما نراه عن صاحب المقولة وقومه بالرغم من تمسكنا بقوله تعالى:
الأخ كمال علي الزين تحية واحتراما لربما تكون مجيداً في تحوير ما يمكن تحويره وإخراج ما يترى إخراجه عن نص الموضوع وهو زيادة الغبن على الغبن لحواء السودانية والتي نتاجها أنا وأنت وكل ذي عقل ولب رشيد من أصحاب الفهم والدراية مما نبغ في كل ضرب حياتي حتى أصبح علماً يشار له ..فإيرادك لهذه العبارة دون أن تضفي عليها أية تعليق منتظراً متبرعاً - مثلي من العوام ولا أضع نفسي في العلياء - كما أوردت- ليأتيك بتفسيرها ثم تبدأ مرحلة التشخيص والتحليل عليها - ففي ذلك خطل أيما خطل فأنت إما مسلم بهاوتظن كل الظن أن الرجل الذي اضطرته دوافعه للهجرة لهذه الدول والعمل في وسط قومها - منهم الصالحون ومنهم دون ذلك - من الظلم أن نضعهم في سلة واحدة ..والمعلوم بداهة أننا أتينا كمهندسين ودكاترة ومعلمين وصحفيين ومترجمين ومحاسبين لهذه البلاد لنساهم في تطوير من يصفوننا بهذه الأوصاف من العوام وأصر على كلمة العوام لأني طيلة إقامتي في هذه المنطقة بدءً من اليمن وانتهاء بالإمارات ما جرت على لسان من يحمل قدراً من علم ..فعتبي عليك في اجترار ما حقه الصبر عليه وأما نقلك للعبارة فقطعا لا يجعل منك كافراً . أتفق معك أن مهمة المثقف أن يهتم لقضايا العامة ولكن ليس نقل بذاءات ألسنتهم واعتبارها قضايا للنقاش وإلا لألفت مجلدات وكتب في شأنهم .. فإن كنت قد أخطأت الفهم وأسأت التقدير فذلك قدر عقلي ..وإن أصابك رشاش قلمي فليس إلا في مجرى المقال وليس المقام فالمقامات محفوظة والود باق.
Post: #44 Title: Re: بالنهار كوريلا و بالليل غوريلا ..! Author: كمال علي الزين Date: 10-15-2012, 00:25 AM Parent: #41
(*)
شكرا ياحلاوي على كلماتك الطيبة
د. سيف النصر .. برد عليك بالتفصيل ..
طلحة تنظير هنالك فرق كبير بين المراة السودانية التي عنها تتحدث وبين المرأة المأزومة والتي تبحث مؤثر خارجي وراء أي خلل أنا اتخيل لي العيب مافي المرة ولا الراجل العيب في المحفزات شكلها الخمرة بقوا يزيدوها موية والدخان بقى بي حطب عشر
Post: #42 Title: Re: بالنهار كوريلا و بالليل غوريلا ..! Author: حيدر حسن ميرغني Date: 10-14-2012, 09:47 PM Parent: #34
Quote: تعرف انا مرة سعودي قال لي الكلام ده و بعد شاف ردة فعلي بقى يعتذر في كل مرة يقابلني فيها لمدة كم شهر كده
غايتو أنا - والله العظيم - حكيت ليهو نكتة مضادة خليتو يهضرب الزوج : ياشيخة إتعلمي الطبخ عشان نسفَر الخادمة الزوجة : طيب انت إتعلم (....) عشان نسفَر السواق
Post: #43 Title: Re: بالنهار كوريلا و بالليل غوريلا ..! Author: كمال علي الزين Date: 10-15-2012, 00:00 AM Parent: #42
Quote: غايتو أنا - والله العظيم - حكيت ليهو نكتة مضادة خليتو يهضرب الزوج : ياشيخة إتعلمي الطبخ عشان نسفَر الخادمة الزوجة : طيب انت إتعلم (....) عشان نسفَر السواق
حيدر ياخوي .. بعد نكتة طول بال الخواجة مقابل السوداني ابومحفزات تاني ماعندك طريقة تعايروا .. بقيتو في سرج واحد ..
Post: #45 Title: Re: بالنهار كوريلا و بالليل غوريلا ..! Author: أيمن الطيب Date: 10-15-2012, 06:09 AM Parent: #43
يا كمال الزين,,
Quote: ايمن الطيب بطل كسير تلج للبنات ديل و أنتا حاسب نفسك خواجة ولا شنو ؟
كسير التلج هين إنت بس أوعا تكون حاسب نفسك إتخارجت من الكمين الدخلتا روحك فيهو بالعربى الكتير الصرفتو دا!!!! التكنيك دا بقى شغال تش فى المنبر الواحد يزنقو زى زنقتك دى يقعد يكورك ويتمها ليك جوطان وكواريك!!
يا أخوى إنت قبل العرس كدا بعدو حا تكون كيف؟؟؟
قلت لى حاسب نفسى خواجة!!! إن شاء الله بس خواجة ود قبايل ؟؟
Post: #46 Title: Re: بالنهار كوريلا و بالليل غوريلا ..! Author: اسماعيل عبد الله محمد Date: 10-15-2012, 07:40 AM Parent: #45
Quote: الأخ كمال علي الزين تحية واحتراما لربما تكون مجيداً في تحوير ما يمكن تحويره وإخراج ما يترى إخراجه عن نص الموضوع وهو زيادة الغبن على الغبن لحواء السودانية والتي نتاجها أنا وأنت وكل ذي عقل ولب رشيد من أصحاب الفهم والدراية مما نبغ في كل ضرب حياتي حتى أصبح علماً يشار له ..فإيرادك لهذه العبارة دون أن تضفي عليها أية تعليق منتظراً متبرعاً - مثلي من العوام ولا أضع نفسي في العلياء - كما أوردت- ليأتيك بتفسيرها ثم تبدأ مرحلة التشخيص والتحليل عليها - ففي ذلك خطل أيما خطل فأنت إما مسلم بهاوتظن كل الظن أن الرجل الذي اضطرته دوافعه للهجرة لهذه الدول والعمل في وسط قومها - منهم الصالحون ومنهم دون ذلك - من الظلم أن نضعهم في سلة واحدة ..والمعلوم بداهة أننا أتينا كمهندسين ودكاترة ومعلمين وصحفيين ومترجمين ومحاسبين لهذه البلاد لنساهم في تطوير من يصفوننا بهذه الأوصاف من العوام وأصر على كلمة العوام لأني طيلة إقامتي في هذه المنطقة بدءً من اليمن وانتهاء بالإمارات ما جرت على لسان من يحمل قدراً من علم ..فعتبي عليك في اجترار ما حقه الصبر عليه وأما نقلك للعبارة فقطعا لا يجعل منك كافراً . أتفق معك أن مهمة المثقف أن يهتم لقضايا العامة ولكن ليس نقل بذاءات ألسنتهم واعتبارها قضايا للنقاش وإلا لألفت مجلدات وكتب في شأنهم .. فإن كنت قد أخطأت الفهم وأسأت التقدير فذلك قدر عقلي ..وإن أصابك رشاش قلمي فليس إلا في مجرى المقال وليس المقام فالمقامات محفوظة والود باق.
Post: #47 Title: Re: بالنهار كوريلا و بالليل غوريلا ..! Author: أحمد التجاني ماهل Date: 10-15-2012, 07:43 AM Parent: #34
الأخ كمال لك التحية وعبرك لجميع المتداخلين فحقيقة الشعب السوداني كان من أحسن الشعوب سمعةً ولكن الله لا بارك في من كان السبب، فالأن تجد في بعض البلدان وفي الجرائد الرسمية ينشر سوداني الجنسية يفعل كذا وكذا بينما من الجنسيات الأخرى عربي الجنسية أو آسيوي الجنسية ويكون المحلق الإعلامي بسفارتنا في هذا البلد لم يكن اطلع على الخبر نفسه. فمثلا طرح المترجم لكتاب العقل أولا سؤال من نفسه لم يطرحه المؤلف (ما العلاقة بين الديناصور والسوداني النشط"الاثنان انقرضا معا") لم تتحركة دولة السودان ممثلة في بعثتها الدبلوماسية في البلد الذي نشر به الكتاب، فقط بعض السودانيين الذين كتبوا في هذا الشأن وقاموا بحملة من أجل ذلك. وحكي أخي الكبير أنه في زمن الرئيس الراحل نميري كان سفير السودان ح.ج.ك في أحد البلدان العربية وحدثت مشكلة في مطار تلك الدولة بسبب طائرة الخطوط الجوية السودانية فتحرك السفير إلى المطار وظل مع الركاب من أجل أن يجد حلا لأفراد جاليته المسافرين وتجمهر الناس حول الميزان وتقدم ضابط من تلك الدولة تكلم مع أحد المسافرين بصورة غير مهذبة فتقدم نحوه السفير أمسك من يده وحاول أن يتكلم معه فحاول الضابط أن يرفع يده فما كان من السفير إلا أن صفعه كف وتطور الموضوع إلا تدخل وزير داخلية تلك الدولة وقدم اعتذار لسعادة السفير وبعد تم حلة مشكلة المسافرين ذهب أخي السفير في البيت وهو زميل دراسة بالنسبة له فقال يا سعادة السفير تضرب الزول كف وانت زول دبلوماسي؟ فرد عليه السفير عليّ الطلاق لو كان عندي عطاز كان رصعت هذا الجاهل كيف زول يقل أدبه في شعب كامل ووالله وعلى بالحرام أي شخص يتعرض لأي فرد من هذه الجالية لن أدعه ساكت لأنه هذه هي مسؤوليتي أوفدتني لها الدولة وإلاأرجع السودان أسرح بإبلي. والآن نحن تضرب بنا الأمثال في الكسل وعدم العرفة والنوم في المسلسلات والهزليات والنكات وسفارات السجم هما فقط جمع القروش والجبايات. فذات مرة حدث لي موقف مع واحد لبناني موظف في بنك عندما جاء دوري في تخليص معاملة وحولنا مجموعة من العرب في الكوانترات المجاورة فسألني هذا الموظف بعد أن جلس في الكرسي أمامه هل بتحكي عربي وأنا لابس جلابية سودانية؟ فرديت عليه أنا أفريقي ولكن بحكي عربي أحسن منك يا فينيقي وأحسن كل العرب الحولك ديل وأنا بحكي عربي وفرنسي وانجليزي وياباني وسواحلي واتحداك ان تصمد أمامي دقيقتين محادثة في أي من اللغات التي ذكرتها بالذات الفرنسية التي تدعيها. والحاجة الثانية أنا بعرف أبوي وجدي وجد جدي العشرين وأبي كذلك وجدي كذلك فاتحداك أن تحسب خمس جدود. فوالله هذا اللبناني لم يستطع أن يقل كلمة غير الإعتذار. أما بخصوص حال بناتنا رغم التغير والوافد من الثقافات عبر الفضائيات ووسائل التواصل الأخرى إلا انه لا زالت السودانية سودانية مع وجود بعض الحاجات. فلا يسعني إلا أقول ما قاله ود عمي العمدة عبد الحفيظ حسن أبوركوك: أهلا مرحب حباب هندا في ديار السافل شبهك في البياحات في المغارب جافل تلقي بلدنازاخر بالروائع حافل هوادجو بحاكن الشقق المقابلة الساحل وفي الشقق المقابلة الساحل انت سكونك ومعلول قلبي بالسهم الرمنو عيونك يا الشتلة الطرية غصونك بلاش موضة توب سوداني تقدلي فيه والله يصونك نقر جرس الهوادج والظعن الشانلن وتلة ربوة القوز والمفارع جالن حناكيش كير شاهدنها وقالن أوض محمولة في الكلس أبونواين صالن.
Post: #48 Title: Re: بالنهار كوريلا و بالليل غوريلا ..! Author: أيمن الطيب Date: 10-15-2012, 08:10 AM Parent: #47
Quote: لك التحية وعبرك لجميع المتداخلين فحقيقة الشعب السوداني كان من أحسن الشعوب سمعةً ولكن الله لا بارك في من كان السبب، فالأن تجد في بعض البلدان وفي الجرائد الرسمية ينشر سوداني الجنسية يفعل كذا وكذا بينما من الجنسيات الأخرى عربي الجنسية أو آسيوي الجنسية ويكون المحلق الإعلامي بسفارتنا في هذا البلد لم يكن اطلع على الخبر نفسه. فمثلا طرح المترجم لكتاب العقل أولا سؤال من نفسه لم يطرحه المؤلف (ما العلاقة بين الديناصور والسوداني النشط"الاثنان انقرضا معا") لم تتحركة دولة السودان ممثلة في بعثتها الدبلوماسية في البلد الذي نشر به الكتاب، فقط بعض السودانيين الذين كتبوا في هذا الشأن وقاموا بحملة من أجل ذلك. وحكي أخي الكبير أنه في زمن الرئيس الراحل نميري كان سفير السودان ح.ج.ك في أحد البلدان العربية وحدثت مشكلة في مطار تلك الدولة بسبب طائرة الخطوط الجوية السودانية فتحرك السفير إلى المطار وظل مع الركاب من أجل أن يجد حلا لأفراد جاليته المسافرين وتجمهر الناس حول الميزان وتقدم ضابط من تلك الدولة تكلم مع أحد المسافرين بصورة غير مهذبة فتقدم نحوه السفير أمسك من يده وحاول أن يتكلم معه فحاول الضابط أن يرفع يده فما كان من السفير إلا أن صفعه كف وتطور الموضوع إلا تدخل وزير داخلية تلك الدولة وقدم اعتذار لسعادة السفير. والآن نحن تضربنا الأمثال في الكسل وعدم العرفة والنوم في المسلسلات والهزليات والنكات وسفارات السجم هما فقط جمع القروش والجبايات. فذات مرة حدث لي موقف مع واحد لبناني موظف في بنك عندما جاء دوري في تخليص معاملة وحولنا مجمع من العرب في الكوانترات المجاورة فسألني هذا الموظف بعد أن جلس في الكرسي أمامه هل بتحكي عربي وأنا لابس جلابية سودانية؟ فرديت عليه أنا أفريقي ولكن بحكي عربي أحسن منك يا فينيقي وأحسن كل العرب الحولك ديل وأنا بحكي عربي وفرنسي وانجليزي وياباني وسواحلي واتحداك ان تصمد أمامي دقيقتين محادثة في أي من اللغات التي ذكرتها بالذات الفرنسية التي تدعيها. والحاجة الثانية أنا بعرف أبوي وجدي وجد جدي العشرين وأبي كذلك وجدي كذلك فاتحداك أن تحسب خمس جدود. فوالله هذا اللبناني لم يستطع أن يقل كلمة عير الإعتذار.
سلامات الأخ أحمد التجانى ماهل,, كتابتك أعلاه إشتملت ضمنا أو صراحة على كثير مما نعانى منه كثيرا!!
ياخ هو يبقى دبلوماسى كيف إذا كان ماشى يكفت ضباط لابسين رسمى فى مطارات بلادهم !! موظف البنك قد لا يفرز الجلابية السودانية من الصعيدية من النيجيرية من التشادية والعقل والمنطق يقولان أن السؤال إجابته واضحة وبسيطة ,,
فلنتصالح مع أنفسنا نحاول الإبتعاد عن فكرة أن الجميع يحتقرنا أو يبحث عما يستفزنا!! أغلب ما يحدث معنا الآن هو صناعة سودانية مية المية وتضخيم غير منطقى لأمورليست بهذه الحجم,,
إنت يا حبيب محتاج لتركيب (PRV),,
تحياتى يا حبيب,,
تحياتى..
Post: #49 Title: Re: بالنهار كوريلا و بالليل غوريلا ..! Author: عبدالرحمن الحلاوي Date: 10-15-2012, 08:19 AM Parent: #47
حذف
Post: #50 Title: Re: بالنهار كوريلا و بالليل غوريلا ..! Author: أيمن الطيب Date: 10-15-2012, 08:39 AM Parent: #49
الحلاوى سلامات يا حبيب,,
Quote: يحكى أنه أيام الاستعمار الفرنسي لتلك البلاد كان أحدهم يعمل تحت إمرة ضابط خواجة ، فكان يأتي الضابط كل مرة بعذر ليحصل على إجازة ، فما كان من الضابط إلا أن يوافق له ، ويحتفظ بإذن الخروج ، وقد لا حظ الضابط تكرار كلمة وفاة أمي ثلاث مرات وأبي خمس مرات فناداه وقال له : أعلم أن لك أكثر من أب ولكن لست واثق أن لك أكثر من أم !!
من زاوية مغايرة قليلا قد تجد أن هذا الكلام إذا قيل عنا أو لنا لطارت رؤوس فكيف يقبل أحدنا أن يصف أحدهم أمه بمثل ما وصفها الضابط الفرنسى!!!!
Quote: والله زمناً طويلاً لم أسمع كلام كوقع الحافر
ألم تلاحظ أن هذا الحصان أعرج من صوت حافره!!!!أرجو تفكيك الكلام ووضعه فى ميزان المنطق والعقل فالخطأ يبقى خطا والصواب صواب وبعد إنتهاء المواقف علينا وضعها فى ميزان غير ميزان العواطف وحمية الجنس والقبيلة واللون التى لا تقدم بل تؤخر..
تحياتى لك..
Post: #51 Title: Re: بالنهار كوريلا و بالليل غوريلا ..! Author: أحمد التجاني ماهل Date: 10-15-2012, 08:55 AM Parent: #50
الأخ أيمن بارك الله فيك على التعليق وكلامك فعلا صح هنالك الكثير من الأشياء شاركنا فيها بأنفسنا ولكن لذلك لا يعني أن كل ما يحدث لنا سبب نحن. أما بخصوص: إنت يا حبيب محتاج لتركيب (PRV),, إلا أكون دونكي!! عشان أتحكم في ضخ المياه.
ولك ودي
Post: #52 Title: Re: بالنهار كوريلا و بالليل غوريلا ..! Author: عبدالرحمن الحلاوي Date: 10-15-2012, 09:13 AM Parent: #51
ما عنصرية ولا شيء لكن يا أيمن الكلام قيل في سياقه
Post: #53 Title: Re: بالنهار كوريلا و بالليل غوريلا ..! Author: كمال علي الزين Date: 10-15-2012, 10:46 PM Parent: #52
(*)
طبعاً الأخت حليمة 2 طالبت بإقفال محضر بوست الخواجة في ساعته وتاريخه بحجة تعرض البعض لاستفزاز وخلافه .. ده قبل ما تديني فرصة أرد على (فلاحة ) زينب (المأزومة) الكاورت فيها مداخلاتي وأجتزئت بعضها عن سياقها متعمدة لمجرد الإنتصار لفكرتها (المهببة) المبنية على أزمة , عمادها : 1/ جندرية متوهمة حاولت تنصب فيها نفسها ممثل للمرأة السودانية وماعندها ذرة حق تمثلا , يازينب مع إحترامي ليك وكامل إشفاقي , إنتي بتمثلي نفسك وبس , والمرأة السودانية الأنا بشكر فيها دي ما إنتي , إنتي قناعاتك مختلفة (إنتي حرة) , إنتي تقييمك للناس والحاجات مادي بحت حسب تبنيك لقيم حضارة الخواجة(أبوبال طويل) فلذلك لست أنت المرأة التي عنيتها , أنت تمثلين الهزيمة التي عنيتها مع كامل إحترامي لخيارك وتقديري لأزمتك (إن كنت مأزومة بشكل أو بآخر ) 2/ إستدعاءك للأخ بشاشا ومؤازرة بعض الإخوان لك خاصة بعد أن حاولت أن تلصقي بي عنصرية قد تجعلني احد المسؤلين عن فصل الجنوب وأزمة دارفور وتهميش الاطراف وتغليب النعصر العروبي وإلقاء المكون الإفريقي ..إلى آخره جعلتني مجير على سؤالك سؤال : إنتي من منطلق ما , عاوز توجهي الحوار إلى مرتكز عنصري وجهوي بعد أن فشلت في تمثيل المرأة السودانية من منطلق الجندر ؟ بعدين يازينب أنتي ماقدرتي ذكائي , أنا مابنتمي للتلاتة قبائل الذكرتهم ديل , وماذكرتا لا قبيلة أمي ولا أبوي عشان ما أديك فرصة تلعبي على حبل العنصرية والجهوية ده , وانتي لو من غرب ولا شرق ولا جنوب ولا وسط السودان وعاوزة تصطادي في الحتة دي لمجرد إني ركزت على تلاتة قبائل من أقصى الشمال , اللي أنا مابنتمي ليهو ولا ليهم بالمناسبة , فدي حلوة وملعوبة منك بس بتكون شوتك طلعت (أوت) . المرة الجاية حا اشوف طريقة اجيب ليك موسوعة القبائل السودانية أكبها ليك هنا عشان تجيبي من الآخر وتبطلي فلاحة مافي محلها
بعدين أنتي مارستي عنصرية ضد السودان كلووووو , لما فاضلتي بين الخواجة وكل رجال السودان ونمطي الرجل السوداني بدم بارد جاي تتهميني أنا لمجرد إني أوردت تلاتة قبائل أصلا أنا مابنتمي لواحده فيهم وفي معرض فخر وإعتزاز بيهم ؟ طبعا عزيزك القارئ ممكن تسأليهو ليه كمال الزين ماضرب مثل بقبائل من غرب السودان ولا جنوب السودان مثلاً؟ حا اقولك ببساطة جنوب السودان ده بقى دولة جارة وده امر واقع رغم مرارتو وغرب السودان وشرقو ماجبتا خبرهم لانو القبيلتين البنتمي ليهم امتداهم غربا وشرقا لذلك بعدت عن الاطراف دي عشان ما اكون فعلا اتعنصرتا على قبائل الشمال وشكرت شرقه وغربه ولا وسطه كمان البنتمي لقبائل تعتبر اكثرية في الجهات دي .. ___________________________________________________ ده كلو كوم وعدم أمانتك في الإقتباس ده كوم تاني ودي بفرد ليها مداخلة خاصة أيوة عدم أمانة عديل وده شئ بالمناسبة زادني حزناً وإحباطاً وإشفاقاً عليك كواحدة بتدعي تمثيل المرأة السودانية حا أقول ليك أنا بالي أطول من بال أجدعها خواجة , ومابديك الفرصة تلعبي على أي وتر جهوي ولا عنصري ولا حتى جندري ببساطة لأني مابحاورك عشان نتطايب ونتنافق ولا نكاور بعض , الحوار ده عندو أدوات أمسكي فيها قوي ومابتخارجك مني غير أدواتو دي , ولا بتخارجك منو حليمة باغلاقا لخاصية التداخل في بوست الخواجة , وكمان قبل ما تديني على الأقل حقي المشروع في الرد على مداخلتك الحا تدخلك في ورطة تاني زي ورطة المحفزات وطولة البال المشاها ليك ودالبشرى ساكت رأفة بزولة ماقدرت تدافع عن وجهة نظرا بشجاعة للآخر , وهربت إلى مفهوم (الحب الكبير ) .. زينب شكر شنو الأنا كايسو منك ؟ أنا بالي طويل وما محتاج غير اتحاور معاك للآخر .. إمكن أنا زاتي اسلم ليك بأفضلية الخواجة وطولة بالو وأمشي أشتري لي تلاتة أربعة أمتار من سوق البال .. حا أرجع ليك برواقة وأنا بتهمك بعدم الأمانة .. شفتي كيف ؟ يا أثبتها عليك , يا أثبتي إنتي عكسها وعندها حا أفتح ليك بوست إعتذار إحقاقا للحق ..
سأعود .. وخلي الناس تستمتع في الأول بمداخلتك التحت دي وأفرحي بيها شويتين لحدي ما أجيك :) (
Quote: سلام شكرا يا دنقس .... ويين انتو يا ناس الزمن الجميل فى سودانيزاونلان
طبعا فى ناس بفتكرو كل ما كان الرد مطول الناس بتتكيف وبتقتنع وكمان لو اضافو ليها كلمات هابطه وحركات بتاعه شماسه نحنا بنخاف وبنستحى وما عارفيين انو الطريقه دى بتكشف طريقه تفكيرهم و تربيتهم والبيئه الناشئين فيها
عزيزى القارىء الحصيف فى case study جا هز هنا لى طريقه تفكير البعض ونظرتهم لى بعض الامور
دا جزء من مداخله لى الاخ كمال على الزين
((و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق وبننظر ليهم بشفقة مش اعتراضا على شكل الحرية البلقوها زيهم زي غيرهم من بنات الجنسيات التانية المتأثرين بيهم هم , لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل , وبالمقابل في بنات سودانيات ماشافوا السودان حتى ولا اتربوا وسط عائلاتهم الممتدة , لكن سودانيات في كل حاجة , ومابختلفوا عن امي وامك الا في التعليم العالي والمستوى الثقافي المالقوهو ديلك وفي المظهر الخارجي المودرن والاناقة حسب العصر .))
ناسف لانو خاصيه التلويين والوجوه الضاحكه والاقتباس ما بقدر اعملها لى سبب ما
لاحظو معى العبارات التاليه من المقتبس اعلاه
(( بنعاشر بنات اتولدو هنا واتريو هنا )) (( بنشوفهم من بار لي بار ومن مطعم لي مطعم ومن سوق لي سوق وبى ننظر ليهم بى شفقه))
العبارات الفوق دى تقرأ مع العبارات ادناه
(( لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل ,))
زمان كان فى برنامج فى السودان اسمو صور مقلوبه
يلا يدكم معنا فى المقتبس التالى فى صوره مقلوبه يجب ان نعدلها
(( انا شخصياً ماشايف اعظم من السودانية في كل حاجة وماعاوز اتزوج غير سودانية وسودانية (بلدي خالص ) كمان زي امي وحبوبتي , ديل نسوان مافي اعظم منهم , وما بتخيل يوم يكون عندي زوجة ماتقول لي : وووب علي وكر علي وسجم خشمي وهكذا ومابتخيل نفسي اناسب لي راجل بدون عمة كبيرة وجلابية وكمان لو بقت سكينو في ضراعو يكون مية مية ونسيبة لابسة توب واولادي يقولا ليها حبوبة وتحجيهم كمان وأي اجنبية كان بقت (كوندوليزا رايس ) ولا (هيلاري كلنتون) ولا (جنيفر لوبيز) مابتخش في ذمتي ببصلة وحرم المرة كان مابقت من دارجعل ولا شايقية ولا دنقلاوية ولا من اي قبيلة في السودان))
طبعا بعد ما ذكر المراة الجعليه والشايقيه والدنقلاويه قام استدرك وقال واى قبيله سودانيه هههههه... هسى كان فى داعى للبهدله دى والله يا بشاشا ليك وحشه
طبع بعد مداخلتو الكتبها بشكر فيها السودانيه على حسب زعمو ...وحواء السودانيه ما عبرتو مش تانى زعل وكتب بوست بى عنوان (( بالنهار كورلا وباليل غوريلا )) وقال بالحرف :
(( وحتى أمضى قدماً في حزني حين أكتشفت ان فضيلة الدفاع عن النفس التي ظللنا نمارسها لم تعد ذات جدوى بعد أن ذهبت محاسن وشمائل وصفات المرأة التي كنا نقول لهم عنها : إن تكن بنظركم قبيحة فهي ست بيت ورباية رجال واصيلة و وفية ومرة بمية راجل وهي بنظرنا أجمل فعليا من الخارج والداخل من أي حسناء تتأبطونها ليلاً .. الآن فقط أقول ليتني لم اغش بوست الخواجة ولا الفلبينية فقد هزمني من الداخل حين هزمت حوائى نفسها بنفسها ..))
يعنى بين عشيه وضحاها تحول من انو الولد عامل فيها بحب المرأة السودانيه وفجاة اكتشف انو
فضيلة الدفاع عن النفس التي ظللنا نمارسها لم تعد ذات جدوى بعد أن ذهبت محاسن وشمائل وصفات المرأة التي كنا نقول لهم عنها : إن تكن بنظركم قبيحة فهي ست بيت ورباية رجال واصيلة و وفية ومرة بمية راجل
وقديما قيل الطبع يغلب التطبع
فاصل ونواصل
Post: #54 Title: Re: بالنهار كوريلا و بالليل غوريلا ..! Author: سناء عبد السيد Date: 10-16-2012, 00:59 AM Parent: #53
((و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق وبننظر ليهم بشفقة مش اعتراضا على شكل الحرية البلقوها زيهم زي غيرهم من بنات الجنسيات التانية المتأثرين بيهم هم , لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل , وبالمقابل في بنات سودانيات ماشافوا السودان حتى ولا اتربوا وسط عائلاتهم الممتدة , لكن سودانيات في كل حاجة , ومابختلفوا عن امي وامك الا في التعليم العالي والمستوى الثقافي المالقوهو ديلك وفي المظهر الخارجي المودرن والاناقة حسب العصر .))
و انت البتمشي تعاشر الإتولدوا هناك و إتربوا هناك و بتمشي من بار لي بار و من مطعم لمطعم .. ما تكفر بروحك دي اول !!.. و للا دي تربيتك الربوك ليها- إنك تقترف كل المحرمات لأنك ولد بينما تتحرم على البت .. اي تربية و اي فهم .. الله الخلق الناس ده- حرم الزنا و الخمر على الأتنين و فرض عقوبات متساوية على الاتنين .. تعال فند لينا مفاهيمك دي البتحلل ليك الزنا و السكر و بتحرما على البنات و تكون انت بممارستك للرزايل دي ود ناس و هن ما بنات ناس!!
Post: #58 Title: Re: بالنهار كوريلا و بالليل غوريلا ..! Author: كمال علي الزين Date: 10-16-2012, 08:16 AM Parent: #54
(*)
أول حاجة أنا بشكرك يا سناء على أمانتك في الاقتباس مقابل عدم أمانة زينب لانك اوردتي كلامي زي ماهو ..
Quote: ((و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق وبننظر ليهم بشفقة مش اعتراضا على شكل (×××الحرية ××××) البلقوها زيهم زي غيرهم من بنات الجنسيات التانية المتأثرين بيهم هم , لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل , وبالمقابل في بنات سودانيات ماشافوا السودان حتى ولا اتربوا وسط عائلاتهم الممتدة , لكن سودانيات في كل حاجة , ومابختلفوا عن امي وامك الا في التعليم العالي والمستوى الثقافي المالقوهو ديلك وفي المظهر الخارجي المودرن والاناقة حسب العصر .))
Quote: و انت البتمشي تعاشر الإتولدوا هناك و إتربوا هناك و بتمشي من بار لي بار و من مطعم لمطعم .. ما تكفر بروحك دي اول !!.. و للا دي تربيتك الربوك ليها- إنك تقترف كل المحرمات لأنك ولد بينما تتحرم على البت .. اي تربية و اي فهم .. الله الخلق الناس ده- حرم الزنا و الخمر على الأتنين و فرض عقوبات متساوية على الاتنين .. تعال فند لينا مفاهيمك دي البتحلل ليك الزنا و السكر و بتحرما على البنات و تكون انت بممارستك للرزايل دي ود ناس و هن ما بنات ناس!!
طبعا شايفكم فجأة بقيتو تستخدموا مصطلحات الكيزان المابنهم ديل :) الرزايل عديل كده ياسناء .. وإقرار كمان بممارستي للرزايل دي زي مابتوصفيها هنا .. اول حاجة طبعا ما حا اتعب نفسي في محاولة دفاع ماعندها معنى .. يعني انتي مفتكراني حا اجي اقول ليك انا مابسكر ولا مابزني ولا ما بمارس (الرزايل ) دي زي ماسمييتيها ؟ ولا كمان حا أجي ادافع عن (الرزايل ) دي زاتاواقول واتكلم عن حرية الرجل في ممارستا وعدم حرية المرأة في ممارستا ؟
لا ياسناء .. شوفي أنا فوق قلتها وبقولا تاني : أي زول في الدنيا دي حر يماؤس العاوزو وبتحكموا قيمو واخلاقو وقناعاتو وسلوكو ده مسؤليتو هو .. و ربنا البحاسب لا انتي لا انا (ده بالنسبة للناس المؤمنين بربنا ).. وبالنسبة للناس الما مؤمنين بربنا (قيم المجتمع هي البتحكمهم ) , ده لواتفقنا انو القيم الانسانية ما مربوطة بالتدي بس :)
والبوست ده (خريف أبوالسعن ) بالنسبة لي , عشان اوصل نقطة مهمة جدا جدا فيما يتعلق بالحرية الشخصية والسلوك ..
والعنوان العريض (سلوكك ده خاص بيك انتي .. وسلوكي ده خاص بي انا .. بس السلوك ده لا لما يتحول لسمعة هنا ببقى انتقلنا لازمة تانية مثلاً : انتي حرة في مجتمع زي مجتمع الخليج ده تعملي العاوزاهو ومافي زول شريكك لا في جسدك لو زنيتي ولا في راسك لو سكرتي لكن مامن حقك في مجتمع زي مجتمع الخليج ده تمارسي الحاجات دي علناً عشان تتنمط شخصية المراة السودانية بناءً على ممارستك وقناعاتك وحريتك انتي الشخصية , بالضبط زي ماقيم المجتمع الغربي ادتك الحرية انك تسكر وتزني لكن قيدتك بانك ماتسوق سكران ولا تزني في الشارع ولا حتى تتعرى في الشارع ) والجابتر التاني : رده المجتمع السوداني عن قيمو اللي بمارسوها ناس هشين بسبب ادخال الاسلام السياسي للدين في ازمة طرح التساؤلات الكبيرة حول الدين نفسو , والرزايل البتتكلمي عنها دي سلوك بمارسوا الانسان من زمان في السودان وفي الواق الواق وفي مكة زاتا , بس ما بمارسوهو في العلن الا من اتحول عندهم لمهنة زي البرستتيوت , أو بائعات المشروبات الكحولية ..ولا هي اسمها الخمور ولا كمان المشروبات (الروحية) كل زول حسب قناعاتو بسميها , لكن السلوك ده لاحظتي حول المسميات وارتبطتت بيهو كيف ؟ ده الخلل الانا بتكلم عنو .. ومعترض على انو يلتصق بلامراة السودانية في المجتمع الانا عايش فيهو ده , وماحجرت حرية زول , لكن من حقي اقول رايي كزول سوداني قبلتوها ولا رفضتوها .. وعندي ملاحظتين هامتين فيما يتعلق بردة المجتمع السوداني : الاخت زينب كانت شجاعة جدا لما جات طرحت قصة المحفزات وطولة البال .. وهللتوا ليها فجأة جاها اب تفة , قال ليك (كنيديان جعلي ) :) زرة صغيرونة , كأني بها رجعت لبست توب حبوبتي وقالت : سجمي انا قلتا شنو قدام الرجال ديل وحا يقولوا علي شنو ؟ :) وبدت المبررات الفطيرة .. مع شوية لت وعجن واراء زي (الكمونية )
أسي انتي شايفة انو(الزنى) أو ممارسة الحب و شرب الخمر او المشروبات الكحولية أو الروحية رزايل ؟ ةمامن حق الرجل والمرأة على حد سواء ؟ ولا معترضة على السلوكيات دي بوصفها محرمات و(رزائل),ده سؤال مهم عشان نحدد نتحاور من ياتو منطلق دين ولا جندر ولا قيم ولا اخلاق ولا مبادئ حرية ..
_____________________________________________________ عزيز زينب القارئ لاحظ الكلمة التحتها خط في الاقتباس الجابتو سناء مشكورة بكل امانة من كلامي وقارن لينها وبين فهلوة زينب وفلاحتا حين اجتزأت متعمدة نفس الكلام , ببساطة لأنو المسالة عندها مش حوار للوصول الى نتائج وانما معركة فيها نصر وهزيمة
ده لحدي ما اجي راجع لزينب .. وبعد ما سناء تجيب على التساؤل اعلاه ..
Post: #55 Title: Re: بالنهار كوريلا و بالليل غوريلا ..! Author: د.ماجدة ميرغني Date: 10-16-2012, 07:00 AM Parent: #34
كتبت رمانه
(( وما كنت حأعلق فيه لولا اشارتك لبوست الخواجة وكلامك عن "هزيمتك فيه" ...بعد ما شكّرت حواء السودانية وحواء في المقابل ما امطرتك شكرا وحمدا علي تعطفك عليها وتلطفك وقولك انها، رغم خلقة الله، إلا أنك ما بتبدلها بأخرى حيث لن تستطيع الاخري أن تسخر نفسها لخدمتك كزوج ))
وكتبت زينب {و بالطبط كده يا رمانه}
و بالطبط كده يا زينب شكراَ ليك يا رومانة نيابة عن كل اهل السودان من حلفا لنمولي ونيابة عن نسائه خاصة وان احتجتي لمدد فأدعينا
Post: #56 Title: Re: بالنهار كوريلا و بالليل غوريلا ..! Author: د.ماجدة ميرغني Date: 10-16-2012, 07:01 AM Parent: #34
كتبت رمانه
(( وما كنت حأعلق فيه لولا اشارتك لبوست الخواجة وكلامك عن "هزيمتك فيه" ...بعد ما شكّرت حواء السودانية وحواء في المقابل ما امطرتك شكرا وحمدا علي تعطفك عليها وتلطفك وقولك انها، رغم خلقة الله، إلا أنك ما بتبدلها بأخرى حيث لن تستطيع الاخري أن تسخر نفسها لخدمتك كزوج ))
وكتبت زينب {و بالطبط كده يا رمانه}
و بالطبط كده يا زينب شكراَ ليك يا رومانة نيابة عن كل اهل السودان من حلفا لنمولي ونيابة عن نسائه خاصة وان احتجتي لمدد فأدعينا
Post: #59 Title: Re: بالنهار كوريلا و بالليل غوريلا ..! Author: المسافر Date: 10-16-2012, 08:17 AM Parent: #56
جدنا قالوا ليه الولد قال داير يعرس
الله يهون
انتو ياولاد؟ مصارعة النسوان دي بتقدرو عليها؟
حبوبتنا كانت عندها دفارة تتوكأ بها
لو قالت ليك جيبها لي بتشيل هم عشان ترفعها على كتفك وتوصلها إليها
ولو لحقت قبضتك في يدها دي تاني إلا الحداد يفكك من ايدها ...
والناس الفكرو في الغوريلا حاولو يعبرو الزمن ويرجعوكم لماضي الأصالة
لكن اعتقادهم لم يكن صحيح لأن الحياة البشرية في بلاد السودان القديم كانت جبلية وليست غابية وفي عهدها النباتي ارتبط بالأودية المسكونة من قبل بواسطة قبائل من الجن ، والجن لديهم مقدرات التشكل الحيواني ، وحاول إنسان تلك العهود كذلك التشكل الحيواني مما ترك مجالا للإعتقاد بوجود ذلك التشكل بصفة أصيلة في دورات نشأة ارتقاء الإنسان وتطوره ، وترسخت تلك الفترة لتؤسس إلى أن أصل الإنسان من أفريقيا وأنه تطور وارتقى ... إلخ النظرية المعروفة.
أما من ناحية لغوية وشاعرية الوصف هو الوصف إن كان في صورة : يا شبه الأرايل ... أو يا شبه القرود ... أو في قول مثل كأنما ألتفتت بجيد جداية رشأ من الغزلان حر أرثم ، أو تمشي الهوينا كما يمشي الوجي الوحل ، أو ظبية في نتيلا ، أو البكرة أم سوميتة ... والصيد العوام ... و########ة في الحب مثل السمكة ... وعينيك الحوتة... أو بقر الجواميس الرقادن لخ ... والغول والعنقاء... وقتلنا ولم يحيين قتلانا ...
هو شأن من شؤون الخوف والمصارعة والصيد والحرب والحرابة والحراب والنبال والطعان والقتل غير الرحيم... وسحر السحار الأزرق والأسود ...
تجد الكثير من يحكون مثل هذه الحكايات يبعثونها فوق مسار الخوف السارب من بين مىقيهم والرجفة المزلزلة لنبرات صوتهم حيث أنهم يغوصون بمعرفة أو غير معرفة في مجاهيل غائبة في حاضرهم ...
ارتبط بشر تلك الفيافي الجبلية بقرى مملكة الجن في أوديتهم المنتشرة على طول الأخاديد الجبلية والمنحدرة نحو المجاري والأنهار منذ قديم الزمان وقد استطاع بشر ذلك الزمان التشكل الحيواني بعد تعلم السحر في عهد الأمبراطور ( با ) وزوجته الأمبراطورة ( را ) في إمبراطورية إيتو الإفريقية ...
... ونواصل
والوجود الغابي كان في ظروف غير طبيعية طبيعية
Post: #61 Title: Re: بالنهار كوريلا و بالليل غوريلا ..! Author: أيمن الطيب Date: 10-16-2012, 09:30 AM Parent: #59
Quote: و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق وبننظر ليهم بشفقة مش اعتراضا على شكل الحرية البلقوها زيهم زي غيرهم من بنات الجنسيات التانية المتأثرين بيهم هم , لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل , وبالمقابل في بنات سودانيات ماشافوا السودان حتى ولا اتربوا وسط عائلاتهم الممتدة , لكن سودانيات في كل حاجة , ومابختلفوا عن امي وامك الا في التعليم العالي والمستوى الثقافي المالقوهو ديلك وفي المظهر الخارجي المودرن والاناقة حسب العصر
سلامات يا كمال على الزين,,
غايتو شوية كدا وعزيزك القارئ ايمن إحتمال يصل لقناعة إصابته بشيزوفرينيا القراءة !!!! ما قدرت أصل للخلاصات من طرحك أعلاه بخصوصكم إنتو المغتربين متبنى وحاملى المفاهيم المذكورة أعلاه!!! ما كتبته أعلاه مرهق لدرجة بعيدة عشان لو عزيزك القارئ حب يفكفك كلامك ويفنطو ويدحضو ويراجعو معاك نقطة نقطة حا يحتاج مساحات من الزمن والكلام لكن المختصر المفيد إنو إنت بقيت لافى ليك جوة دايرة ومصر على مغرزة نفسك زيادة فى كل محاولة إضافة أو محاولة شرح مقاصدك من كتابة كتبتها فى هذا البوست أو المقتبسات الآتية من خارج هذا البوست!!!!!!!!!!!!!!!!!!
يا كمال إنت عاوز تقول شنو لو أمكن ,,
1 2 3
وأخيرا (مأزوم يعنى شنو)؟؟؟؟؟
تحياتى..
Post: #62 Title: Re: بالنهار كوريلا و بالليل غوريلا ..! Author: كمال علي الزين Date: 10-16-2012, 08:29 PM Parent: #61
Quote: وأخيرا (مأزوم يعنى شنو)؟؟؟؟؟
عشان اشرح ليك محتاج انوم واصحى , خاصة واني انشغلتا شديد الليلة وجيت لقيت نفسي بقيت عدو المرأة التقدمية :)
_________________________________________ أما بقية مداخلتك يا ايمنكو فما عندي ليها رد بس بتحتاج صفقة من زينب حسب مفهوما للزول البشكر في المراة السودانية مابشكرا الا بحثا عن صفقة من زينب , خلاص يافاطمة احمد ابراهيم صفقطك حاتزيدني طول وعلا :) البوست الجاي كان الله احيانا حا يكون اسمو (صفقة زينب ) :)
Post: #60 Title: Re: بالنهار كوريلا و بالليل غوريلا ..! Author: كمال علي الزين Date: 10-16-2012, 09:02 AM Parent: #56
Quote: و بالطبط كده يا زينب شكراَ ليك يا رومانة نيابة عن كل اهل السودان من حلفا لنمولي ونيابة عن نسائه خاصة وان احتجتي لمدد فأدعينا
شكلها فعلاً حاتحتاج لمدد , فخليك قريبة بدون ماتحتاجي دعوة ..
Post: #63 Title: Re: بالنهار كوريلا و بالليل غوريلا ..! Author: سناء عبد السيد Date: 10-17-2012, 00:30 AM Parent: #60
Quote: أسي انتي شايفة انو(الزنى) أو ممارسة الحب و شرب الخمر او المشروبات الكحولية أو الروحية رزايل ؟ ةمامن حق الرجل والمرأة على حد سواء ؟ ولا معترضة على السلوكيات دي بوصفها محرمات و(رزائل),ده سؤال مهم عشان نحدد نتحاور من ياتو منطلق دين ولا جندر ولا قيم ولا اخلاق ولا مبادئ حرية ..
طيب حجاوب على سؤالك ده اول بعد داك حجي اناقشك في كلامك الفوق شايفة كلمة زنا و رزايل و محرمات ازعجتك شوية ..معليش نحنا قانونيين عشان كده بنستعمل الكلمات بطريقة مباشرة يعني ما بنلحن الكلام يعني كان جاني متهم في قضية من القضايا الفوق دي انا ما حستعمل كلمة المتهم كان بمارس الحب او المتهم كان بشرب مشروبات روحية..بل حقول المتهم متهم بممارسة الزنا او بشرب الخمر .. الخ دي جرايم و محرمات .. لكن خليني من نظرتي ..انت اقريت ضمنياً بانها رزائل و لكن لمن يعملوها البنات فقط .. ده على حسب كلامك و اقريت إقرار صريح بممارسة -( ...) ما عايزة اقول جرايم عشان ما تخاف - المذكورة اعلاه ..يعني لو انا كنتا قاضي و بقض النظر عن رأي شنو في الحاجات الفوق دي بقوم بحكم عليك بالعقوبات المفروضة.. عشان كده يا زميل watch what you are writing here فأنا اعتراضي على انك انتقدت السلوك لمن يقوموا بيه البنات فقط دون الأولاد امشي راجع كلامك التانا ختيت تحته خط و حتعرف انا قاصدة شنو
Post: #64 Title: Re: بالنهار كوريلا و بالليل غوريلا ..! Author: كمال علي الزين Date: 10-17-2012, 04:09 AM Parent: #63
Quote: طيب حجاوب على سؤالك ده اول بعد داك حجي اناقشك في كلامك الفوق شايفة كلمة زنا و رزايل و محرمات ازعجتك شوية ..معليش نحنا قانونيين عشان كده بنستعمل الكلمات بطريقة مباشرة يعني ما بنلحن الكلام يعني كان جاني متهم في قضية من القضايا الفوق دي انا ما حستعمل كلمة المتهم كان بمارس الحب او المتهم كان بشرب مشروبات روحية..بل حقول المتهم متهم بممارسة الزنا او بشرب الخمر .. الخ دي جرايم و محرمات .. لكن خليني من نظرتي
انتي محامية ياسناء ؟ وحامية شغالة وين ؟ غايتو الله يكون في عون البقع في يدك .. الفايدة الوحيدة الطلعتا بيها من مداخلتك الفوق دي انك انتي اقريتي بانو الزنى او ممارسة الحب وشرب الخمر او الكحول او المشروبات الروحية رزايل بغض النظر عن المجرم او المتهم
Quote: انت اقريت ضمنياً بانها رزائل و لكن لمن يعملوها البنات فقط
اقريت ضمنيا دي شنو ؟ :) انا اصلا ما اتكلمت عنها لا من منظور قانوني عشان اقر بانها جرم ولا من منظور ديني عشان اقر انها رزايل .. انا بتكلم من منظور قيم مجتمع (بالمناسبة ربط التدين بالقيم والاخلاق ده ) كارثة كبيرة يعني مثلا الاخوان والسفيين بدعوا لقيم اخلاقية (على سبيل الدعوة يعني ) استنادا على الدين هل على منافسينهم السياسيين العمل ضد القيم دي لمجرد انو بعدوا ليها الاسلاميين من منطلع ديني ؟ ونقول كلما فسد المجتمع في السودان كلما فشل المشروع الديني , لذلك على معارضي الانقاذ العمل على هزيمة المشروع الاخواني بالعمل على افساد المجتمع لانو القيم محتكرة ليهم ؟ وانهزام القيم في هزيمة الاسلاميين ؟ عشان كده قلتا ليكم حددوا لينا انتو بتناقشوا من ياتو منطلق (جندر) ولا (دين ) ولا (إجتماع ) ..؟
Quote: ده على حسب كلامك و اقريت إقرار (صريح )بممارسة -( ...) ما عايزة اقول جرايم عشان ما تخاف - المذكورة اعلاه ..يعني لو انا كنتا قاضي و بقض النظر عن رأي شنو في الحاجات الفوق دي بقوم بحكم عليك بالعقوبات المفروضة.. عشان كده يا زميل watch what you are writing here
على حسب كلامي ياتو ؟ يلا يا استاذة يامحامية , الليلة انا مابفكك الا تجيبي الاقتباس الانا اعترفت فيهو ببمارسة الرزايل دي و وراك لما تجيبيهو ولا تكوني فعلا زولة بتحترم نفسها وبتحترم الناس وتجي تعتذري .. غير كده مابخليك .. ولما تجيبي الاعتراف الصريح وصريح دي ختيتا ليك بين قوسين عشان ماتعملي رايحة وتجي تبرري كلامك باي شكل ومابقبل منك اي تبرير .. ويامحامية هانم , يا اما الاثبات اوالاعتذار .. وبديك فرصة لحدي بعد بكرة عشان ممكن تكوني مشغولة وتجي تفتشي براحتك في مداخلاتي وتجيبي الاقتباس الانا كتيتا فيهو الاقرارات الصريحة دي .. بالمناسبة حسب الكتابة البتكتبيها دي ما اظن تشتغلي في كافتيريا في محكمة خليك كمان من انك تتفنجري وتقولي : انا لو قاضي كنتا حكمت عليك .. تحكمي علي بشنو ؟ عارفة بالمناسبة انتي محامية مبالغة عارفة كلامك الكتبتيهو ده انا ممكن اقاضيك بيهو ؟ مش العكس , وكمان قلتي لي عشان ما اخاف :) اخاف من شنو , انتي خافي الله اول حاجة وخليك امينة وجيبي الاقتباس اثبتي كلامك او اعتذري , وبعداك شوفيني خواف قدر شنو ؟ بالمناسبة في اتنين بنات زميلاتي الله يطراهم بالخير لازم بكرة اخليهم يسجلوا في البورد ده ويجوا يحكوا ليك عن خوفي ده ..وفي وكيلة نيابة اسمها (ن) برضو بنجيبا شاهدة بس بعد استاذن منهم و واحدة فيهم بتقري فينا اسي وبتضحك عليك :) كمال الزين القدامك ده لما كان في اولى ثانوي (فنطوط) كده كان واقف مع اتنين زميلاتو في الشارع الساعة 1 ضهر وبنات مربيات كويس وشاطرات وشخصياتهم قوية (بجوك في البورد ده ) :) الكلام ده في بدايات الانقاذ اثناء ما بنتكلم قاليك كشباب غبيانين ساي قايلين الدنيا وردية جونا عساكر مايسمى بالشرطة الشعبية وفهمهم بالمناسبة زي فهمك ده بالضبط , قاليك سلاح ولبس رسمي و واقين هنا ليه وعلاقتك بالنات ديل شنو ومحاولة ابتزاز عديل كود عمر 16 سنة وبنات برضو في نفس العمر والغرض قاليك يانتهمكم بممارسة الرزيلة ونشهد بالكلام ده قدام اهل البنات ديل يا تمشي ياود يافالح وتخلي لينا البنات ديل نسوقهم معانا شوية كده , المهم الود الاسي بتحاولي تخوفيهو ده وهو فنطوط عمرو16 سنة اتضارب مع عساكر شايلين سلاح واتجينا انا والبنات ديل العساكر ديل لما الدنا كلها قامت وقعدت واصرينا نصل معاهم اي مستوى من التغاضي ومحكمتنا كانت حدث في الايام ديك وحضرا جمهور زي جمهور هلال مريخ :)وبقينا هدف عديل من اهداف دولة المشروع الحضاري ولو ما اهلنا كانو واعين وبنثق في وعيهم وبثقوا فينا كنا انكسرنا والعساكر ساقوا البنات وكمال الزين مشى بيتهم نام , لكن لحسن الحظ ابوي واخوي الكبير (ضابط في الجيش )وقفوا معانا للاخر وانتصرنا على العساكر ديل بفضل وكيلة النيابة ونزاهتا وانتصرنا لانو ماخفنا واتسكنا بحقنا وكنا حا نتحداهم لحدي الاعدام .. وبقينا اليومين ديلك نجوم مجتمع وكده :) فلو سمحتي انا ياهو زاتو الحاولو يبتزوهو داك , زي ما انتي اسي بتحاولي تبتزيني اسي .. القصة دي اثارت في شجوناً وذكرتني اننا جيل مابخاف ومابنكسر وبننتصر وبالمناسبة النصر ده كان نقطة تحول في حياتنا وكان مكمن برضو يكون بنشكل اخر نقطة تحول بشكل مختلف لو انهزمنا واستجبنا للخوف والابتزاز زي ماكتير غيرنا بكونوا انتصروا او انهزموا لانو خافوا واتنازلوا خافوا من اهلهم ومن المجتمع وقدموا تنازلات ضررا اكبر من الضرر الممكن يحيق بيهم لو الاهل ماتفهموا او حتى المجتمع ما اتفهم .. لذلك لو اثبتي علي الاقراربالتهم دي اوعدك باني اسلم نفسي لاقرب مركز شرطة في اول اجازة لي واتصل بيك كمحامية مدعية بالحق المدني وبطبغ الاقرار الحا تقتبسيهو ده بيدي واخلي سودانيز اونلاين والاقتباس المنو دليل ادانة اقدموا بنفسي .. هذا والا الاعتذار وبقبلو منك بكل سماحة نفس ..
Post: #65 Title: Re: بالنهار كوريلا و بالليل غوريلا ..! Author: Kabar Date: 10-17-2012, 04:37 AM Parent: #63
سناء عبد السيد.. حبابك يا صديقة كل سنة و انتي طيبة..
انت ققلت:
Quote: و انت البتمشي تعاشر الإتولدوا هناك و إتربوا هناك و بتمشي من بار لي بار و من مطعم لمطعم .. ما تكفر بروحك دي اول !!.. و للا دي تربيتك الربوك ليها- إنك تقترف كل المحرمات لأنك ولد بينما تتحرم على البت .. اي تربية و اي فهم .. الله الخلق الناس ده- حرم الزنا و الخمر على الأتنين و فرض عقوبات متساوية على الاتنين .. تعال فند لينا مفاهيمك دي البتحلل ليك الزنا و السكر و بتحرما على البنات و تكون انت بممارستك للرزايل دي ود ناس و هن ما بنات ناس!!
كتر خيرك على هذا الوضوح ، و بكل احترام اختلف معك في هذه العبارة..و اظنها قاسية للغاية و انطوت على احكام قيمة و عنف لفظي ليس فقط في حق الصديق كمال و انما تجاوزه لغاية اسرته و اتهامها بما لا ترضاه كاسرة..و لا أي اسرة في موقعها (نظام معيار موضوعي كما تقول ثقافة ناس القانون)..التمس الإعتذار عن هذه العبارة..لأن تربية كمال ليس هو من انجزها و انما هناك اسرة مسكينة لا ايدها لا كراعها.. هذه نقطة..
النقطة الثانية.. اعتقد ان الجميع محتاج اعادة قراءة الفقرة التي قالها كمال الزين مرة تانية و مرة تالتة..و مرة رابعة حتى..و هنا لا نبرر للرجل كلامه..و انما الموضوعية تقتضي قراءة العبارة كاملة..و قراءتها بصورة كاملة قد تقود الى خلاصات غير التي تم تبينها سواءا في هذا الخيط..او غيره من خيوط..و اخصك بالحديث يا صديقة.. لأنك قلت انك قد نلت تعليم قانوني..فالقانوني او القانونية .. ليس هم اهل انفعال و ليس هم من يطلق الأحكام بصورة جزافية..و حتى ابين وجهة نظري.. هنا عبارة كمال الزين كاملة:
Quote: و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق وبننظر ليهم بشفقة مش اعتراضا على شكل الحرية البلقوها زيهم زي غيرهم من بنات الجنسيات التانية المتأثرين بيهم هم , لا بس لأنو كل بني ادم ربنا خلقوا في ظروف اجتماعية مختلفة ومنظومة قيم مختلفة , لو شذا عنها بكون ادخل نفسو واهلو وتربيتهم ومنظومة قيمهم في مأزق أشبه بالفشل , وبالمقابل في بنات سودانيات ماشافوا السودان حتى ولا اتربوا وسط عائلاتهم الممتدة , لكن سودانيات في كل حاجة , ومابختلفوا عن امي وامك الا في التعليم العالي والمستوى الثقافي المالقوهو ديلك وفي المظهر الخارجي المودرن والاناقة حسب العصر
و ان كان كمال يرغب في تقييم سلوك أو تجربة بشرية ، فعبارة الرجل لم تشهد له بالإنحياز أو التحامل تجاه طرف ، بالعكس كان منصفا و متوازنا في التقييم.. فمثلما ذكر نموذج (قد يظنه البعض سئ و مسخ مشوه) أيضا ذكر نموذج اخر (قد يظنه البعض طيبا و ايجابيا).. و انا استغرب كيف ان بعض الصديقات في معرض النقاش (في كل سلسلة البوستات بتاعة الزيجات السعيدة).. بكل بساطة تقول في حجتها انها لا تعمم و انما تقصد بعض معين..و في نفس الوقت حينما يتحدث كمال الزين عن النسب المتوازنة..و يجيب نماذج لكل.. تقوم الصديقات تعاين للنصف الفارغ من الكوب..!..أين العدل هنا؟.. اما أن البعض منا محموق في السهلة ساكت..؟.. اليوم يا سناء..منهج كتابة ساكت.. أي ورقة اكاديمية دايرة تفاضلي فيها بين حاجتين..و في جواك دايرة تتنحازي لأحداهما.. أول حاجة بتجيب السلبيات..و بتختمي بالإيجابيات..فعليك الله يا صديقة شغل ناس القانون الجنائي ده ارخي منو شوية..اقول بذلك لأن ناس القانون الجنائي طريق لإتجاه واحد: ناس الإتهام دايرين ثبتوا الإتهام بأي وسيلة كانت (حتى لو يقول للمشكو ضد: بالله عاين تربية الزول ده..دي تربية مع الناس كمان)..و ناس الدفاع..بيشتغلوا سكة واحدة بس.. ابد ما حصل و الزول برئ و عاك و عييك..!! كمال اتكلم عن (الردة)..و (الأزمة)..و لم يتعرض لتربية شخص أو شخصة..فهذه امور تتعلق بنقد طرائق التفكير..وضحدها لا يحتاج الى اطلاق قيم بصورة جزافية..! ولا كلامي ده اعوج يا سناء؟..
كبر
Post: #66 Title: Re: بالنهار كوريلا و بالليل غوريلا ..! Author: Kabar Date: 10-17-2012, 05:18 AM Parent: #65
كمال..حبابك يا صديق سؤال برئ: هل ليك علاقة بالمؤتمرجية..تحديدا صديقنا بكري الجاك صاحب نظرية (البردعة)؟.. لأنو الناس هنا شكلها اختارت البردعة..و سابت العضم..
Quote: الآن فقط أقول ليتني لم اغش بوست الخواجة ولا الفلبينية فقد هزمني من الداخل حين هزمت حوائى نفسها بنفسها ..
هل ممكن تشرح الفكرة دي اكتر.. تحديدا: كيف حواء هزمت نفسها؟..هل تعتقد انها صارت زول سوداني (قصدي طريقة التفكير..و بناء الشواهد.زو الوصول لخلاصات و نهايات فيها شبهة بطرياركية مثلا)؟..
بقول بالسؤال ده لأنو مربوط عندي بفكرتك عن (الردة)..و ( الأزمة) و الإتنين حالات تفكير..
عارف ليه ما قاعدين نثق في بعضنا البعض؟.. تحديدا ليه الزولة السودانية ما قاعدة تثق في الزول السوداني؟.. الفكرة عندي مربوطة بالمجايلة..و كل ناس حابسة روحها في روح الجيل بتاعها..يعني صديقتنا زينب لمن تقول احكامها.. بتكون هي بتحاسب في زول جيل معين..و بتتعامل معاهو بنظام رد الفعل..عشان كده لمن تجيها روح جيل تانية اكثر انسانية..و اكثر مطراركية..و اكثر اعتدالا.. بيكون لسع عندها شك جواني ( ليس هناك امان ، نصفهم مدان..و النص التاني برضك مدان..هسع انا جبت سيرة التنميط يااااخ؟)..و نحن محتاجين بكل تسامح انيق.. نهدم هذا الشك الجواني.. و ما بنختلف تب..!!! الجندر ما حاجة شينة يا كمال - و شكلها بردعة تانية - ( لأنو نقتك دي في ناس كتيرة ح تقوم تعتبرك ضد الفكرة.. مع انها فكرة اساسا قامت على تتبع الظواهر و تحليلها و تفسيرها ان امكن)..!!!!
كبر
Post: #67 Title: Re: بالنهار كوريلا و بالليل غوريلا ..! Author: المسافر Date: 10-17-2012, 08:03 AM Parent: #66
لقد أوردنا في المداخلة السابقة صفة التشكل الحيواني التي كانت لدى إمبراطور وإمبراطورة مملكة إيتو ( الإمبراطور (با) والإمبراطورة (را) والتي شملت الأودية والأخاديد في منطقة تشمل شمال أفريقيا وجنوب آسيا ... وتم تسمية المدن من صفات مأخوذة من الإمبراطور أو الإمبراطورة ( مثال كا را توم ) صخرة الملكة العظيمة ( كا هي را ) مقر الملكة العظيمة ( أسم را ) دار الملكة ... ( آت با را ) نهر الملك با والملكة را ( أديس با با ) عرش الملك با بن الملك با ( ال بابا ) المفوض بواسطة الملوك...
وقد كان شكل الغوريلا هو الشكل المحبوب لدى العائلة الملكية وزوارها من المخلوقات الأرضية والفضائية لذلك كانت أغلب اللقاءات العامرة التي كان فيها حضور من البشر تأخذ في مظهرها شكل الغوريلا السوداء وأصبح شكل الغوريلا علامة نبيلة للحاشية الملكية واللون الأسود هو اللون الضارب لمجمع الملوك
ونواصل
Post: #69 Title: Re: بالنهار كوريلا و بالليل غوريلا ..! Author: كمال علي الزين Date: 10-17-2012, 11:39 AM Parent: #67
(*)
المسافر .. انتا وهدير افتحو ليكم جنينة في البوست ده بعد ده ..
Post: #68 Title: Re: بالنهار كوريلا و بالليل غوريلا ..! Author: كمال علي الزين Date: 10-17-2012, 11:06 AM Parent: #66
Quote: هل ممكن تشرح الفكرة دي اكتر.. تحديدا: كيف حواء هزمت نفسها؟..هل تعتقد انها صارت زول سوداني (قصدي طريقة التفكير..و بناء الشواهد.زو الوصول لخلاصات و نهايات فيها شبهة بطرياركية مثلا)؟..
بقول بالسؤال ده لأنو مربوط عندي بفكرتك عن (الردة)..و ( الأزمة) و الإتنين حالات تفكير..
سلامات صديقي كبر ... طبعا موضوعية ماغريبة عليك .. بس اخشى عليك من انك تصبح هدف انتا زاتك :)
سؤالك ياصديقي هو مربط فرص الازمة .. القصد من هزيمة حواء نفسها بنفسها هو انهاعلى العكس ماصارت زول سوداني .. القيم الموجودة في الحضارات السودانية القديمة كلها بالمناسبة كانت مساواة الرجل بالمراة فيها متقدمة جدا حتى على الحضارية الغربية ولو لاحظت المرأة عند النوبة مثلا او عند البقارة اوعند الجعليين والشوايقة لم تكن يوما للبيت والسرير كانت مرأة عاملة في الزراعة والرعي واسواق السودان المراة العاشت تراكم الحضارات دي كانت هي اغلبية فيها , وعلاقة المرأة في الحضارة السودانية بالملبس نفسها كانت فيها حرية لدرجة الرحط وجكسا في خط ستة ولم يكن هنالك تنميط لان قيم الحضارات السودانية لم تكن قيم سلفية تجعل من المراة كلها على بعضها كده عورة ولم تكن قيم مادية تجعل منها سلعة ولم تكن ايضا منزوعة القيم لتجعل منها (مشاعاً), الحضارات السودانية التي امتدت فينا حتى شوهتها الايدولوجيات المستوردة (يمينا ويسارا) كانت المرأة فيها حاكم وملكة على السودان وبالمناسبة انا سمعت (الترابي ) قبل ايام في الدوحة بنتقد الاستاذ محمود لانو صادم الانجليز لما حاولوا منع الختان الفرعوني , وحسب قراءة الترابي المستندة على حضارة الاسلام والعرب , ظن ان محمود عدو المرأة ودي برضو قراءة خاطئة لانو الاستاذ ماكان مع الختان الفرعوني اوضد الثقافة الاسلامية , نووووو الاستاذ كان واعي لامتداد الحضارات السودانية القديمة وعارف انو الاسلام والعرب وحتى الخواجات ماعندهم ختان في حضاراتهم ببساطة لانو الختان ده (فرعووووني) وفرعوني دي لانو مرجعيتو نوبية نيلية بحتة , وكان القصد منهاالتقليل من شهوة المرأة لدعم عنصر مساواتا بالرجل في الحضارات دي , ودي لو ما حضارات قايمة على منهج علمي كيف قدروا يقدروا مركز الشهوة وين في المرأة ؟ويستاصلوه من زمان فيما يشبه العملية الجراحية ؟ انا ضد الختان بالمناسبة لكن متفهم ىتماما وعي الاستاذ محمود لحتة جذور الحضارة السودانية وقوتا في ذلك الوقت وكان ممكن يساهم في منعوا بس مابقوة القانون , لانو ده منتوج ثقافة اجتماعي مستوحى من حضارة قوية وراسخة امتدت ممالكا الاف السنين وهو اتميز بالتفهم ده لانو الفكر بتاعو رغم انو مستمد من الدين الا انو يحمد له انو الفكر الوحيد السوداني المنشأ , والفكر الوحيد الحاول يوفق بين ثقافة الاسلام الوافدة وثقافتنا وحضارتنا الممتدة فينا الاف السنين وصعب تستاصل مفاهيما الخاطئة او الصحيحة بتحدى الامتداد والجذور الحضارية دي في شعوب بتمتلك حضارات قديمة زينا كده .. لذلك تحدثت عن الردة الثقافية والاجتماعية , لانو القيم الموجودة في الحضارات السودانية القديمة راسخة جدا في مسائل المساواة والجندر وما محتاجين استلاب تاني للحضارة المادية الغربية عشان نهزم الاستلاب الاسلاموعروبي , لانو الاسلاموعروبي كنا متصالحين معاهو منذ دخول الاسلام وهجرة العرب واختلاطهم مع العنصر السوداني وتكون شخصيتنا المذدوجة دي , وتصالح الاسلاموعروبي ده تم بهدوء مع حضارتنا لانو حصل امتزاج واختلاط وتصاهر من ناحية , ومن ناحية تانية لانو ما كان سلفي النزعة كان فيهو براح زيي الموجود في حضاراتنا القديمة , عشان كده حسن الترابي في ذات الندوة التي انتقد فيها الاستاذ محمود صرح امام العرب والاجانب والسودانيين نفسهم قائلا : السودانيين لم يكونوا متدينيين قبل الانقاذ وقليل منهم كان بصلي ونحنا جينا ادخلنا التدين ؟؟ وانا عاذروا لانو رؤيتو للتدين غير تلك التي جعلت السودانيين يقبلو دخول الاسلام عبر اتفاقية وبدون ان يستطيع المسلمين فتحه عنوة زي باقي الاقطار , ..
سأواصل شرح لو لقيت فرقة تاني اليوم .. مع شكري وتقديري ياكبر ...
______________________________________________ بس كمان شوف لينا الاستاذة المحامية دي عملت لينا شنو في موضوع الاتهام حا تثبتوا ولا حا تعتذر , ولا كمان ياصديقي ساعدني بأنك توريني عوجة رقبتي ومتين انا اقريت واعترفت الاعتراف الصريح البتتكلم عنو الاستاذة ده ؟ او نشوف عندها الشجاعة تعتذر .. ولا من النوع البيضطراك تقلع حقك منو قلع ,,
Post: #71 Title: Re: بالنهار كوريلا و بالليل غوريلا ..! Author: سناء عبد السيد Date: 10-18-2012, 01:49 AM Parent: #68
عاين ما تلف و تدور كتير .. ده موش كلامك : لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها) .. الخ انا ما اعتراضي على انك بتعاشر و للا ما بتعاشر انت حر طبعاً ..لكن اعتراضي على انك جاي تستنكر الفعل على البنات و مستثني نفسك .. شفتا استثناء نفسك من الفعل الجاي تستنكروا على البنات دي نقطة إختلافي معاك .. افتكر كلامي واضح
Post: #72 Title: Re: بالنهار كوريلا و بالليل غوريلا ..! Author: سناء عبد السيد Date: 10-18-2012, 02:03 AM Parent: #71
Quote: انتي محامية ياسناء ؟ وحامية شغالة وين ؟ غايتو الله يكون في عون البقع في يدك .. الفايدة الوحيدة الطلعتا بيها من مداخلتك الفوق دي انك انتي اقريتي بانو الزنى او ممارسة الحب وشرب الخمر او الكحول او المشروبات الروحية رزايل بغض النظر عن المجرم او المتهم
لا ما محامية اقرى كويس قلتا ليك القانونيين .. و لو محامية و و للا وكيل نيابة ما موضوعنا و ما تحاول تراوغ و لسه شايفاك بتغلف الكلمات .. ممارسة حب و مشروبات روحية!! انت جادي ؟.. وكت انت بتعاين ليها بالنظرة دي جاي منتقد البنات البتعاشرم ..قصدي البتمارس معاهم الحب لييه ؟ لمن كمان نفسك مسدودة منهم لدرجة قلتا حقوا نكفر بالمرأة السودانية
Post: #73 Title: Re: بالنهار كوريلا و بالليل غوريلا ..! Author: محمد البشرى الخضر Date: 10-18-2012, 03:13 AM Parent: #72
يا أخت سناء تحياتي كلمة "عاشر" هنا لا تفيد ممارسة الحب ولا السياق يوحي بذلك المثل بقول من عاشر القوم اربعين يوم .. إلخ, هل ممكن نقراه من مارس الحب مع القوم؟ لا طبعا ثم حتى لو احتملت العبارة اكثر من وجه يكفي انو صاحبها نفى المعنى الإتبادر لذهنك لتصحيح سوء الفهم وقفل الموضوع وكمال يستحق منك اعتذار و ايضا لأجل خاطر استمرار الحوار في جو طيب حول الموضوع الأساسي
Post: #74 Title: Re: بالنهار كوريلا و بالليل غوريلا ..! Author: صبري طه Date: 10-18-2012, 04:02 AM Parent: #73
أحلق شنبي وشنب ود القاضي وود البُشرى وكل الشنبات الحايمة في المنبر بي قزازة ميتة لو كان كمال علي الزين قاصد بالمعاشرة دي المعاشرة الجنسية
Quote: (و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج
Post: #76 Title: Re: بالنهار كوريلا و بالليل غوريلا ..! Author: كمال علي الزين Date: 10-18-2012, 04:48 AM Parent: #72
Quote: لا ما محامية اقرى كويس قلتا ليك القانونيين .. و لو محامية و و للا وكيل نيابة ما موضوعنا و ما تحاول تراوغ و لسه شايفاك بتغلف الكلمات .. ممارسة حب و مشروبات روحية!! انت جادي ؟.. وكت انت بتعاين ليها بالنظرة دي جاي منتقد البنات البتعاشرم ..قصدي البتمارس معاهم الحب لييه ؟ لمن كمان نفسك مسدودة منهم لدرجة قلتا حقوا نكفر بالمرأة السودانية[/QUOT
Post: #77 Title: Re: بالنهار كوريلا و بالليل غوريلا ..! Author: كمال علي الزين Date: 10-18-2012, 04:56 AM Parent: #76
(*)
شوفي ياسناء محامية - قانونية - داية - دي مشكلتك .. اغلف كلمات شنو ؟ هوي ها فتحي عينك الانا اسي لو لقيتك قدامي بقدها ليك عديل كده يعني بدخلا ليك صباعي في عينك عديل لحدي ماتعتذري وما تخليني اغلط فيك وارد ليك سفهك واساتك و قرائتك ال########ة دي اسرعي اعتذري .. بالله انا شغال من اسي لحدي العصر بتوقيتنا ولو ماجيت لقيت احترمتي نفسك واعتذرتي عن تعمدك القراءة (ال########ة دي) بكون عندي معاك شأن تاني .. والمرأة السودانية شنو البتتكلمي عنها انتي ؟ اكفر بيها ولا أؤمن بيها ماشغلتك .. شغلتك تثبتي اني قاصد المعنى (النضح) في عقلك أو تعتذري وبس ..
Post: #75 Title: Re: بالنهار كوريلا و بالليل غوريلا ..! Author: كمال علي الزين Date: 10-18-2012, 04:33 AM Parent: #71
Quote: عاين ما تلف و تدور كتير .. ..
اللف والدوران ماهولي يا محامية الغفلة .. اوعا يكون الاقرار القاصداهو ياهو ده ؟
Quote: عاين ما تلف و تدور كتير .. ده موش كلامك : لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها) .. الخ
ايوه ده كلامي .. مش ونص وخمسة كمان عرفنا القراءة بالاضنين .. والتفكير بالاعضاء التناسلية .. اسي ده يسموهو شنو أسي ؟ ايوة ده كلامي ياسناء هانم .. واسرعي احترمي نفسك واعتذري بالله ..
Quote: انا ما اعتراضي على انك بتعاشر و للا ما بتعاشر انت حر طبعاً ..لكن اعتراضي على انك جاي تستنكر الفعل على البنات و مستثني نفسك .. شفتا استثناء نفسك من الفعل الجاي تستنكروا على البنات دي نقطة إختلافي معاك ..
طبعا انا حر دي غصبا عنك ..ما اختلفنا .. والمعاشرة الانتي قاصداها دي ممكن تشرحيها لي ؟ منتظر تفسير للمعاشرة ده .. ونقطة خلافي معاك كبيرة ومابخليك ياسناء لو بقيتي الملكة اليزابيث لو ما احترمتي نفسك واعتذرتي بسرعة .. وكمان لواعتذرتي حا اعذر جهلك وما حا اعتبر قرائتك تمت بسوء نية وده كرم اخلاق مني ..
Post: #78 Title: Re: بالنهار كوريلا و بالليل غوريلا ..! Author: كمال علي الزين Date: 10-18-2012, 05:07 AM Parent: #75
(*)
ود البشرى والله كمان جاي تتطوع تشرح ليها :) تعرف انا لي يومين براجع في كلامي الكتبتو كلمة كلمة اقول امكن انا خاني التعبير في حتة ولا في كلمة من كلامي نقصت حرف وادت معنى تاني وبمر ليك على الكلام ده زي نكتة (هيثم الخلا )داك :)
سلامة شنبك ياصبري وشنب ودالبشرى و دالقاضي وشنب اي سوداني من القزازة احلقوا بي موس ولا مكنة :)
اصبحنا واصبح الملك لله ياخ .. دي مصيبة شنو دي ؟
يعني عثمان حسين اربعين سنة بغنى عشرة الايام ..في حد سألوا ؟
Post: #79 Title: Re: بالنهار كوريلا و بالليل غوريلا ..! Author: المسافر Date: 10-18-2012, 05:36 AM Parent: #78
Quote:
المسافر .. انتا وهدير افتحو ليكم جنينة في البوست ده بعد ده ..
ما عارف راحت وين هدير بعد ما دخلت الغابة
Post: #81 Title: Re: بالنهار كوريلا و بالليل غوريلا ..! Author: المسافر Date: 10-18-2012, 05:56 AM Parent: #79
قلنا إن المقدرات الهائلة للإمبراطور (با) والإمبراطورة (را) جعلت كل سكان الأرض يتبعون الأساليب الحياتية للعائلة الملكية التي أوجدت من التعاليم الراقية التي أمتدت على مدى تاريخ الوجود... وكان سلوك التشكل في وضعية الغوريلا السوداء من أرقى التعاليم التي انتشرت من عالم ممالك الجن إلى عالم ممالك الإنس وقد عرف في قديم الزمان عدد من الملوك الذين تسموا بالملك الغوريلا ... والملك حامل العصاة السحرية برأس الغوريلا
وبعد أن أصبحت هذه التعاليم في مقدرة البشر أصبح التشكل في شكل حيوانات أخرى ممكنا وخاصة لبعض الطبقات الوسطى من غير الحاشية الملكية والنبلاء ، بل أصبح بعض العامة يحاولون هذا التشكل ... وأستطاع البعض الدخول في مراحل التشكل بإنبات الذنب ، ومن ثم التوقف ، وكانت تلك علامة كافية بأن صاحب التجربة لديه المقدرة على التشكل وأنه يمكن أن يرتقي إلى مستوى الحاشية الملكية وطبقة النبلاء والسحرة ... لذلك أصبحت بعض الألقاب تشير لمثل هذه الحالة، مثال أبوذنب ، وأبوعبعاب ، وابودنقوس ، وأبوزنقلة، وأبوكديس
بعد ظهور الأديان والتعاليم التي منعت الحلول والتشبه بالحيوان وكذلك نهت عن تعلم تلك التعاليم جاء فيما بعد نفر من التابعين لهذه الأديان منحوا أنفسهم رخص خاصة وذلك للظهور أمام العامة بأنهم من طبقة خاصة مساوية لطبقة الملوك والنبلاء وأنهم يمكنهم التشبه في شكل الحيوان والانتقال إلى أركان الدنيا الأربعة في لحظة وغمضة.
وفي هذه المرة كان رمز القوة حيوان آخر وهو الثور أبوقرون، والأسد أبولبدة ، والدابي العقور... وكذلك تكررت محاولة العامة امتلاك هذه القدرات والظهور في شكل المرفعين والخنازير والحمير والكلاب والقطط السوداء ..
... ونواصل ( ونفسي في داخلك أعاين ... يا كملي ... تورق جناين )
Post: #80 Title: Re: بالنهار كوريلا و بالليل غوريلا ..! Author: محمد البشرى الخضر Date: 10-18-2012, 05:49 AM Parent: #78
يا كمال مقدر انفعالك واي شي بس رجاء روّق شويّة و ادي سناء فرصة تراجع الكلام, سوء الفهم و التفسير عادي بحصل
عارفو كلامي كلام اليدو في الموية بس هي نصيحة غايتو من اخوك البنصرك ظالم و مظلوم
Post: #82 Title: Re: بالنهار كوريلا و بالليل غوريلا ..! Author: أيمن الطيب Date: 10-18-2012, 07:05 AM Parent: #80
عذرا يا شباب..
Quote: والمعاشرة الانتي قاصداها دي ممكن تشرحيها لي ؟ منتظر تفسير للمعاشرة ده .. ونقطة خلافي معاك كبيرة ومابخليك ياسناء لو بقيتي الملكة اليزابيث لو ما احترمتي نفسك واعتذرتي بسرعة .. وكمان لواعتذرتي حا اعذر جهلك وما حا اعتبر قرائتك تمت بسوء نية وده كرم اخلاق مني ..
Quote: يا أخت سناء تحياتي كلمة "عاشر" هنا لا تفيد ممارسة الحب ولا السياق يوحي بذلك المثل بقول من عاشر القوم اربعين يوم .. إلخ, هل ممكن نقراه من مارس الحب مع القوم؟
Quote: أحلق شنبي وشنب ود القاضي وود البُشرى وكل الشنبات الحايمة في المنبر بي قزازة ميتة لو كان كمال علي الزين قاصد بالمعاشرة دي المعاشرة الجنسية
Quote: والتفكير بالاعضاء التناسلية ..
لو أمكن واحد من الشباب يتكرم ويشرح لأخوكم الموضوع وصل للنقطة دى كيف!!!! وين بالضبط القصة ميلت على قصة إنو المعاشرة فقط تعنى الجنس والشال الكلام وداه بالإتجاه دا منو وأين بالضبط عشان ما نروح ونكون فاهمين ,,,
فى مداخلة إتحذفت أو إتعّدلت!!! بعد قراءة سريعة ما قدرت ألقى سبب واضح للتركيز فقط على الموضوع دا!!!
تحياتى,,
Post: #83 Title: Re: بالنهار كوريلا و بالليل غوريلا ..! Author: محمد البشرى الخضر Date: 10-18-2012, 07:44 AM Parent: #82
أبو يمن انت بقيت مهندس ولاّ شنو- الله يطرا الحبشي بالخير :)
راجع مداخلتي سناء أعلى مداخلتي مباشرة
Post: #84 Title: Re: بالنهار كوريلا و بالليل غوريلا ..! Author: كمال علي الزين Date: 10-18-2012, 08:16 AM Parent: #83
(*)
روقنا يا ابوحتوت ..
ايمن ده ما مهندس لكن مع (الرئيس) :)
__________________________________________________ والله تاني زول يقول لي ياكمال نسيت العشرة اضاربو طوالي :)
Post: #85 Title: Re: بالنهار كوريلا و بالليل غوريلا ..! Author: بشير أحمد Date: 10-18-2012, 09:08 AM Parent: #84
Quote: عاين ما تلف و تدور كتير .. ده موش كلامك : لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها) .. الخ انا ما اعتراضي على انك بتعاشر و للا ما بتعاشر انت حر طبعاً ..لكن اعتراضي على انك جاي تستنكر الفعل على البنات و مستثني نفسك .. شفتا استثناء نفسك من الفعل الجاي تستنكروا على البنات دي نقطة إختلافي معاك .. افتكر كلامي واضح
اول مرة اعرف انو كلمة معاشرة تعني ممارسة الجنس!!!!
Post: #86 Title: Re: بالنهار كوريلا و بالليل غوريلا ..! Author: طلحة عبدالله Date: 10-18-2012, 09:36 AM Parent: #85
غايتو يا ست سناء دخلتي نفسك في حتات ضيقااااااااااااا أقترح عليك يا تعتذري يا تعتذري . ............................. كيمو العريس أدخل في الموضوع كفاية مقدمات .
Post: #87 Title: Re: بالنهار كوريلا و بالليل غوريلا ..! Author: عبد الناصر الخطيب Date: 10-18-2012, 09:36 AM Parent: #85
والعشّرة في كلام أهل السودان ( دارجيتهم ) تفيد الصحبة الطويلة بين الناس أصدقاء وجيران وغيرهم , دامت صلات الود بينهم سنين أو حتي العشّرة بين المحبيين ( في حبهم العذري ) ( مدام نسي العشّرة واختار سوانا حبيب خلينا للأيام ...........) بعض ما غني على اللحو
بتصور كلام كمال هنا حمل أكتر (( ما يحتمل )) ومشي لتاؤيل بعيد ..........ماظن زول عاقل بالغ رشيد حيكتبوا من الأساس بقصد سئ بمعني : الجدل حيدور في حته وأضحة ما محتملة تاؤيلات
---------------- *بتمني الحوار يتجاوز الحته دي والناس تشوف غيره
Post: #88 Title: Re: بالنهار كوريلا و بالليل غوريلا ..! Author: بشير أحمد Date: 10-18-2012, 09:57 AM Parent: #87
تحياتي ياعبدالناصر
Quote: *بتمني الحوار يتجاوز الحته دي والناس تشوف غيره
زول يتهموه بالزنا كيف الحوار يتجاوزا!!!
اعتذار من سناء وبعدين يتم تجاوز الموضوع.
Post: #89 Title: Re: بالنهار كوريلا و بالليل غوريلا ..! Author: عبد الناصر الخطيب Date: 10-18-2012, 10:03 AM Parent: #88
.
د. بشير تحية وتقدير ,,,
طلب كمال الاعتذار ده بينو وبين صاحبة المداخلة القصد هنا ... عبارة كمال ( في عضمه ) إنها كانت عبارة عادية جدا وما بتحتمل التاؤيل البعيد المشت ليهوا الاخت الكريمة في مداخلته
ماظن كمال كل مداخلة والتانية حيقعد يطلب منها (( تعتذر )) مع أنو عبارتوا الكتبه أبعد ما تكون عن الفهمتوا منها
-------- تحياتي
Post: #90 Title: Re: بالنهار كوريلا و بالليل غوريلا ..! Author: عبدالمجيد الكونت Date: 10-18-2012, 10:04 AM Parent: #88
Post: #91 Title: Re: بالنهار كوريلا و بالليل غوريلا ..! Author: أبو ساندرا Date: 10-18-2012, 11:04 AM Parent: #90
كمال علي الزين :
Quote: هوي ها فتحي عينك الانا اسي لو لقيتك قدامي بقدها ليك عديل كده يعني بدخلا ليك صباعي في عينك عديل لحدي ماتعتذري وما تخليني اغلط فيك وارد ليك سفهك واساتك و قرائتك ال########ة دي اسرعي اعتذري .. بالله
لا حووول ! خلاص قام عليك حق أهلنا ؟ روق و احلى سناء وبحسن نية ، وسناء يا كمال حسنة النوايا ، ولطيفة المعشر أيوة غلطت في فهمها لكلمة ، عاشرنا / معاشرة ...الخ الخطأ في الحالة دي ممكن ، ما غريب بلاد ولا غريب أهل الخطأ لم يكن نتاج سوء نية ، حتى تغضب هذه الغضبة المضرية خطأ سوء فهم ، سوء قراية ،، بيحصل في أرقى العائلات
سناء طففت في قرائتها وأنت طففت في ردة فعلك ، وجهزت أصبعك لقد العين ( انا مؤقن أنك ما فاعلها ، لن تفعلها )
تطفيف سناء بحسن نية تطفيفك حمق يا قريبك
عارف لو حمقك هذا ، قابل حمق عند سناء فإنها لن تعتذر مش تعالي منها ولا سدران في الخطأ لا ، فقط لأنه سوف يكون إعتذار تحت التهديد من حقك أن تطلب الإعتذار وتلح في طلبه وهنا أنت لاتنتصر لذاتك فقط ، ولكنك تنتصر لقيم كثيرة متدثرة في طيات الإعتذار لكن لا سناء ولا انت ، انت تحديدآ يا كمال ، لن تعتذر تحت التهديد ومتأكد ح تطفف أكثر فأرفع عن أختك / زميلتك التهديد الذي قد يجعلها تسدر في الخطا وواصل طلبك بهدوء و أدب و إصرار خاصة انت معاك الحق وما محتاج لأي مستوى من التعانف
يا سناء ، أصرفي النظر عن التهديد ، حتى لو مؤقتآ قدمي إعتذار مستحق لصالح كمال على قرائتك الخطأ لكلمة : نعاشر ومن ثم طالبيه بإعتذار عن تطفيفه اللاحق
بالمناسبة يا كمال في تطفيفك ، سحبت عنها ما تكرمت به من إمهال حتى تتداخل ثانية
بالمناسبة ، أنا ذاتي وبحسن نية ، برضو وقفت عند عبارة من بار إلى بار قلت الولد ده من ورائي صار يغشى البارات ؟ وما تقولي جيت البار بحثآ عن فلان أقصد من كلامي ده إنك هيئت الناس للقرآءة الخطأ
Post: #92 Title: Re: بالنهار كوريلا و بالليل غوريلا ..! Author: أبو ساندرا Date: 10-18-2012, 11:15 AM Parent: #91
ومن ناحية اخرى بالجد كما يسوئني التعانف اعلاه تسوئني كمان الغلطات الفادحة مثلآ: -بالطبط : وردت من زينب ونقلتها عنها د. ماجدة ميرغني والصحيح : بالضبط - قض : جات من سناء والصحيح غض .. غض البصر ، غض الطرف عن - التغاضي : من كمال الزين .. الصحيح : التقاضي
الأخطاء مثل هذه ممكن تتلف المعنى قض ، قضه وقضيضه التغاضي عن الشيء ، هو غض الطرف عنه وتجاهله أما التقاضي ، فهو الوقوف امام القضاء
Post: #93 Title: Re: بالنهار كوريلا و بالليل غوريلا ..! Author: حيدر حسن ميرغني Date: 10-18-2012, 11:17 AM Parent: #91
أمبارح ياكمال جاء هاشم كرار لزيارتي وجات سيرتك في الونسة وسيرة هذا البوست قلت لهاشم لازم تقراهو
Post: #94 Title: Re: بالنهار كوريلا و بالليل غوريلا ..! Author: أبو ساندرا Date: 10-18-2012, 11:36 AM Parent: #93
Quote: جاء هاشم كرار لزيارتي
أوع يكون في النوم ؟ خليهو يونسك عن أديس وعن الزول الجنن المأذون وأضحك لي معاك يا حيدر
Post: #95 Title: Re: بالنهار كوريلا و بالليل غوريلا ..! Author: حيدر حسن ميرغني Date: 10-18-2012, 12:30 PM Parent: #94
Quote: أوع يكون في النوم ؟
يامان انا في قطركم ...... ذااااتا نوم شنو وبقرأ في كتابو " طق توقف الزمبرك" هاشم شخصية مرحة ومريحة شديد
Post: #96 Title: Re: بالنهار كوريلا و بالليل غوريلا ..! Author: عصام علي أحمد Date: 10-19-2012, 03:03 PM Parent: #95
Quote: والله تاني زول يقول لي ياكمال نسيت العشرة اضاربو طوالي :)
مشتاقين والله وخفف شوية على اختنا سناء
عشرة الأيام ما بصح تنساها كأنو ما حبيتك وكأنو ما عشناها وضمانا أحلى غرام ليه فجأة دون أسباب من غير عتاب أو لوم أخترت غيري صحاب وأصبحت قاسي ظلوم هان ليك فراقي خلاص وانا برضي حولك أحوم كان عهدي بيك ترعاني وأجمل صلاتنا تدوم أمل المحبة سلام بعدك أماني هواي ياما جنيته عدم ولا عرفت صديق لي قلبي غير الهم كم غيري يشدو سعيد وأنا في هواك مغرم ما اظني انا انساك ومن العذاب اسلم أسلم من الأوهام ما كان فراقنا المر في نيتي أو في إيدي لكن ظروفك أبت وقست ظروفي علي واتلاشت الأحلام وين حسن ظنك بي وريني أيه ضراك لو كا صبرت شوية عمر السنين أيام
Post: #97 Title: Re: بالنهار كوريلا و بالليل غوريلا ..! Author: كمال علي الزين Date: 10-19-2012, 03:58 PM Parent: #96
(*)
ياطلحة بدخل في الموضوع بس نخلص من الاستاذة المحامية دي
سلامات يابركوتة .. طبعا كالعادة مداخلتك توفيقية بناء على (عشرة البورد) الربطتك مع الاستاذة سناء تعال قولي لي انا اتهمتك او اتهمتها بالزنى :) وده جانب مقبول منك , بس في ذمتك الحوار مع نوع العقلية دي مش مضيعة زمن ؟ (اوعا تكون زمتك لستك بس )
عبدالناصر ياخوي اتجاوز شنو ؟ عليك الله لو غلبتك كلمة الحق وعاوز ترضي كل الاطراف ابعد بعيد بدون زعل ..
بشير احمد .. اهو عرفتا (عشرة ) يعني شنو ؟ تاني اعمل حسابك واتلفت قبل ماتسمعا في غنية ولا تستخدما قدام ناس مخهم ######ان ..
اخونا زمان عصام بالاكتر والله .. بنتقابل تاني يوم في العيد في حفلة ودالامين ونانسي عندكم هناك في الامارات انا بصل يوم العيد المسا دبي ..
الكلمة السودانية مصدرها مختلف جداً وهو (تعشير) وليس (معاشرة) ولو كانت هي المقصودة لجاءت في شكل (نعشّرن) وليس (نعاشرن) وما قاعدين نستخدما مع (العاقل) ابداً .. مع البهائم بس! ويا د. بشير انت اكتر واحد مفروض عارف الكلام دا بحكم التخصص، وانك عربي ساي!
غايتو إلا اذا بقت كلمة (سوداء نية) ساي!!
----------
ويا كمال ما تحنبلهاش اوي .. حطأ قراية يفوت ولا حد يموت انت ذاااتك مرات مرات قاعد تقرأ غلط .. بتلفح وتختف المحافض والقفف
Post: #99 Title: Re: بالنهار كوريلا و بالليل غوريلا ..! Author: كمال علي الزين Date: 10-19-2012, 10:12 PM Parent: #98
والله انا تأويل (ممارسة الحب) دا ضحكني لمن بكيت .. لا (حب) هناك .. ممارسة سليقة ساي بس! بطولة بال او قصرو لا فرق .. المافي شنو ما بهائم ساي (بتكلم عن التعشير بمعناه الكبير طبعاً)
----------
انتو بشير احمد دا ما حكيم غنم .. ومعانا من ن ن ن ن بحر ابيض وااااحد .. (ذاك النهر الخانع ) او كما قال د. منصور خالد
Post: #102 Title: Re: بالنهار كوريلا و بالليل غوريلا ..! Author: كمال علي الزين Date: 10-19-2012, 11:40 PM Parent: #101
Quote: (بتكلم عن التعشير بمعناه الكبير طبعاً)
ياقيقا كده انتا اغلقت كل ابواب الحوار :)
الكونت .. شكرا على الفيديو .. بس عادل اما آل إيه ..:)؟
صبري ..
المساواة في كل حاجة ولا التمييز ما انتقائي تجي تعتذر عادي زيها زي اي زول كامل الاهلية او تعترف بانها قارورة وانا مسامح وبترفق بالقوارير :)
الاعتذار حينما نقرأ خطأ ونفهم خطأ أ و العكس كله يعبر غن أدب الحوار ...وسمت الفهم العفو والصفح والنتيجة في نهاية الشوط انتصار القيم وليس الناقل أو المنقول له ...فيا سناء كوني سناء ويا علي كن عليا
Post: #104 Title: Re: بالنهار كوريلا و بالليل غوريلا ..! Author: كمال علي الزين Date: 10-21-2012, 00:11 AM Parent: #103
Quote: الاعتذار حينما نقرأ خطأ ونفهم خطأ أ و العكس كله يعبر غن أدب الحوار ...وسمت الفهم العفو والصفح والنتيجة في نهاية الشوط انتصار القيم وليس الناقل أو المنقول له ...فيا سناء كوني سناء ويا علي كن عليا
شكرا ياحلاوي اعتذار الافكاتو سناء لا بزيدني ولا بنقصني كفاية كشفت نفسها مرتين .. مرة لما قرأت مداخلتي قراءة اقل مايقال عنها... ولا بلاش .. نتجاوز دي
وتاني مرت لما عرت نفسها تماما وتهربت من الاعتذار ..
حانشوف تاني حاتظهر متين .. وهل عندها عين تاني تتكلم عن الحق والباطل وادب الاعتذار ونحو ذلك من القيم اللي بلوكها دائما ابعد الناس عنها ..
انا سامحتها وماعاوز منها اعتذار وعفيت ليها لوجه الله ..
واغلقت المحضر في ساعته وتاريخه ..
ومن عفى واصلح فأجره على الله .. نعمل لينا شوية حسنات وكده ..
Post: #105 Title: Re: بالنهار كوريلا و بالليل غوريلا ..! Author: المسافر Date: 10-21-2012, 09:35 AM Parent: #104
Quote:
نرجع لقصة الكوريلا والغوريلا ودلالاتها ..
عليك نور
ودرب الرجعة يكون من جنينتنا
قال الشاعر في وصفه لسرعة القطار :
هيهات هيهات لا جن ولا سحرة بقادرين على أن يلحقوا أثره
وقلنا أن الجن والسحرة تجاذبوا مقدرات التشكل من كافة مستوياته العليا في المظاهر الملكية لدى الحاشية الملكية والنبلاء في وضع الغوريلا وتلى ذلك النزول بالمستويات السفلى بواسطة السحرة في وضع القطط والكلاب... وكل ذلك في بساط الخوف ومن يمثل ذلك البساط ( كوفتا يا عشاي ) ( لا لا لا كوفتا ولا لحمة مفرومة ولا عشاك ولا غداك )
Post: #106 Title: Re: بالنهار كوريلا و بالليل غوريلا ..! Author: المسافر Date: 10-21-2012, 09:40 AM Parent: #105
وجد في أحد التقارير الليلية التي كتبها مسؤول أمني مناوب
" الأمن مستتب ... لا يوجد في الطرقات إلا بعض المارة وبعض الكلاب "
قام أحد الموظفين الذين يحللون التقارير بوضع خطين تحت الكلاب
وطلب إجراء دراسة وتقرير مفصل عن الكلاب الضالة
ومن أين ظهرت
هل هي حيوانات أم مخلوقات أخرى لديها علاقة بإنتشار الجرائم
Post: #107 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 02:00 AM Parent: #106
Quote: (*)
شوفي ياسناء محامية - قانونية - داية - دي مشكلتك .. اغلف كلمات شنو ؟ هوي ها فتحي عينك الانا اسي لو لقيتك قدامي بقدها ليك عديل كده يعني بدخلا ليك صباعي في عينك عديل لحدي ماتعتذري وما تخليني اغلط فيك وارد ليك سفهك واساتك و قرائتك ال########ة دي اسرعي اعتذري .. بالله انا شغال من اسي لحدي العصر بتوقيتنا ولو ماجيت لقيت احترمتي نفسك واعتذرتي عن تعمدك القراءة (ال########ة دي) بكون عندي معاك شأن تاني .. والمرأة السودانية شنو البتتكلمي عنها انتي ؟ اكفر بيها ولا أؤمن بيها ماشغلتك .. شغلتك تثبتي اني قاصد المعنى (النضح) في عقلك أو تعتذري وبس ..
المعني بتاعك واضح .. كنتا تقول عاشرنا .. شايفين البنات هنا..موش بنعاشر .. كويس انك نطيت من كلامك و لقيت مخارجة منه بعد مداخلة لواحد من الزملا طبعاً بعد رودوك المنحطة دي الواحد ما كان مفروض يدخل ليك بوستك ده .. و الواحد غلطان لأنه العنوان بتاعو سوقي بما يكفي و عين منو دي البتقدها ؟ انت قايل ا ل س ف ه ا ة البتمارسا هنا دي رجالة .. تعال هنا و وريني حتعمل شنو ؟ و انا والله ما اسيبك حتى لو افقد باسوردي
Post: #108 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 02:12 AM Parent: #107
Quote: والعنوان العريض (سلوكك ده خاص بيك انتي .. وسلوكي ده خاص بي انا .. بس السلوك ده لا لما يتحول لسمعة هنا ببقى انتقلنا لازمة تانية مثلاً : انتي حرة في مجتمع زي مجتمع الخليج ده تعملي العاوزاهو ومافي زول شريكك لا في جسدك لو زنيتي ولا في راسك لو سكرتي لكن مامن حقك في مجتمع زي مجتمع الخليج ده تمارسي الحاجات دي علناً عشان تتنمط شخصية المراة السودانية بناءً على ممارستك وقناعاتك وحريتك انتي الشخصية , بالضبط زي ماقيم المجتمع الغربي ادتك الحرية انك تسكر وتزني لكن قيدتك بانك ماتسوق سكران ولا تزني في الشارع ولا حتى تتعرى في الشارع ) والجابتر التاني : رده المجتمع السوداني عن قيمو اللي بمارسوها ناس هشين بسبب ادخال الاسلام السياسي للدين في ازمة طرح التساؤلات الكبيرة حول الدين نفسو , والرزايل البتتكلمي عنها دي سلوك بمارسوا الانسان من زمان في السودان وفي الواق الواق وفي مكة زاتا , بس ما بمارسوهو في العلن الا من اتحول عندهم لمهنة زي البرستتيوت , أو بائعات المشروبات الكحولية ..ولا هي اسمها الخمور ولا كمان المشروبات (الروحية) كل زول حسب قناعاتو بسميها , لكن السلوك ده لاحظتي حول المسميات وارتبطتت بيهو كيف ؟ ده الخلل الانا بتكلم عنو .. ومعترض على انو يلتصق بلامراة السودانية في المجتمع الانا عايش فيهو ده , وماحجرت حرية زول , لكن من حقي اقول رايي كزول سوداني قبلتوها ولا رفضتوها .. وعندي ملاحظتين هامتين فيما يتعلق بردة المجتمع السوداني : الاخت زينب كانت شجاعة جدا لما جات طرحت قصة المحفزات وطولة البال .. وهللتوا ليها فجأة جاها اب تفة , قال ليك (كنيديان جعلي ) :) زرة صغيرونة , كأني بها رجعت لبست توب حبوبتي وقالت : سجمي انا قلتا شنو قدام الرجال ديل وحا يقولوا علي شنو ؟ :) وبدت المبررات الفطيرة .. مع شوية لت وعجن واراء زي (الكمونية )
المداخلة دي و مداخلات في بوست حليمة المحذوف بتأكد المعنى القصده المسخ صاحب البوست .. و على فكرة هو ما كان ناكره.. طبعاً هو هنا و هناك كان مقر و معترف و قعد يلف و يدور في البحث عن مخارجة لحدي ما جا محمد البشرى و آخرين - كان من المفروض يدوهو في راسو - لحدي ما جوا بمداخلات و و قعدوا يشككوا في المعنى و بكده لقى مخارجة .. ممكن تراجعوا المداخلات و تشوفوا هو ما نكر الكلام إلا بعد مداخلات معينة .. طبعاً ما اخد كتير و جا بوشوا الحقيقي و كتب و نبذ لكن ابشرك يا كمال علي الزين ..اني حواصل معاك لحدي ما نشوف حد للإساءات بتاعتك دي و لو قايلني من النوع البخاف من اشباه الرجال امثالك تبقى غلطان و انت البديت و البادي اظلم ..
Post: #109 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 02:21 AM Parent: #108
Quote: وتاني مرت لما عرت نفسها تماما وتهربت من الاعتذار ..
تهربت منو ؟ انت قايل الناس كلها فارغة زيك و ما عندها شغلة إلا النيت .. لا يا اخوي ابشرك اني ما اتهربت بس مشغوليات ...... الزميل العزيز كبر تحياتي ما اتجاهلتا مداخلتك .. لكن والله كايسة الوكت و الروقان عشان اجي ارد على مداخلتك.. بس حابة اوضح ليك اني ما مسيت اسرة الشخص المعني بي اي سوء.. هو الوحيد الجا اسأء لنفسه و كان بستحق منك و من غيرك الزجر لكنك خذلتني بردك و محاولتك إنك تلقى ليهو مخارجات .. صدقني السلبية دي هي الموديانا لورا معليش بجيك بروقان
Post: #110 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 02:30 AM Parent: #109
Quote: طلب كمال الاعتذار ده بينو وبين صاحبة المداخلة القصد هنا ... عبارة كمال ( في عضمه ) إنها كانت عبارة عادية جدا وما بتحتمل التاؤيل البعيد المشت ليهوا الاخت الكريمة في مداخلته
المطبلاتية من امثال الخطيب و بشير و غيرهم سعيكم مشكور .. الزول ده مداخلته كانت في بوست حليمة و ما نكر هو قاصد شنو كويس.. و انا اساساً جبتا المداخلة بتاعتو من هناك .. يعني البوست ده مواصلة لبوست تاني خالص فلو ما كنتوا متابعين .. شوفوا ليكم موضع تاني غير المديدة الحارة و التطبيل لصحاب البوست
Post: #111 Title: Re: بالنهار كوريلا و بالليل غوريلا ..! Author: محمد البشرى الخضر Date: 10-22-2012, 03:59 AM Parent: #110
تحياتي يا سناء و يا أختي المسألة واضح فيها سوء الفهم و التفسير لعبارة او كلمة معينة ودا شي عادي ما تشتري عداوات مجانية لاداعي لها و تصعبي المسألة لا كمال محتاج مخارجة او تطبيل من احد ولا واحد من الناس العلقت على التفسير الخاطئ للعبارة محتاج يطبل او ينحاز لواحد فيكم المسألة ابسط بكثير ولا تحتاج لهذا التعقيد
Post: #112 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 09:47 AM Parent: #108
Quote: المداخلة دي و مداخلات في بوست حليمة المحذوف بتأكد المعنى القصده المسخ صاحب البوست .. و على فكرة هو ما كان ناكره.. طبعاً هو هنا و هناك كان مقر و معترف و قعد يلف و يدور في البحث عن مخارجة لحدي ما جا محمد البشرى و آخرين - كان من المفروض يدوهو في راسو - لحدي ما جوا بمداخلات و و قعدوا يشككوا في المعنى و بكده لقى مخارجة .. ممكن تراجعوا المداخلات و تشوفوا هو ما نكر الكلام إلا بعد مداخلات معينة .. طبعاً ما اخد كتير و جا بوشوا الحقيقي و كتب و نبذ لكن ابشرك يا كمال علي الزين ..اني حواصل معاك لحدي ما نشوف حد للإساءات بتاعتك دي و لو قايلني من النوع البخاف من اشباه الرجال امثالك تبقى غلطان و انت البديت و البادي اظلم ..
الاقتباس ده هدية لكبر و ودالبشرى وابوساندرا لحدي ما افضى ليك يا سناء بالمناسبة أول حاجة المداخلة دي ياسناء ابدا ماخلتني ازعل زيادة منك
لا والله أنتي حننتيني شديد , الله يكون في عونك .. انتي شايفة كلامي انا اساءة ؟ وشايفة تأويل كلامي واتهاماتك دي كلها حوار مثقفين ومحامين وكده ؟
تعرفي انتي طلعتي ابسط من البساطة وعلى قدر حالك شديد ..
يعني اسي اشباه الرجال دي يردوا عليهو بشنو ؟ اشباه نسوان مثلاً ؟ ولا اشتمك كده شتيمة قذرة ؟ ولا اقل ادبي كده معاك واقول ليك انا راجل غصبا عنك ..
هوي ها ..
انتي زولة بسيطة شديد ومسكينة ياسناء وحدك تكوني ست بالمناسبة مالك ومال قضايا الجندر والقضايا العامة والحوارات , دي نصيحة جادة والله .. يا اما حاولي طوري نفسك واتعلمي من البنات المثقفات الفي البورد ده وهم كتار قلديهم بس ياسناء والله بتستفيدي , غير كده الزمي بيتك والله .. انتي لسا بتدخلي نفسك في حتات ضيقة بسبب بساطتك .. كل أمرئ ميسر لما خلق له ..
Post: #113 Title: Re: بالنهار كوريلا و بالليل غوريلا ..! Author: أبو ساندرا Date: 10-22-2012, 12:38 PM Parent: #112
حيدر حسن ميرغني: يامان انا في قطركم ...... ذااااتا نوم شنو -------------------------------------------------------- إتلومت معانا ، أو عايز تشيلنا اللوم 55052880
Post: #114 Title: Re: بالنهار كوريلا و بالليل غوريلا ..! Author: عبد الناصر الخطيب Date: 10-22-2012, 12:55 PM Parent: #113
Quote: المطبلاتية من امثال الخطيب
مشكورة ياسناء ما قصرتي تب مع اني فقط اتداخلته لتوضيح معني الكلمة في الدارجية السودانية وأصلا ما طالبته باعتزارتك ولا جبت أسمك في أى مداخلة كانت إشارتي ليك بالاخت الكريمة
-------------------------- *ما قلته لكمال الزولة دي مداخلاته معظمه بعصبية ونفس قائم عشان كده ما يأمل في إعتذار منك ولا فهم لكلاموا ......... أصلوا الفهم ده ما قسموا لكل الناس
ولاحظي كمال نفسوا طردني من بوستوا باعتباري كنت بطيب في الخواطر ليس إلا أختي الكريمة حاولي لما تكتبي هنا تختي جمك جك ليمون بالنعناع بارد .... بروق الدم وبهدي الاعصاب
ياكمال متأسف بس مجرد توضيح لعناية الاخت الكريمة
تحياتي
Post: #115 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 01:58 PM Parent: #114
Quote: مع اني فقط اتداخلته لتوضيح معني الكلمة في الدارجية السودانية
الكلمة طالما بتتحمل اكثر من معنى ..كان الأحرى انك تمشي تراجع مداخلة المسكين صاحب البوست مراجعة كاملة عشان تعرف المعنى المراد من الكلمة لكن كونك انت و الآخرين تجوا تفسروا الكلمة لصالح مخارجة صاحب البوست - ده التطبيل و المداخلات البغرض الفوضى و الونسة ما البغرض الحوار و إلا لماذا تطالبني بالإعتذار و الكلمة حمالة اوجه .. ثم انه صاحب البوست في البوست السابق و هنا لم يقوم بنفي الكلام في بداية تداخلي معه بل بالعكس بقى تارة يأتي بمسميات مضحكة و تارة يأتي بتفسير فطير مثير للشفقة ..
Quote: لا ياسناء .. شوفي أنا فوق قلتها وبقولا تاني : أي زول في الدنيا دي حر يماؤس العاوزو وبتحكموا قيمو واخلاقو وقناعاتو وسلوكو ده مسؤليتو هو .. و ربنا البحاسب لا انتي لا انا (ده بالنسبة للناس المؤمنين بربنا ).. وبالنسبة للناس الما مؤمنين بربنا (قيم المجتمع هي البتحكمهم ) , ده لواتفقنا انو القيم الانسانية ما مربوطة بالتدي بس :)
والبوست ده (خريف أبوالسعن ) بالنسبة لي , عشان اوصل نقطة مهمة جدا جدا فيما يتعلق بالحرية الشخصية والسلوك ..
والعنوان العريض (سلوكك ده خاص بيك انتي .. وسلوكي ده خاص بي انا .. بس السلوك ده لا لما يتحول لسمعة هنا ببقى انتقلنا لازمة تانية مثلاً : انتي حرة في مجتمع زي مجتمع الخليج ده تعملي العاوزاهو ومافي زول شريكك لا في جسدك لو زنيتي ولا في راسك لو سكرتي لكن مامن حقك في مجتمع زي مجتمع الخليج ده تمارسي الحاجات دي علناً عشان تتنمط شخصية المراة السودانية بناءً على ممارستك وقناعاتك وحريتك انتي الشخصية , بالضبط زي ماقيم المجتمع الغربي ادتك الحرية انك تسكر وتزني لكن قيدتك بانك ماتسوق سكران ولا تزني في الشارع ولا حتى تتعرى في الشارع ) والجابتر التاني : رده المجتمع السوداني عن قيمو اللي بمارسوها ناس هشين بسبب ادخال الاسلام السياسي للدين في ازمة طرح التساؤلات الكبيرة حول الدين نفسو , والرزايل البتتكلمي عنها دي سلوك بمارسوا الانسان من زمان في السودان وفي الواق الواق وفي مكة زاتا , بس ما بمارسوهو في العلن الا من اتحول عندهم لمهنة زي البرستتيوت , أو بائعات المشروبات الكحولية ..ولا هي اسمها الخمور ولا كمان المشروبات (الروحية) كل زول حسب قناعاتو بسميها , لكن السلوك ده لاحظتي حول المسميات وارتبطتت بيهو كيف ؟ ده الخلل الانا بتكلم عنو .. ومعترض على انو يلتصق بلامراة السودانية في المجتمع الانا عايش فيهو ده , وماحجرت حرية زول , لكن من حقي اقول رايي كزول سوداني قبلتوها ولا رفضتوها .. وعندي ملاحظتين هامتين فيما يتعلق بردة المجتمع السوداني : الاخت زينب كانت شجاعة جدا لما جات طرحت قصة المحفزات وطولة البال .. وهللتوا ليها فجأة جاها اب تفة , قال ليك (كنيديان جعلي ) :) زرة صغيرونة , كأني بها رجعت لبست توب حبوبتي وقالت : سجمي انا قلتا شنو قدام الرجال ديل وحا يقولوا علي شنو ؟ :) وبدت المبررات الفطيرة .. مع شوية لت وعجن واراء زي (الكمونية )
أسي انتي شايفة انو(الزنى) أو ممارسة الحب و شرب الخمر او المشروبات الكحولية أو الروحية رزايل ؟ ةمامن حق الرجل والمرأة على حد سواء ؟ ولا معترضة على السلوكيات دي بوصفها محرمات و(رزائل),ده سؤال مهم عشان نحدد نتحاور من ياتو منطلق دين ولا جندر ولا قيم ولا اخلاق ولا مبادئ حرية ..
_____________________________________________________ مرة برر انه السلوك ده و الهو كان بعنيه تماماً - مرة برر انه السلوك في حد زاته مافيه مشلكة بس ما مفروض يتعمل في العلن.. و مرة ادرج السلوك تحت مسميات غريبة- مشروبات روحية و ممارسة الحب - لحدي هنا طبعاً هو كان لسه ما ناكر كلامه عن سلوكه و سلوك بعض السودانيات في الخليج - البمشوا البارات و بمارسوا الحب :) و حايمات في المطاعم.. المؤسف في الأمر و دي نقطة خلافي معاهو انه انكر السلوك على الفتيات ديل بينما لم ينفه عن نفسه
Quote: انتي محامية ياسناء ؟ وحامية شغالة وين ؟ غايتو الله يكون في عون البقع في يدك .. الفايدة الوحيدة الطلعتا بيها من مداخلتك الفوق دي انك انتي اقريتي بانو الزنى او ممارسة الحب وشرب الخمر او الكحول او المشروبات الروحية رزايل بغض النظر عن المجرم او المتهم
ودي مداخلته التانية لي بعد ما رديت على مداخلته الأولى .. لسه حائر و بفتش عن مسميات عن السلوك البشنفه على البنات و ما على نفسه لحدي هنا ما ناكر بس ما عارف يقول شنو.. وده كله عشان انا ادنته سلوكه زي ما ادنته سلوك البنات الهو قاصدن
Quote: شوفي ياسناء محامية - قانونية - داية - دي مشكلتك .. اغلف كلمات شنو ؟ هوي ها فتحي عينك الانا اسي لو لقيتك قدامي بقدها ليك عديل كده يعني بدخلا ليك صباعي في عينك عديل لحدي ماتعتذري وما تخليني اغلط فيك وارد ليك سفهك واساتك و قرائتك ال########ة دي اسرعي اعتذري .. بالله انا شغال من اسي لحدي العصر بتوقيتنا ولو ماجيت لقيت احترمتي نفسك واعتذرتي عن تعمدك القراءة (ال########ة دي) بكون عندي معاك شأن تاني .. والمرأة السودانية شنو البتتكلمي عنها انتي ؟ اكفر بيها ولا أؤمن بيها ماشغلتك .. شغلتك تثبتي اني قاصد المعنى (النضح) في عقلك أو تعتذري وبس ..
دي مداخلته بعد مداخلة للبشرى
Quote: كلمة "عاشر" هنا لا تفيد ممارسة الحب ولا السياق يوحي بذلك المثل بقول من عاشر القوم اربعين يوم .. إلخ, هل ممكن نقراه من مارس الحب مع القوم؟ لا طبعا ثم حتى لو احتملت العبارة اكثر من وجه يكفي انو صاحبها نفى المعنى الإتبادر لذهنك لتصحيح سوء الفهم وقفل الموضوع وكمال يستحق منك اعتذار و ايضا لأجل خاطر استمرار الحوار في جو طيب حول الموضوع الأساسي
بعد المداخلة دي لمن لقى مخارجة انه الكلمة عندها اكتر من معنى طوالى جا من الآخر و بدا في الإساءآت - باعتبار انه بقى برئ من الكلام الهو كتبو عن نفسه المحير في الأمر انه ود البشرى يجي يقول انه السياق لا يوحي بذلك !! هو الموضوع كله في بوست الخواجة و بالتحديد مداخلة صاحب البوست - كلها محصورة في الحتة دي الشخص ده في الاول ذكر محاسن المرأة السودانية الهي حصرا جلها في كونها خدامة ما اكتر - و بعد مداخلة لأحدى الزميلات معاهو جا و كتب كلامه عن شريحة معينة من السودانيات و ثار و طوالي كتب انه نحنا اكثر ناس مفروض نكفر بالمرأة السودانية لأننا بنعاشر وو كلامه عن البارات و المطاعم ..الخ الشخص ده كان قاصدً تماماً ما خطت يداه انه المرأة السودانية في الخليج نحنا بنعاشرا و انها بتاعت بارات الخ و بعد داك فطن لنفسه و جا قال ديل فئات معينة ما كلهم - مع انه في الأول قال حقوا نكفر بالمرأة السودانية.. انا ناقشتوا بناءً على كلامه الهو كتبه ..إذا كان قاصد معنى آخر كان ببساطة جا و قال انا ما قاصد كده بدل اللفة الكبيرة و التبريرات الفطيرة و النبذ و الإساءآت و التناقض في الكلام.. و للا كيف ؟
Post: #116 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 03:48 PM Parent: #115
(*)
ياسناء هانم .. أنتي عارفة أنا متحاشي اقول ليك أنك مخك (و س خ ا ن) عشان اتجنب الاساءة الشخصية .. بس كمان مواصلتك للقراءة والتأكيد على صدق قراءتك وتأويلك للمعاشرة على انها سيكس بس وانتي من دون بقية الناس الاتداخلت دي كلها فهمتي العشرة تعشير ؟ دي بعني انهم مختلفين عنك .. يا أنتي اذكى منهم كلهم ..؟ يا أنتي كمان مخك (وس خ ان) وافكارك مريضة ..؟
يعدين تاني بقول ليك خيارات السلوك الشخصي دي كلو زول حسب دينو وقيمو عشان كده تاني بقول وبكرر الخمرة ممكن تكون في مفهوم ناس مشروبات روحية وممكن تكون في مفهوم ناس اكبر الكبائر .. وممارسة الحب او الجنس ممكن تكون في مفهوم ناس زنى يوجب الرجم والجلد وممكن تكون في مفهوم ناس حرية شخصية وانا مااتكلمت من وجهة نظري انا عشان ما اتدخل في مفاهيم الاخرين ... طبعا الزيك ده مابقدر يفهم كده .. لانك بسيطة جدا .. ما عاوز أقول مخك (و س خ ا ن) .. لانو اذا انتفى احتمال البساطة الانا رحجتو من باب حسن الظن .. ما ببقى غير الاحتمال التاني .. انتي عاوزة تفرضي قراءتك (البسيطة ) أو (ال وس خ ة) لمداخلتي على الناس كلها وعلي أنا كمان ؟
ياسناء هانم .. في متسع لكل اناء لينضح بمافيه ..
وشرحك الوافي اعلاه , مداخلتي اصلا ما محتاجاه ... محتاجة منك تعتذري وتحترمي نفسك وتنضفي مخك اذا و س خ ان , أو توسعي مدارك فهمك اذا كنتي بسيطة زي ما انا رجحتا تأدباً وبالمناسبة الزيك ما مفروض يدخلو نفسو في ورطة حوارات زي دي . لأنو فهمك كلو : العشرة .. تعشير وطبعا جاية داقة صدرك للود القليل ادب الاسمو كمال البجي يقول أنا بعشر البنات ده في زرائب الخليج لا أنا تيس ولا البنات غنم ياسناء هانم ..
Quote: انه المرأة السودانية في الخليج نحنا بنعاشرا و انها بتاعت بارات الخ و بعد داك فطن لنفسه و جا قال ديل فئات معينة ما كلهم - مع انه في الأول قال حقوا نكفر بالمرأة السودانية.. انا ناقشتوا بناءً على كلامه الهو كتبه ..إذا كان قاصد معنى آخر كان ببساطة جا و قال انا ما قاصد كده بدل اللفة الكبيرة و التبريرات الفطيرة و النبذ و الإساءآت و التناقض في الكلام.. و للا كيف ؟
طبعا مداخلتك دي ابداع عديل .. وقال ليك المرأة السودانية في الخليج , ده شهرا الزيك ماعندو ليهو نفقة ياسناء ولا بتقدري تمثلي المراة السودانية ولا بتقدري تتكلمي باسمها .. طالما طوالي مخك بجري للوجه الاخر من الجمل انا حقو بعد حواري معاك ده أكقر بالمرأة السودانية لو انتي بتمثيلها .. لكن انتي زولة بسيطة وعلى قدر حالك ولقيتي الناس بتتحاور وركبتي البص بدون ماتعرفي ماشي وين لكن نسيت تنزلي (شوال الفسيخ ) الفي مخك ده ..
ياسناء هانم .. المعجم البهائمي بتاعك ده .. نزليهو قبل ما تجي تتحاوري في قضاياشائكة زي دي .. وارتقي بنفسك لمصاف المرأة السودانية الواعية المثقفة بالجد .. عشان ماتدخلي نفسك في حتة باااااااااااايخة تاني ..
___________________________________________ وكمان قال ليك لسا بتواصل وتأكد في صدقية قراءتا .. :) وبتجيب اقتباسات لشرح مفهوم (التعشير ) .. هوي ها ... رفقا بنفسك ..
Post: #117 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 04:32 PM Parent: #116
(*)
الاعزاء عبدالناصر بشير ودالبشرى
اخير ليكم تستخدموا الساتر .. الزولة دي بسيطة وعلى قدر حالا وممكن تجي ترشكم من طرف ..
-----------------------------------
سناء هانم .. انتي عمرك كم سنة ؟ لانو بصراحة انا من جيل رغم اني تربية حبوبات .. ماعرفت (مفهوم التعشير بمعناهو الكبير ) الا في البوست ده .. فيبدو لي انك من جيل كبير شوية .. طيب مش كان تتعاملي معاي تعامل مناسب .. يعني تقولي لي يا كمال ياولدي مثلا عشان افهم انك من جيل تاني .. له مصطلحاته وعشان كمان الحقك اقول ليك ياخالتو سناء زمن التعشير ولى .. والغنم والتيوس مازي زمنكم بربوهم في البيوت .. نحنا جيل بشوف اللبن فجأة كده قدامو في قزاز او مجفف , اتظلمنا لما فاتتنا مادة التعشير دي .. مابعرف الغنماية دي زاتو بتبيض ولا بتتعشر الا من كتب المدرسة .. لذلك اعتذري ياخالتو وراعي فروق الوقت ..
Post: #118 Title: Re: بالنهار كوريلا و بالليل غوريلا ..! Author: سناء عبد السيد Date: 10-22-2012, 06:13 PM Parent: #117
Quote: طبعا مداخلتك دي ابداع عديل .. وقال ليك المرأة السودانية في الخليج , ده شهرا الزيك ماعندو ليهو نفقة ياسناء ولا بتقدري تمثلي المراة السودانية ولا بتقدري تتكلمي باسمها .. طالما طوالي مخك بجري للوجه الاخر من الجمل انا حقو بعد حواري معاك ده أكقر بالمرأة السودانية لو انتي بتمثيلها .. لكن انتي زولة بسيطة وعلى قدر حالك ولقيتي الناس بتتحاور وركبتي البص بدون ماتعرفي ماشي وين لكن نسيت تنزلي (شوال الفسيخ ) الفي مخك ده ..
ياسناء هانم .. المعجم البهائمي بتاعك ده .. نزليهو قبل ما تجي تتحاوري في قضاياشائكة زي دي .. وارتقي بنفسك لمصاف المرأة السودانية الواعية المثقفة بالجد .. عشان ماتدخلي نفسك في حتة باااااااااااايخة تاني ..
شي شوال فسيخ و شي ركبتي البص الغلط, و شي معجم بهائمي .. بصراحة اسلوبك سوقي جداً و ما برتقي لمستوى المنابر .. كلامك ده اقل شي تقولوا في قعدة وسط اولاد تربيتم نص كم , قاعدين في حلة تحت عمود كهربا و شغاليين يشتموا في بنات الحلةو للا زميلاتم في الجامعة طبعاً استخدامك للمصطلحات السوقية دي يؤكد جهلك و مستواك الفكري الضحل و إفلاسك.. المرأة السودانية دي منو الانت بتتكلم عنها.. دي الجيت بشعتا بيها هنا ..ياخي عنوانك بتاع البوست فيه من الإهانة للمرأة السودانية بما يكفي.. و تبشيعك و كلامك بانك كفرتا بالمرأة السودانية .. و كلامك عن مفروض تشتغلي في كفتريا.. طيب مالو في مليون واحد و واحدة امهاتم كانوا ببيعوا سندوتشات مافي في بوفيه مدرسة بل في الشارع و اتعلموا و طلعوا احسن من غيرم .. اها إهانتك و تقليل شأن للببيعوا في الكفتريات يعكس مدى سطحيتك و مدى إهانتك لشريحة كبيرة من النساء عملن و يعملن بائعات في كفتريات و بوفيهات و في الشارع انا عارفة تماماً عن اي مرأة بتتحدث و بياتو منطق بتتكلم ..انت بتتعامل بفهم انك تحارب المرأة بلسانك بأعتبار انه المرأة مفروض انها كائن ضعيف و ######## و مفروض مما ابتدي انبذا بالنبذ النبذتني ليه- مفروض انها تخاف و تطلع مهزومة من البوست و الدليل انك كل مرة الفاظك ماشة نحو التعفن اكتر من الأول و بتجي تتسائل انتي لسه بتتداخلي و بتردي؟ طبعاً ابشرك المرأة الضعيفة و المغلوبة على امرها دي خلاص حتبقى ما موجودة إلا في مخيلتك ..اسلوبك بتاع النبذ مرة بقد ليك عينك و مرة اخير ليك و مرة هوي ها و مرة شنو؟ ماشاءالله والله نعم التربية و الفهم .. شوف انا ما اوعدك اني ما اتداخل في البوست ده رغم انه في ناس اعزهم جداً طلبوا مني عدم التداخل فيه .. لكن اوعدك لو جيت بنفس سوقيتك دي اني ارجع ليك و ارد عليك .. قلتا لي اوقول ليك يا ولدي ههههههههه حاضر يا ولدي طيب خليك مهذب عشان المرة الجاية بجيك بشومة بكسرا ليك فوق راسك .. ياخوفي تطلع عجوز و كركوب وانا اقول ليك يا جدو
Post: #119 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 08:26 PM Parent: #118
Quote: قلتا لي اوقول ليك يا ولدي ههههههههه حاضر يا ولدي طيب خليك مهذب عشان المرة الجاية بجيك بشومة بكسرا ليك فوق راسك .. ياخوفي تطلع عجوز و كركوب وانا اقول ليك يا جدو
عارفة ده اكتر كلام محترم قريتو ليك يا سناء .. وانا بفخر جداً بأنو أمي ولا خالتي ولا حتى جاراتنا يدقوني لما اغلط وحبوبتي الربتني الله يرحمها .. ياحليلا أسي اكتر حاجة مشتاق ليها تقويما لي لما اغلط بعصايتا
Quote: شوف انا ما اوعدك اني ما اتداخل في البوست ده رغم انه في ناس اعزهم جداً طلبوا مني عدم التداخل فيه ..
اما ده فكلام رخيص ياسناء ونفاق منهم ساكت .. لأنو أي زول حريص عليك بنصحك بالتراجع عن التأويل (الو س خ ) داك والاعتذار زي ما ودالبشرى وعبدالناصر والمسافر وهدير وغيرهم من الناس الانا عندي ليهم اعتبار نصحوني اني اهدى وما ارد ليك بعنف .. راجعي علاقاتك مع الناس وافرزي صليحك من عدوك ..
دي مداخلة ودالبشرى ونصيحتو لي بالترفع عن العنف اللفظي .. ولو كان جا حرضني عليك كنتا زعلتا منو شديد ..وخوة فرتق .. كتب ودالبشرى
Quote: يا كمال مقدر انفعالك واي شي بس رجاء روّق شويّة و ادي سناء فرصة تراجع الكلام, سوء الفهم و التفسير عادي بحصل
عارفو كلامي كلام اليدو في الموية بس هي نصيحة غايتو من اخوك البنصرك ظالم و مظلوم
وبعدها حبيت افتشك وقلتا ياودالبشرى الزولة دي لو انا مارديت ليها بعنف حا تجي تعتذر وحا تبقى بطلة بعد تعتذر وانا عاوز اعرف هي زولة عندها اهتمام حقيقي بقضايا المرأة والمجتمع جد ولا النوع المأزوم داك , لو عندها اهتمام حقيقي وزولة جاية هنا تكتب من منطلقات حقيقية ما حا تتجاوب مع استفزازي (بتاع اقدك ليك عينك ) وحا تعتذر احتراما لنفسها وللناس ولقضايا هي مؤمنة بيها حقيقة , اما لو مأزومة ساكت فحا تكابر بناء على الاستفزاز ده .. ولما كابرتي وبديتي تتعري وعرفتا انك مأزومة ساكت .. وماعندك هم مجتمعي ولا جندري , رجعت بسرعة انا صححتا موقفي وقلتا من عفى واصلح فأجره على الله.. أنا تربية مرة بت ناس وعرين جدا وعيننم شوافة وحكيمين ياسناء هانم .. وممكن ودالبشرى يشهد على الكلام ده .. وما بكذب ده زول اخلاقو مازي اخلاق الناس البدفعوا فيك للسقوط ديل .. بالمناسبة كبر وابوساندر مداخلتهم حسستني بانهم فهموني وضحكت على مداخلتهم , لانك لو سمعتي كلامهم واعتذرتي بغض النظر عن استفزازي كنتي كسبت احترام نفسك في الاول واحترام عزيزك القارئ واحترامي انا ده زاتي .. لانو استفزازي ليك شئ .. وغلطتك المفروض تعتذري عنها شئ تاني ..
بقية مداخلتك مرافعة ماعندها معنى ولا انتي مؤهلة ليها , لانها في الدفاع عن المرأة السودانية وكلها شعارات ما بتتمثل في زولة زيك .. (زيك دي من خلال لتك وعجنك وتأويلاتك البتدل أما على بساطة وقل ادراك , أو و س ا خ ة وافكار مريضة ) واختاري ... يا أما فهمتي غلط وده بوجب عليك الاعتذار .؟ يا أما أنتي زولة بسيطة ومافاهمة التكتح ؟ يا أما افكارك مريضة .. ومخط و س خ ا ن ؟
مسألة في غاية البساطة .. ومحاولاتك كلها لتأويل العشرة وتحويلها إلى تعشير تؤدي إلى الإساءة لشخصك فقط ..
Post: #120 Title: Re: بالنهار كوريلا و بالليل غوريلا ..! Author: بشير أحمد Date: 10-22-2012, 08:49 PM Parent: #119
هسع كده كويس ياكمال ياخوي ؟
اهو طلعنا مطبلاتية لحضرة سيادتكم !!!
_______
كده بجيك راجع يالدباسي في كابشر كده لعضوة قالت لعضوة كوزة كلام كده انا مابقدر اقولو لكن عشان الظلم حرام ؛باخد لي جكة كده للارشيف اكان جيتك هو المطلوب واكان صهّينت منك ياني الماني جاي راجع.
Post: #122 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 09:50 PM Parent: #120
يادكتور بشير : بتكون افتكرت اساءتا للعضوة الكوز دي نضال وبكون كمان جو طبلوا ليها واتعبروها هزت عرش البشير .. والزولة الكتبت الكلام ده قبل ما اعرفا منو , اراهنك حاتكون واحدة من ناس نضال حتى السفر واللجوء .. يعني باختصار من ناس الحقونا كتلونا .. حصلونا نحن في قبضة النظام ونجي جارين نحنا (كامل التضامن مع فلان) والموت للكيزان .. وبعدها بأسبوع تسمع زغاريد في البورد تسأل في شنو ؟ يردوا عليك : فلانة طهرت اولادا في كندا ولا استراليا ولا النروج .. طيب فلانة دي مش المناضلة الللي أعلنا كامل التضامن معاها ؟ يقولوا ليك ايوة .. طيب مش هي في قبضة النظام ..؟ يقولوا ليك لا ياخ .. الزولة دي ناضلت وناضلت ولما ضيقوا عليها الخناق اضطرت تهاجر وبعدها بسنة تسمع بيها محتفلين بيها في نص الخرتوم ..
___________________________________ يادكتور بشير ... تجاوز لقومي فوطني لا وجيع له وما تعتبر ديل نموذج للمرأة السودانية أو حتى ممثلين ليها المرأة السودانية ما ادتهم تفويض ينافحوا عنها بالاساءة والتأويل وابتزال العلاقة الانسانية بحجة الجندر وتحويلا (لتعشير ) تارة ولمسالة مادية بحتة تحتاج إلى محفزات وتقاس بطولة البال.. دي معركة يادكتور ماعندها علاقة بالسياسة .. دي معركة عندها علاقة بقيم الشعب السوداني الراسخة من زمن طويل القيم دي ما بتهزها واحدة أو اتنين بعانوا أزمة ما .. لكن التجاوز ليهم برسخ انهيار القيم دي بحجة الجندر او ادعاء اصلاح المجتمع والدفاع عن المرأة ضد الرجل السوداني الغاشم الغشيم أو ضد النظام الإسلاموعروبي الفاشستي .. وكمان لو ادوها حبة اساءة لواحدة كوزة بكونوا كده قاموا بعملية نضال وتحرير مذدوج للمرأة والوطن ..
فيلم طويل يادكتور .. بس خشيناكتير وحفظناهو صم .. ودي معركة مابتتوقف عند سناء ولا زينب وكمال .. دي معركة كلما اتواصلت بحصل تعرية لأي إدعاءات جوفاء وبتهزموا عند لحظة (الأنا) وبطلعوا مافي جوفهم ..
Post: #121 Title: Re: بالنهار كوريلا و بالليل غوريلا ..! Author: زينب محمد عبدالله Date: 10-22-2012, 09:19 PM Parent: #118
يا سناء ما تتعبى نفسك مع المدعو كمال دا ...دا زول ما بحترم المرأة خالص وانا فهمتو ليك من اول مداخله ... وكل ما يكتب يتفضح اكثر يا سناء الزول دا مفتكر انو بى اسلوب النبذ والاساء واسلوب التخويف يقدر يوقف واحدة من الزميلات من الرد على مداخلاته يا اختى العزيزه الاخ كبر سألو سؤال واحد بدل يجاوب على السؤال لف ودور واتكلم عن الانجليز ومحمود محمد طه وفتاة رفاعه والخفاض وووو الانشاء دى كلها ما كان فى ليها داعى بالعكس بتكشف شخصيتو اكتر اتخيلى بكل قوة عين قال عايز اعتذار !!!! يا خى انت نبذتها وهددتها وقلت بدخليها صباعك فى عينها !!!وبرضو بتتكلم عن الاعتذار الاختشو ماتو ..... يا كمال اقعد فى الواطه دى وخلى النفخه الفى الفاضى واسلوب الفاتيات دا ....
سناء فهمتك غلط تعال بى كل احترام وقوليها يا سناء انتى فهمتنى غلط انا ما قاصد كدا .... وبعديها تعال اطلب اعتذار.....الاسلوب المحترم والنفس الهادىء دا ما بتقدر عليه؟؟ لكن يبدو انك انسان دواخلك هشه وانفعالى بمعنى الكلمه خاصه لمن تناقشك امرأة ......عالج مشاكلك دى اول حاجه ....والبورد ملحوق
وبعدين نصيحه لى وجه الله .... خليك انسان كبير اتكلم ودافع عن افكارك وما تضيع زمنك فى مهاترت الاشخاص
اما المتداخليين هنا يا سناء وان اختلفنا معهم فهم اخوان محترمين جدا
طبعا حيجى جارى جرى يردح ردحى عشان بس يرد على مداخلتى دى .... غايتو دا فلم هندى عجيب
Post: #123 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 10:18 PM Parent: #121
Quote: طبعا حيجى جارى جرى يردح ردحى عشان بس يرد على مداخلتى دى .... غايتو دا فلم هندى عجيب
طبعا يازينب هو أنتي بتتفوتي .. :)
Quote: اتخيلى بكل قوة عين قال عايز اعتذار !!!! يا خى انت نبذتها وهددتها وقلت بدخليها صباعك فى عينها !!!وبرضو بتتكلم عن الاعتذار الاختشو ماتو .....
زينب هانم .. الاعتذار ما لي انا ؟ الاعتذار من سناء ولا منك ولا من أي كان مابعني لي شي .. بس درس مهم ليك وليها : أنا بغلط كتير زيي زي أي بني ادم , لكن لما أعرف غلطي بعتذر عشان نفسي مش عشان الزول الغلطتا فيهو .. يعني قيمة اعتذار سناء .. من قيمتا هي .. ومن احتراما هي لنفسها .. اسي أنا كمال الزين ده بكامل ارادتي بعتذر لسناء عن كلمة بدخل صباعي في عينك دي ..مش عشان سناء خوفتني ولا ارهبتني ولا بتهز شعرة من راسي باساءتا .. نوووووووووو انا غلطتا وبعتذر احتراما لنفسي دي واحتراما لعزيزكم القارئ ..ده
أما اساءتك لي ولا اساءة سناء ولا غيرا فالسيد المسيح قال : يستمد الكلام أهميته من قائله .. يعني كلامكم قيمتو من قيمتكم .. ومستمتع شديد كلما اوغلتو في الاساءة بالمناسبة ..
Quote: واسلوب الفاتيات دا
يازينب هانم .. ممكن تدينا تعريف لمن هي الفاتية؟ , بوصفك ناشطة في الدفاع عن حقوق المرأة وليه أخترت تأنيث الكلمة ؟ يعني هل الصفة الانثوية وتاء التأنيث دي بتجعلني أقل قيمة ومفروض ازعل شديد لأني أنحطيت لمستوى أنثوي من ناحية ولمستوى أنثى منحطة في نظرك كمان ؟ وليه مالقيت عيوب رجولية مثلا , يعني ليه تجاوزت حتى العيوب الممكن تزعل الرجل وجريتي طوالي لتشبيه بأنثى ولا الراجل مهما انحطا ما مكن يصل لمستوى انحطاط الانثوى من وجهة نظر زينب هانم ؟
مش قلتا ليك تهرفون بما لا تعرفون .. وبتدعوا حاجات على سبيل الأدعاء المحض لتصنفوا على غير ما أنتم عليه .. وتجوا فجأة لا وعيكم يحدث عنكم ..
منتظر أجابة على السؤال الهام ده لأنو بخص شريحة من شرائح المرأة هم (الفاتيات) أو كما وصفتهم وجاء بعضمة لسانك ..
_____________________________________________
زينب وسناء .. أنا مستمتع جدا بالاكتشافات دي .. وما تتعبوا نفسكم في الايغال في الاساءة , مابتجيب معاي نتيجة بل بالعكس بتعريكم حتى لو نافقكم من نافقكم ..
بقية مداخلتك برضو ليست ذات قيمة عندي نسبة لإيماني بقول السيد المسيح أعلاه (يستمد الحديث أهميته من قائله) أو فيما ما معناه ..
ردي على السؤال .. لو سمحتي .. من حسن حظك انا بكرة مشغول طول اليوم .. بس ما بفكك ساكت في موضوع الإساءة بالصفات الأنثوية ده , لأنو أنا من زمان عندي نظرية (المرأة الحارس والقيم على التقليل من شأن المرأة ) وأنتي خير نموذج خاصة لما تستفزي وتخلعي مكياج الجندر والوعي بدون ماتدري ..
Post: #124 Title: Re: بالنهار كوريلا و بالليل غوريلا ..! Author: كمال علي الزين Date: 10-22-2012, 11:01 PM Parent: #123
Quote: يا سناء ما تتعبى نفسك مع المدعو كمال دا ...دا زول ما بحترم المرأة خالص وانا فهمتو ليك من اول مداخله
زينب لما تجاوبي على محاولتك الفاشلة للاساءة لي بوصفي وصفي انثوي .. عندها حانعرف انتي مؤهلة للحكم على احترامي للمراة من عدمو ..
يبدو انو احترام المرأة في نظرك ونظر سناء هانم هو الاتفاق معاكم ومنافقتكم , والتطبيل لادعاءاتكم كمان بتعجبوني شديد لما تتكلموا بلسان المراة السودانية ومرة كمان بلسان المرأة عموماً كده .. كأنوا الرجل ده كائن فضائي ..وفجأة تقعوا على خشمكم وتبدو تأولوا كلامي ولا تحاولوا تستفزوني بساءة كده على الماشي ..
زينب هانم .. دي مداخلة تانية مخصوص عشان ما اضيع عشمك فيني .. في اني حا اردح ليك وحا اجي جاري ارد ليك .. ثم هل الردحي دي كلمة صفة انثوية برضو مفروض تزعلني ؟
ياخي انتي ثروة قومية يازينب ومثال جيد لأزمة المرأة المعاصرة .. افوت مداخلاتك كيف ؟
عندي واحدة من اماتي محتجة على حكاية (أغلب أهل النار من النساء ) ودي حاجة في الدين وهي زولة متدينة جدا أتذكرتها وانا بقرأ في فيك كنموذج لأزمة المرأة المعاصرة وقارنتا بينك وبينا , يعني هي تصالحا مع نفسها خلاها ماتسلم بالمقولة اعلاه حتى وان وردت في الاثر الديني كحديث .. وده الفرق بينها وبين نموذجكم ده ..
بعد ما تجي تشتميني وماتعرفي تردي على الورطة الورطتي نفسك فيها .. حا أتجاوز اسائتك .. وحا أواصل موضوع تصالحا مع التدين ورفضها لفكرة اغلب اهل النار من النساء وبين جندريتك المدعاة ومحاولة اساءتك لرجل بأوصاف انثوية ..
_____________________________________
بعد غد نواصل ..
Post: #125 Title: Re: بالنهار كوريلا و بالليل غوريلا ..! Author: زينب محمد عبدالله Date: 10-22-2012, 11:36 PM Parent: #123
شكرا يا كمال على الهدوء ( النسبى) فى الرد هذه المره ولو واصلت على هذا النوال سوف يزول سوء الفهم ولو طالبنى مليون اعتذار انا مستعده اعتذر وصدقنى انا اهون لى الف مره انو زول يغلط فى حقى مما انا اغلط فى حق زول تانى
كلمه فاتيه وعلى حسب معلوماتى المتواضعه فى هذا المجال تقال للمرأة او الرجل البيشاكل وينبذ نبذ دون المستوى فى الشىء البسوى والما بسوى وعامل/عامله فتوه فى اى مكان
انتا كتبته الآتى :-
( أما اساءتك لي ولا اساءة سناء ولا غيرا فالسيد المسيح قال : يستمد الكلام أهميته من قائله .. يعني كلامكم قيمتو من قيمتكم .. ومستمتع شديد كلما اوغلتو في الاساءة بالمناسبة .. )
اها يا كمال اسلوب رمتنى بدائها ونسلت دا ما ينفع !!!! وكل المداخلات موجوده
اولا يا كمال انت من بدأتا بالاساءة فى بوست الخواجه بتاع حليمه ارجع للبوست وشوف اول مداخله لى معاك كنت عباره عن سؤال
وشوف ردك كان كيف .... حتى انت فى نهايه مداخلتك ذكرتا الاتى
( وأرجو أنك تسمحي لي لو اتجاوزتا معاك أو قسوت عليك لأني كتبتا المداخلة بسرعة وبلساني (المخبئ ذاتي لتعرفوني كما أنا )
حتى قرار قفل البوست كان بى سببك انتا هل نسيت العبارات القلتها ؟؟؟
عشان كدا متحاول تقول انو انا أسات ليك وتقعد تلعب دور الضحيه وكمان بتقول مستمتع!!!!! انت منفعل وليس مستمتع
اها يا كمال وعلى ذكر السيد المسيح عليه السلام .....ما تنسى انو السيد المسيح برضو قال
ليس كل ما يدخل الفم ينجسه وانما ما يخرج من الفم
وعليك الله كلام من شالكه ما بفكك وما بخليك ما تستعملوه هنا لانو اسلوب غير مناسب
Post: #126 Title: Re: بالنهار كوريلا و بالليل غوريلا ..! Author: كمال علي الزين Date: 10-23-2012, 00:43 AM Parent: #125
Quote: وعليك الله كلام من شالكه ما بفكك وما بخليك ما تستعملوه هنا لانو اسلوب غير مناسب
Quote: لو واصلت على هذا النوال سوف يزول سوء الفهم ولو طالبنى مليون اعتذار انا مستعده اعتذر وصدقنى انا اهون لى الف مره انو زول يغلط فى حقى مما انا اغلط فى حق زول تانى
اها رجتي تاني للمربع الاول بتاع الافتراضات والتأويل .. وبتغالطيني في نفسي وفق ادعاء المعرفية اللا محدودة .. انا يازينب مستمتع وحاة الله مستمتع ومعروف عني بالمناسبة لما انفعل بنفعل للحظات .. ولما زول يشتمني عندي برود بحسدوني عليه الناس :) وبسمع الشتيمة للاخر .. وبسكت وممكن ارد عليها بكلمة تستفز الزول لحدي مايواصل شتيمة دي حاجة بعرفوها ناس بعرفوني عن قرب مش ناس بتعلم الغيب زيك كده :) .. ولما زول يشتمني بكون بحكي وبضحك ..
Post: #128 Title: Re: بالنهار كوريلا و بالليل غوريلا ..! Author: كمال علي الزين Date: 10-23-2012, 01:04 AM Parent: #126
Quote: كلمه فاتيه وعلى حسب معلوماتى المتواضعه فى هذا المجال تقال للمرأة او الرجل البيشاكل وينبذ نبذ دون المستوى فى الشىء البسوى والما بسوى وعامل/عامله فتوه فى اى مكان
أنا طبعاً يازينب ما حا احاول أزنق عليك وحا أقبل الشرح ده , وبالمناسبة لأني فعلا ماعارف كلمة (فاتية ) دي بتعني شنو غير انها نبذة وحشة ويتتقال بس للمرأة بحكم تاء التأنيث الظاهرة على آخرها :)
وكل البقدر اقولو ليك :ليه ما كانت (فاتي) يعني مذكر وبقت (فاتية ) مؤنث ..؟ وهل تاء التأنيث للتحقير ؟
_______________________________________________ وباجماعة بالله ساعدونا بالتأكيد على مصداقية المعنى الاوردتو زينب ده أو جيبوا لينا المعني الحقيقي لو كان شرحهاللمعني ده (مكاورة )ساكت برضو لمجرد المخارجة :)
_____________________________________________ دكتور بشير يتمنع وشرحه لا يعتد به عشان مايحسب في طور الاصطياد في الماء العكر :) ودالبشرى حكمو مقبول الخطيب مقبول كبر مقبول ابوساندرا مقبول لانو ما اظنهم حا يبينو اصحاب غرض .. قيقا مقبول وصبري مقبول وطبارك زاتو مقبول..
في انتظار مطابقة المعنى الزينبي للكلمة مع المعنى المتعارف عليه .. لو أتطابقوا يازينب .. براءة ونمشي لي قدام وحا أعتذر ليك كمان عن سوء الفهم .. عشان أنا بالمناسبة لسا مابديت في موضوع التوبيك ده.. :)
Post: #132 Title: Re: بالنهار كوريلا و بالليل غوريلا ..! Author: زينب محمد عبدالله Date: 10-23-2012, 02:41 AM Parent: #128
يا كمال اتخارج شنو كمان .... عليك الله ماتعمل ليك بطولات متوهمه فى الفاضى
الظاهر عليك انت لسه ما كملتا مراهقتك
كمال على الزين كتب :-
( دي حاجة بعرفوها ناس بعرفوني عن قرب مش ناس بتعلم الغيب زيك كده :) .. ولما زول يشتمني بكون بحكي وبضحك ..)
يا اخى نحنا بنحكم عليكم بما تكتبه هنا..... دى ما عايزه ليها علم غيب ولا ناس بعرفونى عن قرب وانا ذكرتا ليك فى اول مداخله فى بوست حليمه انو المرء مخفى تحت لسانه تحدثوا تعرفو ا
الشىء البتكتبو هنا بعبر عنك وعن فهمك وتعليمك وشخصيتك وتربيتك انتا انسان انفعالى متناقض وكلامك ما متماسك ولو عايز امثله بنديك من كلامك وبى ما خطه كيبوردك ....فما تحاول تتفهلو وتعمل فيها الود ظريف وفاهم .... ما خايله فيك المسأله دى
وبعدينك الناس البتستنجد بيهم ديل عشان يجو يهاترو وينقذوك دا اسلوب العاجز ... دير معركتك براك ...عندك تعريف لى كلمه فاتيه اضافى قولو اهو زياده الخير خيرين اوعك تعمل فيها الود حنكوش وما سمع كلمه فاتيه ....قال ايه ( لأني فعلا ماعارف كلمة (فاتية ) دي بتعني شنو غير انها نبذة وحشة ) هههههههه هههههههه يا ولد لا.... بسحروك ...
يا كمال انا وصفته اسلوبك بى اسلوب الفاتيات امشى ارجع اقرا مداخلتى تانى وتالت ورابع لو لقيت انو انا قلت انو كمال فاتيه جيب الكوت وتعال انا بعتذر ليك ...غير كدا البتبلل بعوم .... ما تمسك ليك فى كلمه وتقعد تولول زى الولد الصغير .....انتا ما بديت الاساءة من بوست الخواجه ما تسأل نفسك ليه الناس ما طالبتك بى اعتذار ؟؟؟ الاجابه تلقاها فى مقوله المسيح الجاى فرحان بيها دى
(يستمد الحديث أهميته من قائله) عشان كدا كلام الصبينه بتاعك واساتك كلها ماعندها اهميه لانو انتا قائلها
امشى للبوست التانى الفتحتو عشان فى ناس سالوك ووعدتهم بالرد ونحنا فى الانتظار عشان نشوف افلامك الهنديه دي آخرتا ويين غايتو دخلتا نفسك فى ورطه وبقيت زى كورة ال snow المدحرجه
Post: #127 Title: Re: بالنهار كوريلا و بالليل غوريلا ..! Author: سناء عبد السيد Date: 10-23-2012, 00:57 AM Parent: #125
تحياتي اختي زينب .. اسمع يا كمال .. اولاً انا ضد تقويم الأطفال بالضرب و التهديد .. لكني طلبت اني اضربك .. لأني حسيت انه ده اسلوب كان بقوموك بيه في صغرك و شكله كان جايب نتيجة لذلك شايفاك بتستعملوا معاي .. كمال انت بتتدعي الوعي و بالتحديد فيما يخص قضايا المرأة و ده كلام ما صحيح للآتي: اولاً : اسلوبك الغير حضاري و الفاظك الإستعملها معاي و مع غيري ..معتقد انه استعمال الألفاظ اسلحة فتاكة ضد النساء اسلوب التهديد و التخويف : الإستعملتهم معاي( طبعاً دي كلها اشياء بتدينك انت و ما بتمسني بشي) اها لمن ديل كلهم ما نفعوا معاي جاي تستعمل اسلوب العمر: لأنك بتعتقد إعتقاد خاطئ انه المرأة ممكن تتعقد من حتة السن دي ..انا طبعاً خليتك تشطح لأني متأكدة انه انت حتكون خالو كمال بالنسبة لي على اقل تقدير ههههه.. اسه عليك الله اماتنا و حبوباتنا و اخواتنا الكبار و خالاتنا و عماتنا كبر سنهم بنقص منهم شي؟ و للا اصلاً كبر السن بنقص من قيمة الإنسان ؟ شي رابع: تناقضك في كلامك القلته في بوست حليمة
Quote: ((و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق
كدي لو اتجاوزنا قصة المعاشرة و انت قلتا انه ده ما كان قصدك طيب يا سيدي في النقطة دي فقط بعتذر ..اها حتة البارات الانت شنفتا فيها البنات لمن انا جيت رديت عليك انت قلتا انه الخمر مشروب روحي و قربت تقطع فيه قصيدة ..طيب سؤالي ليك ..فيما كانت معاتبتك للفتيات البمشوا البار إذا انت ما عندك راي سلبي في الخمر؟؟؟؟ شفتا ما قلتا ليك انت في النهاية بتتناقض ..انا طبعاً قلتا راي مسبقاً في انه التشنيف لاحق الطرفين االاولاد و البنات و برفض تماماً حتة انه العيب يقتصر على الفتاة او المرأة لكن لمن يجي للولد يبقى ما عيب و دي نقطة تحاوري الجوهرية معاك سبب خامس .. جيت اهنتا شريحة معينة من النساء العاملات في الكفتريات و قس على ذلك العاملات في البوفيهات .. دي إهانة في حق النساء الشريفات قليلات الحظ سبب آخر : في احدى المداخلات جيت قلتا لي بما معناه انك ياداب تصلحي ربة منزل .. البعيب شنو في المرأة لمن تكون ربة منزل ..كم زميل و زميلة هنا امهاتم و زوجاتم ربات منازل!! و في مداخلتك القبل الأخيرة:
Quote: زمن التعشير ولى .. والغنم والتيوس مازي زمنكم
Quote: بربوهم في البيوت
.. نحنا جيل بشوف اللبن فجأة كده قدامو في قزاز او مجفف , اتظلمنا لما فاتتنا مادة التعشير دي .. مابعرف الغنماية دي زاتو بتبيض ولا بتتعشر الا من كتب المدرسة .. لذلك اعتذري ياخالتو وراعي فروق الوقت
.. عندك راي حتى في البربوا البهايم في البيت .. اسه عيبم شنو البربوا البهايم في البيت ؟؟ تاني جيت طلعتا نفسك صغير .. عاد انا جني و جن الولد البتصوغر و لأ كمان جاي مادي نفسك الحق في التبحج باعتبار انه الالولد الصغير عادي مفروض يتبحج..ده فهم شنو؟
انا ما عارفة انت جبت المفاهيم دي من وين؟ عندك راي في النساء البشتغلوا شغلنات بسيطة و عندك راي في البربوا بهايم في بيوتم و عندك راي حتى في البنات البمشوا السوق و في ربات المنازل .. و كمان جاي تتدعي الوعي و الإدراك ؟؟ طيب خليت للما واعيين و الجاهلين شنو؟ انت شخص غريب ياخي
Post: #129 Title: Re: بالنهار كوريلا و بالليل غوريلا ..! Author: سناء عبد السيد Date: 10-23-2012, 01:05 AM Parent: #127
انا لحدي هنا ما عندي شيئ اضيفه .. و بعتذر ليك يا كمال و لي اي زميل ممكن اكون زعلته بكلمة .. الدنيا عشر ذو الحجة و ايام مباركة بكرر إعتذاري و العفو و العافية و كل سنة و انتم طيبين مقدماً و تتحقق امنياتكم
Post: #130 Title: Re: بالنهار كوريلا و بالليل غوريلا ..! Author: كمال علي الزين Date: 10-23-2012, 01:42 AM Parent: #127
Quote: اسمع يا كمال .. اولاً انا ضد تقويم الأطفال بالضرب و التهديد .. لكني طلبت اني اضربك .. لأني حسيت انه ده اسلوب كان بقوموك بيه في صغرك و شكله كان جايب نتيجة لذلك شايفاك بتستعملوا معاي .. كمال انت بتتدعي الوعي و بالتحديد فيما يخص قضايا المرأة و ده كلام ما صحيح للآتي: اولاً : اسلوبك الغير حضاري و الفاظك الإستعملها معاي و مع غيري ..معتقد انه استعمال الألفاظ اسلحة فتاكة ضد النساء اسلوب التهديد و التخويف : الإستعملتهم معاي( طبعاً دي كلها اشياء بتدينك انت و ما بتمسني بشي) اها لمن ديل كلهم ما نفعوا معاي جاي تستعمل اسلوب العمر: لأنك بتعتقد إعتقاد خاطئ انه المرأة ممكن تتعقد من حتة السن دي ..انا طبعاً خليتك تشطح لأني متأكدة انه انت حتكون خالو كمال بالنسبة لي على اقل تقدير ههههه.. اسه عليك الله اماتنا و حبوباتنا و اخواتنا الكبار و خالاتنا و عماتنا كبر سنهم بنقص منهم شي؟ و للا اصلاً كبر السن بنقص من قيمة الإنسان ؟ شي رابع: تناقضك في كلامك القلته في بوست حليمة Quote: ((و امكن يارجاء نحنا المغتربين ديل اكتر ناس مفروض نكفر بالمراة السودانية , لأنو بنعاشر بنات اتولدو هنا واتربوا هنا وبقوا زي ماقال الطيب صالح (زي شجرة اتغرست في غير ارضها ) أو مامعناه وديل خياراتنا في الزواج , بس ديل برضو نسبة قليلة بنشوفهم من بار لي بار ومن مطعم لي مطعم ومن سوق لي سوق
كدي لو اتجاوزنا قصة المعاشرة و انت قلتا انه ده ما كان قصدك طيب يا سيدي في النقطة دي فقط بعتذر ..اها حتة البارات الانت شنفتا فيها البنات لمن انا جيت رديت عليك انت قلتا انه الخمر مشروب روحي و قربت تقطع فيه قصيدة ..طيب سؤالي ليك ..فيما كانت معاتبتك للفتيات البمشوا البار إذا انت ما عندك راي سلبي في الخمر؟؟؟؟ شفتا ما قلتا ليك انت في النهاية بتتناقض ..انا طبعاً قلتا راي مسبقاً في انه التشنيف لاحق الطرفين االاولاد و البنات و برفض تماماً حتة انه العيب يقتصر على الفتاة او المرأة لكن لمن يجي للولد يبقى ما عيب و دي نقطة تحاوري الجوهرية معاك سبب خامس .. جيت اهنتا شريحة معينة من النساء العاملات في الكفتريات و قس على ذلك العاملات في البوفيهات .. دي إهانة في حق النساء الشريفات قليلات الحظ سبب آخر : في احدى المداخلات جيت قلتا لي بما معناه انك ياداب تصلحي ربة منزل .. البعيب شنو في المرأة لمن تكون ربة منزل ..كم زميل و زميلة هنا امهاتم و زوجاتم ربات منازل!! و في مداخلتك القبل الأخيرة: Quote: زمن التعشير ولى .. والغنم والتيوس مازي زمنكم Quote: بربوهم في البيوت
.. نحنا جيل بشوف اللبن فجأة كده قدامو في قزاز او مجفف , اتظلمنا لما فاتتنا مادة التعشير دي .. مابعرف الغنماية دي زاتو بتبيض ولا بتتعشر الا من كتب المدرسة .. لذلك اعتذري ياخالتو وراعي فروق الوقت
.. عندك راي حتى في البربوا البهايم في البيت .. اسه عيبم شنو البربوا البهايم في البيت ؟؟ تاني جيت طلعتا نفسك صغير .. عاد انا جني و جن الولد البتصوغر و لأ كمان جاي مادي نفسك الحق في التبحج باعتبار انه الالولد الصغير عادي مفروض يتبحج..ده فهم شنو؟
انا ما عارفة انت جبت المفاهيم دي من وين؟ عندك راي في النساء البشتغلوا شغلنات بسيطة و عندك راي في البربوا بهايم في بيوتم و عندك راي حتى في البنات البمشوا السوق و في ربات المنازل .. و كمان جاي تتدعي الوعي و الإدراك ؟؟ طيب خليت للما واعيين و الجاهلين شنو؟ انت شخص غريب ياخي
طبعا ياسناء مداخلتك كلها برضو مبنية على تأويلات , عشان كده اتهمتك بالكبر .. لأنو حبوبتي الله يرحمها في اخر اياما كان قلتا ليه ازيك يا امي يتقولي قاصد شنو ؟ انتا اكيد قاصد اني ما امك وحبوبتك المربياك بس وبتعايرني :) وهكذا وثانيا : أنا ودناس عروب ساكت ومابقدر اعاير الناس البربوا الغنم في بيوتهم , وكلامي واضح ومحدد اسي مافي زول في زمنا ده بربى غنم في البيوت , وكمان بصراحة كلمة تعشير دي لا مؤاخذة مابعرفا زول من اجيالنا دي , وانا رغم اني زول فيني بداوة وبفخر بطريقةحياة اهلي الكواهلة والشكرية ونحنا الغنم هول اهلنا تب وعزهم في حلالهم وبهائمهم دي , وبكتب شعر بالعامية بتاعتهم ما وردت لي كلمة تعشير وما مكن اخاطر بي ايرادا لاني زول اعدائي كتار ومابصدقوا ادقس دفسة زي دي :)
ولما قلتا ليك مابمسكك كافتريا في المحكمة ما جبتا سيرة انو ده شغل نسوان ولا عيب حتى ذكرتا تخصصك حسب تراتبية الوظائف وحاجتا للمعرفة القانونية .. وده ما مهرب لأني لو كنتا قاصد كنتا أسي اعتذرت دون ادنى وجل ..
اما راي في البنات البمشوا البارات ده مفصل على البت السودانية بس , وامكن مبني على تكريم ليهم خاصة في مجتمع الخليج ده وخصوصيتو , اما راي الخاص في الخمرة .. فأنا ياسناء مابشربا .. ودي قناعتي انا وما عندي ماخذ على البشربا وماشغلتي وكتار من اصحابي البشربوا ماعندي فيهم راي ماعدا الادمان عليها ولما تاثر في شخصيتو وتسيطر عليهو ويجي مثلا يكتب لينا في البورد ده سكران او يسوق سكران او يطوطح قدام الناس .. والبت العاوزا تشربا زيها زي الراجل ماشغلتي فيها عندي شغل في تحول السلوك لسمعة وصفة تلاحق الزول .. يعني فلان السكران فلانة السكرانة فلان (الغيي) فلانة (البرستتيوت ) وهكذا ..
----------------------------------- واحد صاحبي بوردابي قبيل بتكلم معاي في التلفون قاطعوهو اصحابو سعوديين قالوا ليهو يا فلان جيب لينا عرقي او اعزمنا عرقي .. وهو مابشرب كازوزة حتى .. لكن ده برضو جزو من التنميط المرفوض ... زي قصة الكوريلا والغوريلا اللي بالمناسبة انا لسا مابديت فيها ... بالنسبة كمان للنسوان الدقوني زمان لما كنتا صغير ارجو من الاخ بخاري الامين ود خالتي بشرية زوج الزميلة نجلاء يجي بي جاي عشان خالتي بشرية الله يرحما امو كانت بتقطع لحمي بالخرطوش لما امشي البحر مع اصحابي وامي تكون مافي لمجرد انها صاحبة امي الانتيم ,يعني ما من بقية اهلي حتى الله يرحما شكلها ماكانت مستنيرة خالس خالس .. فياريتك كنتي موجودة ساعتها ياخلتو سناء كنتي حليتي لي معضلة كبيرة خاصة وانو خالتو بشرية الله يرحمها كان السوط منها بشق اللحم ويكسر العضم ...
اما عن اعتذارك ياسناء فالعفو والعافية .... لكن الحال في حالو بالنسبة للخلاف في حتة السلوك وقضايا المراة وممكن تاني اتجاوز في حقك بكلمة كده ولا كده حاكم انا سليط فوقفيني وطالبي باعتذار بضمن ليك اعتذر لكنني بشر خطاء ولا اضمن لك عدم وقوعي بالخطأ
___________________________________________
بالمناسب : فاتية يعني شنو ؟ :)
Post: #131 Title: Re: بالنهار كوريلا و بالليل غوريلا ..! Author: سناء عبد السيد Date: 10-23-2012, 02:09 AM Parent: #130
Quote: بالمناسب : فاتية يعني شنو ؟ :)
ههههههه والله خالتك سناء مسطحة شوية و والله ما عندي اي معرفة لكلمة فاتية .. سمعتها زمان من واحدة في الجامعة كانت بتتشاكل مع زميلا و قالت ليهو الكلمة دي لكن الى الآن ما عندي بيها معرفة .. خليني من دي انا كلمة تعشير المشربكني فيها دي والله ما عندي بيها علم .. غايتو كان قاصد المعاشرة و الانا كنتا قاصداها فواضحة لكن كلمة تعشير دي اول مرة اسمع بيها.. على كل العفو و العافية و زينب برضها اعفي ليها و هي حتجي تعتذر ليك و كلنا سخنا .. و على فكرة هي شرحت ليك معنى الكلمة لكن يا ولدي انت صعب شوية و عافية من خالتي بشرية فشت غبنا فيك قبل ما نلاقيك هنا :)
Post: #133 Title: Re: بالنهار كوريلا و بالليل غوريلا ..! Author: Hafiz Bashir Date: 10-23-2012, 04:34 AM Parent: #131
Quote: فذات مرة حدث لي موقف مع واحد لبناني موظف في بنك عندما جاء دوري في تخليص معاملة وحولنا مجموعة من العرب في الكوانترات المجاورة فسألني هذا الموظف بعد أن جلس في الكرسي أمامه هل بتحكي عربي وأنا لابس جلابية سودانية؟ فرديت عليه أنا أفريقي ولكن بحكي عربي أحسن منك يا فينيقي وأحسن كل العرب الحولك ديل وأنا بحكي عربي وفرنسي وانجليزي وياباني وسواحلي واتحداك ان تصمد أمامي دقيقتين محادثة في أي من اللغات التي ذكرتها بالذات الفرنسية التي تدعيها. والحاجة الثانية أنا بعرف أبوي وجدي وجد جدي العشرين وأبي كذلك وجدي كذلك فاتحداك أن تحسب خمس جدود. فوالله هذا اللبناني لم يستطع أن يقل كلمة غير الإعتذار.
هسه العربي و النقة الكتيرة دي لزومها شنو؟ سألك قال ليك "هل بتحكي عربي؟" قول ليهو "نعم" و خلاص.. في النهاية اللبناني إعتذر ليك عشان ينهي النقة الكتيرة دي لأنو بيحترم زمن العمل.. هسه لو كان موظف البنك دا سوداني كان لغاية هسه باقي الإخوة العرب يكونوا منتظرين دورهم في تخليص معاملاتهم
و كتبنا المداخلة دي ليه؟ لأنو موضوع البوست لا يستحق التعليق
Post: #134 Title: Re: بالنهار كوريلا و بالليل غوريلا ..! Author: المسافر Date: 10-23-2012, 08:47 AM Parent: #133
Quote:
وقلنا أن الجن والسحرة تجاذبوا مقدرات التشكل من كافة مستوياته العليا في المظاهر الملكية لدى الحاشية الملكية والنبلاء في وضع الغوريلا وتلى ذلك النزول بالمستويات السفلى بواسطة السحرة في وضع القطط والكلاب... وكل ذلك في بساط الخوف
نقلنا لكم المداخلة السابقة هنا عشان الخريف ده والمطر قطعت الطرق
وفي ملخص المداخلات السابقة لماذا هبت فينا ذكرى الغوريلا ( وكذلك ربطها بالكوريلا فخر الصناعة اليابانية التي صمدت في القمة لقرن من الزمان ) من عهود مضت كان الملوك يجمعون في مجالسهم شتى المخلوقات ( مثال : الملك سليمان عليه السلام ومن عنده علم الكتاب ، وعفريت من الجن والهدهد )... وقد اتضح لنا المستوى الراقي الذي كان مظهره جمع الملوك وحاشيتهم وطبقات النبلاء مع أهل العلم والمقدرات الخارقة واتخاذ الرمز ( الغوريلا السوداء ) ... وكذلك مرحلة أسفل سافلين الذي كان مظهره جمع السحرة والمتحولين في شكل الذئاب والقطط والكلاب والمرفعين والدوابي ... حتى مرحلة الأفاقين ( والدجل الكجور ) في مظهر المشعوذين الكذبة في شكل مسخ غير محدد مثال البعاعيت والأشباح وأم كلولوع وأم فركة وأم سكاسك وأبولمبة واستمرت هذه المرحلة لكي تدفن في مستواها بعض الفتوات والمغامرين وتبعهم بعض المتعلمين والمتعلمات الذين وقع عليهم الضيم والعذاب وفقدان المشاعر من أسباب تتعلق ... ويقال أن رئيس أحدى الدول الأفريقية كان من الفتوات المغامرين ومضى على منواله آخرين أصبح لهم سلفا سافل وتلف قافل فأطاحوا بشعوبهم من مستويات عليا ( الغوريلا السوداء ) إلى مستويات سفلى غير مسسوبقة ( ام كلوعلوع ، وأبو زنبوع المفجوع )...
ونواصل
Post: #135 Title: Re: بالنهار كوريلا و بالليل غوريلا ..! Author: المسافر Date: 10-23-2012, 09:00 AM Parent: #134
قلنا في المداخلة السابقة أن بساط الخوف اتسع بتمحور الكثيرين في مظهر أسفل سافلين وذكرنا الفتوة الذي تراس تلك البلاد وتبعه بعض المتعلمين الذين اتسعت أفكارهم لتشمل جذور الخوف من كافة العهود التي تصدر فيها السحرة والفجرة... فاجأ هؤلاء المتعلمين بقية العامة بمعاني تؤصل لمظهر التشكل الذي أصبح فيه السحرة وتابعيهم يكيلون بمكاييل الخوف بل ويوفون الكيل لمن أصابهم الضر حتى أصبح جميعهم يزحفون على بساط الخوف كالحشرات التي قد تصبح صيدا للحيات ، واصبح كبير المتعلمين يدعى برأس الحية وآخر يدعى نائبها وثالث بذنبها وآخرين تحرشفوا في قميصها الذي تنزعه المرة تلو المرة...
ونواصل ....
Post: #136 Title: Re: بالنهار كوريلا و بالليل غوريلا ..! Author: المسافر Date: 10-23-2012, 09:23 AM Parent: #135
Quote:
أصبح جميعهم يزحفون على بساط الخوف كالحشرات التي قد تصبح صيدا للحيات ،
قلنا أن البساط اتسع لكي يظهر فيها العامة في شكل الحشرات وأن يظهر فيها الآخرين كصيادين يمكنهم أن يسحقوا هذه الحشرات.. وقبل سحقهم لا ضير أن تتطبق فيهم مظاهر المرحلة ( البعاعيت والأشباح ) وإدخالهم بيوت الأشباح وممارسة هوايات التشكل من طبائع حيوانية أخرة ( أرنب نط ) وأبو الرقيع وأبو كسكتة ... وبابطين بوبطحة وابوفركة وأبو تكة
Post: #138 Title: Re: بالنهار كوريلا و بالليل غوريلا ..! Author: بشير أحمد Date: 10-23-2012, 09:49 AM Parent: #136
Quote: دكتور بشير يتمنع وشرحه لا يعتد به عشان مايحسب في طور الاصطياد في الماء العكر :)
ههههههه لكن لا باس اقول التعريف حقي: الفاتية:تقال للمرأة أُم صوتاً عالي وسط الرجال يعني كُبارنا يكونوا قاعدين يحلو ليهم في مشكلة وكلو زول قاعد يشخّط في الواطة بعصايتو ؛فجاة كدة تسمع صوت الفاتية وتلخبط شخيط الواطة ده ؛ مرات كده بتكون شايلة ليها مقشاشة ولاّ يد فندك.
بالنسبة للرجال :يقابلها :فُتوّة بيعني زول شايل عكازو ومرات معاهو سكين في الضراع؛ تقول كاني ماني بيديك عكاز في نص راسك؛
لكن النصيحة ياحماعة كمال قريبي ده ما بينطبق عليهو اياً من التعريفات والشلنات الفوق دي!!!
Post: #137 Title: Re: بالنهار كوريلا و بالليل غوريلا ..! Author: أبو ساندرا Date: 10-23-2012, 09:40 AM Parent: #135
يا كمال الزين أهلك الغنامة اكان كواهلة واللا شكرية واللا من العسال ، بيعرفوا التعشير وفي العسال تحديدآ كان في جمل ، حصان ، تيس مخصوص لعمليات التعشير دي وكانوا بيحظوا برعاية خاصة وتعذية خاصة ، وما عايز اقول : وإحترام خاص ف ما تعمل ضهبان من العبارة وتحتمي بإحتمال عدم معرفة اولاد جيلك بها لأنه إحتمال واهي ، فحتى الحناكيش رباهم أب منحدر عن جد عارف التعشير زي جوع بطنو فلا انت ولا سناء النوبية ما تعملوا رايحين من الكلمة دي لكن سناء بتكون راحت عليها ساي وانت عايز تروحها مخصوص
زنقة سناء من قولة تيت كانت متعلقة بسؤال واحد ، غض النظر عن سببه هو : هل أنت بترفض الفعل لمن تقوم به بنت وبتقبله عادي لو فعله ولد ؟ بعد شكل كتير ، جيت وإعترفت عندما مايزت في الفعل عندما يأتي من بنت على أساس الإحترام يعني ممكن تقبل فعل السكر لعلان ، ولكنك لن تقبله لفلانة ، لأنك بتميز الفلانات ديل من الأول لو التقطت نقطة سناء الرئيسية وجاوبت كما فعلت أخيرآ لكنت حرمتنا من سجال جميل برغم توتراته
أشد على أيادي سناء و زينب البادرن بإعتذار شفيف وشاف ولا يفوتك شيء من شد الأيادي
Post: #139 Title: Re: بالنهار كوريلا و بالليل غوريلا ..! Author: المسافر Date: 10-24-2012, 10:44 AM Parent: #137
فاتية كلمة محوة من فتاة
والفتاة يقصد بها البنت البالغة
تم تصغير الكلمة بقصد التفخيم للبلوغ مبلغ النساء والتلميح بشأنه فعلا ووصفا وما يليه من دلالات فأصبحت فتية مع كسر الفاء والتشديد على الياء وإهمال تاء التأنيث...
وتم جرجرة الفا لتضمين القصة المعروفة في ( رمز الألف ) الفاء طالعة والتاء نازلة بالإشارة إلى الطلوع والنزول
فأصبحت فااااتييية
وهي تقال للمحترفة
Post: #140 Title: Re: بالنهار كوريلا و بالليل غوريلا ..! Author: سلمى على محجوب Date: 12-22-2012, 05:05 PM Parent: #139
